| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
2. нанд̣̇асуд̇д̇ам̣
2. Nandasuttaṃ
22. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа нанд̣̇о бхаг̇авад̇о бхаад̇аа маад̇ужчаабуд̇д̇о самб̣ахулаанам̣ бхигкуунам̣ звамаарожзд̇и – ‘‘анабхирад̇о ахам̣, аавусо, б̣рахмажарияам̣ жараами; на саггоми б̣рахмажарияам̣ санд̇хаарзд̇ум̣, сигкам̣ бажжагкааяа хийнааяаавад̇д̇иссаамий’’д̇и.
22. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā nando bhagavato bhātā mātucchāputto sambahulānaṃ bhikkhūnaṃ evamāroceti – ‘‘anabhirato ahaṃ, āvuso, brahmacariyaṃ carāmi; na sakkomi brahmacariyaṃ sandhāretuṃ, sikkhaṃ paccakkhāya hīnāyāvattissāmī’’ti.
ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘ааяасмаа, бханд̇з, нанд̣̇о бхаг̇авад̇о бхаад̇аа маад̇ужчаабуд̇д̇о самб̣ахулаанам̣ бхигкуунам̣ звамаарожзд̇и – ‘анабхирад̇о ахам̣, аавусо, б̣рахмажарияам̣ жараами, на саггоми б̣рахмажарияам̣ санд̇хаарзд̇ум̣, сигкам̣ бажжагкааяа хийнааяаавад̇д̇иссаамий’’’д̇и.
Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘āyasmā, bhante, nando bhagavato bhātā mātucchāputto sambahulānaṃ bhikkhūnaṃ evamāroceti – ‘anabhirato ahaṃ, āvuso, brahmacariyaṃ carāmi, na sakkomi brahmacariyaṃ sandhāretuṃ, sikkhaṃ paccakkhāya hīnāyāvattissāmī’’’ti.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна нанд̣̇ам̣ бхигкум̣ ааманд̇зхи – ‘сад̇т̇аа д̇ам̣, аавусо нанд̣̇а, ааманд̇зд̇ий’’’д̇и. ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язнааяасмаа нанд̣̇о д̇знубасан̇гами; убасан̇гамид̇ваа ааяасманд̇ам̣ нанд̣̇ам̣ зд̇ад̣̇авожа – ‘‘сад̇т̇аа д̇ам̣, аавусо нанд̣̇а, ааманд̇зд̇ий’’д̇и.
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena nandaṃ bhikkhuṃ āmantehi – ‘satthā taṃ, āvuso nanda, āmantetī’’’ti. ‘‘Evaṃ, bhante’’ti kho so bhikkhu bhagavato paṭissutvā yenāyasmā nando tenupasaṅkami; upasaṅkamitvā āyasmantaṃ nandaṃ etadavoca – ‘‘satthā taṃ, āvuso nanda, āmantetī’’ti.
‘‘звамаавусо’’д̇и ко ааяасмаа нанд̣̇о д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ нанд̣̇ам̣ бхаг̇аваа зд̇ад̣̇авожа –
‘‘Evamāvuso’’ti kho āyasmā nando tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ nandaṃ bhagavā etadavoca –
‘‘сажжам̣ гира д̇вам̣, нанд̣̇а, самб̣ахулаанам̣ бхигкуунам̣ звамаарожзси – ‘анабхирад̇о ахам̣, аавусо, б̣рахмажарияам̣ жараами, на саггоми б̣рахмажарияам̣ санд̇хаарзд̇ум̣, сигкам̣ бажжагкааяа хийнааяаавад̇д̇иссаамий’’’д̇и ? ‘‘звам̣, бханд̇з’’д̇и.
‘‘Saccaṃ kira tvaṃ, nanda, sambahulānaṃ bhikkhūnaṃ evamārocesi – ‘anabhirato ahaṃ, āvuso, brahmacariyaṃ carāmi, na sakkomi brahmacariyaṃ sandhāretuṃ, sikkhaṃ paccakkhāya hīnāyāvattissāmī’’’ti ? ‘‘Evaṃ, bhante’’ti.
‘‘гисса бана д̇вам̣, нанд̣̇а, анабхирад̇о б̣рахмажарияам̣ жараси, на саггоси б̣рахмажарияам̣ санд̇хаарзд̇ум̣ , сигкам̣ бажжагкааяа хийнааяаавад̇д̇иссасий’’д̇и? ‘‘саагияааний мам̣ 1, бханд̇з, ж̇анабад̣̇агаляаан̣ий гхараа нигкаманд̇асса 2 убад̣дхулликид̇зхи гзсзхи абалогзд̇ваа мам̣ зд̇ад̣̇авожа – ‘д̇увадам̣ ко, аяяабуд̇д̇а, ааг̇ажчзяяаасий’д̇и. со ко ахам̣, бханд̇з, д̇амануссарамаано анабхирад̇о б̣рахмажарияам̣ жараами, на саггоми б̣рахмажарияам̣ санд̇хаарзд̇ум̣, сигкам̣ бажжагкааяа хийнааяаавад̇д̇иссаамий’’д̇и.
‘‘Kissa pana tvaṃ, nanda, anabhirato brahmacariyaṃ carasi, na sakkosi brahmacariyaṃ sandhāretuṃ , sikkhaṃ paccakkhāya hīnāyāvattissasī’’ti? ‘‘Sākiyānī maṃ 3, bhante, janapadakalyāṇī gharā nikkhamantassa 4 upaḍḍhullikhitehi kesehi apaloketvā maṃ etadavoca – ‘tuvaṭaṃ kho, ayyaputta, āgaccheyyāsī’ti. So kho ahaṃ, bhante, tamanussaramāno anabhirato brahmacariyaṃ carāmi, na sakkomi brahmacariyaṃ sandhāretuṃ, sikkhaṃ paccakkhāya hīnāyāvattissāmī’’ti.
д̇зна ко бана самаязна бан̃жамад̇д̇аани ажчараасад̇аани саггасса д̣̇зваанаминд̣̇асса убадтаанам̣ ааг̇ад̇аани хонд̇и гагудабаад̣̇аани. ат̇а ко бхаг̇аваа ааяасманд̇ам̣ нанд̣̇ам̣ ааманд̇зси – ‘‘бассаси но д̇вам̣, нанд̣̇а, имаани бан̃жа ажчараасад̇аани гагудабаад̣̇ааний’’д̇и? ‘‘звам̣, бханд̇з’’д̇и.
Tena kho pana samayena pañcamattāni accharāsatāni sakkassa devānamindassa upaṭṭhānaṃ āgatāni honti kakuṭapādāni. Atha kho bhagavā āyasmantaṃ nandaṃ āmantesi – ‘‘passasi no tvaṃ, nanda, imāni pañca accharāsatāni kakuṭapādānī’’ti? ‘‘Evaṃ, bhante’’ti.
‘‘д̇ам̣ гим̣ ман̃н̃аси, нанд̣̇а, гад̇амаа ну ко абхируубад̇араа ваа д̣̇ассанийяад̇араа ваа баасаад̣̇игад̇араа ваа, саагияааний ваа ж̇анабад̣̇агаляаан̣ий, имаани ваа бан̃жа ажчараасад̇аани гагудабаад̣̇ааний’’д̇и? ‘‘сзяяат̇ааби, бханд̇з, балудтамаггадий ган̣н̣анаасажчиннаа, звамзва ко, бханд̇з, саагияааний ж̇анабад̣̇агаляаан̣ий имзсам̣ бан̃жаннам̣ ажчараасад̇аанам̣ убанид̇хааяа сан̇кяамби 9 нобзд̇и галабхааг̇амби нобзд̇и убанид̇химби нобзд̇и. ат̇а ко имаани бан̃жа ажчараасад̇аани абхируубад̇араани жзва д̣̇ассанийяад̇араани жа баасаад̣̇игад̇араани жаа’’д̇и.
‘‘Taṃ kiṃ maññasi, nanda, katamā nu kho abhirūpatarā vā dassanīyatarā vā pāsādikatarā vā, sākiyānī vā janapadakalyāṇī, imāni vā pañca accharāsatāni kakuṭapādānī’’ti? ‘‘Seyyathāpi, bhante, paluṭṭhamakkaṭī kaṇṇanāsacchinnā, evameva kho, bhante, sākiyānī janapadakalyāṇī imesaṃ pañcannaṃ accharāsatānaṃ upanidhāya saṅkhyampi 10 nopeti kalabhāgampi nopeti upanidhimpi nopeti. Atha kho imāni pañca accharāsatāni abhirūpatarāni ceva dassanīyatarāni ca pāsādikatarāni cā’’ti.
‘‘абхирама, нанд̣̇а, абхирама, нанд̣̇а! ахам̣ д̇з баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇аана’’нд̇и. ‘‘сажз мз, бханд̇з, бхаг̇аваа баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇аанам̣, абхирамиссаамахам̣, бханд̇з, бхаг̇авад̇и б̣рахмажарияз’’д̇и 11.
‘‘Abhirama, nanda, abhirama, nanda! Ahaṃ te pāṭibhogo pañcannaṃ accharāsatānaṃ paṭilābhāya kakuṭapādāna’’nti. ‘‘Sace me, bhante, bhagavā pāṭibhogo pañcannaṃ accharāsatānaṃ paṭilābhāya kakuṭapādānaṃ, abhiramissāmahaṃ, bhante, bhagavati brahmacariye’’ti 12.
ат̇а ко бхаг̇аваа ааяасманд̇ам̣ нанд̣̇ам̣ б̣аахааяам̣ г̇ахзд̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – д̣̇звзсу д̇аавад̇им̣сзсу анд̇арахид̇о ж̇зд̇аванз баад̇урахоси.
Atha kho bhagavā āyasmantaṃ nandaṃ bāhāyaṃ gahetvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – devesu tāvatiṃsesu antarahito jetavane pāturahosi.
ассосум̣ ко бхигкуу – ‘‘ааяасмаа гира нанд̣̇о бхаг̇авад̇о бхаад̇аа маад̇ужчаабуд̇д̇о ажчараанам̣ хзд̇у б̣рахмажарияам̣ жарад̇и; бхаг̇аваа гирасса баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇аана’’нд̇и.
Assosuṃ kho bhikkhū – ‘‘āyasmā kira nando bhagavato bhātā mātucchāputto accharānaṃ hetu brahmacariyaṃ carati; bhagavā kirassa pāṭibhogo pañcannaṃ accharāsatānaṃ paṭilābhāya kakuṭapādāna’’nti.
ат̇а ко ааяасмад̇о нанд̣̇асса сахааяагаа бхигкуу ааяасманд̇ам̣ нанд̣̇ам̣ бхад̇агаваад̣̇зна жа убаггид̇агаваад̣̇зна жа самуд̣̇аажаранд̇и – ‘‘бхад̇аго гирааяасмаа нанд̣̇о убаггид̇аго гирааяасмаа нанд̣̇о ажчараанам̣ хзд̇у б̣рахмажарияам̣ жарад̇и; бхаг̇аваа гирасса баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇аана’’нд̇и.
Atha kho āyasmato nandassa sahāyakā bhikkhū āyasmantaṃ nandaṃ bhatakavādena ca upakkitakavādena ca samudācaranti – ‘‘bhatako kirāyasmā nando upakkitako kirāyasmā nando accharānaṃ hetu brahmacariyaṃ carati; bhagavā kirassa pāṭibhogo pañcannaṃ accharāsatānaṃ paṭilābhāya kakuṭapādāna’’nti.
ат̇а ко ааяасмаа нанд̣̇о сахааяагаанам̣ бхигкуунам̣ бхад̇агаваад̣̇зна жа убаггид̇агаваад̣̇зна жа аддийяамаано харааяамаано ж̇иг̇ужчамаано зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро ко банааяасмаа нанд̣̇о арахад̇ам̣ ахоси.
Atha kho āyasmā nando sahāyakānaṃ bhikkhūnaṃ bhatakavādena ca upakkitakavādena ca aṭṭīyamāno harāyamāno jigucchamāno eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro kho panāyasmā nando arahataṃ ahosi.
ат̇а ко ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко саа д̣̇звад̇аа бхаг̇аванд̇ам̣ зд̇ад̣̇авожа – ‘‘ааяасмаа, бханд̇з, нанд̣̇о бхаг̇авад̇о бхаад̇аа маад̇ужчаабуд̇д̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. бхаг̇авад̇оби ко н̃аан̣ам̣ уд̣̇абаад̣̇и – ‘‘нанд̣̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и.
Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ etadavoca – ‘‘āyasmā, bhante, nando bhagavato bhātā mātucchāputto āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Bhagavatopi kho ñāṇaṃ udapādi – ‘‘nando āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti.
ат̇а ко ааяасмаа нанд̣̇о д̇ассаа рад̇д̇ияаа ажжаязна язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа нанд̣̇о бхаг̇аванд̇ам̣ зд̇ад̣̇авожа – ‘‘яам̣ мз, бханд̇з, бхаг̇аваа баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇аанам̣, мун̃жаамахам̣, бханд̇з, бхаг̇аванд̇ам̣ зд̇асмаа бадиссаваа’’д̇и. ‘‘маяааби ко д̇вам̣, нанд̣̇а 13, жзд̇асаа жзд̇о барижжа вид̣̇ид̇о – ‘нанд̣̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’д̇и. д̣̇звад̇ааби мз зд̇амад̇т̇ам̣ аарожзси – ‘ааяасмаа, бханд̇з, нанд̣̇о бхаг̇авад̇о бхаад̇аа маад̇ужчаабуд̇д̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’д̇и. яад̣̇зва ко д̇з, нанд̣̇а, анубаад̣̇ааяа аасавзхи жид̇д̇ам̣ вимуд̇д̇ам̣, ат̇аахам̣ муд̇д̇о зд̇асмаа бадиссаваа’’д̇и.
Atha kho āyasmā nando tassā rattiyā accayena yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā nando bhagavantaṃ etadavoca – ‘‘yaṃ me, bhante, bhagavā pāṭibhogo pañcannaṃ accharāsatānaṃ paṭilābhāya kakuṭapādānaṃ, muñcāmahaṃ, bhante, bhagavantaṃ etasmā paṭissavā’’ti. ‘‘Mayāpi kho tvaṃ, nanda 14, cetasā ceto paricca vidito – ‘nando āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. Devatāpi me etamatthaṃ ārocesi – ‘āyasmā, bhante, nando bhagavato bhātā mātucchāputto āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. Yadeva kho te, nanda, anupādāya āsavehi cittaṃ vimuttaṃ, athāhaṃ mutto etasmā paṭissavā’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яасса нид̇д̇ин̣н̣о бан̇го,
‘‘Yassa nittiṇṇo paṅko,
мад̣̇д̣̇ид̇о гаамаган̣даго;
Maddito kāmakaṇṭako;
мохагкаяам̣ ануббад̇д̇о,
Mohakkhayaṃ anuppatto,
сукад̣̇угкзсу на взд̇хад̇ий са бхигкуу’’д̇и. д̣̇уд̇ияам̣;
Sukhadukkhesu na vedhatī sa bhikkhū’’ti. dutiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 2. нанд̣̇асуд̇д̇аван̣н̣анаа • 2. Nandasuttavaṇṇanā
