| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³ • Bhikkhunīvibhaṅga |
9. நவமஸங்கா⁴தி³ஸேஸஸிக்கா²பத³ங்
9. Navamasaṅghādisesasikkhāpadaṃ
721. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன து²ல்லனந்தா³ய பி⁴க்கு²னியா அந்தேவாஸிகா பி⁴க்கு²னியோ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ ஸங்ஸட்டா² விஹரிஸ்ஸந்தி பாபாசாரா பாபஸத்³தா³ பாபஸிலோகா பி⁴க்கு²னிஸங்க⁴ஸ்ஸ விஹேஸிகா அஞ்ஞமஞ்ஞிஸ்ஸா வஜ்ஜப்படிச்சா²தி³கா’’தி…பே॰… ஸச்சங் கிர, பி⁴க்க²வே, பி⁴க்கு²னியோ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா பி⁴க்கு²னிஸங்க⁴ஸ்ஸ விஹேஸிகா அஞ்ஞமஞ்ஞிஸ்ஸா வஜ்ஜப்படிச்சா²தி³காதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ ஸங்ஸட்டா² விஹரிஸ்ஸந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –
721. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandāya bhikkhuniyā antevāsikā bhikkhuniyo saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo saṃsaṭṭhā viharissanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā’’ti…pe… saccaṃ kira, bhikkhave, bhikkhuniyo saṃsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo saṃsaṭṭhā viharissanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
722. ‘‘பி⁴க்கு²னியோ பனேவ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா பி⁴க்கு²னியோ பி⁴க்கு²னீஹி ஏவமஸ்ஸு வசனீயா – ‘ப⁴கி³னியோ கோ² ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீ’தி. ஏவஞ்ச தா பி⁴க்கு²னியோ பி⁴க்கு²னீஹி வுச்சமானா ததே²வ பக்³க³ண்ஹெய்யுங், தா பி⁴க்கு²னியோ பி⁴க்கு²னீஹி யாவததியங் ஸமனுபா⁴ஸிதப்³பா³ தஸ்ஸ படினிஸ்ஸக்³கா³ய. யாவததியஞ்சே ஸமனுபா⁴ஸீயமானா தங் படினிஸ்ஸஜ்ஜெய்யுங், இச்சேதங் குஸலங்; நோ சே படினிஸ்ஸஜ்ஜெய்யுங், இமாபி பி⁴க்கு²னியோ யாவததியகங் த⁴ம்மங் ஆபன்னா நிஸ்ஸாரணீயங் ஸங்கா⁴தி³ஸேஸ’’ந்தி.
722.‘‘Bhikkhuniyo paneva saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Tā bhikkhuniyo bhikkhunīhi evamassu vacanīyā – ‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Evañca tā bhikkhuniyo bhikkhunīhi vuccamānā tatheva paggaṇheyyuṃ, tā bhikkhuniyo bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsīyamānā taṃ paṭinissajjeyyuṃ, iccetaṃ kusalaṃ; no ce paṭinissajjeyyuṃ, imāpi bhikkhuniyo yāvatatiyakaṃ dhammaṃ āpannā nissāraṇīyaṃ saṅghādisesa’’nti.
723. பி⁴க்கு²னியோ பனேவாதி உபஸம்பன்னாயோ வுச்சந்தி.
723.Bhikkhuniyo panevāti upasampannāyo vuccanti.
ஸங்ஸட்டா² விஹரந்தீதி ஸங்ஸட்டா² நாம அனநுலோமிகேன காயிகவாசஸிகேன ஸங்ஸட்டா² விஹரந்தி.
Saṃsaṭṭhā viharantīti saṃsaṭṭhā nāma ananulomikena kāyikavācasikena saṃsaṭṭhā viharanti.
பாபாசாராதி பாபகேன ஆசாரேன ஸமன்னாக³தா.
Pāpācārāti pāpakena ācārena samannāgatā.
பாபஸத்³தா³தி பாபகேன கித்திஸத்³தே³ன அப்³பு⁴க்³க³தா.
Pāpasaddāti pāpakena kittisaddena abbhuggatā.
பாபஸிலோகாதி பாபகேன மிச்சா²ஜீவேன ஜீவிதங் கப்பெந்தி.
Pāpasilokāti pāpakena micchājīvena jīvitaṃ kappenti.
பி⁴க்கு²னிஸங்க⁴ஸ்ஸ விஹேஸிகாதி அஞ்ஞமஞ்ஞிஸ்ஸா கம்மே கரீயமானே படிக்கோஸந்தி.
Bhikkhunisaṅghassa vihesikāti aññamaññissā kamme karīyamāne paṭikkosanti.
அஞ்ஞமஞ்ஞிஸ்ஸா வஜ்ஜப்படிச்சா²தி³காதி அஞ்ஞமஞ்ஞங் வஜ்ஜங் படிச்சா²தெ³ந்தி.
Aññamaññissā vajjappaṭicchādikāti aññamaññaṃ vajjaṃ paṭicchādenti.
தா பி⁴க்கு²னியோதி யா தா ஸங்ஸட்டா² பி⁴க்கு²னியோ.
Tā bhikkhuniyoti yā tā saṃsaṭṭhā bhikkhuniyo.
பி⁴க்கு²னீஹீதி அஞ்ஞாஹி பி⁴க்கு²னீஹி.
Bhikkhunīhīti aññāhi bhikkhunīhi.
யா பஸ்ஸந்தி யா ஸுணந்தி தாஹி வத்தப்³பா³ – ‘‘ப⁴கி³னியோ கோ² ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீ’’தி. து³தியம்பி வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜந்தி, இச்சேதங் குஸலங்; நோ சே படினிஸ்ஸஜ்ஜந்தி, ஆபத்தி து³க்கடஸ்ஸ. ஸுத்வா ந வத³ந்தி, ஆபத்தி து³க்கடஸ்ஸ. தா பி⁴க்கு²னியோ ஸங்க⁴மஜ்ஜ²ம்பி ஆகட்³டி⁴த்வா வத்தப்³பா³ – ‘‘ப⁴கி³னியோ கோ² ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. விவிச்சதா²ய்யே. விவேகஞ்ஞேவ ப⁴கி³னீனங் ஸங்கோ⁴ வண்ணேதீ’’தி. து³தியம்பி வத்தப்³பா³. ததியம்பி வத்தப்³பா³. ஸசே படினிஸ்ஸஜ்ஜந்தி, இச்சேதங் குஸலங்; நோ சே படினிஸ்ஸஜ்ஜந்தி, ஆபத்தி து³க்கடஸ்ஸ. தா பி⁴க்கு²னியோ ஸமனுபா⁴ஸிதப்³பா³. ஏவஞ்ச பன, பி⁴க்க²வே, ஸமனுபா⁴ஸிதப்³பா³. ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –
Yā passanti yā suṇanti tāhi vattabbā – ‘‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’’ti. Dutiyampi vattabbā. Tatiyampi vattabbā. Sace paṭinissajjanti, iccetaṃ kusalaṃ; no ce paṭinissajjanti, āpatti dukkaṭassa. Sutvā na vadanti, āpatti dukkaṭassa. Tā bhikkhuniyo saṅghamajjhampi ākaḍḍhitvā vattabbā – ‘‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’’ti. Dutiyampi vattabbā. Tatiyampi vattabbā. Sace paṭinissajjanti, iccetaṃ kusalaṃ; no ce paṭinissajjanti, āpatti dukkaṭassa. Tā bhikkhuniyo samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
724. ‘‘ஸுணாது மே, அய்யே, ஸங்கோ⁴. இத்த²ன்னாமா ச இத்த²ன்னாமா ச பி⁴க்கு²னியோ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா தங் வத்து²ங் ந படினிஸ்ஸஜ்ஜந்தி. யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமஞ்ச இத்த²ன்னாமஞ்ச பி⁴க்கு²னியோ ஸமனுபா⁴ஸெய்ய தஸ்ஸ வத்து²ஸ்ஸ படினிஸ்ஸக்³கா³ய. ஏஸா ஞத்தி.
724. ‘‘Suṇātu me, ayye, saṅgho. Itthannāmā ca itthannāmā ca bhikkhuniyo saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Tā taṃ vatthuṃ na paṭinissajjanti. Yadi saṅghassa pattakallaṃ, saṅgho itthannāmañca itthannāmañca bhikkhuniyo samanubhāseyya tassa vatthussa paṭinissaggāya. Esā ñatti.
‘‘ஸுணாது மே, அய்யே, ஸங்கோ⁴. இத்த²ன்னாமா ச இத்த²ன்னாமா ச பி⁴க்கு²னியோ ஸங்ஸட்டா² விஹரந்தி பாபாசாரா பாபஸத்³தா³ பாபஸிலோகா, பி⁴க்கு²னிஸங்க⁴ஸ்ஸ விஹேஸிகா, அஞ்ஞமஞ்ஞிஸ்ஸா வஜ்ஜப்படிச்சா²தி³கா. தா தங் வத்து²ங் ந படினிஸ்ஸஜ்ஜந்தி. ஸங்கோ⁴ இத்த²ன்னாமஞ்ச இத்த²ன்னாமஞ்ச பி⁴க்கு²னியோ ஸமனுபா⁴ஸதி தஸ்ஸ வத்து²ஸ்ஸ படினிஸ்ஸக்³கா³ய. யஸ்ஸா அய்யாய க²மதி இத்த²ன்னாமாய ச இத்த²ன்னாமாய ச பி⁴க்கு²னீனங் ஸமனுபா⁴ஸனா தஸ்ஸ வத்து²ஸ்ஸ படினிஸ்ஸக்³கா³ய, ஸா துண்ஹஸ்ஸ; யஸ்ஸா நக்க²மதி, ஸா பா⁴ஸெய்ய.
‘‘Suṇātu me, ayye, saṅgho. Itthannāmā ca itthannāmā ca bhikkhuniyo saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Tā taṃ vatthuṃ na paṭinissajjanti. Saṅgho itthannāmañca itthannāmañca bhikkhuniyo samanubhāsati tassa vatthussa paṭinissaggāya. Yassā ayyāya khamati itthannāmāya ca itthannāmāya ca bhikkhunīnaṃ samanubhāsanā tassa vatthussa paṭinissaggāya, sā tuṇhassa; yassā nakkhamati, sā bhāseyya.
‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி…பே॰….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘ஸமனுப⁴ட்டா² ஸங்கே⁴ன, இத்த²ன்னாமா ச இத்த²ன்னாமா ச பி⁴க்கு²னியோ தஸ்ஸ வத்து²ஸ்ஸ படினிஸ்ஸக்³கா³ய. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
‘‘Samanubhaṭṭhā saṅghena, itthannāmā ca itthannāmā ca bhikkhuniyo tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
ஞத்தியா து³க்கடங், த்³வீஹி கம்மவாசாஹி து²ல்லச்சயா, கம்மவாசாபரியோஸானே ஆபத்தி ஸங்கா⁴தி³ஸேஸஸ்ஸ. ஸங்கா⁴தி³ஸேஸங் அஜ்ஜா²பஜ்ஜந்தீனங் ஞத்தியா து³க்கடங் த்³வீஹி கம்மவாசாஹி து²ல்லச்சயா படிப்பஸ்ஸம்ப⁴ந்தி. த்³வே திஸ்ஸோ ஏகதோ ஸமனுபா⁴ஸிதப்³பா³. ததுத்தரி ந ஸமனுபா⁴ஸிதப்³பா³.
Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantīnaṃ ñattiyā dukkaṭaṃ dvīhi kammavācāhi thullaccayā paṭippassambhanti. Dve tisso ekato samanubhāsitabbā. Tatuttari na samanubhāsitabbā.
இமாபி பி⁴க்கு²னியோதி புரிமாயோ உபாதா³ய வுச்சந்தி.
Imāpi bhikkhuniyoti purimāyo upādāya vuccanti.
யாவததியகந்தி யாவததியங் ஸமனுபா⁴ஸனாய ஆபஜ்ஜந்தி, ந ஸஹ வத்து²ஜ்ஜா²சாரா.
Yāvatatiyakanti yāvatatiyaṃ samanubhāsanāya āpajjanti, na saha vatthujjhācārā.
நிஸ்ஸாரணீயந்தி ஸங்க⁴ம்ஹா நிஸ்ஸாரீயதி.
Nissāraṇīyanti saṅghamhā nissārīyati.
ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.
Saṅghādisesoti…pe… tenapi vuccati saṅghādisesoti.
725. த⁴ம்மகம்மே த⁴ம்மகம்மஸஞ்ஞா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே வேமதிகா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ. த⁴ம்மகம்மே அத⁴ம்மகம்மஸஞ்ஞா ந படினிஸ்ஸஜ்ஜந்தி, ஆபத்தி ஸங்கா⁴தி³ஸேஸஸ்ஸ.
725. Dhammakamme dhammakammasaññā na paṭinissajjanti, āpatti saṅghādisesassa. Dhammakamme vematikā na paṭinissajjanti, āpatti saṅghādisesassa. Dhammakamme adhammakammasaññā na paṭinissajjanti, āpatti saṅghādisesassa.
அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ. அத⁴ம்மகம்மே வேமதிகா, ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா, ஆபத்தி து³க்கடஸ்ஸ.
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
726. அனாபத்தி அஸமனுபா⁴ஸந்தீனங், படினிஸ்ஸஜ்ஜந்தீனங், உம்மத்திகானங், ஆதி³கம்மிகானந்தி.
726. Anāpatti asamanubhāsantīnaṃ, paṭinissajjantīnaṃ, ummattikānaṃ, ādikammikānanti.
நவமஸங்கா⁴தி³ஸேஸஸிக்கா²பத³ங் நிட்டி²தங்.
Navamasaṅghādisesasikkhāpadaṃ niṭṭhitaṃ.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 9. நவமஸங்கா⁴தி³ஸேஸஸிக்கா²பத³வண்ணனா • 9. Navamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. நவமஸங்கா⁴தி³ஸேஸஸிக்கா²பத³வண்ணனா • 9. Navamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. நவமஸங்கா⁴தி³ஸேஸஸிக்கா²பத³வண்ணனா • 9. Navamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 9. நவமஸங்கா⁴தி³ஸேஸஸிக்கா²பத³ங் • 9. Navamasaṅghādisesasikkhāpadaṃ
