| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਰਥਕਾਰવਗ੍ਗੋ
2. Rathakāravaggo
੧. ਞਾਤਸੁਤ੍ਤવਣ੍ਣਨਾ
1. Ñātasuttavaṇṇanā
੧੧. ਦੁਤਿਯਸ੍ਸ ਪਠਮੇ ਞਾਤੋਯੇવ ਪਞ੍ਞਾਤੋਤਿ ਆਹ ‘‘ਞਾਤੋ ਪਞ੍ਞਾਤੋ’’ਤਿ। ਕਸ੍ਸ ਅਨਨੁਲੋਮਿਕੇਤਿ ਆਹ ‘‘ਸਾਸਨਸ੍ਸਾ’’ਤਿ, ਸਾਸਨਸ੍ਸ ਅਨਨੁਲੋਮਿਕੇ ਅਪ੍ਪਤਿਰੂਪੇਤਿ ਅਤ੍ਥੋ। ਇਦਾਨਿ ਅਨਨੁਲੋਮਿਕਸਦ੍ਦਸ੍ਸ ਨਿਬ੍ਬਚਨਂ ਦਸ੍ਸੇਨ੍ਤੋ ‘‘ਨ ਅਨੁਲੋਮੇਤੀਤਿ ਅਨਨੁਲੋਮਿਕ’’ਨ੍ਤਿ ਆਹ । ਸਾਸਨਸ੍ਸਾਤਿ વਾ ਸਾਸਨਨ੍ਤਿ ਅਤ੍ਥੋ। ਸਾਸਨਂ ਨ ਅਨੁਲੋਮੇਤੀਤਿ ਅਨਨੁਲੋਮਿਕਨ੍ਤਿ ਏવਮੇਤ੍ਥ ਸਮ੍ਬਨ੍ਧੋ ਦਟ੍ਠਬ੍ਬੋ। ਸਭਾਗવਿਸਭਾਗਨ੍ਤਿ ਲਿਙ੍ਗਤੋ ਸਭਾਗવਿਸਭਾਗਂ। ‘‘વਿਯਪੁਗ੍ਗਲੇ’’ਤਿ ਆਹਾਤਿ ਲਿਙ੍ਗਸਭਾਗੇਹਿ ਅવਿਸੇਸੇਤ੍વਾ ਆਹ। ਉਮ੍ਮਾਦਂ ਪਾਪੁਣੀਤਿ ਸੋ ਕਿਰ ਸੀਲਂ ਅਧਿਟ੍ਠਾਯ ਪਿਹਿਤਦ੍વਾਰਗਬ੍ਭੇ ਸਯਨਪਿਟ੍ਠੇ ਨਿਸੀਦਿਤ੍વਾ ਭਰਿਯਂ ਆਰਬ੍ਭ ਮੇਤ੍ਤਂ ਭਾવੇਨ੍ਤੋ ਮੇਤ੍ਤਾਮੁਖੇਨ ਉਪ੍ਪਨ੍ਨੇਨ ਰਾਗੇਨ ਅਨ੍ਧੀਕਤੋ ਭਰਿਯਾਯ ਸਨ੍ਤਿਕਂ ਗਨ੍ਤੁਕਾਮੋ ਦ੍વਾਰਂ ਅਸਲ੍ਲਕ੍ਖੇਤ੍વਾ ਭਿਤ੍ਤਿਂ ਭਿਨ੍ਦਿਤ੍વਾਪਿ ਨਿਕ੍ਖਮਿਤੁਕਾਮਤਾਯ ਭਿਤ੍ਤਿਂ ਪਹਰਨ੍ਤੋ ਸਬ੍ਬਰਤ੍ਤਿਂ ਭਿਤ੍ਤਿਯੁਦ੍ਧਮਕਾਸਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
11. Dutiyassa paṭhame ñātoyeva paññātoti āha ‘‘ñāto paññāto’’ti. Kassa ananulomiketi āha ‘‘sāsanassā’’ti, sāsanassa ananulomike appatirūpeti attho. Idāni ananulomikasaddassa nibbacanaṃ dassento ‘‘na anulometīti ananulomika’’nti āha . Sāsanassāti vā sāsananti attho. Sāsanaṃ na anulometīti ananulomikanti evamettha sambandho daṭṭhabbo. Sabhāgavisabhāganti liṅgato sabhāgavisabhāgaṃ. ‘‘Viyapuggale’’ti āhāti liṅgasabhāgehi avisesetvā āha. Ummādaṃ pāpuṇīti so kira sīlaṃ adhiṭṭhāya pihitadvāragabbhe sayanapiṭṭhe nisīditvā bhariyaṃ ārabbha mettaṃ bhāvento mettāmukhena uppannena rāgena andhīkato bhariyāya santikaṃ gantukāmo dvāraṃ asallakkhetvā bhittiṃ bhinditvāpi nikkhamitukāmatāya bhittiṃ paharanto sabbarattiṃ bhittiyuddhamakāsi. Sesamettha suviññeyyameva.
ਞਾਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ñātasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਞਾਤਸੁਤ੍ਤਂ • 1. Ñātasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਞਾਤਸੁਤ੍ਤવਣ੍ਣਨਾ • 1. Ñātasuttavaṇṇanā
