| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
ਨਿਗਮਨਕਥਾવਣ੍ਣਨਾ
Nigamanakathāvaṇṇanā
੯੬੧-੩. ਮਹੇਸਿਨੋ ਤਿવਿਧਸ੍ਸਾਪਿ ਸਾਸਨਸ੍ਸ ਸੁਚਿਰਟ੍ਠਿਤਿਕਾਮੇਨ ਅਤਿਚਿਰਕਾਲਪ੍ਪવਤ੍ਤਿਂ ਇਚ੍ਛਨ੍ਤੇਨ ਧੀਮਤਾ ਪਸਤ੍ਥਤਰਞਾਣੇਨ ਸੁਦ੍ਧਚਿਤ੍ਤੇਨ ਲਾਭਸਕ੍ਕਾਰਨਿਰਪੇਕ੍ਖਤਾਯ ਪਰਿਸੁਦ੍ਧਜ੍ਝਾਸਯੇਨ ਬੁਦ੍ਧਦਤ੍ਤੇਨ ਬੁਦ੍ਧਦਤ੍ਤਾਭਿਧਾਨੇਨ ਆਚਰਿਯવਰੇਨ ਰਚਿਤੋ।
961-3. Mahesino tividhassāpi sāsanassa suciraṭṭhitikāmena aticirakālappavattiṃ icchantena dhīmatā pasatthatarañāṇena suddhacittena lābhasakkāranirapekkhatāya parisuddhajjhāsayena buddhadattena buddhadattābhidhānena ācariyavarena racito.
ਪਜ੍ਜવਸੇਨ ਗਨ੍ਥਤੋ, ਅਤ੍ਥਤੋ ਚੇવ ਪਰਮੁਤ੍ਤਰੋ ਉਤ੍ਤਰੋ વਿਨਿਚ੍ਛਯੋ ਅਨ੍ਤਰਾਯਂ ਅਨ੍ਤਰੇਨ ਅਜ੍ਝਤ੍ਤਿਕਂ, ਬਾਹਿਰਂ વਾ ਅਨ੍ਤਰਾਯਂ વਿਨਾ ਯਥਾ ਸਿਦ੍ਧਿਂ ਉਪਾਗਤੋ ਪਰਿਨਿਟ੍ਠਾਨਂ ਪਤ੍ਤੋ, ਤਥਾ ਸਤ੍ਤਾਨਂ ਧਮ੍ਮਸਂਯੁਤਾ ਕੁਸਲੂਪਸਂਹਿਤਾ ਸਙ੍ਕਪ੍ਪਾ ਮਨੋਰਥਾ ਸਿਜ੍ਝਨ੍ਤੁ ਅਨ੍ਤਰਾਯਂ વਿਨਾ ਨਿਪ੍ਪਜ੍ਜਨ੍ਤੁ, ਏਤੇਨ ਉਤ੍ਤਰવਿਨਿਚ੍ਛਯਰਚਨਾਮਯੇਨ ਮਹਤਾ ਪੁਞ੍ਞੋਦਯੇਨ ਚਤੂਹਿ ਸਙ੍ਗਹવਤ੍ਥੂਹਿ ਜਨਂ ਰਞ੍ਜੇਤੀਤਿ ‘‘ਰਾਜਾ’’ਤਿ ਸਙ੍ਖਂ ਗਤੋ ਮਹੀਪਾਲੋ ਮਹਿਂ ਪਥવਿਸਨ੍ਨਿਸ੍ਸਿਤਂ ਜਨਕਾਯਂ ਸਮ੍ਮਾ ਞਾਯੇਨ ਦਸ ਰਾਜਧਮ੍ਮੇ ਅਕੋਪੇਨ੍ਤੋ ਪਾਲੇਤੁ। ਦੇવੋ ਪਜ੍ਜੁਨ੍ਨੋ ਕਾਲੇ ਥਾવਰਜਙ੍ਗਮਾਨਂ ਉਪਯੋਗਾਰਹਕਾਲੇ ਸਮ੍ਮਾ ਪવਸ੍ਸਤੁ ਅવੁਟ੍ਠਿਅਤਿવੁਟ੍ਠਿਕਂ ਅਕਤ੍વਾ ਸਮ੍ਮਾ ਪવਚ੍ਛਤੁ।
Pajjavasena ganthato, atthato ceva paramuttaro uttaro vinicchayo antarāyaṃ antarena ajjhattikaṃ, bāhiraṃ vā antarāyaṃ vinā yathā siddhiṃ upāgato pariniṭṭhānaṃ patto, tathā sattānaṃ dhammasaṃyutā kusalūpasaṃhitā saṅkappā manorathā sijjhantu antarāyaṃ vinā nippajjantu, etena uttaravinicchayaracanāmayena mahatā puññodayena catūhi saṅgahavatthūhi janaṃ rañjetīti ‘‘rājā’’ti saṅkhaṃ gato mahīpālo mahiṃ pathavisannissitaṃ janakāyaṃ sammā ñāyena dasa rājadhamme akopento pāletu. Devo pajjunno kāle thāvarajaṅgamānaṃ upayogārahakāle sammā pavassatu avuṭṭhiativuṭṭhikaṃ akatvā sammā pavacchatu.
੯੬੪. ਸੇਲਿਨ੍ਦੋ ਸਿਨੇਰੁਪਬ੍ਬਤਰਾਜਾ ਯਾવ ਤਿਟ੍ਠਤਿ ਯਾવ ਲੋਕੇ ਪવਤ੍ਤਤਿ, ਚਨ੍ਦੋ ਸਕਲਜਨਪਦਨਯਨਸਾਯਨੋ ਯਾવ વਿਰੋਚਤਿ ਯਾવ ਅਤ੍ਤਨੋ ਸਭਾવਂ ਜੋਤੇਤਿ, ਤਾવ ਯਸਸ੍ਸਿਨੋ ਗੋਤਮਸ੍ਸ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਦ੍ਧਮ੍ਮੋ ਪਰਿਯਤ੍ਤਿਪਟਿਪਤ੍ਤਿਪਟਿવੇਧવਸੇਨ ਤਿવਿਧੋ ਸਦ੍ਧਮ੍ਮੋ ਤਿਟ੍ਠਤੁ ਪવਤ੍ਤਤੁ।
964.Selindo sinerupabbatarājā yāva tiṭṭhati yāva loke pavattati, cando sakalajanapadanayanasāyano yāva virocati yāva attano sabhāvaṃ joteti, tāva yasassino gotamassa arahato sammāsambuddhassa saddhammo pariyattipaṭipattipaṭivedhavasena tividho saddhammo tiṭṭhatu pavattatu.
੯੬੫. ਸੀਹਾਦੀਨਂ, ਦਾਹਾਦੀਨਞ੍ਚ ਬਾਹਿਰਜ੍ਝਤ੍ਤਿਕਾਨਂ ਪਰਿਸ੍ਸਯਾਨਂ ਖਮਨਂ ਸਹਨਂ ਅਭਿਭવਿਤ੍વਾ ਪવਤ੍ਤਨਂ ਖਨ੍ਤਿ। ਸੋਰਚ੍ਚਨ੍ਤਿ ਸੋਭਨੇ ਰਤੋਤਿ ਸੁਰਤੋ, ਸੁਰਤਸ੍ਸ ਭਾવੋ ਸੋਰਚ੍ਚਂ। ਸੁਨ੍ਦਰਂ ਅਖਣ੍ਡਤਾਦਿਗੁਣਸਮਨ੍ਨਾਗਤਂ ਸੀਲਂ ਅਸ੍ਸਾਤਿ ਸੁਸੀਲੋ। ਸੁਸੀਲਸ੍ਸ ਭਾવੋ।
965. Sīhādīnaṃ, dāhādīnañca bāhirajjhattikānaṃ parissayānaṃ khamanaṃ sahanaṃ abhibhavitvā pavattanaṃ khanti. Soraccanti sobhane ratoti surato, suratassa bhāvo soraccaṃ. Sundaraṃ akhaṇḍatādiguṇasamannāgataṃ sīlaṃ assāti susīlo. Susīlassa bhāvo.
ਨਿਗਮਨਕਥਾવਣ੍ਣਨਾ ਨਿਟ੍ਠਿਤਾ।
Nigamanakathāvaṇṇanā niṭṭhitā.
ਉਤ੍ਤਰવਿਨਿਚ੍ਛਯਟੀਕਾ ਨਿਟ੍ਠਿਤਾ।
Uttaravinicchayaṭīkā niṭṭhitā.
ਇਤਿ વਿਨਯਤ੍ਥਸਾਰਸਨ੍ਦੀਪਨੀ ਨਾਮ વਿਨਯવਿਨਿਚ੍ਛਯવਣ੍ਣਨਾ,
Iti vinayatthasārasandīpanī nāma vinayavinicchayavaṇṇanā,
ਲੀਨਤ੍ਥਪਕਾਸਨੀ ਨਾਮ ਉਤ੍ਤਰવਿਨਿਚ੍ਛਯવਣ੍ਣਨਾ ਚ
Līnatthapakāsanī nāma uttaravinicchayavaṇṇanā ca
ਸਮਤ੍ਤਾ।
Samattā.
ਪਚ੍ਛਾ ਠਪਿਤਗਾਥਾਯੋ
Pacchā ṭhapitagāthāyo
ਥੇਰੇਨ ਥਿਰਚਿਤ੍ਤੇਨ, ਸਾਸਨੁਜ੍ਜੋਤਨਤ੍ਥਿਨਾ।
Therena thiracittena, sāsanujjotanatthinā;
ਪੁਞ੍ਞવਾ ਞਾਣવਾ ਸੀਲੀ, ਸੁਹਜ੍ਜੋ ਮੁਦੁਕੋ ਤਥਾ॥
Puññavā ñāṇavā sīlī, suhajjo muduko tathā.
ਯੋ ਸੀਹਲ਼ਾਰਿਮਦ੍ਦੇਸੁ, ਚਨ੍ਦਿਮਾ ਸੂਰਿਯੋ વਿਯ।
Yo sīhaḷārimaddesu, candimā sūriyo viya;
ਪਾਕਟੋ ਸੀવਲਿਤ੍ਥੇਰੋ, ਮਹਾਤੇਜੋ ਮਹਾਯਸੋ॥
Pākaṭo sīvalitthero, mahātejo mahāyaso.
ਤੇਨ ਨੀਤਾ ਸੀਹਲ਼ਾ ਯਾ, ਇਧ ਪਤ੍ਤਾ ਸੁਧੀਮਤਾ।
Tena nītā sīhaḷā yā, idha pattā sudhīmatā;
ਏਸਾ ਸਂવਣ੍ਣਨਾ ਸੀਹ-ਲ਼ਕ੍ਖਰੇਨ ਸੁਲਿਕ੍ਖਿਤਾ॥
Esā saṃvaṇṇanā sīha-ḷakkharena sulikkhitā.
ਰੇવਤੋ ਇਤਿ ਨਾਮੇਨ, ਥੇਰੇਨ ਥਿਰਚੇਤਸਾ।
Revato iti nāmena, therena thiracetasā;
ਅਰਿਮਦ੍ਦਿਕੇ ਰਕ੍ਖਨ੍ਤੇਨ, ਪਰਿવਤ੍ਤੇਤ੍વਾਨ ਸਾਧੁਕਂ॥
Arimaddike rakkhantena, parivattetvāna sādhukaṃ.
ਲਿਖਾਪਿਤਾ ਹਿਤਤ੍ਥਾਯ, ਭਿਕ੍ਖੂਨਂ ਅਰਿਮਦ੍ਦਿਕੇ।
Likhāpitā hitatthāya, bhikkhūnaṃ arimaddike;
ਏਸਾ ਸਂવਣ੍ਣਨਾ ਸੁਟ੍ਠੁ, ਸਨ੍ਨਿਟ੍ਠਾਨਮੁਪਾਗਤਾ।
Esā saṃvaṇṇanā suṭṭhu, sanniṭṭhānamupāgatā;
ਤਥੇવ ਸਬ੍ਬਸਤ੍ਤਾਨਂ, ਸਬ੍ਬਤ੍ਥੋ ਚ ਸਮਿਜ੍ਝਤੂਤਿ॥
Tatheva sabbasattānaṃ, sabbattho ca samijjhatūti.
