Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā

    3. нид̣̇д̣̇зсаваараван̣н̣анаа

    3. Niddesavāravaṇṇanā

    4. звам̣ уд̣̇д̣̇идтз хаараад̣̇аяо нид̣̇д̣̇исид̇ум̣ ‘‘д̇ад̇т̇а сан̇кзбад̇о’’д̇иаад̣̇и аарад̣̇д̇хам̣. д̇ад̇т̇а д̇ад̇т̇аад̇и д̇асмим̣ уд̣̇д̣̇зсабаатз. сан̇кзбад̇о нзд̇д̇и гид̇д̇ид̇аад̇и самаасад̇о нзд̇д̇иббагаран̣ам̣ гат̇ид̇ам̣. хааранаяамуулабад̣̇аанан̃хи саруубад̣̇ассанам̣ уд̣̇д̣̇зсабаатзна гад̇анд̇и. зд̇т̇а жа хааранаяаанам̣ –

    4. Evaṃ uddiṭṭhe hārādayo niddisituṃ ‘‘tattha saṅkhepato’’tiādi āraddhaṃ. Tattha tatthāti tasmiṃ uddesapāṭhe. Saṅkhepato netti kittitāti samāsato nettippakaraṇaṃ kathitaṃ. Hāranayamūlapadānañhi sarūpadassanaṃ uddesapāṭhena katanti. Ettha ca hāranayānaṃ –

    сааман̃н̃ад̇о висзсзна, бад̣̇ад̇т̇о лагкан̣ам̣ гамо;

    Sāmaññato visesena, padattho lakkhaṇaṃ kamo;

    зд̇д̇аавад̇аа жа хзд̇ваад̣̇ий, взд̣̇ид̇аб̣б̣аа хи вин̃н̃унаа.

    Ettāvatā ca hetvādī, veditabbā hi viññunā.

    д̇зсу ависзсад̇о висзсад̇о жа хааранаяаанам̣ ад̇т̇о д̣̇ассид̇о. лагкан̣аад̣̇ийсу бана ависзсад̇о саб̣б̣зби хаараа наяаа жа яат̇ааггамам̣ б̣яан̃ж̇анад̇т̇амукзна наван̇г̇асса саасанасса ад̇т̇асам̣ван̣н̣аналагкан̣аа. висзсад̇о бана д̇асса д̇асса хаарасса наяасса жа лагкан̣ам̣ нид̣̇д̣̇зсз зва гат̇аяиссаама. гамаад̣̇ийни жа яасмаа нзсам̣ лагкан̣зсу н̃аад̇зсу вин̃н̃зяяаани хонд̇и, д̇асмаа д̇ааниби нид̣̇д̣̇зсад̇о барад̇о багаасаяиссаама.

    Tesu avisesato visesato ca hāranayānaṃ attho dassito. Lakkhaṇādīsu pana avisesato sabbepi hārā nayā ca yathākkamaṃ byañjanatthamukhena navaṅgassa sāsanassa atthasaṃvaṇṇanalakkhaṇā. Visesato pana tassa tassa hārassa nayassa ca lakkhaṇaṃ niddese eva kathayissāma. Kamādīni ca yasmā nesaṃ lakkhaṇesu ñātesu viññeyyāni honti, tasmā tānipi niddesato parato pakāsayissāma.

    хаарасан̇кзбо

    Hārasaṅkhepo

    1. яаа бана ассаад̣̇аад̣̇ийнавад̇аад̇иаад̣̇игаа нид̣̇д̣̇зсаг̇аат̇аа, д̇аасу ассаад̣̇аад̣̇ийнавад̇аад̇и ассаад̣̇о аад̣̇ийнавад̇аад̇и бад̣̇авибхааг̇о. аад̣̇ийнавад̇аад̇и жа аад̣̇ийнаво зва. гзжи ‘‘ассаад̣̇аад̣̇ийнавад̇о’’д̇и батанд̇и, д̇ам̣ на сунд̣̇арам̣. д̇ад̇т̇а ассаад̣̇ийяад̇ийд̇и ассаад̣̇о, сукам̣ соманассан̃жа. вуд̇д̇ан̃хзд̇ам̣ – ‘‘яам̣, бхигкавз, бан̃жубаад̣̇аанагканд̇хз бадижжа уббаж̇ж̇ад̇и сукам̣ соманассам̣, аяам̣ бан̃жасу убаад̣̇аанагканд̇хзсу ассаад̣̇о’’д̇и (ма. ни. 1.166; сам̣. ни. 3.26). яат̇аа жзд̇ам̣ сукам̣ соманассам̣, звам̣ идтаарамман̣амби. вуд̇д̇амби жзд̇ам̣ – ‘‘со д̇ад̣̇ассаад̣̇зд̇и д̇ам̣ нигаамзд̇ий’’д̇и ‘‘руубам̣ ассаад̣̇зд̇и абхинанд̣̇ад̇и, д̇ам̣ аараб̣бха рааг̇о уббаж̇ж̇ад̇ий’’д̇и (бадтаа. 1.1.424), ‘‘сам̣яож̇анийязсу, бхигкавз, д̇хаммзсу ассаад̣̇аанубассино’’д̇и (сам̣. ни. 2.53) жа . ассаад̣̇зд̇и зд̇ааяаад̇и ваа ассаад̣̇о, д̇ан̣хаа. д̇ан̣хааяа хи гааран̣абхууд̇ааяа буг̇г̇ало сукамби сукаарамман̣амби ассаад̣̇зд̇и. яат̇аа жа д̇ан̣хаа, звам̣ вибаллаасааби. вибаллаасавасзна хи сад̇д̇аа анидтамби аарамман̣ам̣ идтаагаарзна ассаад̣̇знд̇и, звам̣ взд̣̇анааяа саб̣б̣зсам̣ д̇збхуумагасан̇каараанам̣ д̇ан̣хааяа вибаллаасаанан̃жа ассаад̣̇авижааро взд̣̇ид̇аб̣б̣о.

    1. Yā pana assādādīnavatātiādikā niddesagāthā, tāsu assādādīnavatāti assādo ādīnavatāti padavibhāgo. Ādīnavatāti ca ādīnavo eva. Keci ‘‘assādādīnavato’’ti paṭhanti, taṃ na sundaraṃ. Tattha assādīyatīti assādo, sukhaṃ somanassañca. Vuttañhetaṃ – ‘‘yaṃ, bhikkhave, pañcupādānakkhandhe paṭicca uppajjati sukhaṃ somanassaṃ, ayaṃ pañcasu upādānakkhandhesu assādo’’ti (ma. ni. 1.166; saṃ. ni. 3.26). Yathā cetaṃ sukhaṃ somanassaṃ, evaṃ iṭṭhārammaṇampi. Vuttampi cetaṃ – ‘‘so tadassādeti taṃ nikāmetī’’ti ‘‘rūpaṃ assādeti abhinandati, taṃ ārabbha rāgo uppajjatī’’ti (paṭṭhā. 1.1.424), ‘‘saṃyojanīyesu, bhikkhave, dhammesu assādānupassino’’ti (saṃ. ni. 2.53) ca . Assādeti etāyāti vā assādo, taṇhā. Taṇhāya hi kāraṇabhūtāya puggalo sukhampi sukhārammaṇampi assādeti. Yathā ca taṇhā, evaṃ vipallāsāpi. Vipallāsavasena hi sattā aniṭṭhampi ārammaṇaṃ iṭṭhākārena assādenti, evaṃ vedanāya sabbesaṃ tebhūmakasaṅkhārānaṃ taṇhāya vipallāsānañca assādavicāro veditabbo.

    гат̇ам̣ бана д̣̇угкаад̣̇угкамасукавзд̣̇анаанам̣ ассаад̣̇анийяад̇аад̇и? вибаллаасад̇о сукабарияааяасаб̣бхаавад̇о жа. д̇ат̇аа хи вуд̇д̇ам̣ – ‘‘сукаа ко, аавусо висаака, взд̣̇анаа тид̇исукаа вибарин̣аамад̣̇угкаа. д̣̇угкаа взд̣̇анаа тид̇ид̣̇угкаа вибарин̣аамасукаа, ад̣̇угкамасукаа взд̣̇анаа н̃аан̣асукаа ан̃н̃аан̣ад̣̇угкаа’’д̇и (ма. ни. 1.465). д̇ад̇т̇а взд̣̇анааяа адтасад̇абарияааяавасзна, д̇збхуумагасан̇каараанам̣ нигкзбаган̣д̣аруубаган̣д̣авасзна, д̇ан̣хааяа сам̣гилзсавад̇т̇увибхан̇г̇з нигкзбаган̣д̣з жа д̇ан̣хаанид̣̇д̣̇зсавасзна, вибаллаасаанам̣ сукасан̃н̃аад̣̇ивасзна д̣̇ваасадтид̣̇идтиг̇ад̇авасзна жа вибхааг̇о взд̣̇ид̇аб̣б̣о.

    Kathaṃ pana dukkhādukkhamasukhavedanānaṃ assādanīyatāti? Vipallāsato sukhapariyāyasabbhāvato ca. Tathā hi vuttaṃ – ‘‘sukhā kho, āvuso visākha, vedanā ṭhitisukhā vipariṇāmadukkhā. Dukkhā vedanā ṭhitidukkhā vipariṇāmasukhā, adukkhamasukhā vedanā ñāṇasukhā aññāṇadukkhā’’ti (ma. ni. 1.465). Tattha vedanāya aṭṭhasatapariyāyavasena, tebhūmakasaṅkhārānaṃ nikkhepakaṇḍarūpakaṇḍavasena, taṇhāya saṃkilesavatthuvibhaṅge nikkhepakaṇḍe ca taṇhāniddesavasena, vipallāsānaṃ sukhasaññādivasena dvāsaṭṭhidiṭṭhigatavasena ca vibhāgo veditabbo.

    аад̣̇ийнаво д̣̇угкаа взд̣̇анаа д̇иссоби ваа д̣̇угкад̇аа. ат̇а ваа саб̣б̣зби д̇збхуумагаа сан̇каараа аад̣̇ийнаво. аад̣̇ийнам̣ ад̇ивияа габан̣ам̣ ваад̇и бавад̇д̇ад̇ийд̇и хи аад̣̇ийнаво, габан̣амануссо, звам̣сабхааваа жа д̇збхуумагаа д̇хаммаа анижжад̇аад̣̇ияог̇зна. яад̇о д̇ад̇т̇а аад̣̇ийнаваанубассанаа аарад̣̇д̇хавибассагаанам̣ яат̇аабхууд̇анаяод̇и вужжад̇и. д̇ат̇аа жа вуд̇д̇ам̣ – ‘‘яам̣, бхигкавз, бан̃жубаад̣̇аанагканд̇хаа анижжаа д̣̇угкаа вибарин̣аамад̇хаммаа, аяам̣ бан̃жасу убаад̣̇аанагканд̇хзсу аад̣̇ийнаво’’д̇и. д̇асмаа аад̣̇ийнаво д̣̇угкасажжанид̣̇д̣̇зсабхууд̇аанам̣ ж̇аад̇ияаад̣̇ийнам̣ анижжад̇аад̣̇ийнам̣ д̣̇ваажад̇д̇аалийсааяа аагаараанан̃жа васзна вибхаж̇ид̇ваа нид̣̇д̣̇исид̇аб̣б̣о.

    Ādīnavo dukkhā vedanā tissopi vā dukkhatā. Atha vā sabbepi tebhūmakā saṅkhārā ādīnavo. Ādīnaṃ ativiya kapaṇaṃ vāti pavattatīti hi ādīnavo, kapaṇamanusso, evaṃsabhāvā ca tebhūmakā dhammā aniccatādiyogena. Yato tattha ādīnavānupassanā āraddhavipassakānaṃ yathābhūtanayoti vuccati. Tathā ca vuttaṃ – ‘‘yaṃ, bhikkhave, pañcupādānakkhandhā aniccā dukkhā vipariṇāmadhammā, ayaṃ pañcasu upādānakkhandhesu ādīnavo’’ti. Tasmā ādīnavo dukkhasaccaniddesabhūtānaṃ jātiyādīnaṃ aniccatādīnaṃ dvācattālīsāya ākārānañca vasena vibhajitvā niddisitabbo.

    ниссарад̇и зд̇знаад̇и ниссаран̣ам̣, арияамаг̇г̇о. ниссарад̇ийд̇и ваа ниссаран̣ам̣ ниб̣б̣аанам̣. убхаяамби сааман̃н̃анид̣̇д̣̇зсзна згасзсзна ваа ‘‘ниссаран̣а’’нд̇и вуд̇д̇ам̣. би-сад̣̇д̣̇о буримаанам̣ бажчимаанан̃жа самбин̣д̣анад̇т̇о. д̇ад̇т̇а арияамаг̇г̇абагкз сад̇ибадтаанаад̣̇ийнам̣ сад̇д̇ад̇д̇им̣саб̣од̇хибагкияад̇хаммаанам̣ гааяаанубассанаад̣̇ийнан̃жа д̇ад̣̇анд̇ог̇ад̇хабхзд̣̇аанам̣ васзна ниссаран̣ам̣ вибхаж̇ид̇ваа нид̣̇д̣̇исид̇аб̣б̣ам̣.

    Nissarati etenāti nissaraṇaṃ, ariyamaggo. Nissaratīti vā nissaraṇaṃ nibbānaṃ. Ubhayampi sāmaññaniddesena ekasesena vā ‘‘nissaraṇa’’nti vuttaṃ. Pi-saddo purimānaṃ pacchimānañca sampiṇḍanattho. Tattha ariyamaggapakkhe satipaṭṭhānādīnaṃ sattattiṃsabodhipakkhiyadhammānaṃ kāyānupassanādīnañca tadantogadhabhedānaṃ vasena nissaraṇaṃ vibhajitvā niddisitabbaṃ.

    ниб̣б̣аанабагкз бана гин̃жааби асан̇кад̇ааяа д̇хаад̇уяаа ниббарияааязна вибхааг̇о над̇т̇и. барияааязна бана собаад̣̇исзсанирубаад̣̇исзсабхзд̣̇зна. яад̇о ваа д̇ам̣ ниссадам̣, д̇зсам̣ бадисамбхид̣̇аамаг̇г̇з (бади. ма. 1.3) д̣̇ассид̇аббабхзд̣̇аанам̣ жагкаад̣̇ийнам̣ чаннам̣ д̣̇ваараанам̣ руубаад̣̇ийнам̣ чаннам̣ аарамман̣аанам̣ д̇ам̣д̇ам̣д̣̇ваараббавад̇д̇аанам̣ чаннам̣ чаннам̣ вин̃н̃аан̣апассавзд̣̇анаасан̃н̃аажзд̇анаад̇ан̣хаавид̇аггавижаараанам̣ бат̇авийд̇хаад̇уаад̣̇ийнам̣ чаннам̣ д̇хаад̇уунам̣ д̣̇асаннам̣ гасин̣ааяад̇анаанам̣ асубхаанам̣ гзсаад̣̇ийнам̣ д̣̇вад̇д̇им̣сааяа аагаараанам̣ бан̃жаннам̣ канд̇хаанам̣ д̣̇ваад̣̇асаннам̣ ааяад̇анаанам̣ адтаарасаннам̣ д̇хаад̇уунам̣ логияаанам̣ инд̣̇рияаанам̣ гаамад̇хаад̇уаад̣̇ийнам̣ д̇иссаннам̣ д̇хаад̇уунам̣ гаамабхаваад̣̇ийнам̣ д̇ин̣н̣ам̣ д̇ин̣н̣ам̣ бхаваанам̣ жад̇уннам̣ жхаанаанам̣ аббаман̃н̃аанам̣ ааруббаанам̣ д̣̇ваад̣̇асаннам̣ бадижжасамуббаад̣̇ан̇г̇аанан̃жаад̇и звамаад̣̇ийнам̣ сан̇кад̇ад̇хаммаанам̣ ниссаран̣абхаавзна жа вибхаж̇ид̇ваа нид̣̇д̣̇исид̇аб̣б̣ам̣.

    Nibbānapakkhe pana kiñcāpi asaṅkhatāya dhātuyā nippariyāyena vibhāgo natthi. Pariyāyena pana sopādisesanirupādisesabhedena. Yato vā taṃ nissaṭaṃ, tesaṃ paṭisambhidāmagge (paṭi. ma. 1.3) dassitappabhedānaṃ cakkhādīnaṃ channaṃ dvārānaṃ rūpādīnaṃ channaṃ ārammaṇānaṃ taṃtaṃdvārappavattānaṃ channaṃ channaṃ viññāṇaphassavedanāsaññācetanātaṇhāvitakkavicārānaṃ pathavīdhātuādīnaṃ channaṃ dhātūnaṃ dasannaṃ kasiṇāyatanānaṃ asubhānaṃ kesādīnaṃ dvattiṃsāya ākārānaṃ pañcannaṃ khandhānaṃ dvādasannaṃ āyatanānaṃ aṭṭhārasannaṃ dhātūnaṃ lokiyānaṃ indriyānaṃ kāmadhātuādīnaṃ tissannaṃ dhātūnaṃ kāmabhavādīnaṃ tiṇṇaṃ tiṇṇaṃ bhavānaṃ catunnaṃ jhānānaṃ appamaññānaṃ āruppānaṃ dvādasannaṃ paṭiccasamuppādaṅgānañcāti evamādīnaṃ saṅkhatadhammānaṃ nissaraṇabhāvena ca vibhajitvā niddisitabbaṃ.

    паланд̇и д̣̇зсанаапалам̣. гим̣ бана д̇анд̇и? яам̣ д̣̇зсанааяа нибпаад̣̇ийяад̇и. нану жа ниб̣б̣аанаад̇хиг̇амо бхаг̇авад̇о д̣̇зсанааяа нибпаад̣̇ийяад̇и. ниб̣б̣аанан̃жа ‘‘ниссаран̣а’’нд̇и иминаа вуд̇д̇амзваад̇и? сажжамзд̇ам̣, д̇ан̃жа ко барамбарааяа. ид̇ха бана бажжагкад̇о д̣̇зсанаапалам̣ ад̇хиббзд̇ам̣. д̇ам̣ бана суд̇амаяан̃аан̣ам̣. ад̇т̇ад̇хаммавзд̣̇аад̣̇иарияамаг̇г̇асса буб̣б̣абхааг̇аббадибад̇д̇ибхууд̇аа чаб̣б̣исуд̣̇д̇хияо. яан̃жа д̇асмим̣ кан̣з маг̇г̇ам̣ анабхисамбхун̣анд̇асса гааланд̇арз д̇ад̣̇ад̇хиг̇амагааран̣абхууд̇ам̣ самбад̇д̇ибхавахзд̇у жа сияаа. д̇ат̇аа хи вагкад̇и – ‘‘ад̇д̇аануд̣̇идтим̣ уухажжа, звам̣ мажжуд̇аро сияаад̇и (су. ни. 1125; гат̇аа. 226; жуул̣ани. могхарааж̇амаан̣авабужчаа 144, могхарааж̇амаан̣авабужчаанид̣̇д̣̇зса 88; нзд̇д̇и. 5; бздаго. 22) ид̣̇ам̣ пала’’нд̇и, ‘‘д̇хаммо хавз рагкад̇и д̇хаммажааринд̇и ид̣̇ам̣ пала’’нд̇и (ж̇аа. 1.10.102-103; 1.15.385) жа. зд̇зна наязна д̣̇звзсу жа маанусзсу жа ааяуван̣н̣аб̣аласукаяасабариваарааад̇хибад̇зяяасамбад̇д̇ияо убад̇хисамбад̇д̇ияо жаггавад̇д̇исирий д̣̇звараж̇ж̇асирий жад̇д̇аари самбад̇д̇ижаггаани сийласамбад̣̇аа самаад̇хисамбад̣̇аа д̇иссо виж̇ж̇аа ча абхин̃н̃аа жад̇ассо бадисамбхид̣̇аа саавагаб̣од̇хи бажжзгаб̣од̇хи саммаасамб̣од̇хийд̇и саб̣б̣ааби самбад̇д̇ияо бун̃н̃асамбхаарахзд̇угаа бхаг̇авад̇о д̣̇зсанааяа саад̇хзд̇аб̣б̣ад̇ааяа паланд̇и взд̣̇ид̇аб̣б̣аа.

    Phalanti desanāphalaṃ. Kiṃ pana tanti? Yaṃ desanāya nipphādīyati. Nanu ca nibbānādhigamo bhagavato desanāya nipphādīyati. Nibbānañca ‘‘nissaraṇa’’nti iminā vuttamevāti? Saccametaṃ, tañca kho paramparāya. Idha pana paccakkhato desanāphalaṃ adhippetaṃ. Taṃ pana sutamayañāṇaṃ. Atthadhammavedādiariyamaggassa pubbabhāgappaṭipattibhūtā chabbisuddhiyo. Yañca tasmiṃ khaṇe maggaṃ anabhisambhuṇantassa kālantare tadadhigamakāraṇabhūtaṃ sampattibhavahetu ca siyā. Tathā hi vakkhati – ‘‘attānudiṭṭhiṃ ūhacca, evaṃ maccutaro siyāti (su. ni. 1125; kathā. 226; cūḷani. mogharājamāṇavapucchā 144, mogharājamāṇavapucchāniddesa 88; netti. 5; peṭako. 22) idaṃ phala’’nti, ‘‘dhammo have rakkhati dhammacārinti idaṃ phala’’nti (jā. 1.10.102-103; 1.15.385) ca. Etena nayena devesu ca mānusesu ca āyuvaṇṇabalasukhayasaparivāraādhipateyyasampattiyo upadhisampattiyo cakkavattisirī devarajjasirī cattāri sampatticakkāni sīlasampadā samādhisampadā tisso vijjā cha abhiññā catasso paṭisambhidā sāvakabodhi paccekabodhi sammāsambodhīti sabbāpi sampattiyo puññasambhārahetukā bhagavato desanāya sādhetabbatāya phalanti veditabbā.

    убааяод̇и арияамаг̇г̇абад̣̇адтаанабхууд̇аа буб̣б̣абхааг̇аббадибад̣̇аа. саа хи буримаа буримаа бажчимааяа бажчимааяа ад̇хиг̇амуубааяабхаавад̇о барамбарааяа маг̇г̇аниб̣б̣аанаад̇хиг̇амасса жа хзд̇убхаавад̇о убааяо. яаа жа буб̣б̣з вуд̇д̇апалаад̇хиг̇амасса убааяабадибад̇д̇и. гзжи бана ‘‘саха вибассанааяа маг̇г̇о убааяо’’д̇и вад̣̇анд̇и, д̇зсам̣ мад̇зна ниссаран̣анд̇и ниб̣б̣аанамзва вуд̇д̇ам̣ сияаа. палам̣ вияа убааяоби буб̣б̣абхааг̇од̇и вуд̇д̇ам̣ сияаа, яам̣ бана вагкад̇и ‘‘саб̣б̣з д̇хаммаа…бз… висуд̣̇д̇хияаад̇и (д̇ха. ба. 279; т̇зраг̇аа. 678) аяам̣ убааяо’’д̇и. зд̇т̇ааби буб̣б̣абхааг̇аббадибад̣̇аа зва уд̣̇аахадаад̇и саггаа вин̃н̃аад̇ум̣. яасмаа бана ‘‘д̇з бахааяа д̇арз огханд̇и ид̣̇ам̣ ниссаран̣а’’нд̇и арияамаг̇г̇асса ниссаран̣абхаавам̣ вагкад̇и. арияамаг̇г̇о хи огхад̇аран̣анд̇и.

    Upāyoti ariyamaggapadaṭṭhānabhūtā pubbabhāgappaṭipadā. Sā hi purimā purimā pacchimāya pacchimāya adhigamūpāyabhāvato paramparāya magganibbānādhigamassa ca hetubhāvato upāyo. Yā ca pubbe vuttaphalādhigamassa upāyapaṭipatti. Keci pana ‘‘saha vipassanāya maggo upāyo’’ti vadanti, tesaṃ matena nissaraṇanti nibbānameva vuttaṃ siyā. Phalaṃ viya upāyopi pubbabhāgoti vuttaṃ siyā, yaṃ pana vakkhati ‘‘sabbe dhammā…pe… visuddhiyāti (dha. pa. 279; theragā. 678) ayaṃ upāyo’’ti. Etthāpi pubbabhāgappaṭipadā eva udāhaṭāti sakkā viññātuṃ. Yasmā pana ‘‘te pahāya tare oghanti idaṃ nissaraṇa’’nti ariyamaggassa nissaraṇabhāvaṃ vakkhati. Ariyamaggo hi oghataraṇanti.

    аан̣ад̇д̇ийд̇и аан̣аарахасса бхаг̇авад̇о взнзяяаж̇анасса хид̇асид̣̇д̇хияаа ‘‘звам̣ бадибаж̇ж̇аахий’’д̇и вид̇хаанам̣. д̇ат̇аа хи вагкад̇и ‘‘сун̃н̃ад̇о логам̣ авзгкассу, могхарааж̇аад̇и (су. ни. 1125; гат̇аа. 226; нзд̇д̇и. 5; бздаго. 22; жуул̣ани. могхарааж̇амаан̣авабужчаа 144, могхарааж̇амаан̣авабужчаанид̣̇д̣̇зса 88) аан̣ад̇д̇ий’’д̇и.

    Āṇattīti āṇārahassa bhagavato veneyyajanassa hitasiddhiyā ‘‘evaṃ paṭipajjāhī’’ti vidhānaṃ. Tathā hi vakkhati ‘‘suññato lokaṃ avekkhassu, mogharājāti (su. ni. 1125; kathā. 226; netti. 5; peṭako. 22; cūḷani. mogharājamāṇavapucchā 144, mogharājamāṇavapucchāniddesa 88) āṇattī’’ti.

    яог̇ийнанд̇и жад̇усажжагаммадтаанабхааванааяа яуд̇д̇аббаяуд̇д̇аанам̣ взнзяяаанам̣, ад̇т̇ааяаад̇и важанасзсо. д̣̇зсанаахаарод̇и зд̇зсам̣ яат̇аавуд̇д̇аанам̣ ассаад̣̇аад̣̇ийнам̣ вибхаж̇аналагкан̣о сам̣ван̣н̣анаависзсо д̣̇зсанаахааро наамаад̇и ад̇т̇о. зд̇т̇ааха – гим̣ банзд̇зсам̣ ассаад̣̇аад̣̇ийнам̣ анавасзсаанам̣ важанам̣ д̣̇зсанаахааро, уд̣̇ааху згажжаананд̇и? ниравасзсаанам̣язва. яасмин̃хи суд̇д̇з ассаад̣̇аад̣̇ийнаваниссаран̣аани саруубад̇о ааг̇ад̇аани, д̇ад̇т̇а вад̇д̇аб̣б̣амзва над̇т̇и. яад̇т̇а бана згад̣̇зсзна ааг̇ад̇аани, на ваа саруубзна. д̇ад̇т̇а анааг̇ад̇ам̣ ад̇т̇авасзна нид̣̇д̇хаарзд̇ваа хааро яож̇зд̇аб̣б̣о. аяан̃жа ад̇т̇о д̣̇зсанаахааравибхан̇г̇з ааг̇амиссад̇ийд̇и ид̇ха на бабан̃жид̇о.

    Yogīnanti catusaccakammaṭṭhānabhāvanāya yuttappayuttānaṃ veneyyānaṃ, atthāyāti vacanaseso. Desanāhāroti etesaṃ yathāvuttānaṃ assādādīnaṃ vibhajanalakkhaṇo saṃvaṇṇanāviseso desanāhāro nāmāti attho. Etthāha – kiṃ panetesaṃ assādādīnaṃ anavasesānaṃ vacanaṃ desanāhāro, udāhu ekaccānanti? Niravasesānaṃyeva. Yasmiñhi sutte assādādīnavanissaraṇāni sarūpato āgatāni, tattha vattabbameva natthi. Yattha pana ekadesena āgatāni, na vā sarūpena. Tattha anāgataṃ atthavasena niddhāretvā hāro yojetabbo. Ayañca attho desanāhāravibhaṅge āgamissatīti idha na papañcito.

    2. яам̣ бужчид̇анд̇и яаа бужчаа, вижияамаанаад̇и важанасзсо. виссаж̇ж̇ид̇ам̣ ануг̇ийд̇ийд̇и зд̇т̇ааби зсзва наяо. д̇ад̇т̇а виссаж̇ж̇ид̇анд̇и виссаж̇ж̇анаа, саа згам̣саб̣яаагаран̣аад̣̇ивасзна жад̇уб̣б̣ид̇хам̣ б̣яаагаран̣ам̣. жа-сад̣̇д̣̇о самбин̣д̣анад̇т̇о, д̇зна г̇аат̇ааяам̣ авуд̇д̇ам̣ бад̣̇аад̣̇им̣ сан̇г̇ан̣хаад̇и. д̇аа бана бужчаависсаж̇ж̇анаа гассаад̇и ааха ‘‘суд̇д̇ассаа’’д̇и. зд̇зна суд̇д̇з ааг̇ад̇ам̣ бужчаависсаж̇ж̇анам̣ вижзд̇аб̣б̣анд̇и д̣̇ассзд̇и. яаа жа ануг̇ийд̇ид̇и вуд̇д̇ассзва ад̇т̇асса яаа ану бажчаа г̇ийд̇и ануг̇ийд̇и, сан̇г̇ахаг̇аат̇аа, бужчааяа ваа ануруубаа г̇ийд̇и. зд̇зна буб̣б̣аабарам̣ г̇ахид̇ам̣. б̣яаагаран̣асса хи бужчаануруубад̇аа ид̇ха буб̣б̣аабарам̣ ад̇хиббзд̇ам̣. яаа ‘‘бужчаанусанд̇хий’’д̇и вужжад̇и. буримам̣ ‘‘суд̇д̇ассаа’’д̇и бад̣̇ам̣ буб̣б̣аабзгканд̇и буна ‘‘суд̇д̇ассаа’’д̇и вуд̇д̇ам̣. д̇зна суд̇д̇асса ниссаяабхууд̇з ассаад̣̇аад̣̇игз бариг̇г̇ан̣хаад̇и. зд̇д̇аавад̇аа вижаяахаарасса висаяо ниравасзсзна д̣̇ассид̇о ход̇и. д̇ат̇аа жа вагкад̇и вижаяахааравибхан̇г̇з ‘‘бад̣̇ам̣ вижинад̇и…бз… ануг̇ийд̇им̣ вижинад̇ий’’д̇и.

    2. Yaṃ pucchitanti yā pucchā, viciyamānāti vacanaseso. Vissajjitaṃ anugītīti etthāpi eseva nayo. Tattha vissajjitanti vissajjanā, sā ekaṃsabyākaraṇādivasena catubbidhaṃ byākaraṇaṃ. Ca-saddo sampiṇḍanattho, tena gāthāyaṃ avuttaṃ padādiṃ saṅgaṇhāti. Tā pana pucchāvissajjanā kassāti āha ‘‘suttassā’’ti. Etena sutte āgataṃ pucchāvissajjanaṃ vicetabbanti dasseti. Yā ca anugītiti vuttasseva atthassa yā anu pacchā gīti anugīti, saṅgahagāthā, pucchāya vā anurūpā gīti. Etena pubbāparaṃ gahitaṃ. Byākaraṇassa hi pucchānurūpatā idha pubbāparaṃ adhippetaṃ. Yā ‘‘pucchānusandhī’’ti vuccati. Purimaṃ ‘‘suttassā’’ti padaṃ pubbāpekkhanti puna ‘‘suttassā’’ti vuttaṃ. Tena suttassa nissayabhūte assādādike pariggaṇhāti. Ettāvatā vicayahārassa visayo niravasesena dassito hoti. Tathā ca vakkhati vicayahāravibhaṅge ‘‘padaṃ vicinati…pe… anugītiṃ vicinatī’’ti.

    д̇ад̇т̇а суд̇д̇з саб̣б̣зсам̣ бад̣̇аанам̣ анубуб̣б̣зна ад̇т̇асо б̣яан̃ж̇анасо жа вижаяо бад̣̇авижаяо. ‘‘аяам̣ бужчаа ад̣̇идтаж̇од̇анаа д̣̇идтасам̣санд̣̇анаа вимад̇ижчзд̣̇анаа анумад̇ибужчаа гат̇зд̇угамяад̇аабужчаа сад̇д̇аад̇хидтаанаа д̇хаммаад̇хидтаанаа згаад̇хидтаанаа анзгаад̇хидтаанаа саммуд̇ивисаяаа барамад̇т̇ависаяаа ад̇ийд̇ависаяаа анааг̇ад̇ависаяаа бажжуббаннависаяаа’’д̇иаад̣̇инаа бужчаавижаяо взд̣̇ид̇аб̣б̣о. ‘‘ид̣̇ам̣ виссаж̇ж̇анам̣ згам̣саб̣яаагаран̣ам̣ вибхаж̇ж̇аб̣яаагаран̣ам̣ бадибужчааб̣яаагаран̣ам̣ табанам̣ саавасзсам̣ ниравасзсам̣ сауд̇д̇арам̣ ануд̇д̇арам̣ логияам̣ логуд̇д̇ара’’нд̇иаад̣̇инаа виссаж̇ж̇анавижаяо.

    Tattha sutte sabbesaṃ padānaṃ anupubbena atthaso byañjanaso ca vicayo padavicayo. ‘‘Ayaṃ pucchā adiṭṭhajotanā diṭṭhasaṃsandanā vimaticchedanā anumatipucchā kathetukamyatāpucchā sattādhiṭṭhānā dhammādhiṭṭhānā ekādhiṭṭhānā anekādhiṭṭhānā sammutivisayā paramatthavisayā atītavisayā anāgatavisayā paccuppannavisayā’’tiādinā pucchāvicayo veditabbo. ‘‘Idaṃ vissajjanaṃ ekaṃsabyākaraṇaṃ vibhajjabyākaraṇaṃ paṭipucchābyākaraṇaṃ ṭhapanaṃ sāvasesaṃ niravasesaṃ sauttaraṃ anuttaraṃ lokiyaṃ lokuttara’’ntiādinā vissajjanavicayo.

    ‘‘аяам̣ бужчаа иминаа самзд̇и, зд̇зна на самзд̇ий’’д̇и бужчид̇ад̇т̇ам̣ аанзд̇ваа вижаяо буб̣б̣знаабарам̣ сам̣санд̣̇ид̇ваа жа вижаяо буб̣б̣аабаравижаяо. ‘‘аяам̣ ануг̇ийд̇и вуд̇д̇ад̇т̇асан̇г̇ахаа авуд̇д̇ад̇т̇асан̇г̇ахаа д̇ад̣̇убхаяад̇т̇асан̇г̇ахаа гусалад̇т̇асан̇г̇ахаа агусалад̇т̇асан̇г̇ахаа’’д̇иаад̣̇инаа ануг̇ийд̇ивижаяо. ассаад̣̇аад̣̇ийсу сукавзд̣̇анааяа ‘‘идтаарамман̣аанубхаваналагкан̣аа’’д̇иаад̣̇инаа, д̇ан̣хааяа ‘‘аарамман̣аг̇г̇ахан̣алагкан̣аа’’д̇иаад̣̇инаа, вибаллаасаанам̣ ‘‘вибарийд̇аг̇г̇ахан̣алагкан̣аа’’д̇иаад̣̇инаа, авасидтаанам̣ д̇збхуумагад̇хаммаанам̣ ‘‘яат̇аасагалагкан̣аа’’д̇иаад̣̇инаа саб̣б̣зсан̃жа д̣̇ваавийсад̇ияаа д̇игзсу д̣̇ваажад̇д̇аалийсаад̇хигз жа д̣̇угасад̇з лаб̣бхамаанабад̣̇авасзна д̇ам̣д̇ам̣ассаад̣̇ад̇т̇ависзсанид̣̇д̇хааран̣ам̣ ассаад̣̇авижаяо.

    ‘‘Ayaṃ pucchā iminā sameti, etena na sametī’’ti pucchitatthaṃ ānetvā vicayo pubbenāparaṃ saṃsanditvā ca vicayo pubbāparavicayo. ‘‘Ayaṃ anugīti vuttatthasaṅgahā avuttatthasaṅgahā tadubhayatthasaṅgahā kusalatthasaṅgahā akusalatthasaṅgahā’’tiādinā anugītivicayo. Assādādīsu sukhavedanāya ‘‘iṭṭhārammaṇānubhavanalakkhaṇā’’tiādinā, taṇhāya ‘‘ārammaṇaggahaṇalakkhaṇā’’tiādinā, vipallāsānaṃ ‘‘viparītaggahaṇalakkhaṇā’’tiādinā, avasiṭṭhānaṃ tebhūmakadhammānaṃ ‘‘yathāsakalakkhaṇā’’tiādinā sabbesañca dvāvīsatiyā tikesu dvācattālīsādhike ca dukasate labbhamānapadavasena taṃtaṃassādatthavisesaniddhāraṇaṃ assādavicayo.

    д̣̇угкавзд̣̇анааяа ‘‘анидтаанубхаваналагкан̣аа’’д̇иаад̣̇инаа, д̣̇угкасажжаанам̣ ‘‘бадисанд̇хилагкан̣аа’’д̇иаад̣̇инаа, анижжад̇аад̣̇ийнам̣ аад̣̇ианд̇аванд̇ад̇ааяа анижжанд̇игад̇ааяа жа ‘‘анижжаа’’д̇иаад̣̇инаа саб̣б̣зсан̃жа логияад̇хаммаанам̣ сам̣гилзсабхааг̇ияахаанабхааг̇ияад̇аад̣̇ивасзна аад̣̇ийнававуд̇д̇ияаа огааранид̣̇д̇хааран̣зна аад̣̇ийнававижаяо. ниссаран̣абад̣̇з арияамаг̇г̇асса ааг̇аманад̇о гааяаанубассанаад̣̇ибуб̣б̣абхааг̇аббадибад̣̇аавибхааг̇ависзсанид̣̇д̇хааран̣авасзна ниб̣б̣аанасса яат̇аавуд̇д̇абарияааяавибхааг̇ависзсанид̣̇д̇хааран̣авасзнаад̇и звам̣ ниссаран̣авижаяо. палаад̣̇ийнам̣ д̇ам̣д̇ам̣суд̇д̇ад̣̇зсанааяа саад̇хзд̇аб̣б̣апаласса д̇ад̣̇убааяасса д̇ад̇т̇а д̇ад̇т̇а суд̇д̇авид̇хиважанасса жа вибхааг̇анид̣̇д̇хааран̣авасзна вижаяо взд̣̇ид̇аб̣б̣о. звам̣ бад̣̇абужчаависсаж̇ж̇анабуб̣б̣аабараануг̇ийд̇ийнам̣ ассаад̣̇аад̣̇ийнан̃жа висзсанид̣̇д̇хааран̣авасзнзва вижаяалагкан̣о ‘‘вижаяо хааро’’д̇и взд̣̇ид̇аб̣б̣о.

    Dukkhavedanāya ‘‘aniṭṭhānubhavanalakkhaṇā’’tiādinā, dukkhasaccānaṃ ‘‘paṭisandhilakkhaṇā’’tiādinā, aniccatādīnaṃ ādiantavantatāya aniccantikatāya ca ‘‘aniccā’’tiādinā sabbesañca lokiyadhammānaṃ saṃkilesabhāgiyahānabhāgiyatādivasena ādīnavavuttiyā okāraniddhāraṇena ādīnavavicayo. Nissaraṇapade ariyamaggassa āgamanato kāyānupassanādipubbabhāgappaṭipadāvibhāgavisesaniddhāraṇavasena nibbānassa yathāvuttapariyāyavibhāgavisesaniddhāraṇavasenāti evaṃ nissaraṇavicayo. Phalādīnaṃ taṃtaṃsuttadesanāya sādhetabbaphalassa tadupāyassa tattha tattha suttavidhivacanassa ca vibhāganiddhāraṇavasena vicayo veditabbo. Evaṃ padapucchāvissajjanapubbāparānugītīnaṃ assādādīnañca visesaniddhāraṇavaseneva vicayalakkhaṇo ‘‘vicayo hāro’’ti veditabbo.

    3. саб̣б̣зсанд̇и сол̣асаннам̣. бхуумийд̇и б̣яан̃ж̇анам̣ санд̇хааяааха. б̣яан̃ж̇анан̃хи муулабад̣̇аани вияа наяаанам̣ хаараанам̣ бхууми бавад̇д̇идтаанам̣, д̇зсам̣ б̣яан̃ж̇анавижаарабхаавад̇о. вуд̇д̇ан̃хи – ‘‘хаараа б̣яан̃ж̇анавижаяо’’д̇и, бздагзби хи вуд̇д̇ам̣ – ‘‘яад̇т̇а жа саб̣б̣з хаараа, самбад̇амаанаа наяанд̇и суд̇д̇ад̇т̇ам̣. б̣яан̃ж̇анавид̇хибут̇уд̇д̇аа’’д̇и. г̇ожарод̇и суд̇д̇ад̇т̇о. суд̇д̇асса хи бад̣̇ад̇т̇уд̣̇д̇хааран̣амукзна хаараяож̇анаа. д̇зсам̣ б̣яан̃ж̇анад̇т̇аанам̣. яуд̇д̇ааяуд̇д̇абаригкаад̇и яуд̇д̇асса жа аяуд̇д̇асса жа убабаригкаа. ‘‘яуд̇д̇ааяуд̇д̇ибаригкаа’’д̇иби баато, яуд̇д̇иаяуд̇д̇ийнам̣ вижааран̣аад̇и ад̇т̇о. гат̇ам̣ бана д̇зсам̣ яуд̇д̇ааяуд̇д̇аж̇аананаа? жад̇уухи махаабад̣̇зсзхи авируж̇жханзна. д̇ад̇т̇а б̣яан̃ж̇анасса д̇аава сабхааванируд̇д̇ибхааво ад̇хиббзд̇ад̇т̇аваажагабхааво жа яуд̇д̇абхааво. ад̇т̇асса бана суд̇д̇авинаяад̇хаммад̇аахи авиломанам̣ . аяамзд̇т̇а сан̇кзбо. вид̇т̇ааро бана барад̇о аави бхависсад̇и. хааро яуд̇д̇ийд̇и нид̣̇д̣̇идтод̇и звам̣ суд̇д̇з б̣яан̃ж̇анад̇т̇аанам̣ яуд̇д̇ааяуд̇д̇абхаававибхааваналагкан̣о яуд̇д̇ихаарод̇и взд̣̇ид̇аб̣б̣о.

    3. Sabbesanti soḷasannaṃ. Bhūmīti byañjanaṃ sandhāyāha. Byañjanañhi mūlapadāni viya nayānaṃ hārānaṃ bhūmi pavattiṭṭhānaṃ, tesaṃ byañjanavicārabhāvato. Vuttañhi – ‘‘hārā byañjanavicayo’’ti, peṭakepi hi vuttaṃ – ‘‘yattha ca sabbe hārā, sampatamānā nayanti suttatthaṃ. Byañjanavidhiputhuttā’’ti. Gocaroti suttattho. Suttassa hi padatthuddhāraṇamukhena hārayojanā. Tesaṃ byañjanatthānaṃ. Yuttāyuttaparikkhāti yuttassa ca ayuttassa ca upaparikkhā. ‘‘Yuttāyuttiparikkhā’’tipi pāṭho, yuttiayuttīnaṃ vicāraṇāti attho. Kathaṃ pana tesaṃ yuttāyuttajānanā? Catūhi mahāpadesehi avirujjhanena. Tattha byañjanassa tāva sabhāvaniruttibhāvo adhippetatthavācakabhāvo ca yuttabhāvo. Atthassa pana suttavinayadhammatāhi avilomanaṃ . Ayamettha saṅkhepo. Vitthāro pana parato āvi bhavissati. Hāro yuttīti niddiṭṭhoti evaṃ sutte byañjanatthānaṃ yuttāyuttabhāvavibhāvanalakkhaṇo yuttihāroti veditabbo.

    4. д̇хамманд̇и яам̣ гин̃жи суд̇д̇ааг̇ад̇ам̣ гусалаад̣̇ид̇хаммамааха. д̇асса д̇хаммассаад̇и д̇асса яат̇аавуд̇д̇асса гусалаад̣̇ид̇хаммасса. яам̣ бад̣̇адтаананд̇и яам̣ гааран̣ам̣, яонисоманасигаараад̣̇и суд̇д̇з ааг̇ад̇ам̣ ваа анааг̇ад̇ам̣ ваа самбхавад̇о нид̣̇д̇хаарзд̇ваа гат̇зд̇аб̣б̣анд̇и ад̇хиббааяо. ид̇ийд̇и звам̣, вуд̇д̇анаязнаад̇и ад̇т̇о. яаава саб̣б̣ад̇хаммаад̇и яад̇д̇агаа д̇асмим̣ суд̇д̇з ааг̇ад̇аа д̇хаммаа, д̇зсам̣ саб̣б̣зсамби яат̇аануруубам̣ бад̣̇адтаанам̣ нид̣̇д̇хаарзд̇ваа гат̇зд̇аб̣б̣анд̇и ад̇хиббааяо. ат̇а ваа яаава саб̣б̣ад̇хаммаад̇и суд̇д̇ааг̇ад̇асса д̇хаммасса яам̣ бад̣̇адтаанам̣, д̇ассаби яам̣ бад̣̇адтаананд̇и самбхавад̇о яаава саб̣б̣ад̇хаммаа бад̣̇адтаанавижааран̣аа гаад̇аб̣б̣аад̇и ад̇т̇о. зсо хааро бад̣̇адтаанод̇и звам̣ суд̇д̇з ааг̇ад̇ад̇хаммаанам̣ бад̣̇адтаанабхууд̇аа д̇хаммаа д̇зсан̃жа бад̣̇адтаанабхууд̇аад̇и самбхавад̇о бад̣̇адтаанабхууд̇ад̇хамманид̣̇д̇хааран̣алагкан̣о бад̣̇адтаано наама хаарод̇и ад̇т̇о.

    4. Dhammanti yaṃ kiñci suttāgataṃ kusalādidhammamāha. Tassa dhammassāti tassa yathāvuttassa kusalādidhammassa. Yaṃ padaṭṭhānanti yaṃ kāraṇaṃ, yonisomanasikārādi sutte āgataṃ vā anāgataṃ vā sambhavato niddhāretvā kathetabbanti adhippāyo. Itīti evaṃ, vuttanayenāti attho. Yāva sabbadhammāti yattakā tasmiṃ sutte āgatā dhammā, tesaṃ sabbesampi yathānurūpaṃ padaṭṭhānaṃ niddhāretvā kathetabbanti adhippāyo. Atha vā yāva sabbadhammāti suttāgatassa dhammassa yaṃ padaṭṭhānaṃ, tassapi yaṃ padaṭṭhānanti sambhavato yāva sabbadhammā padaṭṭhānavicāraṇā kātabbāti attho. Eso hāro padaṭṭhānoti evaṃ sutte āgatadhammānaṃ padaṭṭhānabhūtā dhammā tesañca padaṭṭhānabhūtāti sambhavato padaṭṭhānabhūtadhammaniddhāraṇalakkhaṇo padaṭṭhāno nāma hāroti attho.

    5. вуд̇д̇амхи згад̇хаммзд̇и гусалаад̣̇ийсу канд̇хаад̣̇ийсу ваа яасмим̣ гисмин̃жи згад̇хаммз, суд̇д̇з саруубад̇о нид̣̇д̇хааран̣авасзна ваа гат̇ид̇з. яз д̇хаммаа згалагкан̣аа гзжийд̇и яз гзжи д̇хаммаа гусалаад̣̇ибхаавзна руубагканд̇хаад̣̇ибхаавзна ваа д̇зна д̇хаммзна самааналагкан̣аа. вуд̇д̇аа бхаванд̇и саб̣б̣зд̇и д̇з саб̣б̣зби гусалаад̣̇исабхааваа, канд̇хаад̣̇исабхааваа ваа д̇хаммаа суд̇д̇з авуд̇д̇ааби д̇ааяа самааналагкан̣ад̇ааяа вуд̇д̇аа бхаванд̇и аанзд̇ваа сам̣ван̣н̣анаавасзнаад̇и ад̇хиббааяо. зд̇т̇а жа згалагкан̣аад̇и самааналагкан̣аа вуд̇д̇аа. д̇зна сахажаарид̇аа самаанагижжад̇аа самаанахзд̇уд̇аа самаанапалад̇аа самаанаарамман̣ад̇аад̇и звамаад̣̇ийхи авуд̇д̇аанамби вуд̇д̇аанам̣ вияа нид̣̇д̇хааран̣ам̣ взд̣̇ид̇аб̣б̣ам̣. со хааро лагкан̣о наамаад̇и звам̣ суд̇д̇з анааг̇ад̇зби д̇хаммз вуд̇д̇аббагаарзна ааг̇ад̇з вияа нид̣̇д̇хаарзд̇ваа яаа сам̣ван̣н̣анаа, со лагкан̣о наама хаарод̇и ад̇т̇о.

    5. Vuttamhiekadhammeti kusalādīsu khandhādīsu vā yasmiṃ kismiñci ekadhamme, sutte sarūpato niddhāraṇavasena vā kathite. Ye dhammā ekalakkhaṇā kecīti ye keci dhammā kusalādibhāvena rūpakkhandhādibhāvena vā tena dhammena samānalakkhaṇā. Vuttā bhavanti sabbeti te sabbepi kusalādisabhāvā, khandhādisabhāvā vā dhammā sutte avuttāpi tāya samānalakkhaṇatāya vuttā bhavanti ānetvā saṃvaṇṇanāvasenāti adhippāyo. Ettha ca ekalakkhaṇāti samānalakkhaṇā vuttā. Tena sahacāritā samānakiccatā samānahetutā samānaphalatā samānārammaṇatāti evamādīhi avuttānampi vuttānaṃ viya niddhāraṇaṃ veditabbaṃ. So hāro lakkhaṇo nāmāti evaṃ sutte anāgatepi dhamme vuttappakārena āgate viya niddhāretvā yā saṃvaṇṇanā, so lakkhaṇo nāma hāroti attho.

    6. нзруд̇д̇анд̇и нируд̇д̇ам̣, бад̣̇аниб̣б̣ажананд̇и ад̇т̇о. ад̇хиббааяод̇и б̣уд̣̇д̇хаанам̣ саавагаанам̣ ваа д̇асса суд̇д̇асса д̣̇зсагаанам̣ ад̇хиббааяо. б̣яан̃ж̇ананд̇и б̣яан̃ж̇анзна, гаран̣з хи зд̇ам̣ бажжад̇д̇ам̣. гааман̃жа саб̣б̣з хаараа б̣яан̃ж̇анавижаяаа, аяам̣ бана висзсад̇о б̣яан̃ж̇анад̣̇ваарзнзва ад̇т̇абариязсанаад̇и гад̇ваа ‘‘б̣яан̃ж̇ана’’нд̇и вуд̇д̇ам̣. д̇ат̇аа хи вагкад̇и – ‘‘б̣яан̃ж̇анзна суд̇д̇асса нзруд̇д̇ан̃жа ад̇хиббааяо жа нид̣̇аанан̃жа буб̣б̣аабараанусанд̇хи жа г̇авзсид̇аб̣б̣аа’’д̇и. ат̇аад̇и бад̣̇абууран̣амад̇д̇ам̣. д̣̇зсанаанид̣̇аананд̇и нид̣̇ад̣̇аад̇и паланд̇и нид̣̇аанам̣, гааран̣ам̣, язна гааран̣зна д̣̇зсанаа бавад̇д̇аа, д̇ам̣ д̣̇зсанааяа бавад̇д̇инимид̇д̇анд̇и ад̇т̇о. буб̣б̣аабараанусанд̇хийд̇и буб̣б̣зна жа абарзна жа анусанд̇хи. ‘‘буб̣б̣аабарзна санд̇хий’’д̇иби баато, суд̇д̇асса буб̣б̣абхааг̇зна абарабхааг̇ам̣ сам̣санд̣̇ид̇ваа гат̇ананд̇и ад̇т̇о. сан̇г̇ийд̇ивасзна ваа буб̣б̣аабарабхууд̇зхи суд̇д̇анд̇арзхи сам̣ван̣н̣ияамаанасса суд̇д̇асса сам̣санд̣̇анам̣ буб̣б̣аабараанусанд̇хи. яан̃жа буб̣б̣абад̣̇зна барабад̣̇асса самб̣анд̇ханам̣, аяамби буб̣б̣аабараанусанд̇хи. зсо хааро жад̇уб̣яууход̇и звам̣ ниб̣б̣ажанаад̇хиббааяаад̣̇ийнам̣ жад̇уннам̣ вибхааваналагкан̣о жад̇уб̣яуухо хааро наамаад̇и ад̇т̇о.

    6. Neruttanti niruttaṃ, padanibbacananti attho. Adhippāyoti buddhānaṃ sāvakānaṃ vā tassa suttassa desakānaṃ adhippāyo. Byañjananti byañjanena, karaṇe hi etaṃ paccattaṃ. Kāmañca sabbe hārā byañjanavicayā, ayaṃ pana visesato byañjanadvāreneva atthapariyesanāti katvā ‘‘byañjana’’nti vuttaṃ. Tathā hi vakkhati – ‘‘byañjanena suttassa neruttañca adhippāyo ca nidānañca pubbāparānusandhi ca gavesitabbā’’ti. Athāti padapūraṇamattaṃ. Desanānidānanti nidadāti phalanti nidānaṃ, kāraṇaṃ, yena kāraṇena desanā pavattā, taṃ desanāya pavattinimittanti attho. Pubbāparānusandhīti pubbena ca aparena ca anusandhi. ‘‘Pubbāparena sandhī’’tipi pāṭho, suttassa pubbabhāgena aparabhāgaṃ saṃsanditvā kathananti attho. Saṅgītivasena vā pubbāparabhūtehi suttantarehi saṃvaṇṇiyamānassa suttassa saṃsandanaṃ pubbāparānusandhi. Yañca pubbapadena parapadassa sambandhanaṃ, ayampi pubbāparānusandhi. Eso hāro catubyūhoti evaṃ nibbacanādhippāyādīnaṃ catunnaṃ vibhāvanalakkhaṇo catubyūho hāro nāmāti attho.

    7. згамхи бад̣̇адтаанзд̇и згасмим̣ аарамбхад̇хаад̇уаад̣̇игз бараггамад̇хаад̇уаад̣̇ийнам̣ бад̣̇адтаанабхууд̇з д̇хаммз д̣̇зсанаарул̣хз сад̇и. бариязсад̇и сзсагам̣ бад̣̇адтаананд̇и д̇асса висабхааг̇ад̇ааяа аг̇г̇ахан̣зна ваа сзсагам̣ бамаад̣̇аад̣̇ийнам̣ аасаннагааран̣ад̇д̇аа бад̣̇адтаанабхууд̇ам̣ госаж̇ж̇аад̣̇игам̣ д̇хамманд̇арам̣ бариязсад̇и бан̃н̃ааяа г̇авзсад̇и, бариязсид̇ваа жа сам̣ван̣н̣анааяа яож̇знд̇о д̣̇зсанам̣ ааваддад̇и бадибагкзд̇и вийрияаарамбхаад̣̇имукзна аарад̣̇д̇хасуд̇д̇ам̣ вуд̇д̇анаязна бамаад̣̇аад̣̇ивасзна нид̣̇д̣̇исанд̇о д̣̇зсанам̣ бадибагкад̇о ааваддзд̇и наама. ааваддо наама со хаарод̇и д̣̇зсанааяа г̇ахид̇ад̇хаммаанам̣ сабхааг̇ависабхааг̇ад̇хаммавасзна аавадданалагкан̣о ааваддо хааро наамаад̇и ад̇т̇о.

    7. Ekamhi padaṭṭhāneti ekasmiṃ ārambhadhātuādike parakkamadhātuādīnaṃ padaṭṭhānabhūte dhamme desanāruḷhe sati. Pariyesati sesakaṃ padaṭṭhānanti tassa visabhāgatāya aggahaṇena vā sesakaṃ pamādādīnaṃ āsannakāraṇattā padaṭṭhānabhūtaṃ kosajjādikaṃ dhammantaraṃ pariyesati paññāya gavesati, pariyesitvā ca saṃvaṇṇanāya yojento desanaṃ āvaṭṭati paṭipakkheti vīriyārambhādimukhena āraddhasuttaṃ vuttanayena pamādādivasena niddisanto desanaṃ paṭipakkhato āvaṭṭeti nāma. Āvaṭṭo nāma so hāroti desanāya gahitadhammānaṃ sabhāgavisabhāgadhammavasena āvaṭṭanalakkhaṇo āvaṭṭo hāro nāmāti attho.

    8. д̇хамманд̇и сабхаавад̇хаммам̣, д̇ам̣ гусалаад̣̇ивасзна анзгавид̇хам̣. бад̣̇адтаананд̇и яасмим̣ бад̇идтид̇з уд̇д̇ари г̇ун̣ависзсз ад̇хиг̇ажчад̇и, д̇ам̣ висзсаад̇хиг̇аманагааран̣ам̣. бхууминд̇и бут̇уж̇ж̇анабхууми д̣̇ассанабхуумийд̇и звамаад̣̇игам̣ бхуумим̣. вибхаж̇ж̇ад̇зд̇и вибхааг̇зна гат̇зд̇и. саад̇хааран̣зд̇и д̣̇ассанабахаад̇аб̣б̣аад̣̇инаамавасзна ваа бут̇уж̇ж̇анасод̇аабаннаад̣̇ивад̇т̇увасзна ваа саад̇хааран̣з ависидтз самаанзд̇и ад̇т̇о. вуд̇д̇авибарияааязна асаад̇хааран̣аа взд̣̇ид̇аб̣б̣аа. нзяяо вибхад̇д̇ийд̇и яат̇аавуд̇д̇ад̇хаммаад̣̇ийнам̣ вибхаж̇ано аяам̣ хааро вибхад̇д̇ийд̇и н̃аад̇аб̣б̣од̇и ад̇т̇о. д̇асмаа сам̣гилзсад̇хаммз вод̣̇аанад̇хаммз жа саад̇хааран̣аасаад̇хааран̣ад̇о бад̣̇адтаанад̇о бхуумид̇о жа вибхаж̇аналагкан̣о ‘‘вибхад̇д̇ихааро’’д̇и д̣̇адтаб̣б̣ам̣.

    8. Dhammanti sabhāvadhammaṃ, taṃ kusalādivasena anekavidhaṃ. Padaṭṭhānanti yasmiṃ patiṭṭhite uttari guṇavisese adhigacchati, taṃ visesādhigamanakāraṇaṃ. Bhūminti puthujjanabhūmi dassanabhūmīti evamādikaṃ bhūmiṃ. Vibhajjateti vibhāgena katheti. Sādhāraṇeti dassanapahātabbādināmavasena vā puthujjanasotāpannādivatthuvasena vā sādhāraṇe avisiṭṭhe samāneti attho. Vuttavipariyāyena asādhāraṇā veditabbā. Neyyo vibhattīti yathāvuttadhammādīnaṃ vibhajano ayaṃ hāro vibhattīti ñātabboti attho. Tasmā saṃkilesadhamme vodānadhamme ca sādhāraṇāsādhāraṇato padaṭṭhānato bhūmito ca vibhajanalakkhaṇo ‘‘vibhattihāro’’ti daṭṭhabbaṃ.

    9. нид̣̇д̣̇идтзд̇и гат̇ид̇з суд̇д̇з ааг̇ад̇з, сам̣ван̣н̣ид̇з ваа. бхаавид̇зд̇и яат̇аа уббаннасад̣̇исаа уббаннаад̇и вужжанд̇и, звам̣ бхаавид̇асад̣̇исз бхаавзд̇аб̣б̣зд̇и ад̇т̇о. бахийнзд̇и зд̇т̇ааби зсзва наяо. баривад̇д̇ад̇и бадибагкзд̇и вуд̇д̇аанам̣ д̇хаммаанам̣ яз бадибагкаа, д̇зсам̣ васзна баривад̇д̇зд̇ийд̇и ад̇т̇о. звам̣ нид̣̇д̣̇идтаанам̣ д̇хаммаанам̣ бадибагкад̇о баривад̇д̇аналагкан̣о ‘‘баривад̇д̇ано хааро’’д̇и взд̣̇ид̇аб̣б̣о.

    9. Niddiṭṭheti kathite sutte āgate, saṃvaṇṇite vā. Bhāviteti yathā uppannasadisā uppannāti vuccanti, evaṃ bhāvitasadise bhāvetabbeti attho. Pahīneti etthāpi eseva nayo. Parivattati paṭipakkheti vuttānaṃ dhammānaṃ ye paṭipakkhā, tesaṃ vasena parivattetīti attho. Evaṃ niddiṭṭhānaṃ dhammānaṃ paṭipakkhato parivattanalakkhaṇo ‘‘parivattano hāro’’ti veditabbo.

    10. вивид̇хаани згасмим̣язва ад̇т̇з важанаани виважанаани, виважанаани зва взважанаани, барияааяасад̣̇д̣̇аад̇и ад̇т̇о. д̇аани взважанаани. б̣ахуунийд̇и анзгаани. д̇у-сад̣̇д̣̇о авад̇хааран̣з. д̇зна б̣ахуу зва барияааяасад̣̇д̣̇аа взважанахаараяож̇анааяам̣ гат̇зд̇аб̣б̣аа, на гад̇ибаяаад̇и д̣̇ассзд̇и . суд̇д̇з вуд̇д̇аанийд̇и нававид̇хасуд̇д̇анд̇асан̇каад̇з д̇збидагз б̣уд̣̇д̇хаважанз бхаасид̇аани. зд̇т̇ааби д̇у-сад̣̇д̣̇асса ад̇т̇о аанзд̇ваа яож̇зд̇аб̣б̣о, д̇зна баал̣ияам̣ ааг̇ад̇ааниязва взважанаани г̇ахзд̇аб̣б̣аанийд̇и вуд̇д̇ам̣ ход̇и. згад̇хаммассаад̇и згасса бад̣̇ад̇т̇асса. яо ж̇аанаад̇и суд̇д̇авид̣̇ууд̇и яат̇аа ‘‘саббисса ж̇аанаахий’’д̇и вуд̇д̇з ‘‘саббинаа вижаарзхи, саббим̣ д̣̇зхи, д̣̇зт̇аа’’д̇и ваа аан̣аабзд̇ийд̇и ад̇т̇о, звам̣ яо суд̇д̇аговид̣̇о д̇хаммагат̇иго згасса ад̇т̇асса б̣ахууби барияааяасад̣̇д̣̇з вижаарзд̇и вибхаавзд̇и яож̇зд̇ийд̇и ад̇т̇о. взважано наама со хаарод̇и д̇асса ад̇т̇асса вуд̇д̇аббагаарабарияааяасад̣̇д̣̇аяож̇анаалагкан̣о взважанахааро наама. д̇асмаа згасмим̣ ад̇т̇з анзгабарияааяасад̣̇д̣̇аяож̇анаалагкан̣о ‘‘взважанахааро’’д̇и взд̣̇ид̇аб̣б̣ам̣.

    10. Vividhāni ekasmiṃyeva atthe vacanāni vivacanāni, vivacanāni eva vevacanāni, pariyāyasaddāti attho. Tāni vevacanāni. Bahūnīti anekāni. Tu-saddo avadhāraṇe. Tena bahū eva pariyāyasaddā vevacanahārayojanāyaṃ kathetabbā, na katipayāti dasseti . Sutte vuttānīti navavidhasuttantasaṅkhāte tepiṭake buddhavacane bhāsitāni. Etthāpi tu-saddassa attho ānetvā yojetabbo, tena pāḷiyaṃ āgatāniyeva vevacanāni gahetabbānīti vuttaṃ hoti. Ekadhammassāti ekassa padatthassa. Yo jānāti suttavidūti yathā ‘‘sappissa jānāhī’’ti vutte ‘‘sappinā vicārehi, sappiṃ dehi, dethā’’ti vā āṇāpetīti attho, evaṃ yo suttakovido dhammakathiko ekassa atthassa bahūpi pariyāyasadde vicāreti vibhāveti yojetīti attho. Vevacano nāma so hāroti tassa atthassa vuttappakārapariyāyasaddayojanālakkhaṇo vevacanahāro nāma. Tasmā ekasmiṃ atthe anekapariyāyasaddayojanālakkhaṇo ‘‘vevacanahāro’’ti veditabbaṃ.

    11. д̇хамманд̇и канд̇хаад̣̇ид̇хаммам̣. бан̃н̃ад̇д̇ийхийд̇и бан̃н̃аабанзхи багаарзхи н̃аабанзхи, асан̇гарад̇о ваа табанзхи. вивид̇хаахийд̇и нигкзбаббабхаваад̣̇ивасзна анзгавид̇хаахи. со аагаарод̇и яо згассзвад̇т̇асса нигкзбаббабхавабан̃н̃ад̇д̇иаад̣̇ивасзна анзгаахи бан̃н̃ад̇д̇ийхи бан̃н̃аабанаагааро. н̃зяяо бан̃н̃ад̇д̇и наама хаарод̇и бан̃н̃ад̇д̇ихааро наамаад̇и н̃аад̇аб̣б̣о. д̇асмаа згзгасса д̇хаммасса анзгаахи бан̃н̃ад̇д̇ийхи бан̃н̃аабзд̇аб̣б̣аагааравибхааваналагкан̣о ‘‘бан̃н̃ад̇д̇ихааро’’д̇и взд̣̇ид̇аб̣б̣ам̣.

    11. Dhammanti khandhādidhammaṃ. Paññattīhīti paññāpanehi pakārehi ñāpanehi, asaṅkarato vā ṭhapanehi. Vividhāhīti nikkhepappabhavādivasena anekavidhāhi. So ākāroti yo ekassevatthassa nikkhepappabhavapaññattiādivasena anekāhi paññattīhi paññāpanākāro. Ñeyyo paññatti nāma hāroti paññattihāro nāmāti ñātabbo. Tasmā ekekassa dhammassa anekāhi paññattīhi paññāpetabbākāravibhāvanalakkhaṇo ‘‘paññattihāro’’ti veditabbaṃ.

    12. бадижжуббаад̣̇од̇и бадижжасамуббаад̣̇о. инд̣̇рияаканд̇хаад̇и инд̣̇рияаани жа канд̇хаа жа. д̇хаад̇уааяад̇анаад̇и д̇хаад̇уяо жа ааяад̇анаани жа. зд̇зхийд̇и яо д̣̇ваад̣̇асабад̣̇иго бажжаяаагааро яаани жа д̣̇ваавийсад̇инд̣̇рияаани яз жа бан̃жагканд̇хаа яаа жа адтаараса д̇хаад̇уяо яаани жа д̣̇ваад̣̇асааяад̇анаани, зд̇зхи суд̇д̇з ааг̇ад̇абад̣̇ад̇т̇амукзна нид̣̇д̇хаарияамаанзхи. од̇арад̇и яод̇и яо сам̣ван̣н̣анаанаяо ог̇аахад̇и, бадижжасамуббаад̣̇аад̣̇игз анубависад̇ийд̇и ад̇т̇о. од̇аран̣о наама со хаарод̇и яо яат̇аавуд̇д̇о сам̣ван̣н̣анаависзсо, со од̇аран̣ахааро наама. жа-сад̣̇д̣̇зна жзд̇т̇а сун̃н̃ад̇амукаад̣̇ийнам̣ г̇аат̇ааяам̣ авуд̇д̇аанамби сан̇г̇ахо д̣̇адтаб̣б̣о. звам̣ бадижжасамуббаад̣̇аад̣̇имукзхи суд̇д̇ад̇т̇асса од̇аран̣алагкан̣о од̇аран̣о хааро наамаад̇и взд̣̇ид̇аб̣б̣ам̣.

    12. Paṭiccuppādoti paṭiccasamuppādo. Indriyakhandhāti indriyāni ca khandhā ca. Dhātuāyatanāti dhātuyo ca āyatanāni ca. Etehīti yo dvādasapadiko paccayākāro yāni ca dvāvīsatindriyāni ye ca pañcakkhandhā yā ca aṭṭhārasa dhātuyo yāni ca dvādasāyatanāni, etehi sutte āgatapadatthamukhena niddhāriyamānehi. Otarati yoti yo saṃvaṇṇanānayo ogāhati, paṭiccasamuppādādike anupavisatīti attho. Otaraṇo nāma so hāroti yo yathāvutto saṃvaṇṇanāviseso, so otaraṇahāro nāma. Ca-saddena cettha suññatamukhādīnaṃ gāthāyaṃ avuttānampi saṅgaho daṭṭhabbo. Evaṃ paṭiccasamuppādādimukhehi suttatthassa otaraṇalakkhaṇo otaraṇo hāro nāmāti veditabbaṃ.

    13. виссаж̇ж̇ид̇амхийд̇и б̣уд̣̇д̇хаад̣̇ийхи б̣яаагад̇з. бан̃хзд̇и н̃аад̇ум̣ ижчид̇з ад̇т̇з. г̇аат̇ааяанд̇и г̇аат̇аарул̣хз. ид̣̇ан̃жа бужчанд̇аа язбхуяязна г̇аат̇ааб̣анд̇хавасзна бужчанд̇ийд̇и гад̇ваа вуд̇д̇ам̣. яамаараб̣бхаад̇и саа бана г̇аат̇аа яам̣ ад̇т̇ам̣ аараб̣бха ад̇хигижжа бужчид̇аа, д̇асса ад̇т̇асса. суд̣̇д̇хаасуд̣̇д̇хабаригкаад̇и бад̣̇ам̣ сод̇хид̇ам̣, аарамбхо на сод̇хид̇о, бад̣̇ан̃жа сод̇хид̇ам̣ аарамбхо жа сод̇хид̇од̇и звам̣ бад̣̇аад̣̇ийнам̣ сод̇хид̇аасод̇хид̇абхаававижааро . хааро со сод̇хано наамаад̇и яат̇аавуд̇д̇авижааро сод̇хано хааро наама. звам̣ суд̇д̇з бад̣̇абад̣̇ад̇т̇абан̃хаарамбхаанам̣ сод̇ханалагкан̣о ‘‘сод̇хано хааро’’д̇и взд̣̇ид̇аб̣б̣ам̣.

    13. Vissajjitamhīti buddhādīhi byākate. Pañheti ñātuṃ icchite atthe. Gāthāyanti gāthāruḷhe. Idañca pucchantā yebhuyyena gāthābandhavasena pucchantīti katvā vuttaṃ. Yamārabbhāti sā pana gāthā yaṃ atthaṃ ārabbha adhikicca pucchitā, tassa atthassa. Suddhāsuddhaparikkhāti padaṃ sodhitaṃ, ārambho na sodhito, padañca sodhitaṃ ārambho ca sodhitoti evaṃ padādīnaṃ sodhitāsodhitabhāvavicāro . Hāro so sodhanonāmāti yathāvuttavicāro sodhano hāro nāma. Evaṃ sutte padapadatthapañhārambhānaṃ sodhanalakkhaṇo ‘‘sodhano hāro’’ti veditabbaṃ.

    14. згад̇д̇ад̇ааяаад̇и згасса бхааво згад̇д̇ам̣, згад̇д̇амзва згад̇д̇ад̇аа, д̇ааяа згад̇д̇ад̇ааяа. зга-сад̣̇д̣̇о жзд̇т̇а самаанасад̣̇д̣̇абарияааяо, д̇асмаа сааман̃н̃знаад̇и ад̇т̇о. висидтаа мад̇д̇аа вимад̇д̇аа, вимад̇д̇аава взмад̇д̇ам̣, д̇асса бхааво взмад̇д̇ад̇аа, д̇ааяа взмад̇д̇ад̇ааяа, висзсзнаад̇и ад̇т̇о. д̇з на вигаббаяид̇аб̣б̣аад̇и яз д̇хаммаа ‘‘д̣̇угкам̣ самуд̣̇аяо’’д̇иаад̣̇инаа сааман̃н̃зна, ‘‘ж̇аад̇и ж̇араа гаамад̇ан̣хаа бхавад̇ан̣хаа’’д̇иаад̣̇инаа висзсзна жа суд̇д̇з д̣̇зсид̇аа, д̇з ‘‘гимзд̇т̇а сааман̃н̃ам̣, го ваа висзсо’’д̇и звам̣ сааман̃н̃ависзсавигаббанавасзна на вигаббаяид̇аб̣б̣аа. гасмаа? сааман̃н̃ависзсагаббанааяа вохаарабхаавзна анавадтаанад̇о гаалад̣̇исаависзсаад̣̇ийнам̣ вияа абзгкаасид̣̇д̇хид̇о жа. яат̇аа хи ‘‘аж̇ж̇а хияяо свз’’д̇и вужжамаанаа гаалависзсаа анавадтид̇асабхааваа ‘‘буримаа д̣̇исаа бажчимаа д̣̇исаа’’д̇и вужжамаанаа д̣̇исаависзсаа жа, звам̣ сааман̃н̃ависзсааби. д̇ат̇аа хи ‘‘ид̣̇ам̣ д̣̇угка’’нд̇и вужжамаанам̣ ж̇аад̇иаад̣̇иабзгкааяа сааман̃н̃амби самаанам̣ сажжаабзгкааяа висзсо ход̇и. зса наяо самуд̣̇аяаад̣̇ийсуби. зсо хааро ад̇хидтаанод̇и звам̣ суд̇д̇ааг̇ад̇аанам̣ д̇хаммаанам̣ авигаббанавасзна сааман̃н̃ависзсанид̣̇д̇хааран̣алагкан̣о ад̇хидтаано хааро наамаад̇и ад̇т̇о.

    14. Ekattatāyāti ekassa bhāvo ekattaṃ, ekattameva ekattatā, tāya ekattatāya. Eka-saddo cettha samānasaddapariyāyo, tasmā sāmaññenāti attho. Visiṭṭhā mattā vimattā, vimattāva vemattaṃ, tassa bhāvo vemattatā, tāya vemattatāya, visesenāti attho. Te na vikappayitabbāti ye dhammā ‘‘dukkhaṃ samudayo’’tiādinā sāmaññena, ‘‘jāti jarā kāmataṇhā bhavataṇhā’’tiādinā visesena ca sutte desitā, te ‘‘kimettha sāmaññaṃ, ko vā viseso’’ti evaṃ sāmaññavisesavikappanavasena na vikappayitabbā. Kasmā? Sāmaññavisesakappanāya vohārabhāvena anavaṭṭhānato kāladisāvisesādīnaṃ viya apekkhāsiddhito ca. Yathā hi ‘‘ajja hiyyo sve’’ti vuccamānā kālavisesā anavaṭṭhitasabhāvā ‘‘purimā disā pacchimā disā’’ti vuccamānā disāvisesā ca, evaṃ sāmaññavisesāpi. Tathā hi ‘‘idaṃ dukkha’’nti vuccamānaṃ jātiādiapekkhāya sāmaññampi samānaṃ saccāpekkhāya viseso hoti. Esa nayo samudayādīsupi. Eso hāro adhiṭṭhānoti evaṃ suttāgatānaṃ dhammānaṃ avikappanavasena sāmaññavisesaniddhāraṇalakkhaṇo adhiṭṭhāno hāro nāmāti attho.

    15. яз д̇хаммаад̇и яз авиж̇ж̇аад̣̇игаа бажжаяад̇хаммаа. яам̣ д̇хамманд̇и яам̣ сан̇каараад̣̇игам̣ бажжаяуббаннад̇хаммам̣. ж̇анаяанд̇ийд̇и ниб̣б̣ад̇д̇знд̇и. бажжаяаад̇и сахаж̇аад̇абажжаяабхаавзна. барамбарад̇од̇и барамбарабажжаяабхаавзна, ануруубасанд̇аанагхаданавасзна бажжаяо худ̇ваад̇и ад̇т̇о. убаниссаяагоди хи ид̇хаад̇хиббзд̇аа. буримасмим̣ авасидто бажжаяабхааво. хзд̇умавагад̣дхаяид̇ваад̇и д̇ам̣ яат̇аавуд̇д̇абажжаяасан̇каад̇ам̣ ж̇анагаад̣̇ибхзд̣̇абхиннам̣ хзд̇ум̣ аагад̣дхид̇ваа суд̇д̇ад̇о нид̣̇д̇хаарзд̇ваа яо сам̣ван̣н̣анаасан̇каад̇о, зсо хааро баригкаарод̇и звам̣ суд̇д̇з ааг̇ад̇ад̇хаммаанам̣ баригкаарасан̇каад̇з хзд̇убажжаяз нид̣̇д̇хаарзд̇ваа сам̣ван̣н̣аналагкан̣о баригкааро хаарод̇и ад̇т̇о.

    15. Ye dhammāti ye avijjādikā paccayadhammā. Yaṃ dhammanti yaṃ saṅkhārādikaṃ paccayuppannadhammaṃ. Janayantīti nibbattenti. Paccayāti sahajātapaccayabhāvena. Paramparatoti paramparapaccayabhāvena, anurūpasantānaghaṭanavasena paccayo hutvāti attho. Upanissayakoṭi hi idhādhippetā. Purimasmiṃ avasiṭṭho paccayabhāvo. Hetumavakaḍḍhayitvāti taṃ yathāvuttapaccayasaṅkhātaṃ janakādibhedabhinnaṃ hetuṃ ākaḍḍhitvā suttato niddhāretvā yo saṃvaṇṇanāsaṅkhāto, eso hāro parikkhāroti evaṃ sutte āgatadhammānaṃ parikkhārasaṅkhāte hetupaccaye niddhāretvā saṃvaṇṇanalakkhaṇo parikkhāro hāroti attho.

    16. яз д̇хаммаад̇и яз сийлаад̣̇ид̇хаммаа. яам̣муулаад̇и язсам̣ самаад̇хиаад̣̇ийнам̣ муулабхууд̇аа, д̇з д̇зсам̣ самаад̇хиаад̣̇ийнам̣ бад̣̇адтаанабхаавзна самааробаяид̇аб̣б̣аад̇и самб̣анд̇хо. яз жзгад̇т̇аа багаасид̇аа мунинаад̇и яз жа рааг̇авирааг̇аажзд̇овимуд̇д̇исзгкапалагаамад̇хаад̇усамад̇иггаманаад̣̇исад̣̇д̣̇аа анааг̇аамипалад̇т̇ад̇ааяа згад̇т̇аа б̣уд̣̇д̇хамунинаа барид̣̇ийбид̇аа, д̇з ан̃н̃аман̃н̃авзважанабхаавзна самааробаяид̇аб̣б̣аад̇и самб̣анд̇хо. самааробанан̃жзд̇т̇а суд̇д̇з яат̇ааруд̇авасзна нид̣̇д̇хааран̣авасзна ваа г̇аяхамаанасса сигкад̇д̇аяасан̇каад̇асса сийлаад̣̇игканд̇хад̇д̇аяасса барияааяанд̇аравибхааванамукзна бхааванаабаарибууригат̇анам̣, бхааванаабаарибуурий жа бахаад̇аб̣б̣асса бахаанзнаад̇и бахаанасамааробанааби ад̇т̇ад̇о д̣̇ассид̇аа зва ход̇и. зса самааробано хаарод̇и зса суд̇д̇з ааг̇ад̇ад̇хаммаанам̣ бад̣̇адтаанавзважанабхааванаабахаанасамааробанавижааран̣алагкан̣о самааробано наама хаарод̇и ад̇т̇о.

    16. Ye dhammāti ye sīlādidhammā. Yaṃmūlāti yesaṃ samādhiādīnaṃ mūlabhūtā, te tesaṃ samādhiādīnaṃ padaṭṭhānabhāvena samāropayitabbāti sambandho. Ye cekatthā pakāsitā munināti ye ca rāgavirāgācetovimuttisekkhaphalakāmadhātusamatikkamanādisaddā anāgāmiphalatthatāya ekatthā buddhamuninā paridīpitā, te aññamaññavevacanabhāvena samāropayitabbāti sambandho. Samāropanañcettha sutte yathārutavasena niddhāraṇavasena vā gayhamānassa sikkhattayasaṅkhātassa sīlādikkhandhattayassa pariyāyantaravibhāvanamukhena bhāvanāpāripūrikathanaṃ, bhāvanāpāripūrī ca pahātabbassa pahānenāti pahānasamāropanāpi atthato dassitā eva hoti. Esa samāropano hāroti esa sutte āgatadhammānaṃ padaṭṭhānavevacanabhāvanāpahānasamāropanavicāraṇalakkhaṇo samāropano nāma hāroti attho.

    наяасан̇кзбо

    Nayasaṅkhepo

    17. звам̣ г̇аат̇ааб̣анд̇хавасзна сол̣асаби хаарз нид̣̇д̣̇исид̇ваа ид̣̇аани наяз нид̣̇д̣̇исид̇ум̣ ‘‘д̇ан̣хан̃жаа’’д̇иаад̣̇и вуд̇д̇ам̣. д̇ад̇т̇а д̇ан̣хан̃жа авиж̇ж̇амби жаад̇и суд̇д̇з ааг̇ад̇ам̣ ад̇т̇ад̇о нид̣̇д̇хааран̣авасзна ваа г̇ахид̇ам̣ д̇ан̣хам̣ авиж̇ж̇ан̃жа яо нзд̇ийд̇и самб̣анд̇хо. яо сам̣ван̣н̣анаависзсо д̇ам̣ нзд̇и сам̣гилзсабагкам̣ баабзд̇и сам̣гилзсавасзна суд̇д̇ад̇т̇ам̣ яож̇зд̇ийд̇и ад̇хиббааяо. самат̇знаад̇и самаад̇хинаа. вибассанааяаад̇и бан̃н̃ааяа, яо нзд̇и вод̣̇аанабагкам̣ баабзд̇и, д̇ат̇аа суд̇д̇ад̇т̇ам̣ яож̇зд̇ийд̇и ад̇хиббааяо. сажжзхи яож̇аяид̇ваад̇и наяанд̇о жа д̇ан̣хаа жа авиж̇ж̇аа жа бхавамуулагад̇д̇аа самуд̣̇аяасажжам̣, авасзсаа д̇збхуумагад̇хаммаа д̣̇угкасажжам̣, самат̇авибассанаа маг̇г̇асажжам̣, д̇зна бад̇д̇аб̣б̣аа асан̇кад̇ад̇хаад̇у нирод̇хасажжанд̇и звам̣ имзхи жад̇уухи сажжзхи яож̇зд̇ваа. аяам̣ наяо нанд̣̇ияааваддод̇и яо д̇ан̣хаавиж̇ж̇аахи сам̣гилзсабагкасса суд̇д̇ад̇т̇асса самат̇авибассанаахи вод̣̇аанабагкасса жад̇усажжаяож̇анамукзна наяаналагкан̣о сам̣ван̣н̣анаависзсо, аяам̣ нанд̣̇ияааваддо наяо наамаад̇и ад̇т̇о. зд̇т̇а жа наяасса бхууми г̇аат̇ааяам̣ ‘‘наяо’’д̇и вуд̇д̇аа, д̇асмаа сам̣ван̣н̣анаависзсод̇и вуд̇д̇ам̣. на хи ад̇т̇анаяо сам̣ван̣н̣анаа, жад̇усажжабадивзд̇хасса ануруубо буб̣б̣абхааг̇з ануг̇аахан̣анаяо ад̇т̇анаяо. д̇асса бана яаа уг̇гхадид̇ан̃н̃уаад̣̇ийнам̣ васзна д̇ан̣хаад̣̇имукзна наяабхуумиражанаа, д̇ад̇т̇а наяавохааро.

    17. Evaṃ gāthābandhavasena soḷasapi hāre niddisitvā idāni naye niddisituṃ ‘‘taṇhañcā’’tiādi vuttaṃ. Tattha taṇhañca avijjampi cāti sutte āgataṃ atthato niddhāraṇavasena vā gahitaṃ taṇhaṃ avijjañca yo netīti sambandho. Yo saṃvaṇṇanāviseso taṃ neti saṃkilesapakkhaṃ pāpeti saṃkilesavasena suttatthaṃ yojetīti adhippāyo. Samathenāti samādhinā. Vipassanāyāti paññāya, yo neti vodānapakkhaṃ pāpeti, tathā suttatthaṃ yojetīti adhippāyo. Saccehi yojayitvāti nayanto ca taṇhā ca avijjā ca bhavamūlakattā samudayasaccaṃ, avasesā tebhūmakadhammā dukkhasaccaṃ, samathavipassanā maggasaccaṃ, tena pattabbā asaṅkhatadhātu nirodhasaccanti evaṃ imehi catūhi saccehi yojetvā. Ayaṃ nayo nandiyāvaṭṭoti yo taṇhāvijjāhi saṃkilesapakkhassa suttatthassa samathavipassanāhi vodānapakkhassa catusaccayojanamukhena nayanalakkhaṇo saṃvaṇṇanāviseso, ayaṃ nandiyāvaṭṭo nayo nāmāti attho. Ettha ca nayassa bhūmi gāthāyaṃ ‘‘nayo’’ti vuttā, tasmā saṃvaṇṇanāvisesoti vuttaṃ. Na hi atthanayo saṃvaṇṇanā, catusaccapaṭivedhassa anurūpo pubbabhāge anugāhaṇanayo atthanayo. Tassa pana yā ugghaṭitaññuādīnaṃ vasena taṇhādimukhena nayabhūmiracanā, tattha nayavohāro.

    18. агусалзд̇и д̣̇ваад̣̇асажид̇д̇уббаад̣̇асан̇г̇ахид̇з саб̣б̣зби агусалз д̇хаммз. самуулзхийд̇и ад̇д̇ано муулзхи, лобхад̣̇осамохзхийд̇и ад̇т̇о. гусалзд̇и саб̣б̣зби жад̇убхуумагз гусалз д̇хаммз. гусаламуулзхийд̇и гусалзхи алобхаад̣̇имуулзхи яо нзд̇и. наяанд̇о жа гусалаагусалам̣ мааяаамарийжиаад̣̇аяо вияа абхууд̇ам̣ на ход̇ийд̇и бхууд̇ам̣. бадагхадаад̣̇аяо вияа на саммуд̇исажжамад̇д̇анд̇и д̇ат̇ам̣. агусаласса идтавибаагад̇аабхаавад̇о гусаласса жа анидтавибаагад̇аабхаавад̇о вибаагз сад̇и ависам̣ваад̣̇агад̇д̇аа авид̇ат̇ам̣ нзд̇и. звамзд̇зсам̣ д̇ин̣н̣амби бад̣̇аанам̣ гусалаагусалависзсанад̇аа д̣̇адтаб̣б̣аа. ат̇а ваа агусаламуулзхи агусалаани гусаламуулзхи жа гусалаани наяанд̇о аяам̣ наяо бхууд̇ам̣ д̇ат̇ам̣ авид̇ат̇ам̣ нзд̇и, жад̇д̇аари сажжаани нид̣̇д̇хаарзд̇ваа яож̇зд̇ийд̇и ад̇т̇о. д̣̇угкаад̣̇ийни хи б̣аад̇хагаад̣̇ибхаавад̇о ан̃н̃ат̇аабхааваабхаавзна бхууд̇аани, сажжасабхаавад̇д̇аа д̇ат̇аани, ависам̣ваад̣̇анад̇о авид̇ат̇аани. вуд̇д̇ан̃хзд̇ам̣ бхаг̇авад̇аа ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇ааний’’д̇и (сам̣. ни. 5.1090). д̇ибугкалам̣ д̇ам̣ наяам̣ аахууд̇и яо агусаламуулзхи сам̣гилзсабагкасса гусаламуулзхи вод̣̇аанабагкасса суд̇д̇ад̇т̇асса жад̇усажжаяож̇анамукзна наяаналагкан̣о сам̣ван̣н̣анаависзсо, д̇ам̣ д̇ибугкалам̣ наяанд̇и вад̣̇анд̇ийд̇и ад̇т̇о.

    18. Akusaleti dvādasacittuppādasaṅgahite sabbepi akusale dhamme. Samūlehīti attano mūlehi, lobhadosamohehīti attho. Kusaleti sabbepi catubhūmake kusale dhamme. Kusalamūlehīti kusalehi alobhādimūlehi yo neti. Nayanto ca kusalākusalaṃ māyāmarīciādayo viya abhūtaṃ na hotīti bhūtaṃ. Paṭaghaṭādayo viya na sammutisaccamattanti tathaṃ. Akusalassa iṭṭhavipākatābhāvato kusalassa ca aniṭṭhavipākatābhāvato vipāke sati avisaṃvādakattā avitathaṃ neti. Evametesaṃ tiṇṇampi padānaṃ kusalākusalavisesanatā daṭṭhabbā. Atha vā akusalamūlehi akusalāni kusalamūlehi ca kusalāni nayanto ayaṃ nayo bhūtaṃ tathaṃ avitathaṃ neti, cattāri saccāni niddhāretvā yojetīti attho. Dukkhādīni hi bādhakādibhāvato aññathābhāvābhāvena bhūtāni, saccasabhāvattā tathāni, avisaṃvādanato avitathāni. Vuttañhetaṃ bhagavatā ‘‘cattārimāni, bhikkhave, tathāni avitathāni anaññathānī’’ti (saṃ. ni. 5.1090). Tipukkhalaṃ taṃ nayaṃ āhūti yo akusalamūlehi saṃkilesapakkhassa kusalamūlehi vodānapakkhassa suttatthassa catusaccayojanamukhena nayanalakkhaṇo saṃvaṇṇanāviseso, taṃ tipukkhalaṃ nayanti vadantīti attho.

    19. вибаллаасзхийд̇и асубхз субханд̇иаад̣̇инаяаббавад̇д̇зхи жад̇уухи вибаллаасзхи. гилзсзд̇и гилиссанд̇и виб̣аад̇хияанд̇ийд̇и гилзсаа, сам̣гилидтад̇хаммаа, сам̣гилзсабагканд̇и ад̇т̇о. гзжи ‘‘сам̣гилзсз’’д̇иби батанд̇и, гилзсасахид̇зд̇и ад̇т̇о. инд̣̇риязхийд̇и сад̣̇д̇хаад̣̇ийхи инд̣̇риязхи. сад̣̇д̇хаммзд̇и бадибад̇д̇ибадивзд̇хасад̣̇д̇хаммз, вод̣̇аанабагканд̇и ад̇т̇о. зд̇ам̣ наяанд̇и яо субхасан̃н̃аад̣̇ийхи вибаллаасзхи сагаласса сам̣гилзсабагкасса сад̣̇д̇хинд̣̇рияаад̣̇ийхи вод̣̇аанабагкасса жад̇усажжаяож̇анавасзна наяаналагкан̣о сам̣ван̣н̣анаависзсо, зд̇ам̣ наяам̣ наяавид̣̇уу сад̣̇д̇хамманаяаговид̣̇аа, ад̇т̇анаяагусалаа зва ваа сийхавиггийл̣ид̇ам̣ наяанд̇и вад̣̇анд̇ийд̇и ад̇т̇о.

    19. Vipallāsehīti asubhe subhantiādinayappavattehi catūhi vipallāsehi. Kileseti kilissanti vibādhiyantīti kilesā, saṃkiliṭṭhadhammā, saṃkilesapakkhanti attho. Keci ‘‘saṃkilese’’tipi paṭhanti, kilesasahiteti attho. Indriyehīti saddhādīhi indriyehi. Saddhammeti paṭipattipaṭivedhasaddhamme, vodānapakkhanti attho. Etaṃ nayanti yo subhasaññādīhi vipallāsehi sakalassa saṃkilesapakkhassa saddhindriyādīhi vodānapakkhassa catusaccayojanavasena nayanalakkhaṇo saṃvaṇṇanāviseso, etaṃ nayaṃ nayavidū saddhammanayakovidā, atthanayakusalā eva vā sīhavikkīḷitaṃ nayanti vadantīti attho.

    20. взяяаагаран̣зсууд̇и д̇асса д̇асса ад̇т̇анаяасса яож̇анад̇т̇ам̣ гад̇зсу суд̇д̇асса ад̇т̇ависсаж̇ж̇анзсууд̇и ад̇т̇о. д̇знзвааха ‘‘д̇ахим̣ д̇ахи’’нд̇и. гусалаагусалаад̇и вод̣̇аанияаа сам̣гилзсигаа жа д̇асса д̇асса наяасса д̣̇исаабхууд̇ад̇хаммаа. вуд̇д̇аад̇и суд̇д̇ад̇о нид̣̇д̇хаарзд̇ваа гат̇ид̇аа. манасаа вологаяад̇зд̇и д̇з яат̇аавуд̇д̇ад̇хаммз жид̇д̇знзва ‘‘аяам̣ батамаа д̣̇исаа аяам̣ д̣̇уд̇ияаа д̣̇исаа’’д̇иаад̣̇инаа д̇асса д̇асса наяасса д̣̇исаабхаавзна убабаригкад̇и, вижаарзд̇ийд̇и ад̇т̇о. ‘‘ологаяад̇з д̇з аб̣ахий’’д̇иби баато. д̇ад̇т̇а д̇зд̇и д̇з яат̇аавуд̇д̇ад̇хаммз. аб̣ахийд̇и аб̣бханд̇арам̣, жид̇д̇з зваад̇и ад̇т̇о. д̇ам̣ ку д̣̇исааложанам̣ аахууд̇и ологаяад̇зд̇и зд̇т̇а яад̣̇зд̇ам̣ ологанам̣, д̇ам̣ д̣̇исааложанам̣ наама наяам̣ вад̣̇анд̇и. ку-д̇и жа нибаад̇о авад̇хааран̣з. д̇зна ологанамзва аяам̣ наяо, на гожи ад̇т̇ависзсод̇и д̣̇ассзд̇и.

    20. Veyyākaraṇesūti tassa tassa atthanayassa yojanatthaṃ katesu suttassa atthavissajjanesūti attho. Tenevāha ‘‘tahiṃ tahi’’nti. Kusalākusalāti vodāniyā saṃkilesikā ca tassa tassa nayassa disābhūtadhammā. Vuttāti suttato niddhāretvā kathitā. Manasā volokayateti te yathāvuttadhamme citteneva ‘‘ayaṃ paṭhamā disā ayaṃ dutiyā disā’’tiādinā tassa tassa nayassa disābhāvena upaparikkhati, vicāretīti attho. ‘‘Olokayate te abahī’’tipi pāṭho. Tattha teti te yathāvuttadhamme. Abahīti abbhantaraṃ, citte evāti attho. Taṃ khu disālocanaṃ āhūti olokayateti ettha yadetaṃ olokanaṃ, taṃ disālocanaṃ nāma nayaṃ vadanti. Khu-ti ca nipāto avadhāraṇe. Tena olokanameva ayaṃ nayo, na koci atthavisesoti dasseti.

    21. ологзд̇ваад̇и батамаад̣̇ид̣̇исаабхаавзна убабаригкид̇ваа. д̣̇исааложанзнаад̇и д̣̇исааложананаязна гаран̣абхууд̇зна. язна хи вид̇хинаа д̇асса д̇асса ад̇т̇анаяасса яож̇анааяа д̣̇исаа ологийяанд̇и, со вид̇хи д̣̇исааложананд̇и звам̣ ваа зд̇т̇а ад̇т̇о д̣̇адтаб̣б̣о. угкибияаад̇и уд̣̇д̇харид̇ваа, д̣̇исаабхууд̇ад̇хаммз суд̇д̇ад̇о нид̣̇д̇хаарзд̇ваад̇и ад̇т̇о. ‘‘угкибияа яо самаанзд̇ий’’д̇иби батанд̇и, д̇ассад̇т̇о – ‘‘яо д̇зсам̣ д̣̇исаабхууд̇ад̇хаммаанам̣ самаанаяанам̣ гарод̇ий’’д̇и. яанд̇и ваа гирияаабараамасанам̣ . самаанзд̇ийд̇и самам̣, саммаа ваа аанзд̇и д̇асса д̇асса наяасса яож̇анаавасзна. гз бана аанзд̇и? саб̣б̣з гусалаагусалз д̇ам̣д̇ам̣наяад̣̇исаабхууд̇з. аяам̣ наяод̇и самаанзд̇ийд̇и зд̇т̇а яад̣̇зд̇ам̣ д̇ам̣д̇ам̣наяад̣̇исаабхууд̇ад̇хаммаанам̣ самаанаяанам̣, аяам̣ ан̇гусо наама наяод̇и ад̇т̇о. зд̇ан̃жа д̣̇ваяам̣ ‘‘вохааранаяо, гамманаяо’’д̇и жа вужжад̇и.

    21. Oloketvāti paṭhamādidisābhāvena upaparikkhitvā. Disālocanenāti disālocananayena karaṇabhūtena. Yena hi vidhinā tassa tassa atthanayassa yojanāya disā olokīyanti, so vidhi disālocananti evaṃ vā ettha attho daṭṭhabbo. Ukkhipiyāti uddharitvā, disābhūtadhamme suttato niddhāretvāti attho. ‘‘Ukkhipiya yo samānetī’’tipi paṭhanti, tassattho – ‘‘yo tesaṃ disābhūtadhammānaṃ samānayanaṃ karotī’’ti. Yanti vā kiriyāparāmasanaṃ . Samānetīti samaṃ, sammā vā āneti tassa tassa nayassa yojanāvasena. Ke pana āneti? Sabbe kusalākusale taṃtaṃnayadisābhūte. Ayaṃ nayoti samānetīti ettha yadetaṃ taṃtaṃnayadisābhūtadhammānaṃ samānayanaṃ, ayaṃ aṅkuso nāma nayoti attho. Etañca dvayaṃ ‘‘vohāranayo, kammanayo’’ti ca vuccati.

    22. звам̣ хаарз наяз жа нид̣̇д̣̇исид̇ваа ид̣̇аани нзсам̣ яож̇анаггамам̣ д̣̇ассзнд̇о ‘‘сол̣аса хаараа батама’’нд̇иаад̣̇имааха. д̇ад̇т̇а батамам̣ сол̣аса хаараа ‘‘яож̇зд̇аб̣б̣аа’’д̇и важанасзсо. хаарасам̣ван̣н̣анаа батамам̣ гаад̇аб̣б̣аа б̣яан̃ж̇анабарияздтибхаавад̇од̇и ад̇хиббааяо. д̣̇исаложанад̇од̇и д̣̇исааложанзна, аяамзва ваа баато. ан̇гусзна хийд̇и хи-сад̣̇д̣̇о нибаад̇амад̇д̇ам̣. сзсам̣ уд̇д̇аанамзва.

    22. Evaṃ hāre naye ca niddisitvā idāni nesaṃ yojanakkamaṃ dassento ‘‘soḷasa hārā paṭhama’’ntiādimāha. Tattha paṭhamaṃ soḷasa hārā ‘‘yojetabbā’’ti vacanaseso. Hārasaṃvaṇṇanā paṭhamaṃ kātabbā byañjanapariyeṭṭhibhāvatoti adhippāyo. Disalocanatoti disālocanena, ayameva vā pāṭho. Aṅkusena hīti hi-saddo nipātamattaṃ. Sesaṃ uttānameva.

    д̣̇ваад̣̇асабад̣̇ам̣

    Dvādasapadaṃ

    23. ид̣̇аани язсам̣ б̣яан̃ж̇анабад̣̇аанам̣ ад̇т̇абад̣̇аанан̃жа васзна д̣̇ваад̣̇аса бад̣̇аани суд̇д̇анд̇и вуд̇д̇ам̣, д̇аани бад̣̇аани нид̣̇д̣̇исид̇ум̣ ‘‘агкарам̣ бад̣̇а’’нд̇иаад̣̇имааха. д̇ад̇т̇а абарияосид̇з бад̣̇з ван̣н̣о агкарам̣ барияааяавасзна агкаран̣ад̇о асан̃жаран̣ад̇о. на хи ван̣н̣асса барияааяо виж̇ж̇ад̇и, ат̇а ван̣н̣од̇и гзнадтзна ван̣н̣о? ад̇т̇асам̣ван̣н̣анадтзна. ван̣н̣о зва хи ид̇д̇аракан̣ад̇ааяа абараабарабхаавзна бавад̇д̇о бад̣̇аад̣̇ибхаавзна г̇аяхамаано яат̇аасамб̣анд̇хам̣ д̇ам̣ д̇ам̣ ад̇т̇ам̣ вад̣̇ад̇и . згагкарам̣ ваа бад̣̇ам̣ агкарам̣, гзжи бана ‘‘манасаа д̣̇зсанааваажааяа агкаран̣ад̇о агкара’’нд̇и вад̣̇анд̇и.

    23. Idāni yesaṃ byañjanapadānaṃ atthapadānañca vasena dvādasa padāni suttanti vuttaṃ, tāni padāni niddisituṃ ‘‘akkharaṃ pada’’ntiādimāha. Tattha apariyosite pade vaṇṇo akkharaṃ pariyāyavasena akkharaṇato asañcaraṇato. Na hi vaṇṇassa pariyāyo vijjati, atha vaṇṇoti kenaṭṭhena vaṇṇo? Atthasaṃvaṇṇanaṭṭhena. Vaṇṇo eva hi ittarakhaṇatāya aparāparabhāvena pavatto padādibhāvena gayhamāno yathāsambandhaṃ taṃ taṃ atthaṃ vadati . Ekakkharaṃ vā padaṃ akkharaṃ, keci pana ‘‘manasā desanāvācāya akkharaṇato akkhara’’nti vadanti.

    бад̣̇анд̇и баж̇ж̇ад̇и ад̇т̇о зд̇знаад̇и бад̣̇ам̣, д̇ам̣ наамабад̣̇ам̣ аакяаад̇абад̣̇ам̣ убасаг̇г̇абад̣̇ам̣ нибаад̇абад̣̇анд̇и жад̇уб̣б̣ид̇хам̣. д̇ад̇т̇а ‘‘пассо взд̣̇анаа жид̇д̇а’’нд̇и звамаад̣̇игам̣ сад̇ваббад̇хаанам̣ наамабад̣̇ам̣. ‘‘пусад̇и взд̣̇аяад̇и виж̇аанаад̇ий’’д̇и звамаад̣̇игам̣ гирияаабад̇хаанам̣ аакяаад̇абад̣̇ам̣. гирияаависзсаг̇г̇ахан̣анимид̇д̇ам̣ ‘‘ба’’ ид̇и звамаад̣̇игам̣ убасаг̇г̇абад̣̇ам̣. гирияааяа сад̇васса жа саруубависзсаббагаасанахзд̇убхууд̇ам̣ ‘‘зва’’нд̇и звамаад̣̇игам̣ нибаад̇абад̣̇ам̣.

    Padanti pajjati attho etenāti padaṃ, taṃ nāmapadaṃ ākhyātapadaṃ upasaggapadaṃ nipātapadanti catubbidhaṃ. Tattha ‘‘phasso vedanā citta’’nti evamādikaṃ satvappadhānaṃ nāmapadaṃ. ‘‘Phusati vedayati vijānātī’’ti evamādikaṃ kiriyāpadhānaṃ ākhyātapadaṃ. Kiriyāvisesaggahaṇanimittaṃ ‘‘pa’’ iti evamādikaṃ upasaggapadaṃ. Kiriyāya satvassa ca sarūpavisesappakāsanahetubhūtaṃ ‘‘eva’’nti evamādikaṃ nipātapadaṃ.

    б̣яан̃ж̇ананд̇и сан̇кзбад̇о вуд̇д̇ам̣ бад̣̇аабхихид̇ам̣ ад̇т̇ам̣ б̣яан̃ж̇аяад̇ийд̇и б̣яан̃ж̇анам̣, ваагяам̣. д̇ам̣ бана ад̇т̇ад̇о бад̣̇асамуд̣̇ааяод̇и д̣̇адтаб̣б̣ам̣. бад̣̇амад̇д̇асаванзби хи ад̇хигаараад̣̇ивасзна лаб̣бхамаанзхи бад̣̇анд̇арзхи анусанд̇хаанам̣ гад̇ваава ад̇т̇асамбадибад̇д̇и ход̇ийд̇и ваагяамзва ад̇т̇ам̣ б̣яан̃ж̇аяад̇и. нируд̇д̇ийд̇и аагаараабхихид̇ам̣ ниб̣б̣ажанам̣ нируд̇д̇и.

    Byañjananti saṅkhepato vuttaṃ padābhihitaṃ atthaṃ byañjayatīti byañjanaṃ, vākyaṃ. Taṃ pana atthato padasamudāyoti daṭṭhabbaṃ. Padamattasavanepi hi adhikārādivasena labbhamānehi padantarehi anusandhānaṃ katvāva atthasampaṭipatti hotīti vākyameva atthaṃ byañjayati. Niruttīti ākārābhihitaṃ nibbacanaṃ nirutti.

    нид̣̇д̣̇зсод̇и ниб̣б̣ажанавид̇т̇ааро ниравасзсад̣̇зсанад̇д̇аа нид̣̇д̣̇зсо. бад̣̇зхи ваагяасса вибхааг̇о аагааро. яад̣̇и звам̣ бад̣̇ад̇о аагаарасса го висзсод̇и? абарияосид̇з ваагяз авибхаж̇ж̇амаанз ваа д̇ад̣̇аваяаво бад̣̇ам̣. ужжааран̣авасзна барияосид̇з ваагяз вибхаж̇ж̇амаанз ваа д̇ад̣̇аваяаво аагаарод̇и аяамзд̇зсам̣ висзсо. чадтам̣ важанам̣ чадтаважанам̣. аагааро чадтаважанам̣ зд̇ассаад̇и аагаарачадтаважанам̣, б̣яан̃ж̇анабад̣̇ам̣. зд̇т̇а жа б̣яан̃ж̇ананд̇и имасса бад̣̇асса ананд̇арам̣ вад̇д̇аб̣б̣ам̣ аагаарабад̣̇ам̣ нид̣̇д̣̇зсабад̣̇аананд̇арам̣ вад̣̇анд̇зна ‘‘аагаарачадтаважана’’нд̇и вуд̇д̇ам̣, бад̣̇аанубуб̣б̣игам̣ бана ижчанд̇зхи д̇ам̣ б̣яан̃ж̇анабад̣̇аананд̇арамзва гаад̇аб̣б̣ам̣. д̇ат̇аа хи вагкад̇и ‘‘абаримаан̣аа б̣яан̃ж̇анаа абаримаан̣аа аагаараад̇и, б̣яан̃ж̇анзхи виварад̇и аагаарзхи вибхаж̇ад̇ий’’д̇и жа. гзжи бана ‘‘аагаарабад̣̇аб̣яан̃ж̇ананируд̇д̇ияо жа нид̣̇д̣̇зсо’’д̇и батанд̇и. зд̇д̇аава б̣яан̃ж̇анам̣ саб̣б̣анд̇и яаанимаани агкараад̣̇ийни нид̣̇д̣̇идтаани, зд̇д̇агамзва саб̣б̣ам̣ б̣яан̃ж̇анам̣, зд̇зхи асан̇г̇ахид̇ам̣ б̣яан̃ж̇анам̣ наама над̇т̇ийд̇и ад̇т̇о.

    Niddesoti nibbacanavitthāro niravasesadesanattā niddeso. Padehi vākyassa vibhāgo ākāro. Yadi evaṃ padato ākārassa ko visesoti? Apariyosite vākye avibhajjamāne vā tadavayavo padaṃ. Uccāraṇavasena pariyosite vākye vibhajjamāne vā tadavayavo ākāroti ayametesaṃ viseso. Chaṭṭhaṃ vacanaṃ chaṭṭhavacanaṃ. Ākāro chaṭṭhavacanaṃ etassāti ākārachaṭṭhavacanaṃ, byañjanapadaṃ. Ettha ca byañjananti imassa padassa anantaraṃ vattabbaṃ ākārapadaṃ niddesapadānantaraṃ vadantena ‘‘ākārachaṭṭhavacana’’nti vuttaṃ, padānupubbikaṃ pana icchantehi taṃ byañjanapadānantarameva kātabbaṃ. Tathā hi vakkhati ‘‘aparimāṇā byañjanā aparimāṇā ākārāti, byañjanehi vivarati ākārehi vibhajatī’’ti ca. Keci pana ‘‘ākārapadabyañjananiruttiyo ca niddeso’’ti paṭhanti. Ettāva byañjanaṃ sabbanti yānimāni akkharādīni niddiṭṭhāni, ettakameva sabbaṃ byañjanaṃ, etehi asaṅgahitaṃ byañjanaṃ nāma natthīti attho.

    24. сан̇гаасанаад̇и сам̣кид̇д̇зна гаасанаа. багаасанаад̇и батамам̣ гаасанаа, гаасийяад̇и д̣̇ийбийяад̇ийд̇и ад̇т̇о. иминаа хи ад̇т̇абад̣̇ад̣̇ваязна агкарабад̣̇зхи вибхаавияамаано ад̇т̇аагааро г̇ахид̇о. яасмаа агкарзхи суяяамаанзхи сун̣анд̇аанам̣ висзсавид̇хаанасса гад̇ад̇д̇аа бад̣̇абарияосаанз бад̣̇ад̇т̇асамбадибад̇д̇и ход̇и. д̇ат̇аа хи вагкад̇и ‘‘д̇ад̇т̇а бхаг̇аваа агкарзхи сан̇гаасзд̇и бад̣̇зхи багаасзд̇ийд̇и, агкарзхи бад̣̇зхи жа уг̇гхаадзд̇ий’’д̇и жа.

    24. Saṅkāsanāti saṃkhittena kāsanā. Pakāsanāti paṭhamaṃ kāsanā, kāsīyati dīpīyatīti attho. Iminā hi atthapadadvayena akkharapadehi vibhāviyamāno atthākāro gahito. Yasmā akkharehi suyyamānehi suṇantānaṃ visesavidhānassa katattā padapariyosāne padatthasampaṭipatti hoti. Tathā hi vakkhati ‘‘tattha bhagavā akkharehi saṅkāseti padehi pakāsetīti, akkharehi padehi ca ugghāṭetī’’ti ca.

    виваран̣аад̇и вид̇т̇ааран̣аа. вибхаж̇анаа жа уд̇д̇аанийгамман̃жа бан̃н̃ад̇д̇и жа вибхаж̇ануд̇д̇аанийгаммабан̃н̃ад̇д̇и. д̇ад̇т̇а вибхаж̇анаад̇и вибхааг̇агаран̣ам̣, убхаязнааби нид̣̇д̣̇исанамааха. ид̇ха буриманаязнзва б̣яан̃ж̇анаагаарзхи нид̣̇д̣̇исияамаано ад̇т̇аагааро д̣̇ассид̇од̇и д̣̇адтаб̣б̣ам̣. уд̇д̇аанийгаммам̣ баагадагаран̣ам̣. багаарзхи н̃аабанам̣ бан̃н̃ад̇д̇и. д̣̇ваязнааби бадинид̣̇д̣̇исанам̣ гат̇зд̇и. зд̇т̇ааби нируд̇д̇инид̣̇д̣̇зсасан̇каад̇зхи б̣яан̃ж̇анабад̣̇зхи нид̣̇д̣̇исияамаано ад̇т̇аагааро вуд̇д̇о, яо бадинид̣̇д̣̇исийяад̇ийд̇и вужжад̇и. зд̇зхийд̇и зд̇зхи зва сан̇гаасанаад̣̇ивинимуд̇д̇асса д̣̇зсанаад̇т̇асса абхаавад̇о. ад̇т̇од̇и суд̇д̇ад̇т̇о. гамманд̇и уг̇гхаданаад̣̇игаммам̣. суд̇д̇ад̇т̇зна хи д̣̇зсанааяа бавад̇д̇ияамаанзна уг̇гхадид̇ан̃н̃уаад̣̇ивзнзяяаанам̣ жид̇д̇асанд̇аанасса баб̣од̇ханагирияааниб̣б̣ад̇д̇и. со жа суд̇д̇ад̇т̇о сан̇гаасанаад̣̇иаагаарод̇и. д̇зна вуд̇д̇ам̣ – ‘‘ад̇т̇о гамман̃жа нид̣̇д̣̇идта’’нд̇и.

    Vivaraṇāti vitthāraṇā. Vibhajanā ca uttānīkammañca paññatti ca vibhajanuttānīkammapaññatti. Tattha vibhajanāti vibhāgakaraṇaṃ, ubhayenāpi niddisanamāha. Idha purimanayeneva byañjanākārehi niddisiyamāno atthākāro dassitoti daṭṭhabbaṃ. Uttānīkammaṃ pākaṭakaraṇaṃ. Pakārehi ñāpanaṃ paññatti. Dvayenāpi paṭiniddisanaṃ katheti. Etthāpi niruttiniddesasaṅkhātehi byañjanapadehi niddisiyamāno atthākāro vutto, yo paṭiniddisīyatīti vuccati. Etehīti etehi eva saṅkāsanādivinimuttassa desanātthassa abhāvato. Atthoti suttattho. Kammanti ugghaṭanādikammaṃ. Suttatthena hi desanāya pavattiyamānena ugghaṭitaññuādiveneyyānaṃ cittasantānassa pabodhanakiriyānibbatti. So ca suttattho saṅkāsanādiākāroti. Tena vuttaṃ – ‘‘attho kammañca niddiṭṭha’’nti.

    25. д̇ийн̣ийд̇и лин̇г̇авибаллаасзна вуд̇д̇ам̣, д̇аяод̇и вуд̇д̇ам̣ ход̇и. навахи бад̣̇зхийд̇и навахи годтаасзхи . ад̇т̇о самааяуд̇д̇од̇и ад̇т̇о саммаа яуд̇д̇о на винаа вад̇д̇ад̇и. саб̣б̣асса хи б̣уд̣̇д̇хаважанасса жад̇усажжаббагаасанад̇о ад̇т̇анаяаанан̃жа жад̇усажжаяож̇анавасзна бавад̇д̇анад̇о саб̣б̣о баал̣иад̇т̇о ад̇т̇анаяад̇д̇аяасан̇г̇ахид̇о сан̇гаасанаад̣̇иаагаарависзсавуд̇д̇и жаад̇и.

    25. Tīṇīti liṅgavipallāsena vuttaṃ, tayoti vuttaṃ hoti. Navahi padehīti navahi koṭṭhāsehi . Attho samāyuttoti attho sammā yutto na vinā vattati. Sabbassa hi buddhavacanassa catusaccappakāsanato atthanayānañca catusaccayojanavasena pavattanato sabbo pāḷiattho atthanayattayasaṅgahito saṅkāsanādiākāravisesavutti cāti.

    26. ид̣̇аани яат̇аанид̣̇д̣̇идтз д̣̇зсанаахаараад̣̇игз нзд̇д̇иббагаран̣асса бад̣̇ад̇т̇з сукаг̇г̇ахан̣ад̇т̇ам̣ г̇ан̣анавасзна барижчинд̣̇ид̇ваа д̣̇ассзнд̇о ‘‘ад̇т̇ассаа’’д̇иаад̣̇имааха. д̇ад̇т̇а жад̇уб̣б̣ийсаад̇и сол̣аса хаараа ча б̣яан̃ж̇анабад̣̇аани д̣̇вз гамманаяаад̇и звам̣ жад̇уб̣б̣ийса. убхаяанд̇и ча ад̇т̇абад̣̇аани д̇аяо ад̇т̇анаяаад̇и ид̣̇ам̣ нававид̇хам̣ яат̇аавуд̇д̇ам̣ жад̇уб̣б̣ийсавид̇хан̃жаад̇и зд̇ам̣ убхаяам̣. сан̇галаяид̇ваад̇и самбин̣д̣зд̇ваа. ‘‘сан̇кзбаяад̇о’’д̇иби баато, згад̇о гаронд̇ассаад̇и ад̇т̇о. зд̇д̇игаад̇и зд̇аббамаан̣аа, ид̇о винимуд̇д̇о гожи нзд̇д̇ибад̣̇ад̇т̇аа над̇т̇ийд̇и ад̇т̇о.

    26. Idāni yathāniddiṭṭhe desanāhārādike nettippakaraṇassa padatthe sukhaggahaṇatthaṃ gaṇanavasena paricchinditvā dassento ‘‘atthassā’’tiādimāha. Tattha catubbīsāti soḷasa hārā cha byañjanapadāni dve kammanayāti evaṃ catubbīsa. Ubhayanti cha atthapadāni tayo atthanayāti idaṃ navavidhaṃ yathāvuttaṃ catubbīsavidhañcāti etaṃ ubhayaṃ. Saṅkalayitvāti sampiṇḍetvā. ‘‘Saṅkhepayato’’tipi pāṭho, ekato karontassāti attho. Ettikāti etappamāṇā, ito vinimutto koci nettipadatthā natthīti attho.

    звам̣ д̇зд̇д̇им̣сабад̣̇ад̇т̇ааяа нзд̇д̇ияаа суд̇д̇асса ад̇т̇абариязсанааяа яо ‘‘сол̣аса хаараа батама’’нд̇и наязхи батамам̣ хаараа сам̣ван̣н̣зд̇аб̣б̣аад̇и хааранаяаанам̣ сам̣ван̣н̣анааггамо д̣̇ассид̇о, свааяам̣ хааранаяаанам̣ д̣̇зсанааггамзнзва сид̣̇д̇хо. звам̣ сид̣̇д̇хз сад̇и аяам̣ аарамбхо имамад̇т̇ам̣ д̣̇ийбзд̇и – саб̣б̣збимз хаараа наяаа жа иминаа д̣̇ассид̇аггамзнзва суд̇д̇зсу сам̣ван̣н̣анаавасзна яож̇зд̇аб̣б̣аа, на уббадибаадияаад̇и.

    Evaṃ tettiṃsapadatthāya nettiyā suttassa atthapariyesanāya yo ‘‘soḷasa hārā paṭhama’’nti nayehi paṭhamaṃ hārā saṃvaṇṇetabbāti hāranayānaṃ saṃvaṇṇanākkamo dassito, svāyaṃ hāranayānaṃ desanākkameneva siddho. Evaṃ siddhe sati ayaṃ ārambho imamatthaṃ dīpeti – sabbepime hārā nayā ca iminā dassitakkameneva suttesu saṃvaṇṇanāvasena yojetabbā, na uppaṭipāṭiyāti.

    гим̣ банзд̇т̇а гааран̣ам̣, яад̣̇зд̇з хаараа наяаа жа иминаава гамзна д̣̇зсид̇аад̇и? яад̣̇иби нааяамануяог̇о гад̇т̇ажи ануггамз нивисад̇и, аби жа д̇хаммад̣̇зсанааяа ниссаяапалад̇ад̣̇убааяасарийрабхууд̇аанам̣ ассаад̣̇аад̣̇ийнам̣ вибхааванасабхаавад̇д̇аа багад̇ияаа саб̣б̣асуд̇д̇аануруубаад̇и сувин̃н̃зяяабхаавад̇о барзсан̃жа сам̣ван̣н̣анаависзсаанам̣ вижаяахаараад̣̇ийнам̣ бад̇идтаабхаавад̇о батамам̣ д̣̇зсанаахааро д̣̇ассид̇о.

    Kiṃ panettha kāraṇaṃ, yadete hārā nayā ca imināva kamena desitāti? Yadipi nāyamanuyogo katthaci anukkame nivisati, api ca dhammadesanāya nissayaphalatadupāyasarīrabhūtānaṃ assādādīnaṃ vibhāvanasabhāvattā pakatiyā sabbasuttānurūpāti suviññeyyabhāvato paresañca saṃvaṇṇanāvisesānaṃ vicayahārādīnaṃ patiṭṭhābhāvato paṭhamaṃ desanāhāro dassito.

    бад̣̇абужчаависсаж̇ж̇анабуб̣б̣аабараануг̇ийд̇ийхи сад̣̇д̇хим̣ д̣̇зсанаахаарабад̣̇ад̇т̇аанам̣ бавижаяасабхаавад̇ааяа д̇асса ананд̇арам̣ вижаяо. д̇ат̇аа хи вагкад̇и ‘‘бад̣̇ам̣ вижинад̇и…бз… аан̣ад̇д̇им̣ вижинад̇и ануг̇ийд̇им̣ вижинад̇ий’’д̇и.

    Padapucchāvissajjanapubbāparānugītīhi saddhiṃ desanāhārapadatthānaṃ pavicayasabhāvatāya tassa anantaraṃ vicayo. Tathā hi vakkhati ‘‘padaṃ vicinati…pe… āṇattiṃ vicinati anugītiṃ vicinatī’’ti.

    вижаязна хаарзна бавижид̇аанам̣ ад̇т̇аанам̣ яуд̇д̇ааяуд̇д̇ивижааран̣аа яуд̇д̇аад̇и яуд̇д̇ивижааран̣абхаавад̇о вижаяаананд̇арам̣ яуд̇д̇ихааро вуд̇д̇о. д̇ат̇аа хи вагкад̇и – ‘‘вижаязна хаарзна вижинид̇ваа яуд̇д̇ихаарзна яож̇зд̇аб̣б̣а’’нд̇и.

    Vicayena hārena pavicitānaṃ atthānaṃ yuttāyuttivicāraṇā yuttāti yuttivicāraṇabhāvato vicayānantaraṃ yuttihāro vutto. Tathā hi vakkhati – ‘‘vicayena hārena vicinitvā yuttihārena yojetabba’’nti.

    яуд̇д̇ааяуд̇д̇аанам̣язва ад̇т̇аанам̣ убабад̇д̇иануруубам̣ гааран̣абарамбарааяа нид̣̇д̇хааран̣алагкан̣ам̣ бад̣̇адтаанажинд̇анам̣ гад̇д̇аб̣б̣анд̇и яуд̇д̇ихаараананд̇арам̣ бад̣̇адтаанахааро д̣̇ассид̇о. д̇ат̇аа хи вагкад̇и – ‘‘яо гожи убаниссаяо яо гожи бажжаяо жа, саб̣б̣о со бад̣̇адтаана’’нд̇и.

    Yuttāyuttānaṃyeva atthānaṃ upapattianurūpaṃ kāraṇaparamparāya niddhāraṇalakkhaṇaṃ padaṭṭhānacintanaṃ kattabbanti yuttihārānantaraṃ padaṭṭhānahāro dassito. Tathā hi vakkhati – ‘‘yo koci upanissayo yo koci paccayo ca, sabbo so padaṭṭhāna’’nti.

    яуд̇д̇ааяуд̇д̇аанам̣ гааран̣абарамбарааяа бариг̇г̇ахид̇асабхааваанам̣язва жа д̇хаммаанам̣ авуд̇д̇аанамби згалагкан̣ад̇ааяа г̇ахан̣ам̣ гаад̇аб̣б̣анд̇и д̣̇ассанад̇т̇ам̣ бад̣̇адтаанаананд̇арам̣ лагкан̣о хааро вуд̇д̇о. д̇ат̇аа хи лагкан̣ахааравибхан̇г̇з ‘‘авиж̇ж̇аабажжаяаа сан̇каараа’’д̇иаад̣̇инаа бадижжасамуббаад̣̇ам̣ д̣̇ассзд̇ваа ‘‘звам̣ яз д̇хаммаа згалагкан̣аа’’д̇иаад̣̇и вуд̇д̇ам̣.

    Yuttāyuttānaṃ kāraṇaparamparāya pariggahitasabhāvānaṃyeva ca dhammānaṃ avuttānampi ekalakkhaṇatāya gahaṇaṃ kātabbanti dassanatthaṃ padaṭṭhānānantaraṃ lakkhaṇo hāro vutto. Tathā hi lakkhaṇahāravibhaṅge ‘‘avijjāpaccayā saṅkhārā’’tiādinā paṭiccasamuppādaṃ dassetvā ‘‘evaṃ ye dhammā ekalakkhaṇā’’tiādi vuttaṃ.

    ад̇т̇ад̇о нид̣̇д̇хаарид̇аанамби д̇хаммаанам̣ ниб̣б̣ажанаад̣̇ийни вад̇д̇аб̣б̣аани, на суд̇д̇з саруубад̇о ааг̇ад̇аанамзваад̇и д̣̇ассанад̇т̇ам̣ лагкан̣аананд̇арам̣ жад̇уб̣яуухо вуд̇д̇о. зван̃хи ниравасзсад̇о ад̇т̇ааваб̣од̇хо ход̇и, зван̃жа гад̇ваа ‘‘яад̣̇аа хи бхигку ад̇т̇асса жа наамам̣ ж̇аанаад̇и д̇хаммасса жа наамам̣ ж̇аанаад̇и д̇ат̇аа д̇ат̇аа нам̣ абхиниробзд̇ий’’д̇и анавасзсабарияаад̣̇аанам̣ вагкад̇и. д̇ат̇аа ‘‘бунаббунам̣ г̇аб̣бхамубзд̇ий’’д̇и зд̇т̇а ‘‘яз ж̇араамаран̣зна аддияид̇угаамаа бхависсанд̇и , д̇з бхависсанд̇и бхож̇анз мад̇д̇ан̃н̃уно инд̣̇риязсу г̇уд̇д̇ад̣̇ваараа’’д̇иаад̣̇инаа саммаабадибад̇д̇им̣ ад̇хиббааяабхаавзна вагкад̇и.

    Atthato niddhāritānampi dhammānaṃ nibbacanādīni vattabbāni, na sutte sarūpato āgatānamevāti dassanatthaṃ lakkhaṇānantaraṃ catubyūho vutto. Evañhi niravasesato atthāvabodho hoti, evañca katvā ‘‘yadā hi bhikkhu atthassa ca nāmaṃ jānāti dhammassa ca nāmaṃ jānāti tathā tathā naṃ abhiniropetī’’ti anavasesapariyādānaṃ vakkhati. Tathā ‘‘punappunaṃ gabbhamupetī’’ti ettha ‘‘ye jarāmaraṇena aṭṭiyitukāmā bhavissanti , te bhavissanti bhojane mattaññuno indriyesu guttadvārā’’tiādinā sammāpaṭipattiṃ adhippāyabhāvena vakkhati.

    ниб̣б̣ажанаад̇хиббааяанид̣̇аанаважанзхи сад̣̇д̇хим̣ суд̇д̇з бад̣̇ад̇т̇аанам̣ суд̇д̇анд̇арасам̣санд̣̇анасан̇каад̇з буб̣б̣аабаравижаарз д̣̇ассид̇з д̇зсам̣ сабхааг̇ависабхааг̇ад̇хамманд̇араавадданам̣ сукзна саггаа д̣̇ассзд̇унд̇и жад̇уб̣яуухаананд̇арам̣ ааваддо вуд̇д̇о. д̇знзва хи ‘‘аарамбхат̇а ниггамат̇аа’’д̇и г̇аат̇ааяам̣ аарамбханиггаманаб̣уд̣̇д̇хасаасанаяог̇ад̇хунанзхи вийрияасамаад̇хибан̃н̃инд̣̇рияаани нид̣̇д̇хаарзд̇ваа д̇ад̣̇ануяог̇асса муулам̣ ‘‘бамаад̣̇о’’д̇и суд̇д̇анд̇арз д̣̇ассид̇о бамаад̣̇о ааваддид̇о.

    Nibbacanādhippāyanidānavacanehi saddhiṃ sutte padatthānaṃ suttantarasaṃsandanasaṅkhāte pubbāparavicāre dassite tesaṃ sabhāgavisabhāgadhammantarāvaṭṭanaṃ sukhena sakkā dassetunti catubyūhānantaraṃ āvaṭṭo vutto. Teneva hi ‘‘ārambhatha nikkamathā’’ti gāthāyaṃ ārambhanikkamanabuddhasāsanayogadhunanehi vīriyasamādhipaññindriyāni niddhāretvā tadanuyogassa mūlaṃ ‘‘pamādo’’ti suttantare dassito pamādo āvaṭṭito.

    сабхааг̇ависабхааг̇ад̇хаммаавадданз нияож̇ид̇з саад̇хааран̣аасаад̇хааран̣авасзна сам̣гилзсавод̣̇аанад̇хаммаанам̣ бад̣̇адтаанад̇о бхуумид̇о жа вибхааг̇о саггаа сукзна яож̇ид̇унд̇и ааваддаананд̇арам̣ вибхад̇д̇ихааро вуд̇д̇о. яад̇о вибхад̇д̇ихааравибхан̇г̇з ‘‘гад̇амз д̇хаммаа саад̇хааран̣аа? д̣̇вз д̇хаммаа саад̇хааран̣аа, наамасаад̇хааран̣аа вад̇т̇усаад̇хааран̣аа жаа’’д̇и аарабхид̇ваа ‘‘мижчад̇д̇анияад̇аанам̣ сад̇д̇аанам̣ анияад̇аанан̃жа сад̇д̇аанам̣ д̣̇ассанаббахаад̇аб̣б̣аа гилзсаа саад̇хааран̣аа, бут̇уж̇ж̇анасса сод̇аабаннасса жа гаамарааг̇аб̣яаабаад̣̇аа саад̇хааран̣аа’’д̇иаад̣̇инаа сабхааг̇ависабхааг̇абарияааяаванд̇зязва д̇хаммз вибхаж̇иссад̇и.

    Sabhāgavisabhāgadhammāvaṭṭane niyojite sādhāraṇāsādhāraṇavasena saṃkilesavodānadhammānaṃ padaṭṭhānato bhūmito ca vibhāgo sakkā sukhena yojitunti āvaṭṭānantaraṃ vibhattihāro vutto. Yato vibhattihāravibhaṅge ‘‘katame dhammā sādhāraṇā? Dve dhammā sādhāraṇā, nāmasādhāraṇā vatthusādhāraṇā cā’’ti ārabhitvā ‘‘micchattaniyatānaṃ sattānaṃ aniyatānañca sattānaṃ dassanappahātabbā kilesā sādhāraṇā, puthujjanassa sotāpannassa ca kāmarāgabyāpādā sādhāraṇā’’tiādinā sabhāgavisabhāgapariyāyavanteyeva dhamme vibhajissati.

    сааваж̇ж̇аанаваж̇ж̇ад̇хаммаанам̣ саббадибхааг̇аабхаавад̇о д̇зсам̣ вибхааг̇з гад̇з суд̇д̇ааг̇ад̇з д̇хаммз агасирзна бадибагкад̇о баривад̇д̇зд̇ум̣ саггаад̇и вибхад̇д̇иананд̇арам̣ баривад̇д̇анахааро вуд̇д̇о. д̇ат̇аа хи ‘‘саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа бхавад̇ий’’д̇и бадивибхад̇д̇асабхаавз зва д̇хаммз баривад̇д̇анахааравибхан̇г̇з уд̣̇аахариссад̇и.

    Sāvajjānavajjadhammānaṃ sappaṭibhāgābhāvato tesaṃ vibhāge kate suttāgate dhamme akasirena paṭipakkhato parivattetuṃ sakkāti vibhattianantaraṃ parivattanahāro vutto. Tathā hi ‘‘sammādiṭṭhissa purisapuggalassa micchādiṭṭhi nijjiṇṇā bhavatī’’ti paṭivibhattasabhāve eva dhamme parivattanahāravibhaṅge udāharissati.

    бадибагкад̇о баривад̇д̇ид̇ааби д̇хаммаа барияааяаважанзхи б̣од̇хзд̇аб̣б̣аа, на суд̇д̇з ааг̇ад̇ааязваад̇и д̣̇ассанад̇т̇ам̣ баривад̇д̇анаананд̇арам̣ взважанахааро вуд̇д̇о.

    Paṭipakkhato parivattitāpi dhammā pariyāyavacanehi bodhetabbā, na sutte āgatāyevāti dassanatthaṃ parivattanānantaraṃ vevacanahāro vutto.

    звам̣ д̇з д̇хаммаа барияааяасад̣̇д̣̇ад̇оби вибхаавид̇аа хонд̇ийд̇и барияааяад̇о багаасид̇аанам̣ д̇хаммаанам̣ бабхзд̣̇ад̇о бан̃н̃ад̇д̇ивасзна вибхаж̇анам̣ сукзна саггаа н̃аад̇унд̇и взважанахаараананд̇арам̣ бан̃н̃ад̇д̇ихааро вуд̇д̇о. д̇ат̇аа хи суд̇д̇з ааг̇ад̇ад̇хаммаанам̣ барияааяабан̃н̃ад̇д̇ивибхааг̇ам̣ суб̣од̇ханан̃жа бан̃н̃ад̇д̇ихааравибхан̇г̇з вагкад̇и.

    Evaṃ te dhammā pariyāyasaddatopi vibhāvitā hontīti pariyāyato pakāsitānaṃ dhammānaṃ pabhedato paññattivasena vibhajanaṃ sukhena sakkā ñātunti vevacanahārānantaraṃ paññattihāro vutto. Tathā hi sutte āgatadhammānaṃ pariyāyapaññattivibhāgaṃ subodhanañca paññattihāravibhaṅge vakkhati.

    бабхаавабарин̃н̃аад̣̇ибан̃н̃ад̇д̇ивибхааг̇амукзна бадижжасамуббаад̣̇асажжаад̣̇ид̇хаммавибхааг̇з гад̇з суд̇д̇з ааг̇ад̇ад̇хаммаанам̣ бадижжасамуббаад̣̇аад̣̇имукзна авад̇хааран̣ам̣ саггаа д̣̇ассзд̇унд̇и бан̃н̃ад̇д̇иананд̇арам̣ од̇аран̣о хааро вуд̇д̇о. д̇ат̇аа хи ‘‘уд̣̇д̇хам̣ ад̇хо’’д̇и г̇аат̇ам̣ уд̣̇д̣̇исид̇ваа ‘‘виббамуд̇д̇о’’д̇и бад̣̇зна асзгкам̣ виж̇ж̇ам̣ нид̣̇д̇хаарзд̇ваа ‘‘виж̇ж̇уббаад̣̇аа авиж̇ж̇аанирод̇хо’’д̇иаад̣̇инаа бадижжасамуббаад̣̇ам̣ уд̣̇аахариссад̇и.

    Pabhāvapariññādipaññattivibhāgamukhena paṭiccasamuppādasaccādidhammavibhāge kate sutte āgatadhammānaṃ paṭiccasamuppādādimukhena avadhāraṇaṃ sakkā dassetunti paññattianantaraṃ otaraṇo hāro vutto. Tathā hi ‘‘uddhaṃ adho’’ti gāthaṃ uddisitvā ‘‘vippamutto’’ti padena asekkhaṃ vijjaṃ niddhāretvā ‘‘vijjuppādā avijjānirodho’’tiādinā paṭiccasamuppādaṃ udāharissati.

    д̇хаад̇ааяад̇анаад̣̇ийсу од̇аарид̇аанам̣ суд̇д̇з бад̣̇ад̇т̇аанам̣ бужчаарамбхависод̇ханам̣ саггаа сукзна самбаад̣̇зд̇унд̇и од̇аран̣аананд̇арам̣ сод̇хано хааро вуд̇д̇о. д̇ат̇аа хи вагкад̇и – ‘‘яад̇т̇а звам̣ суд̣̇д̇хо аарамбхо, со бан̃хо виссаж̇ж̇ид̇о бхавад̇ий’’д̇иаад̣̇и.

    Dhātāyatanādīsu otāritānaṃ sutte padatthānaṃ pucchārambhavisodhanaṃ sakkā sukhena sampādetunti otaraṇānantaraṃ sodhano hāro vutto. Tathā hi vakkhati – ‘‘yattha evaṃ suddho ārambho, so pañho vissajjito bhavatī’’tiādi.

    висод̇хид̇зсу суд̇д̇з бад̣̇абад̣̇ад̇т̇зсу д̇ад̇т̇а лаб̣бхамаанасааман̃н̃ависзсабхааво сугаро ход̇ийд̇и д̣̇ассзд̇ум̣ сод̇ханаананд̇арам̣ ад̇хидтаано хааро д̣̇ассид̇о. сод̇хано хи ад̇хидтаанасса б̣ахуубагааро, д̇ад̇о зва хи ‘‘яат̇аа яат̇аа ваа бана бужчид̇ам̣, д̇ат̇аа д̇ат̇аа виссаж̇ж̇аяид̇аб̣б̣а’’нд̇и вагкад̇и.

    Visodhitesu sutte padapadatthesu tattha labbhamānasāmaññavisesabhāvo sukaro hotīti dassetuṃ sodhanānantaraṃ adhiṭṭhāno hāro dassito. Sodhano hi adhiṭṭhānassa bahūpakāro, tato eva hi ‘‘yathā yathā vā pana pucchitaṃ, tathā tathā vissajjayitabba’’nti vakkhati.

    сааман̃н̃ависзсабхууд̇зсу саад̇хааран̣аасаад̇хааран̣зсу д̇хаммзсу бавзд̣̇ид̇зсу баригкаарасан̇каад̇асса саад̇хааран̣аасаад̇хааран̣аруубасса бажжаяахзд̇ураасисса бабхзд̣̇о сувин̃н̃зяяод̇и ад̇хидтаанаананд̇арам̣ баригкааро вуд̇д̇о . д̇ат̇аа хи вагкад̇и ‘‘асаад̇хааран̣алагкан̣о хзд̇у, саад̇хааран̣алагкан̣о бажжаяо. яат̇аа гим̣ бхавз, яат̇аа ан̇гурасса ниб̣б̣ад̇д̇ияаа б̣ийж̇ам̣ асаад̇хааран̣ам̣, бат̇авий аабо жа саад̇хааран̣аа’’д̇иаад̣̇и.

    Sāmaññavisesabhūtesu sādhāraṇāsādhāraṇesu dhammesu paveditesu parikkhārasaṅkhātassa sādhāraṇāsādhāraṇarūpassa paccayaheturāsissa pabhedo suviññeyyoti adhiṭṭhānānantaraṃ parikkhāro vutto . Tathā hi vakkhati ‘‘asādhāraṇalakkhaṇo hetu, sādhāraṇalakkhaṇo paccayo. Yathā kiṃ bhave, yathā aṅkurassa nibbattiyā bījaṃ asādhāraṇaṃ, pathavī āpo ca sādhāraṇā’’tiādi.

    асаад̇хааран̣з саад̇хааран̣з жа гааран̣з д̣̇ассид̇з д̇асса ад̇д̇ано палзсу гааран̣аагааро д̇зсам̣ хзд̇упалаанам̣ бабхзд̣̇ад̇о д̣̇зсанаагааро бхаавзд̇аб̣б̣абахаад̇аб̣б̣ад̇хаммаанам̣ бхааванаабахаанаани жа нид̣̇д̇хаарзд̇ваа вужжамаанаани саммаа суд̇д̇асса ад̇т̇ам̣ д̇ат̇ад̇д̇ааваб̣од̇хааяа сам̣вад̇д̇анд̇ийд̇и баригкаараананд̇арам̣ самааробано хааро д̣̇ассид̇од̇и. ид̣̇ам̣ хаараанам̣ ануггамагааран̣ам̣.

    Asādhāraṇe sādhāraṇe ca kāraṇe dassite tassa attano phalesu kāraṇākāro tesaṃ hetuphalānaṃ pabhedato desanākāro bhāvetabbapahātabbadhammānaṃ bhāvanāpahānāni ca niddhāretvā vuccamānāni sammā suttassa atthaṃ tathattāvabodhāya saṃvattantīti parikkhārānantaraṃ samāropano hāro dassitoti. Idaṃ hārānaṃ anukkamakāraṇaṃ.

    наяаанам̣ бана взнзяяад̇д̇аяаббаяож̇ид̇ад̇д̇аа ад̇т̇анаяад̇д̇аяуубад̣̇зсасса д̇ад̣̇ануггамзнзва нанд̣̇ияааваддаад̣̇ийнам̣ д̇ин̣н̣ам̣ ад̇т̇анаяаанам̣ гамо взд̣̇ид̇аб̣б̣о. уг̇гхадид̇ан̃н̃уаад̣̇аяо хи д̇аяо взнзяяаа нанд̣̇ияааваддаад̣̇аяо баяож̇знд̇и. д̇асмаа д̇з уд̣̇д̣̇зсанид̣̇д̣̇зсабадинид̣̇д̣̇зсаа вияа яат̇ааггамам̣ д̇зсам̣ убагаарааяа савам̣д̇д̇анд̇ийд̇и. д̇ат̇аа хи нзсам̣ жад̇д̇ааро ча адта жа муулабад̣̇аа нид̣̇д̣̇идтаа. ид̇арасса бана наяад̣̇ваяасса ад̇т̇анаяад̇д̇аяасса бхуумияаа ааложанам̣ д̇асса д̇ад̇т̇а самаанаяанан̃жаад̇и иминаа гааран̣зна уд̣̇д̣̇зсаггамо взд̣̇ид̇аб̣б̣о. на хи саггаа анологзд̇ваа самаанзд̇унд̇и.

    Nayānaṃ pana veneyyattayappayojitattā atthanayattayūpadesassa tadanukkameneva nandiyāvaṭṭādīnaṃ tiṇṇaṃ atthanayānaṃ kamo veditabbo. Ugghaṭitaññuādayo hi tayo veneyyā nandiyāvaṭṭādayo payojenti. Tasmā te uddesaniddesapaṭiniddesā viya yathākkamaṃ tesaṃ upakārāya savaṃttantīti. Tathā hi nesaṃ cattāro cha aṭṭha ca mūlapadā niddiṭṭhā. Itarassa pana nayadvayassa atthanayattayassa bhūmiyā ālocanaṃ tassa tattha samānayanañcāti iminā kāraṇena uddesakkamo veditabbo. Na hi sakkā anoloketvā samānetunti.

    зд̇абарамад̇аа жа хаараанам̣ зд̇д̇агзхи багаарависзсзхи ад̇т̇анаяад̇д̇аяасахид̇зхи суд̇д̇асса ад̇т̇о нид̣̇д̇хаарияамаано взнзяяаанам̣ аламануд̇д̇арааяа батамааяа бхуумияаа самад̇хиг̇амааяаад̇и взд̣̇ид̇аб̣б̣о. д̣̇ассанабхуумисамануббад̇д̇иад̇т̇аа хи нзд̇д̇иббагаран̣ад̣̇зсанаад̇и. ат̇а ваа зд̇ад̣̇анд̇ог̇ад̇хад̇д̇аа саб̣б̣зсам̣ суд̇д̇асса сам̣ван̣н̣анаависзсаанам̣ зд̇д̇аавад̇аа хаараанам̣ д̣̇адтаб̣б̣аа. яад̇д̇агаа хи суд̇д̇асса сам̣ван̣н̣анаависзсаа, саб̣б̣з д̇з нзд̇д̇иубад̣̇зсааяад̇д̇аад̇и вуд̇д̇овааяамад̇т̇о.

    Etaparamatā ca hārānaṃ ettakehi pakāravisesehi atthanayattayasahitehi suttassa attho niddhāriyamāno veneyyānaṃ alamanuttarāya paṭhamāya bhūmiyā samadhigamāyāti veditabbo. Dassanabhūmisamanuppattiatthā hi nettippakaraṇadesanāti. Atha vā etadantogadhattā sabbesaṃ suttassa saṃvaṇṇanāvisesānaṃ ettāvatā hārānaṃ daṭṭhabbā. Yattakā hi suttassa saṃvaṇṇanāvisesā, sabbe te nettiupadesāyattāti vuttovāyamattho.

    д̇ат̇аа хи яз гзжи суд̇д̇асса сам̣ван̣н̣анаабагаараа нид̣̇д̣̇исийяанд̇и. сзяяат̇ид̣̇ам̣ – суд̇д̇асса самудтаанам̣ вад̇д̇аб̣б̣ам̣, ад̇хиббааяо вибхаавзд̇аб̣б̣о, анзгад̇хаа бад̣̇ад̇т̇о сам̣ван̣н̣зд̇аб̣б̣о, вид̇хи ануваад̣̇о жа взд̣̇ид̇аб̣б̣о, вирод̇хо самаад̇хаад̇аб̣б̣о, анусанд̇хияаа ануруубам̣ ниг̇амзд̇аб̣б̣анд̇и. д̇ат̇аа суд̇д̇асса баяож̇анам̣ бин̣д̣ад̇т̇о бад̣̇ад̇т̇о анусанд̇хи жод̣̇анаа барихааро жа ад̇т̇ам̣ вад̣̇анд̇зна вад̇д̇аб̣б̣аад̇и. д̇ат̇аа убог̇гхаадабад̣̇авиг̇г̇ахабад̣̇ад̇т̇ажааланаабажжубадтаанаани вад̇д̇аб̣б̣аанийд̇и.

    Tathā hi ye keci suttassa saṃvaṇṇanāpakārā niddisīyanti. Seyyathidaṃ – suttassa samuṭṭhānaṃ vattabbaṃ, adhippāyo vibhāvetabbo, anekadhā padattho saṃvaṇṇetabbo, vidhi anuvādo ca veditabbo, virodho samādhātabbo, anusandhiyā anurūpaṃ nigametabbanti. Tathā suttassa payojanaṃ piṇḍattho padattho anusandhi codanā parihāro ca atthaṃ vadantena vattabbāti. Tathā upogghāṭapadaviggahapadatthacālanāpaccupaṭṭhānāni vattabbānīti.

    д̇ат̇аа д̇иссо гат̇аа зганаал̣игаа жад̇урассаа нисиннавад̇д̇игаа. д̇ад̇т̇а баал̣им̣ вад̇ваа згзгабад̣̇асса ад̇т̇агат̇анам̣ зганаал̣игаа наама.

    Tathā tisso kathā ekanāḷikā caturassā nisinnavattikā. Tattha pāḷiṃ vatvā ekekapadassa atthakathanaṃ ekanāḷikā nāma.

    бадибагкам̣ д̣̇ассзд̇ваа бадибагкасса убамам̣ д̣̇ассзд̇ваа сабагкам̣ д̣̇ассзд̇ваа сабагкасса убамам̣ д̣̇ассзд̇ваа гат̇анам̣ жад̇урассаа наама.

    Paṭipakkhaṃ dassetvā paṭipakkhassa upamaṃ dassetvā sapakkhaṃ dassetvā sapakkhassa upamaṃ dassetvā kathanaṃ caturassā nāma.

    висабхааг̇ад̇хаммавасзнзва барияосаанам̣ г̇анд̇ваа буна сабхааг̇ад̇хаммавасзнзва барияосаанаг̇аманам̣ нисиннавад̇д̇игаа наама.

    Visabhāgadhammavaseneva pariyosānaṃ gantvā puna sabhāgadhammavaseneva pariyosānagamanaṃ nisinnavattikā nāma.

    бхзд̣̇агат̇ааяа д̇ад̇вагат̇ааяа барияааяаважанзхи жа суд̇д̇ам̣ сам̣ван̣н̣зд̇аб̣б̣анд̇и жа звамаад̣̇аяо. д̇зсамби зд̇т̇зва аварод̇хо, яасмаа д̇з ид̇ха гад̇ибаяахаарасан̇г̇ахид̇аад̇и.

    Bhedakathāya tatvakathāya pariyāyavacanehi ca suttaṃ saṃvaṇṇetabbanti ca evamādayo. Tesampi ettheva avarodho, yasmā te idha katipayahārasaṅgahitāti.

    наяаанам̣ бана яасмаа уг̇гхадид̇ан̃н̃уаад̣̇аяо д̇аяо зва взнзяяаа сажжаабхисамаяабхааг̇ино д̇ад̣̇ад̇т̇ааяа жа ад̇т̇анаяад̣̇зсанаа, д̇асмаа сад̇иби сам̣гилзсавод̣̇аанад̇хаммаанам̣ яат̇аавуд̇д̇амуулабад̣̇абхзд̣̇ад̇о вад̣дхзд̇ваа вибхаж̇ид̇аб̣б̣аббагаарз д̇ат̇аа муулабад̣̇аани авад̣дхзд̇ваа взнзяяад̇д̇аяавасзнзва зд̇абарамад̇аа вуд̇д̇аа. навасу навасу зва хи муулабад̣̇зсу саб̣б̣зсам̣ сам̣гилзсавод̣̇аанад̇хаммаанам̣ анд̇ог̇ад̇хабхаавад̇о на д̇аани вад̣дхзд̇аб̣б̣аани взнзяяад̇д̇аяаад̇хигаарад̇о на хаабзд̇аб̣б̣аанийд̇и наяаанам̣ зд̇абарамад̇аа д̣̇адтаб̣б̣аа.

    Nayānaṃ pana yasmā ugghaṭitaññuādayo tayo eva veneyyā saccābhisamayabhāgino tadatthāya ca atthanayadesanā, tasmā satipi saṃkilesavodānadhammānaṃ yathāvuttamūlapadabhedato vaḍḍhetvā vibhajitabbappakāre tathā mūlapadāni avaḍḍhetvā veneyyattayavaseneva etaparamatā vuttā. Navasu navasu eva hi mūlapadesu sabbesaṃ saṃkilesavodānadhammānaṃ antogadhabhāvato na tāni vaḍḍhetabbāni veneyyattayādhikārato na hāpetabbānīti nayānaṃ etaparamatā daṭṭhabbā.

    гамманаяаанам̣ бана ааложанасамаанаяанад̇о ан̃н̃асса багааранд̇арасса асамбхавад̇о зд̇абарамад̇аа. хзд̇ваад̣̇ийд̇и зд̇т̇а аад̣̇исад̣̇д̣̇зна палабхуумиубанисаасабхааг̇ависабхааг̇алагкан̣анаяаад̣̇аяо бариг̇г̇ахид̇аа. д̇зсу хзд̇ууд̇и гааран̣ам̣, яо д̇хаммод̇иби вужжад̇и, со бана бажжаяабхаавзна згавид̇хо. гаараго самбаабагод̇и д̣̇увид̇хо. буна гаараго н̃аабаго самбаабагод̇и д̇ивид̇хо. хзд̇ухзд̇у бажжаяахзд̇у уд̇д̇амахзд̇у саад̇хааран̣ахзд̇ууд̇и жад̇уб̣б̣ид̇хо. бажжаяад̇хаммо гусало агусало сад̣̇д̣̇о арияамаг̇г̇од̇и бан̃жавид̇хо. д̇ат̇аа сабхааг̇ахзд̇у асабхааг̇ахзд̇у аж̇жхад̇д̇игахзд̇у б̣аахирахзд̇у ж̇анагахзд̇у бариг̇г̇аахагахзд̇у саад̇хааран̣ахзд̇у асаад̇хааран̣ахзд̇у самананд̇арахзд̇у барамбарахзд̇у сахаж̇аад̇ахзд̇у асахаж̇аад̇ахзд̇у саасавахзд̇у анаасавахзд̇ууд̇иаад̣̇инаа анзгавид̇хо жаад̇и взд̣̇ид̇аб̣б̣о.

    Kammanayānaṃ pana ālocanasamānayanato aññassa pakārantarassa asambhavato etaparamatā. Hetvādīti ettha ādisaddena phalabhūmiupanisāsabhāgavisabhāgalakkhaṇanayādayo pariggahitā. Tesu hetūti kāraṇaṃ, yo dhammotipi vuccati, so pana paccayabhāvena ekavidho. Kārako sampāpakoti duvidho. Puna kārako ñāpako sampāpakoti tividho. Hetuhetu paccayahetu uttamahetu sādhāraṇahetūti catubbidho. Paccayadhammo kusalo akusalo saddo ariyamaggoti pañcavidho. Tathā sabhāgahetu asabhāgahetu ajjhattikahetu bāhirahetu janakahetu pariggāhakahetu sādhāraṇahetu asādhāraṇahetu samanantarahetu paramparahetu sahajātahetu asahajātahetu sāsavahetu anāsavahetūtiādinā anekavidho cāti veditabbo.

    паламби бажжаяуббаннабхаавзна згавид̇хам̣. ад̇хиг̇анд̇аб̣б̣ад̇оби самбаабагахзд̇увасзна палабарияааяо лаб̣бхад̇ийд̇и ниб̣б̣ад̇д̇зд̇аб̣б̣аад̇хиг̇анд̇аб̣б̣абхаавад̇о д̣̇увид̇хам̣. н̃аабзд̇аб̣б̣аниб̣б̣ад̇д̇зд̇аб̣б̣абад̇д̇аб̣б̣ад̇о д̇ивид̇хам̣. бажжаяуббаннавибаагагирияааважанад̇т̇аниб̣б̣аанавасзна бан̃жавид̇хам̣. сабхааг̇ахзд̇униб̣б̣ад̇д̇ам̣ асабхааг̇ахзд̇униб̣б̣ад̇д̇анд̇и звамаад̣̇ивасзна анзгавид̇хан̃жаад̇и взд̣̇ид̇аб̣б̣ам̣. д̇ат̇аа логияам̣ логуд̇д̇аранд̇и. д̇ад̇т̇а логуд̇д̇арам̣ жад̇д̇аари сааман̃н̃апалаани. логияапалам̣ д̣̇увид̇хам̣ гааяигам̣ маанасан̃жа . д̇ад̇т̇а гааяигам̣ бан̃жад̣̇вааригам̣, авасидтам̣ маанасам̣. яан̃жа д̇ааяа д̇ааяа суд̇д̇ад̣̇зсанааяа саад̇хзд̇аб̣б̣ам̣, д̇ад̣̇аби паланд̇и.

    Phalampi paccayuppannabhāvena ekavidhaṃ. Adhigantabbatopi sampāpakahetuvasena phalapariyāyo labbhatīti nibbattetabbaadhigantabbabhāvato duvidhaṃ. Ñāpetabbanibbattetabbapattabbato tividhaṃ. Paccayuppannavipākakiriyāvacanatthanibbānavasena pañcavidhaṃ. Sabhāgahetunibbattaṃ asabhāgahetunibbattanti evamādivasena anekavidhañcāti veditabbaṃ. Tathā lokiyaṃ lokuttaranti. Tattha lokuttaraṃ cattāri sāmaññaphalāni. Lokiyaphalaṃ duvidhaṃ kāyikaṃ mānasañca . Tattha kāyikaṃ pañcadvārikaṃ, avasiṭṭhaṃ mānasaṃ. Yañca tāya tāya suttadesanāya sādhetabbaṃ, tadapi phalanti.

    бхуумийд̇и саасавабхууми анаасавабхууми сан̇кад̇абхууми асан̇кад̇абхууми д̣̇ассанабхууми бхааванаабхууми бут̇уж̇ж̇анабхууми сзгкабхууми асзгкабхууми саавагабхууми бажжзгаб̣уд̣̇д̇хабхууми саммаасамб̣уд̣̇д̇хабхууми жхаанабхууми асамаахид̇абхууми бадибаж̇ж̇амаанабхууми бадибаннабхууми батамаабхууми яаава жад̇уд̇т̇ийбхууми гаамааважарабхууми яаава логуд̇д̇арабхуумийд̇и б̣ахувид̇хаа. д̇ад̇т̇а саасавабхууми барид̇д̇амахаг̇г̇ад̇аа д̇хаммаа. анаасавабхууми аббамаан̣аа д̇хаммаа. сан̇кад̇абхууми ниб̣б̣аанаваж̇ж̇аа саб̣б̣з сабхаавад̇хаммаа. асан̇кад̇абхууми аббажжаяаа д̇хаммаа. д̣̇ассанабхууми батамамаг̇г̇апалад̇хаммаа. бхааванаабхууми авасидтамаг̇г̇апалад̇хаммаа. бут̇уж̇ж̇анабхууми хийнамаж̇жхимаа д̇хаммаа. сзгкабхууми жад̇д̇ааро арияамаг̇г̇ад̇хаммаа хздтимаа жа д̇аяо палад̇хаммаа. асзгкабхууми аг̇г̇апалад̇хаммаа. саавагабажжзгаб̣уд̣̇д̇хаб̣уд̣̇д̇хад̇хаммаа саавагаад̣̇ибхуумияо. жхаанабхууми жхаанад̇хаммаа. асамаахид̇абхууми жхаанаваж̇ж̇ид̇аа д̇хаммаа. бадибаж̇ж̇амаанабхууми маг̇г̇ад̇хаммаа. бадибаннабхууми палад̇хаммаа. батамаад̣̇ибхуумияо саха палзна жад̇д̇ааро маг̇г̇аа абарияаабаннаа д̇хаммаа ‘‘батамааяа бхуумияаа бад̇д̇ияаа’’д̇иаад̣̇иважанад̇о. гаамааважараад̣̇ибхуумияо гаамааважараад̣̇ид̇хаммаа. яз жа д̇хаммаа д̇зсам̣ д̇зсам̣ хааранаяаанам̣ бад̇идтаанабхаавзна суд̇д̇зсу нид̣̇д̇хаарийяанд̇и, д̇зби бхуумияод̇и вин̃н̃аад̇аб̣б̣аа.

    Bhūmīti sāsavabhūmi anāsavabhūmi saṅkhatabhūmi asaṅkhatabhūmi dassanabhūmi bhāvanābhūmi puthujjanabhūmi sekkhabhūmi asekkhabhūmi sāvakabhūmi paccekabuddhabhūmi sammāsambuddhabhūmi jhānabhūmi asamāhitabhūmi paṭipajjamānabhūmi paṭipannabhūmi paṭhamābhūmi yāva catutthībhūmi kāmāvacarabhūmi yāva lokuttarabhūmīti bahuvidhā. Tattha sāsavabhūmi parittamahaggatā dhammā. Anāsavabhūmi appamāṇā dhammā. Saṅkhatabhūmi nibbānavajjā sabbe sabhāvadhammā. Asaṅkhatabhūmi appaccayā dhammā. Dassanabhūmi paṭhamamaggaphaladhammā. Bhāvanābhūmi avasiṭṭhamaggaphaladhammā. Puthujjanabhūmi hīnamajjhimā dhammā. Sekkhabhūmi cattāro ariyamaggadhammā heṭṭhimā ca tayo phaladhammā. Asekkhabhūmi aggaphaladhammā. Sāvakapaccekabuddhabuddhadhammā sāvakādibhūmiyo. Jhānabhūmi jhānadhammā. Asamāhitabhūmi jhānavajjitā dhammā. Paṭipajjamānabhūmi maggadhammā. Paṭipannabhūmi phaladhammā. Paṭhamādibhūmiyo saha phalena cattāro maggā apariyāpannā dhammā ‘‘paṭhamāya bhūmiyā pattiyā’’tiādivacanato. Kāmāvacarādibhūmiyo kāmāvacarādidhammā. Ye ca dhammā tesaṃ tesaṃ hāranayānaṃ patiṭṭhānabhāvena suttesu niddhārīyanti, tepi bhūmiyoti viññātabbā.

    убанисаад̇и б̣алавагааран̣ам̣, яо убаниссаяабажжаяод̇и вужжад̇и. яан̃жа санд̇хааяа суд̇д̇з ‘‘д̣̇угкуубанисаа сад̣̇д̇хаа сад̣̇д̇хуубанисам̣ ‘сийла’нд̇и яаава вимуд̇д̇уубанисам̣ вимуд̇д̇ин̃аан̣ад̣̇ассана’’нд̇и вуд̇д̇ам̣. аби жа убанисаад̇и д̇асмим̣ д̇асмим̣ самаяз сид̣̇д̇ханд̇з хад̣̇аяабхууд̇ам̣ аб̣бханд̇арам̣ вужжад̇и. ид̇хааби нзд̇д̇ихад̣̇аяам̣, яам̣ саммаа бариг̇г̇ан̣ханд̇аа д̇хаммагат̇игаа д̇асмим̣ д̇асмим̣ суд̇д̇з ааг̇ад̇ад̇хаммамукзна саб̣б̣ахааранаяаяож̇анааяа самад̇т̇аа хонд̇и. гим̣ банзд̇ам̣ нзд̇д̇ихад̣̇аяам̣? яад̣̇ид̣̇ам̣ зд̇ассзва д̇зд̇д̇им̣савид̇хасса багаран̣абад̣̇ад̇т̇асол̣асасса адтавийсад̇ивид̇хабадтаанавибхан̇г̇асахид̇асса висаяо саха нимид̇д̇авибхааг̇зна асан̇гарад̇о вавад̇т̇ид̇о.

    Upanisāti balavakāraṇaṃ, yo upanissayapaccayoti vuccati. Yañca sandhāya sutte ‘‘dukkhūpanisā saddhā saddhūpanisaṃ ‘sīla’nti yāva vimuttūpanisaṃ vimuttiñāṇadassana’’nti vuttaṃ. Api ca upanisāti tasmiṃ tasmiṃ samaye siddhante hadayabhūtaṃ abbhantaraṃ vuccati. Idhāpi nettihadayaṃ, yaṃ sammā pariggaṇhantā dhammakathikā tasmiṃ tasmiṃ sutte āgatadhammamukhena sabbahāranayayojanāya samatthā honti. Kiṃ panetaṃ nettihadayaṃ? Yadidaṃ etasseva tettiṃsavidhassa pakaraṇapadatthasoḷasassa aṭṭhavīsatividhapaṭṭhānavibhaṅgasahitassa visayo saha nimittavibhāgena asaṅkarato vavatthito.

    сзяяат̇ид̣̇ам̣ – д̣̇зсанаахаарасса ассаад̣̇аад̣̇аяо висаяо, д̇асса ассаад̣̇аад̣̇ивибхааваналагкан̣ад̇д̇аа. д̇асса ассаад̣̇о сукам̣ соманассанд̇и звамаад̣̇ивибхааг̇о, д̇асса нимид̇д̇ам̣ идтаарамман̣аад̣̇и, аяан̃жа ад̇т̇о д̣̇зсанаахааравижаяахааранид̣̇д̣̇зсаван̣н̣анааяам̣ вид̇т̇аарад̇о багаасид̇о зва. суд̇д̇з ааг̇ад̇ад̇хаммасса сабхааг̇ависабхааг̇ад̇хаммаавадданависаяо ааваддахааро, д̇ад̣̇убхаяааавадданалагкан̣ад̇д̇аа. суд̇д̇з ааг̇ад̇ад̇хаммаанам̣ бажжанийгад̇хаммависаяо баривад̇д̇анахааро, бадибагкад̇хаммабаривад̇д̇аналагкан̣ад̇д̇аа. бад̣̇адтаанабаригкаарзсу аасаннагааран̣ам̣ убаниссаяагааран̣ан̃жа бад̣̇адтаанам̣, хзд̇у баригкаарод̇и аяамзд̇зсам̣ висзсо.

    Seyyathidaṃ – desanāhārassa assādādayo visayo, tassa assādādivibhāvanalakkhaṇattā. Tassa assādo sukhaṃ somanassanti evamādivibhāgo, tassa nimittaṃ iṭṭhārammaṇādi, ayañca attho desanāhāravicayahāraniddesavaṇṇanāyaṃ vitthārato pakāsito eva. Sutte āgatadhammassa sabhāgavisabhāgadhammāvaṭṭanavisayo āvaṭṭahāro, tadubhayaāvaṭṭanalakkhaṇattā. Sutte āgatadhammānaṃ paccanīkadhammavisayo parivattanahāro, paṭipakkhadhammaparivattanalakkhaṇattā. Padaṭṭhānaparikkhāresu āsannakāraṇaṃ upanissayakāraṇañca padaṭṭhānaṃ, hetu parikkhāroti ayametesaṃ viseso.

    сабхааг̇ависабхааг̇ад̇хаммаа жа д̇зсам̣ д̇зсам̣ д̇хаммаанам̣ анугуулабадигуулад̇хаммаа яат̇ааггамам̣ взд̣̇ид̇аб̣б̣аа. яат̇аа – саммаад̣̇идтияаа саммаасан̇габбо сабхааг̇о, мижчаасан̇габбо висабхааг̇од̇и иминаа наязна саб̣б̣ам̣ сабхааг̇ависабхааг̇ад̇о взд̣̇ид̇аб̣б̣ам̣.

    Sabhāgavisabhāgadhammā ca tesaṃ tesaṃ dhammānaṃ anukūlapaṭikūladhammā yathākkamaṃ veditabbā. Yathā – sammādiṭṭhiyā sammāsaṅkappo sabhāgo, micchāsaṅkappo visabhāgoti iminā nayena sabbaṃ sabhāgavisabhāgato veditabbaṃ.

    лагкан̣анд̇и сабхааво. со хааранаяаанам̣ нид̣̇д̣̇зсз вибхаавид̇о зва.

    Lakkhaṇanti sabhāvo. So hāranayānaṃ niddese vibhāvito eva.

    яам̣ банзд̇ам̣ хзд̇уаад̣̇ивисзсавинимуд̇д̇ам̣ хааранаяаанам̣ яож̇анааниб̣анд̇ханам̣, со наяо. яат̇ааха – лагкан̣ахаарз ‘‘звам̣ яз д̇хаммаа згалагкан̣аа гижжад̇о жа лагкан̣ад̇о жа сааман̃н̃ад̇о жаа’’д̇иаад̣̇и. д̇ат̇аа вижаязна хаарзна вижинид̇ваа яуд̇д̇ихаарзна яож̇зд̇аб̣б̣аад̇и. д̇ат̇аа сод̇ханахаараад̣̇ийсу суд̣̇д̇хо аарамбхо ход̇и, со бан̃хо виссаж̇ж̇ид̇о бхавад̇ийд̇и звамаад̣̇и. згад̇д̇аад̣̇аяоби наяаа ид̇ха наяод̇и г̇ахзд̇аб̣б̣аа.

    Yaṃ panetaṃ hetuādivisesavinimuttaṃ hāranayānaṃ yojanānibandhanaṃ, so nayo. Yathāha – lakkhaṇahāre ‘‘evaṃ ye dhammā ekalakkhaṇā kiccato ca lakkhaṇato ca sāmaññato cā’’tiādi. Tathā vicayena hārena vicinitvā yuttihārena yojetabbāti. Tathā sodhanahārādīsu suddho ārambho hoti, so pañho vissajjito bhavatīti evamādi. Ekattādayopi nayā idha nayoti gahetabbā.

    звам̣ хзд̇упалаад̣̇ийни убад̇хаарзд̇ваа нзсам̣ васзна д̇ад̇т̇а д̇ад̇т̇а суд̇д̇з лаб̣бхамаанабад̣̇ад̇т̇анид̣̇д̇хааран̣амукзна яат̇аалагкан̣ам̣ зд̇з хаараа наяаа жа яож̇зд̇аб̣б̣аа. висзсад̇о бана бад̣̇адтаанабаригкаараа хзд̇увасзна. д̣̇зсанаавижаяажад̇уб̣яуухасамааробанаа хзд̇упалавасзна. д̇ат̇аа взважанабан̃н̃ад̇д̇иод̇аран̣асод̇ханаа палавасзнзваад̇и гзжи. вибхад̇д̇и хзд̇убхуумивасзна. баривад̇д̇о висабхааг̇авасзна. ааваддо сабхааг̇ависабхааг̇авасзна. лагкан̣аяуд̇д̇иад̇хидтаанаа наяавасзна яож̇зд̇аб̣б̣аад̇и. зд̇д̇аавад̇аа жа яам̣ вуд̇д̇ам̣ –

    Evaṃ hetuphalādīni upadhāretvā nesaṃ vasena tattha tattha sutte labbhamānapadatthaniddhāraṇamukhena yathālakkhaṇaṃ ete hārā nayā ca yojetabbā. Visesato pana padaṭṭhānaparikkhārā hetuvasena. Desanāvicayacatubyūhasamāropanā hetuphalavasena. Tathā vevacanapaññattiotaraṇasodhanā phalavasenevāti keci. Vibhatti hetubhūmivasena. Parivatto visabhāgavasena. Āvaṭṭo sabhāgavisabhāgavasena. Lakkhaṇayuttiadhiṭṭhānā nayavasena yojetabbāti. Ettāvatā ca yaṃ vuttaṃ –

    ‘‘сааман̃н̃ад̇о висзсзна, бад̣̇ад̇т̇о лагкан̣ам̣ гамо;

    ‘‘Sāmaññato visesena, padattho lakkhaṇaṃ kamo;

    зд̇д̇аавад̇аа жа хзд̇ваад̣̇ий, взд̣̇ид̇аб̣б̣аа хи вин̃н̃унаа’’д̇и.

    Ettāvatā ca hetvādī, veditabbā hi viññunā’’ti.

    аяам̣ г̇аат̇аа вуд̇д̇ад̇т̇аа ход̇и.

    Ayaṃ gāthā vuttatthā hoti.

    нид̣̇д̣̇зсаваараван̣н̣анаа нидтид̇аа.

    Niddesavāravaṇṇanā niṭṭhitā.




    Next: 4. бадинид̣̇д̣̇зсаваараван̣н̣анаа • 4. Paṭiniddesavāravaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 3. нид̣̇д̣̇зсавааро • 3. Niddesavāro

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. нид̣̇д̣̇зсаваараван̣н̣анаа • 3. Niddesavāravaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 3. нид̣̇д̣̇зсаваараад̇т̇авибхааванаа • 3. Niddesavāraatthavibhāvanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact