| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൨൨. നത്ഥിപച്ചയനിദ്ദേസവണ്ണനാ
22. Natthipaccayaniddesavaṇṇanā
൨൨. നത്ഥിപച്ചയനിദ്ദേസേ സമനന്തരനിരുദ്ധാതി അഞ്ഞേന ചിത്തുപ്പാദേന അനന്തരികാ ഹുത്വാ സമനന്തരനിരുദ്ധാ. പടുപ്പന്നാനന്തി പച്ചുപ്പന്നാനം. ഇമിനാ നത്ഥിപച്ചയസ്സ ഓകാസദാനട്ഠേന നത്ഥിപച്ചയഭാവം സാധേതി. പുരിമേസു ഹി നിരോധവസേന പച്ഛിമാനം പവത്തനോകാസം അദേന്തേസു തേസം പടുപ്പന്നഭാവോ ന സിയാതി അയമേത്ഥ പാളിവണ്ണനാ. സേസം സബ്ബം അനന്തരപച്ചയേ വുത്തനയേനേവ വേദിതബ്ബം. പച്ചയലക്ഖണമേവ ഹേത്ഥ നാനം, പച്ചയാനം പന പച്ചയുപ്പന്നാനഞ്ച നാനാകരണം നത്ഥി. കേവലം പന തത്ഥ ‘‘ചക്ഖുവിഞ്ഞാണധാതു തംസമ്പയുത്തകാ ച ധമ്മാ മനോധാതുയാ’’തിആദിനാ നയേന പച്ചയാ ച പച്ചയുപ്പന്നാ ച സരൂപതോ ദസ്സിതാ. ഇധ പന ‘‘സമനന്തരനിരുദ്ധാ ചിത്തചേതസികാ ധമ്മാ പടുപ്പന്നാനം ചിത്തചേതസികാനം ധമ്മാന’’ന്തി സബ്ബേപി തേ നിരോധുപ്പാദവസേന സാമഞ്ഞതോ ദസ്സിതാതി.
22. Natthipaccayaniddese samanantaraniruddhāti aññena cittuppādena anantarikā hutvā samanantaraniruddhā. Paṭuppannānanti paccuppannānaṃ. Iminā natthipaccayassa okāsadānaṭṭhena natthipaccayabhāvaṃ sādheti. Purimesu hi nirodhavasena pacchimānaṃ pavattanokāsaṃ adentesu tesaṃ paṭuppannabhāvo na siyāti ayamettha pāḷivaṇṇanā. Sesaṃ sabbaṃ anantarapaccaye vuttanayeneva veditabbaṃ. Paccayalakkhaṇameva hettha nānaṃ, paccayānaṃ pana paccayuppannānañca nānākaraṇaṃ natthi. Kevalaṃ pana tattha ‘‘cakkhuviññāṇadhātu taṃsampayuttakā ca dhammā manodhātuyā’’tiādinā nayena paccayā ca paccayuppannā ca sarūpato dassitā. Idha pana ‘‘samanantaraniruddhā cittacetasikā dhammā paṭuppannānaṃ cittacetasikānaṃ dhammāna’’nti sabbepi te nirodhuppādavasena sāmaññato dassitāti.
നത്ഥിപച്ചയനിദ്ദേസവണ്ണനാ.
Natthipaccayaniddesavaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / പട്ഠാനപാളി • Paṭṭhānapāḷi / (൨) പച്ചയനിദ്ദേസോ • (2) Paccayaniddeso
