| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
൮. നാവാഭിരുഹനസിക്ഖാപദവണ്ണനാ
8. Nāvābhiruhanasikkhāpadavaṇṇanā
൧൮൯. അട്ഠമേ ഏകം തീരം…പേ॰… നിരന്തരന്തി നദിതോ അദ്ധയോജനബ്ഭന്തരേ പദേസേ നിവിട്ഠഗാമേഹി നിരന്തരതാ വുത്താ. ഏകം അഗാമകം അരഞ്ഞന്തി തഥാ നിവിട്ഠഗാമാഭാവേന വുത്തം. അഗാമകതീരപസ്സേനാതിആദി പന അതിരേകഅദ്ധയോജനവിത്ഥതം നദിം സന്ധായ വുത്തം. തതോ ഊനവിത്ഥാരായ ഹി നദിയാ മജ്ഝേനാപി ഗമനേ തീരദ്വയസ്സാപി അദ്ധയോജനബ്ഭന്തരേ ഗതത്താ ഗാമന്തരഗണനായ, അദ്ധയോജനഗണനായ ച ആപത്തിയോ പരിച്ഛിന്ദിതബ്ബാ. തേനേവ ‘‘യോജനവിത്ഥതാ…പേ॰… അദ്ധയോജനഗണനായ പാചിത്തിയാനീ’’തി വുത്തം. തേനേവ ഹി യോജനതോ ഊനായ നദിയാ അദ്ധയോജനബ്ഭന്തരഗതതീരവസേനേവ ആപത്തിഗണനം വുത്തമേവ ഹോതി. ‘‘സബ്ബഅട്ഠകഥാസൂ’’തിആദിനാ വുത്തമേവത്ഥം സമത്ഥേതി. തത്ഥ കിഞ്ചാപി സമുദ്ദതളാകാദീസു പാചിത്തിയം ന വുത്തം, തഥാപി കീളാപുരേക്ഖാരസ്സ തത്ഥ ദുക്കടമേവാതി ഗഹേതബ്ബം, പഠമം കീളാപുരേക്ഖാരസ്സാപി പച്ഛാ നാവായ നിദ്ദുപഗതസ്സ, യോനിസോ വാ മനസി കരോന്തസ്സ ഗാമന്തരോക്കമനാദീസുപി ആപത്തിസമ്ഭവതോ പണ്ണത്തിവജ്ജതാ, തിചിത്തതാ ചസ്സ സിക്ഖാപദസ്സ വുത്താതി വേദിതബ്ബം. സേസം സുവിഞ്ഞേയ്യമേവ.
189. Aṭṭhame ekaṃ tīraṃ…pe… nirantaranti nadito addhayojanabbhantare padese niviṭṭhagāmehi nirantaratā vuttā. Ekaṃ agāmakaṃ araññanti tathā niviṭṭhagāmābhāvena vuttaṃ. Agāmakatīrapassenātiādi pana atirekaaddhayojanavitthataṃ nadiṃ sandhāya vuttaṃ. Tato ūnavitthārāya hi nadiyā majjhenāpi gamane tīradvayassāpi addhayojanabbhantare gatattā gāmantaragaṇanāya, addhayojanagaṇanāya ca āpattiyo paricchinditabbā. Teneva ‘‘yojanavitthatā…pe… addhayojanagaṇanāya pācittiyānī’’ti vuttaṃ. Teneva hi yojanato ūnāya nadiyā addhayojanabbhantaragatatīravaseneva āpattigaṇanaṃ vuttameva hoti. ‘‘Sabbaaṭṭhakathāsū’’tiādinā vuttamevatthaṃ samattheti. Tattha kiñcāpi samuddataḷākādīsu pācittiyaṃ na vuttaṃ, tathāpi kīḷāpurekkhārassa tattha dukkaṭamevāti gahetabbaṃ, paṭhamaṃ kīḷāpurekkhārassāpi pacchā nāvāya niddupagatassa, yoniso vā manasi karontassa gāmantarokkamanādīsupi āpattisambhavato paṇṇattivajjatā, ticittatā cassa sikkhāpadassa vuttāti veditabbaṃ. Sesaṃ suviññeyyameva.
നാവാഭിരുഹനസിക്ഖാപദവണ്ണനാ നിട്ഠിതാ.
Nāvābhiruhanasikkhāpadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൩. ഓവാദവഗ്ഗോ • 3. Ovādavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൮. നാവാഭിരുഹനസിക്ഖാപദവണ്ണനാ • 8. Nāvābhiruhanasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൮. നാവാഭിരുഹനസിക്ഖാപദവണ്ണനാ • 8. Nāvābhiruhanasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൮. നാവാഭിരുഹനസിക്ഖാപദവണ്ണനാ • 8. Nāvābhiruhanasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൮. നാവാഭിരുഹനസിക്ഖാപദം • 8. Nāvābhiruhanasikkhāpadaṃ
