| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૨. રથકારવગ્ગો
2. Rathakāravaggo
૧. ઞાતસુત્તવણ્ણના
1. Ñātasuttavaṇṇanā
૧૧. દુતિયસ્સ પઠમે ઞાતોયેવ પઞ્ઞાતોતિ આહ ‘‘ઞાતો પઞ્ઞાતો’’તિ. કસ્સ અનનુલોમિકેતિ આહ ‘‘સાસનસ્સા’’તિ, સાસનસ્સ અનનુલોમિકે અપ્પતિરૂપેતિ અત્થો. ઇદાનિ અનનુલોમિકસદ્દસ્સ નિબ્બચનં દસ્સેન્તો ‘‘ન અનુલોમેતીતિ અનનુલોમિક’’ન્તિ આહ . સાસનસ્સાતિ વા સાસનન્તિ અત્થો. સાસનં ન અનુલોમેતીતિ અનનુલોમિકન્તિ એવમેત્થ સમ્બન્ધો દટ્ઠબ્બો. સભાગવિસભાગન્તિ લિઙ્ગતો સભાગવિસભાગં. ‘‘વિયપુગ્ગલે’’તિ આહાતિ લિઙ્ગસભાગેહિ અવિસેસેત્વા આહ. ઉમ્માદં પાપુણીતિ સો કિર સીલં અધિટ્ઠાય પિહિતદ્વારગબ્ભે સયનપિટ્ઠે નિસીદિત્વા ભરિયં આરબ્ભ મેત્તં ભાવેન્તો મેત્તામુખેન ઉપ્પન્નેન રાગેન અન્ધીકતો ભરિયાય સન્તિકં ગન્તુકામો દ્વારં અસલ્લક્ખેત્વા ભિત્તિં ભિન્દિત્વાપિ નિક્ખમિતુકામતાય ભિત્તિં પહરન્તો સબ્બરત્તિં ભિત્તિયુદ્ધમકાસિ. સેસમેત્થ સુવિઞ્ઞેય્યમેવ.
11. Dutiyassa paṭhame ñātoyeva paññātoti āha ‘‘ñāto paññāto’’ti. Kassa ananulomiketi āha ‘‘sāsanassā’’ti, sāsanassa ananulomike appatirūpeti attho. Idāni ananulomikasaddassa nibbacanaṃ dassento ‘‘na anulometīti ananulomika’’nti āha . Sāsanassāti vā sāsananti attho. Sāsanaṃ na anulometīti ananulomikanti evamettha sambandho daṭṭhabbo. Sabhāgavisabhāganti liṅgato sabhāgavisabhāgaṃ. ‘‘Viyapuggale’’ti āhāti liṅgasabhāgehi avisesetvā āha. Ummādaṃ pāpuṇīti so kira sīlaṃ adhiṭṭhāya pihitadvāragabbhe sayanapiṭṭhe nisīditvā bhariyaṃ ārabbha mettaṃ bhāvento mettāmukhena uppannena rāgena andhīkato bhariyāya santikaṃ gantukāmo dvāraṃ asallakkhetvā bhittiṃ bhinditvāpi nikkhamitukāmatāya bhittiṃ paharanto sabbarattiṃ bhittiyuddhamakāsi. Sesamettha suviññeyyameva.
ઞાતસુત્તવણ્ણના નિટ્ઠિતા.
Ñātasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. ઞાતસુત્તં • 1. Ñātasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. ઞાતસુત્તવણ્ણના • 1. Ñātasuttavaṇṇanā
