| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
18. нзваход̇инанаход̇ид̇ат̇ааг̇ад̇осуд̇д̇ам̣
18. Nevahotinanahotitathāgatosuttaṃ
223. саавад̇т̇инид̣̇аанам̣ . ‘‘гисмим̣ ну ко, бхигкавз, сад̇и, гим̣ убаад̣̇ааяа, гим̣ абхинивисса звам̣ д̣̇идти уббаж̇ж̇ад̇и – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и? бхаг̇авам̣муулагаа но, бханд̇з, д̇хаммаа…бз… ‘‘руубз ко, бхигкавз, сад̇и, руубам̣ убаад̣̇ааяа, руубам̣ абхинивисса звам̣ д̣̇идти уббаж̇ж̇ад̇и – ‘нзва ход̇и, на на ход̇и д̇ат̇ааг̇ад̇о барам̣ маран̣аа’д̇и…бз….
223. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘neva hoti, na na hoti tathāgato paraṃ maraṇā’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘neva hoti, na na hoti tathāgato paraṃ maraṇā’ti…pe….
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’…бз… вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’д̇и? ‘‘но хзд̇ам̣, бханд̇з’’. ‘‘яамбид̣̇ам̣ д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа д̇амби нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и? ‘‘но хзд̇ам̣, бханд̇з’’.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘neva hoti, na na hoti tathāgato paraṃ maraṇā’’ti? ‘‘No hetaṃ, bhante’’. ‘‘Yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tampi niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘neva hoti, na na hoti tathāgato paraṃ maraṇā’’’ti? ‘‘No hetaṃ, bhante’’.
‘‘яад̇о ко, бхигкавз, арияасаавагасса имзсу жа таанзсу ган̇каа бахийнаа ход̇и, д̣̇угкзбисса ган̇каа бахийнаа ход̇и, д̣̇угкасамуд̣̇аязбисса ган̇каа бахийнаа ход̇и, д̣̇угканирод̇хзбисса ган̇каа бахийнаа ход̇и, д̣̇угканирод̇хаг̇ааминияаа бадибад̣̇ааяабисса ган̇каа бахийнаа ход̇и – аяам̣ вужжад̇и, бхигкавз, арияасааваго сод̇аабанно авинибаад̇ад̇хаммо нияад̇о самб̣од̇хибарааяано’’д̇и. адтаарасамам̣ .
‘‘Yato kho, bhikkhave, ariyasāvakassa imesu ca ṭhānesu kaṅkhā pahīnā hoti, dukkhepissa kaṅkhā pahīnā hoti, dukkhasamudayepissa kaṅkhā pahīnā hoti, dukkhanirodhepissa kaṅkhā pahīnā hoti, dukkhanirodhagāminiyā paṭipadāyapissa kaṅkhā pahīnā hoti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyano’’ti. Aṭṭhārasamaṃ .
сод̇аабад̇д̇иваг̇г̇о.
Sotāpattivaggo.
адтаарасавзяяаагаран̣ам̣ нидтид̇ам̣.
Aṭṭhārasaveyyākaraṇaṃ niṭṭhitaṃ.
д̇ассуд̣̇д̣̇аанам̣ –
Tassuddānaṃ –
ваад̇ам̣ зд̇ам̣ мама, со ад̇д̇аа но жа мз сияаа;
Vātaṃ etaṃ mama, so attā no ca me siyā;
над̇т̇и гарод̇о хзд̇у жа, махаад̣̇идтзна адтамам̣.
Natthi karoto hetu ca, mahādiṭṭhena aṭṭhamaṃ.
сассад̇о лого жа, асассад̇о жа анд̇аваа жа;
Sassato loko ca, asassato ca antavā ca;
ананд̇аваа жа д̇ам̣ ж̇ийвам̣ д̇ам̣ сарийранд̇и;
Anantavā ca taṃ jīvaṃ taṃ sarīranti;
ан̃н̃ам̣ ж̇ийвам̣ ан̃н̃ам̣ сарийранд̇и жа.
Aññaṃ jīvaṃ aññaṃ sarīranti ca.
ход̇и д̇ат̇ааг̇ад̇о барам̣ маран̣аад̇и;
Hoti tathāgato paraṃ maraṇāti;
на ход̇и д̇ат̇ааг̇ад̇о барам̣ маран̣аад̇и;
Na hoti tathāgato paraṃ maraṇāti;
нзва ход̇и на на ход̇и д̇ат̇ааг̇ад̇о барам̣ маран̣аад̇и.
Neva hoti na na hoti tathāgato paraṃ maraṇāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11-18. анд̇аваасуд̇д̇аад̣̇иван̣н̣анаа • 11-18. Antavāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11-18. анд̇аваасуд̇д̇аад̣̇иван̣н̣анаа • 11-18. Antavāsuttādivaṇṇanā
