| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
нид̣̇аанагат̇ааван̣н̣анаа
Nidānakathāvaṇṇanā
бариниб̣б̣аанамзва …бз… вуд̇д̇ам̣. абхиннасабхаавамби хи ад̇т̇ам̣ д̇ад̣̇ан̃н̃ад̇хаммад̇о висзсааваб̣од̇ханад̇т̇ам̣ ан̃н̃ам̣ вияа гад̇ваа вохаранд̇и яат̇аа ‘‘ад̇д̇ано сабхаавам̣ д̇хаарзнд̇ийд̇и д̇хаммаа’’д̇и (д̇ха. са. адта. 1). саад̇и асан̇кад̇аа д̇хаад̇у. гаран̣абхаавзна вуд̇д̇аа яат̇аавуд̇д̇асса убасамасса саад̇хагад̇амабхаавам̣ санд̇хааяа. д̇хаммаваад̣̇ий…бз… д̣̇уб̣б̣алад̇аа вуд̇д̇аа д̇ат̇ааруубааяа бан̃н̃ааяа бхаавз д̇аад̣̇исаанам̣ багкабхааваабхаавад̇о. лад̣̇д̇хияаад̇и ‘‘ад̇т̇и буг̇г̇ало сажжигадтабарамад̇т̇зна, барихааяад̇и арахаа арахад̇д̇аа’’д̇иаад̣̇илад̣̇д̇хияаа. суд̇д̇анд̇зхийд̇и д̣̇звад̇аасам̣яуд̇д̇аад̣̇ийхи. лин̇г̇аагаббабхзд̣̇ам̣ барад̇о саяамзва вагкад̇и.
Parinibbānameva…pe… vuttaṃ. Abhinnasabhāvampi hi atthaṃ tadaññadhammato visesāvabodhanatthaṃ aññaṃ viya katvā voharanti yathā ‘‘attano sabhāvaṃ dhārentīti dhammā’’ti (dha. sa. aṭṭha. 1). Sāti asaṅkhatā dhātu. Karaṇabhāvena vuttā yathāvuttassa upasamassa sādhakatamabhāvaṃ sandhāya. Dhammavādī…pe… dubbalatā vuttā tathārūpāya paññāya bhāve tādisānaṃ pakkhabhāvābhāvato. Laddhiyāti ‘‘atthi puggalo saccikaṭṭhaparamatthena, parihāyati arahā arahattā’’tiādiladdhiyā. Suttantehīti devatāsaṃyuttādīhi. Liṅgākappabhedaṃ parato sayameva vakkhati.
бхинд̣̇ид̇ваа мууласан̇г̇аханд̇и мууласан̇г̇ийд̇им̣ винаасзд̇ваа, бхзд̣̇ам̣ ваа гад̇ваа яат̇аа саа тид̇аа, д̇ад̇о ан̃н̃ат̇аа гад̇ваа. сан̇г̇ахид̇ад̇о ваа ан̃н̃ад̇раад̇и мууласан̇г̇ийд̇ияаа сан̇г̇ахид̇ад̇о ан̃н̃ад̇ра. д̇знааха ‘‘асан̇г̇ахид̇ам̣ суд̇д̇а’’нд̇и. нийд̇ад̇т̇ам̣ яат̇ааруд̇авасзна вин̃н̃зяяад̇т̇ад̇д̇аа. нзяяад̇т̇ам̣ вибарин̣аамад̣̇угкад̇аад̣̇ивасзна нид̣̇д̇хаарзд̇аб̣б̣ад̇т̇ад̇д̇аа. д̇ийхи таанзхийд̇и ‘‘суураа сад̇иманд̇о ид̇ха б̣рахмажарияаваасо’’д̇и (а. ни. 9.21) звам̣ вуд̇д̇зхи д̇ийхи гааран̣зхи. ан̃н̃ам̣ санд̇хааяа бхан̣ид̇анд̇и згам̣ баб̣б̣аж̇ж̇аасан̇каад̇ам̣ б̣рахмажарияаваасам̣ санд̇хааяа бхан̣ид̇ам̣. ан̃н̃ам̣ ад̇т̇ам̣ табаяим̣сууд̇и саб̣б̣ассаби б̣рахмажарияаваасасса васзна ‘‘над̇т̇и д̣̇звзсу б̣рахмажарияаваасо’’д̇иаад̣̇игам̣ (гат̇аа. 269) ан̃н̃ам̣ ад̇т̇ам̣ табаяим̣су. суд̇д̇ан̃жа ан̃н̃ам̣ санд̇хааяа бхан̣ид̇ам̣ д̇ад̇о ан̃н̃ам̣ санд̇хааяа бхан̣ид̇ам̣ гад̇ваа табаяим̣су, д̇асса ад̇т̇ан̃жа ан̃н̃ам̣ табаяим̣сууд̇и звамзд̇т̇а яож̇анаа взд̣̇ид̇аб̣б̣аа. сун̃н̃ад̇аад̣̇ийд̇и аад̣̇и-сад̣̇д̣̇зна анижжад̇аад̣̇им̣ сан̇г̇ан̣хаад̇и.
Bhinditvā mūlasaṅgahanti mūlasaṅgītiṃ vināsetvā, bhedaṃ vā katvā yathā sā ṭhitā, tato aññathā katvā. Saṅgahitato vā aññatrāti mūlasaṅgītiyā saṅgahitato aññatra. Tenāha ‘‘asaṅgahitaṃ sutta’’nti. Nītatthaṃ yathārutavasena viññeyyatthattā. Neyyatthaṃ vipariṇāmadukkhatādivasena niddhāretabbatthattā. Tīhi ṭhānehīti ‘‘sūrā satimanto idha brahmacariyavāso’’ti (a. ni. 9.21) evaṃ vuttehi tīhi kāraṇehi. Aññaṃ sandhāya bhaṇitanti ekaṃ pabbajjāsaṅkhātaṃ brahmacariyavāsaṃ sandhāya bhaṇitaṃ. Aññaṃ atthaṃ ṭhapayiṃsūti sabbassapi brahmacariyavāsassa vasena ‘‘natthi devesu brahmacariyavāso’’tiādikaṃ (kathā. 269) aññaṃ atthaṃ ṭhapayiṃsu. Suttañca aññaṃ sandhāya bhaṇitaṃ tato aññaṃ sandhāya bhaṇitaṃ katvā ṭhapayiṃsu, tassa atthañca aññaṃ ṭhapayiṃsūti evamettha yojanā veditabbā. Suññatādīti ādi-saddena aniccatādiṃ saṅgaṇhāti.
г̇амбхийрам̣ згад̣̇зсам̣ махаабад̣̇зсабариваараад̣̇им̣. згажжз сагалам̣ абхид̇хаммам̣ виссаж̇ж̇им̣су чад̣д̣аяим̣су сзяяат̇ааби суд̇д̇анд̇игаа. д̇з хи д̇ам̣ на ж̇инаважананд̇и вад̣̇анд̇и. гат̇аавад̇т̇усса савиваад̣̇ад̇д̇зд̇иаад̣̇и хздтаа нид̣̇аанадтагат̇ааяа ааг̇ад̇анаяам̣ санд̇хааяа вуд̇д̇ам̣. гзжи бана буг̇г̇алабан̃н̃ад̇д̇ияааби савиваад̣̇ад̇д̇ам̣ ман̃н̃анд̇и. ‘‘д̇ад̇ияасан̇г̇ийд̇ид̇о буб̣б̣з бавад̇д̇амаанаанам̣ васзнаа’’д̇и ид̣̇ам̣ гасмаа вуд̇д̇ам̣, нану д̇ад̇ияасан̇г̇ийд̇ид̇о буб̣б̣зби д̇ам̣ маад̇игааруубзна бавад̇д̇ад̇зва? нид̣̇д̣̇зсам̣ ваа санд̇хааяа д̇ат̇аа вуд̇д̇анд̇и взд̣̇ид̇аб̣б̣ам̣. ан̃н̃аанийд̇и ан̃н̃аагаараани абхид̇хаммабагаран̣аад̣̇ийни агарим̣су, бавад̇д̇анд̇ааниби д̇аани ан̃н̃ат̇аа гад̇ваа батим̣сууд̇и ад̇т̇о . ман̃ж̇усирийд̇и ид̣̇ам̣ гасмаа вуд̇д̇ам̣. на хи д̇ам̣ наамам̣ бидагад̇д̇аяам̣ анувад̇д̇анд̇зхи бхигкуухи г̇аяхад̇и? ид̇арзхи г̇аяхамаанамби ваа саасанигабарин̃н̃зхи на саасанааважарам̣ г̇аяхад̇ийд̇и гад̇ваа вуд̇д̇ам̣. нигааяанааманд̇и махаасан̇гхигаад̣̇инигааяанаамам̣, д̣̇уд̇д̇аг̇уд̇д̇аад̣̇иваг̇г̇анааман̃жа.
Gambhīraṃ ekadesaṃ mahāpadesaparivārādiṃ. Ekacce sakalaṃ abhidhammaṃ vissajjiṃsu chaḍḍayiṃsu seyyathāpi suttantikā. Te hi taṃ na jinavacananti vadanti. Kathāvatthussa savivādattetiādi heṭṭhā nidānaṭṭhakathāya āgatanayaṃ sandhāya vuttaṃ. Keci pana puggalapaññattiyāpi savivādattaṃ maññanti. ‘‘Tatiyasaṅgītito pubbe pavattamānānaṃ vasenā’’ti idaṃ kasmā vuttaṃ, nanu tatiyasaṅgītito pubbepi taṃ mātikārūpena pavattateva? Niddesaṃ vā sandhāya tathā vuttanti veditabbaṃ. Aññānīti aññākārāni abhidhammapakaraṇādīni akariṃsu, pavattantānipi tāni aññathā katvā paṭhiṃsūti attho . Mañjusirīti idaṃ kasmā vuttaṃ. Na hi taṃ nāmaṃ piṭakattayaṃ anuvattantehi bhikkhūhi gayhati? Itarehi gayhamānampi vā sāsanikapariññehi na sāsanāvacaraṃ gayhatīti katvā vuttaṃ. Nikāyanāmanti mahāsaṅghikādinikāyanāmaṃ, duttaguttādivagganāmañca.
сан̇ганд̇игаанам̣ бхзд̣̇о суд̇д̇аваад̣̇ийд̇и сан̇ганд̇игаанам̣ ананд̇арз зго нигааяабхзд̣̇о суд̇д̇аваад̣̇ий наама бхиж̇ж̇ид̇т̇а. сахаад̇и згаж̇жхам̣ гад̇ваа, г̇ан̣ияамаанаад̇и ад̇т̇о.
Saṅkantikānaṃ bhedo suttavādīti saṅkantikānaṃ anantare eko nikāyabhedo suttavādī nāma bhijjittha. Sahāti ekajjhaṃ katvā, gaṇiyamānāti attho.
уббаннз ваад̣̇з санд̇хааяаад̇и д̇ад̇ияасан̇г̇ийд̇игаалз уббаннз ваад̣̇з санд̇хааяа. уббаж̇ж̇анагзд̇и д̇ад̇о бадтааяа яаава сад̣̇д̇хамманд̇арад̇хаанаа зд̇т̇анд̇арз уббаж̇ж̇анагз. суд̇д̇асахассаахаран̣ан̃жзд̇т̇а бараваад̣̇абхан̃ж̇анад̇т̇ан̃жа сагаваад̣̇абад̇идтаабанад̇т̇ан̃жа. суд̇д̇згад̣̇зсоби хи ‘‘суд̇д̇а’’нд̇и вужжад̇и самуд̣̇ааяавохаарасса аваяавзсуби д̣̇иссанад̇о яат̇аа ‘‘бадо д̣̇ад̣дхо, самуд̣̇д̣̇о д̣̇идто’’д̇и жа. д̇з банзд̇т̇а суд̇д̇абад̣̇зсаа ‘‘ад̇т̇и буг̇г̇ало ад̇д̇ахид̇ааяа бадибанно’’д̇иаад̣̇инаа ааг̇ад̇аа взд̣̇ид̇аб̣б̣аа.
Uppanne vāde sandhāyāti tatiyasaṅgītikāle uppanne vāde sandhāya. Uppajjanaketi tato paṭṭhāya yāva saddhammantaradhānā etthantare uppajjanake. Suttasahassāharaṇañcettha paravādabhañjanatthañca sakavādapatiṭṭhāpanatthañca. Suttekadesopi hi ‘‘sutta’’nti vuccati samudāyavohārassa avayavesupi dissanato yathā ‘‘paṭo daḍḍho, samuddo diṭṭho’’ti ca. Te panettha suttapadesā ‘‘atthi puggalo attahitāya paṭipanno’’tiādinā āgatā veditabbā.
нид̣̇аанагат̇ааван̣н̣анаа нидтид̇аа.
Nidānakathāvaṇṇanā niṭṭhitā.
