| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. нанд̣̇аговаад̣̇асуд̇д̇аван̣н̣анаа
4. Nandakovādasuttavaṇṇanā
398. звам̣ мз суд̇анд̇и нанд̣̇аговаад̣̇асуд̇д̇ам̣. д̇ад̇т̇а д̇зна ко бана самаязнаад̇и бхаг̇аваа махаабаж̇аабад̇ияаа яаажид̇о бхигкунисан̇гхам̣ уяяож̇зд̇ваа бхигкусан̇гхам̣ саннибаад̇зд̇ваа – ‘‘т̇зраа бхигкуу ваарзна бхигкунияо овад̣̇анд̇уу’’д̇и сан̇гхасса бхаарам̣ агааси. д̇ам̣ санд̇хааязд̇ам̣ вуд̇д̇ам̣. д̇ад̇т̇а барияааязнаад̇и ваарзна. на ижчад̇ийд̇и ад̇д̇ано ваарз самбад̇д̇з д̣̇уурам̣ г̇аамам̣ ваа г̇анд̇ваа суужигаммаад̣̇ийни ваа аарабхид̇ваа ‘‘аяам̣ наамасса бабан̃жо’’д̇и вад̣̇аабзси. имам̣ бана барияааязна оваад̣̇ам̣ бхаг̇аваа нанд̣̇агад̇т̇зрассзва гааран̣аа агааси. гасмаа? имаасан̃хи бхигкунийнам̣ т̇зрам̣ д̣̇исваа жид̇д̇ам̣ згаг̇г̇ам̣ ход̇и басийд̣̇ад̇и. д̇зна д̇аа д̇асса оваад̣̇ам̣ самбадижчид̇угаамаа, д̇хаммагат̇ам̣ сод̇угаамаа. д̇асмаа бхаг̇аваа – ‘‘нанд̣̇аго ад̇д̇ано ваарз самбад̇д̇з оваад̣̇ам̣ д̣̇ассад̇и, д̇хаммагат̇ам̣ гат̇зссад̇ий’’д̇и ваарзна оваад̣̇ам̣ агааси. т̇зро бана ад̇д̇ано ваарам̣ на гарод̇и, гасмаад̇и жз? д̇аа гира бхигкунияо буб̣б̣з т̇зрасса ж̇амб̣уд̣̇ийбз раж̇ж̇ам̣ гаарзнд̇асса ород̇хаа ахзсум̣. т̇зро буб̣б̣зниваасан̃аан̣зна д̇ам̣ гааран̣ам̣ н̃ад̇ваа жинд̇зси – ‘‘мам̣ имасса бхигкунисан̇гхасса маж̇жхз нисиннам̣ убамааяо жа гааран̣аани жа аахарид̇ваа д̇хаммам̣ гат̇аяамаанам̣ д̣̇исваа ан̃н̃о буб̣б̣зниваасан̃аан̣алаабхий бхигку имам̣ гааран̣ам̣ ологзд̇ваа ‘ааяасмаа нанд̣̇аго яааваж̇ж̇ад̣̇ивасаа ород̇хз на виссаж̇ж̇зд̇и, собхад̇ааяамааяасмаа ород̇хабаривуд̇о’д̇и вад̇д̇аб̣б̣ам̣ ман̃н̃зяяаа’’д̇и. зд̇амад̇т̇ам̣ самбассамаано т̇зро ад̇д̇ано ваарам̣ на гарод̇и. имаасан̃жа гира бхигкунийнам̣ т̇зрассзва д̣̇зсанаа саббааяаа бхависсад̇ийд̇и н̃ад̇ваа ат̇а ко бхаг̇аваа ааяасманд̇ам̣ нанд̣̇агам̣ ааманд̇зси.
398.Evaṃme sutanti nandakovādasuttaṃ. Tattha tena kho pana samayenāti bhagavā mahāpajāpatiyā yācito bhikkhunisaṅghaṃ uyyojetvā bhikkhusaṅghaṃ sannipātetvā – ‘‘therā bhikkhū vārena bhikkhuniyo ovadantū’’ti saṅghassa bhāraṃ akāsi. Taṃ sandhāyetaṃ vuttaṃ. Tattha pariyāyenāti vārena. Na icchatīti attano vāre sampatte dūraṃ gāmaṃ vā gantvā sūcikammādīni vā ārabhitvā ‘‘ayaṃ nāmassa papañco’’ti vadāpesi. Imaṃ pana pariyāyena ovādaṃ bhagavā nandakattherasseva kāraṇā akāsi. Kasmā? Imāsañhi bhikkhunīnaṃ theraṃ disvā cittaṃ ekaggaṃ hoti pasīdati. Tena tā tassa ovādaṃ sampaṭicchitukāmā, dhammakathaṃ sotukāmā. Tasmā bhagavā – ‘‘nandako attano vāre sampatte ovādaṃ dassati, dhammakathaṃ kathessatī’’ti vārena ovādaṃ akāsi. Thero pana attano vāraṃ na karoti, kasmāti ce? Tā kira bhikkhuniyo pubbe therassa jambudīpe rajjaṃ kārentassa orodhā ahesuṃ. Thero pubbenivāsañāṇena taṃ kāraṇaṃ ñatvā cintesi – ‘‘maṃ imassa bhikkhunisaṅghassa majjhe nisinnaṃ upamāyo ca kāraṇāni ca āharitvā dhammaṃ kathayamānaṃ disvā añño pubbenivāsañāṇalābhī bhikkhu imaṃ kāraṇaṃ oloketvā ‘āyasmā nandako yāvajjadivasā orodhe na vissajjeti, sobhatāyamāyasmā orodhaparivuto’ti vattabbaṃ maññeyyā’’ti. Etamatthaṃ sampassamāno thero attano vāraṃ na karoti. Imāsañca kira bhikkhunīnaṃ therasseva desanā sappāyā bhavissatīti ñatvā atha kho bhagavā āyasmantaṃ nandakaṃ āmantesi.
д̇аасам̣ бхигкунийнам̣ буб̣б̣з д̇асса ород̇хабхааваж̇аананад̇т̇ам̣ ид̣̇ам̣ вад̇т̇ум̣ – буб̣б̣з гира б̣аараан̣асияам̣ бан̃жа д̣̇аасасад̇аани бан̃жа д̣̇аасисад̇аани жаад̇и ж̇ан̇гхасахассам̣ згад̇ова гаммам̣ гад̇ваа згасмим̣ таанз васи. аяам̣ нанд̣̇агад̇т̇зро д̇асмим̣ гаалз ж̇здтагад̣̇аасо ход̇и , г̇од̇амий ж̇здтагад̣̇аасий. саа ж̇здтагад̣̇аасасса баад̣̇абарижааригаа ахоси бан̣д̣ид̇аа б̣яад̇д̇аа. ж̇ан̇гхасахассамби бун̃н̃агаммам̣ гаронд̇ам̣ згад̇о гарод̇и. ат̇а вассуубанааяигасамаяз бан̃жа бажжзгаб̣уд̣̇д̇хаа нанд̣̇амуулагабаб̣бхаарад̇о исибад̇анз од̇арид̇ваа наг̇арз бин̣д̣ааяа жарид̇ваа исибад̇анамзва г̇анд̇ваа – ‘‘вассуубанааяигагудияаа ад̇т̇ааяа хад̇т̇агаммам̣ яаажиссаамаа’’д̇и жийварам̣ баарубид̇ваа сааяанхасамаяз наг̇арам̣ бависид̇ваа сздтисса гхарад̣̇ваарз адтам̣су. ж̇здтагад̣̇аасий гудам̣ г̇ахзд̇ваа уд̣̇агад̇ид̇т̇ам̣ г̇ажчанд̇ий бажжзгаб̣уд̣̇д̇хз наг̇арам̣ бависанд̇з ад̣̇д̣̇аса. сздти д̇зсам̣ ааг̇ад̇агааран̣ам̣ суд̇ваа ‘‘амхаагам̣ огаасо над̇т̇и, г̇ажчанд̇уу’’д̇и ааха.
Tāsaṃ bhikkhunīnaṃ pubbe tassa orodhabhāvajānanatthaṃ idaṃ vatthuṃ – pubbe kira bārāṇasiyaṃ pañca dāsasatāni pañca dāsisatāni cāti jaṅghasahassaṃ ekatova kammaṃ katvā ekasmiṃ ṭhāne vasi. Ayaṃ nandakatthero tasmiṃ kāle jeṭṭhakadāso hoti , gotamī jeṭṭhakadāsī. Sā jeṭṭhakadāsassa pādaparicārikā ahosi paṇḍitā byattā. Jaṅghasahassampi puññakammaṃ karontaṃ ekato karoti. Atha vassūpanāyikasamaye pañca paccekabuddhā nandamūlakapabbhārato isipatane otaritvā nagare piṇḍāya caritvā isipatanameva gantvā – ‘‘vassūpanāyikakuṭiyā atthāya hatthakammaṃ yācissāmā’’ti cīvaraṃ pārupitvā sāyanhasamaye nagaraṃ pavisitvā seṭṭhissa gharadvāre aṭṭhaṃsu. Jeṭṭhakadāsī kuṭaṃ gahetvā udakatitthaṃ gacchantī paccekabuddhe nagaraṃ pavisante addasa. Seṭṭhi tesaṃ āgatakāraṇaṃ sutvā ‘‘amhākaṃ okāso natthi, gacchantū’’ti āha.
ат̇а д̇з наг̇араа нигкаманд̇з ж̇здтагад̣̇аасий гудам̣ г̇ахзд̇ваа бависанд̇ий д̣̇исваа гудам̣ од̇аарзд̇ваа ванд̣̇ид̇ваа онамид̇ваа мукам̣ бид̇хааяа – ‘‘аяяаа наг̇арам̣ бавидтамад̇д̇аава нигканд̇аа, гим̣ ну ко’’д̇и бужчи. вассуубанааяигагудияаа хад̇т̇агаммам̣ яаажид̇ум̣ ааг̇амимхаад̇и. лад̣̇д̇хам̣, бханд̇зд̇и. на лад̣̇д̇хам̣ убаасигзд̇и? гим̣ банзсаа гуди иссарзхзва гаад̇аб̣б̣аа, д̣̇уг̇г̇ад̇зхиби саггаа гаад̇унд̇и. язна гзнажи саггаад̇и? саад̇ху, бханд̇з, маяам̣ гариссаама. свз маяхам̣ бхигкам̣ г̇ан̣хат̇аад̇и ниманд̇зд̇ваа уд̣̇агам̣ нзд̇ваа буна гудам̣ г̇ахзд̇ваа ааг̇амма д̇ид̇т̇амаг̇г̇з тад̇ваа ааг̇ад̇аа авасзсад̣̇аасияо ‘‘зд̇т̇зва хот̇аа’’д̇и вад̇ваа саб̣б̣аасам̣ ааг̇ад̇агаалз ааха – ‘‘амма гим̣ нижжамзва барасса д̣̇аасагаммам̣ гариссат̇а, уд̣̇ааху д̣̇аасабхаавад̇о мужжид̇ум̣ ижчат̇аа’’д̇и? аж̇ж̇зва мужжид̇умижчаама аяязд̇и. яад̣̇и звам̣ маяаа бан̃жа бажжзгаб̣уд̣̇д̇хаа хад̇т̇агаммам̣ алабханд̇аа сваад̇анааяа ниманд̇ид̇аа, д̇умхаагам̣ саамигзхи згад̣̇ивасам̣ хад̇т̇агаммам̣ д̣̇аабзт̇аад̇и. д̇аа саад̇хууд̇и самбадижчид̇ваа сааяам̣ адавид̇о ааг̇ад̇агаалз саамигаанам̣ аарожзсум̣. д̇з саад̇хууд̇и ж̇здтагад̣̇аасасса г̇зхад̣̇ваарз саннибад̇им̣су.
Atha te nagarā nikkhamante jeṭṭhakadāsī kuṭaṃ gahetvā pavisantī disvā kuṭaṃ otāretvā vanditvā onamitvā mukhaṃ pidhāya – ‘‘ayyā nagaraṃ paviṭṭhamattāva nikkhantā, kiṃ nu kho’’ti pucchi. Vassūpanāyikakuṭiyā hatthakammaṃ yācituṃ āgamimhāti. Laddhaṃ, bhanteti. Na laddhaṃ upāsiketi? Kiṃ panesā kuṭi issareheva kātabbā, duggatehipi sakkā kātunti. Yena kenaci sakkāti? Sādhu, bhante, mayaṃ karissāma. Sve mayhaṃ bhikkhaṃ gaṇhathāti nimantetvā udakaṃ netvā puna kuṭaṃ gahetvā āgamma titthamagge ṭhatvā āgatā avasesadāsiyo ‘‘ettheva hothā’’ti vatvā sabbāsaṃ āgatakāle āha – ‘‘amma kiṃ niccameva parassa dāsakammaṃ karissatha, udāhu dāsabhāvato muccituṃ icchathā’’ti? Ajjeva muccitumicchāma ayyeti. Yadi evaṃ mayā pañca paccekabuddhā hatthakammaṃ alabhantā svātanāya nimantitā, tumhākaṃ sāmikehi ekadivasaṃ hatthakammaṃ dāpethāti. Tā sādhūti sampaṭicchitvā sāyaṃ aṭavito āgatakāle sāmikānaṃ ārocesuṃ. Te sādhūti jeṭṭhakadāsassa gehadvāre sannipatiṃsu.
ат̇а нз ж̇здтагад̣̇аасий свз д̇аад̇аа бажжзгаб̣уд̣̇д̇хаанам̣ хад̇т̇агаммам̣ д̣̇зт̇аад̇и аанисам̣сам̣ аажигкид̇ваа язби на гаад̇угаамаа, д̇з г̇аал̣хзна оваад̣̇зна д̇аж̇ж̇зд̇ваа бадижчаабзси. саа бунад̣̇ивасз бажжзгаб̣уд̣̇д̇хаанам̣ бхад̇д̇ам̣ д̣̇ад̇ваа саб̣б̣зсам̣ д̣̇аасабуд̇д̇аанам̣ сан̃н̃ам̣ ад̣̇ааси. д̇з д̇аавад̣̇зва аран̃н̃ам̣ бависид̇ваа д̣̇аб̣б̣асамбхаарз самод̇хаанзд̇ваа сад̇ам̣ сад̇ам̣ худ̇ваа згзгагудим̣ згзгажан̇гаманаад̣̇ибариваарам̣ гад̇ваа ман̃жабийтабаанийяабарибхож̇анийяабхааж̇анаад̣̇ийни табзд̇ваа бажжзгаб̣уд̣̇д̇хз д̇змаасам̣ д̇ад̇т̇а васанад̇т̇ааяа бадин̃н̃ам̣ гаарзд̇ваа ваарабхигкам̣ бадтабзсум̣. яо ад̇д̇ано ваарад̣̇ивасз на саггод̇и. д̇асса ж̇здтагад̣̇аасий сагаг̇зхад̇о аахарид̇ваа д̣̇зд̇и. звам̣ д̇змаасам̣ ж̇аг̇г̇ид̇ваа ж̇здтагад̣̇аасий згзгам̣ д̣̇аасам̣ згзгам̣ саадагам̣ виссаж̇ж̇аабзси. бан̃жа т̇ууласаадагасад̇аани ахзсум̣. д̇аани баривад̇д̇аабзд̇ваа бан̃жаннам̣ бажжзгаб̣уд̣̇д̇хаанам̣ д̇ижийвараани гад̇ваа ад̣̇ааси. бажжзгаб̣уд̣̇д̇хаа яат̇аапаасугам̣ аг̇амам̣су. д̇амби ж̇ан̇гхасахассам̣ згад̇о гусалам̣ гад̇ваа гааяасса бхзд̣̇аа д̣̇звалогз ниб̣б̣ад̇д̇и. д̇аани бан̃жа маад̇уг̇аамасад̇аани гаалзна гаалам̣ д̇зсам̣ бан̃жаннам̣ бурисасад̇аанам̣ г̇зхз хонд̇и, гаалзна гаалам̣ саб̣б̣ааби ж̇здтагад̣̇аасабуд̇д̇ассзва г̇зхз хонд̇и. ат̇а згасмим̣ гаалз ж̇здтагад̣̇аасабуд̇д̇о д̣̇звалогад̇о жавид̇ваа рааж̇агулз ниб̣б̣ад̇д̇о. д̇ааби бан̃жасад̇аа д̣̇зваган̃н̃аа махаабхог̇агулзсу ниб̣б̣ад̇д̇ид̇ваа д̇асса раж̇ж̇з тид̇асса г̇зхам̣ аг̇амам̣су. зд̇зна нияаамзна сам̣саранд̇ияо амхаагам̣ бхаг̇авад̇о гаалз голияанаг̇арз д̣̇звад̣̇аханаг̇арз жа кад̇д̇ияагулзсу ниб̣б̣ад̇д̇аа.
Atha ne jeṭṭhakadāsī sve tātā paccekabuddhānaṃ hatthakammaṃ dethāti ānisaṃsaṃ ācikkhitvā yepi na kātukāmā, te gāḷhena ovādena tajjetvā paṭicchāpesi. Sā punadivase paccekabuddhānaṃ bhattaṃ datvā sabbesaṃ dāsaputtānaṃ saññaṃ adāsi. Te tāvadeva araññaṃ pavisitvā dabbasambhāre samodhānetvā sataṃ sataṃ hutvā ekekakuṭiṃ ekekacaṅkamanādiparivāraṃ katvā mañcapīṭhapānīyaparibhojanīyabhājanādīni ṭhapetvā paccekabuddhe temāsaṃ tattha vasanatthāya paṭiññaṃ kāretvā vārabhikkhaṃ paṭṭhapesuṃ. Yo attano vāradivase na sakkoti. Tassa jeṭṭhakadāsī sakagehato āharitvā deti. Evaṃ temāsaṃ jaggitvā jeṭṭhakadāsī ekekaṃ dāsaṃ ekekaṃ sāṭakaṃ vissajjāpesi. Pañca thūlasāṭakasatāni ahesuṃ. Tāni parivattāpetvā pañcannaṃ paccekabuddhānaṃ ticīvarāni katvā adāsi. Paccekabuddhā yathāphāsukaṃ agamaṃsu. Tampi jaṅghasahassaṃ ekato kusalaṃ katvā kāyassa bhedā devaloke nibbatti. Tāni pañca mātugāmasatāni kālena kālaṃ tesaṃ pañcannaṃ purisasatānaṃ gehe honti, kālena kālaṃ sabbāpi jeṭṭhakadāsaputtasseva gehe honti. Atha ekasmiṃ kāle jeṭṭhakadāsaputto devalokato cavitvā rājakule nibbatto. Tāpi pañcasatā devakaññā mahābhogakulesu nibbattitvā tassa rajje ṭhitassa gehaṃ agamaṃsu. Etena niyāmena saṃsarantiyo amhākaṃ bhagavato kāle koliyanagare devadahanagare ca khattiyakulesu nibbattā.
нанд̣̇агад̇т̇зроби баб̣б̣аж̇ид̇ваа арахад̇д̇ам̣ бад̇д̇о, ж̇здтагад̣̇аасид̇хийд̇аа ваяам̣ ааг̇амма суд̣̇д̇ход̣̇анамахаарааж̇асса аг̇г̇амахзсидтаанз тид̇аа, ид̇арааби д̇зсам̣ д̇зсам̣ рааж̇абуд̇д̇аанам̣язва гхарам̣ г̇ад̇аа. д̇аасам̣ саамигаа бан̃жасад̇аа рааж̇агумаараа уд̣̇агажумб̣адагалахз сад̇т̇у д̇хаммад̣̇зсанам̣ суд̇ваа баб̣б̣аж̇ид̇аа, рааж̇ад̇хийд̇аро д̇зсам̣ угган̣танад̇т̇ам̣ саасанам̣ бзсзсум̣. д̇з угган̣тид̇з бхаг̇аваа гун̣аалад̣̇ахам̣ нзд̇ваа сод̇аабад̇д̇ипалз бад̇идтабзд̇ваа махаасамаяад̣̇ивасз арахад̇д̇з бад̇идтаабзси. д̇ааби бан̃жасад̇аа рааж̇ад̇хийд̇аро нигкамид̇ваа махаабаж̇аабад̇ияаа санд̇игз баб̣б̣аж̇им̣су. аяамааяасмаа нанд̣̇аго зд̇д̇аава д̇аа бхигкунияод̇и звамзд̇ам̣ вад̇т̇у д̣̇ийбзд̇аб̣б̣ам̣.
Nandakattheropi pabbajitvā arahattaṃ patto, jeṭṭhakadāsidhītā vayaṃ āgamma suddhodanamahārājassa aggamahesiṭṭhāne ṭhitā, itarāpi tesaṃ tesaṃ rājaputtānaṃyeva gharaṃ gatā. Tāsaṃ sāmikā pañcasatā rājakumārā udakacumbaṭakalahe satthu dhammadesanaṃ sutvā pabbajitā, rājadhītaro tesaṃ ukkaṇṭhanatthaṃ sāsanaṃ pesesuṃ. Te ukkaṇṭhite bhagavā kuṇāladahaṃ netvā sotāpattiphale patiṭṭhapetvā mahāsamayadivase arahatte patiṭṭhāpesi. Tāpi pañcasatā rājadhītaro nikkhamitvā mahāpajāpatiyā santike pabbajiṃsu. Ayamāyasmā nandako ettāva tā bhikkhuniyoti evametaṃ vatthu dīpetabbaṃ.
рааж̇агаараамод̇и басзнад̣̇инаа гаарид̇о наг̇арасса д̣̇агкин̣ад̣̇исаабхааг̇з т̇уубаараамасад̣̇исз таанз вихааро.
Rājakārāmoti pasenadinā kārito nagarassa dakkhiṇadisābhāge thūpārāmasadise ṭhāne vihāro.
399. саммаббан̃н̃ааяа суд̣̇идтанд̇и хзд̇унаа гааран̣зна вибассанаабан̃н̃ааяа яаат̇аавасарасад̇о д̣̇идтам̣.
399.Sammappaññāya sudiṭṭhanti hetunā kāraṇena vipassanāpaññāya yāthāvasarasato diṭṭhaṃ.
401. д̇аж̇ж̇ам̣ д̇аж̇ж̇анд̇и д̇ам̣сабхаавам̣ д̇ам̣сабхаавам̣, ад̇т̇ад̇о бана д̇ам̣ д̇ам̣ бажжаяам̣ бадижжа д̇аа д̇аа взд̣̇анаа уббаж̇ж̇анд̇ийд̇и вуд̇д̇ам̣ ход̇и.
401.Tajjaṃ tajjanti taṃsabhāvaṃ taṃsabhāvaṃ, atthato pana taṃ taṃ paccayaṃ paṭicca tā tā vedanā uppajjantīti vuttaṃ hoti.
402. баг̇звасса чааяаад̇и муулаад̣̇ийни ниссааяа ниб̣б̣ад̇д̇аа чааяаа батамад̇арам̣язва анижжаа.
402.Pagevassa chāyāti mūlādīni nissāya nibbattā chāyā paṭhamataraṃyeva aniccā.
413. анубахажжаад̇и анубаханид̇ваа. д̇ад̇т̇а мам̣сам̣ бин̣д̣ам̣ бин̣д̣ам̣ гад̇ваа жаммам̣ аллияаабзнд̇о мам̣сагааяам̣ убаханад̇и наама. жаммам̣ б̣ад̣̇д̇хам̣ б̣ад̣̇д̇хам̣ гад̇ваа мам̣сз аллияаабзнд̇о мам̣сагааяам̣ убаханад̇и наама. звам̣ агад̇ваа. вилимам̣сам̣ нхааруб̣анд̇хананд̇и саб̣б̣ажаммз лаг̇г̇авилийбанамам̣самзва. анд̇араагилзсасам̣яож̇анаб̣анд̇хананд̇и саб̣б̣ам̣ анд̇арагилзсамзва санд̇хааяа вуд̇д̇ам̣.
413.Anupahaccāti anupahanitvā. Tattha maṃsaṃ piṇḍaṃ piṇḍaṃ katvā cammaṃ alliyāpento maṃsakāyaṃ upahanati nāma. Cammaṃ baddhaṃ baddhaṃ katvā maṃse alliyāpento maṃsakāyaṃ upahanati nāma. Evaṃ akatvā. Vilimaṃsaṃ nhārubandhananti sabbacamme laggavilīpanamaṃsameva. Antarākilesasaṃyojanabandhananti sabbaṃ antarakilesameva sandhāya vuttaṃ.
414. сад̇д̇а ко банимзд̇и гасмаа аахаад̇и? яаа хи зсаа бан̃н̃аа гилзсз чинд̣̇ад̇ийд̇и вуд̇д̇аа, саа на згигаава ад̇д̇ано д̇хаммад̇ааяа чинд̣̇ид̇ум̣ саггод̇и. яат̇аа бана гутаарий на ад̇д̇ано д̇хаммад̇ааяа чзж̇ж̇ам̣ чинд̣̇ад̇и, бурисасса д̇аж̇ж̇ам̣ вааяаамам̣ бадижжзва чинд̣̇ад̇и, звам̣ на винаа чахи б̣ож̇жхан̇г̇зхи бан̃н̃аа гилзсз чинд̣̇ид̇ум̣ саггод̇и. д̇асмаа звамааха. д̇зна хийд̇и язна гааран̣зна д̇аяаа ча аж̇жхад̇д̇игаани ааяад̇анаани, ча б̣аахираани , ча вин̃н̃аан̣агааяз, д̣̇ийбобамам̣, ругкобамам̣, г̇аавуубаман̃жа д̣̇ассзд̇ваа сад̇д̇ахи б̣ож̇жхан̇г̇зхи аасавагкаязна д̣̇зсанаа нидтабид̇аа, д̇зна гааран̣зна д̇вам̣ свзби д̇аа бхигкунияо д̇знзва оваад̣̇зна овад̣̇зяяаасийд̇и.
414.Satta kho panimeti kasmā āhāti? Yā hi esā paññā kilese chindatīti vuttā, sā na ekikāva attano dhammatāya chindituṃ sakkoti. Yathā pana kuṭhārī na attano dhammatāya chejjaṃ chindati, purisassa tajjaṃ vāyāmaṃ paṭicceva chindati, evaṃ na vinā chahi bojjhaṅgehi paññā kilese chindituṃ sakkoti. Tasmā evamāha. Tena hīti yena kāraṇena tayā cha ajjhattikāni āyatanāni, cha bāhirāni , cha viññāṇakāye, dīpopamaṃ, rukkhopamaṃ, gāvūpamañca dassetvā sattahi bojjhaṅgehi āsavakkhayena desanā niṭṭhapitā, tena kāraṇena tvaṃ svepi tā bhikkhuniyo teneva ovādena ovadeyyāsīti.
415. саа сод̇аабаннаад̇и яаа саа г̇ун̣зхи саб̣б̣абажчимигаа, саа сод̇аабаннаа. сзсаа бана сагад̣̇ааг̇аамианааг̇ааминияо жа кийн̣аасаваа жа. яад̣̇и звам̣ гат̇ам̣ барибун̣н̣асан̇габбаад̇и. аж̇жхаасаяабаарибуурияаа. яассаа хи бхигкунияаа звамахоси – ‘‘гад̣̇аа ну ко ахам̣ аяяасса нанд̣̇агасса д̇хаммад̣̇зсанам̣ сун̣анд̇ий д̇асмим̣язва аасанз сод̇аабад̇д̇ипалам̣ сажчигарзяяа’’нд̇и, саа сод̇аабад̇д̇ипалам̣ сажчаагааси. яассаа ахоси ‘‘сагад̣̇ааг̇аамипалам̣ анааг̇аамипалам̣ арахад̇д̇а’’нд̇и, саа арахад̇д̇ам̣ сажчаагааси. д̇знааха бхаг̇аваа ‘‘ад̇д̇аманаа жзва барибун̣н̣асан̇габбаа жаа’’д̇и.
415.Sā sotāpannāti yā sā guṇehi sabbapacchimikā, sā sotāpannā. Sesā pana sakadāgāmianāgāminiyo ca khīṇāsavā ca. Yadi evaṃ kathaṃ paripuṇṇasaṅkappāti. Ajjhāsayapāripūriyā. Yassā hi bhikkhuniyā evamahosi – ‘‘kadā nu kho ahaṃ ayyassa nandakassa dhammadesanaṃ suṇantī tasmiṃyeva āsane sotāpattiphalaṃ sacchikareyya’’nti, sā sotāpattiphalaṃ sacchākāsi. Yassā ahosi ‘‘sakadāgāmiphalaṃ anāgāmiphalaṃ arahatta’’nti, sā arahattaṃ sacchākāsi. Tenāha bhagavā ‘‘attamanā ceva paripuṇṇasaṅkappā cā’’ti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
нанд̣̇аговаад̣̇асуд̇д̇аван̣н̣анаа нидтид̇аа.
Nandakovādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. нанд̣̇аговаад̣̇асуд̇д̇ам̣ • 4. Nandakovādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. нанд̣̇аговаад̣̇асуд̇д̇аван̣н̣анаа • 4. Nandakovādasuttavaṇṇanā
