| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
ниг̇аманагат̇аа
Nigamanakathā
961.
961.
ражид̇о б̣уд̣̇д̇хад̣̇ад̇д̇зна, суд̣̇д̇хажид̇д̇зна д̇хиймад̇аа;
Racito buddhadattena, suddhacittena dhīmatā;
сужирадтид̇игаамзна, саасанасса махзсино.
Suciraṭṭhitikāmena, sāsanassa mahesino.
962.
962.
анд̇арзнанд̇арааяам̣ д̇у, яат̇аа сид̣̇д̇химубааг̇ад̇о;
Antarenantarāyaṃ tu, yathā siddhimupāgato;
ад̇т̇ад̇о г̇ант̇ад̇о жзва, уд̇д̇арояамануд̇д̇аро.
Atthato ganthato ceva, uttaroyamanuttaro.
963.
963.
д̇ат̇аа сиж̇жханд̇у сан̇габбаа, сад̇д̇аанам̣ д̇хаммасам̣яуд̇аа;
Tathā sijjhantu saṅkappā, sattānaṃ dhammasaṃyutā;
рааж̇аа баад̇у махим̣ саммаа, гаалз д̣̇зво бавассад̇у.
Rājā pātu mahiṃ sammā, kāle devo pavassatu.
964.
964.
яаава д̇идтад̇и сзлинд̣̇о, яаава жанд̣̇о вирожад̇и;
Yāva tiṭṭhati selindo, yāva cando virocati;
д̇аава д̇идтад̇у сад̣̇д̇хаммо, г̇од̇амасса махзсино.
Tāva tiṭṭhatu saddhammo, gotamassa mahesino.
965.
965.
канд̇исоражжасосийляа-б̣уд̣̇д̇хисад̣̇д̇хаад̣̇аяаад̣̇аяо;
Khantisoraccasosīlya-buddhisaddhādayādayo;
бад̇идтид̇аа г̇ун̣аа яасмим̣, рад̇анаанийва сааг̇арз.
Patiṭṭhitā guṇā yasmiṃ, ratanānīva sāgare.
966.
966.
винаяаажаараяуд̇д̇зна, д̇зна саггажжа саад̣̇арам̣;
Vinayācārayuttena, tena sakkacca sādaraṃ;
яаажид̇о сан̇гхабаалзна, т̇зрзна т̇иражзд̇асаа.
Yācito saṅghapālena, therena thiracetasā.
967.
967.
сужирадтид̇игаамзна , винаяасса махзсино;
Suciraṭṭhitikāmena , vinayassa mahesino;
бхигкуунам̣ баадавад̇т̇ааяа, винаяасса винижчаяз.
Bhikkhūnaṃ pāṭavatthāya, vinayassa vinicchaye.
968.
968.
агаасим̣ барамам̣ зд̇ам̣, уд̇д̇арам̣ наама наамад̇о;
Akāsiṃ paramaṃ etaṃ, uttaraṃ nāma nāmato;
саванз саад̣̇арам̣ гад̇ваа, сигкид̇аб̣б̣о д̇ад̇о аяам̣.
Savane sādaraṃ katvā, sikkhitabbo tato ayaṃ.
969.
969.
бан̃н̃аасаад̇хигасан̇кяаани, наваг̇аат̇аасад̇аани хи;
Paññāsādhikasaṅkhyāni, navagāthāsatāni hi;
г̇ан̣анаа уд̇д̇арассааяам̣, чанд̣̇асаанудтубхзна д̇у.
Gaṇanā uttarassāyaṃ, chandasānuṭṭhubhena tu.
970.
970.
г̇аат̇аа жад̇усахассаани, сад̇ан̃жа уунавийсад̇и;
Gāthā catusahassāni, satañca ūnavīsati;
бамаан̣ад̇о имаа вуд̇д̇аа, винаяасса винижчаязд̇и.
Pamāṇato imā vuttā, vinayassa vinicchayeti.
ид̇и д̇амб̣абан̣н̣иязна барамавзяяаагаран̣зна д̇ибидаганаяавид̇хигусалзна барамагавиж̇анахад̣̇аяабад̣̇умаванавигасанагарзна гавиваравасабхзна барамарад̇игараварамад̇хураважануг̇г̇аарзна ураг̇абурзна б̣уд̣̇д̇хад̣̇ад̇д̇зна ражид̇о уд̇д̇аравинижчаяо самад̇д̇од̇и.
Iti tambapaṇṇiyena paramaveyyākaraṇena tipiṭakanayavidhikusalena paramakavijanahadayapadumavanavikasanakarena kavivaravasabhena paramaratikaravaramadhuravacanuggārena uragapurena buddhadattena racito uttaravinicchayo samattoti.
уд̇д̇аравинижчаяо нидтид̇о.
Uttaravinicchayo niṭṭhito.
