| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
ниг̇аманаван̣н̣анаа
Nigamanavaṇṇanā
442. уд̣̇д̣̇идтаа ко…бз… звамзд̇ам̣ д̇хаараяаамийд̇и зд̇т̇а батамам̣ аабад̇д̇и зд̇зсанд̇и батамаабад̇д̇игаа, батамам̣ вийд̇иггамагкан̣зязва аабаж̇ж̇ид̇аб̣б̣аад̇и ад̇т̇о. ид̇арз бана яат̇аа д̇ад̇ияз жад̇уд̇т̇з жа д̣̇ивасз ход̇ийд̇и ж̇аро ‘‘д̇ад̇ияаго жад̇уд̇т̇аго’’д̇и жа вужжад̇и; звам̣ яаавад̇ад̇ияз саманубхаасанагаммз хонд̇ийд̇и яаавад̇ад̇ияагаад̇и взд̣̇ид̇аб̣б̣аа.
442.Uddiṭṭhā kho…pe… evametaṃ dhārayāmīti ettha paṭhamaṃ āpatti etesanti paṭhamāpattikā, paṭhamaṃ vītikkamakkhaṇeyeva āpajjitabbāti attho. Itare pana yathā tatiye catutthe ca divase hotīti jaro ‘‘tatiyako catutthako’’ti ca vuccati; evaṃ yāvatatiye samanubhāsanakamme hontīti yāvatatiyakāti veditabbā.
яаавад̇ийхам̣ ж̇аанам̣ бадижчаад̣̇зд̇ийд̇и яад̇д̇агаани ахаани ж̇аананд̇о бадижчаад̣̇зд̇и, ‘‘ахам̣ ид̇т̇аннаамам̣ аабад̇д̇им̣ аабанно’’д̇и саб̣рахмажаарийнам̣ наарожзд̇и. д̇аавад̇ийханд̇и д̇ад̇д̇агаани ахаани. агаамаа баривад̇т̇аб̣б̣анд̇и на гаамзна, на васзна, ат̇а ко агаамзна авасзна бариваасам̣ самаад̣̇ааяа вад̇т̇аб̣б̣ам̣. уд̇д̇ари чаарад̇д̇анд̇и бариваасад̇о уд̇д̇ари ча рад̇д̇ияо. бхигкумаанад̇д̇ааяаад̇и бхигкуунам̣ маананабхаавааяа, аараад̇ханад̇т̇ааяаад̇и вуд̇д̇ам̣ ход̇и. вийсад̇исан̇гхо г̇ан̣о ассаад̇и вийсад̇иг̇ан̣о . д̇ад̇раад̇и яад̇ра саб̣б̣анд̇имзна барижчзд̣̇зна вийсад̇иг̇ан̣о бхигкусан̇гхо ад̇т̇и д̇ад̇ра. аб̣бхзд̇аб̣б̣од̇и абхизд̇аб̣б̣о самбадижчид̇аб̣б̣о, аб̣бхаанагаммавасзна осаарзд̇аб̣б̣од̇и вуд̇д̇ам̣ ход̇и , авхаад̇аб̣б̣од̇и ваа ад̇т̇о. анаб̣бхид̇од̇и на аб̣бхид̇о, асамбадижчид̇о, агад̇аб̣бхаанагаммод̇и вуд̇д̇ам̣ ход̇и, анавхаад̇од̇и ваа ад̇т̇о. саамийжийд̇и ануд̇хаммад̇аа, логуд̇д̇арад̇хаммам̣ ануг̇ад̇аа оваад̣̇аанусаасаний, саамийжи д̇хаммад̇аад̇и вуд̇д̇ам̣ ход̇и. сзсамзд̇т̇а вуд̇д̇анаяамзваад̇и.
Yāvatīhaṃ jānaṃ paṭicchādetīti yattakāni ahāni jānanto paṭicchādeti, ‘‘ahaṃ itthannāmaṃ āpattiṃ āpanno’’ti sabrahmacārīnaṃ nāroceti. Tāvatīhanti tattakāni ahāni. Akāmā parivatthabbanti na kāmena, na vasena, atha kho akāmena avasena parivāsaṃ samādāya vatthabbaṃ. Uttari chārattanti parivāsato uttari cha rattiyo. Bhikkhumānattāyāti bhikkhūnaṃ mānanabhāvāya, ārādhanatthāyāti vuttaṃ hoti. Vīsatisaṅgho gaṇo assāti vīsatigaṇo . Tatrāti yatra sabbantimena paricchedena vīsatigaṇo bhikkhusaṅgho atthi tatra. Abbhetabboti abhietabbo sampaṭicchitabbo, abbhānakammavasena osāretabboti vuttaṃ hoti , avhātabboti vā attho. Anabbhitoti na abbhito, asampaṭicchito, akatabbhānakammoti vuttaṃ hoti, anavhātoti vā attho. Sāmīcīti anudhammatā, lokuttaradhammaṃ anugatā ovādānusāsanī, sāmīci dhammatāti vuttaṃ hoti. Sesamettha vuttanayamevāti.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
д̇зрасагаван̣н̣анаа нидтид̇аа.
Terasakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 13. гулад̣̇уусагасигкаабад̣̇ам̣ • 13. Kuladūsakasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ниг̇аманаван̣н̣анаа • Nigamanavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ниг̇аманаван̣н̣анаа • Nigamanavaṇṇanā
