| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਨਿਗਮਨਕਥਾવਣ੍ਣਨਾ
Nigamanakathāvaṇṇanā
ਅવਸਾਨਗਾਥਾਸੁ ਪਨ ਅਯਮਤ੍ਥੋ। વਿਭਤ੍ਤਦੇਸਨਨ੍ਤਿ ਉਭਤੋવਿਭਙ੍ਗਖਨ੍ਧਕਪਰਿવਾਰੇਹਿ વਿਭਤ੍ਤਦੇਸਨਂ વਿਨਯਪਿਟਕਨ੍ਤਿ ਯੋਜੇਤਬ੍ਬਂ। ਤਸ੍ਸਾਤਿ ਤਸ੍ਸ વਿਨਯਸ੍ਸ।
Avasānagāthāsu pana ayamattho. Vibhattadesananti ubhatovibhaṅgakhandhakaparivārehi vibhattadesanaṃ vinayapiṭakanti yojetabbaṃ. Tassāti tassa vinayassa.
ਤਤ੍ਰਿਦਨ੍ਤਿਆਦਿ ਪਠਮਪਾਰਾਜਿਕવਣ੍ਣਨਾਯਂ વੁਤ੍ਤਨਯਮੇવ।
Tatridantiādi paṭhamapārājikavaṇṇanāyaṃ vuttanayameva.
ਸਤ੍ਥੁਮਹਾਬੋਧਿવਿਭੂਸਿਤੋਤਿ ਸਤ੍ਥੁਨਾ ਪਰਿਭੁਤ੍ਤਮਹਾਬੋਧਿવਿਭੂਸਿਤੋ ਮਣ੍ਡਿਤੋ, ਤਸ੍ਸ ਮਹਾવਿਹਾਰਸ੍ਸ ਦਕ੍ਖਿਣਭਾਗੇ ਉਤ੍ਤਮਂ ਯਂ ਪਧਾਨਘਰਨ੍ਤਿ ਸਮ੍ਬਨ੍ਧੋ। ਤਤ੍ਥ ਪਧਾਨਘਰਨ੍ਤਿ ਤਂਨਾਮਕਂ ਪਰਿવੇਣਂ। ਸੁਚਿਚਾਰਿਤ੍ਤਸੀਲੇਨ, ਭਿਕ੍ਖੁਸਙ੍ਘੇਨ ਸੇવਿਤਨ੍ਤਿ ਇਦਮ੍ਪਿ ਪਧਾਨਘਰવਿਸੇਸਨਂ।
Satthumahābodhivibhūsitoti satthunā paribhuttamahābodhivibhūsito maṇḍito, tassa mahāvihārassa dakkhiṇabhāge uttamaṃ yaṃ padhānagharanti sambandho. Tattha padhānagharanti taṃnāmakaṃ pariveṇaṃ. Sucicārittasīlena, bhikkhusaṅghena sevitanti idampi padhānagharavisesanaṃ.
ਤਤ੍ਥਾਤਿ ਤਸ੍ਮਿਂ ਪਧਾਨਘਰੇ। ਚਾਰੁਪਾਕਾਰਸਞ੍ਚਿਤਨ੍ਤਿ ਮਨਾਪੇਨ ਪਾਕਾਰੇਨ ਪਰਿਕ੍ਖਿਤ੍ਤਂ। ਸੀਤਚ੍ਛਾਯਤਰੂਪੇਤਨ੍ਤਿ ਘਨਨਿਚਿਤਪਤ੍ਤਸਞ੍ਛਨ੍ਨਸਾਖਾਪਸਾਖਤਾਯ ਸੀਤਚ੍ਛਾਯੇਹਿ ਰੁਕ੍ਖੇਹਿ ਉਪੇਤਂ। વਿਕਸਿਤਕਮਲਕੁવਲਯਪੁਣ੍ਡਰੀਕਸੋਗਨ੍ਧਿਕਾਦਿਪੁਪ੍ਫਸਞ੍ਛਨ੍ਨਮਧੁਰਸੀਤਲੁਦਕਪੁਣ੍ਣਤਾਯ ਸਮ੍ਪਨ੍ਨਾ ਸਲਿਲਾਸਯਾ ਅਸ੍ਸਾਤਿ ਸਮ੍ਪਨ੍ਨਸਲਿਲਾਸਯੋ। ਉਦ੍ਦਿਸਿਤ੍વਾਤਿ ਬੁਦ੍ਧਸਿਰਿਂ ਨਾਮ ਥੇਰਂ ਨਿਸ੍ਸਾਯ, ਤਸ੍ਸ ਅਜ੍ਝੇਸਨਂ ਨਿਸ੍ਸਾਯਾਤਿ વੁਤ੍ਤਂ ਹੋਤਿ। ਇਦ੍ਧਾਤਿ ਅਤ੍ਥવਿਨਿਚ੍ਛਯਾਦੀਹਿ ਇਦ੍ਧਾ ਫੀਤਾ ਪਰਿਪੁਣ੍ਣਾ।
Tatthāti tasmiṃ padhānaghare. Cārupākārasañcitanti manāpena pākārena parikkhittaṃ. Sītacchāyatarūpetanti ghananicitapattasañchannasākhāpasākhatāya sītacchāyehi rukkhehi upetaṃ. Vikasitakamalakuvalayapuṇḍarīkasogandhikādipupphasañchannamadhurasītaludakapuṇṇatāya sampannā salilāsayā assāti sampannasalilāsayo. Uddisitvāti buddhasiriṃ nāma theraṃ nissāya, tassa ajjhesanaṃ nissāyāti vuttaṃ hoti. Iddhāti atthavinicchayādīhi iddhā phītā paripuṇṇā.
ਸਿਰਿਨਿવਾਸਸ੍ਸਾਤਿ ਸਿਰਿਯਾ ਨਿવਾਸਟ੍ਠਾਨਭੂਤਸ੍ਸ। ਜਯਸਂવਚ੍ਛਰੇਤਿ ਜਯਪ੍ਪਤ੍ਤਸਂવਚ੍ਛਰੇ। ਅਯਨ੍ਤਿ ਥੇਰਂ ਬੁਦ੍ਧਸਿਰਿਂ ਉਦ੍ਦਿਸ੍ਸ ਯਾ વਿਨਯવਣ੍ਣਨਾ ਆਰਦ੍ਧਾ, ਅਯਂ। ਧਮ੍ਮੂਪਸਂਹਿਤਾਤਿ ਕੁਸਲਸਨ੍ਨਿਸ੍ਸਿਤਾ। ਇਦਾਨਿ ਸਦੇવਕਸ੍ਸ ਲੋਕਸ੍ਸ ਅਚ੍ਚਨ੍ਤਸੁਖਾਧਿਗਮਾਯ ਅਤ੍ਤਨੋ ਪੁਞ੍ਞਂ ਪਰਿਣਾਮੇਨ੍ਤੋ ‘‘ਚਿਰਟ੍ਠਿਤਤ੍ਥ ਧਮ੍ਮਸ੍ਸਾ’’ਤਿਆਦਿਮਾਹ । ਤਤ੍ਥ ਸਮਾਚਿਤਨ੍ਤਿ ਉਪਚਿਤਂ। ਸਬ੍ਬਸ੍ਸ ਆਨੁਭਾવੇਨਾਤਿ ਸਬ੍ਬਸ੍ਸ ਤਸ੍ਸ ਪੁਞ੍ਞਸ੍ਸ ਤੇਜੇਨ। ਸਬ੍ਬੇਪਿ ਪਾਣਿਨੋਤਿ ਕਾਮਾવਚਰਾਦਿਭੇਦਾ ਸਬ੍ਬੇ ਸਤ੍ਤਾ। ਸਦ੍ਧਮ੍ਮਰਸਸੇવਿਨੋਤਿ ਯਥਾਰਹਂ ਬੋਧਿਤ੍ਤਯਾਧਿਗਮવਸੇਨ ਸਦ੍ਧਮ੍ਮਰਸਸੇવਿਨੋ ਭવਨ੍ਤੁ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
Sirinivāsassāti siriyā nivāsaṭṭhānabhūtassa. Jayasaṃvacchareti jayappattasaṃvacchare. Ayanti theraṃ buddhasiriṃ uddissa yā vinayavaṇṇanā āraddhā, ayaṃ. Dhammūpasaṃhitāti kusalasannissitā. Idāni sadevakassa lokassa accantasukhādhigamāya attano puññaṃ pariṇāmento ‘‘ciraṭṭhitattha dhammassā’’tiādimāha . Tattha samācitanti upacitaṃ. Sabbassa ānubhāvenāti sabbassa tassa puññassa tejena. Sabbepi pāṇinoti kāmāvacarādibhedā sabbe sattā. Saddhammarasasevinoti yathārahaṃ bodhittayādhigamavasena saddhammarasasevino bhavantu. Sesamettha suviññeyyameva.
ਨਿਗਮਨਕਥਾવਣ੍ਣਨਾ ਨਿਟ੍ਠਿਤਾ।
Nigamanakathāvaṇṇanā niṭṭhitā.
