| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
9. навамасигкаабад̣̇ам̣
9. Navamasikkhāpadaṃ
920. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇ааяа бхигкунияаа убадтаагагулам̣ т̇уллананд̣̇ам̣ бхигкуним̣ зд̇ад̣̇авожа – ‘‘сажз маяам̣, аяяз, саггома, бхигкунисан̇гхасса жийварам̣ д̣̇ассаамаа’’д̇и. д̇зна ко бана самаязна вассам̣вудтаа бхигкунияо жийварам̣ бхааж̇зд̇угаамаа саннибад̇им̣су. т̇уллананд̣̇аа бхигкуний д̇аа бхигкунияо зд̇ад̣̇авожа – ‘‘ааг̇амзт̇а, аяяз, ад̇т̇и бхигкунисан̇гхасса жийварабажжаасаа’’д̇и. бхигкунияо т̇уллананд̣̇ам̣ бхигкуним̣ зд̇ад̣̇авожум̣ – ‘‘г̇ажчааяяз, д̇ам̣ жийварам̣ ж̇аанаахий’’д̇и. т̇уллананд̣̇аа бхигкуний язна д̇ам̣ гулам̣ д̇знубасан̇гами; убасан̇гамид̇ваа д̇з мануссз зд̇ад̣̇авожа – ‘‘д̣̇зт̇аавусо, бхигкунисан̇гхасса жийвара’’нд̇и. ‘‘на маяам̣, аяяз, саггома бхигкунисан̇гхасса жийварам̣ д̣̇аад̇у’’нд̇и . т̇уллананд̣̇аа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа д̣̇уб̣б̣алажийварабажжаасааяа жийварагааласамаяам̣ ад̇иггаамзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний д̣̇уб̣б̣алажийварабажжаасааяа жийварагааласамаяам̣ ад̇иггаамзд̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний д̣̇уб̣б̣алажийварабажжаасааяа жийварагааласамаяам̣ ад̇иггаамзссад̇и ! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
920. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandāya bhikkhuniyā upaṭṭhākakulaṃ thullanandaṃ bhikkhuniṃ etadavoca – ‘‘sace mayaṃ, ayye, sakkoma, bhikkhunisaṅghassa cīvaraṃ dassāmā’’ti. Tena kho pana samayena vassaṃvuṭṭhā bhikkhuniyo cīvaraṃ bhājetukāmā sannipatiṃsu. Thullanandā bhikkhunī tā bhikkhuniyo etadavoca – ‘‘āgametha, ayye, atthi bhikkhunisaṅghassa cīvarapaccāsā’’ti. Bhikkhuniyo thullanandaṃ bhikkhuniṃ etadavocuṃ – ‘‘gacchāyye, taṃ cīvaraṃ jānāhī’’ti. Thullanandā bhikkhunī yena taṃ kulaṃ tenupasaṅkami; upasaṅkamitvā te manusse etadavoca – ‘‘dethāvuso, bhikkhunisaṅghassa cīvara’’nti. ‘‘Na mayaṃ, ayye, sakkoma bhikkhunisaṅghassa cīvaraṃ dātu’’nti . Thullanandā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā dubbalacīvarapaccāsāya cīvarakālasamayaṃ atikkāmessatī’’ti…pe… saccaṃ kira, bhikkhave, thullanandā bhikkhunī dubbalacīvarapaccāsāya cīvarakālasamayaṃ atikkāmetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī dubbalacīvarapaccāsāya cīvarakālasamayaṃ atikkāmessati ! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
921. ‘‘яаа бана бхигкуний д̣̇уб̣б̣алажийварабажжаасааяа жийварагааласамаяам̣ ад̇иггаамзяяа, баажид̇д̇ияа’’нд̇и.
921.‘‘Yā pana bhikkhunī dubbalacīvarapaccāsāya cīvarakālasamayaṃ atikkāmeyya, pācittiya’’nti.
922. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
922.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
д̣̇уб̣б̣алажийварабажжаасаа наама ‘‘сажз маяам̣ саггома, д̣̇ассаама гариссаамаа’’д̇и ваажаа бхиннаа ход̇и.
Dubbalacīvarapaccāsā nāma ‘‘sace mayaṃ sakkoma, dassāma karissāmā’’ti vācā bhinnā hoti.
жийварагааласамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жа маасаа.
Cīvarakālasamayo nāma anatthate kathine vassānassa pacchimo māso, atthate kathine pañca māsā.
жийварагааласамаяам̣ ад̇иггаамзяяаад̇и анад̇т̇ад̇з гат̇инз вассаанасса бажчимам̣ д̣̇ивасам̣ ад̇иггаамзд̇и, аабад̇д̇и баажид̇д̇ияасса. ад̇т̇ад̇з гат̇инз гат̇инуд̣̇д̇хаарад̣̇ивасам̣ ад̇иггаамзд̇и, аабад̇д̇и баажид̇д̇ияасса.
Cīvarakālasamayaṃ atikkāmeyyāti anatthate kathine vassānassa pacchimaṃ divasaṃ atikkāmeti, āpatti pācittiyassa. Atthate kathine kathinuddhāradivasaṃ atikkāmeti, āpatti pācittiyassa.
923. д̣̇уб̣б̣алажийварз д̣̇уб̣б̣алажийварасан̃н̃аа жийварагааласамаяам̣ ад̇иггаамзд̇и, аабад̇д̇и баажид̇д̇ияасса. д̣̇уб̣б̣алажийварз взмад̇игаа жийварагааласамаяам̣ ад̇иггаамзд̇и, аабад̇д̇и д̣̇уггадасса. д̣̇уб̣б̣алажийварз ад̣̇уб̣б̣алажийварасан̃н̃аа жийварагааласамаяам̣ ад̇иггаамзд̇и, анаабад̇д̇и.
923. Dubbalacīvare dubbalacīvarasaññā cīvarakālasamayaṃ atikkāmeti, āpatti pācittiyassa. Dubbalacīvare vematikā cīvarakālasamayaṃ atikkāmeti, āpatti dukkaṭassa. Dubbalacīvare adubbalacīvarasaññā cīvarakālasamayaṃ atikkāmeti, anāpatti.
ад̣̇уб̣б̣алажийварз д̣̇уб̣б̣алажийварасан̃н̃аа, аабад̇д̇и д̣̇уггадасса. ад̣̇уб̣б̣алажийварз взмад̇игаа, аабад̇д̇и д̣̇уггадасса. ад̣̇уб̣б̣алажийварз ад̣̇уб̣б̣алажийварасан̃н̃аа, анаабад̇д̇и.
Adubbalacīvare dubbalacīvarasaññā, āpatti dukkaṭassa. Adubbalacīvare vematikā, āpatti dukkaṭassa. Adubbalacīvare adubbalacīvarasaññā, anāpatti.
924. анаабад̇д̇и аанисам̣сам̣ д̣̇ассзд̇ваа ниваарзд̇и, уммад̇д̇игааяа, аад̣̇игаммигааяаад̇и.
924. Anāpatti ānisaṃsaṃ dassetvā nivāreti, ummattikāya, ādikammikāyāti.
навамасигкаабад̣̇ам̣ нидтид̇ам̣.
Navamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. навамасигкаабад̣̇ам̣ • 9. Navamasikkhāpadaṃ
