| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
ниманд̇анабхад̇д̇агат̇аа
Nimantanabhattakathā
ниманд̇анам̣ буг̇г̇алигам̣ сан̇гхиган̃жаад̇и д̣̇увид̇хам̣. д̇ад̇т̇а буг̇г̇алигам̣ санд̇хааяа вуд̇д̇ам̣ ‘‘буг̇г̇алигам̣ жз саяамзва иссаро’’д̇и. ‘‘зд̇д̇агз бхигкуу сан̇гхад̇о уд̣̇д̣̇исат̇аа’’д̇иаад̣̇ийни авад̇ваа ‘‘зд̇д̇агаанам̣ бхигкуунам̣ бхад̇д̇ам̣ г̇ан̣хат̇аа’’д̇и ниманд̇зд̇ваа д̣̇иннам̣ сан̇гхигам̣ ниманд̇анам̣ наама. зд̇т̇аад̇и ниманд̇анз. бин̣д̣абаад̇игаанамби ваддад̇ийд̇и ‘‘бхигка’’нд̇и габбияавохаарзна вуд̇д̇ад̇д̇аа бин̣д̣абаад̇игаанамби ваддад̇и. бадибаадияаад̇и сан̇гхад̇о лад̣̇д̇хабадибаадияаа. ааг̇ад̇амануссо вад̣̇ад̇ийд̇и самб̣анд̇хо. вижчинд̣̇ид̇ваад̇и ‘‘д̇умхз жа г̇ажчат̇аа’’д̇и важанам̣ вижчинд̣̇ид̇ваа.
Nimantanaṃ puggalikaṃ saṅghikañcāti duvidhaṃ. Tattha puggalikaṃ sandhāya vuttaṃ ‘‘puggalikaṃ ce sayameva issaro’’ti. ‘‘Ettake bhikkhū saṅghato uddisathā’’tiādīni avatvā ‘‘ettakānaṃ bhikkhūnaṃ bhattaṃ gaṇhathā’’ti nimantetvā dinnaṃ saṅghikaṃ nimantanaṃ nāma. Etthāti nimantane. Piṇḍapātikānampi vaṭṭatīti ‘‘bhikkha’’nti kappiyavohārena vuttattā piṇḍapātikānampi vaṭṭati. Paṭipāṭiyāti saṅghato laddhapaṭipāṭiyā. Āgatamanusso vadatīti sambandho. Vicchinditvāti ‘‘tumhe ca gacchathā’’ti vacanaṃ vicchinditvā.
ниманд̇анабхад̇д̇агхарад̇од̇и ниманд̇анабхад̇д̇асса д̣̇иннагхарад̇о. зго аахарад̇ийд̇и самб̣анд̇хо. буурзд̇ваад̇и бхад̇д̇асса буурзд̇ваа. д̇анд̇и бхад̇д̇ам̣. ид̇хаабийд̇и ниманд̇анзби.
Nimantanabhattagharatoti nimantanabhattassa dinnagharato. Eko āharatīti sambandho. Pūretvāti bhattassa pūretvā. Tanti bhattaṃ. Idhāpīti nimantanepi.
д̇ад̇од̇и вад̣̇анагааран̣аа. ‘‘со бхигкуу’’д̇и бад̣̇ам̣ ‘‘ассаа’’д̇и бад̣̇з багад̇игад̇д̇аа, ‘‘ж̇иг̇ужчанийяо’’д̇и бад̣̇ам̣ д̇ад̇т̇зва вигад̇игад̇д̇аа. ассаад̇и бхавзяяа, ход̇и ваа. ‘‘бад̇д̇ад̇т̇ааяа ааг̇ад̇омхий’’д̇и вад̣̇анд̇асса д̇асса бад̇д̇о д̣̇аад̇аб̣б̣од̇и яож̇анаа. бхад̇д̇аахаран̣агабад̇д̇анд̇и бхад̇д̇ам̣ аахарад̇и анзнаад̇и бхад̇д̇аахаран̣аго, соязва бад̇д̇о бхад̇д̇аахаран̣агабад̇д̇о, д̇ам̣. бадибаадибхад̇д̇анд̇и бадибаадияаа лад̣̇д̇хам̣ бхад̇д̇ам̣.
Tatoti vadanakāraṇā. ‘‘So bhikkhū’’ti padaṃ ‘‘assā’’ti pade pakatikattā, ‘‘jigucchanīyo’’ti padaṃ tattheva vikatikattā. Assāti bhaveyya, hoti vā. ‘‘Pattatthāya āgatomhī’’ti vadantassa tassa patto dātabboti yojanā. Bhattāharaṇakapattanti bhattaṃ āharati anenāti bhattāharaṇako, soyeva patto bhattāharaṇakapatto, taṃ. Paṭipāṭibhattanti paṭipāṭiyā laddhaṃ bhattaṃ.
аалобабхад̇д̇адтид̇игад̇од̇и згзгааалобзна лад̣̇д̇хасса бхад̇д̇асса тид̇игад̇о. аалобасан̇кзбзнаад̇и згзгасмим̣ аалобз д̇ам̣сам̣кибанзна. аяам̣ наяо уд̣̇д̣̇зсабхад̇д̇ад̇о висзсо. гасса д̇з аабхад̇анд̇и гасса ад̇т̇ааяа д̇аяаа аабхад̇анд̇и яож̇анаа. сан̇гхасса мз бхад̇д̇анд̇и сан̇гхасса ад̇т̇ааяа маяаа бхад̇д̇ам̣ аабхад̇ам̣. т̇зраанам̣ мз бхад̇д̇анд̇и т̇зраанам̣ маяаа бхад̇д̇ам̣ аабхад̇ам̣.
Ālopabhattaṭṭhitikatoti ekekaālopena laddhassa bhattassa ṭhitikato. Ālopasaṅkhepenāti ekekasmiṃ ālope taṃsaṃkhipanena. Ayaṃ nayo uddesabhattato viseso. Kassa te ābhatanti kassa atthāya tayā ābhatanti yojanā. Saṅghassa me bhattanti saṅghassa atthāya mayā bhattaṃ ābhataṃ. Therānaṃ me bhattanti therānaṃ mayā bhattaṃ ābhataṃ.
убаасаго бахин̣аад̇ийд̇и самб̣анд̇хо. имз д̇аяо ж̇анаад̇и сан̇гхад̇т̇зро жа г̇ант̇ад̇худ̇ан̇г̇авасзна абхин̃н̃аад̇о жа бхад̇д̇уд̣̇д̣̇зсаго жаад̇и имз д̇аяо ж̇анаа. бужчид̇унд̇и ‘‘гим̣ сан̇гхад̇о г̇ан̣хаами, уд̣̇ааху яз ж̇аанаами, д̇зхи сад̣̇д̇хим̣ ааг̇ажчаамий’’д̇и бужчид̇ум̣. аарухияид̇т̇аад̇и ааруул̣хаа. ад̇д̇анавамзхийд̇и ад̇д̇аа навамо зд̇зсанд̇и ад̇д̇анавамаа, д̇зхи бхигкуухийд̇и самб̣анд̇хо. хийд̇и яасмаа. зд̇з бхигкууд̇и сан̇гхад̇т̇зраад̣̇аяо д̇аяо зд̇з бхигкуу. д̇знаад̇и г̇ант̇ад̇худ̇ан̇г̇аад̣̇ийхи анабхин̃н̃аад̇зна бхигкунаа бадибаж̇ж̇ид̇аб̣б̣анд̇и самб̣анд̇хо. ниссид̇агз ваа, яз бхигкуу ж̇аанаат̇а, д̇з бхигкуу ваа г̇ахзд̇ваад̇и яож̇анаа. ад̇д̇анаа ан̃н̃о г̇аамо г̇анд̇аб̣б̣од̇и самб̣анд̇хо. соязва г̇аамод̇и ниманд̇анаг̇аамоязва.
Upāsako pahiṇātīti sambandho. Ime tayo janāti saṅghatthero ca ganthadhutaṅgavasena abhiññāto ca bhattuddesako cāti ime tayo janā. Pucchitunti ‘‘kiṃ saṅghato gaṇhāmi, udāhu ye jānāmi, tehi saddhiṃ āgacchāmī’’ti pucchituṃ. Āruhiyitthāti ārūḷhā. Attanavamehīti attā navamo etesanti attanavamā, tehi bhikkhūhīti sambandho. Hīti yasmā. Ete bhikkhūti saṅghattherādayo tayo ete bhikkhū. Tenāti ganthadhutaṅgādīhi anabhiññātena bhikkhunā paṭipajjitabbanti sambandho. Nissitake vā, ye bhikkhū jānātha, te bhikkhū vā gahetvāti yojanā. Attanā añño gāmo gantabboti sambandho. Soyeva gāmoti nimantanagāmoyeva.
д̇ад̇раад̇и асанасаалааяам̣. уссаваад̣̇ийсууд̇и чан̣аад̣̇ийсу. аад̣̇исад̣̇д̣̇зна ан̃н̃зна гзнажи гааран̣зна мануссаанам̣ б̣ахусаннибаад̇ам̣ сан̇г̇ан̣хаад̇и. д̇ад̣̇аад̇и д̇асмим̣ ниманд̇анагаалз. саннибаад̇адтаанад̇од̇и бхигкуунам̣ саннибаад̇адтаанад̇о. яат̇аасад̇д̇ийд̇и сад̇д̇ияаа ануруубам̣, сад̇д̇им̣ анад̇иггамид̇ваад̇и ад̇т̇о. зд̇т̇а жа сад̇д̇исад̣̇д̣̇асса гунд̇асан̇каад̇асса сад̇т̇ассаби ваажагад̇д̇аа д̇ам̣ бадигкибанд̇о ааха ‘‘яат̇ааб̣ала’’нд̇и.
Tatrāti asanasālāyaṃ. Ussavādīsūti chaṇādīsu. Ādisaddena aññena kenaci kāraṇena manussānaṃ bahusannipātaṃ saṅgaṇhāti. Tadāti tasmiṃ nimantanakāle. Sannipātaṭṭhānatoti bhikkhūnaṃ sannipātaṭṭhānato. Yathāsattīti sattiyā anurūpaṃ, sattiṃ anatikkamitvāti attho. Ettha ca sattisaddassa kuntasaṅkhātassa satthassapi vācakattā taṃ paṭikkhipanto āha ‘‘yathābala’’nti.
сан̇гхад̇т̇зро ваа ааг̇ажчанд̇ийд̇и самб̣анд̇хо. б̣ахугад̇д̇аарамабзгкид̇ваа ‘‘ааг̇ажчанд̇ий’’д̇и б̣ахуважанавасзна вуд̇д̇ам̣. згавааранд̇и згасмим̣ д̣̇ивасз, ааг̇аманад̣̇ивасзд̇и ад̇т̇о. бадиб̣ад̣̇д̇хагаалад̇од̇и д̇ад̇т̇зва сагадтаанз ваасасса ниб̣ад̣̇д̇хагаалад̇о. д̣̇уд̇ияаваарзд̇и д̣̇уд̇ияад̣̇ивасз. абхинаваааг̇анд̇угааваад̇и анааг̇аманабуб̣б̣аа абхинаваа ааг̇анд̇угаава. д̇ад̇раад̇и д̇асмим̣ бад̇д̇адтаанз. д̇зсанд̇и абхинаваааг̇анд̇угаанам̣. зд̇т̇аад̇и анааг̇ад̇абуб̣б̣адтаанз.
Saṅghatthero vā āgacchantīti sambandho. Bahukattāramapekkhitvā ‘‘āgacchantī’’ti bahuvacanavasena vuttaṃ. Ekavāranti ekasmiṃ divase, āgamanadivaseti attho. Paṭibaddhakālatoti tattheva sakaṭṭhāne vāsassa nibaddhakālato. Dutiyavāreti dutiyadivase. Abhinavaāgantukāvāti anāgamanapubbā abhinavā āgantukāva. Tatrāti tasmiṃ pattaṭṭhāne. Tesanti abhinavaāgantukānaṃ. Etthāti anāgatapubbaṭṭhāne.
саб̣б̣ад̇т̇аад̇и саб̣б̣зсу сагадтаанаааг̇анд̇угадтаанзсу. д̇знаад̇и ад̇илаабхинаа бхигкунаа. ависзсзд̇ваад̇и висзсамагад̇ваа.
Sabbatthāti sabbesu sakaṭṭhānaāgantukaṭṭhānesu. Tenāti atilābhinā bhikkhunā. Avisesetvāti visesamakatvā.
