| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૯. નવકવારો
9. Navakavāro
૩૨૯. નવ આઘાતવત્થૂનિ. નવ આઘાતપટિવિનયા. નવ વિનીતવત્થૂનિ. નવ પઠમાપત્તિકા. નવહિ સઙ્ઘો ભિજ્જતિ. નવ પણીતભોજનાનિ . નવમંસેહિ દુક્કટં. નવ પાતિમોક્ખુદ્દેસા. નવ પરમાનિ. નવ તણ્હામૂલકા ધમ્મા. નવ વિધમાના. નવ ચીવરાનિ અધિટ્ઠાતબ્બાનિ. નવ ચીવરાનિ ન વિકપ્પેતબ્બાનિ. દીઘસો નવ વિદત્થિયો સુગતવિદત્થિયા. નવ અધમ્મિકાનિ દાનાનિ. નવ અધમ્મિકા પટિગ્ગહા. નવ અધમ્મિકા પરિભોગા – તીણિ ધમ્મિકાનિ દાનાનિ, તયો ધમ્મિકા પટિગ્ગહા, તયો ધમ્મિકા પરિભોગા. નવ અધમ્મિકા સઞ્ઞત્તિયો 1. નવ ધમ્મિકા સઞ્ઞત્તિયો. અધમ્મકમ્મે દ્વે નવકાનિ. ધમ્મકમ્મે દ્વે નવકાનિ. નવ અધમ્મિકાનિ પાતિમોક્ખટ્ઠપનાનિ. નવ ધમ્મિકાનિ પાતિમોક્ખટ્ઠપનાનીતિ.
329. Nava āghātavatthūni. Nava āghātapaṭivinayā. Nava vinītavatthūni. Nava paṭhamāpattikā. Navahi saṅgho bhijjati. Nava paṇītabhojanāni . Navamaṃsehi dukkaṭaṃ. Nava pātimokkhuddesā. Nava paramāni. Nava taṇhāmūlakā dhammā. Nava vidhamānā. Nava cīvarāni adhiṭṭhātabbāni. Nava cīvarāni na vikappetabbāni. Dīghaso nava vidatthiyo sugatavidatthiyā. Nava adhammikāni dānāni. Nava adhammikā paṭiggahā. Nava adhammikā paribhogā – tīṇi dhammikāni dānāni, tayo dhammikā paṭiggahā, tayo dhammikā paribhogā. Nava adhammikā saññattiyo 2. Nava dhammikā saññattiyo. Adhammakamme dve navakāni. Dhammakamme dve navakāni. Nava adhammikāni pātimokkhaṭṭhapanāni. Nava dhammikāni pātimokkhaṭṭhapanānīti.
નવકં નિટ્ઠિતં.
Navakaṃ niṭṭhitaṃ.
તસ્સુદ્દાનં –
Tassuddānaṃ –
આઘાતવત્થુવિનયા, વિનીતા પઠમેન ચ;
Āghātavatthuvinayā, vinītā paṭhamena ca;
ભિજ્જતિ ચ પણીતઞ્ચ, મંસુદ્દેસપરમાનિ ચ.
Bhijjati ca paṇītañca, maṃsuddesaparamāni ca.
તણ્હા માના અધિટ્ઠાના, વિકપ્પે ચ વિદત્થિયો;
Taṇhā mānā adhiṭṭhānā, vikappe ca vidatthiyo;
દાના પટિગ્ગહા ભોગા, તિવિધા પુન ધમ્મિકા.
Dānā paṭiggahā bhogā, tividhā puna dhammikā.
અધમ્મધમ્મસઞ્ઞત્તિ, દુવે દ્વે નવકાનિ ચ;
Adhammadhammasaññatti, duve dve navakāni ca;
પાતિમોક્ખટ્ઠપનાનિ, અધમ્મધમ્મિકાનિ ચાતિ.
Pātimokkhaṭṭhapanāni, adhammadhammikāni cāti.
Footnotes:
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / નવકવારવણ્ણના • Navakavāravaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / નવકવારવણ્ણના • Navakavāravaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / નવકવારવણ્ણના • Navakavāravaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / છક્કવારાદિવણ્ણના • Chakkavārādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / એકુત્તરિકનયો નવકવારવણ્ણના • Ekuttarikanayo navakavāravaṇṇanā
