| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੯. ਨવਮਸਿਕ੍ਖਾਪਦવਣ੍ਣਨਾ
9. Navamasikkhāpadavaṇṇanā
੯੬੯. ਏਕਿਨ੍ਦ੍ਰਿਯਨ੍ਤਿ ਕਾਯਿਨ੍ਦ੍ਰਿਯੇਨੇવ ਏਕਿਨ੍ਦ੍ਰਿਯਂ, ਨਿਗਣ੍ਠਾਨਂ ਅਚੇਲਕਾਨਂ ਮਤਂ। ਕਾਪਿਲਾ ਪਨ ‘‘ਪਞ੍ਚਿਨ੍ਦ੍ਰਿਯਾ’’ਤਿ ਮਞ੍ਞਨ੍ਤਾ ਏવਂ વਦਨ੍ਤਿ ‘‘ਸਚਕ੍ਖੁਕਤ੍ਤਾ ਅਲਾਬੁਮਾਲੁવਾਦਯੋ ਯਤ੍ਥ ਆਲਮ੍ਬਨਂ, ਤਤ੍ਥ ਗਚ੍ਛਨ੍ਤਿ। ਸਸੋਤਕਤ੍ਤਾ ਕਦਲਿਯੋ ਮੇਘਗਜ੍ਜਿਤਂ ਸੁਤ੍વਾ ਗਬ੍ਭਂ ਗਣ੍ਹਨ੍ਤਿ। ਸਘਾਨਕਤ੍ਤਾ ਪਨਸਾਦਯੋ ਕੁਣਪਗਨ੍ਧੇਨ ਫਲਨ੍ਤਿ। ਸਜਿવ੍ਹਕਤ੍ਤਾ ਉਦਕਂ ਪਿવਨ੍ਤਿ ਯੇਨ, ਸਬ੍ਬੇਪਿ ‘ਪਾਦਪਾ’ਤਿ વੁਚ੍ਚਨ੍ਤਿ। ਸਕਾਯਪਸਾਦਤ੍ਤਾ ਇਤ੍ਥਿਸਮ੍ਫਸ੍ਸੇਨ ਅਸੋਕਰੁਕ੍ਖਾ ਪੁਪ੍ਫਨ੍ਤੀ’’ਤਿ। ਸਙ੍ਘਾਤਨ੍ਤਿ વਿਨਾਸਂ।
969.Ekindriyanti kāyindriyeneva ekindriyaṃ, nigaṇṭhānaṃ acelakānaṃ mataṃ. Kāpilā pana ‘‘pañcindriyā’’ti maññantā evaṃ vadanti ‘‘sacakkhukattā alābumāluvādayo yattha ālambanaṃ, tattha gacchanti. Sasotakattā kadaliyo meghagajjitaṃ sutvā gabbhaṃ gaṇhanti. Saghānakattā panasādayo kuṇapagandhena phalanti. Sajivhakattā udakaṃ pivanti yena, sabbepi ‘pādapā’ti vuccanti. Sakāyapasādattā itthisamphassena asokarukkhā pupphantī’’ti. Saṅghātanti vināsaṃ.
੯੭੦. ਇਧ ਚ વਸ੍ਸਚ੍ਛੇਦੇਨ ਦੁਕ੍ਕਟਂ। ਪਠਮਂ ਆવਸਿਤ੍વਾ ਪਚ੍ਛਾ ਚਾਰਿਕਾ ਚਰਣਪਚ੍ਚਯਾ ਪਾਚਿਤ੍ਤਿਯਂ ਆਪਜ੍ਜਤੀਤਿ વੇਦਿਤਬ੍ਬਂ। ਅਥ વਸ੍ਸਂ ਅવਸਿਤ੍વਾ ਚਰਤਿ, ਅવਸ੍ਸੁਪਗਮਨਪਚ੍ਚਯਾ ਦੁਕ੍ਕਟਂ ਆਪਜ੍ਜਤਿ। ਪੋਰਾਣਗਣ੍ਠਿਪਦੇ ਪਨ ‘‘ਅਨ੍ਤੋਸਤ੍ਤਾਹੇ ਅਨ੍ਤੋવਸ੍ਸੇ ਚਾਰਿਕਂ ਚਰਨ੍ਤਿਯਾ ਪਾਚਿਤ੍ਤਿਯਂ। ਸਤ੍ਤਾਹਕਰਣੀਯੇਨ ਪਨ વਟ੍ਟਤਿ, ਭਿਕ੍ਖੁਨੋ ਦੁਕ੍ਕਟਂ ਹੋਤੀ’’ਤਿ વੁਤ੍ਤਂ।
970. Idha ca vassacchedena dukkaṭaṃ. Paṭhamaṃ āvasitvā pacchā cārikā caraṇapaccayā pācittiyaṃ āpajjatīti veditabbaṃ. Atha vassaṃ avasitvā carati, avassupagamanapaccayā dukkaṭaṃ āpajjati. Porāṇagaṇṭhipade pana ‘‘antosattāhe antovasse cārikaṃ carantiyā pācittiyaṃ. Sattāhakaraṇīyena pana vaṭṭati, bhikkhuno dukkaṭaṃ hotī’’ti vuttaṃ.
੯੭੨. ਕੇਨਚਿ ਉਬ੍ਬਾਲ਼੍ਹਾਤਿ વਸ੍ਸਚ੍ਛੇਦਕਾਰਣੇਨਾਤਿ ਨੋ ਤਕ੍ਕੋਤਿ ਆਚਰਿਯੋ। ਕਿਤ੍ਤਾવਤਾ ਚਾਰਿਕਾ ਹੋਤੀਤਿ? ਇਦਂ ਨ ਸਬ੍ਬਤ੍ਥ વਿਚਾਰਿਤਂ। ਅਨਨ੍ਤਰਸਿਕ੍ਖਾਪਦੇ ‘‘ਅਨ੍ਤਮਸੋ ਛਪ੍ਪਞ੍ਚਯੋਜਨਾਨਿਪੀ’’ਤਿ વੁਤ੍ਤਤ੍ਤਾ ਸੋ ਚ ਮਞ੍ਞੇ ਹੇਟ੍ਠਿਮਪਰਿਚ੍ਛੇਦੋਤਿ।
972.Kenaci ubbāḷhāti vassacchedakāraṇenāti no takkoti ācariyo. Kittāvatā cārikā hotīti? Idaṃ na sabbattha vicāritaṃ. Anantarasikkhāpade ‘‘antamaso chappañcayojanānipī’’ti vuttattā so ca maññe heṭṭhimaparicchedoti.
ਨવਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Navamasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੯. ਨવਮਸਿਕ੍ਖਾਪਦਂ • 9. Navamasikkhāpadaṃ
