| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. нанд̣̇агалижчависуд̇д̇ам̣
10. Nandakalicchavisuttaṃ
1026. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко нанд̣̇аго лижчавимахаамад̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко нанд̣̇агам̣ лижчавимахаамад̇д̇ам̣ бхаг̇аваа зд̇ад̣̇авожа –
1026. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho nandako licchavimahāmatto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho nandakaṃ licchavimahāmattaṃ bhagavā etadavoca –
‘‘жад̇уухи ко, нанд̣̇ага, д̇хаммзхи саманнааг̇ад̇о арияасааваго сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о. гад̇амзхи жад̇уухи? ид̇ха, нанд̣̇ага, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. имзхи ко, нанд̣̇ага, жад̇уухи д̇хаммзхи саманнааг̇ад̇о арияасааваго сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о.
‘‘Catūhi kho, nandaka, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo. Katamehi catūhi? Idha, nandaka, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, nandaka, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
‘‘имзхи жа бана, нанд̣̇ага, жад̇уухи д̇хаммзхи саманнааг̇ад̇о арияасааваго ааяунаа сам̣яуд̇д̇о ход̇и д̣̇иб̣б̣знаби маанусзнаби; ван̣н̣зна сам̣яуд̇д̇о ход̇и д̣̇иб̣б̣знаби маанусзнаби; сукзна сам̣яуд̇д̇о ход̇и д̣̇иб̣б̣знаби маанусзнаби; яасзна сам̣яуд̇д̇о ход̇и д̣̇иб̣б̣знаби маанусзнаби; аад̇хибад̇зяязна сам̣яуд̇д̇о ход̇и д̣̇иб̣б̣знаби маанусзнаби. д̇ам̣ ко банаахам̣, нанд̣̇ага , наан̃н̃асса саман̣асса ваа б̣раахман̣асса ваа суд̇ваа вад̣̇аами. аби жа яад̣̇зва маяаа саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣, д̇ад̣̇зваахам̣ вад̣̇аамий’’д̇и.
‘‘Imehi ca pana, nandaka, catūhi dhammehi samannāgato ariyasāvako āyunā saṃyutto hoti dibbenapi mānusenapi; vaṇṇena saṃyutto hoti dibbenapi mānusenapi; sukhena saṃyutto hoti dibbenapi mānusenapi; yasena saṃyutto hoti dibbenapi mānusenapi; ādhipateyyena saṃyutto hoti dibbenapi mānusenapi. Taṃ kho panāhaṃ, nandaka , nāññassa samaṇassa vā brāhmaṇassa vā sutvā vadāmi. Api ca yadeva mayā sāmaṃ ñātaṃ sāmaṃ diṭṭhaṃ sāmaṃ viditaṃ, tadevāhaṃ vadāmī’’ti.
звам̣ вуд̇д̇з ан̃н̃ад̇аро бурисо нанд̣̇агам̣ лижчавимахаамад̇д̇ам̣ зд̇ад̣̇авожа – ‘‘нахаанагаало, бханд̇з’’д̇и. ‘‘алам̣ д̣̇аани, бхан̣з, зд̇зна б̣аахирзна нахаанзна. аламид̣̇ам̣ аж̇жхад̇д̇ам̣ нахаанам̣ бхависсад̇и, яад̣̇ид̣̇ам̣ – бхаг̇авад̇и басаад̣̇о’’д̇и. д̣̇асамам̣.
Evaṃ vutte aññataro puriso nandakaṃ licchavimahāmattaṃ etadavoca – ‘‘nahānakālo, bhante’’ti. ‘‘Alaṃ dāni, bhaṇe, etena bāhirena nahānena. Alamidaṃ ajjhattaṃ nahānaṃ bhavissati, yadidaṃ – bhagavati pasādo’’ti. Dasamaṃ.
саран̣ааниваг̇г̇о д̇ад̇ияо.
Saraṇānivaggo tatiyo.
д̇ассуд̣̇д̣̇аанам̣ –
Tassuddānaṃ –
махаанаамзна д̣̇вз вуд̇д̇аа, г̇од̇хаа жа саран̣аа д̣̇увз;
Mahānāmena dve vuttā, godhā ca saraṇā duve;
д̣̇увз анаат̇абин̣д̣игаа, д̣̇увз взрабхаязна жа;
Duve anāthapiṇḍikā, duve verabhayena ca;
лижчавий д̣̇асамо вуд̇д̇о, ваг̇г̇о д̇зна бавужжад̇ийд̇и.
Licchavī dasamo vutto, vaggo tena pavuccatīti.
