| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
9. நவமனயோ ஸம்பயுத்தேனஸம்பயுத்தபத³வண்ணனா
9. Navamanayo sampayuttenasampayuttapadavaṇṇanā
319. இதா³னி ஸம்பயுத்தேனஸம்பயுத்தபத³ங் பா⁴ஜேதுங் வேத³னாக்க²ந்தே⁴னாதிஆதி³ ஆரத்³த⁴ங். தத்த² யங் க²ந்தா⁴தி³வஸேன ஸம்பயுத்தங், புன தஸ்ஸேவ க²ந்தா⁴தீ³ஹி ஸம்பயோக³ங் புச்சி²த்வா விஸ்ஸஜ்ஜனங் கதங். தங் ரூபேன வா ரூபமிஸ்ஸகேஹி வா ஸப்³ப³ரூபக்க²ந்த⁴ஸங்கா³ஹகேஹி வா பதே³ஹி ஸத்³தி⁴ங் ந யுஜ்ஜதி. ரூபேன ஹி ரூபமிஸ்ஸகேன வா அஞ்ஞேஸங் ஸம்பயோகோ³ நத்தி². ஸப்³ப³ரூபக்க²ந்த⁴ஸங்கா³ஹகேஹி ஸப்³பே³ஸங் ஸம்பயோகா³ரஹானங் க²ந்தா⁴தீ³னங் க³ஹிதத்தா அஞ்ஞங்யேவ நத்தி², யங் தேன ஸஹ ஸம்பயோக³ங் க³ச்செ²ய்ய. தஸ்மா ததா²ரூபானி பதா³னி இத⁴ ந க³ஹிதானி. யானி பன பதா³னி ரூபேன அஸம்மிஸ்ஸங் அரூபேகதே³ஸங் தீ³பெந்தி, தானி இத⁴ க³ஹிதானி. தேஸங் இத³முத்³தா³னங் –
319. Idāni sampayuttenasampayuttapadaṃ bhājetuṃ vedanākkhandhenātiādi āraddhaṃ. Tattha yaṃ khandhādivasena sampayuttaṃ, puna tasseva khandhādīhi sampayogaṃ pucchitvā vissajjanaṃ kataṃ. Taṃ rūpena vā rūpamissakehi vā sabbarūpakkhandhasaṅgāhakehi vā padehi saddhiṃ na yujjati. Rūpena hi rūpamissakena vā aññesaṃ sampayogo natthi. Sabbarūpakkhandhasaṅgāhakehi sabbesaṃ sampayogārahānaṃ khandhādīnaṃ gahitattā aññaṃyeva natthi, yaṃ tena saha sampayogaṃ gaccheyya. Tasmā tathārūpāni padāni idha na gahitāni. Yāni pana padāni rūpena asammissaṃ arūpekadesaṃ dīpenti, tāni idha gahitāni. Tesaṃ idamuddānaṃ –
‘‘அரூபக்க²ந்தா⁴ சத்தாரோ, மனாயதனமேவ ச;
‘‘Arūpakkhandhā cattāro, manāyatanameva ca;
விஞ்ஞாணதா⁴துயோ ஸத்த, த்³வே ஸச்சா சுத்³த³ஸிந்த்³ரியா.
Viññāṇadhātuyo satta, dve saccā cuddasindriyā.
‘‘பச்சயே த்³வாத³ஸ பதா³, ததோ உபரி ஸோளஸ;
‘‘Paccaye dvādasa padā, tato upari soḷasa;
திகேஸு அட்ட² கொ³ச்ச²கே, தேசத்தாலீஸமேவ ச.
Tikesu aṭṭha gocchake, tecattālīsameva ca.
‘‘மஹந்தரது³கே ஸத்த, பதா³ பிட்டி²து³கேஸு ச²;
‘‘Mahantaraduke satta, padā piṭṭhidukesu cha;
நவமஸ்ஸ பத³ஸ்ஸேதே, நித்³தே³ஸே ஸங்க³ஹங் க³தா’’தி.
Navamassa padassete, niddese saṅgahaṃ gatā’’ti.
ஸப்³ப³பஞ்ஹேஸு பன யே த⁴ம்மா புச்சா²ய உத்³த⁴டா, தே யேஹி ஸம்பயுத்தா ஹொந்தி, தேஸங் வஸேன க²ந்தா⁴தி³பே⁴தோ³ வேதி³தப்³போ³ . வேத³னாக்க²ந்தே⁴ன ஹி இதரே தயோ க²ந்தா⁴ ஸம்பயுத்தா, புன தேஹி வேத³னாக்க²ந்தோ⁴ ஸம்பயுத்தோ. ஸோ தேஹி ஸஞ்ஞாதீ³ஹி தீஹி க²ந்தே⁴ஹி, ஏகேன மனாயதனேன, ஸத்தஹி விஞ்ஞாணதா⁴தூஹி, ஏகஸ்மிங் த⁴ம்மாயதனே, த⁴ம்மதா⁴துயா ச, கேஹிசி ஸஞ்ஞாஸங்கா²ரேஹேவ ஸம்பயுத்தோ. ஏஸேவ நயோ ஸப்³ப³த்தா²தி.
Sabbapañhesu pana ye dhammā pucchāya uddhaṭā, te yehi sampayuttā honti, tesaṃ vasena khandhādibhedo veditabbo . Vedanākkhandhena hi itare tayo khandhā sampayuttā, puna tehi vedanākkhandho sampayutto. So tehi saññādīhi tīhi khandhehi, ekena manāyatanena, sattahi viññāṇadhātūhi, ekasmiṃ dhammāyatane, dhammadhātuyā ca, kehici saññāsaṅkhāreheva sampayutto. Eseva nayo sabbatthāti.
ஸம்பயுத்தேனஸம்பயுத்தபத³வண்ணனா.
Sampayuttenasampayuttapadavaṇṇanā.
Next: 10. த³ஸமனயோ விப்பயுத்தேனவிப்பயுத்தபத³வண்ணனா • 10. Dasamanayo vippayuttenavippayuttapadavaṇṇanā
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 9. ஸம்பயுத்தேனஸம்பயுத்தபத³னித்³தே³ஸோ • 9. Sampayuttenasampayuttapadaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. நவமனயோ ஸம்பயுத்தேனஸம்பயுத்தபத³வண்ணனா • 9. Navamanayo sampayuttenasampayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. நவமனயோ ஸம்பயுத்தேனஸம்பயுத்தபத³வண்ணனா • 9. Navamanayo sampayuttenasampayuttapadavaṇṇanā
