| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[123] 3. нан̇г̇алийсаж̇аад̇агаван̣н̣анаа
[123] 3. Naṅgalīsajātakavaṇṇanā
асаб̣б̣ад̇т̇аг̇аамим̣ ваажанд̇и ид̣̇ам̣ сад̇т̇аа ж̇зд̇аванз вихаранд̇о лаал̣уд̣̇ааяид̇т̇зрам̣ аараб̣бха гат̇зси. со гира д̇хаммам̣ гат̇знд̇о ‘‘имасмим̣ таанз ид̣̇ам̣ гат̇зд̇аб̣б̣ам̣, имасмим̣ таанз ид̣̇ам̣ на гат̇зд̇аб̣б̣а’’нд̇и яуд̇д̇ааяуд̇д̇ам̣ на ж̇аанаад̇и, ман̇г̇алз аваман̇г̇алам̣ вад̣̇анд̇о ‘‘д̇ирогуддзсу д̇идтанд̇и, санд̇хисин̇гхаадагзсу жаа’’д̇и ид̣̇ам̣ аваман̇г̇алам̣ ман̇г̇алам̣ гад̇ваа анумод̣̇анам̣ гат̇зд̇и. аваман̇г̇алзсу анумод̣̇анам̣ гаронд̇о ‘‘б̣ахуу д̣̇зваа мануссаа жа, ман̇г̇алаани ажинд̇аяу’’нд̇и вад̇ваа ‘‘зваруубаанам̣ ман̇г̇алаанам̣ сад̇амби сахассамби гаад̇ум̣ самад̇т̇аа хот̇аа’’д̇и вад̣̇ад̇и. ат̇згад̣̇ивасам̣ д̇хаммасабхааяам̣ бхигкуу ‘‘аавусо, лаал̣уд̣̇ааяий яуд̇д̇ааяуд̇д̇ам̣ на ж̇аанаад̇и, саб̣б̣ад̇т̇а абхаасид̇аб̣б̣аваажам̣ бхаасад̇ий’’д̇и гат̇ам̣ самудтаабзсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, лаал̣уд̣̇ааяий ид̣̇аанзва д̣̇анд̇хабарисаггано яуд̇д̇ааяуд̇д̇ам̣ на ж̇аанаад̇и, буб̣б̣зби зваруубо ахоси, нижжам̣ лаал̣агоязва зсо’’д̇и вад̇ваа ад̇ийд̇ам̣ аахари.
Asabbatthagāmiṃvācanti idaṃ satthā jetavane viharanto lāḷudāyittheraṃ ārabbha kathesi. So kira dhammaṃ kathento ‘‘imasmiṃ ṭhāne idaṃ kathetabbaṃ, imasmiṃ ṭhāne idaṃ na kathetabba’’nti yuttāyuttaṃ na jānāti, maṅgale avamaṅgalaṃ vadanto ‘‘tirokuṭṭesu tiṭṭhanti, sandhisiṅghāṭakesu cā’’ti idaṃ avamaṅgalaṃ maṅgalaṃ katvā anumodanaṃ katheti. Avamaṅgalesu anumodanaṃ karonto ‘‘bahū devā manussā ca, maṅgalāni acintayu’’nti vatvā ‘‘evarūpānaṃ maṅgalānaṃ satampi sahassampi kātuṃ samatthā hothā’’ti vadati. Athekadivasaṃ dhammasabhāyaṃ bhikkhū ‘‘āvuso, lāḷudāyī yuttāyuttaṃ na jānāti, sabbattha abhāsitabbavācaṃ bhāsatī’’ti kathaṃ samuṭṭhāpesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, lāḷudāyī idāneva dandhaparisakkano yuttāyuttaṃ na jānāti, pubbepi evarūpo ahosi, niccaṃ lāḷakoyeva eso’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа б̣аараан̣асияам̣ д̣̇исаабаамогко аажарияо худ̇ваа бан̃жа маан̣авагасад̇аани сиббам̣ ваажзси. д̇ад̣̇аа д̇зсу маан̣авзсу зго д̣̇анд̇хабарисаггано лаал̣аго маан̣аво д̇хамманд̇зваасиго худ̇ваа сиббам̣ уг̇г̇ан̣хаад̇и, д̣̇анд̇хабхаавзна бана уг̇г̇ан̣хид̇ум̣ на саггод̇и. б̣од̇хисад̇д̇асса бана убагааро ход̇и, д̣̇аасо вияа саб̣б̣агижжаани гарод̇и. ат̇згад̣̇ивасам̣ б̣од̇хисад̇д̇о сааяамаасам̣ бхун̃ж̇ид̇ваа саяанз нибанно д̇ам̣ маан̣авам̣ хад̇т̇абаад̣̇абидтибаригаммаани гад̇ваа г̇ажчанд̇ам̣ ааха ‘‘д̇аад̇а, ман̃жабаад̣̇з убад̇т̇амбхзд̇ваа яаахий’’д̇и. маан̣аво згам̣ баад̣̇ам̣ убад̇т̇амбхзд̇ваа згасса убад̇т̇амбхагам̣ алабханд̇о ад̇д̇ано уурумхи табзд̇ваа рад̇д̇им̣ кзбзси.
Atīte bārāṇasiyaṃ brahmadatte rajjaṃ kārente bodhisatto brāhmaṇamahāsālakule nibbattitvā vayappatto takkasilāyaṃ sabbasippāni uggaṇhitvā bārāṇasiyaṃ disāpāmokkho ācariyo hutvā pañca māṇavakasatāni sippaṃ vācesi. Tadā tesu māṇavesu eko dandhaparisakkano lāḷako māṇavo dhammantevāsiko hutvā sippaṃ uggaṇhāti, dandhabhāvena pana uggaṇhituṃ na sakkoti. Bodhisattassa pana upakāro hoti, dāso viya sabbakiccāni karoti. Athekadivasaṃ bodhisatto sāyamāsaṃ bhuñjitvā sayane nipanno taṃ māṇavaṃ hatthapādapiṭṭhiparikammāni katvā gacchantaṃ āha ‘‘tāta, mañcapāde upatthambhetvā yāhī’’ti. Māṇavo ekaṃ pādaṃ upatthambhetvā ekassa upatthambhakaṃ alabhanto attano ūrumhi ṭhapetvā rattiṃ khepesi.
б̣од̇хисад̇д̇о бажжуусасамаяз удтааяа д̇ам̣ д̣̇исваа ‘‘гим̣, д̇аад̇а, нисинносий’’д̇и бужчи. ‘‘аажарияа, згасса ман̃жабаад̣̇асса убад̇т̇амбхагам̣ алабханд̇о уурумхи табзд̇ваа нисинномхий’’д̇и. б̣од̇хисад̇д̇о сам̣виг̇г̇амаанасо худ̇ваа ‘‘аяам̣ ад̇и вияа маяхам̣ убагааро, зд̇д̇агаанам̣ бана маан̣авагаанам̣ анд̇арз аяамзва д̣̇анд̇хо сиббам̣ сигкид̇ум̣ на саггод̇и, гат̇ам̣ ну ко ахам̣ имам̣ бан̣д̣ид̇ам̣ гарзяяа’’нд̇и жинд̇зси. ат̇асса зд̇ад̣̇ахоси ‘‘ад̇т̇зго убааяо, ахам̣ имам̣ маан̣авам̣ д̣̇ааруад̇т̇ааяа бан̣н̣ад̇т̇ааяа жа ванам̣ г̇анд̇ваа ааг̇ад̇ам̣ ‘аж̇ж̇а д̇з гим̣ д̣̇идтам̣, гим̣ гад̇а’нд̇и бужчиссаами. ат̇а мз ‘ид̣̇ам̣ наама аж̇ж̇а маяаа д̣̇идтам̣, ид̣̇ам̣ гад̇а’нд̇и аажигкиссад̇и. ат̇а нам̣ ‘д̇аяаа д̣̇идтан̃жа гад̇ан̃жа гийд̣̇иса’нд̇и бужчиссаами, со ‘зваруубам̣ наамаа’д̇и убамааяа жа гааран̣зна жа гат̇зссад̇и. ид̇и нам̣ навам̣ навам̣ убаман̃жа гааран̣ан̃жа гат̇аабзд̇ваа иминаа убааязна бан̣д̣ид̇ам̣ гариссаамий’’д̇и. со д̇ам̣ баггосаабзд̇ваа ‘‘д̇аад̇а маан̣ава, ид̇о бадтааяа д̣̇ааруад̇т̇ааяа ваа бан̣н̣ад̇т̇ааяа ваа г̇ад̇адтаанз яам̣ д̇з д̇ад̇т̇а д̣̇идтам̣ ваа суд̇ам̣ ваа бхуд̇д̇ам̣ ваа бийд̇ам̣ ваа каад̣̇ид̇ам̣ ваа ход̇и, д̇ам̣ ааг̇анд̇ваа маяхам̣ аарожзяяаасий’’д̇и ааха.
Bodhisatto paccūsasamaye uṭṭhāya taṃ disvā ‘‘kiṃ, tāta, nisinnosī’’ti pucchi. ‘‘Ācariya, ekassa mañcapādassa upatthambhakaṃ alabhanto ūrumhi ṭhapetvā nisinnomhī’’ti. Bodhisatto saṃviggamānaso hutvā ‘‘ayaṃ ati viya mayhaṃ upakāro, ettakānaṃ pana māṇavakānaṃ antare ayameva dandho sippaṃ sikkhituṃ na sakkoti, kathaṃ nu kho ahaṃ imaṃ paṇḍitaṃ kareyya’’nti cintesi. Athassa etadahosi ‘‘attheko upāyo, ahaṃ imaṃ māṇavaṃ dāruatthāya paṇṇatthāya ca vanaṃ gantvā āgataṃ ‘ajja te kiṃ diṭṭhaṃ, kiṃ kata’nti pucchissāmi. Atha me ‘idaṃ nāma ajja mayā diṭṭhaṃ, idaṃ kata’nti ācikkhissati. Atha naṃ ‘tayā diṭṭhañca katañca kīdisa’nti pucchissāmi, so ‘evarūpaṃ nāmā’ti upamāya ca kāraṇena ca kathessati. Iti naṃ navaṃ navaṃ upamañca kāraṇañca kathāpetvā iminā upāyena paṇḍitaṃ karissāmī’’ti. So taṃ pakkosāpetvā ‘‘tāta māṇava, ito paṭṭhāya dāruatthāya vā paṇṇatthāya vā gataṭṭhāne yaṃ te tattha diṭṭhaṃ vā sutaṃ vā bhuttaṃ vā pītaṃ vā khāditaṃ vā hoti, taṃ āgantvā mayhaṃ āroceyyāsī’’ti āha.
со ‘‘саад̇хуу’’д̇и бадиссун̣ид̇ваа згад̣̇ивасам̣ маан̣авзхи сад̣̇д̇хим̣ д̣̇ааруад̇т̇ааяа аран̃н̃ам̣ г̇ад̇о д̇ад̇т̇а саббам̣ д̣̇исваа ааг̇анд̇ваа ‘‘аажарияа, саббо мз д̣̇идто’’д̇и аарожзси. ‘‘саббо наама, д̇аад̇а, гийд̣̇исо ход̇ий’’д̇и? ‘‘сзяяат̇ааби нан̇г̇алийсаа’’д̇и. ‘‘саад̇ху, д̇аад̇а, манаабаа д̇з убамаа аахадаа, саббаа наама нан̇г̇алийсасад̣̇исаава хонд̇ий’’д̇и. ат̇а б̣од̇хисад̇д̇о ‘‘маан̣авагзна манаабаа убамаа аахадаа, сагкиссаами нам̣ бан̣д̣ид̇ам̣ гаад̇у’’нд̇и жинд̇зси. маан̣аво буна згад̣̇ивасам̣ аран̃н̃з хад̇т̇им̣ д̣̇исваа ‘‘хад̇т̇ий мз аажарияа д̣̇идто’’д̇и ааха. ‘‘хад̇т̇ий наама, д̇аад̇а, гийд̣̇исо’’д̇и? ‘‘сзяяат̇ааби, нан̇г̇алийсаа’’д̇и. б̣од̇хисад̇д̇о ‘‘хад̇т̇исса сон̣д̣аа нан̇г̇алийсасад̣̇исаа хонд̇и, д̣̇анд̇аад̣̇аяо зваруубаа жа зваруубаа жа. аяам̣ бана б̣аалад̇ааяа вибхаж̇ид̇ваа гат̇зд̇ум̣ асаггонд̇о сон̣д̣ам̣ санд̇хааяа гат̇зси ман̃н̃з’’д̇и д̇ун̣хий ахоси. ат̇згад̣̇ивасам̣ ниманд̇анз ужчум̣ лабхид̇ваа ‘‘аажарияа, аж̇ж̇а маяам̣ ужчу каад̣̇имхаа’’д̇и ааха. ‘‘ужчу наама гийд̣̇исо’’д̇и вуд̇д̇з ‘‘сзяяат̇ааби нан̇г̇алийсаа’’д̇и ааха. аажарияо ‘‘т̇огам̣ бад̇ируубам̣ гааран̣ам̣ гат̇зсий’’д̇и д̇ун̣хий ж̇аад̇о.
So ‘‘sādhū’’ti paṭissuṇitvā ekadivasaṃ māṇavehi saddhiṃ dāruatthāya araññaṃ gato tattha sappaṃ disvā āgantvā ‘‘ācariya, sappo me diṭṭho’’ti ārocesi. ‘‘Sappo nāma, tāta, kīdiso hotī’’ti? ‘‘Seyyathāpi naṅgalīsā’’ti. ‘‘Sādhu, tāta, manāpā te upamā āhaṭā, sappā nāma naṅgalīsasadisāva hontī’’ti. Atha bodhisatto ‘‘māṇavakena manāpā upamā āhaṭā, sakkhissāmi naṃ paṇḍitaṃ kātu’’nti cintesi. Māṇavo puna ekadivasaṃ araññe hatthiṃ disvā ‘‘hatthī me ācariya diṭṭho’’ti āha. ‘‘Hatthī nāma, tāta, kīdiso’’ti? ‘‘Seyyathāpi, naṅgalīsā’’ti. Bodhisatto ‘‘hatthissa soṇḍā naṅgalīsasadisā honti, dantādayo evarūpā ca evarūpā ca. Ayaṃ pana bālatāya vibhajitvā kathetuṃ asakkonto soṇḍaṃ sandhāya kathesi maññe’’ti tuṇhī ahosi. Athekadivasaṃ nimantane ucchuṃ labhitvā ‘‘ācariya, ajja mayaṃ ucchu khādimhā’’ti āha. ‘‘Ucchu nāma kīdiso’’ti vutte ‘‘seyyathāpi naṅgalīsā’’ti āha. Ācariyo ‘‘thokaṃ patirūpaṃ kāraṇaṃ kathesī’’ti tuṇhī jāto.
бунзгад̣̇ивасам̣ ниманд̇анз згажжз маан̣аваа г̇ул̣ам̣ д̣̇ад̇хинаа бхун̃ж̇им̣су, згажжз кийрзна. со ааг̇анд̇ваа ‘‘аажарияа, аж̇ж̇а маяам̣ д̣̇ад̇хинаа кийрзна жа бхун̃ж̇имхаа’’д̇и вад̇ваа ‘‘д̣̇ад̇хикийрам̣ наама гийд̣̇исам̣ ход̇ий’’д̇и вуд̇д̇з ‘‘сзяяат̇ааби нан̇г̇алийсаа’’д̇и ааха. аажарияо ‘‘аяам̣ маан̣аво ‘саббо нан̇г̇алийсасад̣̇исо’д̇и гат̇знд̇о д̇аава сугат̇ид̇ам̣ гат̇зси, ‘хад̇т̇ий нан̇г̇алийсасад̣̇исо’д̇и гат̇знд̇знааби сон̣д̣ам̣ санд̇хааяа лзсзна гат̇ид̇ам̣. ‘ужчу нан̇г̇алийсасад̣̇иса’нд̇и гат̇анзби лзсо ад̇т̇и, ‘д̣̇ад̇хикийраани бана нижжам̣ бан̣д̣араани багкид̇д̇абхааж̇анасан̣таанааний’д̇и ид̇ха саб̣б̣зна саб̣б̣ам̣ убамам̣ на гат̇зси, на саггаа имам̣ лаал̣агам̣ сигкаабзд̇у’’нд̇и вад̇ваа имам̣ г̇аат̇амааха –
Punekadivasaṃ nimantane ekacce māṇavā guḷaṃ dadhinā bhuñjiṃsu, ekacce khīrena. So āgantvā ‘‘ācariya, ajja mayaṃ dadhinā khīrena ca bhuñjimhā’’ti vatvā ‘‘dadhikhīraṃ nāma kīdisaṃ hotī’’ti vutte ‘‘seyyathāpi naṅgalīsā’’ti āha. Ācariyo ‘‘ayaṃ māṇavo ‘sappo naṅgalīsasadiso’ti kathento tāva sukathitaṃ kathesi, ‘hatthī naṅgalīsasadiso’ti kathentenāpi soṇḍaṃ sandhāya lesena kathitaṃ. ‘Ucchu naṅgalīsasadisa’nti kathanepi leso atthi, ‘dadhikhīrāni pana niccaṃ paṇḍarāni pakkhittabhājanasaṇṭhānānī’ti idha sabbena sabbaṃ upamaṃ na kathesi, na sakkā imaṃ lāḷakaṃ sikkhāpetu’’nti vatvā imaṃ gāthamāha –
123.
123.
‘‘асаб̣б̣ад̇т̇аг̇аамим̣ ваажам̣, б̣аало саб̣б̣ад̇т̇а бхаасад̇и;
‘‘Asabbatthagāmiṃ vācaṃ, bālo sabbattha bhāsati;
нааяам̣ д̣̇ад̇хим̣ взд̣̇и на нан̇г̇алийсам̣, д̣̇ад̇хиббаяам̣ ман̃н̃ад̇и нан̇г̇алийса’’нд̇и.
Nāyaṃ dadhiṃ vedi na naṅgalīsaṃ, dadhippayaṃ maññati naṅgalīsa’’nti.
д̇ад̇рааяам̣ сан̇кзбад̇т̇о – яаа ваажаа обаммавасзна саб̣б̣ад̇т̇а на г̇ажчад̇и, д̇ам̣ асаб̣б̣ад̇т̇аг̇аамим̣ ваажам̣ б̣аало д̣̇анд̇хабуг̇г̇ало саб̣б̣ад̇т̇а бхаасад̇и, ‘‘д̣̇ад̇хи наама гийд̣̇иса’’нд̇и будтоби ‘‘сзяяат̇ааби, нан̇г̇алийсаа’’д̇и вад̣̇ад̇зва. звам̣ вад̣̇анд̇о нааяам̣ д̣̇ад̇хим̣ взд̣̇и на нан̇г̇алийсам̣. гим̣гааран̣аа? д̣̇ад̇хиббаяам̣ ман̃н̃ад̇и нан̇г̇алийсам̣, яасмаа аяам̣ д̣̇ад̇химби нан̇г̇алийсамзва ман̃н̃ад̇и. ат̇а ваа д̣̇ад̇хийд̇и д̣̇ад̇химзва, баяанд̇и кийрам̣, д̣̇ад̇хи жа баяан̃жа д̣̇ад̇хиббаяам̣. яасмаа д̣̇ад̇хикийрааниби аяам̣ нан̇г̇алийсамзва ман̃н̃ад̇и, зд̣̇исо жааяам̣ б̣аало, гим̣ иминаад̇и анд̇зваасигаанам̣ д̇хаммагат̇ам̣ гат̇зд̇ваа бариб̣б̣аяам̣ д̣̇ад̇ваа д̇ам̣ уяяож̇зси.
Tatrāyaṃ saṅkhepattho – yā vācā opammavasena sabbattha na gacchati, taṃ asabbatthagāmiṃ vācaṃ bālo dandhapuggalo sabbattha bhāsati, ‘‘dadhi nāma kīdisa’’nti puṭṭhopi ‘‘seyyathāpi, naṅgalīsā’’ti vadateva. Evaṃ vadanto nāyaṃ dadhiṃ vedi na naṅgalīsaṃ. Kiṃkāraṇā? Dadhippayaṃ maññati naṅgalīsaṃ, yasmā ayaṃ dadhimpi naṅgalīsameva maññati. Atha vā dadhīti dadhimeva, payanti khīraṃ, dadhi ca payañca dadhippayaṃ. Yasmā dadhikhīrānipi ayaṃ naṅgalīsameva maññati, ediso cāyaṃ bālo, kiṃ imināti antevāsikānaṃ dhammakathaṃ kathetvā paribbayaṃ datvā taṃ uyyojesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа лаал̣агамаан̣аво лаал̣уд̣̇ааяий ахоси, д̣̇исаабаамогко аажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā lāḷakamāṇavo lāḷudāyī ahosi, disāpāmokkho ācariyo pana ahameva ahosi’’nti.
нан̇г̇алийсаж̇аад̇агаван̣н̣анаа д̇ад̇ияаа.
Naṅgalīsajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 123. нан̇г̇алийсаж̇аад̇агам̣ • 123. Naṅgalīsajātakaṃ
