| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
9. наваманаяо самбаяуд̇д̇знасамбаяуд̇д̇абад̣̇аван̣н̣анаа
9. Navamanayo sampayuttenasampayuttapadavaṇṇanā
319. ‘‘самаасабад̣̇ам̣ ид̣̇а’’нд̇и вад̇ваа аяам̣ наама самаасод̇и д̣̇ассзнд̇о ‘‘яасса канд̇хаад̣̇ино’’д̇иаад̣̇имааха, яасса взд̣̇анаагканд̇хаад̣̇инод̇и ад̇т̇о. яам̣ ид̇ха самбаяуд̇д̇ам̣ вуд̇д̇анд̇и имасмим̣ наваманаяз яам̣ д̇хаммаж̇аад̇ам̣ самбаяуд̇д̇анд̇и вуд̇д̇ам̣. руубагканд̇хаад̣̇ийсу аран̣анд̇зсу аб̣бханд̇араб̣аахирамаад̇игаад̇хаммзсууд̇и нид̣̇д̇хааран̣з бхуммам̣. д̇ан̃хи д̇хаммаж̇аад̇ам̣ ад̇д̇анаа самбаяуд̇д̇зна взд̣̇анаагканд̇хаад̣̇инаа саяам̣ самбаяуд̇д̇анд̇и нид̣̇д̇хаарид̇ам̣. аяог̇од̇и асамбаяог̇о. вагкад̇и д̣̇асаманаяз. д̇ад̇т̇а хи ‘‘руубагканд̇хзна взд̣̇анаад̣̇аяо виббаяуд̇д̇аа, д̇зхи руубагканд̇хо виббаяуд̇д̇о’’д̇и вад̇ваа ниб̣б̣аанам̣ гат̇анд̇и жод̣̇анам̣ санд̇хааяааха ‘‘ниб̣б̣аанам̣ бана сукумаруубаг̇ад̇игамзваа’’д̇и вуд̇д̇ам̣. ‘‘манааяад̇анам̣ згзнааяад̇анзна згааяа д̇хаад̇уяаа гзхижи виббаяуд̇д̇а’’нд̇и зд̇т̇а хи яат̇аа сукумаруубам̣ вияа саруубад̇о ануд̣̇д̇хадамби ниб̣б̣аанам̣ гзхижийд̇ибад̣̇зна г̇ахид̇амзва ход̇ийд̇и зд̣̇исзсу таанзсу ниб̣б̣аанам̣ сукумаруубаг̇ад̇иганд̇и вин̃н̃ааяад̇и, звамид̇хааби ‘‘руубамиссагзхи ваа’’д̇и зд̇зна анубаад̣̇иннаанубаад̣̇аанияаад̣̇ийхи ниб̣б̣аанамиссагзхиби асамбаяог̇о вуд̇д̇о ход̇ийд̇и д̣̇адтаб̣б̣о. авигалажад̇угканд̇хасан̇г̇аахагзхи бад̣̇зхи сахавад̇д̇ино ан̃н̃асса самбаяог̇ино абхаавад̇о ад̇ийд̇аанааг̇ад̇зхи жа самбаяог̇о над̇т̇зваад̇и д̇асса аяуж̇ж̇амаанад̇ам̣ д̣̇ассзнд̇о ‘‘вад̇д̇амаанаанамзва…бз… аруубабхаваад̣̇ийхийд̇и ад̇т̇о’’д̇и ааха. ид̇арзд̇и яз самбаяог̇ам̣ лабханд̇и, гз бана д̇з руубзна асаммиссаа аруубзгад̣̇зсабхууд̇аа. д̇знааха ‘‘взд̣̇анаагканд̇хаад̣̇аяо’’д̇и.
319. ‘‘Samāsapadaṃ ida’’nti vatvā ayaṃ nāma samāsoti dassento ‘‘yassa khandhādino’’tiādimāha, yassa vedanākkhandhādinoti attho. Yaṃ idha sampayuttaṃ vuttanti imasmiṃ navamanaye yaṃ dhammajātaṃ sampayuttanti vuttaṃ. Rūpakkhandhādīsu araṇantesu abbhantarabāhiramātikādhammesūti niddhāraṇe bhummaṃ. Tañhi dhammajātaṃ attanā sampayuttena vedanākkhandhādinā sayaṃ sampayuttanti niddhāritaṃ. Ayogoti asampayogo. Vakkhati dasamanaye. Tattha hi ‘‘rūpakkhandhena vedanādayo vippayuttā, tehi rūpakkhandho vippayutto’’ti vatvā nibbānaṃ kathanti codanaṃ sandhāyāha ‘‘nibbānaṃ pana sukhumarūpagatikamevā’’ti vuttaṃ. ‘‘Manāyatanaṃ ekenāyatanena ekāya dhātuyā kehici vippayutta’’nti ettha hi yathā sukhumarūpaṃ viya sarūpato anuddhaṭampi nibbānaṃ kehicītipadena gahitameva hotīti edisesu ṭhānesu nibbānaṃ sukhumarūpagatikanti viññāyati, evamidhāpi ‘‘rūpamissakehi vā’’ti etena anupādinnaanupādāniyādīhi nibbānamissakehipi asampayogo vutto hotīti daṭṭhabbo. Avikalacatukkhandhasaṅgāhakehi padehi sahavattino aññassa sampayogino abhāvato atītānāgatehi ca sampayogo natthevāti tassa ayujjamānataṃ dassento ‘‘vattamānānameva…pe… arūpabhavādīhīti attho’’ti āha. Itareti ye sampayogaṃ labhanti, ke pana te rūpena asammissā arūpekadesabhūtā. Tenāha ‘‘vedanākkhandhādayo’’ti.
наваманаяасамбаяуд̇д̇знасамбаяуд̇д̇абад̣̇аван̣н̣анаа нидтид̇аа.
Navamanayasampayuttenasampayuttapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 9. самбаяуд̇д̇знасамбаяуд̇д̇абад̣̇анид̣̇д̣̇зсо • 9. Sampayuttenasampayuttapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 9. наваманаяо самбаяуд̇д̇знасамбаяуд̇д̇абад̣̇аван̣н̣анаа • 9. Navamanayo sampayuttenasampayuttapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. наваманаяо самбаяуд̇д̇знасамбаяуд̇д̇абад̣̇аван̣н̣анаа • 9. Navamanayo sampayuttenasampayuttapadavaṇṇanā
