| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. नन्दकत्थेरअपदानं
6. Nandakattheraapadānaṃ
१६१.
161.
‘‘मिगलुद्दो पुरे आसिं, अरञ्ञे कानने अहं।
‘‘Migaluddo pure āsiṃ, araññe kānane ahaṃ;
१६२.
162.
‘‘अनुरुद्धो नाम सम्बुद्धो, सयम्भू अपराजितो।
‘‘Anuruddho nāma sambuddho, sayambhū aparājito;
विवेककामो सो धीरो, वनमज्झोगही तदा॥
Vivekakāmo so dhīro, vanamajjhogahī tadā.
१६३.
163.
‘‘चतुदण्डे गहेत्वान, चतुट्ठाने ठपेसहं।
‘‘Catudaṇḍe gahetvāna, catuṭṭhāne ṭhapesahaṃ;
मण्डपं सुकतं कत्वा, पद्मपुप्फेहि छादयिं॥
Maṇḍapaṃ sukataṃ katvā, padmapupphehi chādayiṃ.
१६४.
164.
‘‘मण्डपं छादयित्वान, सयम्भुं अभिवादयिं।
‘‘Maṇḍapaṃ chādayitvāna, sayambhuṃ abhivādayiṃ;
धनुं तत्थेव निक्खिप्प, पब्बजिं अनगारियं॥
Dhanuṃ tattheva nikkhippa, pabbajiṃ anagāriyaṃ.
१६५.
165.
पुब्बकम्मं सरित्वान, तत्थ कालङ्कतो अहं॥
Pubbakammaṃ saritvāna, tattha kālaṅkato ahaṃ.
१६६.
166.
‘‘पुब्बकम्मेन संयुत्तो, तुसितं अगमासहं।
‘‘Pubbakammena saṃyutto, tusitaṃ agamāsahaṃ;
तत्थ सोण्णमयं ब्यम्हं, निब्बत्तति यदिच्छकं॥
Tattha soṇṇamayaṃ byamhaṃ, nibbattati yadicchakaṃ.
१६७.
167.
‘‘सहस्सयुत्तं हयवाहिं, दिब्बयानमधिट्ठितो।
‘‘Sahassayuttaṃ hayavāhiṃ, dibbayānamadhiṭṭhito;
आरुहित्वान तं यानं, गच्छामहं यदिच्छकं॥
Āruhitvāna taṃ yānaṃ, gacchāmahaṃ yadicchakaṃ.
१६८.
168.
‘‘ततो मे निय्यमानस्स, देवभूतस्स मे सतो।
‘‘Tato me niyyamānassa, devabhūtassa me sato;
समन्ता योजनसतं, मण्डपो मे धरीयति॥
Samantā yojanasataṃ, maṇḍapo me dharīyati.
१६९.
169.
अन्तलिक्खा च पदुमा, वस्सन्ते निच्चकालिकं॥
Antalikkhā ca padumā, vassante niccakālikaṃ.
१७०.
170.
‘‘मरीचिके फन्दमाने, तप्पमाने च आतपे।
‘‘Marīcike phandamāne, tappamāne ca ātape;
न मं तापेति आतापो, मण्डपस्स इदं फलं॥
Na maṃ tāpeti ātāpo, maṇḍapassa idaṃ phalaṃ.
१७१.
171.
‘‘दुग्गतिं समतिक्कन्तो, अपाया पिहिता मम।
‘‘Duggatiṃ samatikkanto, apāyā pihitā mama;
मण्डपे रुक्खमूले वा, सन्तापो मे न विज्जति॥
Maṇḍape rukkhamūle vā, santāpo me na vijjati.
१७२.
172.
‘‘महीसञ्ञं अधिट्ठाय, लोणतोयं तरामहं।
‘‘Mahīsaññaṃ adhiṭṭhāya, loṇatoyaṃ tarāmahaṃ;
तस्स मे सुकतं कम्मं, बुद्धपूजायिदं फलं॥
Tassa me sukataṃ kammaṃ, buddhapūjāyidaṃ phalaṃ.
१७३.
173.
अहो मे सुकतं कम्मं, बुद्धपूजायिदं फलं॥
Aho me sukataṃ kammaṃ, buddhapūjāyidaṃ phalaṃ.
१७४.
174.
‘‘पुब्बेनिवासं जानामि, दिब्बचक्खु विसोधितं।
‘‘Pubbenivāsaṃ jānāmi, dibbacakkhu visodhitaṃ;
आसवा मे परिक्खीणा, बुद्धपूजायिदं फलं॥
Āsavā me parikkhīṇā, buddhapūjāyidaṃ phalaṃ.
१७५.
175.
‘‘जहिता पुरिमा जाति, बुद्धस्स ओरसो अहं।
‘‘Jahitā purimā jāti, buddhassa oraso ahaṃ;
दायादोम्हि च सद्धम्मे, बुद्धपूजायिदं फलं॥
Dāyādomhi ca saddhamme, buddhapūjāyidaṃ phalaṃ.
१७६.
176.
‘‘आराधितोम्हि सुगतं, गोतमं सक्यपुङ्गवं।
‘‘Ārādhitomhi sugataṃ, gotamaṃ sakyapuṅgavaṃ;
१७७.
177.
‘‘उपट्ठित्वान सम्बुद्धं, गोतमं सक्यपुङ्गवं।
‘‘Upaṭṭhitvāna sambuddhaṃ, gotamaṃ sakyapuṅgavaṃ;
पारङ्गमनियं मग्गं, अपुच्छिं लोकनायकं॥
Pāraṅgamaniyaṃ maggaṃ, apucchiṃ lokanāyakaṃ.
१७८.
178.
‘‘अज्झिट्ठो कथयी बुद्धो, गम्भीरं निपुणं पदं।
‘‘Ajjhiṭṭho kathayī buddho, gambhīraṃ nipuṇaṃ padaṃ;
तस्साहं धम्मं सुत्वान, पत्तोम्हि आसवक्खयं॥
Tassāhaṃ dhammaṃ sutvāna, pattomhi āsavakkhayaṃ.
१७९.
179.
‘‘अहो मे सुकतं कम्मं, परिमुत्तोम्हि जातिया।
‘‘Aho me sukataṃ kammaṃ, parimuttomhi jātiyā;
सब्बासवपरिक्खीणो, नत्थि दानि पुनब्भवो॥
Sabbāsavaparikkhīṇo, natthi dāni punabbhavo.
१८०.
180.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१८१.
181.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१८२.
182.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा नन्दको थेरो इमा गाथायो अभासित्थाति।
Itthaṃ sudaṃ āyasmā nandako thero imā gāthāyo abhāsitthāti.
नन्दकत्थेरस्सापदानं छट्ठं।
Nandakattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. पुण्णकत्थेरअपदानवण्णना • 2. Puṇṇakattheraapadānavaṇṇanā
