| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. нанд̣̇асуд̇д̇ам̣
8. Nandasuttaṃ
242. саавад̇т̇ияам̣ вихарад̇и. ат̇а ко ааяасмаа нанд̣̇о бхаг̇авад̇о маад̇ужчаабуд̇д̇о аагодид̇абажжаагодид̇аани жийвараани баарубид̇ваа агкийни ан̃ж̇зд̇ваа ажчам̣ бад̇д̇ам̣ г̇ахзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ нанд̣̇ам̣ бхаг̇аваа зд̇ад̣̇авожа – ‘‘на ко д̇з д̇ам̣, нанд̣̇а, бад̇ируубам̣ гулабуд̇д̇асса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇асса, яам̣ д̇вам̣ аагодид̇абажжаагодид̇аани жийвараани баарубзяяааси, агкийни жа ан̃ж̇зяяааси, ажчан̃жа бад̇д̇ам̣ д̇хаарзяяааси. зд̇ам̣ ко д̇з, нанд̣̇а, бад̇ируубам̣ гулабуд̇д̇асса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇асса, яам̣ д̇вам̣ ааран̃н̃иго жа ассаси, бин̣д̣абаад̇иго жа бам̣сугулиго жа гаамзсу жа анабзгко вихарзяяаасий’’д̇и. ид̣̇амавожа бхаг̇аваа…бз… сад̇т̇аа –
242. Sāvatthiyaṃ viharati. Atha kho āyasmā nando bhagavato mātucchāputto ākoṭitapaccākoṭitāni cīvarāni pārupitvā akkhīni añjetvā acchaṃ pattaṃ gahetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ nandaṃ bhagavā etadavoca – ‘‘na kho te taṃ, nanda, patirūpaṃ kulaputtassa saddhā agārasmā anagāriyaṃ pabbajitassa, yaṃ tvaṃ ākoṭitapaccākoṭitāni cīvarāni pārupeyyāsi, akkhīni ca añjeyyāsi, acchañca pattaṃ dhāreyyāsi. Etaṃ kho te, nanda, patirūpaṃ kulaputtassa saddhā agārasmā anagāriyaṃ pabbajitassa, yaṃ tvaṃ āraññiko ca assasi, piṇḍapātiko ca paṃsukuliko ca kāmesu ca anapekkho vihareyyāsī’’ti. Idamavoca bhagavā…pe… satthā –
‘‘гад̣̇аахам̣ нанд̣̇ам̣ бассзяяам̣, ааран̃н̃ам̣ бам̣сугуулигам̣;
‘‘Kadāhaṃ nandaṃ passeyyaṃ, āraññaṃ paṃsukūlikaṃ;
ан̃н̃аад̇ун̃чзна яаабзнд̇ам̣, гаамзсу анабзгкина’’нд̇и.
Aññātuñchena yāpentaṃ, kāmesu anapekkhina’’nti.
ат̇а ко ааяасмаа нанд̣̇о абарзна самаязна ааран̃н̃иго жа бин̣д̣абаад̇иго жа бам̣сугуулиго жа гаамзсу жа анабзгко вихаасийд̇и. адтамам̣.
Atha kho āyasmā nando aparena samayena āraññiko ca piṇḍapātiko ca paṃsukūliko ca kāmesu ca anapekkho vihāsīti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. нанд̣̇асуд̇д̇аван̣н̣анаа • 8. Nandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. нанд̣̇асуд̇д̇аван̣н̣н̣анаа • 8. Nandasuttavaṇṇṇanā
