| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. нанд̣̇асуд̇д̇аван̣н̣анаа
8. Nandasuttavaṇṇanā
242. адтамз аагодид̇абажжаагодид̇аанийд̇и згасмим̣ бассз баан̣инаа ваа муг̇г̇арзна ваа аагоданзна аагодид̇аани, баривад̇д̇зд̇ваа аагоданзна бажжаагодид̇аани. ан̃ж̇зд̇ваад̇и ан̃ж̇анзна буурзд̇ваа. ажчам̣ бад̇д̇анд̇и виббасаннаван̣н̣ам̣ мад̇д̇игаабад̇д̇ам̣. гасмаа бана т̇зро звамагаасийд̇и? сад̇т̇у аж̇жхаасаяаж̇аананад̇т̇ам̣. звам̣ гирасса ахоси ‘‘сажз сад̇т̇аа ‘собхад̇и вад̇а мз аяам̣ ганидтабхаад̇иго’д̇и вагкад̇и, яааваж̇ийвам̣ иминаа ваагаарзна жариссаами. сажз зд̇т̇а д̣̇осам̣ д̣̇ассад̇и, имам̣ аагаарам̣ бахааяа сан̇гааражол̣ам̣ г̇ахзд̇ваа жийварам̣ гад̇ваа д̇хаарзнд̇о барияанд̇асзнаасанз васанд̇о жариссаамий’’д̇и. ассасийд̇и бхависсаси.
242. Aṭṭhame ākoṭitapaccākoṭitānīti ekasmiṃ passe pāṇinā vā muggarena vā ākoṭanena ākoṭitāni, parivattetvā ākoṭanena paccākoṭitāni. Añjetvāti añjanena pūretvā. Acchaṃ pattanti vippasannavaṇṇaṃ mattikāpattaṃ. Kasmā pana thero evamakāsīti? Satthu ajjhāsayajānanatthaṃ. Evaṃ kirassa ahosi ‘‘sace satthā ‘sobhati vata me ayaṃ kaniṭṭhabhātiko’ti vakkhati, yāvajīvaṃ iminā vākārena carissāmi. Sace ettha dosaṃ dassati, imaṃ ākāraṃ pahāya saṅkāracoḷaṃ gahetvā cīvaraṃ katvā dhārento pariyantasenāsane vasanto carissāmī’’ti. Assasīti bhavissasi.
ан̃н̃аад̇ун̃чзнаад̇и абхилагкид̇зсу иссараж̇анаг̇зхзсу гадугабхан̣д̣асамбхаарам̣ суг̇анд̇хам̣ бхож̇анам̣ бариязсанд̇асса ун̃чо н̃аад̇ун̃чо наама. гхарабадибаадияаа бана д̣̇ваарз тид̇зна лад̣̇д̇хам̣ миссагабхож̇анам̣ ан̃н̃аад̇ун̃чо наама. аяамид̇ха ад̇хиббзд̇о. гаамзсу анабзгкинанд̇и вад̇т̇угаамагилзсагаамзсу нирабзгкам̣. ааран̃н̃иго жаад̇иаад̣̇и саб̣б̣ам̣ самаад̣̇аанавасзнзва вуд̇д̇ам̣. гаамзсу жа анабзгкод̇и ид̣̇ам̣ суд̇д̇ам̣ д̣̇звалогз ажчарааяо д̣̇ассзд̇ваа ааг̇ад̇зна абарабхааг̇з гат̇ид̇ам̣. имасса гат̇ид̇ад̣̇ивасад̇о бадтааяа т̇зро гхадзнд̇о вааяаманд̇о гад̇ибаахзнзва арахад̇д̇з бад̇идтааяа сад̣̇звагз логз аг̇г̇ад̣̇агкин̣зяяо ж̇аад̇о. адтамам̣.
Aññātuñchenāti abhilakkhitesu issarajanagehesu kaṭukabhaṇḍasambhāraṃ sugandhaṃ bhojanaṃ pariyesantassa uñcho ñātuñcho nāma. Gharapaṭipāṭiyā pana dvāre ṭhitena laddhaṃ missakabhojanaṃ aññātuñcho nāma. Ayamidha adhippeto. Kāmesu anapekkhinanti vatthukāmakilesakāmesu nirapekkhaṃ. Āraññiko cātiādi sabbaṃ samādānavaseneva vuttaṃ. Kāmesu ca anapekkhoti idaṃ suttaṃ devaloke accharāyo dassetvā āgatena aparabhāge kathitaṃ. Imassa kathitadivasato paṭṭhāya thero ghaṭento vāyamanto katipāheneva arahatte patiṭṭhāya sadevake loke aggadakkhiṇeyyo jāto. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. нанд̣̇асуд̇д̇ам̣ • 8. Nandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. нанд̣̇асуд̇д̇аван̣н̣н̣анаа • 8. Nandasuttavaṇṇṇanā
