| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੧. ਮਾਤਿਕਾવਣ੍ਣਨਾ
1. Mātikāvaṇṇanā
੧. ਨਯਮਾਤਿਕਾવਣ੍ਣਨਾ
1. Nayamātikāvaṇṇanā
੧. ਚੁਦ੍ਦਸવਿਧੇਨਾਤਿ ਚੁਦ੍ਦਸਪ੍ਪਕਾਰੇਨ, ਚੁਦ੍ਦਸਹਿ ਪਦੇਹੀਤਿ ਅਤ੍ਥੋ। ਤਤ੍ਥ ‘‘ਸਙ੍ਗਹੋ ਅਸਙ੍ਗਹੋ’’ਤਿ ਇਦਮੇਕਂ ਪਦਂ, ਤਥਾ ‘‘ਸਮ੍ਪਯੋਗੋ વਿਪ੍ਪਯੋਗੋ’’ਤਿ। ‘‘ਸਙ੍ਗਹਿਤੇਨ ਸਮ੍ਪਯੁਤ੍ਤਂ વਿਪ੍ਪਯੁਤ੍ਤ’’ਨ੍ਤਿਆਦੀਨਿ ਪਨ ਤੀਣਿ ਤੀਣਿ ਪਦਾਨਿ ਏਕੇਕਂ ਪਦਂ। ਇਤਰੇਸੁ ਪਦવਿਭਾਗੋ ਸੁવਿਞ੍ਞੇਯ੍ਯੋવ। ਏਤੇਹੀਤਿ ਸਙ੍ਗਹਾਦਿਪ੍ਪਕਾਰੇਹਿ। ਨਯਨਂ ਪਾਪਨਂ, ਤਂ ਪਨ ਪવਤ੍ਤਨਂ ਞਾਪਨਞ੍ਚ ਹੋਤੀਤਿ ‘‘ਪવਤ੍ਤੀਯਤਿ ਞਾਯਨ੍ਤੀ’’ਤਿ ਚ ਦ੍વਿਧਾਪਿ ਅਤ੍ਥੋ વੁਤ੍ਤੋ। ਨਯਾ ਏવ ਉਦ੍ਦਿਸਿਯਮਾਨਾ ਮਾਤਿਕਾ। ਅਤ੍ਥਦ੍વਯੇਪਿ ਪવਤ੍ਤਨਞਾਣਕਿਰਿਯਾਨਂ ਕਰਣਭਾવੇਨ ਸਙ੍ਗਹਾਦਿਪ੍ਪਕਾਰਾ ਨਯਾਤਿ વੁਤ੍ਤਾ। ਤੇਨਾਹ ਅਟ੍ਠਕਥਾਯਂ ‘‘ਇਮਿਨਾ ਸਙ੍ਗਹਾਦਿਕੇਨ ਨਯੇਨਾ’’ਤਿ (ਧਾਤੁ॰ ਅਟ੍ਠ॰ ੧)। ਪਦਾਨਨ੍ਤਿ ਅਤ੍ਥਦੀਪਕਾਨਂ વਚਨਾਨਂ। ਪਜ੍ਜਤਿ ਏਤੇਨ ਅਤ੍ਥੋਤਿ ਹਿ ਪਦਂ। ਪਦਾਨਨ੍ਤਿ ਚ ਸਂਸਾਮਿਸਮ੍ਬਨ੍ਧੇ ਸਾਮਿવਚਨਂ, ਪਕਰਣਸ੍ਸਾਤਿ ਪਨ ਅવਯવਾવਯવੀਸਮ੍ਬਨ੍ਧੇ।
1. Cuddasavidhenāti cuddasappakārena, cuddasahi padehīti attho. Tattha ‘‘saṅgaho asaṅgaho’’ti idamekaṃ padaṃ, tathā ‘‘sampayogo vippayogo’’ti. ‘‘Saṅgahitena sampayuttaṃ vippayutta’’ntiādīni pana tīṇi tīṇi padāni ekekaṃ padaṃ. Itaresu padavibhāgo suviññeyyova. Etehīti saṅgahādippakārehi. Nayanaṃ pāpanaṃ, taṃ pana pavattanaṃ ñāpanañca hotīti ‘‘pavattīyati ñāyantī’’ti ca dvidhāpi attho vutto. Nayā eva uddisiyamānā mātikā. Atthadvayepi pavattanañāṇakiriyānaṃ karaṇabhāvena saṅgahādippakārā nayāti vuttā. Tenāha aṭṭhakathāyaṃ ‘‘iminā saṅgahādikena nayenā’’ti (dhātu. aṭṭha. 1). Padānanti atthadīpakānaṃ vacanānaṃ. Pajjati etena atthoti hi padaṃ. Padānanti ca saṃsāmisambandhe sāmivacanaṃ, pakaraṇassāti pana avayavāvayavīsambandhe.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੧. ਨਯਮਾਤਿਕਾ • 1. Nayamātikā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਨਯਮਾਤਿਕਾવਣ੍ਣਨਾ • 1. Nayamātikāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਨਯਮਾਤਿਕਾવਣ੍ਣਨਾ • 1. Nayamātikāvaṇṇanā
