A World of Knowledge
    Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi

    ౯. నిబ్బానలభనపఞ్హో

    9. Nibbānalabhanapañho

    . రాజా ఆహ ‘‘భన్తే నాగసేన, సబ్బేవ లభన్తి నిబ్బాన’’న్తి? ‘‘న ఖో, మహారాజ, సబ్బేవ లభన్తి నిబ్బానం, అపి చ ఖో, మహారాజ, యో సమ్మా పటిపన్నో అభిఞ్ఞేయ్యే ధమ్మే అభిజానాతి, పరిఞ్ఞేయ్యే ధమ్మే పరిజానాతి, పహాతబ్బే ధమ్మే పజహతి, భావేతబ్బే ధమ్మే భావేతి, సచ్ఛికాతబ్బే ధమ్మే సచ్ఛికరోతి, సో లభతి నిబ్బాన’’న్తి.

    9. Rājā āha ‘‘bhante nāgasena, sabbeva labhanti nibbāna’’nti? ‘‘Na kho, mahārāja, sabbeva labhanti nibbānaṃ, api ca kho, mahārāja, yo sammā paṭipanno abhiññeyye dhamme abhijānāti, pariññeyye dhamme parijānāti, pahātabbe dhamme pajahati, bhāvetabbe dhamme bhāveti, sacchikātabbe dhamme sacchikaroti, so labhati nibbāna’’nti.

    ‘‘కల్లోసి , భన్తే నాగసేనా’’తి.

    ‘‘Kallosi , bhante nāgasenā’’ti.

    నిబ్బానలభనపఞ్హో నవమో.

    Nibbānalabhanapañho navamo.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact