| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
ниг̇аманагат̇аа
Nigamanakathā
зд̇д̇аавад̇аа жа яам̣ вуд̇д̇ам̣ –
Ettāvatā ca yaṃ vuttaṃ –
‘‘уд̇д̇амам̣ ванд̣̇анзяяаанам̣, ванд̣̇ид̇ваа рад̇анад̇д̇аяам̣;
‘‘Uttamaṃ vandaneyyānaṃ, vanditvā ratanattayaṃ;
яо куд̣̇д̣̇аганигааяамхи, куд̣̇д̣̇аажаараббахааяинаа.
Yo khuddakanikāyamhi, khuddācārappahāyinā.
‘‘д̣̇зсид̇о логанаат̇зна, логанид̇т̇аран̣зсинаа;
‘‘Desito lokanāthena, lokanittharaṇesinā;
д̇асса суд̇д̇анибаад̇асса, гариссаамад̇т̇аван̣н̣ана’’нд̇и.
Tassa suttanipātassa, karissāmatthavaṇṇana’’nti.
зд̇т̇а ураг̇аваг̇г̇аад̣̇ибан̃жаваг̇г̇асан̇г̇ахид̇асса ураг̇асуд̇д̇аад̣̇исад̇д̇ад̇исуд̇д̇аббабхзд̣̇асса суд̇д̇анибаад̇асса ад̇т̇аван̣н̣анаа гад̇аа ход̇и. д̇знзд̇ам̣ вужжад̇и –
Ettha uragavaggādipañcavaggasaṅgahitassa uragasuttādisattatisuttappabhedassa suttanipātassa atthavaṇṇanā katā hoti. Tenetaṃ vuccati –
‘‘имам̣ суд̇д̇анибаад̇асса, гаронд̇знад̇т̇аван̣н̣анам̣;
‘‘Imaṃ suttanipātassa, karontenatthavaṇṇanaṃ;
сад̣̇д̇хаммадтид̇игаамзна, яам̣ бад̇д̇ам̣ гусалам̣ маяаа.
Saddhammaṭṭhitikāmena, yaṃ pattaṃ kusalaṃ mayā.
‘‘д̇ассаанубхаавад̇о киббам̣, д̇хаммз арияаббавзд̣̇ид̇з;
‘‘Tassānubhāvato khippaṃ, dhamme ariyappavedite;
вуд̣дхим̣ вируул̣хим̣ взбуллам̣, баабун̣аад̇у аяам̣ ж̇ано’’д̇и.
Vuḍḍhiṃ virūḷhiṃ vepullaṃ, pāpuṇātu ayaṃ jano’’ti.
(барияад̇д̇иббамаан̣ад̇о жад̇ужад̇д̇аалийсамад̇д̇аа бхаан̣аваараа.)
(Pariyattippamāṇato catucattālīsamattā bhāṇavārā.)
барамависуд̣̇д̇хасад̣̇д̇хааб̣уд̣̇д̇хивийрияаббадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа чал̣абхин̃н̃аабадисамбхид̣̇аад̣̇иббабхзд̣̇аг̇ун̣абадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ барамад̇т̇аж̇од̇игаа наама суд̇д̇анибаад̇а-адтагат̇аа –
Paramavisuddhasaddhābuddhivīriyappaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā chaḷabhiññāpaṭisambhidādippabhedaguṇapaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ paramatthajotikā nāma suttanipāta-aṭṭhakathā –
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ бан̃н̃аависуд̣̇д̇хияаа.
Dassentī kulaputtānaṃ, nayaṃ paññāvisuddhiyā.
яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
Yāva buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
суд̇д̇анибаад̇а-ад̇т̇аван̣н̣анаа нидтид̇аа.
Suttanipāta-atthavaṇṇanā niṭṭhitā.
