| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[39] 9. нанд̣̇аж̇аад̇агаван̣н̣анаа
[39] 9. Nandajātakavaṇṇanā
ман̃н̃з сован̣н̣аяо раасийд̇и ид̣̇ам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрасса сад̣̇д̇хивихааригам̣ аараб̣бха гат̇зси. со гира бхигку суб̣б̣ажо ахоси важанагкамо, т̇зрасса маханд̇знуссаахзна убагаарам̣ гарод̇и. ат̇згам̣ самаяам̣ т̇зро сад̇т̇аарам̣ аабужчид̇ваа жааригам̣ жаранд̇о д̣̇агкин̣ааг̇ириж̇анабад̣̇ам̣ аг̇амааси. со бхигку д̇ад̇т̇а г̇ад̇агаалз маанад̇т̇ад̣̇д̇хо худ̇ваа т̇зрасса важанам̣ на гарод̇и ‘‘аавусо, ид̣̇ам̣ наама гарохий’’д̇и вуд̇д̇з бана т̇зрасса бадибагко ход̇и. т̇зро д̇асса аасаяам̣ на ж̇аанаад̇и. со д̇ад̇т̇а жааригам̣ жарид̇ваа буна ж̇зд̇аванам̣ ааг̇ад̇о. со бхигку т̇зрасса ж̇зд̇аванавихаарам̣ ааг̇ад̇агаалад̇о бадтааяа буна д̇аад̣̇исова ж̇аад̇о. т̇зро д̇ат̇ааг̇ад̇асса аарожзси ‘‘бханд̇з, маяхам̣ зго сад̣̇д̇хивихаариго згасмим̣ таанз сад̇зна гийд̇ад̣̇аасо вияа ход̇и, згасмим̣ таанз маанад̇т̇ад̣̇д̇хо худ̇ваа ‘ид̣̇ам̣ наама гарохий’д̇и вуд̇д̇з бадибагко ход̇ий’’д̇и. сад̇т̇аа ‘‘нааяам̣, саарибуд̇д̇а, бхигку ид̣̇аанзва звам̣сийло, буб̣б̣збзса згам̣ таанам̣ г̇ад̇о сад̇зна гийд̇ад̣̇аасо вияа ход̇и. згам̣ таанам̣ г̇ад̇о бадибагко бадисад̇д̇у ход̇ий’’д̇и вад̇ваа т̇зрзна яаажид̇о ад̇ийд̇ам̣ аахари.
Maññesovaṇṇayo rāsīti idaṃ satthā jetavane viharanto sāriputtattherassa saddhivihārikaṃ ārabbha kathesi. So kira bhikkhu subbaco ahosi vacanakkhamo, therassa mahantenussāhena upakāraṃ karoti. Athekaṃ samayaṃ thero satthāraṃ āpucchitvā cārikaṃ caranto dakkhiṇāgirijanapadaṃ agamāsi. So bhikkhu tattha gatakāle mānatthaddho hutvā therassa vacanaṃ na karoti ‘‘āvuso, idaṃ nāma karohī’’ti vutte pana therassa paṭipakkho hoti. Thero tassa āsayaṃ na jānāti. So tattha cārikaṃ caritvā puna jetavanaṃ āgato. So bhikkhu therassa jetavanavihāraṃ āgatakālato paṭṭhāya puna tādisova jāto. Thero tathāgatassa ārocesi ‘‘bhante, mayhaṃ eko saddhivihāriko ekasmiṃ ṭhāne satena kītadāso viya hoti, ekasmiṃ ṭhāne mānatthaddho hutvā ‘idaṃ nāma karohī’ti vutte paṭipakkho hotī’’ti. Satthā ‘‘nāyaṃ, sāriputta, bhikkhu idāneva evaṃsīlo, pubbepesa ekaṃ ṭhānaṃ gato satena kītadāso viya hoti. Ekaṃ ṭhānaṃ gato paṭipakkho paṭisattu hotī’’ti vatvā therena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ гудумб̣ияагулз бадисанд̇хим̣ г̇ан̣хи. д̇ассзго сахааяаго гудумб̣иго саяам̣ махаллаго, бхарияаа банасса д̇арун̣ий. саа д̇ам̣ ниссааяа буд̇д̇ам̣ бадилабхи. со жинд̇зси ‘‘аяам̣ ид̇т̇ий д̇арун̣ад̇д̇аа мамажжаязна ган̃жид̣̇зва бурисам̣ г̇ахзд̇ваа имам̣ д̇ханам̣ винаасзяяа, буд̇д̇асса мз на д̣̇ад̣̇зяяа, яам̣нуунаахам̣ имам̣ д̇ханам̣ бат̇авиг̇ад̇ам̣ гарзяяа’’нд̇и гхарз нанд̣̇ам̣ наама д̣̇аасам̣ г̇ахзд̇ваа аран̃н̃ам̣ г̇анд̇ваа згасмим̣ таанз д̇ам̣ д̇ханам̣ нид̣̇ахид̇ваа д̇асса аажигкид̇ваа ‘‘д̇аад̇а, нанд̣̇а, имам̣ д̇ханам̣ мамажжаязна маяхам̣ буд̇д̇асса аажигкзяяааси, маа жа нам̣ барижжаж̇асий’’д̇и овад̣̇ид̇ваа гааламагааси.
Atīte bārāṇasiyaṃ brahmadatte rajjaṃ kārente bodhisatto ekasmiṃ kuṭumbiyakule paṭisandhiṃ gaṇhi. Tasseko sahāyako kuṭumbiko sayaṃ mahallako, bhariyā panassa taruṇī. Sā taṃ nissāya puttaṃ paṭilabhi. So cintesi ‘‘ayaṃ itthī taruṇattā mamaccayena kañcideva purisaṃ gahetvā imaṃ dhanaṃ vināseyya, puttassa me na dadeyya, yaṃnūnāhaṃ imaṃ dhanaṃ pathavigataṃ kareyya’’nti ghare nandaṃ nāma dāsaṃ gahetvā araññaṃ gantvā ekasmiṃ ṭhāne taṃ dhanaṃ nidahitvā tassa ācikkhitvā ‘‘tāta, nanda, imaṃ dhanaṃ mamaccayena mayhaṃ puttassa ācikkheyyāsi, mā ca naṃ pariccajasī’’ti ovaditvā kālamakāsi.
буд̇д̇обисса ануггамзна ваяаббад̇д̇о ж̇аад̇о. ат̇а нам̣ маад̇аа ааха – ‘‘д̇аад̇а, д̇ава бид̇аа нанд̣̇ам̣ д̣̇аасам̣ г̇ахзд̇ваа д̇ханам̣ нид̇хзси, д̇ам̣ аахараабзд̇ваа гудумб̣ам̣ сан̣табзхий’’д̇и. со згад̣̇ивасам̣ нанд̣̇ам̣ ааха – ‘‘маад̇ула, ад̇т̇и гин̃жи маяхам̣ бид̇араа д̇ханам̣ нид̣̇ахид̇а’’нд̇и. ‘‘аама, саамий’’д̇и. ‘‘гухим̣ д̇ам̣ нид̣̇ахид̇а’’нд̇и. ‘‘аран̃н̃з, саамий’’д̇и. ‘‘д̇зна хи г̇ажчаамаа’’д̇и гуд̣̇д̣̇аалабидагам̣ аад̣̇ааяа нид̇хидтаанам̣ г̇анд̇ваа ‘‘гахам̣ маад̇ула, д̇хана’’нд̇и ааха. нанд̣̇о ааруяха д̇ханамад̇т̇агз тад̇ваа д̇ханам̣ ниссааяа маанам̣ уббаад̣̇зд̇ваа ‘‘арз д̣̇аасибуд̇д̇а жздага, гуд̇о д̇з имасмим̣ таанз д̇хана’’нд̇и гумаарам̣ аггосад̇и. гумааро д̇асса парусаважанам̣ суд̇ваа асун̣анд̇о вияа ‘‘д̇зна хи г̇ажчаамаа’’д̇и д̇ам̣ г̇ахзд̇ваа бадинивад̇д̇ид̇ваа буна д̣̇вз д̇аяо д̣̇ивасз ад̇иггамид̇ваа аг̇амааси, нанд̣̇о д̇ат̇зва аггосад̇и. гумааро д̇зна сад̣̇д̇хим̣ парусаважанам̣ авад̇ваава нивад̇д̇ид̇ваа ‘‘аяам̣ д̣̇аасо ид̇о бадтааяа ‘д̇ханам̣ аажигкиссаамий’д̇и г̇ажчад̇и, г̇анд̇ваа бана мам̣ аггосад̇и, д̇ад̇т̇а гааран̣ам̣ на ж̇аанаами, ад̇т̇и ко бана мз бид̇у сахааяо гудумб̣иго, д̇ам̣ бадибужчид̇ваа ж̇ааниссаамий’’д̇и б̣од̇хисад̇д̇асса санд̇игам̣ г̇анд̇ваа саб̣б̣ам̣ д̇ам̣ бавад̇д̇им̣ аарожзд̇ваа ‘‘гим̣ ну ко, д̇аад̇а, гааран̣а’’нд̇и бужчи.
Puttopissa anukkamena vayappatto jāto. Atha naṃ mātā āha – ‘‘tāta, tava pitā nandaṃ dāsaṃ gahetvā dhanaṃ nidhesi, taṃ āharāpetvā kuṭumbaṃ saṇṭhapehī’’ti. So ekadivasaṃ nandaṃ āha – ‘‘mātula, atthi kiñci mayhaṃ pitarā dhanaṃ nidahita’’nti. ‘‘Āma, sāmī’’ti. ‘‘Kuhiṃ taṃ nidahita’’nti. ‘‘Araññe, sāmī’’ti. ‘‘Tena hi gacchāmā’’ti kuddālapiṭakaṃ ādāya nidhiṭṭhānaṃ gantvā ‘‘kahaṃ mātula, dhana’’nti āha. Nando āruyha dhanamatthake ṭhatvā dhanaṃ nissāya mānaṃ uppādetvā ‘‘are dāsiputta ceṭaka, kuto te imasmiṃ ṭhāne dhana’’nti kumāraṃ akkosati. Kumāro tassa pharusavacanaṃ sutvā asuṇanto viya ‘‘tena hi gacchāmā’’ti taṃ gahetvā paṭinivattitvā puna dve tayo divase atikkamitvā agamāsi, nando tatheva akkosati. Kumāro tena saddhiṃ pharusavacanaṃ avatvāva nivattitvā ‘‘ayaṃ dāso ito paṭṭhāya ‘dhanaṃ ācikkhissāmī’ti gacchati, gantvā pana maṃ akkosati, tattha kāraṇaṃ na jānāmi, atthi kho pana me pitu sahāyo kuṭumbiko, taṃ paṭipucchitvā jānissāmī’’ti bodhisattassa santikaṃ gantvā sabbaṃ taṃ pavattiṃ ārocetvā ‘‘kiṃ nu kho, tāta, kāraṇa’’nti pucchi.
б̣од̇хисад̇д̇о ‘‘яасмим̣ д̇з, д̇аад̇а, таанз тид̇о нанд̣̇о аггосад̇и, д̇ад̇т̇зва д̇з бид̇у санд̇агам̣ д̇ханам̣, д̇асмаа яад̣̇аа д̇з нанд̣̇о аггосад̇и, д̇ад̣̇аа нам̣ ‘зхи рз д̣̇ааса, гим̣ аггосасий’д̇и аагад̣дхид̇ваа д̇ам̣ таанам̣ бхинд̣̇ид̇ваа гуласанд̇агам̣ д̇ханам̣ нийхарид̇ваа д̣̇аасам̣ угкибаабзд̇ваа д̇ханам̣ аахараа’’д̇и вад̇ваа имам̣ г̇аат̇амааха –
Bodhisatto ‘‘yasmiṃ te, tāta, ṭhāne ṭhito nando akkosati, tattheva te pitu santakaṃ dhanaṃ, tasmā yadā te nando akkosati, tadā naṃ ‘ehi re dāsa, kiṃ akkosasī’ti ākaḍḍhitvā taṃ ṭhānaṃ bhinditvā kulasantakaṃ dhanaṃ nīharitvā dāsaṃ ukkhipāpetvā dhanaṃ āharā’’ti vatvā imaṃ gāthamāha –
39.
39.
‘‘ман̃н̃з сован̣н̣аяо рааси, сован̣н̣амаалаа жа нанд̣̇аго;
‘‘Maññe sovaṇṇayo rāsi, sovaṇṇamālā ca nandako;
яад̇т̇а д̣̇аасо аамаж̇аад̇о, тид̇о т̇уллаани г̇аж̇ж̇ад̇ий’’д̇и.
Yattha dāso āmajāto, ṭhito thullāni gajjatī’’ti.
д̇ад̇т̇а ман̃н̃зд̇и звам̣ ахам̣ ж̇аанаами. сован̣н̣аяод̇и сунд̣̇аро ван̣н̣о зд̇зсанд̇и сован̣н̣аани. гаани д̇аани? раж̇ад̇аман̣иган̃жанабаваал̣аад̣̇ийни рад̇анаани. имасмин̃хи таанз саб̣б̣аанзд̇аани ‘‘суван̣н̣ааний’’д̇и ад̇хиббзд̇аани, д̇зсам̣ рааси сован̣н̣аяо рааси. сован̣н̣амаалаа жаад̇и д̇уяхам̣ бид̇усанд̇агаа суван̣н̣амаалаа жа зд̇т̇зваад̇и ман̃н̃аами. нанд̣̇аго яад̇т̇а д̣̇аасод̇и яасмим̣ таанз тид̇о нанд̣̇аго д̣̇аасо. аамаж̇аад̇од̇и ‘‘аама, ахам̣ во д̣̇аасий’’д̇и звам̣ д̣̇аасаб̣яам̣ убаг̇ад̇ааяа аамад̣̇аасисан̇каад̇ааяа д̣̇аасияаа буд̇д̇о. тид̇о т̇уллаани г̇аж̇ж̇ад̇ийд̇и ‘‘со яасмим̣ таанз тид̇о т̇уллаани парусаважанаани вад̣̇ад̇и, д̇ад̇т̇зва д̇з гуласанд̇агам̣ д̇ханам̣, звам̣ ахам̣ д̇ам̣ ман̃н̃аамий’’д̇и б̣од̇хисад̇д̇о гумаарасса д̇ханаг̇г̇ахан̣уубааяам̣ аажигки.
Tattha maññeti evaṃ ahaṃ jānāmi. Sovaṇṇayoti sundaro vaṇṇo etesanti sovaṇṇāni. Kāni tāni? Rajatamaṇikañcanapavāḷādīni ratanāni. Imasmiñhi ṭhāne sabbānetāni ‘‘suvaṇṇānī’’ti adhippetāni, tesaṃ rāsi sovaṇṇayo rāsi. Sovaṇṇamālā cāti tuyhaṃ pitusantakā suvaṇṇamālā ca etthevāti maññāmi. Nandako yattha dāsoti yasmiṃ ṭhāne ṭhito nandako dāso. Āmajātoti ‘‘āma, ahaṃ vo dāsī’’ti evaṃ dāsabyaṃ upagatāya āmadāsisaṅkhātāya dāsiyā putto. Ṭhito thullāni gajjatīti ‘‘so yasmiṃ ṭhāne ṭhito thullāni pharusavacanāni vadati, tattheva te kulasantakaṃ dhanaṃ, evaṃ ahaṃ taṃ maññāmī’’ti bodhisatto kumārassa dhanaggahaṇūpāyaṃ ācikkhi.
гумааро б̣од̇хисад̇д̇ам̣ ванд̣̇ид̇ваа гхарам̣ г̇анд̇ваа нанд̣̇ам̣ аад̣̇ааяа нид̇хидтаанам̣ г̇анд̇ваа яат̇аанусидтам̣ бадибаж̇ж̇ид̇ваа д̇ам̣ д̇ханам̣ аахарид̇ваа гудумб̣ам̣ сан̣табзд̇ваа б̣од̇хисад̇д̇асса оваад̣̇з тид̇о д̣̇аанаад̣̇ийни бун̃н̃аани гад̇ваа ж̇ийвид̇абарияосаанз яат̇аагаммам̣ г̇ад̇о.
Kumāro bodhisattaṃ vanditvā gharaṃ gantvā nandaṃ ādāya nidhiṭṭhānaṃ gantvā yathānusiṭṭhaṃ paṭipajjitvā taṃ dhanaṃ āharitvā kuṭumbaṃ saṇṭhapetvā bodhisattassa ovāde ṭhito dānādīni puññāni katvā jīvitapariyosāne yathākammaṃ gato.
сад̇т̇аа ‘‘буб̣б̣збзса звам̣сийлоязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа нанд̣̇о саарибуд̇д̇асса сад̣̇д̇хивихаариго ахоси, бан̣д̣ид̇агудумб̣иго бана ахамзва ахоси’’нд̇и.
Satthā ‘‘pubbepesa evaṃsīloyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā nando sāriputtassa saddhivihāriko ahosi, paṇḍitakuṭumbiko pana ahameva ahosi’’nti.
нанд̣̇аж̇аад̇агаван̣н̣анаа навамаа.
Nandajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 39. нанд̣̇аж̇аад̇агам̣ • 39. Nandajātakaṃ
