| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. нигадтасуд̇д̇ам̣
8. Nikaṭṭhasuttaṃ
138. ‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? нигадтагааяо анигадтажид̇д̇о, анигадтагааяо нигадтажид̇д̇о, анигадтагааяо жа анигадтажид̇д̇о жа, нигадтагааяо жа нигадтажид̇д̇о жа.
138. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Nikaṭṭhakāyo anikaṭṭhacitto, anikaṭṭhakāyo nikaṭṭhacitto, anikaṭṭhakāyo ca anikaṭṭhacitto ca, nikaṭṭhakāyo ca nikaṭṭhacitto ca.
‘‘гат̇ан̃жа, бхигкавз, буг̇г̇ало нигадтагааяо ход̇и анигадтажид̇д̇о? ид̇ха, бхигкавз, згажжо буг̇г̇ало аран̃н̃аванабад̇т̇аани 1 банд̇аани сзнаасанаани бадисзвад̇и. со д̇ад̇т̇а гаамавид̇аггамби вид̇аггзд̇и б̣яаабаад̣̇авид̇аггамби вид̇аггзд̇и вихим̣саавид̇аггамби вид̇аггзд̇и. звам̣ ко, бхигкавз, буг̇г̇ало нигадтагааяо ход̇и анигадтажид̇д̇о.
‘‘Kathañca, bhikkhave, puggalo nikaṭṭhakāyo hoti anikaṭṭhacitto? Idha, bhikkhave, ekacco puggalo araññavanapatthāni 2 pantāni senāsanāni paṭisevati. So tattha kāmavitakkampi vitakketi byāpādavitakkampi vitakketi vihiṃsāvitakkampi vitakketi. Evaṃ kho, bhikkhave, puggalo nikaṭṭhakāyo hoti anikaṭṭhacitto.
‘‘гат̇ан̃жа, бхигкавз, буг̇г̇ало анигадтагааяо ход̇и нигадтажид̇д̇о? ид̇ха, бхигкавз, згажжо буг̇г̇ало нахзва ко аран̃н̃аванабад̇т̇аани банд̇аани сзнаасанаани бадисзвад̇и. со д̇ад̇т̇а нзгкаммавид̇аггамби вид̇аггзд̇и аб̣яаабаад̣̇авид̇аггамби вид̇аггзд̇и авихим̣саавид̇аггамби вид̇аггзд̇и. звам̣ ко, бхигкавз, буг̇г̇ало анигадтагааяо ход̇и нигадтажид̇д̇о.
‘‘Kathañca, bhikkhave, puggalo anikaṭṭhakāyo hoti nikaṭṭhacitto? Idha, bhikkhave, ekacco puggalo naheva kho araññavanapatthāni pantāni senāsanāni paṭisevati. So tattha nekkhammavitakkampi vitakketi abyāpādavitakkampi vitakketi avihiṃsāvitakkampi vitakketi. Evaṃ kho, bhikkhave, puggalo anikaṭṭhakāyo hoti nikaṭṭhacitto.
‘‘гат̇ан̃жа, бхигкавз, буг̇г̇ало анигадтагааяо жа ход̇и анигадтажид̇д̇о жа? ид̇ха, бхигкавз, згажжо буг̇г̇ало нахзва ко аран̃н̃аванабад̇т̇аани банд̇аани сзнаасанаани бадисзвад̇и . со д̇ад̇т̇а гаамавид̇аггамби вид̇аггзд̇и б̣яаабаад̣̇авид̇аггамби вид̇аггзд̇и вихим̣саавид̇аггамби вид̇аггзд̇и. звам̣ ко, бхигкавз, буг̇г̇ало анигадтагааяо жа ход̇и анигадтажид̇д̇о жа.
‘‘Kathañca, bhikkhave, puggalo anikaṭṭhakāyo ca hoti anikaṭṭhacitto ca? Idha, bhikkhave, ekacco puggalo naheva kho araññavanapatthāni pantāni senāsanāni paṭisevati . So tattha kāmavitakkampi vitakketi byāpādavitakkampi vitakketi vihiṃsāvitakkampi vitakketi. Evaṃ kho, bhikkhave, puggalo anikaṭṭhakāyo ca hoti anikaṭṭhacitto ca.
‘‘гат̇ан̃жа, бхигкавз, буг̇г̇ало нигадтагааяо жа ход̇и нигадтажид̇д̇о жа? ид̇ха, бхигкавз, згажжо буг̇г̇ало аран̃н̃аванабад̇т̇аани банд̇аани сзнаасанаани бадисзвад̇и. со д̇ад̇т̇а нзгкаммавид̇аггамби вид̇аггзд̇и аб̣яаабаад̣̇авид̇аггамби вид̇аггзд̇и авихим̣саавид̇аггамби вид̇аггзд̇и. звам̣ ко, бхигкавз, буг̇г̇ало нигадтагааяо жа ход̇и нигадтажид̇д̇о жа. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. адтамам̣.
‘‘Kathañca, bhikkhave, puggalo nikaṭṭhakāyo ca hoti nikaṭṭhacitto ca? Idha, bhikkhave, ekacco puggalo araññavanapatthāni pantāni senāsanāni paṭisevati. So tattha nekkhammavitakkampi vitakketi abyāpādavitakkampi vitakketi avihiṃsāvitakkampi vitakketi. Evaṃ kho, bhikkhave, puggalo nikaṭṭhakāyo ca hoti nikaṭṭhacitto ca. Ime kho, bhikkhave, cattāro puggalā santo saṃvijjamānā lokasmi’’nti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. нигадтасуд̇д̇аван̣н̣анаа • 8. Nikaṭṭhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-8. сааваж̇ж̇асуд̇д̇аад̣̇иван̣н̣анаа • 5-8. Sāvajjasuttādivaṇṇanā
