| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
5. нанд̣̇уд̇д̇араат̇зрийг̇аат̇ааван̣н̣анаа
5. Nanduttarātherīgāthāvaṇṇanā
аг̇г̇им̣ жанд̣̇ан̃жаад̇иаад̣̇игаа нанд̣̇уд̇д̇арааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з гурурадтз гаммаасад̇хамманиг̇амз б̣раахман̣агулз ниб̣б̣ад̇д̇ид̇ваа , згажжаани виж̇ж̇аадтаанаани сиббааяад̇анаани жа уг̇г̇ахзд̇ваа ниг̇ан̣табаб̣б̣аж̇ж̇ам̣ убаг̇анд̇ваа, ваад̣̇аббасуд̇аа ж̇амб̣усаакам̣ г̇ахзд̇ваа бхад̣̇д̣̇аагун̣д̣алагзсаа вияа ж̇амб̣уд̣̇ийбад̇алз вижаранд̇ий махаамог̇г̇аллаанад̇т̇зрам̣ убасан̇гамид̇ваа бан̃хам̣ бужчид̇ваа барааж̇аяам̣ бад̇д̇аа т̇зрасса оваад̣̇з тад̇ваа саасанз баб̣б̣аж̇ид̇ваа саман̣ад̇хаммам̣ гаронд̇ий на жирассзва саха бадисамбхид̣̇аахи арахад̇д̇ам̣ бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Aggiṃcandañcātiādikā nanduttarāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde kururaṭṭhe kammāsadhammanigame brāhmaṇakule nibbattitvā , ekaccāni vijjāṭṭhānāni sippāyatanāni ca uggahetvā nigaṇṭhapabbajjaṃ upagantvā, vādappasutā jambusākhaṃ gahetvā bhaddākuṇḍalakesā viya jambudīpatale vicarantī mahāmoggallānattheraṃ upasaṅkamitvā pañhaṃ pucchitvā parājayaṃ pattā therassa ovāde ṭhatvā sāsane pabbajitvā samaṇadhammaṃ karontī na cirasseva saha paṭisambhidāhi arahattaṃ patvā attano paṭipattiṃ paccavekkhitvā udānavasena –
87.
87.
‘‘аг̇г̇им̣ жанд̣̇ан̃жа суурияан̃жа, д̣̇звад̇аа жа намассихам̣;
‘‘Aggiṃ candañca sūriyañca, devatā ca namassihaṃ;
над̣̇ийд̇ид̇т̇аани г̇анд̇ваана, уд̣̇агам̣ орухаамихам̣.
Nadītitthāni gantvāna, udakaṃ oruhāmihaṃ.
88.
88.
‘‘б̣ахуувад̇асамаад̣̇аанаа, ад̣дхам̣ сийсасса оликим̣;
‘‘Bahūvatasamādānā, aḍḍhaṃ sīsassa olikhiṃ;
чамааяа сзяяам̣ габбзми, рад̇д̇им̣ бхад̇д̇ам̣ на бхун̃ж̇ахам̣.
Chamāya seyyaṃ kappemi, rattiṃ bhattaṃ na bhuñjahaṃ.
89.
89.
‘‘вибхуусааман̣д̣анарад̇аа, нхаабанужчаад̣̇анзхи жа;
‘‘Vibhūsāmaṇḍanaratā, nhāpanucchādanehi ca;
убагаасим̣ имам̣ гааяам̣, гаамарааг̇зна аддид̇аа.
Upakāsiṃ imaṃ kāyaṃ, kāmarāgena aṭṭitā.
90.
90.
‘‘д̇ад̇о сад̣̇д̇хам̣ лабхид̇ваана, баб̣б̣аж̇им̣ анаг̇аарияам̣;
‘‘Tato saddhaṃ labhitvāna, pabbajiṃ anagāriyaṃ;
д̣̇исваа гааяам̣ яат̇аабхууд̇ам̣, гаамарааг̇о самуухад̇о.
Disvā kāyaṃ yathābhūtaṃ, kāmarāgo samūhato.
91.
91.
‘‘саб̣б̣з бхаваа самужчиннаа, ижчаа жа бад̇т̇анааби жа;
‘‘Sabbe bhavā samucchinnā, icchā ca patthanāpi ca;
саб̣б̣аяог̇ависам̣яуд̇д̇аа, санд̇им̣ баабун̣и жзд̇асо’’д̇и. –
Sabbayogavisaṃyuttā, santiṃ pāpuṇi cetaso’’ti. –
имаа бан̃жа г̇аат̇аа абхааси.
Imā pañca gāthā abhāsi.
д̇ад̇т̇а аг̇г̇им̣ жанд̣̇ан̃жа суурияан̃жа, д̣̇звад̇аа жа намассиханд̇и аг̇г̇иббамукаа д̣̇зваад̇и инд̣̇аанам̣ д̣̇зваанам̣ аараад̇ханад̇т̇ам̣ аахуд̇им̣ баг̇г̇ахзд̇ваа аг̇г̇ин̃жа, маасз маасз суггабагкасса д̣̇уд̇ияааяа жанд̣̇ан̃жа, д̣̇ивасз д̣̇ивасз сааяам̣ баад̇ам̣ суурияан̃жа, ан̃н̃аа жа б̣аахираа хиран̃н̃аг̇аб̣бхаад̣̇аяо д̣̇звад̇аа жа, висуд̣̇д̇химаг̇г̇ам̣ г̇авзсанд̇ий намассихам̣ намаггаарам̣ ахам̣ агаасим̣. над̣̇ийд̇ид̇т̇аани г̇анд̇ваана, уд̣̇агам̣ орухаамиханд̇и г̇ан̇г̇аад̣̇ийнам̣ над̣̇ийнам̣ бууж̇аад̇ид̇т̇аани убаг̇анд̇ваа сааяам̣ баад̇ам̣ уд̣̇агам̣ од̇араами уд̣̇агз нимуж̇ж̇ид̇ваа ан̇г̇асин̃жанам̣ гароми.
Tattha aggiṃ candañca sūriyañca, devatā ca namassihanti aggippamukhā devāti indānaṃ devānaṃ ārādhanatthaṃ āhutiṃ paggahetvā aggiñca, māse māse sukkapakkhassa dutiyāya candañca, divase divase sāyaṃ pātaṃ sūriyañca, aññā ca bāhirā hiraññagabbhādayo devatā ca, visuddhimaggaṃ gavesantī namassihaṃ namakkāraṃ ahaṃ akāsiṃ. Nadītitthānigantvāna, udakaṃ oruhāmihanti gaṅgādīnaṃ nadīnaṃ pūjātitthāni upagantvā sāyaṃ pātaṃ udakaṃ otarāmi udake nimujjitvā aṅgasiñcanaṃ karomi.
б̣ахуувад̇асамаад̣̇аанаад̇и бан̃жаад̇абад̇аббанаад̣̇и б̣ахувид̇хавад̇асамаад̣̇аанаа. г̇аат̇аасукад̇т̇ам̣ б̣ахууд̇и д̣̇ийгхагаран̣ам̣. ад̣дхам̣ сийсасса оликинд̇и маяхам̣ сийсасса ад̣дхамзва мун̣д̣зми. гзжи ‘‘ад̣дхам̣ сийсасса оликинд̇и гзсагалаабасса ад̣дхам̣ ж̇адааб̣анд̇ханавасзна б̣анд̇хид̇ваа ад̣дхам̣ виссаж̇ж̇зси’’нд̇и ад̇т̇ам̣ вад̣̇анд̇и. чамааяа сзяяам̣ габбзмийд̇и т̇ан̣д̣иласааяиний худ̇ваа ананд̇арахид̇ааяа бхуумияаа саяаами. рад̇д̇им̣ бхад̇д̇ам̣ на бхун̃ж̇аханд̇и рад̇д̇уубарад̇аа худ̇ваа рад̇д̇ияам̣ бхож̇анам̣ на бхун̃ж̇им̣.
Bahūvatasamādānāti pañcātapatappanādi bahuvidhavatasamādānā. Gāthāsukhatthaṃ bahūti dīghakaraṇaṃ. Aḍḍhaṃ sīsassa olikhinti mayhaṃ sīsassa aḍḍhameva muṇḍemi. Keci ‘‘aḍḍhaṃ sīsassa olikhinti kesakalāpassa aḍḍhaṃ jaṭābandhanavasena bandhitvā aḍḍhaṃ vissajjesi’’nti atthaṃ vadanti. Chamāya seyyaṃ kappemīti thaṇḍilasāyinī hutvā anantarahitāya bhūmiyā sayāmi. Rattiṃ bhattaṃ na bhuñjahanti rattūparatā hutvā rattiyaṃ bhojanaṃ na bhuñjiṃ.
вибхуусааман̣д̣анарад̇аад̇и жирагаалам̣ ад̇д̇агиламат̇аануяог̇зна гиланд̇агааяаа ‘‘звам̣ сарийрасса гиламанзна над̇т̇и бан̃н̃аасуд̣̇д̇хи. сажз бана инд̣̇рияаанам̣ д̇осанавасзна сарийрасса д̇аббанзна суд̣̇д̇хи сияаа’’д̇и манд̇ваа имам̣ гааяам̣ ануг̇г̇ан̣ханд̇ий вибхуусааяам̣ ман̣д̣анз жа рад̇аа вад̇т̇аалан̇гаарзхи алан̇гаран̣з г̇анд̇хамаалаад̣̇ийхи ман̣д̣анз жа абхирад̇аа. нхаабанужчаад̣̇анзхи жаад̇и самб̣ааханаад̣̇ийни гаарзд̇ваа нхаабанзна ужчаад̣̇анзна жа. убагаасим̣ имам̣ гааяанд̇и имам̣ мама гааяам̣ ануг̇г̇ан̣хим̣ санд̇аббзсим̣. гаамарааг̇зна аддид̇аад̇и звам̣ гааяад̣̇ал̣хийб̣ахулаа худ̇ваа аяонисоманасигаарабажжаяаа барияудтид̇зна гаамарааг̇зна аддид̇аа абхин̣хам̣ убад̣̇д̣̇уд̇аа ахосим̣.
Vibhūsāmaṇḍanaratāti cirakālaṃ attakilamathānuyogena kilantakāyā ‘‘evaṃ sarīrassa kilamanena natthi paññāsuddhi. Sace pana indriyānaṃ tosanavasena sarīrassa tappanena suddhi siyā’’ti mantvā imaṃ kāyaṃ anuggaṇhantī vibhūsāyaṃ maṇḍane ca ratā vatthālaṅkārehi alaṅkaraṇe gandhamālādīhi maṇḍane ca abhiratā. Nhāpanucchādanehi cāti sambāhanādīni kāretvā nhāpanena ucchādanena ca. Upakāsiṃ imaṃ kāyanti imaṃ mama kāyaṃ anuggaṇhiṃ santappesiṃ. Kāmarāgena aṭṭitāti evaṃ kāyadaḷhībahulā hutvā ayonisomanasikārapaccayā pariyuṭṭhitena kāmarāgena aṭṭitā abhiṇhaṃ upaddutā ahosiṃ.
д̇ад̇о сад̣̇д̇хам̣ лабхид̇ваанаад̇и звам̣ самаад̣̇иннавад̇аани бхинд̣̇ид̇ваа гааяад̣̇ал̣хийб̣ахулаа ваад̣̇аббасуд̇аа худ̇ваа д̇ад̇т̇а д̇ад̇т̇а вижаранд̇ий д̇ад̇о бажчаа абарабхааг̇з махаамог̇г̇аллаанад̇т̇зрасса санд̇игз лад̣̇д̇ховаад̣̇аанусаасанаа сад̣̇д̇хам̣ бадилабхид̇ваа. д̣̇исваа гааяам̣ яат̇аабхууд̇анд̇и саха вибассанааяа маг̇г̇абан̃н̃ааяа имам̣ мама гааяам̣ яат̇аабхууд̇ам̣ д̣̇исваа анааг̇аамимаг̇г̇зна саб̣б̣асо гаамарааг̇о самуухад̇о. д̇ад̇о барам̣ аг̇г̇амаг̇г̇зна саб̣б̣з бхаваа самужчиннаа, ижчаа жа бад̇т̇анааби жаад̇и бажжуббаннависаяаабхилаасасан̇каад̇аа ижчаа жа ааяад̇ибхаваабхилаасасан̇каад̇аа бад̇т̇анааби саб̣б̣з бхавааби самужчиннаад̇и яож̇анаа . санд̇им̣ баабун̣и жзд̇асод̇и ажжанд̇ам̣ санд̇им̣ арахад̇д̇апалам̣ баабун̣им̣ ад̇хиг̇ажчинд̇и ад̇т̇о.
Tato saddhaṃ labhitvānāti evaṃ samādinnavatāni bhinditvā kāyadaḷhībahulā vādappasutā hutvā tattha tattha vicarantī tato pacchā aparabhāge mahāmoggallānattherassa santike laddhovādānusāsanā saddhaṃ paṭilabhitvā. Disvā kāyaṃ yathābhūtanti saha vipassanāya maggapaññāya imaṃ mama kāyaṃ yathābhūtaṃ disvā anāgāmimaggena sabbaso kāmarāgo samūhato. Tato paraṃ aggamaggena sabbe bhavā samucchinnā, icchā ca patthanāpi cāti paccuppannavisayābhilāsasaṅkhātā icchā ca āyatibhavābhilāsasaṅkhātā patthanāpi sabbe bhavāpi samucchinnāti yojanā . Santiṃ pāpuṇi cetasoti accantaṃ santiṃ arahattaphalaṃ pāpuṇiṃ adhigacchinti attho.
нанд̣̇уд̇д̇араат̇зрийг̇аат̇ааван̣н̣анаа нидтид̇аа.
Nanduttarātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 5. нанд̣̇уд̇д̇араат̇зрийг̇аат̇аа • 5. Nanduttarātherīgāthā
