| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
22. நத்தி²பச்சயனித்³தே³ஸவண்ணனா
22. Natthipaccayaniddesavaṇṇanā
22. நத்தி²பச்சயனித்³தே³ஸே ஸமனந்தரனிருத்³தா⁴தி அஞ்ஞேன சித்துப்பாதே³ன அனந்தரிகா ஹுத்வா ஸமனந்தரனிருத்³தா⁴. படுப்பன்னானந்தி பச்சுப்பன்னானங். இமினா நத்தி²பச்சயஸ்ஸ ஓகாஸதா³னட்டே²ன நத்தி²பச்சயபா⁴வங் ஸாதே⁴தி. புரிமேஸு ஹி நிரோத⁴வஸேன பச்சி²மானங் பவத்தனோகாஸங் அதெ³ந்தேஸு தேஸங் படுப்பன்னபா⁴வோ ந ஸியாதி அயமெத்த² பாளிவண்ணனா. ஸேஸங் ஸப்³ப³ங் அனந்தரபச்சயே வுத்தனயேனேவ வேதி³தப்³ப³ங். பச்சயலக்க²ணமேவ ஹெத்த² நானங், பச்சயானங் பன பச்சயுப்பன்னானஞ்ச நானாகரணங் நத்தி². கேவலங் பன தத்த² ‘‘சக்கு²விஞ்ஞாணதா⁴து தங்ஸம்பயுத்தகா ச த⁴ம்மா மனோதா⁴துயா’’திஆதி³னா நயேன பச்சயா ச பச்சயுப்பன்னா ச ஸரூபதோ த³ஸ்ஸிதா. இத⁴ பன ‘‘ஸமனந்தரனிருத்³தா⁴ சித்தசேதஸிகா த⁴ம்மா படுப்பன்னானங் சித்தசேதஸிகானங் த⁴ம்மான’’ந்தி ஸப்³பே³பி தே நிரோது⁴ப்பாத³வஸேன ஸாமஞ்ஞதோ த³ஸ்ஸிதாதி.
22. Natthipaccayaniddese samanantaraniruddhāti aññena cittuppādena anantarikā hutvā samanantaraniruddhā. Paṭuppannānanti paccuppannānaṃ. Iminā natthipaccayassa okāsadānaṭṭhena natthipaccayabhāvaṃ sādheti. Purimesu hi nirodhavasena pacchimānaṃ pavattanokāsaṃ adentesu tesaṃ paṭuppannabhāvo na siyāti ayamettha pāḷivaṇṇanā. Sesaṃ sabbaṃ anantarapaccaye vuttanayeneva veditabbaṃ. Paccayalakkhaṇameva hettha nānaṃ, paccayānaṃ pana paccayuppannānañca nānākaraṇaṃ natthi. Kevalaṃ pana tattha ‘‘cakkhuviññāṇadhātu taṃsampayuttakā ca dhammā manodhātuyā’’tiādinā nayena paccayā ca paccayuppannā ca sarūpato dassitā. Idha pana ‘‘samanantaraniruddhā cittacetasikā dhammā paṭuppannānaṃ cittacetasikānaṃ dhammāna’’nti sabbepi te nirodhuppādavasena sāmaññato dassitāti.
நத்தி²பச்சயனித்³தே³ஸவண்ணனா.
Natthipaccayaniddesavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / (2) பச்சயனித்³தே³ஸோ • (2) Paccayaniddeso
