| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
3. наяамукамаад̇игааван̣н̣анаа
3. Nayamukhamātikāvaṇṇanā
3. наяаанам̣ сан̇г̇ахаад̣̇иббагаарависзсаанам̣ бавад̇д̇и д̣̇зсанаа, д̇ассаа виниг̇г̇амадтаанад̇ааяа д̣̇ваарам̣. яат̇аавуд̇д̇ад̇хаммаа яат̇аарахам̣ канд̇хааяад̇анад̇хаад̇уяо аруубино жа канд̇хаад̇и д̇зсам̣ уд̣̇д̣̇зсо наяамукамаад̇игаа. д̇знааха ‘‘наяаана’’нд̇иаад̣̇и. вияуж̇ж̇анасийлаа, вияог̇о ваа зд̇зсам̣ ад̇т̇ийд̇и вияог̇ино, д̇ат̇аа сахаяог̇ино, сан̇г̇ахаасан̇г̇ахад̇хаммаа жа вияог̇ийсахаяог̇ийд̇хаммаа жа сан̇г̇ахаа…бз… д̇хаммаа, сан̇г̇ан̣ханаасан̇г̇ан̣ханавасзна вияуж̇ж̇анасам̣яуж̇ж̇анавасзна жа бавад̇д̇анагасабхааваад̇и ад̇т̇о. жуд̣̇д̣̇асабийд̇иаад̣̇инаа д̇амзвад̇т̇ам̣ баагадад̇арам̣ гарод̇и. язхийд̇и язхи канд̇хаад̣̇ийхи аруубагканд̇хзхи жа. д̇з жад̇д̇аарод̇и д̇з сан̇г̇ахаад̣̇аяо жад̇д̇ааро. сажжаад̣̇ийхибийд̇и сажжаинд̣̇рияабадижжасамуббаад̣̇аад̣̇ийхиби саха. яат̇аасамбхаванд̇и самбхаваануруубам̣, яам̣ яам̣ бад̣̇ам̣ сан̇г̇ахид̇о асан̇г̇ахид̇од̇и жа вад̇д̇ум̣ яуд̇д̇ам̣, д̇ам̣ д̇анд̇и ад̇т̇о.
3. Nayānaṃ saṅgahādippakāravisesānaṃ pavatti desanā, tassā viniggamaṭṭhānatāya dvāraṃ. Yathāvuttadhammā yathārahaṃ khandhāyatanadhātuyo arūpino ca khandhāti tesaṃ uddeso nayamukhamātikā. Tenāha ‘‘nayāna’’ntiādi. Viyujjanasīlā, viyogo vā etesaṃ atthīti viyogino, tathā sahayogino, saṅgahāsaṅgahadhammā ca viyogīsahayogīdhammā ca saṅgahā…pe… dhammā, saṅgaṇhanāsaṅgaṇhanavasena viyujjanasaṃyujjanavasena ca pavattanakasabhāvāti attho. Cuddasapītiādinā tamevatthaṃ pākaṭataraṃ karoti. Yehīti yehi khandhādīhi arūpakkhandhehi ca. Te cattāroti te saṅgahādayo cattāro. Saccādīhipīti saccaindriyapaṭiccasamuppādādīhipi saha. Yathāsambhavanti sambhavānurūpaṃ, yaṃ yaṃ padaṃ saṅgahito asaṅgahitoti ca vattuṃ yuttaṃ, taṃ tanti attho.
со банаад̇и сан̇г̇ахаасан̇г̇ахо. сан̇г̇аахагабхууд̇зхийд̇и сан̇г̇ахан̣агирияааяа гад̇д̇убхууд̇зхи. д̇зхийд̇и сажжаад̣̇ийхи. на сан̇г̇ахабхууд̇зхийд̇и сан̇г̇ахан̣агирияааяа гаран̣абхууд̇зхи сажжаад̣̇ийхи сан̇г̇ахаасан̇г̇ахо на вуд̇д̇о. д̇ад̇т̇ааби хи канд̇хааяад̇анад̇хаад̇уяо зва гаран̣абхууд̇аад̇и д̣̇ассзд̇и. канд̇хаад̣̇ийхзва сан̇г̇ахзхийд̇и канд̇хаад̣̇ийхиязва сан̇г̇ан̣ханагирияааяа гаран̣абхууд̇зхи, ‘‘канд̇хасан̇г̇ахзна сан̇г̇ахид̇аа, ааяад̇анасан̇г̇ахзна асан̇г̇ахид̇аа , д̇хаад̇усан̇г̇ахзна асан̇г̇ахид̇аа, д̇з д̇хаммаа жад̇уухи канд̇хзхи, д̣̇вийхааяад̇анзхи, адтахи д̇хаад̇уухи асан̇г̇ахид̇аа’’д̇и сан̇г̇ахаасан̇г̇ахо нияамзд̇ваа вуд̇д̇о. д̇асмаад̇и яасмаа сажжаад̣̇ийни сан̇г̇аахагабхаавзна вуд̇д̇аани, на сан̇г̇ахабхаавзна, канд̇хаад̣̇ийниязва жа сан̇г̇ахабхаавзна вуд̇д̇аани, д̇асмаа.
So panāti saṅgahāsaṅgaho. Saṅgāhakabhūtehīti saṅgahaṇakiriyāya kattubhūtehi. Tehīti saccādīhi. Na saṅgahabhūtehīti saṅgahaṇakiriyāya karaṇabhūtehi saccādīhi saṅgahāsaṅgaho na vutto. Tatthāpi hi khandhāyatanadhātuyo eva karaṇabhūtāti dasseti. Khandhādīheva saṅgahehīti khandhādīhiyeva saṅgaṇhanakiriyāya karaṇabhūtehi, ‘‘khandhasaṅgahena saṅgahitā, āyatanasaṅgahena asaṅgahitā , dhātusaṅgahena asaṅgahitā, te dhammā catūhi khandhehi, dvīhāyatanehi, aṭṭhahi dhātūhi asaṅgahitā’’ti saṅgahāsaṅgaho niyametvā vutto. Tasmāti yasmā saccādīni saṅgāhakabhāvena vuttāni, na saṅgahabhāvena, khandhādīniyeva ca saṅgahabhāvena vuttāni, tasmā.
гасмаа банзд̇т̇а сажжаад̣̇аяо сан̇г̇ахавасзна на вуд̇д̇аад̇и? д̇ат̇аад̣̇зсанааяа асамбхавад̇о. на хи саггаа руубагканд̇хаад̣̇ийнам̣ самуд̣̇аяасажжаад̣̇ийхи, сан̃н̃аад̣̇ийнам̣ ваа инд̣̇рияаад̣̇ийхи сан̇г̇аханаязна бужчид̇ум̣ виссаж̇ж̇ид̇ум̣ ваад̇и. д̇ат̇аа арияапалаад̣̇ийсу уббаннавзд̣̇анаад̣̇ийнам̣ сажжавинимуд̇д̇ад̇ааяа ‘‘взд̣̇анаагканд̇хо гад̇ихи сажжзхи сан̇г̇ахид̇о’’д̇и бужчид̇вааби ‘‘згзна сажжзна сан̇г̇ахид̇о’’д̇иаад̣̇инаа нияамзд̇ваа сан̇г̇ахам̣ д̣̇ассзд̇ум̣ на саггаад̇и. яат̇аасамбхаванд̇и язхи самбаяог̇о, язхи жа виббаяог̇о, д̇ад̣̇ануруубам̣.
Kasmā panettha saccādayo saṅgahavasena na vuttāti? Tathādesanāya asambhavato. Na hi sakkā rūpakkhandhādīnaṃ samudayasaccādīhi, saññādīnaṃ vā indriyādīhi saṅgahanayena pucchituṃ vissajjituṃ vāti. Tathā ariyaphalādīsu uppannavedanādīnaṃ saccavinimuttatāya ‘‘vedanākkhandho katihi saccehi saṅgahito’’ti pucchitvāpi ‘‘ekena saccena saṅgahito’’tiādinā niyametvā saṅgahaṃ dassetuṃ na sakkāti. Yathāsambhavanti yehi sampayogo, yehi ca vippayogo, tadanurūpaṃ.
руубам̣ руубзна ниб̣б̣аанзна ваа виббаяуд̇д̇ам̣ на ход̇и, ниб̣б̣аанам̣ ваа руубзна. гасмаа? самбаяуд̇д̇анд̇и анаасан̇ганийяасабхаавад̇д̇аа. жад̇уннан̃хи канд̇хаанам̣ ан̃н̃аман̃н̃ам̣ самбаяог̇ийбхаавад̇о ‘‘руубаниб̣б̣аанзхиби со ад̇т̇и над̇т̇ий’’д̇и сияаа аасан̇гаа, д̇асмаа д̇зсам̣ ид̇арзхи, ид̇арзсан̃жа д̇зхи виббаяог̇о вужжад̇и, на бана руубасса руубзна, ниб̣б̣аанзна ваа, ниб̣б̣аанасса ваа руубзна гад̇т̇ажи самбаяог̇о ад̇т̇ийд̇и д̇ад̣̇аасан̇гаабхаавад̇о виббаяог̇оби руубасса руубаниб̣б̣аанзхи, ниб̣б̣аанасса ваа д̇зна на вужжад̇и, аруубагканд̇хзхиязва бана вужжад̇ийд̇и ааха ‘‘жад̇уухзваа’’д̇иаад̣̇и. анаарамман̣асса жагкааяад̇анаад̣̇игасса. анаарамман̣аанаарамман̣амиссагзхийд̇и анаарамман̣зна сод̇ааяад̇анаад̣̇инаа анаарамман̣амиссагзна жа д̇хаммааяад̇анаад̣̇инаа. миссагасса д̇хаммааяад̇анаад̣̇игасса. анаарамман̣аанаарамман̣амиссагзхи на ход̇ийд̇и яож̇зд̇аб̣б̣ам̣. язсам̣ бана язхи ход̇и, д̇ам̣ д̣̇ассзд̇ум̣ ‘‘анаарамман̣асса банаа’’д̇иаад̣̇и вуд̇д̇ам̣. яат̇аа хи саарамман̣асса анаарамман̣зна анаарамман̣амиссагзна жа виббаяог̇о ход̇и, звам̣ саарамман̣знаби со ход̇иязва. д̇зна вияа анаарамман̣асса анаарамман̣амиссагасса жаад̇и д̣̇адтаб̣б̣ам̣.
Rūpaṃ rūpena nibbānena vā vippayuttaṃ na hoti, nibbānaṃ vā rūpena. Kasmā? Sampayuttanti anāsaṅkanīyasabhāvattā. Catunnañhi khandhānaṃ aññamaññaṃ sampayogībhāvato ‘‘rūpanibbānehipi so atthi natthī’’ti siyā āsaṅkā, tasmā tesaṃ itarehi, itaresañca tehi vippayogo vuccati, na pana rūpassa rūpena, nibbānena vā, nibbānassa vā rūpena katthaci sampayogo atthīti tadāsaṅkābhāvato vippayogopi rūpassa rūpanibbānehi, nibbānassa vā tena na vuccati, arūpakkhandhehiyeva pana vuccatīti āha ‘‘catūhevā’’tiādi. Anārammaṇassa cakkhāyatanādikassa. Anārammaṇaanārammaṇamissakehīti anārammaṇena sotāyatanādinā anārammaṇamissakena ca dhammāyatanādinā. Missakassa dhammāyatanādikassa. Anārammaṇaanārammaṇamissakehi na hotīti yojetabbaṃ. Yesaṃ pana yehi hoti, taṃ dassetuṃ ‘‘anārammaṇassa panā’’tiādi vuttaṃ. Yathā hi sārammaṇassa anārammaṇena anārammaṇamissakena ca vippayogo hoti, evaṃ sārammaṇenapi so hotiyeva. Tena viya anārammaṇassa anārammaṇamissakassa cāti daṭṭhabbaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 3. наяамукамаад̇игаа • 3. Nayamukhamātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. наяамукамаад̇игааван̣н̣анаа • 3. Nayamukhamātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. наяамукамаад̇игааван̣н̣анаа • 3. Nayamukhamātikāvaṇṇanā
