| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
рад̇анабун̣н̣анаамасса, бурасса рааж̇ад̇хаанияаа;
Ratanapuṇṇanāmassa, purassa rājadhāniyā;
д̣̇агкин̣з мунируубасса, ийсам̣баажийнаниссид̇з.
Dakkhiṇe munirūpassa, īsaṃpācīnanissite.
яо вихааро сабаасаад̣̇о, гаарид̇о рааж̇ад̣̇звияаа;
Yo vihāro sapāsādo, kārito rājadeviyā;
яаа васад̇аа маяаа д̇ад̇ра, гад̇аа баажид̇яаад̣̇ияож̇анаа.
Yā vasatā mayā tatra, katā pācityādiyojanā.
маабид̇арад̇набун̣н̣асса, сад̇д̇арасзва рааж̇ино;
Māpitaratnapuṇṇassa, sattaraseva rājino;
ж̇аяавассздтаарасамхи, самбад̇д̇зяам̣ сунидтид̇аа.
Jayavasseṭṭhārasamhi, sampatteyaṃ suniṭṭhitā.
‘‘рад̇анабун̣н̣аа’’д̇ивхаяасса рааж̇ад̇хаанийнаг̇арасса д̣̇агкин̣асмим̣ д̣̇исаабхааг̇з бан̃жаяож̇анаббамаан̣з таанз д̣̇вийхи махаад̇ал̣аагзхи сусобхид̇асса мид̇хиланааманаг̇арасса бурад̇т̇имасмим̣ д̣̇исаабхааг̇з д̣̇ияад̣дхаг̇аавуд̇аббамаан̣з таанз анзгад̇аалабанд̇ийхи сусобхид̇о жад̇уннам̣ гулаанам̣ раман̣ийяабхууд̇о ‘‘гапруу’’ ид̇и вохарид̇о яо со махааг̇аамо бад̇идтид̇о, д̇ад̇т̇а бадисанд̇хияаа ж̇аад̇зна сийлаад̣̇иг̇ун̣зхи басам̣сид̇зна ‘‘ж̇ааг̇аро’’д̇и г̇аруухи г̇ахид̇анаамад̇хзяязна д̇игкад̇д̇ум̣ рааж̇уухи рааж̇амуд̣̇д̣̇инаа лан̃чид̇зна мз гад̇ааяам̣ баажид̇яаад̣̇иван̣н̣анааяа яож̇анаа самбад̇д̇з ж̇инажаггз д̇зрасаад̇хигажад̇увассасад̇аад̇хигам̣ д̣̇висахассам̣, саггарааж̇з бана згад̇им̣саад̇хигад̣̇вивассасад̇аад̇хигам̣ сахассам̣ г̇имхаанз ж̇здтамаасз ж̇ун̣хабагкасса бан̃жамз суггаваарз нидтам̣ бад̇д̇аа анааяаасзнаад̇и.
‘‘Ratanapuṇṇā’’tivhayassa rājadhānīnagarassa dakkhiṇasmiṃ disābhāge pañcayojanappamāṇe ṭhāne dvīhi mahātaḷākehi susobhitassa midhilanāmanagarassa puratthimasmiṃ disābhāge diyaḍḍhagāvutappamāṇe ṭhāne anekatālapantīhi susobhito catunnaṃ kulānaṃ ramaṇīyabhūto ‘‘kaphrū’’ iti voharito yo so mahāgāmo patiṭṭhito, tattha paṭisandhiyā jātena sīlādiguṇehi pasaṃsitena ‘‘jāgaro’’ti garūhi gahitanāmadheyyena tikkhattuṃ rājūhi rājamuddinā lañchitena me katāyaṃ pācityādivaṇṇanāya yojanā sampatte jinacakke terasādhikacatuvassasatādhikaṃ dvisahassaṃ, sakkarāje pana ekatiṃsādhikadvivassasatādhikaṃ sahassaṃ gimhāne jeṭṭhamāse juṇhapakkhassa pañcame sukkavāre niṭṭhaṃ pattā anāyāsenāti.
яож̇анааяа имиссаахам̣, ражанассаанубхаавад̇о;
Yojanāya imissāhaṃ, racanassānubhāvato;
бхавзяяаанзгаж̇аад̇ийсу, бидагад̇д̇аяад̇хаараго.
Bhaveyyānekajātīsu, piṭakattayadhārako.
гусало жубхаяад̇т̇зсу, барисаасу висаарад̣̇о;
Kusalo cubhayatthesu, parisāsu visārado;
самиж̇жханд̇у сусан̇габбаа, маяхан̃жа саб̣б̣абаан̣инам̣.
Samijjhantu susaṅkappā, mayhañca sabbapāṇinaṃ.
ваббаад̣̇иманад̇иггамма, саммаа д̣̇зво бавассад̇у;
Vappādimanatikkamma, sammā devo pavassatu;
ад̇д̇аж̇амива рагканд̇у, рааж̇аано жааби мзд̣̇ининд̇и.
Attajamiva rakkhantu, rājāno cāpi medininti.
ид̇и бхад̣̇анд̇аж̇ааг̇арад̇т̇зрзна гад̇аа
Iti bhadantajāgarattherena katā
баажид̇яаад̣̇иван̣н̣анааяа яож̇анаа самад̇д̇аа.
Pācityādivaṇṇanāya yojanā samattā.
