| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. நிப்³பே³தி⁴கஸுத்தவண்ணனா
9. Nibbedhikasuttavaṇṇanā
63. நவமே அனிப்³பி³த்³த⁴புப்³பே³ அப்பதா³லிதபுப்³பே³ லோப⁴க்க²ந்தா⁴த³யோ நிப்³பி³ஜ்ஜ²தி பதா³லேதீதி நிப்³பே³தி⁴கபரியாயோ, நிப்³பி³ஜ்ஜ²னகாரணந்தி அத்தோ². நிதா³னஸம்ப⁴வோதி காமே நிதே³தி உப்பாத³னஸமத்த²தாய நிய்யாதே³தீதி நிதா³னங். ஸம்ப⁴வதி ததோதி ஸம்ப⁴வோ, நிதா³னமேவ ஸம்ப⁴வோ நிதா³னஸம்ப⁴வோ. வேமத்ததாதி நானாகரணங்.
63. Navame anibbiddhapubbe appadālitapubbe lobhakkhandhādayo nibbijjhati padāletīti nibbedhikapariyāyo, nibbijjhanakāraṇanti attho. Nidānasambhavoti kāme nideti uppādanasamatthatāya niyyādetīti nidānaṃ. Sambhavati tatoti sambhavo, nidānameva sambhavo nidānasambhavo. Vemattatāti nānākaraṇaṃ.
காமகு³ணாதி காமயிதப்³ப³ட்டே²ன காமா, ப³ந்த⁴னட்டே²ன கு³ணா ‘‘அந்தகு³ண’’ந்திஆதீ³ஸு விய. சக்கு²விஞ்ஞெய்யாதி சக்கு²விஞ்ஞாணேன பஸ்ஸிதப்³பா³. இட்டா²தி பரியிட்டா² வா ஹொந்து மா வா, இட்டா²ரம்மணபூ⁴தாதி அத்தோ². கந்தாதி கமனீயா. மனாபாதி மனவட்³ட⁴னகா. பியரூபாதி பியஜாதிகா. காமூபஸஞ்ஹிதாதி ஆரம்மணங் கத்வா உப்பஜ்ஜமானேன காமேன உபஸஞ்ஹிதா. ரஜனீயாதி ராகு³ப்பத்திகாரணபூ⁴தா. நேதே காமாதி ந ஏதே கமனட்டே²ன காமா நாம ஹொந்தி. ஸங்கப்பராகோ³தி ஸங்கப்பவஸேன உப்பன்னராகோ³. காமோதி அயங் காமப்பஹானாய படிபன்னேஹி பஹாதப்³போ³. கமனட்டே²ன காமா நாம. சித்ரானீதி சித்ரவிசித்ராரம்மணானி.
Kāmaguṇāti kāmayitabbaṭṭhena kāmā, bandhanaṭṭhena guṇā ‘‘antaguṇa’’ntiādīsu viya. Cakkhuviññeyyāti cakkhuviññāṇena passitabbā. Iṭṭhāti pariyiṭṭhā vā hontu mā vā, iṭṭhārammaṇabhūtāti attho. Kantāti kamanīyā. Manāpāti manavaḍḍhanakā. Piyarūpāti piyajātikā. Kāmūpasañhitāti ārammaṇaṃ katvā uppajjamānena kāmena upasañhitā. Rajanīyāti rāguppattikāraṇabhūtā. Nete kāmāti na ete kamanaṭṭhena kāmā nāma honti. Saṅkapparāgoti saṅkappavasena uppannarāgo. Kāmoti ayaṃ kāmappahānāya paṭipannehi pahātabbo. Kamanaṭṭhena kāmā nāma. Citrānīti citravicitrārammaṇāni.
ப²ஸ்ஸோதி ஸஹஜாதப²ஸ்ஸோ. காமயமானோதி காமங் காமயமானோ. தஜ்ஜங் தஜ்ஜந்தி தஜ்ஜாதிகங் தஜ்ஜாதிகங். புஞ்ஞபா⁴கி³யந்தி தி³ப்³பே³ காமே பத்தெ²த்வா ஸுசரிதபாரிபூரியா தே³வலோகே நிப்³ப³த்தஸ்ஸ அத்தபா⁴வோ புஞ்ஞபா⁴கி³யோ நாம, து³ச்சரிதபாரிபூரியா அபாயே நிப்³ப³த்தஸ்ஸ அத்தபா⁴வோ அபுஞ்ஞபா⁴கி³யோ நாம. அயங் வுச்சதி, பி⁴க்க²வே, காமானங் விபாகோதி அயங் து³விதோ⁴பி காமபத்த²னங் நிஸ்ஸாய உப்பன்னத்தா காமானங் விபாகோதி வுச்சதி. ஸோ இமங் நிப்³பே³தி⁴கந்தி ஸோ பி⁴க்கு² இமங் ச²த்திங்ஸட்டா²னேஸு நிப்³பி³ஜ்ஜ²னகங் ஸெட்ட²சரியங் ஜானாதி. காமனிரோத⁴ந்தி காமானங் நிரோத⁴னே ஏவங் லத்³த⁴னாமங். இமஸ்மிஞ்ஹி டா²னே ப்³ரஹ்மசரியஸங்கா²தோ மக்³கோ³வ காமனிரோதோ⁴தி வுத்தோ.
Phassoti sahajātaphasso. Kāmayamānoti kāmaṃ kāmayamāno. Tajjaṃ tajjanti tajjātikaṃ tajjātikaṃ. Puññabhāgiyanti dibbe kāme patthetvā sucaritapāripūriyā devaloke nibbattassa attabhāvo puññabhāgiyo nāma, duccaritapāripūriyā apāye nibbattassa attabhāvo apuññabhāgiyo nāma. Ayaṃ vuccati, bhikkhave, kāmānaṃ vipākoti ayaṃ duvidhopi kāmapatthanaṃ nissāya uppannattā kāmānaṃ vipākoti vuccati. So imaṃ nibbedhikanti so bhikkhu imaṃ chattiṃsaṭṭhānesu nibbijjhanakaṃ seṭṭhacariyaṃ jānāti. Kāmanirodhanti kāmānaṃ nirodhane evaṃ laddhanāmaṃ. Imasmiñhi ṭhāne brahmacariyasaṅkhāto maggova kāmanirodhoti vutto.
ஸாமிஸாதி கிலேஸாமிஸஸம்பயுத்தா. இமினா நயேன ஸப்³ப³டா²னேஸு அத்தோ² வேதி³தப்³போ³. அபிசெத்த² வோஹாரவேபக்கந்தி வோஹாரவிபாகங். கதா²ஸங்கா²தோ ஹி வோஹாரோ ஸஞ்ஞாய விபாகோ நாம. யதா² யதா² நந்தி எத்த² நங்-இதி நிபாதமத்தமேவ. இதி யஸ்மா யதா² யதா² ஸஞ்ஜானாதி, ததா² ததா² ஏவங்ஸஞ்ஞீ அஹோஸிந்தி கதே²தி, தஸ்மா வோஹாரவேபக்காதி அத்தோ².
Sāmisāti kilesāmisasampayuttā. Iminā nayena sabbaṭhānesu attho veditabbo. Apicettha vohāravepakkanti vohāravipākaṃ. Kathāsaṅkhāto hi vohāro saññāya vipāko nāma. Yathāyathā nanti ettha naṃ-iti nipātamattameva. Iti yasmā yathā yathā sañjānāti, tathā tathā evaṃsaññī ahosinti katheti, tasmā vohāravepakkāti attho.
அவிஜ்ஜாதி அட்ட²ஸு டா²னேஸு அஞ்ஞாணபூ⁴தா ப³ஹலஅவிஜ்ஜா. நிரயங் க³மெந்தீதி நிரயக³மனீயா, நிரயே நிப்³ப³த்திபச்சயாதி அத்தோ². ஸேஸேஸுபி ஏஸேவ நயோ. சேதனாஹந்தி சேதனங் அஹங். இத⁴ ஸப்³ப³ஸங்கா³ஹிகா ஸங்வித³ஹனசேதனா க³ஹிதா. சேதயித்வாதி த்³வாரப்பவத்தசேதனா. மனஸாதி சேதனாஸம்பயுத்தசித்தேன. நிரயவேத³னீயந்தி நிரயே விபாகதா³யகங். ஸேஸேஸுபி ஏஸேவ நயோ. அதி⁴மத்தந்தி ப³லவது³க்க²ங். த³ந்த⁴விராகீ³தி க³ருகங் ந கி²ப்பங் ஸணிகங் விக³ச்ச²னகது³க்க²ங். உரத்தாளிங் கந்த³தீதி உரங் தாளெத்வா ரோத³தி. பரியெட்டி²ந்தி பரியேஸனங். ஏகபத³ங் த்³விபத³ந்தி ஏகபத³மந்தங் வா த்³விபத³மந்தங் வா, கோ மந்தங் ஜானாதீதி அத்தோ². ஸம்மோஹவேபக்கந்தி ஸம்மோஹவிபாகங். து³க்க²ஸ்ஸ ஹி ஸம்மோஹோ நிஸ்ஸந்த³விபாகோ நாம. து³தியபதே³பி ஏஸேவ நயோ. பரியேஸனாபி ஹி தஸ்ஸ நிஸ்ஸந்த³விபாகோதி. இமஸ்மிங் ஸுத்தே வட்டவிவட்டங் கதி²தங்.
Avijjāti aṭṭhasu ṭhānesu aññāṇabhūtā bahalaavijjā. Nirayaṃ gamentīti nirayagamanīyā, niraye nibbattipaccayāti attho. Sesesupi eseva nayo. Cetanāhanti cetanaṃ ahaṃ. Idha sabbasaṅgāhikā saṃvidahanacetanā gahitā. Cetayitvāti dvārappavattacetanā. Manasāti cetanāsampayuttacittena. Nirayavedanīyanti niraye vipākadāyakaṃ. Sesesupi eseva nayo. Adhimattanti balavadukkhaṃ. Dandhavirāgīti garukaṃ na khippaṃ saṇikaṃ vigacchanakadukkhaṃ. Urattāḷiṃ kandatīti uraṃ tāḷetvā rodati. Pariyeṭṭhinti pariyesanaṃ. Ekapadaṃ dvipadanti ekapadamantaṃ vā dvipadamantaṃ vā, ko mantaṃ jānātīti attho. Sammohavepakkanti sammohavipākaṃ. Dukkhassa hi sammoho nissandavipāko nāma. Dutiyapadepi eseva nayo. Pariyesanāpi hi tassa nissandavipākoti. Imasmiṃ sutte vaṭṭavivaṭṭaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. நிப்³பே³தி⁴கஸுத்தங் • 9. Nibbedhikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. நிப்³பே³தி⁴கஸுத்தவண்ணனா • 9. Nibbedhikasuttavaṇṇanā
