| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. навасуд̇д̇ам̣
4. Navasuttaṃ
238. саавад̇т̇ияам̣ вихарад̇и. д̇зна ко бана самаязна ан̃н̃ад̇аро наво бхигку бажчаабхад̇д̇ам̣ бин̣д̣абаад̇абадигганд̇о вихаарам̣ бависид̇ваа аббоссугго д̇ун̣хийбхууд̇о сан̇гасааяад̇и, на бхигкуунам̣ взяяааважжам̣ гарод̇и жийварагаарасамаяз. ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха , бханд̇з, ан̃н̃ад̇аро наво бхигку бажчаабхад̇д̇ам̣ бин̣д̣абаад̇абадигганд̇о вихаарам̣ бависид̇ваа аббоссугго д̇ун̣хийбхууд̇о сан̇гасааяад̇и, на бхигкуунам̣ взяяааважжам̣ гарод̇и жийварагаарасамаяз’’д̇и.
238. Sāvatthiyaṃ viharati. Tena kho pana samayena aññataro navo bhikkhu pacchābhattaṃ piṇḍapātapaṭikkanto vihāraṃ pavisitvā appossukko tuṇhībhūto saṅkasāyati, na bhikkhūnaṃ veyyāvaccaṃ karoti cīvarakārasamaye. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha , bhante, aññataro navo bhikkhu pacchābhattaṃ piṇḍapātapaṭikkanto vihāraṃ pavisitvā appossukko tuṇhībhūto saṅkasāyati, na bhikkhūnaṃ veyyāvaccaṃ karoti cīvarakārasamaye’’ti.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна д̇ам̣ бхигкум̣ ааманд̇зхи ‘сад̇т̇аа д̇ам̣, аавусо, ааманд̇зд̇ий’’’д̇и. ‘‘звам̣ бханд̇з’’д̇и ко со бхигку бхаг̇авад̇о бадиссуд̇ваа язна со бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘сад̇т̇аа д̇ам̣, аавусо, ааманд̇зд̇ий’’д̇и. ‘‘звамаавусо’’д̇и ко со бхигку д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисиннам̣ ко д̇ам̣ бхигкум̣ бхаг̇аваа зд̇ад̣̇авожа – ‘‘сажжам̣ гира д̇вам̣, бхигку, бажчаабхад̇д̇ам̣ бин̣д̣абаад̇абадигганд̇о вихаарам̣ бависид̇ваа аббоссугго д̇ун̣хийбхууд̇о сан̇гасааяаси, на бхигкуунам̣ взяяааважжам̣ гароси жийварагаарасамаяз’’д̇и? ‘‘ахамби ко, бханд̇з, сагам̣ гижжам̣ гаромий’’д̇и.
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena taṃ bhikkhuṃ āmantehi ‘satthā taṃ, āvuso, āmantetī’’’ti. ‘‘Evaṃ bhante’’ti kho so bhikkhu bhagavato paṭissutvā yena so bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘satthā taṃ, āvuso, āmantetī’’ti. ‘‘Evamāvuso’’ti kho so bhikkhu tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinnaṃ kho taṃ bhikkhuṃ bhagavā etadavoca – ‘‘saccaṃ kira tvaṃ, bhikkhu, pacchābhattaṃ piṇḍapātapaṭikkanto vihāraṃ pavisitvā appossukko tuṇhībhūto saṅkasāyasi, na bhikkhūnaṃ veyyāvaccaṃ karosi cīvarakārasamaye’’ti? ‘‘Ahampi kho, bhante, sakaṃ kiccaṃ karomī’’ti.
ат̇а ко бхаг̇аваа д̇асса бхигкуно жзд̇асаа жзд̇обаривид̇аггаман̃н̃ааяа бхигкуу ааманд̇зси – ‘‘маа ко д̇умхз, бхигкавз, зд̇асса бхигкуно уж̇жхааяид̇т̇а. зсо ко, бхигкавз, бхигку жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий агижчалаабхий агасиралаабхий, яасса жад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и.
Atha kho bhagavā tassa bhikkhuno cetasā cetoparivitakkamaññāya bhikkhū āmantesi – ‘‘mā kho tumhe, bhikkhave, etassa bhikkhuno ujjhāyittha. Eso kho, bhikkhave, bhikkhu catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī akicchalābhī akasiralābhī, yassa catthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharatī’’ti.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
‘‘наяид̣̇ам̣ сит̇иламаараб̣бха, наяид̣̇ам̣ аббзна т̇аамасаа;
‘‘Nayidaṃ sithilamārabbha, nayidaṃ appena thāmasā;
ниб̣б̣аанам̣ ад̇хиг̇анд̇аб̣б̣ам̣, саб̣б̣ад̣̇угкаббаможанам̣.
Nibbānaṃ adhigantabbaṃ, sabbadukkhappamocanaṃ.
‘‘аяан̃жа д̣̇ахаро бхигку, аяамуд̇д̇амабурисо;
‘‘Ayañca daharo bhikkhu, ayamuttamapuriso;
д̇хаарзд̇и анд̇имам̣ д̣̇зхам̣, ж̇зд̇ваа маарам̣ саваахини’’нд̇и. жад̇уд̇т̇ам̣;
Dhāreti antimaṃ dehaṃ, jetvā māraṃ savāhini’’nti. catutthaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. навасуд̇д̇аван̣н̣анаа • 4. Navasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. навасуд̇д̇аван̣н̣анаа • 4. Navasuttavaṇṇanā
