| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
9. நவமஸிக்கா²பத³வண்ணனா
9. Navamasikkhāpadavaṇṇanā
830-2. நவமே – யங் மனுஸ்ஸானங் உபபோ⁴க³பரிபோ⁴க³ங் ரோபிமந்தி கெ²த்தங் வா ஹோது நாளிகேராதி³ஆராமோ வா, யத்த² கத்த²சி ரோபிமஹரிதட்டா²னே ஏதானி வத்தூ²னி ச²ட்³டெ³ந்தியா புரிமனயேனேவ ஆபத்திபே⁴தோ³ வேதி³தப்³போ³. கெ²த்தே வா ஆராமே வா நிஸீதி³த்வா பு⁴ஞ்ஜமானா உச்சு²ஆதீ³னி வா கா²த³ந்தீ; க³ச்ச²மானா உச்சி²ட்டோ²த³கசலகாதீ³னி ஹரிதட்டா²னே ச²ட்³டே³தி, அந்தமஸோ உத³கங் பிவித்வா மத்த²கச்சி²ன்னநாளிகேரம்பி ச²ட்³டே³தி, பாசித்தியமேவ. பி⁴க்கு²னோ து³க்கடங். கஸிதட்டா²னே பன நிக்கி²த்தபீ³ஜே யாவ அங்குரங் ந உட்ட²ஹதி, தாவ ஸப்³பே³ஸங் து³க்கடங் . அனிக்கி²த்தபீ³ஜேஸு கெ²த்தகோணாதீ³ஸு வா அஸஞ்ஜாதரோபிமேஸு கெ²த்தமரியாதா³தீ³ஸு வா ச²ட்³டே³துங் வட்டதி. மனுஸ்ஸானங் கசவரச²ட்³ட³னட்டா²னேபி வட்டதி. ச²ட்³டி³தகெ²த்தேதி மனுஸ்ஸேஸு ஸஸ்ஸங் உத்³த⁴ரித்வா க³தேஸு ச²ட்³டி³தகெ²த்தங் நாம ஹோதி, தத்த² வட்டதி. யத்த² பன லாயிதம்பி புப்³ப³ண்ணாதி³ புன உட்ட²ஹிஸ்ஸதீதி ரக்க²ந்தி, தத்த² யதா²வத்து²கமேவ. ஸேஸங் உத்தானமேவ. ச²ஸமுட்டா²னங் – கிரியாகிரியங்…பே॰… திவேத³னந்தி.
830-2. Navame – yaṃ manussānaṃ upabhogaparibhogaṃ ropimanti khettaṃ vā hotu nāḷikerādiārāmo vā, yattha katthaci ropimaharitaṭṭhāne etāni vatthūni chaḍḍentiyā purimanayeneva āpattibhedo veditabbo. Khette vā ārāme vā nisīditvā bhuñjamānā ucchuādīni vā khādantī; gacchamānā ucchiṭṭhodakacalakādīni haritaṭṭhāne chaḍḍeti, antamaso udakaṃ pivitvā matthakacchinnanāḷikerampi chaḍḍeti, pācittiyameva. Bhikkhuno dukkaṭaṃ. Kasitaṭṭhāne pana nikkhittabīje yāva aṅkuraṃ na uṭṭhahati, tāva sabbesaṃ dukkaṭaṃ . Anikkhittabījesu khettakoṇādīsu vā asañjātaropimesu khettamariyādādīsu vā chaḍḍetuṃ vaṭṭati. Manussānaṃ kacavarachaḍḍanaṭṭhānepi vaṭṭati. Chaḍḍitakhetteti manussesu sassaṃ uddharitvā gatesu chaḍḍitakhettaṃ nāma hoti, tattha vaṭṭati. Yattha pana lāyitampi pubbaṇṇādi puna uṭṭhahissatīti rakkhanti, tattha yathāvatthukameva. Sesaṃ uttānameva. Chasamuṭṭhānaṃ – kiriyākiriyaṃ…pe… tivedananti.
நவமஸிக்கா²பத³ங்.
Navamasikkhāpadaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 9. நவமஸிக்கா²பத³ங் • 9. Navamasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. நவமஸிக்கா²பத³வண்ணனா • 9. Navamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 9. நவமஸிக்கா²பத³ங் • 9. Navamasikkhāpadaṃ
