| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[445] 7. ниг̇род̇хаж̇аад̇агаван̣н̣анаа
[445] 7. Nigrodhajātakavaṇṇanā
на ваахамзд̇ам̣ ж̇аанаамийд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. згад̣̇ивасан̃хи бхигкуу д̇зна ‘‘аавусо д̣̇звад̣̇ад̇д̇а, сад̇т̇аа д̇ава б̣ахуубагааро, д̇ван̃хи сад̇т̇аарам̣ ниссааяа баб̣б̣аж̇ж̇ам̣ лабхи убасамбад̣̇ам̣ лабхи, д̇збидагам̣ б̣уд̣̇д̇хаважанам̣ уг̇г̇ан̣хи, жхаанам̣ уббаад̣̇зси, лаабхасаггаароби д̇з д̣̇асаб̣алассзва санд̇аго’’д̇и бхигкуухи вуд̇д̇з д̇ин̣асалаагам̣ угкибид̇ваа ‘‘зд̇д̇агамби саман̣зна г̇од̇амзна маяхам̣ гад̇ам̣ г̇ун̣ам̣ на бассаамий’’д̇и вуд̇д̇з д̇хаммасабхааяам̣ гат̇ам̣ самудтаабзсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о агад̇ан̃н̃уу мид̇д̇ад̣̇уб̣бхий’’д̇и вад̇ваа д̇зхи яаажид̇о ад̇ийд̇ам̣ аахари.
Na vāhametaṃ jānāmīti idaṃ satthā veḷuvane viharanto devadattaṃ ārabbha kathesi. Ekadivasañhi bhikkhū tena ‘‘āvuso devadatta, satthā tava bahūpakāro, tvañhi satthāraṃ nissāya pabbajjaṃ labhi upasampadaṃ labhi, tepiṭakaṃ buddhavacanaṃ uggaṇhi, jhānaṃ uppādesi, lābhasakkāropi te dasabalasseva santako’’ti bhikkhūhi vutte tiṇasalākaṃ ukkhipitvā ‘‘ettakampi samaṇena gotamena mayhaṃ kataṃ guṇaṃ na passāmī’’ti vutte dhammasabhāyaṃ kathaṃ samuṭṭhāpesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi devadatto akataññū mittadubbhī’’ti vatvā tehi yācito atītaṃ āhari.
ад̇ийд̇з рааж̇аг̇ахз маг̇ад̇хамахаарааж̇аа наама раж̇ж̇ам̣ гаарзси. д̇ад̣̇аа рааж̇аг̇ахасздти ад̇д̇ано буд̇д̇асса ж̇анабад̣̇асздтино д̇хийд̇арам̣ аанзси, саа ван̃жхаа ахоси. ат̇ассаа абарабхааг̇з саггааро барихааяи. ‘‘амхаагам̣ буд̇д̇асса г̇зхз ван̃жхид̇т̇ияаа васанд̇ияаа гат̇ам̣ гулавам̣со вад̣дхиссад̇ий’’д̇и яат̇аа саа сун̣аад̇и, звамби гат̇ам̣ самудтаабзнд̇и. саа д̇ам̣ суд̇ваа ‘‘ход̇у г̇аб̣бхиниаалаяам̣ гад̇ваа зд̇з ван̃жзссаамий’’д̇и жинд̇зд̇ваа ад̇д̇ано ад̇т̇ажааригам̣ д̇хаад̇им̣ ааха ‘‘амма, г̇аб̣бхинияо наама гин̃жа гин̃жа гаронд̇ий’’д̇и г̇аб̣бхинибарихаарам̣ бужчид̇ваа уд̇унигаалз бадижчаад̣̇зд̇ваа амб̣илаад̣̇иружигаа худ̇ваа хад̇т̇абаад̣̇аанам̣ уд̣̇д̇хумааяанагаалз хад̇т̇абаад̣̇абидтияо годдаабзд̇ваа б̣ахалам̣ гаарзси, д̣̇ивасз д̣̇ивасзби билод̇игаавзтанзна жа уд̣̇аравад̣дханам̣ вад̣дхзси, т̇анамукаани гаал̣аани гаарзси, сарийрагижжам̣ гаронд̇ийби ан̃н̃ад̇ра д̇ассаа д̇хаад̇ияаа ан̃н̃зсам̣ саммукадтаанз на гарод̇и. саамигобиссаа г̇аб̣бхабарихаарам̣ ад̣̇ааси. звам̣ нава маасз васид̇ваа ‘‘ид̣̇аани ж̇анабад̣̇з бид̇у гхарам̣ г̇анд̇ваа виж̇ааяиссаамий’’д̇и сасурз аабужчид̇ваа рат̇амаарухид̇ваа маханд̇зна бариваарзна рааж̇аг̇ахаа нигкамид̇ваа маг̇г̇ам̣ бадибаж̇ж̇и. д̇ассаа бана бурад̇о зго сад̇т̇о г̇ажчад̇и. сад̇т̇зна васид̇ваа г̇ад̇адтаанам̣ зсаа баад̇араасагаалз баабун̣аад̇и.
Atīte rājagahe magadhamahārājā nāma rajjaṃ kāresi. Tadā rājagahaseṭṭhi attano puttassa janapadaseṭṭhino dhītaraṃ ānesi, sā vañjhā ahosi. Athassā aparabhāge sakkāro parihāyi. ‘‘Amhākaṃ puttassa gehe vañjhitthiyā vasantiyā kathaṃ kulavaṃso vaḍḍhissatī’’ti yathā sā suṇāti, evampi kathaṃ samuṭṭhāpenti. Sā taṃ sutvā ‘‘hotu gabbhiniālayaṃ katvā ete vañcessāmī’’ti cintetvā attano atthacārikaṃ dhātiṃ āha ‘‘amma, gabbhiniyo nāma kiñca kiñca karontī’’ti gabbhiniparihāraṃ pucchitvā utunikāle paṭicchādetvā ambilādirucikā hutvā hatthapādānaṃ uddhumāyanakāle hatthapādapiṭṭhiyo koṭṭāpetvā bahalaṃ kāresi, divase divasepi pilotikāveṭhanena ca udaravaḍḍhanaṃ vaḍḍhesi, thanamukhāni kāḷāni kāresi, sarīrakiccaṃ karontīpi aññatra tassā dhātiyā aññesaṃ sammukhaṭṭhāne na karoti. Sāmikopissā gabbhaparihāraṃ adāsi. Evaṃ nava māse vasitvā ‘‘idāni janapade pitu gharaṃ gantvā vijāyissāmī’’ti sasure āpucchitvā rathamāruhitvā mahantena parivārena rājagahā nikkhamitvā maggaṃ paṭipajji. Tassā pana purato eko sattho gacchati. Satthena vasitvā gataṭṭhānaṃ esā pātarāsakāle pāpuṇāti.
ат̇згад̣̇ивасам̣ д̇асмим̣ сад̇т̇з згаа д̣̇уг̇г̇ад̇ид̇т̇ий рад̇д̇ияаа згасмим̣ ниг̇род̇хамуулз буд̇д̇ам̣ виж̇ааяид̇ваа баад̇ова сад̇т̇з г̇ажчанд̇з ‘‘ахам̣ винаа сад̇т̇зна г̇анд̇ум̣ на сагкиссаами, саггаа ко бана ж̇ийванд̇ияаа буд̇д̇ам̣ лабхид̇у’’нд̇и ниг̇род̇хамуулаж̇аалз ж̇алааб̣ун̃жзва г̇аб̣бхамалан̃жа ад̇т̇арид̇ваа буд̇д̇ам̣ чаддзд̇ваа аг̇амааси. д̣̇аарагассаби д̣̇звад̇аа аарагкам̣ г̇ан̣хим̣су. со хи на яо ваа со ваа, б̣од̇хисад̇д̇оязва. со бана д̇ад̣̇аа д̇аад̣̇исам̣ бадисанд̇хим̣ г̇ан̣хи. ид̇араа баад̇араасагаалз д̇ам̣ таанам̣ бад̇ваа ‘‘сарийрагижжам̣ гариссаамий’’д̇и д̇ааяа д̇хаад̇ияаа сад̣̇д̇хим̣ ниг̇род̇хамуулам̣ г̇ад̇аа суван̣н̣аван̣н̣ам̣ д̣̇аарагам̣ д̣̇исваа ‘‘амма, нибпаннам̣ но гижжа’’нд̇и билод̇игааяо абанзд̇ваа ужчан̇г̇абад̣̇зсам̣ лохид̇зна жа г̇аб̣бхамалзна жа магкзд̇ваа ад̇д̇ано г̇аб̣бхавудтаанам̣ аарожзси. д̇аавад̣̇зва нам̣ саан̣ияаа баригкибид̇ваа хадтад̇удто сабариж̇ано рааж̇аг̇ахам̣ бан̣н̣ам̣ бзсзси. ат̇ассаа сассусасураа виж̇аад̇агаалад̇о бадтааяа ‘‘бид̇у гулз гим̣ гариссад̇и, ид̇хзва ааг̇ажчад̇уу’’д̇и бзсаяим̣су. саа бадинивад̇д̇ид̇ваа рааж̇аг̇ахамзва баависи. д̇ад̇т̇а д̇ам̣ самбадижчид̇ваа д̣̇аарагасса наамам̣ гаронд̇аа ниг̇род̇хамуулз ж̇аад̇ад̇д̇аа ‘‘ниг̇род̇хагумааро’’д̇и наамам̣ гарим̣су. д̇ам̣ д̣̇ивасан̃н̃зва анусздтисун̣исааби виж̇ааяанад̇т̇ааяа гулагхарам̣ г̇ажчанд̇ий анд̇араамаг̇г̇з згиссаа ругкасаакааяа хздтаа буд̇д̇ам̣ виж̇ааяи, д̇асса ‘‘саакагумааро’’д̇и наамам̣ гарим̣су. д̇ам̣ д̣̇ивасан̃н̃зва сздтим̣ ниссааяа васанд̇асса д̇уннагаарасса бхарияааби билод̇иганд̇арз буд̇д̇ам̣ виж̇ааяи, д̇асса ‘‘бод̇д̇иго’’д̇и наамам̣ гарим̣су.
Athekadivasaṃ tasmiṃ satthe ekā duggatitthī rattiyā ekasmiṃ nigrodhamūle puttaṃ vijāyitvā pātova satthe gacchante ‘‘ahaṃ vinā satthena gantuṃ na sakkhissāmi, sakkā kho pana jīvantiyā puttaṃ labhitu’’nti nigrodhamūlajāle jalābuñceva gabbhamalañca attharitvā puttaṃ chaṭṭetvā agamāsi. Dārakassapi devatā ārakkhaṃ gaṇhiṃsu. So hi na yo vā so vā, bodhisattoyeva. So pana tadā tādisaṃ paṭisandhiṃ gaṇhi. Itarā pātarāsakāle taṃ ṭhānaṃ patvā ‘‘sarīrakiccaṃ karissāmī’’ti tāya dhātiyā saddhiṃ nigrodhamūlaṃ gatā suvaṇṇavaṇṇaṃ dārakaṃ disvā ‘‘amma, nipphannaṃ no kicca’’nti pilotikāyo apanetvā ucchaṅgapadesaṃ lohitena ca gabbhamalena ca makkhetvā attano gabbhavuṭṭhānaṃ ārocesi. Tāvadeva naṃ sāṇiyā parikkhipitvā haṭṭhatuṭṭho saparijano rājagahaṃ paṇṇaṃ pesesi. Athassā sassusasurā vijātakālato paṭṭhāya ‘‘pitu kule kiṃ karissati, idheva āgacchatū’’ti pesayiṃsu. Sā paṭinivattitvā rājagahameva pāvisi. Tattha taṃ sampaṭicchitvā dārakassa nāmaṃ karontā nigrodhamūle jātattā ‘‘nigrodhakumāro’’ti nāmaṃ kariṃsu. Taṃ divasaññeva anuseṭṭhisuṇisāpi vijāyanatthāya kulagharaṃ gacchantī antarāmagge ekissā rukkhasākhāya heṭṭhā puttaṃ vijāyi, tassa ‘‘sākhakumāro’’ti nāmaṃ kariṃsu. Taṃ divasaññeva seṭṭhiṃ nissāya vasantassa tunnakārassa bhariyāpi pilotikantare puttaṃ vijāyi, tassa ‘‘pottiko’’ti nāmaṃ kariṃsu.
махаасздти убхоби д̇з д̣̇аарагз ‘‘ниг̇род̇хагумаарасса ж̇аад̇ад̣̇ивасан̃н̃зва ж̇аад̇аа’’д̇и аан̣аабзд̇ваа д̇знзва сад̣̇д̇хим̣ сам̣вад̣дхзси. д̇з згад̇о вад̣дхид̇ваа ваяаббад̇д̇аа д̇аггасилам̣ г̇анд̇ваа сиббам̣ уг̇г̇ан̣хим̣су. убхоби сздтибуд̇д̇аа аажарияасса д̣̇вз сахассаани ад̣̇ам̣су. ниг̇род̇хагумааро бод̇д̇игасса ад̇д̇ано санд̇игз сиббам̣ бадтабзси. д̇з нибпаннасиббаа аажарияам̣ аабужчид̇ваа нигканд̇аа ‘‘ж̇анабад̣̇ажааригам̣ жариссаамаа’’д̇и анубуб̣б̣зна б̣аараан̣асим̣ бад̇ваа згасмим̣ ругкамуулз нибаж̇ж̇им̣су. д̇ад̣̇аа б̣аараан̣асиран̃н̃о гаалагад̇асса сад̇д̇амо д̣̇ивасо, ‘‘свз пуссарат̇ам̣ яож̇зссаамаа’’д̇и наг̇арз бхзрим̣ жараабзсум̣. д̇зсуби сахааязсу ругкамуулз нибаж̇ж̇ид̇ваа нид̣̇д̣̇ааяанд̇зсу бод̇д̇иго бажжуусагаалз удтааяа ниг̇род̇хагумаарасса баад̣̇з баримаж̇ж̇анд̇о нисийд̣̇и. д̇асмим̣ ругкз вуд̇т̇агуггудзсу убаригуггудо хздтаагуггудасса сарийрз важжам̣ баад̇зси. ат̇а нам̣ со ‘‘гзнзд̇ам̣ баад̇ид̇а’’нд̇и ааха. ‘‘самма, маа гуж̇жхи, маяаа аж̇аананд̇зна баад̇ид̇а’’нд̇и ааха. ‘‘арз, д̇вам̣ мама сарийрам̣ ад̇д̇ано важжадтаанам̣ ман̃н̃аси, гим̣ мама бамаан̣ам̣ на ж̇аанаасий’’д̇и. ат̇а нам̣ ид̇аро ‘‘арз д̇вам̣ ‘аж̇аананд̇зна мз гад̇а’нд̇и вуд̇д̇зби гуж̇жхасиязва, гим̣ бана д̇з бамаан̣а’’нд̇и ааха. ‘‘яо мам̣ маарзд̇ваа мам̣сам̣ каад̣̇ад̇и, со баад̇ова сахассам̣ лабхад̇и, д̇асмаа ахам̣ маанам̣ гаромий’’д̇и. ат̇а нам̣ ид̇аро ‘‘арз зд̇д̇агамад̇д̇зна д̇вам̣ маанам̣ гароси, мам̣ бана маарзд̇ваа яо т̇ууламам̣сам̣ каад̣̇ад̇и, со баад̇ова рааж̇аа ход̇и, яо маж̇жхимамам̣сам̣ каад̣̇ад̇и, со сзнаабад̇и, яо адтиниссид̇ам̣ каад̣̇ад̇и, со бхан̣д̣ааг̇аариго ход̇ий’’д̇и ааха.
Mahāseṭṭhi ubhopi te dārake ‘‘nigrodhakumārassa jātadivasaññeva jātā’’ti āṇāpetvā teneva saddhiṃ saṃvaḍḍhesi. Te ekato vaḍḍhitvā vayappattā takkasilaṃ gantvā sippaṃ uggaṇhiṃsu. Ubhopi seṭṭhiputtā ācariyassa dve sahassāni adaṃsu. Nigrodhakumāro pottikassa attano santike sippaṃ paṭṭhapesi. Te nipphannasippā ācariyaṃ āpucchitvā nikkhantā ‘‘janapadacārikaṃ carissāmā’’ti anupubbena bārāṇasiṃ patvā ekasmiṃ rukkhamūle nipajjiṃsu. Tadā bārāṇasirañño kālakatassa sattamo divaso, ‘‘sve phussarathaṃ yojessāmā’’ti nagare bheriṃ carāpesuṃ. Tesupi sahāyesu rukkhamūle nipajjitvā niddāyantesu pottiko paccūsakāle uṭṭhāya nigrodhakumārassa pāde parimajjanto nisīdi. Tasmiṃ rukkhe vutthakukkuṭesu uparikukkuṭo heṭṭhākukkuṭassa sarīre vaccaṃ pātesi. Atha naṃ so ‘‘kenetaṃ pātita’’nti āha. ‘‘Samma, mā kujjhi, mayā ajānantena pātita’’nti āha. ‘‘Are, tvaṃ mama sarīraṃ attano vaccaṭṭhānaṃ maññasi, kiṃ mama pamāṇaṃ na jānāsī’’ti. Atha naṃ itaro ‘‘are tvaṃ ‘ajānantena me kata’nti vuttepi kujjhasiyeva, kiṃ pana te pamāṇa’’nti āha. ‘‘Yo maṃ māretvā maṃsaṃ khādati, so pātova sahassaṃ labhati, tasmā ahaṃ mānaṃ karomī’’ti. Atha naṃ itaro ‘‘are ettakamattena tvaṃ mānaṃ karosi, maṃ pana māretvā yo thūlamaṃsaṃ khādati, so pātova rājā hoti, yo majjhimamaṃsaṃ khādati, so senāpati, yo aṭṭhinissitaṃ khādati, so bhaṇḍāgāriko hotī’’ti āha.
бод̇д̇иго д̇зсам̣ гат̇ам̣ суд̇ваа ‘‘гим̣ но сахассзна, раж̇ж̇амзва вара’’нд̇и сан̣игам̣ ругкам̣ абхирухид̇ваа убарисаяид̇агуггудам̣ г̇ахзд̇ваа маарзд̇ваа ан̇г̇аарз бажид̇ваа т̇ууламам̣сам̣ ниг̇род̇хасса ад̣̇ааси, маж̇жхимамам̣сам̣ саакасса ад̣̇ааси, адтимам̣сам̣ ад̇д̇анаа каад̣̇и. каад̣̇ид̇ваа бана ‘‘самма ниг̇род̇ха, д̇вам̣ аж̇ж̇а рааж̇аа бхависсаси, самма саака, д̇вам̣ сзнаабад̇и бхависсаси, ахам̣ бана бхан̣д̣ааг̇аариго бхависсаамий’’д̇и вад̇ваа ‘‘гат̇ам̣ ж̇аанаасий’’д̇и будто д̇ам̣ бавад̇д̇им̣ аарожзси. д̇з д̇аяоби ж̇анаа баад̇араасавзлааяа б̣аараан̣асим̣ бависид̇ваа згасса б̣раахман̣асса г̇зхз саббисаггараяуд̇д̇ам̣ бааяаасам̣ бхун̃ж̇ид̇ваа наг̇араа нигкамид̇ваа уяяаанам̣ бависим̣су. ниг̇род̇хагумааро силаабаддз нибаж̇ж̇и , ид̇арз д̣̇вз б̣ахи нибаж̇ж̇им̣су. д̇асмим̣ самаяз бан̃жа рааж̇агагуд̇хабхан̣д̣аани анд̇о табзд̇ваа пуссарат̇ам̣ виссаж̇ж̇зсум̣. д̇ад̇т̇а вид̇т̇аарагат̇аа махааж̇анагаж̇аад̇агз (ж̇аа. 2.22.123 аад̣̇аяо) аави бхависсад̇и. пуссарат̇о уяяаанам̣ г̇анд̇ваа нивад̇д̇ид̇ваа аароханасаж̇ж̇о худ̇ваа адтааси. бурохид̇о ‘‘уяяаанз бун̃н̃авад̇аа сад̇д̇зна бхавид̇аб̣б̣а’’нд̇и уяяаанам̣ бависид̇ваа гумаарам̣ д̣̇исваа баад̣̇анд̇ад̇о саадагам̣ абанзд̇ваа баад̣̇зсу лагкан̣аани убад̇хаарзд̇ваа ‘‘д̇идтад̇у б̣аараан̣асияам̣ раж̇ж̇ам̣, сагалаж̇амб̣уд̣̇ийбасса ад̇хибад̇ирааж̇аа бхавид̇ум̣ яуд̇д̇о’’д̇и саб̣б̣ад̇аалааважарз баг̇г̇ан̣хаабзси. ниг̇род̇хагумааро баб̣уж̇жхид̇ваа мукад̇о саадагам̣ абанзд̇ваа махааж̇анам̣ ологзд̇ваа баривад̇д̇ид̇ваа нибанно т̇огам̣ вийд̇инаамзд̇ваа силаабаддз баллан̇гзна нисийд̣̇и. ат̇а нам̣ бурохид̇о ж̇ан̣н̣унаа бад̇идтааяа ‘‘раж̇ж̇ам̣ д̇з д̣̇зва баабун̣аад̇ий’’д̇и вад̇ваа ‘‘‘саад̇хуу’’д̇и вуд̇д̇з д̇ад̇т̇зва рад̇анараасимхи табзд̇ваа абхисин̃жи. со раж̇ж̇ам̣ бад̇ваа саакасса сзнаабад̇идтаанам̣ д̣̇ад̇ваа маханд̇зна саггаарзна наг̇арам̣ баависи, бод̇д̇игоби д̇зхи сад̣̇д̇хин̃н̃зва аг̇амааси. д̇ад̇о бадтааяа махаасад̇д̇о б̣аараан̣асияам̣ д̇хаммзна раж̇ж̇ам̣ гаарзси.
Pottiko tesaṃ kathaṃ sutvā ‘‘kiṃ no sahassena, rajjameva vara’’nti saṇikaṃ rukkhaṃ abhiruhitvā uparisayitakukkuṭaṃ gahetvā māretvā aṅgāre pacitvā thūlamaṃsaṃ nigrodhassa adāsi, majjhimamaṃsaṃ sākhassa adāsi, aṭṭhimaṃsaṃ attanā khādi. Khāditvā pana ‘‘samma nigrodha, tvaṃ ajja rājā bhavissasi, samma sākha, tvaṃ senāpati bhavissasi, ahaṃ pana bhaṇḍāgāriko bhavissāmī’’ti vatvā ‘‘kathaṃ jānāsī’’ti puṭṭho taṃ pavattiṃ ārocesi. Te tayopi janā pātarāsavelāya bārāṇasiṃ pavisitvā ekassa brāhmaṇassa gehe sappisakkarayuttaṃ pāyāsaṃ bhuñjitvā nagarā nikkhamitvā uyyānaṃ pavisiṃsu. Nigrodhakumāro silāpaṭṭe nipajji , itare dve bahi nipajjiṃsu. Tasmiṃ samaye pañca rājakakudhabhaṇḍāni anto ṭhapetvā phussarathaṃ vissajjesuṃ. Tattha vitthārakathā mahājanakajātake (jā. 2.22.123 ādayo) āvi bhavissati. Phussaratho uyyānaṃ gantvā nivattitvā ārohanasajjo hutvā aṭṭhāsi. Purohito ‘‘uyyāne puññavatā sattena bhavitabba’’nti uyyānaṃ pavisitvā kumāraṃ disvā pādantato sāṭakaṃ apanetvā pādesu lakkhaṇāni upadhāretvā ‘‘tiṭṭhatu bārāṇasiyaṃ rajjaṃ, sakalajambudīpassa adhipatirājā bhavituṃ yutto’’ti sabbatālāvacare paggaṇhāpesi. Nigrodhakumāro pabujjhitvā mukhato sāṭakaṃ apanetvā mahājanaṃ oloketvā parivattitvā nipanno thokaṃ vītināmetvā silāpaṭṭe pallaṅkena nisīdi. Atha naṃ purohito jaṇṇunā patiṭṭhāya ‘‘rajjaṃ te deva pāpuṇātī’’ti vatvā ‘‘‘sādhū’’ti vutte tattheva ratanarāsimhi ṭhapetvā abhisiñci. So rajjaṃ patvā sākhassa senāpatiṭṭhānaṃ datvā mahantena sakkārena nagaraṃ pāvisi, pottikopi tehi saddhiññeva agamāsi. Tato paṭṭhāya mahāsatto bārāṇasiyaṃ dhammena rajjaṃ kāresi.
со згад̣̇ивасам̣ маад̇аабид̇уунам̣ сарид̇ваа саакам̣ ааха – ‘‘самма, на саггаа маад̇аабид̇уухи винаа вад̇д̇ид̇ум̣, маханд̇зна бариваарзна г̇анд̇ваа маад̇аабид̇аро но аанзхий’’д̇и. саако ‘‘на мз д̇ад̇т̇а г̇аманагаммам̣ ад̇т̇ий’’д̇и бадигкиби. д̇ад̇о бод̇д̇игам̣ аан̣аабзси. со ‘‘саад̇хуу’’д̇и д̇ад̇т̇а г̇анд̇ваа ниг̇род̇хасса маад̇аабид̇аро ‘‘буд̇д̇о во раж̇ж̇з бад̇идтид̇о, зт̇а г̇ажчаамаа’’д̇и ааха. д̇з ‘‘ад̇т̇и но д̇аава вибхавамад̇д̇ам̣, алам̣ д̇ад̇т̇а г̇аманзнаа’’д̇и бадигкибим̣су. саакассаби маад̇аабид̇аро авожа, д̇зби на ижчим̣су. ад̇д̇ано маад̇аабид̇аро авожа, ‘‘маяам̣ д̇аад̇а д̇уннагаарагаммзна ж̇ийвиссаама ала’’нд̇и бадигкибим̣су. со д̇зсам̣ манам̣ алабхид̇ваа б̣аараан̣асимзва бажжааг̇анд̇ваа ‘‘сзнаабад̇исса гхарз маг̇г̇агиламат̇ам̣ винод̣̇зд̇ваа бажчаа ниг̇род̇хасахааяам̣ бассиссаамий’’д̇и жинд̇зд̇ваа д̇асса нивзсанад̣̇ваарам̣ г̇анд̇ваа ‘‘сахааяо гира д̇з бод̇д̇иго наама ааг̇ад̇од̇и сзнаабад̇исса аарожзхий’’д̇и д̣̇овааригам̣ ааха, со д̇ат̇аа агааси. саако бана ‘‘аяам̣ маяхам̣ раж̇ж̇ам̣ ад̣̇ад̇ваа сахааяаниг̇род̇хасса ад̣̇аасий’’д̇и д̇асмим̣ взрам̣ б̣анд̇хи. со д̇ам̣ гат̇ам̣ суд̇ваава гуд̣̇д̇хо ааг̇анд̇ваа ‘‘го имасса сахааяо уммад̇д̇аго д̣̇аасибуд̇д̇о, г̇ан̣хат̇а на’’нд̇и вад̇ваа хад̇т̇абаад̣̇аж̇ан̣н̣угаббарзхи годдаабзд̇ваа г̇ийвааяам̣ г̇аахаабзд̇ваа нийхараабзси.
So ekadivasaṃ mātāpitūnaṃ saritvā sākhaṃ āha – ‘‘samma, na sakkā mātāpitūhi vinā vattituṃ, mahantena parivārena gantvā mātāpitaro no ānehī’’ti. Sākho ‘‘na me tattha gamanakammaṃ atthī’’ti paṭikkhipi. Tato pottikaṃ āṇāpesi. So ‘‘sādhū’’ti tattha gantvā nigrodhassa mātāpitaro ‘‘putto vo rajje patiṭṭhito, etha gacchāmā’’ti āha. Te ‘‘atthi no tāva vibhavamattaṃ, alaṃ tattha gamanenā’’ti paṭikkhipiṃsu. Sākhassapi mātāpitaro avoca, tepi na icchiṃsu. Attano mātāpitaro avoca, ‘‘mayaṃ tāta tunnakārakammena jīvissāma ala’’nti paṭikkhipiṃsu. So tesaṃ manaṃ alabhitvā bārāṇasimeva paccāgantvā ‘‘senāpatissa ghare maggakilamathaṃ vinodetvā pacchā nigrodhasahāyaṃ passissāmī’’ti cintetvā tassa nivesanadvāraṃ gantvā ‘‘sahāyo kira te pottiko nāma āgatoti senāpatissa ārocehī’’ti dovārikaṃ āha, so tathā akāsi. Sākho pana ‘‘ayaṃ mayhaṃ rajjaṃ adatvā sahāyanigrodhassa adāsī’’ti tasmiṃ veraṃ bandhi. So taṃ kathaṃ sutvāva kuddho āgantvā ‘‘ko imassa sahāyo ummattako dāsiputto, gaṇhatha na’’nti vatvā hatthapādajaṇṇukapparehi koṭṭāpetvā gīvāyaṃ gāhāpetvā nīharāpesi.
со жинд̇зси ‘‘саако мама санд̇игаа сзнаабад̇идтаанам̣ лабхид̇ваа агад̇ан̃н̃уу мид̇д̇ад̣̇уб̣бхий, мам̣ годдаабзд̇ваа нийхараабзси, ниг̇род̇хо бана бан̣д̣ид̇о гад̇ан̃н̃уу саббурисо, д̇ассзва санд̇игам̣ г̇амиссаамий’’д̇и. со рааж̇ад̣̇ваарам̣ г̇анд̇ваа ‘‘д̣̇зва, бод̇д̇иго гира наама д̇з сахааяо д̣̇ваарз тид̇о’’д̇и ран̃н̃о аарожаабзси. рааж̇аа баггосаабзд̇ваа д̇ам̣ ааг̇ажчанд̇ам̣ д̣̇исваа аасанаа вудтааяа бажжуг̇г̇анд̇ваа бадисант̇аарам̣ гад̇ваа массугаммаад̣̇ийни гаараабзд̇ваа саб̣б̣аалан̇гаарабадиман̣д̣ид̇зна барибхуд̇д̇анаанаг̇г̇арасабхож̇анзна д̇зна сад̣̇д̇хим̣ суканисинно маад̇аабид̇уунам̣ бавад̇д̇им̣ бужчид̇ваа анааг̇аманабхаавам̣ сун̣и. саакоби ‘‘бод̇д̇иго мам̣ ран̃н̃о санд̇игз барибхинд̣̇зяяа , маяи бана г̇ад̇з гин̃жи вад̇д̇ум̣ на сагкиссад̇ий’’д̇и д̇ад̇т̇зва аг̇амааси. бод̇д̇иго д̇асса санд̇игзязва рааж̇аанам̣ ааманд̇зд̇ваа ‘‘д̣̇зва, ахам̣ маг̇г̇агиланд̇о ‘саакасса г̇зхам̣ г̇анд̇ваа виссамид̇ваа ид̇хааг̇амиссаамий’д̇и аг̇амим̣. ат̇а мам̣ саако ‘наахам̣ д̇ам̣ ж̇аанаамий’д̇и вад̇ваа годдаабзд̇ваа г̇ийвааяам̣ г̇аахаабзд̇ваа нийхараабзсийд̇и сад̣̇д̣̇ахзяяааси д̇вам̣ зд̇а’’нд̇и вад̇ваа д̇иссо г̇аат̇аа абхааси –
So cintesi ‘‘sākho mama santikā senāpatiṭṭhānaṃ labhitvā akataññū mittadubbhī, maṃ koṭṭāpetvā nīharāpesi, nigrodho pana paṇḍito kataññū sappuriso, tasseva santikaṃ gamissāmī’’ti. So rājadvāraṃ gantvā ‘‘deva, pottiko kira nāma te sahāyo dvāre ṭhito’’ti rañño ārocāpesi. Rājā pakkosāpetvā taṃ āgacchantaṃ disvā āsanā vuṭṭhāya paccuggantvā paṭisanthāraṃ katvā massukammādīni kārāpetvā sabbālaṅkārapaṭimaṇḍitena paribhuttanānaggarasabhojanena tena saddhiṃ sukhanisinno mātāpitūnaṃ pavattiṃ pucchitvā anāgamanabhāvaṃ suṇi. Sākhopi ‘‘pottiko maṃ rañño santike paribhindeyya , mayi pana gate kiñci vattuṃ na sakkhissatī’’ti tattheva agamāsi. Pottiko tassa santikeyeva rājānaṃ āmantetvā ‘‘deva, ahaṃ maggakilanto ‘sākhassa gehaṃ gantvā vissamitvā idhāgamissāmī’ti agamiṃ. Atha maṃ sākho ‘nāhaṃ taṃ jānāmī’ti vatvā koṭṭāpetvā gīvāyaṃ gāhāpetvā nīharāpesīti saddaheyyāsi tvaṃ eta’’nti vatvā tisso gāthā abhāsi –
72.
72.
‘‘на ваахамзд̇ам̣ ж̇аанаами, го вааяам̣ гасса ваад̇и ваа;
‘‘Na vāhametaṃ jānāmi, ko vāyaṃ kassa vāti vā;
яат̇аа саако вад̣̇и зва, ниг̇род̇ха гинд̇и ман̃н̃аси.
Yathā sākho vadi eva, nigrodha kinti maññasi.
73.
73.
‘‘д̇ад̇о г̇алавинийд̇зна, бурисаа нийхарим̣су мам̣;
‘‘Tato galavinītena, purisā nīhariṃsu maṃ;
д̣̇ад̇ваа мукабахаараани, саакасса важанам̣гараа.
Datvā mukhapahārāni, sākhassa vacanaṃkarā.
74.
74.
‘‘зд̇аад̣̇исам̣ д̣̇уммад̇инаа, агад̇ан̃н̃уна д̣̇уб̣бхинаа;
‘‘Etādisaṃ dummatinā, akataññuna dubbhinā;
гад̇ам̣ анарияам̣ саакзна, сакинаа д̇з ж̇анаад̇хибаа’’д̇и.
Kataṃ anariyaṃ sākhena, sakhinā te janādhipā’’ti.
д̇ад̇т̇а гинд̇и ман̃н̃асийд̇и яат̇аа мам̣ саако ажари, гим̣ д̇вамби звамзва ман̃н̃аси, уд̣̇ааху ан̃н̃ат̇аа ман̃н̃аси, мам̣ саако звам̣ вад̣̇зяяаад̇и сад̣̇д̣̇ахаси, д̇ам̣ на сад̣̇д̣̇ахасийд̇и ад̇хиббааяо. г̇алавинийд̇знаад̇и г̇алаг̇г̇аахзна. д̣̇уб̣бхинаад̇и мид̇д̇ад̣̇уб̣бхинаа.
Tattha kinti maññasīti yathā maṃ sākho acari, kiṃ tvampi evameva maññasi, udāhu aññathā maññasi, maṃ sākho evaṃ vadeyyāti saddahasi, taṃ na saddahasīti adhippāyo. Galavinītenāti galaggāhena. Dubbhināti mittadubbhinā.
д̇ам̣ суд̇ваа ниг̇род̇хо жад̇ассо г̇аат̇аа абхааси –
Taṃ sutvā nigrodho catasso gāthā abhāsi –
75.
75.
‘‘на ваахамзд̇ам̣ ж̇аанаами, наби мз гожи сам̣сад̇и;
‘‘Na vāhametaṃ jānāmi, napi me koci saṃsati;
яам̣ мз д̇вам̣ самма агкааси, саакзна гааран̣ам̣ гад̇ам̣.
Yaṃ me tvaṃ samma akkhāsi, sākhena kāraṇaṃ kataṃ.
76.
76.
‘‘сакийнам̣ сааж̇ийвагаро, мама саакасса жуубхаяам̣;
‘‘Sakhīnaṃ sājīvakaro, mama sākhassa cūbhayaṃ;
д̇вам̣ носиссарияам̣ д̣̇аад̇аа, мануссзсу маханд̇ад̇ам̣;
Tvaṃ nosissariyaṃ dātā, manussesu mahantataṃ;
д̇аяаамаа лаб̣бхид̇аа ид̣̇д̇хий, зд̇т̇а мз над̇т̇и сам̣саяо.
Tayāmā labbhitā iddhī, ettha me natthi saṃsayo.
77.
77.
‘‘яат̇ааби б̣ийж̇амаг̇г̇имхи, д̣аяхад̇и на вируухад̇и;
‘‘Yathāpi bījamaggimhi, ḍayhati na virūhati;
звам̣ гад̇ам̣ асаббурисз, нассад̇и на вируухад̇и.
Evaṃ kataṃ asappurise, nassati na virūhati.
78.
78.
‘‘гад̇ан̃н̃умхи жа босамхи, сийлаванд̇з арияавуд̇д̇инз;
‘‘Kataññumhi ca posamhi, sīlavante ariyavuttine;
сукзд̇д̇з вияа б̣ийж̇аани, гад̇ам̣ д̇амхи на нассад̇ий’’д̇и.
Sukhette viya bījāni, kataṃ tamhi na nassatī’’ti.
д̇ад̇т̇а сам̣сад̇ийд̇и аажигкад̇и. гааран̣ам̣ гад̇анд̇и аагад̣дханавигад̣дханабот̇анагодданасан̇каад̇ам̣ гааран̣ам̣ гад̇анд̇и ад̇т̇о. сакийнам̣ сааж̇ийвагарод̇и самма, бод̇д̇ига д̇вам̣ сахааяагаанам̣ суааж̇ийвагаро ж̇ийвигааяа уббаад̣̇зд̇аа. мама саакасса жуубхаяанд̇и маяхан̃жа саакасса жа убхиннамби сакийнанд̇и ад̇т̇о. д̇вам̣ носиссарияанд̇и д̇вам̣ но аси иссарияам̣ д̣̇аад̇аа, д̇ава санд̇игаа имаа самбад̇д̇ий амхзхи лад̣̇д̇хаа. маханд̇ад̇анд̇и маханд̇абхаавам̣.
Tattha saṃsatīti ācikkhati. Kāraṇaṃ katanti ākaḍḍhanavikaḍḍhanapothanakoṭṭanasaṅkhātaṃ kāraṇaṃ katanti attho. Sakhīnaṃ sājīvakaroti samma, pottika tvaṃ sahāyakānaṃ suājīvakaro jīvikāya uppādetā. Mama sākhassa cūbhayanti mayhañca sākhassa ca ubhinnampi sakhīnanti attho. Tvaṃ nosissariyanti tvaṃ no asi issariyaṃ dātā, tava santikā imā sampattī amhehi laddhā. Mahantatanti mahantabhāvaṃ.
зван̃жа бана вад̇ваа зд̇д̇агам̣ гат̇знд̇з ниг̇род̇хз саако д̇ад̇т̇зва адтааси. ат̇а нам̣ рааж̇аа ‘‘саака имам̣ бод̇д̇игам̣ сан̃ж̇аанаасий’’д̇и бужчи. со д̇ун̣хий ахоси. ат̇асса рааж̇аа д̣̇ан̣д̣ам̣ аан̣аабзнд̇о адтамам̣ г̇аат̇амааха –
Evañca pana vatvā ettakaṃ kathente nigrodhe sākho tattheva aṭṭhāsi. Atha naṃ rājā ‘‘sākha imaṃ pottikaṃ sañjānāsī’’ti pucchi. So tuṇhī ahosi. Athassa rājā daṇḍaṃ āṇāpento aṭṭhamaṃ gāthamāha –
79.
79.
‘‘имам̣ ж̇аммам̣ нзгад̇игам̣, асаббурисажинд̇агам̣;
‘‘Imaṃ jammaṃ nekatikaṃ, asappurisacintakaṃ;
хананд̇у саакам̣ сад̇д̇ийхи, наасса ижчаами ж̇ийвид̇а’’нд̇и.
Hanantu sākhaṃ sattīhi, nāssa icchāmi jīvita’’nti.
д̇ад̇т̇а ж̇амманд̇и лаамагам̣. нзгад̇иганд̇и ван̃жагам̣.
Tattha jammanti lāmakaṃ. Nekatikanti vañcakaṃ.
д̇ам̣ суд̇ваа бод̇д̇иго ‘‘маа зса б̣аало мам̣ ниссааяа нассад̇уу’’д̇и жинд̇зд̇ваа навамам̣ г̇аат̇амааха –
Taṃ sutvā pottiko ‘‘mā esa bālo maṃ nissāya nassatū’’ti cintetvā navamaṃ gāthamāha –
80.
80.
‘‘камад̇асса махаарааж̇а, баан̣аа на бадиаанаяаа;
‘‘Khamatassa mahārāja, pāṇā na paṭiānayā;
кама д̣̇зва асаббурисасса, наасса ижчаамахам̣ вад̇ха’’нд̇и.
Khama deva asappurisassa, nāssa icchāmahaṃ vadha’’nti.
д̇ад̇т̇а камад̇ассаад̇и камад̇ам̣ асса, зд̇асса асаббурисасса камат̇аад̇и ад̇т̇о. на бадиаанаяаад̇и мад̇асса наама баан̣аа бадиаанзд̇ум̣ на саггаа.
Tattha khamatassāti khamataṃ assa, etassa asappurisassa khamathāti attho. Na paṭiānayāti matassa nāma pāṇā paṭiānetuṃ na sakkā.
рааж̇аа д̇асса важанам̣ суд̇ваа саакасса ками, сзнаабад̇идтаанамби бод̇д̇игассзва д̣̇аад̇угаамо ахоси , со бана на ижчи. ат̇асса саб̣б̣асзнаанийнам̣ вижааран̣аарахам̣ бхан̣д̣ааг̇ааригадтаанам̣ наама ад̣̇ааси. буб̣б̣з гирзд̇ам̣ таананд̇арам̣ наахоси, д̇ад̇о бадтааяа ж̇аад̇ам̣. абарабхааг̇з бод̇д̇иго бхан̣д̣ааг̇аариго буд̇д̇ад̇хийд̇аахи вад̣дхамаано ад̇д̇ано буд̇д̇ад̇хийд̇аанам̣ оваад̣̇авасзна осаанаг̇аат̇амааха –
Rājā tassa vacanaṃ sutvā sākhassa khami, senāpatiṭṭhānampi pottikasseva dātukāmo ahosi , so pana na icchi. Athassa sabbasenānīnaṃ vicāraṇārahaṃ bhaṇḍāgārikaṭṭhānaṃ nāma adāsi. Pubbe kiretaṃ ṭhānantaraṃ nāhosi, tato paṭṭhāya jātaṃ. Aparabhāge pottiko bhaṇḍāgāriko puttadhītāhi vaḍḍhamāno attano puttadhītānaṃ ovādavasena osānagāthamāha –
81.
81.
‘‘ниг̇род̇хамзва сзвзяяа, на саакамубасам̣васз;
‘‘Nigrodhameva seveyya, na sākhamupasaṃvase;
ниг̇род̇хасмим̣ мад̇ам̣ сзяяо, яан̃жз саакасми ж̇ийвид̇а’’нд̇и.
Nigrodhasmiṃ mataṃ seyyo, yañce sākhasmi jīvita’’nti.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, д̣̇звад̣̇ад̇д̇о буб̣б̣зби агад̇ан̃н̃ууязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа саако д̣̇звад̣̇ад̇д̇о ахоси, бод̇д̇иго аананд̣̇о, ниг̇род̇хо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, bhikkhave, devadatto pubbepi akataññūyevā’’ti vatvā jātakaṃ samodhānesi – ‘‘tadā sākho devadatto ahosi, pottiko ānando, nigrodho pana ahameva ahosi’’nti.
ниг̇род̇хаж̇аад̇агаван̣н̣анаа сад̇д̇амаа.
Nigrodhajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 445. ниг̇род̇хаж̇аад̇агам̣ • 445. Nigrodhajātakaṃ
