| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
5. нанд̣̇агад̇т̇зраабад̣̇аанам̣
5. Nandakattheraapadānaṃ
143.
143.
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
144.
144.
‘‘хид̇ааяа саб̣б̣асад̇д̇аанам̣, сукааяа вад̣̇ад̇ам̣ варо;
‘‘Hitāya sabbasattānaṃ, sukhāya vadataṃ varo;
ад̇т̇ааяа бурисааж̇ан̃н̃о, бадибанно сад̣̇звагз.
Atthāya purisājañño, paṭipanno sadevake.
145.
145.
‘‘яасаг̇г̇абад̇д̇о сиримаа, гид̇д̇иван̣н̣абхад̇о 1 ж̇ино;
‘‘Yasaggapatto sirimā, kittivaṇṇabhato 2 jino;
бууж̇ид̇о саб̣б̣алогасса, д̣̇исаа саб̣б̣аасу виссуд̇о.
Pūjito sabbalokassa, disā sabbāsu vissuto.
146.
146.
‘‘уд̇д̇ин̣н̣авижигижчо со, вийд̇ивад̇д̇агат̇ам̣гат̇о;
‘‘Uttiṇṇavicikiccho so, vītivattakathaṃkatho;
барибун̣н̣аманасан̇габбо, бад̇д̇о самб̣од̇химуд̇д̇амам̣.
Paripuṇṇamanasaṅkappo, patto sambodhimuttamaṃ.
147.
147.
‘‘ануббаннасса маг̇г̇асса, уббаад̣̇зд̇аа наруд̇д̇амо;
‘‘Anuppannassa maggassa, uppādetā naruttamo;
анагкаад̇ан̃жа агкааси, асан̃ж̇аад̇ан̃жа сан̃ж̇аний.
Anakkhātañca akkhāsi, asañjātañca sañjanī.
148.
148.
‘‘маг̇г̇ан̃н̃уу маг̇г̇авид̣̇уу 3 жа, маг̇г̇агкааяий нараасабхо;
‘‘Maggaññū maggavidū 4 ca, maggakkhāyī narāsabho;
маг̇г̇асса гусало сад̇т̇аа, саарат̇ийнам̣ варуд̇д̇амо 5.
Maggassa kusalo satthā, sārathīnaṃ varuttamo 6.
149.
149.
‘‘д̇ад̣̇аа махаагаарун̣иго, д̇хаммам̣ д̣̇зсзси нааяаго;
‘‘Tadā mahākāruṇiko, dhammaṃ desesi nāyako;
150.
150.
‘‘бхигкунийнам̣ овад̣̇анз, саавагам̣ сздтасаммад̇ам̣;
‘‘Bhikkhunīnaṃ ovadane, sāvakaṃ seṭṭhasammataṃ;
ван̣н̣аяам̣ зд̇ад̣̇аг̇г̇амхи, бан̃н̃абзси махаамуни.
Vaṇṇayaṃ etadaggamhi, paññapesi mahāmuni.
151.
151.
‘‘д̇ам̣ суд̇ваахам̣ бамуд̣̇ид̇о, ниманд̇зд̇ваа д̇ат̇ааг̇ад̇ам̣;
‘‘Taṃ sutvāhaṃ pamudito, nimantetvā tathāgataṃ;
бхож̇аяид̇ваа сасан̇гхам̣ д̇ам̣, бад̇т̇аяим̣ таанамуд̇д̇амам̣.
Bhojayitvā sasaṅghaṃ taṃ, patthayiṃ ṭhānamuttamaṃ.
152.
152.
‘‘д̇ад̣̇аа бамуд̣̇ид̇о наат̇о, мам̣ авожа махааиси;
‘‘Tadā pamudito nātho, maṃ avoca mahāisi;
‘сукий бхавассу д̣̇ийгхааву 9, лажчасз д̇ам̣ манорат̇ам̣.
‘Sukhī bhavassu dīghāvu 10, lacchase taṃ manorathaṃ.
153.
153.
‘‘‘сад̇асахассид̇о габбз, оггаагагуласамбхаво;
‘‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
154.
154.
‘‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘‘Tassa dhammesu dāyādo, oraso dhammanimmito;
нанд̣̇аго наама наамзна, хзссад̇и сад̇т̇у сааваго’.
Nandako nāma nāmena, hessati satthu sāvako’.
155.
155.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣суубаг̇о ахам̣.
Jahitvā mānusaṃ dehaṃ, tāvatiṃsūpago ahaṃ.
156.
156.
‘‘бажчимз жа бхавз д̣̇аани, ж̇аад̇о сздтигулз ахам̣;
‘‘Pacchime ca bhave dāni, jāto seṭṭhikule ahaṃ;
саавад̇т̇ияам̣ бурз варз, ид̣̇д̇хз пийд̇з махад̣̇д̇ханз.
Sāvatthiyaṃ pure vare, iddhe phīte mahaddhane.
157.
157.
‘‘бураббавзсз суг̇ад̇ам̣, д̣̇исваа вимхид̇амаанасо;
‘‘Purappavese sugataṃ, disvā vimhitamānaso;
ж̇зд̇аараамабадиг̇г̇аахз, баб̣б̣аж̇им̣ анаг̇аарияам̣.
Jetārāmapaṭiggāhe, pabbajiṃ anagāriyaṃ.
158.
158.
‘‘нажирзнзва гаалзна, арахад̇д̇амабаабун̣им̣;
‘‘Nacireneva kālena, arahattamapāpuṇiṃ;
д̇ад̇охам̣ д̇ин̣н̣асам̣сааро, саасид̇о саб̣б̣ад̣̇ассинаа.
Tatohaṃ tiṇṇasaṃsāro, sāsito sabbadassinā.
159.
159.
‘‘бхигкунийнам̣ д̇хаммагат̇ам̣, бадибужчаагарим̣ ахам̣;
‘‘Bhikkhunīnaṃ dhammakathaṃ, paṭipucchākariṃ ahaṃ;
саасид̇аа д̇аа маяаа саб̣б̣аа, абхавим̣су анаасаваа.
Sāsitā tā mayā sabbā, abhaviṃsu anāsavā.
160.
160.
‘‘сад̇аани бан̃жануунаани, д̇ад̣̇аа д̇удто махаахид̇о;
‘‘Satāni pañcanūnāni, tadā tuṭṭho mahāhito;
бхигкунийнам̣ овад̣̇ад̇ам̣, аг̇г̇адтаанз табзси мам̣.
Bhikkhunīnaṃ ovadataṃ, aggaṭṭhāne ṭhapesi maṃ.
161.
161.
‘‘сад̇асахассз гад̇ам̣ гаммам̣, палам̣ д̣̇ассзси мз ид̇ха;
‘‘Satasahasse kataṃ kammaṃ, phalaṃ dassesi me idha;
сумуд̇д̇о саравзг̇ова, гилзсз жхаабаяим̣ мама.
Sumutto saravegova, kilese jhāpayiṃ mama.
162.
162.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
163.
163.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
164.
164.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа нанд̣̇аго т̇зро имаа г̇аат̇ааяо
Itthaṃ sudaṃ āyasmā nandako thero imā gāthāyo
абхаасид̇т̇аад̇и.
Abhāsitthāti.
нанд̣̇агад̇т̇зрассаабад̣̇аанам̣ бан̃жамам̣.
Nandakattherassāpadānaṃ pañcamaṃ.
Footnotes:
