| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. ниг̇ан̣тасуд̇д̇ам̣
4. Nigaṇṭhasuttaṃ
75. згам̣ самаяам̣ ааяасмаа аананд̣̇о взсаалияам̣ вихарад̇и махааванз гуудааг̇аарасаалааяам̣. ат̇а ко абхаяо жа лижчави бан̣д̣ид̇агумаараго жа лижчави язнааяасмаа аананд̣̇о д̇знубасан̇гамим̣су; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко абхаяо лижчави ааяасманд̇ам̣ аананд̣̇ам̣ зд̇ад̣̇авожа – ‘‘ниг̇ан̣то, бханд̇з, наадабуд̇д̇о 1 саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанаад̇и – ‘жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и. со бураан̣аанам̣ гаммаанам̣ д̇абасаа б̣яанд̇ийбхаавам̣ бан̃н̃абзд̇и наваанам̣ гаммаанам̣ агаран̣аа сзд̇угхаад̇ам̣ . ид̇и гаммагкаяаа д̣̇угкагкаяо, д̣̇угкагкаяаа взд̣̇анаагкаяо, взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇и – звамзд̇иссаа санд̣̇идтигааяа ниж̇ж̇арааяа висуд̣̇д̇хияаа самад̇иггамо ход̇и. ид̇ха, бханд̇з, бхаг̇аваа гимаахаа’’д̇и?
75. Ekaṃ samayaṃ āyasmā ānando vesāliyaṃ viharati mahāvane kūṭāgārasālāyaṃ. Atha kho abhayo ca licchavi paṇḍitakumārako ca licchavi yenāyasmā ānando tenupasaṅkamiṃsu; upasaṅkamitvā āyasmantaṃ ānandaṃ abhivādetvā ekamantaṃ nisīdiṃsu. Ekamantaṃ nisinno kho abhayo licchavi āyasmantaṃ ānandaṃ etadavoca – ‘‘nigaṇṭho, bhante, nāṭaputto 2 sabbaññū sabbadassāvī aparisesaṃ ñāṇadassanaṃ paṭijānāti – ‘carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. So purāṇānaṃ kammānaṃ tapasā byantībhāvaṃ paññapeti navānaṃ kammānaṃ akaraṇā setughātaṃ . Iti kammakkhayā dukkhakkhayo, dukkhakkhayā vedanākkhayo, vedanākkhayā sabbaṃ dukkhaṃ nijjiṇṇaṃ bhavissati – evametissā sandiṭṭhikāya nijjarāya visuddhiyā samatikkamo hoti. Idha, bhante, bhagavā kimāhā’’ti?
‘‘д̇иссо ко имаа, абхаяа, ниж̇ж̇араа висуд̣̇д̇хияо д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа. гад̇амаа д̇иссо? ид̇ха, абхаяа, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухийд̇и.
‘‘Tisso kho imā, abhaya, nijjarā visuddhiyo tena bhagavatā jānatā passatā arahatā sammāsambuddhena sammadakkhātā sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya. Katamā tisso? Idha, abhaya, bhikkhu sīlavā hoti…pe… samādāya sikkhati sikkhāpadesu. So navañca kammaṃ na karoti, purāṇañca kammaṃ phussa phussa byantīkaroti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhīti.
‘‘са ко со, абхаяа, бхигку звам̣ сийласамбанно вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухийд̇и.
‘‘Sa kho so, abhaya, bhikkhu evaṃ sīlasampanno vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā, pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. So navañca kammaṃ na karoti, purāṇañca kammaṃ phussa phussa byantīkaroti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhīti.
‘‘са ко со, абхаяа, бхигку звам̣ самаад̇хисамбанно 3 аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. со наван̃жа гаммам̣ на гарод̇и, бураан̣ан̃жа гаммам̣ пусса пусса б̣яанд̇ийгарод̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухийд̇и. имаа ко, абхаяа, д̇иссо ниж̇ж̇араа висуд̣̇д̇хияо д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяаа’’д̇и.
‘‘Sa kho so, abhaya, bhikkhu evaṃ samādhisampanno 4 āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. So navañca kammaṃ na karoti, purāṇañca kammaṃ phussa phussa byantīkaroti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhīti. Imā kho, abhaya, tisso nijjarā visuddhiyo tena bhagavatā jānatā passatā arahatā sammāsambuddhena sammadakkhātā sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāyā’’ti.
звам̣ вуд̇д̇з бан̣д̣ид̇агумаараго лижчави абхаяам̣ лижчавим̣ зд̇ад̣̇авожа – ‘‘гим̣ бана д̇вам̣, самма абхаяа, ааяасмад̇о аананд̣̇асса субхаасид̇ам̣ субхаасид̇ад̇о нааб̣бханумод̣̇асий’’д̇и? ‘‘гяаахам̣, самма бан̣д̣ид̇агумаарага, ааяасмад̇о аананд̣̇асса субхаасид̇ам̣ субхаасид̇ад̇о нааб̣бханумод̣̇иссаами! муд̣̇д̇хааби д̇асса вибад̇зяяа яо ааяасмад̇о аананд̣̇асса субхаасид̇ам̣ субхаасид̇ад̇о нааб̣бханумод̣̇зяяаа’’д̇и. жад̇уд̇т̇ам̣.
Evaṃ vutte paṇḍitakumārako licchavi abhayaṃ licchaviṃ etadavoca – ‘‘kiṃ pana tvaṃ, samma abhaya, āyasmato ānandassa subhāsitaṃ subhāsitato nābbhanumodasī’’ti? ‘‘Kyāhaṃ, samma paṇḍitakumāraka, āyasmato ānandassa subhāsitaṃ subhāsitato nābbhanumodissāmi! Muddhāpi tassa vipateyya yo āyasmato ānandassa subhāsitaṃ subhāsitato nābbhanumodeyyā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. ниг̇ан̣тасуд̇д̇аван̣н̣анаа • 4. Nigaṇṭhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. ниг̇ан̣тасуд̇д̇аван̣н̣анаа • 4. Nigaṇṭhasuttavaṇṇanā
