Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[541] 4. нимиж̇аад̇агаван̣н̣анаа

[541] 4. Nimijātakavaṇṇanā

ажчзрам̣ вад̇а логасминд̇и ид̣̇ам̣ сад̇т̇аа мит̇илам̣ убаниссааяа магхад̣̇зваамб̣аванз вихаранд̇о сид̇абаад̇угаммам̣ аараб̣бха гат̇зси. згад̣̇ивасан̃хи сад̇т̇аа сааяанхасамаяз самб̣ахулзхи бхигкуухи сад̣̇д̇хим̣ д̇асмим̣ амб̣аванз жааригам̣ жарамаано згам̣ раман̣ийяам̣ бхуумиббад̣̇зсам̣ д̣̇исваа ад̇д̇ано буб̣б̣ажарияам̣ гат̇зд̇угаамо худ̇ваа сид̇абаад̇угаммам̣ гад̇ваа ааяасмад̇аа аананд̣̇ад̇т̇зрзна сид̇абаад̇угаммагааран̣ам̣ будто ‘‘аананд̣̇а, аяам̣ бхуумиббад̣̇зсо буб̣б̣з маяаа магхад̣̇зварааж̇агаалз жхаанагийл̣хам̣ гийл̣анд̇зна аж̇жхаавудтабуб̣б̣о’’д̇и вад̇ваа д̇зна яаажид̇о бан̃н̃ад̇д̇аасанз нисийд̣̇ид̇ваа ад̇ийд̇ам̣ аахари.

Accheraṃvata lokasminti idaṃ satthā mithilaṃ upanissāya maghadevaambavane viharanto sitapātukammaṃ ārabbha kathesi. Ekadivasañhi satthā sāyanhasamaye sambahulehi bhikkhūhi saddhiṃ tasmiṃ ambavane cārikaṃ caramāno ekaṃ ramaṇīyaṃ bhūmippadesaṃ disvā attano pubbacariyaṃ kathetukāmo hutvā sitapātukammaṃ katvā āyasmatā ānandattherena sitapātukammakāraṇaṃ puṭṭho ‘‘ānanda, ayaṃ bhūmippadeso pubbe mayā maghadevarājakāle jhānakīḷhaṃ kīḷantena ajjhāvuṭṭhapubbo’’ti vatvā tena yācito paññattāsane nisīditvā atītaṃ āhari.

ад̇ийд̇з вид̣̇зхарадтз мит̇иланаг̇арз магхад̣̇зво наама рааж̇аа раж̇ж̇ам̣ гаарзси. со жад̇ураасийд̇ивассасахассаани гумаарагийл̣хам̣ гийл̣и, жад̇ураасийд̇ивассасахассаани убараж̇ж̇ам̣ гаарзси, жад̇ураасийд̇ивассасахассаани раж̇ж̇ам̣ гаарзнд̇о ‘‘яад̣̇аа мз самма габбага, сирасмим̣ балид̇аани бассзяяааси, д̇ад̣̇аа мз аарожзяяаасий’’д̇и ааха. абарабхааг̇з габбаго балид̇аани д̣̇исваа ран̃н̃о аарожзси. рааж̇аа балид̇ам̣ суван̣н̣асан̣д̣аасзна уд̣̇д̇хараабзд̇ваа хад̇т̇ад̇алз бад̇идтаабзд̇ваа балид̇ам̣ ологзд̇ваа мажжурааж̇зна ааг̇анд̇ваа налаадз лаг̇г̇ам̣ вияа маран̣ам̣ самбассамаано ‘‘ид̣̇аани мз баб̣б̣аж̇ид̇агаало’’д̇и габбагасса г̇аамаварам̣ д̣̇ад̇ваа ж̇здтабуд̇д̇ам̣ баггосаабзд̇ваа ‘‘д̇аад̇а, раж̇ж̇ам̣ бадижча, ахам̣ баб̣б̣аж̇иссаамий’’д̇и вад̇ваа ‘‘гим̣ гааран̣аа д̣̇зваа’’д̇и вуд̇д̇з –

Atīte videharaṭṭhe mithilanagare maghadevo nāma rājā rajjaṃ kāresi. So caturāsītivassasahassāni kumārakīḷhaṃ kīḷi, caturāsītivassasahassāni uparajjaṃ kāresi, caturāsītivassasahassāni rajjaṃ kārento ‘‘yadā me samma kappaka, sirasmiṃ palitāni passeyyāsi, tadā me āroceyyāsī’’ti āha. Aparabhāge kappako palitāni disvā rañño ārocesi. Rājā palitaṃ suvaṇṇasaṇḍāsena uddharāpetvā hatthatale patiṭṭhāpetvā palitaṃ oloketvā maccurājena āgantvā nalāṭe laggaṃ viya maraṇaṃ sampassamāno ‘‘idāni me pabbajitakālo’’ti kappakassa gāmavaraṃ datvā jeṭṭhaputtaṃ pakkosāpetvā ‘‘tāta, rajjaṃ paṭiccha, ahaṃ pabbajissāmī’’ti vatvā ‘‘kiṃ kāraṇā devā’’ti vutte –

‘‘уд̇д̇аман̇г̇арухаа маяхам̣, имз ж̇аад̇аа ваяохараа;

‘‘Uttamaṅgaruhā mayhaṃ, ime jātā vayoharā;

баад̇убхууд̇аа д̣̇звад̣̇ууд̇аа, баб̣б̣аж̇ж̇аасамаяо мамаа’’д̇и. –

Pātubhūtā devadūtā, pabbajjāsamayo mamā’’ti. –

вад̇ваа буд̇д̇ам̣ раж̇ж̇з абхисин̃жид̇ваа ‘‘д̇аад̇а, д̇вамби зваруубам̣ балид̇ам̣ д̣̇исваава баб̣б̣аж̇зяяаасий’’д̇и д̇ам̣ овад̣̇ид̇ваа наг̇араа нигкамид̇ваа амб̣аванз исибаб̣б̣аж̇ж̇ам̣ баб̣б̣аж̇ид̇ваа жад̇ураасийд̇ивассасахассаани жад̇д̇ааро б̣рахмавихаарз бхаавзд̇ваа б̣рахмалогз ниб̣б̣ад̇д̇и. буд̇д̇обисса зд̇знзва убааязна баб̣б̣аж̇ид̇ваа б̣рахмалогабарааяан̣о ахоси. д̇ат̇аа д̇асса буд̇д̇о, д̇ат̇аа д̇асса буд̇д̇од̇и звам̣ д̣̇вийхи уунаани жад̇ураасийд̇икад̇д̇ияасахассаани сийсз балид̇ам̣ д̣̇исваава имасмим̣ амб̣аванз баб̣б̣аж̇ид̇ваа жад̇д̇ааро б̣рахмавихаарз бхаавзд̇ваа б̣рахмалогз ниб̣б̣ад̇д̇им̣су.

Vatvā puttaṃ rajje abhisiñcitvā ‘‘tāta, tvampi evarūpaṃ palitaṃ disvāva pabbajeyyāsī’’ti taṃ ovaditvā nagarā nikkhamitvā ambavane isipabbajjaṃ pabbajitvā caturāsītivassasahassāni cattāro brahmavihāre bhāvetvā brahmaloke nibbatti. Puttopissa eteneva upāyena pabbajitvā brahmalokaparāyaṇo ahosi. Tathā tassa putto, tathā tassa puttoti evaṃ dvīhi ūnāni caturāsītikhattiyasahassāni sīse palitaṃ disvāva imasmiṃ ambavane pabbajitvā cattāro brahmavihāre bhāvetvā brahmaloke nibbattiṃsu.

д̇зсам̣ саб̣б̣абатамам̣ ниб̣б̣ад̇д̇о магхад̣̇зварааж̇аа б̣рахмалогз тид̇ова ад̇д̇ано вам̣сам̣ ологзнд̇о д̣̇вийхи уунаани жад̇ураасийд̇икад̇д̇ияасахассаани баб̣б̣аж̇ид̇аани д̣̇исваа д̇удтамаанасо худ̇ваа ‘‘ид̇о ну ко барам̣ бавад̇д̇иссад̇и, на бавад̇д̇иссад̇ий’’д̇и ологзнд̇о аббавад̇д̇анабхаавам̣ н̃ад̇ваа ‘‘мама вам̣сам̣ ахамзва гхадзссаамий’’д̇и жинд̇зд̇ваа д̇ад̇о жавид̇ваа мит̇иланаг̇арз ран̃н̃о аг̇г̇амахзсияаа гужчимхи бадисанд̇хим̣ г̇ан̣хид̇ваа д̣̇асамаасажжаязна маад̇у гужчид̇о нигками. рааж̇аа д̇асса наамаг̇г̇ахан̣ад̣̇ивасз нзмид̇д̇агз б̣раахман̣з баггосаабзд̇ваа бужчи. д̇з д̇асса лагкан̣аани ологзд̇ваа ‘‘махаарааж̇а, аяам̣ гумааро д̇умхаагам̣ вам̣сам̣ гхадзнд̇о уббанно. д̇умхааган̃хи вам̣со баб̣б̣аж̇ид̇авам̣со, имасса барад̇о нааг̇амиссад̇ий’’д̇и вад̣̇им̣су. д̇ам̣ суд̇ваа рааж̇аа ‘‘аяам̣ гумааро рат̇ажагганзми вияа мама вам̣сам̣ гхадзнд̇о ж̇аад̇о, д̇асмаа д̇асса ‘нимигумааро’д̇и наамам̣ гариссаамий’’д̇и жинд̇зд̇ваа ‘‘нимигумааро’’д̇исса наамам̣ агааси.

Tesaṃ sabbapaṭhamaṃ nibbatto maghadevarājā brahmaloke ṭhitova attano vaṃsaṃ olokento dvīhi ūnāni caturāsītikhattiyasahassāni pabbajitāni disvā tuṭṭhamānaso hutvā ‘‘ito nu kho paraṃ pavattissati, na pavattissatī’’ti olokento appavattanabhāvaṃ ñatvā ‘‘mama vaṃsaṃ ahameva ghaṭessāmī’’ti cintetvā tato cavitvā mithilanagare rañño aggamahesiyā kucchimhi paṭisandhiṃ gaṇhitvā dasamāsaccayena mātu kucchito nikkhami. Rājā tassa nāmaggahaṇadivase nemittake brāhmaṇe pakkosāpetvā pucchi. Te tassa lakkhaṇāni oloketvā ‘‘mahārāja, ayaṃ kumāro tumhākaṃ vaṃsaṃ ghaṭento uppanno. Tumhākañhi vaṃso pabbajitavaṃso, imassa parato nāgamissatī’’ti vadiṃsu. Taṃ sutvā rājā ‘‘ayaṃ kumāro rathacakkanemi viya mama vaṃsaṃ ghaṭento jāto, tasmā tassa ‘nimikumāro’ti nāmaṃ karissāmī’’ti cintetvā ‘‘nimikumāro’’tissa nāmaṃ akāsi.

со д̣̇ахарагаалад̇о бадтааяа д̣̇аанз сийлз убосат̇агаммз жа абхирад̇о ахоси. ат̇асса бид̇аа буриманаязнзва балид̇ам̣ д̣̇исваа габбагасса г̇аамаварам̣ д̣̇ад̇ваа буд̇д̇асса раж̇ж̇ам̣ нияяаад̣̇зд̇ваа амб̣аванз баб̣б̣аж̇ид̇ваа б̣рахмалогабарааяан̣о ахоси. нимирааж̇аа бана д̣̇аанаж̇жхаасаяад̇ааяа жад̇уусу наг̇арад̣̇ваарзсу наг̇арамаж̇жхз жаад̇и бан̃жасу таанзсу бан̃жа д̣̇аанасаалааяо гаараабзд̇ваа махаад̣̇аанам̣ бавад̇д̇зси. згзгааяа д̣̇аанасаалааяа сад̇асахассам̣ сад̇асахассам̣ гад̇ваа д̣̇звасигам̣ бан̃жа бан̃жа гахаабан̣асад̇асахассаани барижжаж̇и, нижжам̣ бан̃жа сийлаани рагки, багкад̣̇ивасзсу убосат̇ам̣ самаад̣̇ияи, махааж̇анамби д̣̇аанаад̣̇ийсу бун̃н̃зсу самаад̣̇абзси, саг̇г̇амаг̇г̇ам̣ аажигкид̇ваа нираяабхаязна д̇аж̇ж̇зд̇ваа д̇хаммам̣ д̣̇зсзси. д̇асса оваад̣̇з тид̇аа мануссаа д̣̇аанаад̣̇ийни бун̃н̃аани гад̇ваа д̇ад̇о жуд̇аа д̣̇звалогз ниб̣б̣ад̇д̇им̣су, д̣̇звалого барибуури, нираяо д̇ужчо вияа ахоси. д̇ад̣̇аа д̇аавад̇им̣сабхаванз д̣̇звасан̇гхаа суд̇хаммааяам̣ д̣̇звасабхааяам̣ саннибад̇ид̇ваа ‘‘ахо, вад̇а амхаагам̣ аажарияо нимирааж̇аа, д̇ам̣ ниссааяа маяам̣ имам̣ б̣уд̣̇д̇хан̃н̃ан̣знаби абарижчинд̣̇анийяам̣ д̣̇иб̣б̣асамбад̇д̇им̣ анубхаваамаа’’д̇и вад̇ваа махаасад̇д̇асса г̇ун̣з ван̣н̣аяим̣су . мануссалогзби махаасамуд̣̇д̣̇абидтз аасид̇д̇ад̇злам̣ вияа махаасад̇д̇асса г̇ун̣агат̇аа бад̇т̇ари. сад̇т̇аа д̇амад̇т̇ам̣ аавибхууд̇ам̣ гад̇ваа бхигкусан̇гхасса гат̇знд̇о ааха –

So daharakālato paṭṭhāya dāne sīle uposathakamme ca abhirato ahosi. Athassa pitā purimanayeneva palitaṃ disvā kappakassa gāmavaraṃ datvā puttassa rajjaṃ niyyādetvā ambavane pabbajitvā brahmalokaparāyaṇo ahosi. Nimirājā pana dānajjhāsayatāya catūsu nagaradvāresu nagaramajjhe cāti pañcasu ṭhānesu pañca dānasālāyo kārāpetvā mahādānaṃ pavattesi. Ekekāya dānasālāya satasahassaṃ satasahassaṃ katvā devasikaṃ pañca pañca kahāpaṇasatasahassāni pariccaji, niccaṃ pañca sīlāni rakkhi, pakkhadivasesu uposathaṃ samādiyi, mahājanampi dānādīsu puññesu samādapesi, saggamaggaṃ ācikkhitvā nirayabhayena tajjetvā dhammaṃ desesi. Tassa ovāde ṭhitā manussā dānādīni puññāni katvā tato cutā devaloke nibbattiṃsu, devaloko paripūri, nirayo tuccho viya ahosi. Tadā tāvatiṃsabhavane devasaṅghā sudhammāyaṃ devasabhāyaṃ sannipatitvā ‘‘aho, vata amhākaṃ ācariyo nimirājā, taṃ nissāya mayaṃ imaṃ buddhaññaṇenapi aparicchindanīyaṃ dibbasampattiṃ anubhavāmā’’ti vatvā mahāsattassa guṇe vaṇṇayiṃsu . Manussalokepi mahāsamuddapiṭṭhe āsittatelaṃ viya mahāsattassa guṇakathā patthari. Satthā tamatthaṃ āvibhūtaṃ katvā bhikkhusaṅghassa kathento āha –

421.

‘‘ажчзрам̣ вад̇а логасмим̣, уббаж̇ж̇анд̇и вижагкан̣аа;

‘‘Accheraṃ vata lokasmiṃ, uppajjanti vicakkhaṇā;

яад̣̇аа аху нимирааж̇аа, бан̣д̣ид̇о гусалад̇т̇иго.

Yadā ahu nimirājā, paṇḍito kusalatthiko.

422.

‘‘рааж̇аа саб̣б̣авид̣̇зхаанам̣, ад̣̇аа д̣̇аанам̣ аринд̣̇амо;

‘‘Rājā sabbavidehānaṃ, adā dānaṃ arindamo;

д̇асса д̇ам̣ д̣̇ад̣̇ад̇о д̣̇аанам̣, сан̇габбо уд̣̇абаж̇ж̇ат̇а;

Tassa taṃ dadato dānaṃ, saṅkappo udapajjatha;

д̣̇аанам̣ ваа б̣рахмажарияам̣ ваа, гад̇амам̣ су махабпала’’нд̇и.

Dānaṃ vā brahmacariyaṃ vā, katamaṃ su mahapphala’’nti.

д̇ад̇т̇а яад̣̇аа ахууд̇и бхигкавз, яад̣̇аа бан̣д̣ид̇о ад̇д̇ано жа барзсан̃жа гусалад̇т̇иго нимирааж̇аа ахоси, д̇ад̣̇аа д̣̇звамануссаа ‘‘ажчзрам̣ вад̇а, бхо, зваруубааби наама ануббаннз б̣уд̣̇д̇хан̃аан̣з махааж̇анасса б̣уд̣̇д̇хагижжам̣ саад̇хаяамаанаа логасмим̣ вижагкан̣аа уббаж̇ж̇анд̇ий’’д̇и звам̣ д̇асса г̇ун̣агат̇ам̣ гат̇зсунд̇и ад̇т̇о. ‘‘яат̇аа ахуу’’д̇иби баато. д̇ассад̇т̇о – яат̇аа аху нимирааж̇аа бан̣д̣ид̇о гусалад̇т̇игоязва, д̇ат̇ааруубаа махааж̇анасса б̣уд̣̇д̇хагижжам̣ саад̇хаяамаанаа уббаж̇ж̇анд̇и вижагкан̣аа. яам̣ д̇зсам̣ уббаннам̣, д̇ам̣ ажчзрам̣ вад̇а логасминд̇и. ид̇и сад̇т̇аа саяамзва ажчарияаж̇аад̇о звамааха. саб̣б̣авид̣̇зхаананд̇и саб̣б̣авид̣̇зхарадтаваасийнам̣. гад̇амам̣ сууд̇и зд̇зсу д̣̇вийсу гад̇амам̣ ну ко махабпаланд̇и ад̇т̇о.

Tattha yadā ahūti bhikkhave, yadā paṇḍito attano ca paresañca kusalatthiko nimirājā ahosi, tadā devamanussā ‘‘accheraṃ vata, bho, evarūpāpi nāma anuppanne buddhañāṇe mahājanassa buddhakiccaṃ sādhayamānā lokasmiṃ vicakkhaṇā uppajjantī’’ti evaṃ tassa guṇakathaṃ kathesunti attho. ‘‘Yathā ahū’’tipi pāṭho. Tassattho – yathā ahu nimirājā paṇḍito kusalatthikoyeva, tathārūpā mahājanassa buddhakiccaṃ sādhayamānā uppajjanti vicakkhaṇā. Yaṃ tesaṃ uppannaṃ, taṃ accheraṃ vata lokasminti. Iti satthā sayameva acchariyajāto evamāha. Sabbavidehānanti sabbavideharaṭṭhavāsīnaṃ. Katamaṃ sūti etesu dvīsu katamaṃ nu kho mahapphalanti attho.

со гира баннарасийубосат̇ад̣̇ивасз убосат̇иго худ̇ваа саб̣б̣аабхаран̣аани омун̃жид̇ваа сирисаяанабидтз нибаннова д̣̇вз яаамз нид̣̇д̣̇ам̣ оггамид̇ваа бажчимаяаамз баб̣уд̣̇д̇хо баллан̇гам̣ аабхуж̇ид̇ваа ‘‘ахам̣ махааж̇анасса абаримаан̣ам̣ д̣̇аанамби д̣̇зми, сийламби рагкаами, д̣̇аанасса ну ко маханд̇ам̣ палам̣, уд̣̇ааху б̣рахмажарияассаа’’д̇и жинд̇зд̇ваа ад̇д̇ано ган̇кам̣ чинд̣̇ид̇ум̣ наасагки. д̇асмим̣ кан̣з саггасса бхаванам̣ ун̣хаагаарам̣ д̣̇ассзси. сагго ааваж̇ж̇знд̇о д̇ам̣ д̇ат̇аа вид̇аггзнд̇ам̣ д̣̇исваа ‘‘ган̇камасса чинд̣̇иссаамий’’д̇и згагова сийгхам̣ ааг̇анд̇ваа сагаланивзсанам̣ згобхаасам̣ гад̇ваа сириг̇аб̣бхам̣ бависид̇ваа обхаасам̣ парид̇ваа аагаасз тад̇ваа д̇зна будто б̣яаагааси. д̇амад̇т̇ам̣ багаасзнд̇о сад̇т̇аа ааха –

So kira pannarasīuposathadivase uposathiko hutvā sabbābharaṇāni omuñcitvā sirisayanapiṭṭhe nipannova dve yāme niddaṃ okkamitvā pacchimayāme pabuddho pallaṅkaṃ ābhujitvā ‘‘ahaṃ mahājanassa aparimāṇaṃ dānampi demi, sīlampi rakkhāmi, dānassa nu kho mahantaṃ phalaṃ, udāhu brahmacariyassā’’ti cintetvā attano kaṅkhaṃ chindituṃ nāsakkhi. Tasmiṃ khaṇe sakkassa bhavanaṃ uṇhākāraṃ dassesi. Sakko āvajjento taṃ tathā vitakkentaṃ disvā ‘‘kaṅkhamassa chindissāmī’’ti ekakova sīghaṃ āgantvā sakalanivesanaṃ ekobhāsaṃ katvā sirigabbhaṃ pavisitvā obhāsaṃ pharitvā ākāse ṭhatvā tena puṭṭho byākāsi. Tamatthaṃ pakāsento satthā āha –

423.

‘‘д̇асса сан̇габбаман̃н̃ааяа, магхаваа д̣̇звагун̃ж̇аро;

‘‘Tassa saṅkappamaññāya, maghavā devakuñjaro;

сахассанзд̇д̇о баад̇ураху, ван̣н̣зна виханам̣ д̇амам̣.

Sahassanetto pāturahu, vaṇṇena vihanaṃ tamaṃ.

424.

‘‘саломахадто мануж̇инд̣̇о, ваасавам̣ аважаа ними;

‘‘Salomahaṭṭho manujindo, vāsavaṃ avacā nimi;

д̣̇звад̇аа нуси г̇анд̇хаб̣б̣о, ад̣̇у сагго буринд̣̇ад̣̇о.

Devatā nusi gandhabbo, adu sakko purindado.

425.

‘‘на жа мз д̇аад̣̇исо ван̣н̣о, д̣̇идто ваа яад̣̇и ваа суд̇о;

‘‘Na ca me tādiso vaṇṇo, diṭṭho vā yadi vā suto;

аажигка мз д̇вам̣ бхад̣̇д̣̇анд̇з, гат̇ам̣ ж̇аанзму д̇ам̣ маяам̣.

Ācikkha me tvaṃ bhaddante, kathaṃ jānemu taṃ mayaṃ.

426.

‘‘саломахадтам̣ н̃ад̇ваана, ваасаво аважаа нимим̣;

‘‘Salomahaṭṭhaṃ ñatvāna, vāsavo avacā nimiṃ;

саггохамасми д̣̇звинд̣̇о, ааг̇ад̇осми д̇аванд̇игз;

Sakkohamasmi devindo, āgatosmi tavantike;

аломахадто мануж̇инд̣̇а, бужча бан̃хам̣ яамижчаси.

Alomahaṭṭho manujinda, puccha pañhaṃ yamicchasi.

427.

‘‘со жа д̇зна гад̇огаасо, ваасавам̣ аважаа ними;

‘‘So ca tena katokāso, vāsavaṃ avacā nimi;

бужчаами д̇ам̣ махаарааж̇а, саб̣б̣абхууд̇аанамиссара;

Pucchāmi taṃ mahārāja, sabbabhūtānamissara;

‘д̣̇аанам̣ ваа б̣рахмажарияам̣ ваа, гад̇амам̣су махабпалам̣’.

‘Dānaṃ vā brahmacariyaṃ vā, katamaṃsu mahapphalaṃ’.

428.

‘‘со будто нарад̣̇звзна, ваасаво аважаа нимим̣;

‘‘So puṭṭho naradevena, vāsavo avacā nimiṃ;

вибаагам̣ б̣рахмажарияасса, ж̇аанам̣ агкаасиж̇аанад̇о.

Vipākaṃ brahmacariyassa, jānaṃ akkhāsijānato.

429.

‘‘хийнзна б̣рахмажариязна, кад̇д̇ияз убабаж̇ж̇ад̇и;

‘‘Hīnena brahmacariyena, khattiye upapajjati;

маж̇жхимзна жа д̣̇звад̇д̇ам̣, уд̇д̇амзна висуж̇жхад̇и.

Majjhimena ca devattaṃ, uttamena visujjhati.

430.

‘‘на хзд̇з сулабхаа гааяаа, яаажаяог̇зна гзнажи;

‘‘Na hete sulabhā kāyā, yācayogena kenaci;

яз гааяз убабаж̇ж̇анд̇и, анааг̇аараа д̇абассино’’д̇и.

Ye kāye upapajjanti, anāgārā tapassino’’ti.

д̇ад̇т̇а саломахадтод̇и бхигкавз, со нимирааж̇аа обхаасам̣ д̣̇исваа аагаасам̣ ологзнд̇о д̇ам̣ д̣̇иб̣б̣аабхаран̣абадиман̣д̣ид̇ам̣ д̣̇исваава бхаязна ломахадто худ̇ваа ‘‘д̣̇звад̇аа нуси г̇анд̇хаб̣б̣о’’д̇иаад̣̇инаа бужчи. аломахадтод̇и ниб̣бхаяо ахадталомо худ̇ваа бужча, махаарааж̇аад̇и. ваасавам̣ аважаад̇и д̇удтамаанасо худ̇ваа саггам̣ авожа. ж̇аанам̣ агкаасиж̇аанад̇од̇и бхигкавз, со сагго ад̇ийд̇з ад̇д̇анаа бажжагкад̇о д̣̇идтабуб̣б̣ам̣ б̣рахмажарияасса вибаагам̣ ж̇аананд̇о д̇асса аж̇аанад̇о агкааси.

Tattha salomahaṭṭhoti bhikkhave, so nimirājā obhāsaṃ disvā ākāsaṃ olokento taṃ dibbābharaṇapaṭimaṇḍitaṃ disvāva bhayena lomahaṭṭho hutvā ‘‘devatā nusi gandhabbo’’tiādinā pucchi. Alomahaṭṭhoti nibbhayo ahaṭṭhalomo hutvā puccha, mahārājāti. Vāsavaṃ avacāti tuṭṭhamānaso hutvā sakkaṃ avoca. Jānaṃ akkhāsijānatoti bhikkhave, so sakko atīte attanā paccakkhato diṭṭhapubbaṃ brahmacariyassa vipākaṃ jānanto tassa ajānato akkhāsi.

хийнзнаад̇иаад̣̇ийсу бут̇уд̇ид̇т̇ааяад̇анз мзт̇унавирад̇имад̇д̇ам̣ сийлам̣ хийнам̣ наама, д̇зна кад̇д̇ияагулз убабаж̇ж̇ад̇и. жхаанасса убажаарамад̇д̇ам̣ маж̇жхимам̣ наама, д̇зна д̣̇звад̇д̇ам̣ убабаж̇ж̇ад̇и. адтасамаабад̇д̇иниб̣б̣ад̇д̇анам̣ бана уд̇д̇амам̣ наама, д̇зна б̣рахмалогз ниб̣б̣ад̇д̇ад̇и, д̇ам̣ б̣аахирагаа ниб̣б̣аананд̇и гат̇знд̇и. д̇знааха ‘‘висуж̇жхад̇ий’’д̇и. имасмим̣ бана б̣уд̣̇д̇хасаасанз барисуд̣̇д̇хасийласса бхигкуно ан̃н̃ад̇арам̣ д̣̇званигааяам̣ бад̇т̇знд̇асса б̣рахмажарияажзд̇анаа хийнад̇ааяа хийнам̣ наама, д̇зна яат̇аабад̇т̇ид̇з д̣̇звалогз ниб̣б̣ад̇д̇ад̇и. барисуд̣̇д̇хасийласса бхигкуно адтасамаабад̇д̇иниб̣б̣ад̇д̇анам̣ маж̇жхимам̣ наама, д̇зна б̣рахмалогз ниб̣б̣ад̇д̇ад̇и . барисуд̣̇д̇хасийласса вибассанам̣ вад̣дхзд̇ваа арахад̇д̇уббад̇д̇и уд̇д̇амам̣ наама, д̇зна висуж̇жхад̇ийд̇и . ид̇и сагго ‘‘махаарааж̇а, д̣̇аанад̇о сад̇аг̇ун̣зна сахассаг̇ун̣зна сад̇асахассаг̇ун̣зна б̣рахмажарияаваасова махабпало’’д̇и ван̣н̣зд̇и. гааяаад̇и б̣рахмагхадаа. яаажаяог̇знаад̇и яаажанаяуд̇д̇агзна яан̃н̃аяуд̇д̇агзна ваад̇и убхаяад̇т̇ааби д̣̇ааяагассзвзд̇ам̣ наамам̣. д̇абассинод̇и д̇абаниссид̇агаа.

Hīnenātiādīsu puthutitthāyatane methunaviratimattaṃ sīlaṃ hīnaṃ nāma, tena khattiyakule upapajjati. Jhānassa upacāramattaṃ majjhimaṃ nāma, tena devattaṃ upapajjati. Aṭṭhasamāpattinibbattanaṃ pana uttamaṃ nāma, tena brahmaloke nibbattati, taṃ bāhirakā nibbānanti kathenti. Tenāha ‘‘visujjhatī’’ti. Imasmiṃ pana buddhasāsane parisuddhasīlassa bhikkhuno aññataraṃ devanikāyaṃ patthentassa brahmacariyacetanā hīnatāya hīnaṃ nāma, tena yathāpatthite devaloke nibbattati. Parisuddhasīlassa bhikkhuno aṭṭhasamāpattinibbattanaṃ majjhimaṃ nāma, tena brahmaloke nibbattati . Parisuddhasīlassa vipassanaṃ vaḍḍhetvā arahattuppatti uttamaṃ nāma, tena visujjhatīti . Iti sakko ‘‘mahārāja, dānato sataguṇena sahassaguṇena satasahassaguṇena brahmacariyavāsova mahapphalo’’ti vaṇṇeti. Kāyāti brahmaghaṭā. Yācayogenāti yācanayuttakena yaññayuttakena vāti ubhayatthāpi dāyakassevetaṃ nāmaṃ. Tapassinoti tapanissitakā.

имааяа г̇аат̇ааяа б̣рахмажарияаваасассзва махабпалабхаавам̣ д̣̇ийбзд̇ваа ид̣̇аани яз ад̇ийд̇з махаад̣̇аанам̣ д̣̇ад̇ваа гаамааважарам̣ ад̇иггамид̇ум̣ наасагким̣су, д̇з рааж̇аано д̣̇ассзнд̇о ааха –

Imāya gāthāya brahmacariyavāsasseva mahapphalabhāvaṃ dīpetvā idāni ye atīte mahādānaṃ datvā kāmāvacaraṃ atikkamituṃ nāsakkhiṃsu, te rājāno dassento āha –

431.

‘‘д̣̇уд̣̇ийбо сааг̇аро сзло, муж̇агинд̣̇о бхаг̇ийрасо;

‘‘Dudīpo sāgaro selo, mujakindo bhagīraso;

усинд̣̇аро гассабо жа, асаго жа бут̇уж̇ж̇ано.

Usindaro kassapo ca, asako ca puthujjano.

432.

‘‘зд̇з жан̃н̃з жа рааж̇аано, кад̇д̇ияаа б̣раахман̣аа б̣ахуу;

‘‘Ete caññe ca rājāno, khattiyā brāhmaṇā bahū;

бут̇уяан̃н̃ам̣ яаж̇ид̇ваана, бзд̇ад̇д̇ам̣ наад̇ивад̇д̇ису’’нд̇и.

Puthuyaññaṃ yajitvāna, petattaṃ nātivattisu’’nti.

д̇ассад̇т̇о – махаарааж̇а, буб̣б̣з б̣аараан̣асияам̣ д̣̇уд̣̇ийбо наама рааж̇аа д̣̇аанам̣ д̣̇ад̇ваа маран̣ажаггзна чинно гаамааважарзязва ниб̣б̣ад̇д̇и. д̇ат̇аа сааг̇араад̣̇аяо адтаад̇и зд̇з жа ан̃н̃з жа б̣ахуу рааж̇аано жзва кад̇д̇ияаа б̣раахман̣аа жа бут̇уяан̃н̃ам̣ яаж̇ид̇ваана анзгаббагаарам̣ д̣̇аанам̣ д̣̇ад̇ваа гаамааважарабхуумисан̇каад̇ам̣ бзд̇ад̇д̇ам̣ наад̇ивад̇д̇им̣сууд̇и ад̇т̇о. гаамааважарад̣̇звад̇аа хи руубаад̣̇ино гилзсавад̇т̇усса гааран̣аа барам̣ бажжаасийсанад̇о габан̣ад̇ааяа ‘‘бзд̇аа’’д̇и вужжанд̇и. вуд̇д̇амби жзд̇ам̣ –

Tassattho – mahārāja, pubbe bārāṇasiyaṃ dudīpo nāma rājā dānaṃ datvā maraṇacakkena chinno kāmāvacareyeva nibbatti. Tathā sāgarādayo aṭṭhāti ete ca aññe ca bahū rājāno ceva khattiyā brāhmaṇā ca puthuyaññaṃ yajitvāna anekappakāraṃ dānaṃ datvā kāmāvacarabhūmisaṅkhātaṃ petattaṃ nātivattiṃsūti attho. Kāmāvacaradevatā hi rūpādino kilesavatthussa kāraṇā paraṃ paccāsīsanato kapaṇatāya ‘‘petā’’ti vuccanti. Vuttampi cetaṃ –

‘‘яз ад̣̇уд̇ияаа на раманд̇и згигаа, вивзгаж̇ам̣ яз на лабханд̇и бийд̇им̣;

‘‘Ye adutiyā na ramanti ekikā, vivekajaṃ ye na labhanti pītiṃ;

гин̃жааби д̇з инд̣̇асамаанабхог̇аа, д̇з вз бараад̇хийнасукаа вараагаа’’д̇и.

Kiñcāpi te indasamānabhogā, te ve parādhīnasukhā varākā’’ti.

звамби д̣̇аанапалад̇о б̣рахмажарияапалассзва маханд̇абхаавам̣ д̣̇ассзд̇ваа ид̣̇аани б̣рахмажарияаваасзна бзд̇абхаванам̣ ад̇иггамид̇ваа б̣рахмалогз ниб̣б̣ад̇д̇ад̇аабасз д̣̇ассзнд̇о ааха –

Evampi dānaphalato brahmacariyaphalasseva mahantabhāvaṃ dassetvā idāni brahmacariyavāsena petabhavanaṃ atikkamitvā brahmaloke nibbattatāpase dassento āha –

433.

‘‘ат̇а яиймз авад̇д̇им̣су, анааг̇аараа д̇абассино;

‘‘Atha yīme avattiṃsu, anāgārā tapassino;

сад̇д̇исаяо яаамахану, сомаяаамо манож̇аво.

Sattisayo yāmahanu, somayāmo manojavo.

434.

‘‘самуд̣̇д̣̇о маагхо бхарад̇о жа, иси гаалабурагкад̇о;

‘‘Samuddo māgho bharato ca, isi kālapurakkhato;

ан̇г̇ийрасо гассабо жа, гисаважчо агад̇д̇и жаа’’д̇и.

Aṅgīraso kassapo ca, kisavaccho akatti cā’’ti.

д̇ад̇т̇а авад̇д̇им̣сууд̇и гаамааважарам̣ ад̇иггамим̣су. д̇абассинод̇и сийлад̇абан̃жзва самаабад̇д̇ид̇абан̃жа ниссид̇аа. сад̇д̇исаяод̇и яаамахануаад̣̇аяо сад̇д̇а бхаад̇арова санд̇хааяааха. ан̇г̇ийрасаад̣̇ийхи жад̇уухи сад̣̇д̇хим̣ згаад̣̇асзд̇з авад̇д̇им̣су ад̇иггамим̣сууд̇и ад̇т̇о.

Tattha avattiṃsūti kāmāvacaraṃ atikkamiṃsu. Tapassinoti sīlatapañceva samāpattitapañca nissitā. Sattisayoti yāmahanuādayo satta bhātarova sandhāyāha. Aṅgīrasādīhi catūhi saddhiṃ ekādasete avattiṃsu atikkamiṃsūti attho.

звам̣ д̇аава суд̇авасзнзва д̣̇аанапалад̇о б̣рахмажарияаваасассзва махабпалад̇ам̣ ван̣н̣зд̇ваа ид̣̇аани ад̇д̇анаа д̣̇идтабуб̣б̣ам̣ аахаранд̇о ааха –

Evaṃ tāva sutavaseneva dānaphalato brahmacariyavāsasseva mahapphalataṃ vaṇṇetvā idāni attanā diṭṭhapubbaṃ āharanto āha –

435.

‘‘уд̇д̇арзна над̣̇ий сийд̣̇аа, г̇амбхийраа д̣̇урад̇иггамаа;

‘‘Uttarena nadī sīdā, gambhīrā duratikkamā;

нал̣аг̇г̇иван̣н̣аа ж̇од̇анд̇и, сад̣̇аа ган̃жанабаб̣б̣ад̇аа.

Naḷaggivaṇṇā jotanti, sadā kañcanapabbatā.

436.

‘‘баруул̣хагажчаа д̇аг̇араа, руул̣хагажчаа ванаа наг̇аа;

‘‘Parūḷhakacchā tagarā, rūḷhakacchā vanā nagā;

д̇ад̇раасум̣ д̣̇асасахассаа, бораан̣аа исаяо бурз.

Tatrāsuṃ dasasahassā, porāṇā isayo pure.

437.

‘‘ахам̣ сздтосми д̣̇аанзна, сам̣яамзна д̣̇амзна жа;

‘‘Ahaṃ seṭṭhosmi dānena, saṃyamena damena ca;

ануд̇д̇арам̣ вад̇ам̣ гад̇ваа, багиражаарий самаахид̇з.

Anuttaraṃ vataṃ katvā, pakiracārī samāhite.

438.

‘‘ж̇аад̇иманд̇ам̣ аж̇ажжан̃жа, ахам̣ уж̇уг̇ад̇ам̣ нарам̣;

‘‘Jātimantaṃ ajaccañca, ahaṃ ujugataṃ naraṃ;

ад̇ивзлам̣ намассиссам̣, гаммаб̣анд̇хуу хи маан̣аваа.

Ativelaṃ namassissaṃ, kammabandhū hi māṇavā.

439.

‘‘саб̣б̣з ван̣н̣аа ад̇хаммадтаа, бад̇анд̇и нираяам̣ ад̇хо;

‘‘Sabbe vaṇṇā adhammaṭṭhā, patanti nirayaṃ adho;

саб̣б̣з ван̣н̣аа висуж̇жханд̇и, жарид̇ваа д̇хаммамуд̇д̇ама’’нд̇и.

Sabbe vaṇṇā visujjhanti, caritvā dhammamuttama’’nti.

д̇ад̇т̇а уд̇д̇арзнаад̇и махаарааж̇а, ад̇ийд̇з уд̇д̇арахимаванд̇з д̣̇виннам̣ суван̣н̣абаб̣б̣ад̇аанам̣ анд̇арз бавад̇д̇аа сийд̣̇аа наама над̣̇ий г̇амбхийраа нааваахиби д̣̇урад̇иггамаа ахоси. гим̣ гааран̣аа? саа хи ад̇исукумод̣̇агаа, сукумад̇д̇аа уд̣̇агасса анд̇амасо морабин̃ча-мад̇д̇амби д̇ад̇т̇а бад̇ид̇ам̣ нам̣ сан̣таад̇и, осийд̣̇ид̇ваа хздтаад̇аламзва г̇ажчад̇и. д̇знзва саа сийд̣̇аа наама ахоси. д̇з бана д̇ассаа д̇ийрзсу ган̃жанабаб̣б̣ад̇аа сад̣̇аа нал̣аг̇г̇иван̣н̣аа худ̇ваа ж̇од̇анд̇и обхаасанд̇и. баруул̣хагажчаа д̇аг̇араад̇и д̇ассаа бана над̣̇ияаа д̇ийрз гажчаа баруул̣хад̇аг̇араа ахзсум̣ д̇аг̇араг̇анд̇хасуг̇анд̇хино. руул̣хагажчаа ванаа наг̇аад̇и яз д̇ад̇т̇а ан̃н̃зби баб̣б̣ад̇аа, д̇зсамби анд̇арз гажчаа руул̣хаванаа ахзсум̣, бубпапалуубаг̇аругкасан̃чаннаад̇и ад̇т̇о. д̇ад̇раасунд̇и д̇асмим̣ звам̣ раман̣ийяз бхуумибхааг̇з д̣̇асасахассаа исаяо ахзсум̣. д̇з саб̣б̣зби абхин̃н̃аасамаабад̇д̇илаабхинова. д̇зсу бхигкаажааравзлааяа гзжи уд̇д̇арагурум̣ г̇ажчанд̇и, гзжи махааж̇амб̣уд̣̇ийбз ж̇амб̣упалам̣ аахаранд̇и, гзжи химаванд̇зязва мад̇хурапалаапалаани аахарид̇ваа каад̣̇анд̇и, гзжи ж̇амб̣уд̣̇ийбад̇алз д̇ам̣ д̇ам̣ наг̇арам̣ г̇ажчанд̇и. згоби расад̇ан̣хаабхибхууд̇о над̇т̇и, жхаанасукзнзва вийд̇инаамзнд̇и. д̇ад̣̇аа зго д̇аабасо аагаасзна б̣аараан̣асим̣ г̇анд̇ваа сунивад̇т̇о субааруд̇о бин̣д̣ааяа жаранд̇о бурохид̇асса г̇зхад̣̇ваарам̣ баабун̣и. со д̇асса убасамз басийд̣̇ид̇ваа анд̇онивзсанам̣ аанзд̇ваа бхож̇зд̇ваа гад̇ибаахам̣ бадиж̇аг̇г̇анд̇о виссаасз уббаннз ‘‘бханд̇з, д̇умхз гухим̣ васат̇аа’’д̇и бужчи. ‘‘асугадтаанз наамаавусо’’д̇и. ‘‘гим̣ бана д̇умхз згагова д̇ад̇т̇а васат̇а, уд̣̇ааху ан̃н̃зби ад̇т̇ий’’д̇и? ‘‘гим̣ вад̣̇зси, аавусо, д̇асмим̣ бад̣̇зсз д̣̇асасахассаа исаяо васанд̇и, саб̣б̣зва абхин̃н̃аасамаабад̇д̇илаабхино’’д̇и. д̇асса д̇зсам̣ г̇ун̣ам̣ суд̇ваа баб̣б̣аж̇ж̇ааяа жид̇д̇ам̣ нами. ат̇а нам̣ со ааха – ‘‘бханд̇з, мамби д̇ад̇т̇а нзд̇ваа баб̣б̣ааж̇зт̇аа’’д̇и. ‘‘аавусо, д̇вам̣ рааж̇абурисо, на д̇ам̣ саггаа баб̣б̣ааж̇зд̇у’’нд̇и. ‘‘д̇зна хи, бханд̇з, аж̇ж̇аахам̣ рааж̇аанам̣ аабужчиссаами, д̇умхз свзби ааг̇ажчзяяаат̇аа’’д̇и. со ад̇хиваасзси.

Tattha uttarenāti mahārāja, atīte uttarahimavante dvinnaṃ suvaṇṇapabbatānaṃ antare pavattā sīdā nāma nadī gambhīrā nāvāhipi duratikkamā ahosi. Kiṃ kāraṇā? Sā hi atisukhumodakā, sukhumattā udakassa antamaso morapiñcha-mattampi tattha patitaṃ naṃ saṇṭhāti, osīditvā heṭṭhātalameva gacchati. Teneva sā sīdā nāma ahosi. Te pana tassā tīresu kañcanapabbatā sadā naḷaggivaṇṇā hutvā jotanti obhāsanti. Parūḷhakacchā tagarāti tassā pana nadiyā tīre kacchā parūḷhatagarā ahesuṃ tagaragandhasugandhino. Rūḷhakacchā vanā nagāti ye tattha aññepi pabbatā, tesampi antare kacchā rūḷhavanā ahesuṃ, pupphaphalūpagarukkhasañchannāti attho. Tatrāsunti tasmiṃ evaṃ ramaṇīye bhūmibhāge dasasahassā isayo ahesuṃ. Te sabbepi abhiññāsamāpattilābhinova. Tesu bhikkhācāravelāya keci uttarakuruṃ gacchanti, keci mahājambudīpe jambuphalaṃ āharanti, keci himavanteyeva madhuraphalāphalāni āharitvā khādanti, keci jambudīpatale taṃ taṃ nagaraṃ gacchanti. Ekopi rasataṇhābhibhūto natthi, jhānasukheneva vītināmenti. Tadā eko tāpaso ākāsena bārāṇasiṃ gantvā sunivattho supāruto piṇḍāya caranto purohitassa gehadvāraṃ pāpuṇi. So tassa upasame pasīditvā antonivesanaṃ ānetvā bhojetvā katipāhaṃ paṭijagganto vissāse uppanne ‘‘bhante, tumhe kuhiṃ vasathā’’ti pucchi. ‘‘Asukaṭṭhāne nāmāvuso’’ti. ‘‘Kiṃ pana tumhe ekakova tattha vasatha, udāhu aññepi atthī’’ti? ‘‘Kiṃ vadesi, āvuso, tasmiṃ padese dasasahassā isayo vasanti, sabbeva abhiññāsamāpattilābhino’’ti. Tassa tesaṃ guṇaṃ sutvā pabbajjāya cittaṃ nami. Atha naṃ so āha – ‘‘bhante, mampi tattha netvā pabbājethā’’ti. ‘‘Āvuso, tvaṃ rājapuriso, na taṃ sakkā pabbājetu’’nti. ‘‘Tena hi, bhante, ajjāhaṃ rājānaṃ āpucchissāmi, tumhe svepi āgaccheyyāthā’’ti. So adhivāsesi.

ид̇ароби бхуд̇д̇абаад̇араасо рааж̇аанам̣ убасан̇гамид̇ваа ‘‘ижчаамахам̣, д̣̇зва , баб̣б̣аж̇ид̇у’’нд̇и ааха. ‘‘гим̣ гааран̣аа баб̣б̣аж̇иссасий’’д̇и? ‘‘гаамзсу д̣̇осам̣ нзгкаммз жа аанисам̣сам̣ д̣̇исваа’’д̇и. ‘‘д̇зна хи баб̣б̣аж̇аахи, баб̣б̣аж̇ид̇оби мам̣ д̣̇ассзяяаасий’’д̇и. со ‘‘саад̇хуу’’д̇и самбадижчид̇ваа ад̇д̇ано г̇зхам̣ г̇анд̇ваа буд̇д̇ад̣̇аарам̣ анусаасид̇ваа саб̣б̣ам̣ саабад̇зяяам̣ д̣̇ассзд̇ваа ад̇д̇ано баб̣б̣аж̇ид̇абаригкаарам̣ г̇ахзд̇ваа д̇аабасасса ааг̇аманамаг̇г̇ам̣ ологзнд̇ова нисийд̣̇и. д̇аабасоби д̇ат̇зва аагаасзнааг̇анд̇ваа анд̇онаг̇арам̣ бависид̇ваа д̇асса г̇зхам̣ баависи. со д̇ам̣ саггажжам̣ баривисид̇ваа ‘‘бханд̇з, маяаа гат̇ам̣ гаад̇аб̣б̣а’’нд̇и ааха. со д̇ам̣ б̣ахинаг̇арам̣ нзд̇ваа хад̇т̇з аад̣̇ааяа ад̇д̇ано аанубхаавзна д̇ад̇т̇а нзд̇ваа баб̣б̣ааж̇зд̇ваа бунад̣̇ивасз д̇ам̣ д̇ад̇т̇зва табзд̇ваа бхад̇д̇ам̣ аахарид̇ваа д̣̇ад̇ваа гасин̣абаригаммам̣ аажигки. со гад̇ибаахзнзва абхин̃н̃аасамаабад̇д̇ияо ниб̣б̣ад̇д̇зд̇ваа саяамзва бин̣д̣ааяа жарад̇и.

Itaropi bhuttapātarāso rājānaṃ upasaṅkamitvā ‘‘icchāmahaṃ, deva , pabbajitu’’nti āha. ‘‘Kiṃ kāraṇā pabbajissasī’’ti? ‘‘Kāmesu dosaṃ nekkhamme ca ānisaṃsaṃ disvā’’ti. ‘‘Tena hi pabbajāhi, pabbajitopi maṃ dasseyyāsī’’ti. So ‘‘sādhū’’ti sampaṭicchitvā attano gehaṃ gantvā puttadāraṃ anusāsitvā sabbaṃ sāpateyyaṃ dassetvā attano pabbajitaparikkhāraṃ gahetvā tāpasassa āgamanamaggaṃ olokentova nisīdi. Tāpasopi tatheva ākāsenāgantvā antonagaraṃ pavisitvā tassa gehaṃ pāvisi. So taṃ sakkaccaṃ parivisitvā ‘‘bhante, mayā kathaṃ kātabba’’nti āha. So taṃ bahinagaraṃ netvā hatthe ādāya attano ānubhāvena tattha netvā pabbājetvā punadivase taṃ tattheva ṭhapetvā bhattaṃ āharitvā datvā kasiṇaparikammaṃ ācikkhi. So katipāheneva abhiññāsamāpattiyo nibbattetvā sayameva piṇḍāya carati.

со абарабхааг̇з ‘‘ахам̣ ран̃н̃о ад̇д̇аанам̣ д̣̇ассзд̇ум̣ бадин̃н̃ам̣ ад̣̇аасим̣, д̣̇ассзссаамасса ад̇д̇аана’’нд̇и жинд̇зд̇ваа д̇аабасз ванд̣̇ид̇ваа аагаасзна б̣аараан̣асим̣ г̇анд̇ваа бхигкам̣ жаранд̇о рааж̇ад̣̇ваарам̣ баабун̣и. рааж̇аа д̇ам̣ д̣̇исваа сан̃ж̇аанид̇ваа анд̇онивзсанам̣ бавзсзд̇ваа саггаарам̣ гад̇ваа ‘‘бханд̇з, гухим̣ васат̇аа’’д̇и бужчи. ‘‘уд̇д̇арахимаванд̇абад̣̇зсз ган̃жанабаб̣б̣ад̇анд̇арз бавад̇д̇ааяа сийд̣̇аанад̣̇ияаа д̇ийрз, махаарааж̇аа’’д̇и. ‘‘гим̣ бана, бханд̇з, згагова д̇ад̇т̇а васат̇а, уд̣̇ааху ан̃н̃зби ад̇т̇ий’’д̇и. ‘‘гим̣ вад̣̇зси, махаарааж̇а, д̇ад̇т̇а д̣̇асасахассаа исаяо васанд̇и, саб̣б̣зва абхин̃н̃аасамаабад̇д̇илаабхино’’д̇и? рааж̇аа д̇зсам̣ г̇ун̣ам̣ суд̇ваа саб̣б̣зсам̣ бхигкам̣ д̣̇аад̇угаамо ахоси. ат̇а нам̣ рааж̇аа ааха – ‘‘бханд̇з, ахам̣ д̇зсам̣ исийнам̣ бхигкам̣ д̣̇аад̇угаамомхи, гим̣ гаромий’’д̇и? ‘‘махаарааж̇а, д̇з исаяо ж̇ивхаавин̃н̃зяяарасз аг̇ид̣̇д̇хаа, на саггаа ид̇хаанзд̇у’’нд̇и. ‘‘бханд̇з, д̇умхз ниссааяа д̇з бхож̇зссаами, убааяам̣ мз аажигкат̇аа’’д̇и. ‘‘д̇зна хи, махаарааж̇а, сажз д̇зсам̣ д̣̇аанам̣ д̣̇аад̇угаамоси, ид̇о нигкамид̇ваа сийд̣̇аанад̣̇ийд̇ийрз васанд̇о д̇зсам̣ д̣̇аанам̣ д̣̇зхий’’д̇и.

So aparabhāge ‘‘ahaṃ rañño attānaṃ dassetuṃ paṭiññaṃ adāsiṃ, dassessāmassa attāna’’nti cintetvā tāpase vanditvā ākāsena bārāṇasiṃ gantvā bhikkhaṃ caranto rājadvāraṃ pāpuṇi. Rājā taṃ disvā sañjānitvā antonivesanaṃ pavesetvā sakkāraṃ katvā ‘‘bhante, kuhiṃ vasathā’’ti pucchi. ‘‘Uttarahimavantapadese kañcanapabbatantare pavattāya sīdānadiyā tīre, mahārājā’’ti. ‘‘Kiṃ pana, bhante, ekakova tattha vasatha, udāhu aññepi atthī’’ti. ‘‘Kiṃ vadesi, mahārāja, tattha dasasahassā isayo vasanti, sabbeva abhiññāsamāpattilābhino’’ti? Rājā tesaṃ guṇaṃ sutvā sabbesaṃ bhikkhaṃ dātukāmo ahosi. Atha naṃ rājā āha – ‘‘bhante, ahaṃ tesaṃ isīnaṃ bhikkhaṃ dātukāmomhi, kiṃ karomī’’ti? ‘‘Mahārāja, te isayo jivhāviññeyyarase agiddhā, na sakkā idhānetu’’nti. ‘‘Bhante, tumhe nissāya te bhojessāmi, upāyaṃ me ācikkhathā’’ti. ‘‘Tena hi, mahārāja, sace tesaṃ dānaṃ dātukāmosi, ito nikkhamitvā sīdānadītīre vasanto tesaṃ dānaṃ dehī’’ti.

со ‘‘саад̇хуу’’д̇и самбадижчид̇ваа саб̣б̣уубагаран̣аани г̇аахаабзд̇ваа жад̇уран̇г̇инияаа сзнааяа сад̣̇д̇хим̣ нигкамид̇ваа ад̇д̇ано раж̇ж̇асиймам̣ баабун̣и. ат̇а нам̣ д̇аабасо ад̇д̇ано аанубхаавзна сад̣̇д̇хим̣ сзнааяа сийд̣̇аанад̣̇ийд̇ийрам̣ нзд̇ваа над̣̇ийд̇ийрз канд̇хааваарам̣ гаараабзд̇ваа аагаасзна ад̇д̇ано васанадтаанам̣ г̇анд̇ваа бунад̣̇ивасз бажжааг̇ами. ат̇а нам̣ рааж̇аа саггажжам̣ бхож̇зд̇ваа ‘‘свз, бханд̇з, д̣̇асасахассз исаяо аад̣̇ааяа ид̇хзва ааг̇ажчат̇аа’’д̇и ааха. со ‘‘саад̇хуу’’д̇и самбадижчид̇ваа г̇анд̇ваа бунад̣̇ивасз бхигкаажааравзлааяа д̇зсам̣ исийнам̣ аарожзси ‘‘маарисаа, б̣аараан̣асирааж̇аа ‘д̇умхаагам̣ бхигкам̣ д̣̇ассаамий’д̇и ааг̇анд̇ваа сийд̣̇аанад̣̇ийд̇ийрз нисинно свз во ниманд̇зд̇и, д̇ассаанугамбааяа канд̇хааваарам̣ г̇анд̇ваа бхигкам̣ г̇ан̣хат̇аа’’д̇и. д̇з ‘‘саад̇хуу’’д̇и самбадижчид̇ваа аагаасзна г̇анд̇ваа канд̇хааваарасса авид̣̇уурз од̇арим̣су. рааж̇аа д̇з д̣̇исваа бажжуг̇г̇аманам̣ гад̇ваа канд̇хааваарам̣ бавзсзд̇ваа бан̃н̃ад̇д̇аасанзсу нисийд̣̇аабзд̇ваа исиг̇ан̣ам̣ бан̣ийд̇знаахаарзна санд̇аббзд̇ваа д̇зсам̣ ирияаабат̇з басанно сваад̇анааяаби ниманд̇зси. зд̇знубааязна д̣̇асаннам̣ д̇аабасасахассаанам̣ д̣̇асавассасахассаани д̣̇аанам̣ ад̣̇ааси. д̣̇ад̣̇анд̇о жа д̇асмим̣язва бад̣̇зсз наг̇арам̣ маабзд̇ваа сассагаммам̣ гаарзси. на ко бана, махаарааж̇а, д̇ад̣̇аа со рааж̇аа ан̃н̃о ахоси, ат̇а ко ахам̣ сздтосми д̣̇аанзна, ахамзва хи д̇ад̣̇аа д̣̇аанзна сздто худ̇ваа д̇ам̣ махаад̣̇аанам̣ д̣̇ад̇ваа имам̣ бзд̇алогам̣ ад̇иггамид̇ваа б̣рахмалогз ниб̣б̣ад̇д̇ид̇ум̣ наасагким̣. маяаа д̣̇иннам̣ бана д̣̇аанам̣ бхун̃ж̇ид̇ваа саб̣б̣зва д̇з д̇аабасаа гаамааважарам̣ ад̇иггамид̇ваа б̣рахмалогз ниб̣б̣ад̇д̇аа, иминаабзд̇ам̣ взд̣̇ид̇аб̣б̣ам̣ ‘‘б̣рахмажарияаваасова махабпало’’д̇и.

So ‘‘sādhū’’ti sampaṭicchitvā sabbūpakaraṇāni gāhāpetvā caturaṅginiyā senāya saddhiṃ nikkhamitvā attano rajjasīmaṃ pāpuṇi. Atha naṃ tāpaso attano ānubhāvena saddhiṃ senāya sīdānadītīraṃ netvā nadītīre khandhāvāraṃ kārāpetvā ākāsena attano vasanaṭṭhānaṃ gantvā punadivase paccāgami. Atha naṃ rājā sakkaccaṃ bhojetvā ‘‘sve, bhante, dasasahasse isayo ādāya idheva āgacchathā’’ti āha. So ‘‘sādhū’’ti sampaṭicchitvā gantvā punadivase bhikkhācāravelāya tesaṃ isīnaṃ ārocesi ‘‘mārisā, bārāṇasirājā ‘tumhākaṃ bhikkhaṃ dassāmī’ti āgantvā sīdānadītīre nisinno sve vo nimanteti, tassānukampāya khandhāvāraṃ gantvā bhikkhaṃ gaṇhathā’’ti. Te ‘‘sādhū’’ti sampaṭicchitvā ākāsena gantvā khandhāvārassa avidūre otariṃsu. Rājā te disvā paccuggamanaṃ katvā khandhāvāraṃ pavesetvā paññattāsanesu nisīdāpetvā isigaṇaṃ paṇītenāhārena santappetvā tesaṃ iriyāpathe pasanno svātanāyapi nimantesi. Etenupāyena dasannaṃ tāpasasahassānaṃ dasavassasahassāni dānaṃ adāsi. Dadanto ca tasmiṃyeva padese nagaraṃ māpetvā sassakammaṃ kāresi. Na kho pana, mahārāja, tadā so rājā añño ahosi, atha kho ahaṃ seṭṭhosmi dānena, ahameva hi tadā dānena seṭṭho hutvā taṃ mahādānaṃ datvā imaṃ petalokaṃ atikkamitvā brahmaloke nibbattituṃ nāsakkhiṃ. Mayā dinnaṃ pana dānaṃ bhuñjitvā sabbeva te tāpasā kāmāvacaraṃ atikkamitvā brahmaloke nibbattā, imināpetaṃ veditabbaṃ ‘‘brahmacariyavāsova mahapphalo’’ti.

звам̣ д̣̇аанзна ад̇д̇ано сздтабхаавам̣ багаасзд̇ваа ид̇арзхи д̇ийхи бад̣̇зхи д̇зсам̣ исийнам̣ г̇ун̣ам̣ багаасзд̇и. д̇ад̇т̇а сам̣яамзнаад̇и сийлзна. д̣̇амзнаад̇и инд̣̇рияад̣̇амзна. ануд̇д̇аранд̇и зд̇зхи г̇ун̣зхи ниранд̇арам̣ уд̇д̇амам̣ вад̇ам̣ самаад̣̇аанам̣ жарид̇ваа. багиражаарийд̇и г̇ан̣ам̣ багирид̇ваа бадигкибид̇ваа бахааяа згажааригз, згийбхаавам̣ г̇ад̇зд̇и ад̇т̇о. самаахид̇зд̇и убажаараббанаасамаад̇хийхи самаахид̇ажид̇д̇з. зваруубз ахам̣ д̇абассино убадтахинд̇и д̣̇ассзд̇и. ахам̣ уж̇уг̇ад̇анд̇и ахам̣, махаарааж̇а, д̇зсам̣ д̣̇асасахассаанам̣ исийнам̣ анд̇арз гааяаван̇гаад̣̇ийнам̣ абхаавзна уж̇уг̇ад̇ам̣ згамби нарам̣ хийнаж̇ажжо ваа ход̇у ж̇аад̇исамбанно ваа, ж̇аад̇им̣ авижаарзд̇ваа д̇зсам̣ г̇ун̣зсу басаннамаанасо худ̇ваа саб̣б̣амзва ад̇ивзлам̣ намассиссам̣, нижжагааламзва намассиссанд̇и вад̣̇ад̇и. гим̣ гааран̣аа? гаммаб̣анд̇хуу хи маан̣аваад̇и, сад̇д̇аа хи наамзд̇з гаммаб̣анд̇хуу гаммабадисаран̣аа, д̇знзва гааран̣зна саб̣б̣з ван̣н̣аад̇и взд̣̇ид̇аб̣б̣аа.

Evaṃ dānena attano seṭṭhabhāvaṃ pakāsetvā itarehi tīhi padehi tesaṃ isīnaṃ guṇaṃ pakāseti. Tattha saṃyamenāti sīlena. Damenāti indriyadamena. Anuttaranti etehi guṇehi nirantaraṃ uttamaṃ vataṃ samādānaṃ caritvā. Pakiracārīti gaṇaṃ pakiritvā paṭikkhipitvā pahāya ekacārike, ekībhāvaṃ gateti attho. Samāhiteti upacārappanāsamādhīhi samāhitacitte. Evarūpe ahaṃ tapassino upaṭṭhahinti dasseti. Ahaṃ ujugatanti ahaṃ, mahārāja, tesaṃ dasasahassānaṃ isīnaṃ antare kāyavaṅkādīnaṃ abhāvena ujugataṃ ekampi naraṃ hīnajacco vā hotu jātisampanno vā, jātiṃ avicāretvā tesaṃ guṇesu pasannamānaso hutvā sabbameva ativelaṃ namassissaṃ, niccakālameva namassissanti vadati. Kiṃ kāraṇā? Kammabandhū hi māṇavāti, sattā hi nāmete kammabandhū kammapaṭisaraṇā, teneva kāraṇena sabbe vaṇṇāti veditabbā.

зван̃жа бана вад̇ваа ‘‘гин̃жааби, махаарааж̇а, д̣̇аанад̇о б̣рахмажарияамзва махабпалам̣, д̣̇взби банзд̇з махаабурисавид̇аггаава, д̇асмаа д̣̇вийсуби аббамад̇д̇ова худ̇ваа д̣̇аанан̃жа д̣̇зхи, сийлан̃жа рагкаахий’’д̇и д̇ам̣ овад̣̇ид̇ваа сагадтаанамзва г̇ад̇о. д̇амад̇т̇ам̣ багаасзнд̇о сад̇т̇аа ааха –

Evañca pana vatvā ‘‘kiñcāpi, mahārāja, dānato brahmacariyameva mahapphalaṃ, dvepi panete mahāpurisavitakkāva, tasmā dvīsupi appamattova hutvā dānañca dehi, sīlañca rakkhāhī’’ti taṃ ovaditvā sakaṭṭhānameva gato. Tamatthaṃ pakāsento satthā āha –

440.

‘‘ид̣̇ам̣ вад̇ваана магхаваа, д̣̇зварааж̇аа суж̇амбад̇и;

‘‘Idaṃ vatvāna maghavā, devarājā sujampati;

взд̣̇зхаманусаасид̇ваа, саг̇г̇агааяам̣ абаггамий’’д̇и.

Vedehamanusāsitvā, saggakāyaṃ apakkamī’’ti.

д̇ад̇т̇а абаггамийд̇и баггами, суд̇хаммаад̣̇звасабхааяам̣ нисиннамзва ад̇д̇аанам̣ д̣̇ассзсийд̇и ад̇т̇о.

Tattha apakkamīti pakkami, sudhammādevasabhāyaṃ nisinnameva attānaṃ dassesīti attho.

ат̇а нам̣ д̣̇зваг̇ан̣аа аахам̣су ‘‘махаарааж̇а, нану на бан̃н̃ааяид̇т̇а, гухим̣ г̇ад̇ад̇т̇аа’’д̇и? ‘‘маарисаа мит̇илааяам̣ нимиран̃н̃о згаа ган̇каа уббаж̇ж̇и, д̇асса бан̃хам̣ гат̇зд̇ваа д̇ам̣ рааж̇аанам̣ нигган̇кам̣ гад̇ваа ааг̇ад̇омхий’’д̇и вад̇ваа буна д̇ам̣ гааран̣ам̣ г̇аат̇ааяа гат̇зд̇ум̣ ааха –

Atha naṃ devagaṇā āhaṃsu ‘‘mahārāja, nanu na paññāyittha, kuhiṃ gatatthā’’ti? ‘‘Mārisā mithilāyaṃ nimirañño ekā kaṅkhā uppajji, tassa pañhaṃ kathetvā taṃ rājānaṃ nikkaṅkhaṃ katvā āgatomhī’’ti vatvā puna taṃ kāraṇaṃ gāthāya kathetuṃ āha –

441.

‘‘имам̣ бхонд̇о нисаамзт̇а, яааванд̇зд̇т̇а самааг̇ад̇аа;

‘‘Imaṃ bhonto nisāmetha, yāvantettha samāgatā;

д̇хаммигаанам̣ мануссаанам̣, ван̣н̣ам̣ ужжааважам̣ б̣ахум̣.

Dhammikānaṃ manussānaṃ, vaṇṇaṃ uccāvacaṃ bahuṃ.

442.

‘‘яат̇аа аяам̣ нимирааж̇аа, бан̣д̣ид̇о гусалад̇т̇иго;

‘‘Yathā ayaṃ nimirājā, paṇḍito kusalatthiko;

рааж̇аа саб̣б̣авид̣̇зхаанам̣, ад̣̇аа д̣̇аанам̣ аринд̣̇амо.

Rājā sabbavidehānaṃ, adā dānaṃ arindamo.

443.

‘‘д̇асса д̇ам̣ д̣̇ад̣̇ад̇о д̣̇аанам̣, сан̇габбо уд̣̇абаж̇ж̇ат̇а;

‘‘Tassa taṃ dadato dānaṃ, saṅkappo udapajjatha;

д̣̇аанам̣ ваа б̣рахмажарияам̣ ваа, гад̇амам̣ су махабпала’’нд̇и.

Dānaṃ vā brahmacariyaṃ vā, katamaṃ su mahapphala’’nti.

д̇ад̇т̇а иманд̇и д̇хаммигаанам̣ галяаан̣ад̇хаммаанам̣ мануссаанам̣ маяаа вужжамаанам̣ сийлавасзна ужжам̣ д̣̇аанавасзна аважам̣ б̣ахум̣ имам̣ ван̣н̣ам̣ нисаамзт̇а сун̣аат̇аад̇и ад̇т̇о. яат̇аа аяанд̇и аяам̣ нимирааж̇аа яат̇аа ад̇ивияа бан̣д̣ид̇од̇и.

Tattha imanti dhammikānaṃ kalyāṇadhammānaṃ manussānaṃ mayā vuccamānaṃ sīlavasena uccaṃ dānavasena avacaṃ bahuṃ imaṃ vaṇṇaṃ nisāmetha suṇāthāti attho. Yathā ayanti ayaṃ nimirājā yathā ativiya paṇḍitoti.

ид̇и со абарихаабзд̇ваа ран̃н̃о ван̣н̣ам̣ гат̇зси. д̇ам̣ суд̇ваа д̣̇звасан̇гхаа рааж̇аанам̣ д̣̇адтугаамаа худ̇ваа ‘‘амхаагам̣ нимирааж̇аа аажарияо, д̇ассоваад̣̇з тад̇ваа д̇ам̣ ниссааяа амхзхи аяам̣ д̣̇иб̣б̣асамбад̇д̇и лад̣̇д̇хаа, маяам̣ д̣̇адтугаамамхаа, д̇ам̣ баггосаабзхи, махаарааж̇аа’’д̇и вад̣̇им̣су. сагго ‘‘саад̇хуу’’д̇и самбадижчид̇ваа маад̇алим̣ баггосаабзд̇ваа ‘‘самма маад̇али, взж̇аяанд̇арат̇ам̣ яож̇зд̇ваа мит̇илам̣ г̇анд̇ваа нимирааж̇аанам̣ д̣̇иб̣б̣аяаанз ааробзд̇ваа аанзхий’’д̇и ааха. со ‘‘саад̇хуу’’д̇и самбадижчид̇ваа рат̇ам̣ яож̇зд̇ваа бааяааси. саггасса бана д̣̇звзхи сад̣̇д̇хим̣ гат̇знд̇асса маад̇алим̣ аан̣аабзнд̇асса жа рат̇ам̣ яож̇знд̇асса жа мануссаг̇ан̣анааяа маасо ад̇игганд̇о. ид̇и нимиран̃н̃о бун̣н̣амааяам̣ убосат̇игасса баажийнасийхабан̃ж̇арам̣ виварид̇ваа махаад̇алз нисийд̣̇ид̇ваа амажжаг̇ан̣абаривуд̇асса сийлам̣ бажжавзгканд̇асса баажийналогад̇хаад̇уд̇о уг̇г̇ажчанд̇зна жанд̣̇аман̣д̣алзна сад̣̇д̇хим̣язва со рат̇о бан̃н̃ааяад̇и. мануссаа бхуд̇д̇асааяамаасаа гхарад̣̇ваарзсу нисийд̣̇ид̇ваа сукагат̇ам̣ гат̇знд̇аа ‘‘аж̇ж̇а д̣̇вз жанд̣̇аа уг̇г̇ад̇аа’’д̇и аахам̣су. ат̇а нзсам̣ саллабанд̇аанан̃н̃зва рат̇о баагадо ахоси. махааж̇ано ‘‘нааяам̣, жанд̣̇о, рат̇о’’д̇и вад̇ваа ануггамзна синд̇хавасахассаяуд̇д̇з маад̇алисан̇г̇аахагз взж̇аяанд̇арат̇з жа баагадз ж̇аад̇з ‘‘гасса ну ко ид̣̇ам̣ д̣̇иб̣б̣аяаанам̣ ааг̇ажчад̇ий’’д̇и жинд̇зд̇ваа ‘‘на гассажи ан̃н̃асса, амхаагам̣ рааж̇аа д̇хаммиго, саггзна взж̇аяанд̇арат̇о бзсид̇о бхависсад̇и, амхаагам̣ ран̃н̃ова анужчавиго’’д̇и д̇удтаббахадто г̇аат̇амааха –

Iti so aparihāpetvā rañño vaṇṇaṃ kathesi. Taṃ sutvā devasaṅghā rājānaṃ daṭṭhukāmā hutvā ‘‘amhākaṃ nimirājā ācariyo, tassovāde ṭhatvā taṃ nissāya amhehi ayaṃ dibbasampatti laddhā, mayaṃ daṭṭhukāmamhā, taṃ pakkosāpehi, mahārājā’’ti vadiṃsu. Sakko ‘‘sādhū’’ti sampaṭicchitvā mātaliṃ pakkosāpetvā ‘‘samma mātali, vejayantarathaṃ yojetvā mithilaṃ gantvā nimirājānaṃ dibbayāne āropetvā ānehī’’ti āha. So ‘‘sādhū’’ti sampaṭicchitvā rathaṃ yojetvā pāyāsi. Sakkassa pana devehi saddhiṃ kathentassa mātaliṃ āṇāpentassa ca rathaṃ yojentassa ca manussagaṇanāya māso atikkanto. Iti nimirañño puṇṇamāyaṃ uposathikassa pācīnasīhapañjaraṃ vivaritvā mahātale nisīditvā amaccagaṇaparivutassa sīlaṃ paccavekkhantassa pācīnalokadhātuto uggacchantena candamaṇḍalena saddhiṃyeva so ratho paññāyati. Manussā bhuttasāyamāsā gharadvāresu nisīditvā sukhakathaṃ kathentā ‘‘ajja dve candā uggatā’’ti āhaṃsu. Atha nesaṃ sallapantānaññeva ratho pākaṭo ahosi. Mahājano ‘‘nāyaṃ, cando, ratho’’ti vatvā anukkamena sindhavasahassayutte mātalisaṅgāhake vejayantarathe ca pākaṭe jāte ‘‘kassa nu kho idaṃ dibbayānaṃ āgacchatī’’ti cintetvā ‘‘na kassaci aññassa, amhākaṃ rājā dhammiko, sakkena vejayantaratho pesito bhavissati, amhākaṃ raññova anucchaviko’’ti tuṭṭhappahaṭṭho gāthamāha –

444.

‘‘аб̣бхуд̇о вад̇а логасмим̣, уббаж̇ж̇и ломахам̣сано;

‘‘Abbhuto vata lokasmiṃ, uppajji lomahaṃsano;

д̣̇иб̣б̣о рат̇о баад̇ураху, взд̣̇зхасса яасассино’’д̇и.

Dibbo ratho pāturahu, vedehassa yasassino’’ti.

д̇ад̇т̇а аб̣бхуд̇од̇и абхууд̇абуб̣б̣о. ажчарияод̇и д̇з вимхаяавасзнзвамаахам̣су.

Tattha abbhutoti abhūtapubbo. Acchariyoti te vimhayavasenevamāhaṃsu.

д̇асса бана махааж̇анасса звам̣ гат̇знд̇ассзва маад̇али ваад̇авзг̇зна ааг̇анд̇ваа рат̇ам̣ нивад̇д̇зд̇ваа сийхабан̃ж̇арауммаарз бажчаабхааг̇зна табзд̇ваа аарохан̣асаж̇ж̇ам̣ гад̇ваа аарохан̣ад̇т̇ааяа рааж̇аанам̣ ниманд̇зси . д̇амад̇т̇ам̣ багаасзнд̇о сад̇т̇аа ааха –

Tassa pana mahājanassa evaṃ kathentasseva mātali vātavegena āgantvā rathaṃ nivattetvā sīhapañjaraummāre pacchābhāgena ṭhapetvā ārohaṇasajjaṃ katvā ārohaṇatthāya rājānaṃ nimantesi . Tamatthaṃ pakāsento satthā āha –

445.

‘‘д̣̇звабуд̇д̇о махид̣̇д̇хиго, маад̇али д̣̇звасаарат̇и;

‘‘Devaputto mahiddhiko, mātali devasārathi;

ниманд̇аяид̇т̇а рааж̇аанам̣, взд̣̇зхам̣ мит̇илаг̇г̇ахам̣.

Nimantayittha rājānaṃ, vedehaṃ mithilaggahaṃ.

446.

‘‘зхимам̣ рат̇амааруяха, рааж̇асздта д̣̇исамбад̇и;

‘‘Ehimaṃ rathamāruyha, rājaseṭṭha disampati;

д̣̇зваа д̣̇ассанагаамаа д̇з, д̇аавад̇им̣саа саинд̣̇агаа;

Devā dassanakāmā te, tāvatiṃsā saindakā;

сарамаанаа хи д̇з д̣̇зваа, суд̇хаммааяам̣ самажчарз’’д̇и.

Saramānā hi te devā, sudhammāyaṃ samacchare’’ti.

д̇ад̇т̇а мит̇илаг̇г̇аханд̇и мит̇илааяам̣ бад̇идтид̇аг̇зхам̣, жад̇уухи ваа сан̇г̇ахавад̇т̇уухи мит̇илааяам̣ сан̇г̇аахагам̣. самажчарзд̇и д̇авзва г̇ун̣агат̇ам̣ гат̇знд̇аа нисиннаад̇и.

Tattha mithilaggahanti mithilāyaṃ patiṭṭhitagehaṃ, catūhi vā saṅgahavatthūhi mithilāyaṃ saṅgāhakaṃ. Samacchareti taveva guṇakathaṃ kathentā nisinnāti.

д̇ам̣ суд̇ваа рааж̇аа ‘‘ад̣̇идтабуб̣б̣ам̣ д̣̇звалоган̃жа бассиссаами, маад̇алисса жа мз сан̇г̇ахо гад̇о бхависсад̇и, г̇ажчиссаамий’’д̇и жинд̇зд̇ваа анд̇збуран̃жа махааж̇анан̃жа ааманд̇зд̇ваа ‘‘ахам̣ нажирассзва ааг̇амиссаами, д̇умхз аббамад̇д̇аа д̣̇аанаад̣̇ийни бун̃н̃аани гарот̇аа’’д̇и вад̇ваа рат̇ам̣ абхирухи. д̇амад̇т̇ам̣ багаасзнд̇о сад̇т̇аа ааха –

Taṃ sutvā rājā ‘‘adiṭṭhapubbaṃ devalokañca passissāmi, mātalissa ca me saṅgaho kato bhavissati, gacchissāmī’’ti cintetvā antepurañca mahājanañca āmantetvā ‘‘ahaṃ nacirasseva āgamissāmi, tumhe appamattā dānādīni puññāni karothā’’ti vatvā rathaṃ abhiruhi. Tamatthaṃ pakāsento satthā āha –

447.

‘‘д̇ад̇о рааж̇аа д̇арамаано, взд̣̇зхо мит̇илаг̇г̇ахо;

‘‘Tato rājā taramāno, vedeho mithilaggaho;

аасанаа вудтахид̇ваана, бамуко рат̇амаарухи.

Āsanā vuṭṭhahitvāna, pamukho rathamāruhi.

448.

‘‘абхируул̣хам̣ рат̇ам̣ д̣̇иб̣б̣ам̣, маад̇али зд̇ад̣̇аб̣рави;

‘‘Abhirūḷhaṃ rathaṃ dibbaṃ, mātali etadabravi;

гзна д̇ам̣ нзми маг̇г̇зна, рааж̇асздта д̣̇исамбад̇и;

Kena taṃ nemi maggena, rājaseṭṭha disampati;

язна ваа баабагамманд̇аа, бун̃н̃агаммаа жа яз нараа’’д̇и.

Yena vā pāpakammantā, puññakammā ca ye narā’’ti.

д̇ад̇т̇а бамукод̇и уд̇д̇амо, абхимуко ваа, махааж̇анасса бидтим̣ д̣̇ад̇ваа ааруул̣ход̇и ад̇т̇о. язна ваад̇и язна маг̇г̇зна г̇анд̇ваа яад̇т̇а баабагамманд̇аа васанд̇и, д̇ам̣ таанам̣ саггаа д̣̇адтум̣, язна ваа г̇анд̇ваа яз бун̃н̃агаммаа нараа васанд̇и, д̇зсам̣ таанам̣ саггаа д̣̇адтум̣, зд̇зсу д̣̇вийсу гзна маг̇г̇зна д̇ам̣ нзми. ид̣̇ам̣ со саггзна анаан̣ад̇д̇оби ад̇д̇ано д̣̇ууд̇ависзсад̣̇ассанад̇т̇ам̣ ааха.

Tattha pamukhoti uttamo, abhimukho vā, mahājanassa piṭṭhiṃ datvā ārūḷhoti attho. Yena vāti yena maggena gantvā yattha pāpakammantā vasanti, taṃ ṭhānaṃ sakkā daṭṭhuṃ, yena vā gantvā ye puññakammā narā vasanti, tesaṃ ṭhānaṃ sakkā daṭṭhuṃ, etesu dvīsu kena maggena taṃ nemi. Idaṃ so sakkena anāṇattopi attano dūtavisesadassanatthaṃ āha.

ат̇а нам̣ рааж̇аа ‘‘маяаа д̣̇вз таанаани ад̣̇идтабуб̣б̣аани, д̣̇взби бассиссаамий’’д̇и жинд̇зд̇ваа ааха –

Atha naṃ rājā ‘‘mayā dve ṭhānāni adiṭṭhapubbāni, dvepi passissāmī’’ti cintetvā āha –

449.

‘‘убхаязнзва мам̣ нзхи, маад̇али д̣̇звасаарат̇и;

‘‘Ubhayeneva maṃ nehi, mātali devasārathi;

язна ваа баабагамманд̇аа, бун̃н̃агаммаа жа яз нараа’’д̇и.

Yena vā pāpakammantā, puññakammā ca ye narā’’ti.

д̇ад̇о маад̇али ‘‘д̣̇взби згабахаарзнзва на саггаа д̣̇ассзд̇ум̣, бужчиссаами на’’нд̇и бужчанд̇о буна г̇аат̇амааха –

Tato mātali ‘‘dvepi ekapahāreneva na sakkā dassetuṃ, pucchissāmi na’’nti pucchanto puna gāthamāha –

450.

‘‘гзна д̇ам̣ батамам̣ нзми, рааж̇асздта д̣̇исамбад̇и;

‘‘Kena taṃ paṭhamaṃ nemi, rājaseṭṭha disampati;

язна ваа баабагамманд̇аа, бун̃н̃агаммаа жа яз нараа’’д̇и.

Yena vā pāpakammantā, puññakammā ca ye narā’’ti.

нираяаган̣д̣ам̣

Nirayakaṇḍaṃ

д̇ад̇о рааж̇аа ‘‘ахам̣ авассам̣ д̣̇звалогам̣ г̇амиссаами, нираяам̣ д̇аава бассиссаамий’’д̇и жинд̇зд̇ваа ананд̇арам̣ г̇аат̇амааха –

Tato rājā ‘‘ahaṃ avassaṃ devalokaṃ gamissāmi, nirayaṃ tāva passissāmī’’ti cintetvā anantaraṃ gāthamāha –

451.

‘‘нираяз д̇аава бассаами, ааваасз баабагамминам̣;

‘‘Niraye tāva passāmi, āvāse pāpakamminaṃ;

таанаани луд̣̇д̣̇агаммаанам̣, д̣̇уссийлаанан̃жа яаа г̇ад̇ий’’д̇и.

Ṭhānāni luddakammānaṃ, dussīlānañca yā gatī’’ti.

д̇ад̇т̇а яаа г̇ад̇ийд̇и яаа зд̇зсам̣ ниб̣б̣ад̇д̇и, д̇ан̃жа бассаамийд̇и.

Tattha yā gatīti yā etesaṃ nibbatti, tañca passāmīti.

ат̇асса взд̇аран̣им̣ над̣̇им̣ д̇аава д̣̇ассзси. д̇амад̇т̇ам̣ багаасзнд̇о сад̇т̇аа ааха –

Athassa vetaraṇiṃ nadiṃ tāva dassesi. Tamatthaṃ pakāsento satthā āha –

452.

‘‘д̣̇ассзси маад̇али ран̃н̃о, д̣̇уг̇г̇ам̣ взд̇аран̣им̣ над̣̇им̣;

‘‘Dassesi mātali rañño, duggaṃ vetaraṇiṃ nadiṃ;

гут̇ид̇ам̣ каарасам̣яуд̇д̇ам̣, д̇ад̇д̇ам̣ аг̇г̇исикуубама’’нд̇и.

Kuthitaṃ khārasaṃyuttaṃ, tattaṃ aggisikhūpama’’nti.

д̇ад̇т̇а взд̇аран̣инд̇и бхигкавз, маад̇али ран̃н̃о гат̇ам̣ суд̇ваа нираяаабхимукам̣ рат̇ам̣ бзсзд̇ваа гаммабажжаяз уд̇унаа самудтид̇ам̣ взд̇аран̣им̣ над̣̇им̣ д̇аава д̣̇ассзси. д̇ад̇т̇а нираяабаалаа ж̇алид̇аани асисад̇д̇ид̇омарабхинд̣̇ивааламуг̇г̇араад̣̇ийни аавуд̇хаани г̇ахзд̇ваа нзраяигасад̇д̇з бахаранд̇и виж̇жханд̇и вихзтзнд̇и. д̇з д̇ам̣ д̣̇угкам̣ асаханд̇аа взд̇аран̣ияам̣ бад̇анд̇и. саа убари бхинд̣̇иваалаббамаан̣аахи саган̣дагаахи взд̇д̇алад̇аахи сан̃чаннаа. д̇з д̇ад̇т̇а б̣ахууни вассасахассаани бажжим̣су. д̇зсу баж̇ж̇аланд̇зсу курад̇хаараад̇икин̣зсу ган̣дагзсу кан̣д̣аакан̣д̣игаа хонд̇и. д̇зсам̣ хздтаа д̇аалагканд̇хаббамаан̣аани баж̇ж̇алид̇ааяасуулаани удтаханд̇и. нзраяигасад̇д̇аа б̣ахум̣ ад̣̇д̇хаанам̣ вийд̇инаамзд̇ваа взд̇д̇алад̇аахи г̇ал̣ид̇ваа суулзсу бад̇ид̇ваа вид̣̇д̇хасарийраа суулзсу аавун̣ид̇амажчаа вияа жирам̣ бажжанд̇и. д̇аани суулааниби баж̇ж̇аланд̇и, нзраяигасад̇д̇ааби баж̇ж̇аланд̇и. суулаанам̣ хздтаа уд̣̇агабидтз ж̇алид̇аани курад̇хаараасад̣̇исаани д̇икин̣аани аяобогкарабад̇д̇аани хонд̇и. д̇з суулзхи г̇ал̣ид̇ваа аяабогкарабад̇д̇зсу бад̇ид̇ваа жирам̣ д̣̇угкавзд̣̇анам̣ анубхаванд̇и. д̇ад̇о каарод̣̇агз бад̇анд̇и, уд̣̇агам̣ баж̇ж̇алад̇и, нзраяигасад̇д̇ааби баж̇ж̇аланд̇и, д̇хуумоби удтахад̇и. уд̣̇агасса бана хздтаа над̣̇ийд̇алам̣ курад̇хаараахи сан̃чаннам̣. д̇з ‘‘хздтаа ну ко гийд̣̇иса’’нд̇и уд̣̇агз нимуж̇ж̇ид̇ваа курад̇хаараасу кан̣д̣аакан̣д̣игаа хонд̇и. д̇з д̇ам̣ махаад̣̇угкам̣ ад̇хиваасзд̇ум̣ асаггонд̇аа маханд̇ам̣ бхзравам̣ вираванд̇аа вижаранд̇и. гад̣̇аажи анусод̇ам̣ вуяханд̇и, гад̣̇аажи бадисод̇ам̣. ат̇а нз д̇ийрз тид̇аа нираяабаалаа усусад̇д̇ид̇омараад̣̇ийни угкибид̇ваа мажчз вияа виж̇жханд̇и. д̇з д̣̇угкавзд̣̇анааббад̇д̇аа махаавиравам̣ раванд̇и. ат̇а нз баж̇ж̇алид̇зхи аяаб̣ал̣исзхи уд̣̇д̇харид̇ваа баригад̣дхид̇ваа баж̇ж̇алид̇ааяабат̇авияам̣ нибаж̇ж̇аабзд̇ваа д̇зсам̣ мукз д̇ад̇д̇ам̣ аяог̇ул̣хам̣ багкибанд̇и.

Tattha vetaraṇinti bhikkhave, mātali rañño kathaṃ sutvā nirayābhimukhaṃ rathaṃ pesetvā kammapaccaye utunā samuṭṭhitaṃ vetaraṇiṃ nadiṃ tāva dassesi. Tattha nirayapālā jalitāni asisattitomarabhindivālamuggarādīni āvudhāni gahetvā nerayikasatte paharanti vijjhanti viheṭhenti. Te taṃ dukkhaṃ asahantā vetaraṇiyaṃ patanti. Sā upari bhindivālappamāṇāhi sakaṇṭakāhi vettalatāhi sañchannā. Te tattha bahūni vassasahassāni pacciṃsu. Tesu pajjalantesu khuradhārātikhiṇesu kaṇṭakesu khaṇḍākhaṇḍikā honti. Tesaṃ heṭṭhā tālakkhandhappamāṇāni pajjalitaayasūlāni uṭṭhahanti. Nerayikasattā bahuṃ addhānaṃ vītināmetvā vettalatāhi gaḷitvā sūlesu patitvā viddhasarīrā sūlesu āvuṇitamacchā viya ciraṃ paccanti. Tāni sūlānipi pajjalanti, nerayikasattāpi pajjalanti. Sūlānaṃ heṭṭhā udakapiṭṭhe jalitāni khuradhārāsadisāni tikhiṇāni ayopokkharapattāni honti. Te sūlehi gaḷitvā ayapokkharapattesu patitvā ciraṃ dukkhavedanaṃ anubhavanti. Tato khārodake patanti, udakaṃ pajjalati, nerayikasattāpi pajjalanti, dhūmopi uṭṭhahati. Udakassa pana heṭṭhā nadītalaṃ khuradhārāhi sañchannaṃ. Te ‘‘heṭṭhā nu kho kīdisa’’nti udake nimujjitvā khuradhārāsu khaṇḍākhaṇḍikā honti. Te taṃ mahādukkhaṃ adhivāsetuṃ asakkontā mahantaṃ bheravaṃ viravantā vicaranti. Kadāci anusotaṃ vuyhanti, kadāci paṭisotaṃ. Atha ne tīre ṭhitā nirayapālā ususattitomarādīni ukkhipitvā macche viya vijjhanti. Te dukkhavedanāppattā mahāviravaṃ ravanti. Atha ne pajjalitehi ayabaḷisehi uddharitvā parikaḍḍhitvā pajjalitaayapathaviyaṃ nipajjāpetvā tesaṃ mukhe tattaṃ ayoguḷhaṃ pakkhipanti.

ид̇и нимирааж̇аа взд̇аран̣ияам̣ махаад̣̇угкабийл̣ид̇з нзраяигасад̇д̇з д̣̇исваа бхийд̇ад̇асид̇о сан̇гамбид̇ахад̣̇аяо худ̇ваа ‘‘гим̣ наамзд̇з сад̇д̇аа баабагаммам̣ агам̣суу’’д̇и маад̇алим̣ бужчи. собисса б̣яаагааси. д̇амад̇т̇ам̣ багаасзнд̇о ааха –

Iti nimirājā vetaraṇiyaṃ mahādukkhapīḷite nerayikasatte disvā bhītatasito saṅkampitahadayo hutvā ‘‘kiṃ nāmete sattā pāpakammaṃ akaṃsū’’ti mātaliṃ pucchi. Sopissa byākāsi. Tamatthaṃ pakāsento āha –

453.

‘‘нимий хавз маад̇алимаж̇жхабхаасат̇а, д̣̇исваа ж̇анам̣ бад̇амаанам̣ вид̣̇уг̇г̇з;

‘‘Nimī have mātalimajjhabhāsatha, disvā janaṃ patamānaṃ vidugge;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа взд̇аран̣им̣ бад̇анд̇и.

Ime nu maccā kimakaṃsu pāpaṃ, yeme janā vetaraṇiṃ patanti.

454.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

455.

‘‘яз д̣̇уб̣б̣алз б̣алаванд̇аа ж̇ийвалогз, хим̣ санд̇и росзнд̇и субаабад̇хаммаа;

‘‘Ye dubbale balavantā jīvaloke, hiṃ santi rosenti supāpadhammā;

д̇з луд̣̇д̣̇агаммаа басавзд̇ва баабам̣, д̇змз ж̇анаа взд̇аран̣им̣ бад̇анд̇ий’’д̇и.

Te luddakammā pasavetva pāpaṃ, teme janā vetaraṇiṃ patantī’’ti.

д̇ад̇т̇а винд̣̇ад̇ийд̇и ахам̣ ад̇д̇ано аниссаро худ̇ваа бхаяасанд̇аго вияа ж̇аад̇о. д̣̇исваад̇и бад̇амаанам̣ д̣̇исваа. ж̇аананд̇и бхигкавз, со маад̇али саяам̣ ж̇аананд̇о д̇асса аж̇аанад̇о агкааси. д̣̇уб̣б̣алзд̇и сарийраб̣алабхог̇аб̣алааан̣ааб̣алавирахид̇з. б̣алаванд̇аад̇и д̇зхи б̣алзхи саманнааг̇ад̇аа. хим̣санд̇ийд̇и баан̣иббахаараад̣̇ийхи гиламзнд̇и. росзнд̇ийд̇и наанаббагаарзхи аггосавад̇т̇уухи аггосанд̇и гхадзнд̇и. басавзд̇ваад̇и ж̇анзд̇ваа, гад̇ваад̇и ад̇т̇о.

Tattha vindatīti ahaṃ attano anissaro hutvā bhayasantako viya jāto. Disvāti patamānaṃ disvā. Jānanti bhikkhave, so mātali sayaṃ jānanto tassa ajānato akkhāsi. Dubbaleti sarīrabalabhogabalaāṇābalavirahite. Balavantāti tehi balehi samannāgatā. Hiṃsantīti pāṇippahārādīhi kilamenti. Rosentīti nānappakārehi akkosavatthūhi akkosanti ghaṭenti. Pasavetvāti janetvā, katvāti attho.

звам̣ маад̇али д̇асса бан̃хам̣ б̣яаагарид̇ваа ран̃н̃аа взд̇аран̣инираяз д̣̇идтз д̇ам̣ бад̣̇зсам̣ анд̇арад̇хаабзд̇ваа бурад̇о рат̇ам̣ бзсзд̇ваа сунакаад̣̇ийхи каад̣̇анадтаанам̣ д̣̇ассзд̇ваа д̇ам̣ д̣̇исваа бхийд̇зна ран̃н̃аа бан̃хам̣ будто б̣яаагааси. д̇амад̇т̇ам̣ багаасзнд̇о сад̇т̇аа ааха –

Evaṃ mātali tassa pañhaṃ byākaritvā raññā vetaraṇiniraye diṭṭhe taṃ padesaṃ antaradhāpetvā purato rathaṃ pesetvā sunakhādīhi khādanaṭṭhānaṃ dassetvā taṃ disvā bhītena raññā pañhaṃ puṭṭho byākāsi. Tamatthaṃ pakāsento satthā āha –

456.

‘‘саамаа жа сон̣аа саб̣алаа жа г̇иж̇жхаа, гааголасан̇гхаа ад̣̇анд̇и бхзраваа;

‘‘Sāmā ca soṇā sabalā ca gijjhā, kākolasaṅghā adanti bheravā;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гим̣магам̣су баабам̣, язмз ж̇анз гааголасан̇гхаа ад̣̇анд̇и.

Ime nu maccā kiṃmakaṃsu pāpaṃ, yeme jane kākolasaṅghā adanti.

457.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

458.

‘‘яз гзжимз мажчарино гад̣̇арияаа, барибхаасагаа саман̣аб̣раахман̣аанам̣;

‘‘Ye kecime maccharino kadariyā, paribhāsakā samaṇabrāhmaṇānaṃ;

хим̣ санд̇и росзнд̇и субаабад̇хаммаа, д̇з луд̣̇д̣̇агаммаа басавзд̇ва баабам̣;

Hiṃ santi rosenti supāpadhammā, te luddakammā pasavetva pāpaṃ;

д̇змз ж̇анз гааголасан̇гхаа ад̣̇анд̇ий’’д̇и.

Teme jane kākolasaṅghā adantī’’ti.

ид̇о барзсу бан̃хзсу жзва б̣яаагаран̣зсу жа зсзва наяо. д̇ад̇т̇а саамаад̇и рад̇д̇аван̣н̣аа. сон̣аад̇и сунакаа. саб̣алаа жаад̇и габ̣араван̣н̣аа жа, сзд̇агаал̣абийд̇алохид̇аван̣н̣аа жаад̇и звам̣ бан̃жаван̣н̣асунакз д̣̇ассзд̇и. д̇з гира махаахад̇т̇иббамаан̣аа ж̇алид̇ааяабат̇авияам̣ нзраяигасад̇д̇з миг̇з вияа ануб̣анд̇хид̇ваа бин̣д̣игамам̣сзсу д̣ам̣сид̇ваа д̇зсам̣ д̇иг̇аавуд̇аббамаан̣ам̣ сарийрам̣ ж̇алид̇ааяабат̇авияам̣ баад̇зд̇ваа махааравам̣ раванд̇аанам̣ д̣̇вийхи буримабаад̣̇зхи урам̣ аггамид̇ваа адтимзва сзсзд̇ваа мам̣сам̣ лун̃жид̇ваа каад̣̇анд̇и. г̇иж̇жхаад̇и махаабхан̣д̣асагадаббамаан̣аа лохад̇ун̣д̣аа г̇иж̇жхаа. зд̇з д̇зсам̣ ган̣аяасад̣̇исзхи д̇ун̣д̣зхи адтийни бхинд̣̇ид̇ваа адтимин̃ж̇ам̣ каад̣̇анд̇и. гааголасан̇гхаад̇и лохад̇ун̣д̣агаагаг̇ан̣аа. д̇з ад̇ивияа бхаяаанагаа д̣̇идтз д̣̇идтз каад̣̇анд̇и. язмз ж̇анзд̇и яз имз нзраяигасад̇д̇з гааголасан̇гхаа каад̣̇анд̇и, имз ну мажжаа гим̣ наама баабам̣ агам̣сууд̇и бужчи. мажчаринод̇и ан̃н̃зсам̣ ад̣̇ааяагаа. гад̣̇арияаад̇и барз д̣̇знд̇зби бадисзд̇хагаа т̇ад̣̇д̇хамажчарино. саман̣аб̣раахман̣аананд̇и самид̇аб̣аахид̇абаабаанам̣.

Ito paresu pañhesu ceva byākaraṇesu ca eseva nayo. Tattha sāmāti rattavaṇṇā. Soṇāti sunakhā. Sabalā cāti kabaravaṇṇā ca, setakāḷapītalohitavaṇṇā cāti evaṃ pañcavaṇṇasunakhe dasseti. Te kira mahāhatthippamāṇā jalitaayapathaviyaṃ nerayikasatte mige viya anubandhitvā piṇḍikamaṃsesu ḍaṃsitvā tesaṃ tigāvutappamāṇaṃ sarīraṃ jalitaayapathaviyaṃ pātetvā mahāravaṃ ravantānaṃ dvīhi purimapādehi uraṃ akkamitvā aṭṭhimeva sesetvā maṃsaṃ luñcitvā khādanti. Gijjhāti mahābhaṇḍasakaṭappamāṇā lohatuṇḍā gijjhā. Ete tesaṃ kaṇayasadisehi tuṇḍehi aṭṭhīni bhinditvā aṭṭhimiñjaṃ khādanti. Kākolasaṅghāti lohatuṇḍakākagaṇā. Te ativiya bhayānakā diṭṭhe diṭṭhe khādanti. Yeme janeti ye ime nerayikasatte kākolasaṅghā khādanti, ime nu maccā kiṃ nāma pāpaṃ akaṃsūti pucchi. Maccharinoti aññesaṃ adāyakā. Kadariyāti pare dentepi paṭisedhakā thaddhamaccharino. Samaṇabrāhmaṇānanti samitabāhitapāpānaṃ.

459.

‘‘саж̇од̇ибхууд̇аа бат̇авим̣ гаманд̇и, д̇ад̇д̇зхи канд̇хзхи жа бот̇аяанд̇и;

‘‘Sajotibhūtā pathaviṃ kamanti, tattehi khandhehi ca pothayanti;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа канд̇хахад̇аа саяанд̇и.

Ime nu maccā kimakaṃsu pāpaṃ, yeme janā khandhahatā sayanti.

460.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

461.

‘‘яз ж̇ийвалогасми субаабад̇хаммино, наран̃жа наарин̃жа абаабад̇хаммам̣;

‘‘Ye jīvalokasmi supāpadhammino, narañca nāriñca apāpadhammaṃ;

хим̣ санд̇и росзнд̇и субаабад̇хаммаа, д̇з луд̣̇д̣̇агаммаа басавзд̇ва баабам̣;

Hiṃ santi rosenti supāpadhammā, te luddakammā pasavetva pāpaṃ;

д̇змз ж̇анаа канд̇хахад̇аа саяанд̇ий’’д̇и.

Teme janā khandhahatā sayantī’’ti.

д̇ад̇т̇а саж̇од̇ибхууд̇аад̇и баж̇ж̇алид̇асарийраа. бат̇авинд̇и баж̇ж̇алид̇ам̣ наваяож̇анаб̣ахалам̣ аяабат̇авим̣. гаманд̇ийд̇и аггаманд̇и. канд̇хзхи жа бот̇аяанд̇ийд̇и нираяабаалаа ануб̣анд̇хид̇ваа д̇аалаббамаан̣зхи ж̇алид̇ааяагканд̇хзхи ж̇ан̇гхаад̣̇ийсу бахарид̇ваа баад̇зд̇ваа д̇зхзва канд̇хзхи бот̇аяанд̇и, жун̣н̣авижун̣н̣ам̣ гаронд̇и. субаабад̇хамминод̇и ад̇д̇анаа судту баабад̇хаммаа худ̇ваа. абаабад̇хамманд̇и сийлаажаараад̣̇исамбаннам̣, нирабараад̇хам̣ ваа.

Tattha sajotibhūtāti pajjalitasarīrā. Pathavinti pajjalitaṃ navayojanabahalaṃ ayapathaviṃ. Kamantīti akkamanti. Khandhehi ca pothayantīti nirayapālā anubandhitvā tālappamāṇehi jalitaayakkhandhehi jaṅghādīsu paharitvā pātetvā teheva khandhehi pothayanti, cuṇṇavicuṇṇaṃ karonti. Supāpadhamminoti attanā suṭṭhu pāpadhammā hutvā. Apāpadhammanti sīlācārādisampannaṃ, niraparādhaṃ vā.

462.

‘‘ан̇г̇аарагаасум̣ абарз пун̣анд̇и, нараа руд̣̇анд̇аа барид̣̇ад̣дхаг̇ад̇д̇аа;

‘‘Aṅgārakāsuṃ apare phuṇanti, narā rudantā paridaḍḍhagattā;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гим̣ магам̣су баабам̣, язмз ж̇анаа ан̇г̇аарагаасум̣ пун̣анд̇и.

Ime nu maccā kiṃ makaṃsu pāpaṃ, yeme janā aṅgārakāsuṃ phuṇanti.

463.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

464.

‘‘яз гзжи бууг̇ааяа д̇ханасса хзд̇у, сагким̣ гарид̇ваа ин̣ам̣ ж̇аабаяанд̇и;

‘‘Ye keci pūgāya dhanassa hetu, sakkhiṃ karitvā iṇaṃ jāpayanti;

д̇з ж̇аабаяид̇ваа ж̇анад̇ам̣ ж̇анинд̣̇а, д̇з луд̣̇д̣̇агаммаа басавзд̇ва баабам̣;

Te jāpayitvā janataṃ janinda, te luddakammā pasavetva pāpaṃ;

д̇змз ж̇анаа ан̇г̇аарагаасум̣ пун̣анд̇ий’’д̇и.

Teme janā aṅgārakāsuṃ phuṇantī’’ti.

д̇ад̇т̇а ан̇г̇аарагаасунд̇и самма маад̇али, гз наамзд̇з абарз важ̇ам̣ абависанд̇ияо г̇ааво вияа самбариваарзд̇ваа нираяабаалзхи ж̇алид̇ааяаг̇ул̣зхи бот̇ияамаанаа ан̇г̇аарагаасум̣ бад̇анд̇и. д̇ад̇ра жа нзсам̣ яаава гадиббамаан̣аа нимуг̇г̇аанам̣ махад̇ийхи аяабажчийхи аад̣̇ааяа убариан̇г̇аарз огиранд̇и, ат̇а нз ан̇г̇аарз самбадижчид̇ум̣ асаггонд̇аа род̣̇анд̇аа д̣̇ад̣дхаг̇ад̇д̇аа пун̣анд̇и вид̇хунанд̇и, гаммаб̣алзна ваа ад̇д̇ано сийсз ан̇г̇аарз пун̣анд̇и огиранд̇ийд̇и ад̇т̇о. бууг̇ааяа д̇ханассаад̇и огаасз сад̇и д̣̇аанам̣ ваа д̣̇ассаама, бууж̇ам̣ ваа бавад̇д̇зссаама, вихаарам̣ ваа гариссаамаад̇и сам̣гад̣дхид̇ваа табид̇асса бууг̇асанд̇агасса д̇ханасса хзд̇у. ж̇аабаяанд̇ийд̇и д̇ам̣ д̇ханам̣ яат̇ааружи каад̣̇ид̇ваа г̇ан̣аж̇здтагаанам̣ лан̃ж̇ам̣ д̣̇ад̇ваа ‘‘асугадтаанз зд̇д̇агам̣ ваяагаран̣ам̣ г̇ад̇ам̣, асугадтаанз амхзхи зд̇д̇агам̣ д̣̇инна’’нд̇и гуудасагким̣ гарид̇ваа д̇ам̣ ин̣ам̣ ж̇аабаяанд̇и винаасзнд̇и.

Tattha aṅgārakāsunti samma mātali, ke nāmete apare vajaṃ apavisantiyo gāvo viya samparivāretvā nirayapālehi jalitaayaguḷehi pothiyamānā aṅgārakāsuṃ patanti. Tatra ca nesaṃ yāva kaṭippamāṇā nimuggānaṃ mahatīhi ayapacchīhi ādāya upariaṅgāre okiranti, atha ne aṅgāre sampaṭicchituṃ asakkontā rodantā daḍḍhagattā phuṇanti vidhunanti, kammabalena vā attano sīse aṅgāre phuṇanti okirantīti attho. Pūgāya dhanassāti okāse sati dānaṃ vā dassāma, pūjaṃ vā pavattessāma, vihāraṃ vā karissāmāti saṃkaḍḍhitvā ṭhapitassa pūgasantakassa dhanassa hetu. Jāpayantīti taṃ dhanaṃ yathāruci khāditvā gaṇajeṭṭhakānaṃ lañjaṃ datvā ‘‘asukaṭṭhāne ettakaṃ vayakaraṇaṃ gataṃ, asukaṭṭhāne amhehi ettakaṃ dinna’’nti kūṭasakkhiṃ karitvā taṃ iṇaṃ jāpayanti vināsenti.

465.

‘‘саж̇од̇ибхууд̇аа ж̇алид̇аа бад̣̇ид̇д̇аа, бад̣̇иссад̇и махад̇ий лохагумбхий;

‘‘Sajotibhūtā jalitā padittā, padissati mahatī lohakumbhī;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа авам̣сираа лохагумбхим̣ бад̇анд̇и.

Ime nu maccā kimakaṃsu pāpaṃ, yeme janā avaṃsirā lohakumbhiṃ patanti.

466.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

467.

‘‘яз сийлаванд̇ам̣ саман̣ам̣ б̣раахман̣ам̣ ваа, хим̣санд̇и росзнд̇и субаабад̇хаммаа;

‘‘Ye sīlavantaṃ samaṇaṃ brāhmaṇaṃ vā, hiṃsanti rosenti supāpadhammā;

д̇з луд̣̇д̣̇агаммаа басавзд̇ва баабам̣, д̇змз ж̇анаа авам̣сираа лохагумбхим̣ бад̇анд̇ий’’д̇и.

Te luddakammā pasavetva pāpaṃ, teme janā avaṃsirā lohakumbhiṃ patantī’’ti.

д̇ад̇т̇а бад̣̇ид̇д̇аад̇иаад̣̇ид̇д̇аа. махад̇ийд̇и баб̣б̣ад̇аббамаан̣аа габбзна сан̣тид̇алохарасзна самбун̣н̣аа. авам̣сираад̇и бхаяаанагзхи нираяабаалзхи уд̣̇д̇хам̣баад̣̇з ад̇хосирз гад̇ваа кибияамаанаа д̇ам̣ лохагумбхим̣ бад̇анд̇и. сийлаванд̇анд̇и сийлааажаараг̇ун̣асамбаннам̣.

Tattha padittātiādittā. Mahatīti pabbatappamāṇā kappena saṇṭhitaloharasena sampuṇṇā. Avaṃsirāti bhayānakehi nirayapālehi uddhaṃpāde adhosire katvā khipiyamānā taṃ lohakumbhiṃ patanti. Sīlavantanti sīlaācāraguṇasampannaṃ.

468.

‘‘лун̃жанд̇и г̇ийвам̣ ат̇а взтаяид̇ваа, ун̣ход̣̇агасмим̣ багилзд̣̇аяид̇ваа;

‘‘Luñcanti gīvaṃ atha veṭhayitvā, uṇhodakasmiṃ pakiledayitvā;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа луд̇д̇асираа саяанд̇и.

Ime nu maccā kimakaṃsu pāpaṃ, yeme janā luttasirā sayanti.

469.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

470.

‘‘яз ж̇ийвалогасми субаабад̇хаммино, багкий г̇ахзд̇ваана вихзтаяанд̇и д̇з;

‘‘Ye jīvalokasmi supāpadhammino, pakkhī gahetvāna viheṭhayanti te;

вихзтаяид̇ваа сагун̣ам̣ ж̇анинд̣̇а, д̇з луд̣̇д̣̇агаммаа басавзд̇ва баабам̣;

Viheṭhayitvā sakuṇaṃ janinda, te luddakammā pasavetva pāpaṃ;

д̇змз ж̇анаа луд̇д̇асираа саяа’’нд̇и.

Teme janā luttasirā saya’’nti.

д̇ад̇т̇а лун̃жанд̇ийд̇и уббаадзнд̇и. ат̇а взтаяид̇ваад̇и ж̇алид̇алохаяод̇д̇зхи ад̇хомукам̣ взтаяид̇ваа. ун̣ход̣̇агасминд̇и габбзна сан̣тид̇алохауд̣̇агасмим̣. багилзд̣̇аяид̇ваад̇и д̇змзд̇ваа кибид̇ваа. ид̣̇ам̣ вуд̇д̇ам̣ ход̇и – самма маад̇али, язсам̣ имз нираяабаалаа ж̇алид̇алохаяод̇д̇зхи г̇ийвам̣ взтзд̇ваа д̇иг̇аавуд̇аббамаан̣ам̣ сарийрам̣ онаамзд̇ваа д̇ам̣ г̇ийвам̣ самбаривад̇д̇агам̣ лун̃жид̇ваа ж̇алид̇ааяад̣̇ан̣д̣зхи аад̣̇ааяа згасмим̣ ж̇алид̇алохарасз багкибид̇ваа д̇удтахадтаа хонд̇и, д̇ааяа жа г̇ийвааяа лун̃жид̇ааяа буна сийсзна сад̣̇д̇хим̣ г̇ийваа уббаж̇ж̇ад̇иязва. гим̣ наамзд̇з гаммам̣ гарим̣су? зд̇з хи мз д̣̇исваа бхаяам̣ уббаж̇ж̇ад̇ийд̇и. багкий г̇ахзд̇ваана вихзтаяанд̇ийд̇и махаарааж̇а, яз ж̇ийвалогасмим̣ сагун̣з г̇ахзд̇ваа багкз лун̃жид̇ваа г̇ийвам̣ взтзд̇ваа ж̇ийвид̇агкаяам̣ баабзд̇ваа каад̣̇анд̇и ваа виггин̣анд̇и ваа, д̇з имз луд̇д̇асираа саяанд̇ийд̇и.

Tattha luñcantīti uppāṭenti. Atha veṭhayitvāti jalitalohayottehi adhomukhaṃ veṭhayitvā. Uṇhodakasminti kappena saṇṭhitalohaudakasmiṃ. Pakiledayitvāti temetvā khipitvā. Idaṃ vuttaṃ hoti – samma mātali, yesaṃ ime nirayapālā jalitalohayottehi gīvaṃ veṭhetvā tigāvutappamāṇaṃ sarīraṃ onāmetvā taṃ gīvaṃ samparivattakaṃ luñcitvā jalitaayadaṇḍehi ādāya ekasmiṃ jalitaloharase pakkhipitvā tuṭṭhahaṭṭhā honti, tāya ca gīvāya luñcitāya puna sīsena saddhiṃ gīvā uppajjatiyeva. Kiṃ nāmete kammaṃ kariṃsu? Ete hi me disvā bhayaṃ uppajjatīti. Pakkhī gahetvāna viheṭhayantīti mahārāja, ye jīvalokasmiṃ sakuṇe gahetvā pakkhe luñcitvā gīvaṃ veṭhetvā jīvitakkhayaṃ pāpetvā khādanti vā vikkiṇanti vā, te ime luttasirā sayantīti.

471.

‘‘бахууд̇ад̇ояаа аниг̇аад̇хагуулаа, над̣̇ий аяам̣ санд̣̇ад̇и суббад̇ид̇т̇аа;

‘‘Pahūtatoyā anigādhakūlā, nadī ayaṃ sandati suppatitthā;

гхаммаабхид̇ад̇д̇аа мануж̇аа биванд̇и, бийд̇ан̃жа д̇зсам̣ бхуса ход̇и баани.

Ghammābhitattā manujā pivanti, pītañca tesaṃ bhusa hoti pāni.

472.

‘‘бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, бийд̇ан̃жа д̇зсам̣ бхуса ход̇и баани.

Ime nu maccā kimakaṃsu pāpaṃ, pītañca tesaṃ bhusa hoti pāni.

473.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

474.

‘‘яз суд̣̇д̇хад̇хан̃н̃ам̣ балаасзна миссам̣, асуд̣̇д̇хагаммаа гаяино д̣̇ад̣̇анд̇и;

‘‘Ye suddhadhaññaṃ palāsena missaṃ, asuddhakammā kayino dadanti;

гхаммаабхид̇ад̇д̇аана бибаасид̇аанам̣, бийд̇ан̃жа д̇зсам̣ бхуса ход̇и бааний’’д̇и.

Ghammābhitattāna pipāsitānaṃ, pītañca tesaṃ bhusa hoti pānī’’ti.

д̇ад̇т̇а аниг̇аад̇хагуулаад̇и аг̇амбхийрад̇ийраа. суббад̇ид̇т̇аад̇и собханзхи д̇ид̇т̇зхи убзд̇аа. бхуса ход̇ийд̇и вийхибхусам̣ самбаж̇ж̇ад̇и. баанийд̇и баанийяам̣. д̇асмим̣ гира бад̣̇зсз бахууд̇асалилаа раман̣ийяаа над̣̇ий санд̣̇ад̇и, нзраяигасад̇д̇аа аг̇г̇исанд̇аабзна д̇ад̇д̇аа бибаасам̣ санд̇хаарзд̇ум̣ асаггонд̇аа б̣аахаа баг̇г̇аяха ж̇алид̇алохабат̇авим̣ мад̣̇д̣̇анд̇аа д̇ам̣ над̣̇им̣ од̇аранд̇и, д̇ан̇кан̣ан̃н̃зва д̇ийраа баж̇ж̇аланд̇и, баанийяам̣ бхусабалаасабхаавам̣ аабаж̇ж̇ид̇ваа баж̇ж̇алад̇и. д̇з бибаасам̣ санд̇хаарзд̇ум̣ асаггонд̇аа д̇ам̣ ж̇алид̇ам̣ бхусабалаасам̣ каад̣̇анд̇и. д̇ам̣ д̇зсам̣ сагаласарийрам̣ жхаабзд̇ваа ад̇хобхааг̇зна нигкамад̇и. д̇з д̇ам̣ д̣̇угкам̣ ад̇хиваасзд̇ум̣ асаггонд̇аа б̣аахаа баг̇г̇аяха ганд̣̇анд̇и. суд̣̇д̇хад̇хан̃н̃анд̇и вийхиаад̣̇исад̇д̇авид̇хам̣ барисуд̣̇д̇хад̇хан̃н̃ам̣. балаасзна миссанд̇и балаасзна ваа бхусзна ваа ваалугаамад̇д̇игаад̣̇ийхи ваа миссагам̣ гад̇ваа . асуд̣̇д̇хагаммаад̇и гилидтагааяаважийманогаммаа. гаяинод̇и ‘‘суд̣̇д̇хад̇хан̃н̃ам̣ д̣̇ассаамий’’д̇и гаяигасса хад̇т̇ад̇о муулам̣ г̇ахзд̇ваа д̇ат̇ааруубам̣ асуд̣̇д̇хад̇хан̃н̃ам̣ д̣̇ад̣̇анд̇и.

Tattha anigādhakūlāti agambhīratīrā. Suppatitthāti sobhanehi titthehi upetā. Bhusa hotīti vīhibhusaṃ sampajjati. Pānīti pānīyaṃ. Tasmiṃ kira padese pahūtasalilā ramaṇīyā nadī sandati, nerayikasattā aggisantāpena tattā pipāsaṃ sandhāretuṃ asakkontā bāhā paggayha jalitalohapathaviṃ maddantā taṃ nadiṃ otaranti, taṅkhaṇaññeva tīrā pajjalanti, pānīyaṃ bhusapalāsabhāvaṃ āpajjitvā pajjalati. Te pipāsaṃ sandhāretuṃ asakkontā taṃ jalitaṃ bhusapalāsaṃ khādanti. Taṃ tesaṃ sakalasarīraṃ jhāpetvā adhobhāgena nikkhamati. Te taṃ dukkhaṃ adhivāsetuṃ asakkontā bāhā paggayha kandanti. Suddhadhaññanti vīhiādisattavidhaṃ parisuddhadhaññaṃ. Palāsena missanti palāsena vā bhusena vā vālukāmattikādīhi vā missakaṃ katvā . Asuddhakammāti kiliṭṭhakāyavacīmanokammā. Kayinoti ‘‘suddhadhaññaṃ dassāmī’’ti kayikassa hatthato mūlaṃ gahetvā tathārūpaṃ asuddhadhaññaṃ dadanti.

475.

‘‘усуухи сад̇д̇ийхи жа д̇омарзхи, д̣̇убхаяаани бассаани д̇уд̣̇анд̇и ганд̣̇ад̇ам̣;

‘‘Usūhi sattīhi ca tomarehi, dubhayāni passāni tudanti kandataṃ;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа сад̇д̇ихад̇аа саяанд̇и.

Ime nu maccā kimakaṃsu pāpaṃ, yeme janā sattihatā sayanti.

476.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

477.

‘‘яз ж̇ийвалогасмим̣ асаад̇хугаммино, ад̣̇иннамаад̣̇ааяа гаронд̇и ж̇ийвигам̣;

‘‘Ye jīvalokasmiṃ asādhukammino, adinnamādāya karonti jīvikaṃ;

д̇хан̃н̃ам̣ д̇ханам̣ раж̇ад̇ам̣ ж̇аад̇аруубам̣, аж̇зл̣аган̃жааби басум̣ махим̣сам̣;

Dhaññaṃ dhanaṃ rajataṃ jātarūpaṃ, ajeḷakañcāpi pasuṃ mahiṃsaṃ;

д̇з луд̣̇д̣̇агаммаа басавзд̇ва баабам̣, д̇змз ж̇анаа сад̇д̇ихад̇аа саяанд̇ий’’д̇и.

Te luddakammā pasavetva pāpaṃ, teme janā sattihatā sayantī’’ti.

д̇ад̇т̇а д̣̇убхаяаанийд̇и убхаяаани. д̇уд̣̇анд̇ийд̇и виж̇жханд̇и. ганд̣̇ад̇анд̇и ганд̣̇анд̇аанам̣. парусаа нираяабаалаа аран̃н̃з луд̣̇д̣̇аа миг̇ам̣ вияа самбариваарзд̇ваа усуаад̣̇ийхи наанаавуд̇хзхи д̣̇вз бассаани д̇уд̣̇анд̇и, сарийрам̣ чид̣̇д̣̇аавачид̣̇д̣̇ам̣ бураан̣абан̣н̣ам̣ вияа кааяад̇и. ад̣̇иннамаад̣̇ааяаад̇ибарасанд̇агам̣ савин̃н̃аан̣агаавин̃н̃аан̣агам̣ санд̇хижчзд̣̇аад̣̇ийхи жзва ван̃жанааяа жа г̇ахзд̇ваа ж̇ийвигам̣ габбзнд̇и.

Tattha dubhayānīti ubhayāni. Tudantīti vijjhanti. Kandatanti kandantānaṃ. Pharusā nirayapālā araññe luddā migaṃ viya samparivāretvā usuādīhi nānāvudhehi dve passāni tudanti, sarīraṃ chiddāvachiddaṃ purāṇapaṇṇaṃ viya khāyati. Adinnamādāyātiparasantakaṃ saviññāṇakāviññāṇakaṃ sandhicchedādīhi ceva vañcanāya ca gahetvā jīvikaṃ kappenti.

478.

‘‘г̇ийвааяа б̣ад̣̇д̇хаа гисса имз бунзгз, ан̃н̃з виганд̇аа б̣илагад̇аа саяанд̇и;

‘‘Gīvāya baddhā kissa ime puneke, aññe vikantā bilakatā sayanti;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа б̣илагад̇аа саяанд̇и.

Ime nu maccā kimakaṃsu pāpaṃ, yeme janā bilakatā sayanti.

479.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

480.

‘‘ораб̣бхигаа суугаригаа жа мажчигаа, басум̣ махим̣сан̃жа аж̇зл̣аган̃жа;

‘‘Orabbhikā sūkarikā ca macchikā, pasuṃ mahiṃsañca ajeḷakañca;

ханд̇ваана суунзсу басаараяим̣су, д̇з луд̣̇д̣̇агаммаа басавзд̇ва баабам̣;

Hantvāna sūnesu pasārayiṃsu, te luddakammā pasavetva pāpaṃ;

д̇змз ж̇анаа б̣илагад̇аа саяанд̇ий’’д̇и.

Teme janā bilakatā sayantī’’ti.

д̇ад̇т̇а г̇ийвааяа б̣ад̣̇д̇хаад̇и маханд̇зхи ж̇алид̇алохаяод̇д̇зхи г̇ийвааяа б̣анд̇хид̇ваа аагад̣дхид̇ваа аяабат̇авияам̣ баад̇зд̇ваа наанаавуд̇хзхи годдияамаанз д̣̇исваа бужчи. ан̃н̃з виганд̇аад̇и ан̃н̃з бана кан̣д̣аакан̣д̣игам̣ чиннаа. б̣илагад̇аад̇и ж̇алид̇зсу аяапалагзсу табзд̇ваа мам̣сам̣ вияа бод̇т̇анияаа годдзд̇ваа бун̃ж̇агад̇аа худ̇ваа саяанд̇и. мажчигаад̇и мажчагхаад̇агаа. басунд̇и г̇аавим̣. суунзсу басаараяим̣сууд̇и мам̣сам̣ виггин̣ид̇ваа ж̇ийвигагаббанад̇т̇ам̣ суунаабан̣зсу табзсум̣.

Tattha gīvāya baddhāti mahantehi jalitalohayottehi gīvāya bandhitvā ākaḍḍhitvā ayapathaviyaṃ pātetvā nānāvudhehi koṭṭiyamāne disvā pucchi. Aññe vikantāti aññe pana khaṇḍākhaṇḍikaṃ chinnā. Bilakatāti jalitesu ayaphalakesu ṭhapetvā maṃsaṃ viya potthaniyā koṭṭetvā puñjakatā hutvā sayanti. Macchikāti macchaghātakā. Pasunti gāviṃ. Sūnesu pasārayiṃsūti maṃsaṃ vikkiṇitvā jīvikakappanatthaṃ sūnāpaṇesu ṭhapesuṃ.

481.

‘‘рахад̣̇о аяам̣ муд̇д̇агарийсабууро, д̣̇уг̇г̇анд̇харуубо асужи бууд̇и ваад̇и;

‘‘Rahado ayaṃ muttakarīsapūro, duggandharūpo asuci pūti vāti;

куд̣̇аабарзд̇аа мануж̇аа ад̣̇анд̇и, бхаяан̃хи мам̣ винд̣̇ад̇и сууд̇а д̣̇исваа;

Khudāparetā manujā adanti, bhayañhi maṃ vindati sūta disvā;

бужчаами д̇ам̣ маад̇али д̣̇звасаарат̇и, имз ну мажжаа гимагам̣су баабам̣;

Pucchāmi taṃ mātali devasārathi, ime nu maccā kimakaṃsu pāpaṃ;

язмз ж̇анаа муд̇д̇агарийсабхагкаа.

Yeme janā muttakarīsabhakkhā.

482.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкааси ж̇аанад̇о.

Vipākaṃ pāpakammānaṃ, jānaṃ akkhāsi jānato.

483.

‘‘яз гзжимз гааран̣игаа виросагаа, барзсам̣ хим̣сааяа сад̣̇аа нивидтаа;

‘‘Ye kecime kāraṇikā virosakā, paresaṃ hiṃsāya sadā niviṭṭhā;

д̇з луд̣̇д̣̇агаммаа басавзд̇ва баабам̣, мид̇д̇ад̣̇д̣̇уно мийл̣хамад̣̇анд̇и б̣аалаа’’д̇и;

Te luddakammā pasavetva pāpaṃ, mittadduno mīḷhamadanti bālā’’ti;

д̇ад̇т̇а куд̣̇аабарзд̇аа мануж̇аа ад̣̇анд̇ийд̇и зд̇з нзраяигаа сад̇д̇аа чаад̇агзна пудтаа куд̣̇ам̣ сахид̇ум̣ асаггонд̇аа баггут̇ид̇ам̣ д̇хуумааяанд̇ам̣ баж̇ж̇аланд̇ам̣ габбзна сан̣тид̇ам̣ бураан̣амийл̣хам̣ бин̣д̣ам̣ бин̣д̣ам̣ гад̇ваа ад̣̇анд̇и каад̣̇анд̇и. гааран̣игаад̇и гааран̣агаарагаа. виросагаад̇и мид̇д̇асухаж̇ж̇аанамби вихзтагаа. мид̇д̇ад̣̇д̣̇унод̇и яз д̇зсан̃н̃зва г̇зхз каад̣̇ид̇ваа бхун̃ж̇ид̇ваа бан̃н̃ад̇д̇аасанз нисийд̣̇ид̇ваа саяид̇ваа буна маасагахаабан̣ам̣ наама аахараабзнд̇и, лан̃ж̇ам̣ г̇ан̣ханд̇и, д̇з мид̇д̇ад̣̇уусагаа б̣аалаа зваруубам̣ мийл̣хам̣ каад̣̇анд̇и, махаарааж̇аад̇и.

Tattha khudāparetā manujā adantīti ete nerayikā sattā chātakena phuṭṭhā khudaṃ sahituṃ asakkontā pakkuthitaṃ dhūmāyantaṃ pajjalantaṃ kappena saṇṭhitaṃ purāṇamīḷhaṃ piṇḍaṃ piṇḍaṃ katvā adanti khādanti. Kāraṇikāti kāraṇakārakā. Virosakāti mittasuhajjānampi viheṭhakā. Mittaddunoti ye tesaññeva gehe khāditvā bhuñjitvā paññattāsane nisīditvā sayitvā puna māsakahāpaṇaṃ nāma āharāpenti, lañjaṃ gaṇhanti, te mittadūsakā bālā evarūpaṃ mīḷhaṃ khādanti, mahārājāti.

484.

‘‘рахад̣̇о аяам̣ лохид̇абуб̣б̣абууро, д̣̇уг̇г̇анд̇харуубо асужи бууд̇и ваад̇и;

‘‘Rahado ayaṃ lohitapubbapūro, duggandharūpo asuci pūti vāti;

гхаммаабхид̇ад̇д̇аа мануж̇аа биванд̇и, бхаяан̃хи мам̣ винд̣̇ад̇и сууд̇а д̣̇исваа;

Ghammābhitattā manujā pivanti, bhayañhi maṃ vindati sūta disvā;

бужчаами д̇ам̣ маад̇али д̣̇звасаарат̇и, имз ну мажжаа гимагам̣су баабам̣;

Pucchāmi taṃ mātali devasārathi, ime nu maccā kimakaṃsu pāpaṃ;

язмз ж̇анаа лохид̇абуб̣б̣абхагкаа.

Yeme janā lohitapubbabhakkhā.

485.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

486.

‘‘яз маад̇арам̣ ваа бид̇арам̣ ваа ж̇ийвалогз, баарааж̇игаа араханд̇з хананд̇и;

‘‘Ye mātaraṃ vā pitaraṃ vā jīvaloke, pārājikā arahante hananti;

д̇з луд̣̇д̣̇агаммаа басавзд̇ва баабам̣, д̇змз ж̇анаа лохид̇абуб̣б̣абхагкаа’’д̇и.

Te luddakammā pasavetva pāpaṃ, teme janā lohitapubbabhakkhā’’ti.

д̇ад̇т̇а гхаммаабхид̇ад̇д̇аад̇и санд̇аабзна бийл̣ид̇аа. баарааж̇игаад̇и барааж̇ид̇аа ж̇арааж̇ин̣н̣з маад̇аабид̇аро гхаад̇зд̇ваа г̇ихибхаавзязва баарааж̇игам̣ бад̇д̇аа. араханд̇зд̇и бууж̇аависзсасса анужчавигз. хананд̇ийд̇и д̣̇уггарагаарагз маад̇аабид̇аро маарзнд̇и. абижа ‘‘араханд̇з’’д̇и бад̣̇зна б̣уд̣̇д̇хасаавагзби сан̇г̇ан̣хаад̇и.

Tattha ghammābhitattāti santāpena pīḷitā. Pārājikāti parājitā jarājiṇṇe mātāpitaro ghātetvā gihibhāveyeva pārājikaṃ pattā. Arahanteti pūjāvisesassa anucchavike. Hanantīti dukkarakārake mātāpitaro mārenti. Apica ‘‘arahante’’ti padena buddhasāvakepi saṅgaṇhāti.

абарасмимби уссад̣̇анираяз нираяабаалаа нзраяигаанам̣ д̇аалаббамаан̣зна ж̇алид̇ааяаб̣ал̣исзна ж̇ивхам̣ виж̇жхид̇ваа аагад̣дхид̇ваа д̇з сад̇д̇з ж̇алид̇ааяабат̇авияам̣ баад̇зд̇ваа усабхажаммам̣ вияа бад̇т̇арид̇ваа сан̇гусад̇зна хананд̇и. д̇з т̇алз кид̇д̇амажчаа вияа панд̣̇анд̇и, д̇ан̃жа д̣̇угкам̣ сахид̇ум̣ асаггонд̇аа род̣̇анд̇аа барид̣̇званд̇аа мукзна кзл̣ам̣ мун̃жанд̇и. д̇асмим̣ рааж̇аа маад̇алинаа д̣̇ассид̇з ааха –

Aparasmimpi ussadaniraye nirayapālā nerayikānaṃ tālappamāṇena jalitaayabaḷisena jivhaṃ vijjhitvā ākaḍḍhitvā te satte jalitaayapathaviyaṃ pātetvā usabhacammaṃ viya pattharitvā saṅkusatena hananti. Te thale khittamacchā viya phandanti, tañca dukkhaṃ sahituṃ asakkontā rodantā paridevantā mukhena kheḷaṃ muñcanti. Tasmiṃ rājā mātalinā dassite āha –

487.

‘‘ж̇ивха жа басса б̣ал̣исзна вид̣̇д̇хам̣, вихад̇ам̣ яат̇аа сан̇гусад̇зна жаммам̣;

‘‘Jivha ca passa baḷisena viddhaṃ, vihataṃ yathā saṅkusatena cammaṃ;

панд̣̇анд̇и мажчаава т̇аламхи кид̇д̇аа, мун̃жанд̇и кзл̣ам̣ руд̣̇амаанаа гимзд̇з.

Phandanti macchāva thalamhi khittā, muñcanti kheḷaṃ rudamānā kimete.

488.

‘‘бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа ван̇гагхасд̇аа саяанд̇ий’’д̇и.

Ime nu maccā kimakaṃsu pāpaṃ, yeme janā vaṅkaghastā sayantī’’ti.

489.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

490.

‘‘яз гзжи санд̇хаанаг̇ад̇аа мануссаа, аг̇гхзна аг̇гхам̣ гаяам̣ хаабаяанд̇и;

‘‘Ye keci sandhānagatā manussā, agghena agghaṃ kayaṃ hāpayanti;

гуудзна гуудам̣ д̇ханалобхахзд̇у, чаннам̣ яат̇аа ваарижарам̣ вад̇хааяа.

Kūṭena kūṭaṃ dhanalobhahetu, channaṃ yathā vāricaraṃ vadhāya.

491.

‘‘на хи гуудагаарисса бхаванд̇и д̇аан̣аа, сагзхи гаммзхи бурагкад̇асса;

‘‘Na hi kūṭakārissa bhavanti tāṇā, sakehi kammehi purakkhatassa;

д̇з луд̣̇д̣̇агаммаа басавзд̇ва баабам̣, д̇змз ж̇анаа ван̇гагхасд̇аа саяанд̇ий’’д̇и.

Te luddakammā pasavetva pāpaṃ, teme janā vaṅkaghastā sayantī’’ti.

д̇ад̇т̇а гимзд̇зд̇и гим̣гааран̣аа зд̇з. ван̇гагхасд̇аад̇и г̇илид̇аб̣ал̣исаа. санд̇хаанаг̇ад̇аад̇и санд̇хаанам̣ марияаад̣̇ам̣ г̇ад̇аа, аг̇гхаабанагадтаанз тид̇аад̇и ад̇т̇о. аг̇гхзна аг̇гханд̇и д̇ам̣ д̇ам̣ аг̇гхам̣ лан̃ж̇ам̣ г̇ахзд̇ваа хад̇т̇иассаад̣̇ийнам̣ ваа ж̇аад̇аруубараж̇ад̇аад̣̇ийнам̣ ваа д̇зсам̣ д̇зсам̣ савин̃н̃аан̣агаавин̃н̃аан̣агаанам̣ аг̇гхам̣ хаабзнд̇и. гаяанд̇и д̇ам̣ хаабзнд̇аа гааяигаанам̣ гаяам̣ хаабзнд̇и, сад̇з д̣̇аад̇аб̣б̣з бан̣н̣аасам̣ д̣̇аабзнд̇и, ид̇арам̣ д̇зхи сад̣̇д̇хим̣ вибхаж̇ид̇ваа г̇ан̣ханд̇и. гуудзна гууданд̇и д̇улаагуудаад̣̇ийсу д̇ам̣ д̇ам̣ гуудам̣. д̇ханалобхахзд̇ууд̇и д̇ханалобхзна зд̇ам̣ гуудагаммам̣ гаронд̇и. чаннам̣ яат̇аа ваарижарам̣ вад̇хааяаад̇и д̇ам̣ бана гаммам̣ гаронд̇ааби мад̇хураваажааяа д̇ат̇аа гад̇абхаавам̣ бадижчаннам̣ гад̇ваа яат̇аа ваарижарам̣ мажчам̣ вад̇хааяа убаг̇ажчанд̇аа б̣ал̣исам̣ аамисзна бадижчаннам̣ гад̇ваа д̇ам̣ вад̇хзнд̇и, звам̣ бадижчаннам̣ гад̇ваа д̇ам̣ гаммам̣ гаронд̇и. на хи гуудагаариссаад̇и бадижчаннам̣ мама гаммам̣, на д̇ам̣ гожи ж̇аанаад̇ийд̇и ман̃н̃амаанасса хи гуудагаарисса д̇аан̣аа наама на хонд̇и. со д̇зхи гаммзхи бурагкад̇о бад̇идтам̣ на лабхад̇и.

Tattha kimeteti kiṃkāraṇā ete. Vaṅkaghastāti gilitabaḷisā. Sandhānagatāti sandhānaṃ mariyādaṃ gatā, agghāpanakaṭṭhāne ṭhitāti attho. Agghena agghanti taṃ taṃ agghaṃ lañjaṃ gahetvā hatthiassādīnaṃ vā jātarūparajatādīnaṃ vā tesaṃ tesaṃ saviññāṇakāviññāṇakānaṃ agghaṃ hāpenti. Kayanti taṃ hāpentā kāyikānaṃ kayaṃ hāpenti, sate dātabbe paṇṇāsaṃ dāpenti, itaraṃ tehi saddhiṃ vibhajitvā gaṇhanti. Kūṭena kūṭanti tulākūṭādīsu taṃ taṃ kūṭaṃ. Dhanalobhahetūti dhanalobhena etaṃ kūṭakammaṃ karonti. Channaṃ yathā vāricaraṃ vadhāyāti taṃ pana kammaṃ karontāpi madhuravācāya tathā katabhāvaṃ paṭicchannaṃ katvā yathā vāricaraṃ macchaṃ vadhāya upagacchantā baḷisaṃ āmisena paṭicchannaṃ katvā taṃ vadhenti, evaṃ paṭicchannaṃ katvā taṃ kammaṃ karonti. Na hi kūṭakārissāti paṭicchannaṃ mama kammaṃ, na taṃ koci jānātīti maññamānassa hi kūṭakārissa tāṇā nāma na honti. So tehi kammehi purakkhato patiṭṭhaṃ na labhati.

492.

‘‘наарий имаа самбарибхиннаг̇ад̇д̇аа, баг̇г̇аяха ганд̣̇анд̇и бхуж̇з д̣̇уж̇ажжаа;

‘‘Nārī imā samparibhinnagattā, paggayha kandanti bhuje dujaccā;

саммагкид̇аа лохид̇абуб̣б̣алид̇д̇аа, г̇ааво яат̇аа аагхаад̇анз виганд̇аа;

Sammakkhitā lohitapubbalittā, gāvo yathā āghātane vikantā;

д̇аа бхуумибхааг̇асмим̣ сад̣̇аа никаад̇аа, канд̇хаад̇ивад̇д̇анд̇и саж̇од̇ибхууд̇аа.

Tā bhūmibhāgasmiṃ sadā nikhātā, khandhātivattanti sajotibhūtā.

493.

‘‘бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Bhayañhi maṃ vindati sūta disvā, pucchāmi taṃ mātali devasārathi;

имаа ну наарияо гимагам̣су баабам̣, яаа бхуумибхааг̇асмим̣ сад̣̇аа никаад̇аа;

Imā nu nāriyo kimakaṃsu pāpaṃ, yā bhūmibhāgasmiṃ sadā nikhātā;

канд̇хаад̇ивад̇д̇анд̇и саж̇од̇ибхууд̇аа.

Khandhātivattanti sajotibhūtā.

494.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

495.

‘‘голид̇т̇ияааяо ид̇ха ж̇ийвалогз, асуд̣̇д̇хагаммаа асад̇ам̣ ажаарум̣;

‘‘Kolitthiyāyo idha jīvaloke, asuddhakammā asataṃ acāruṃ;

д̇аа д̣̇ид̇д̇аруубаа бад̇и виббахааяа, ан̃н̃ам̣ ажаарум̣ рад̇икид̣д̣ахзд̇у;

Tā dittarūpā pati vippahāya, aññaṃ acāruṃ ratikhiḍḍahetu;

д̇аа ж̇ийвалогасмим̣ рамаабаяид̇ваа, канд̇хаад̇ивад̇д̇анд̇и саж̇од̇ибхууд̇аа’’д̇и.

Tā jīvalokasmiṃ ramāpayitvā, khandhātivattanti sajotibhūtā’’ti.

д̇ад̇т̇а наарийд̇и ид̇т̇ияо. самбарибхиннаг̇ад̇д̇аад̇и судту саманд̇ад̇о бхиннасарийраа. д̣̇уж̇ажжаад̇и д̣̇уж̇ж̇аад̇игаа вируубаа ж̇зг̇ужчаа. аагхаад̇анзд̇и г̇аавагхаад̇адтаанз. виганд̇аад̇и чиннасийсаа г̇ааво вияа буб̣б̣алохид̇алид̇д̇аа худ̇ваа . сад̣̇аа никаад̇аад̇и нижжам̣ ж̇алид̇ааяабат̇авияам̣ гадимад̇д̇ам̣ бавзсзд̇ваа никан̣ид̇ваа табид̇аа вияа тид̇аа. канд̇хаад̇ивад̇д̇анд̇ийд̇и самма маад̇али, д̇аа наарияо зд̇з баб̣б̣ад̇агканд̇хаа ад̇иггаманд̇и. д̇аасам̣ гира звам̣ гадиббамаан̣ам̣ бависид̇ваа тид̇агаалз бурад̇т̇имааяа д̣̇исааяа ж̇алид̇ааяабаб̣б̣ад̇о самудтахид̇ваа асани вияа вираванд̇о ааг̇анд̇ваа сарийрам̣ сан̣хагаран̣ий вияа бисанд̇о г̇ажчад̇и. д̇асмим̣ ад̇ивад̇д̇ид̇ваа бажчимабассз тид̇з буна жа д̇аасам̣ сарийрам̣ баад̇у бхавад̇и. д̇аа д̣̇угкам̣ ад̇хиваасзд̇ум̣ асаггонд̇ияо б̣аахаа баг̇г̇аяха ганд̣̇анд̇и. сзсад̣̇исаасу вудтид̇зсу ж̇алид̇абаб̣б̣ад̇зсуби зсзва наяо. д̣̇вз баб̣б̣ад̇аа самудтааяа ужчугхадигам̣ вияа бийл̣знд̇и, лохид̇ам̣ баггут̇ид̇ам̣ санд̣̇ад̇и. гад̣̇аажи д̇аяо баб̣б̣ад̇аа самудтааяа бийл̣знд̇и. гад̣̇аажи жад̇д̇ааро баб̣б̣ад̇аа самудтааяа д̇аасам̣ сарийрам̣ бийл̣знд̇и. д̇знааха ‘‘канд̇хаад̇ивад̇д̇анд̇ий’’д̇и.

Tattha nārīti itthiyo. Samparibhinnagattāti suṭṭhu samantato bhinnasarīrā. Dujaccāti dujjātikā virūpā jegucchā. Āghātaneti gāvaghātaṭṭhāne. Vikantāti chinnasīsā gāvo viya pubbalohitalittā hutvā . Sadā nikhātāti niccaṃ jalitaayapathaviyaṃ kaṭimattaṃ pavesetvā nikhaṇitvā ṭhapitā viya ṭhitā. Khandhātivattantīti samma mātali, tā nāriyo ete pabbatakkhandhā atikkamanti. Tāsaṃ kira evaṃ kaṭippamāṇaṃ pavisitvā ṭhitakāle puratthimāya disāya jalitaayapabbato samuṭṭhahitvā asani viya viravanto āgantvā sarīraṃ saṇhakaraṇī viya pisanto gacchati. Tasmiṃ ativattitvā pacchimapasse ṭhite puna ca tāsaṃ sarīraṃ pātu bhavati. Tā dukkhaṃ adhivāsetuṃ asakkontiyo bāhā paggayha kandanti. Sesadisāsu vuṭṭhitesu jalitapabbatesupi eseva nayo. Dve pabbatā samuṭṭhāya ucchughaṭikaṃ viya pīḷenti, lohitaṃ pakkuthitaṃ sandati. Kadāci tayo pabbatā samuṭṭhāya pīḷenti. Kadāci cattāro pabbatā samuṭṭhāya tāsaṃ sarīraṃ pīḷenti. Tenāha ‘‘khandhātivattantī’’ti.

голид̇т̇ияааяод̇и гулз бад̇идтид̇аа гулад̇хийд̇аро. асад̇ам̣ ажаарунд̇и асан̃н̃ад̇агаммам̣ гарим̣су. д̣̇ид̇д̇аруубаад̇и сатаруубаа д̇худ̇д̇аж̇аад̇игаа худ̇ваа. бад̇и виббахааяаад̇и ад̇д̇ано бад̇им̣ баж̇ахид̇ваа. ажаарунд̇и аг̇амам̣су. рад̇икид̣д̣ахзд̇ууд̇и гаамарад̇ихзд̇у жзва кид̣д̣аахзд̇у жа. рамаабаяид̇ваад̇и барабурисзхи сад̣̇д̇хим̣ ад̇д̇ано жид̇д̇ам̣ рамаабаяид̇ваа ид̇ха убабаннаа. ат̇а д̇аасам̣ сарийрам̣ имз канд̇хаад̇ивад̇д̇анд̇и саж̇од̇ибхууд̇аад̇и.

Kolitthiyāyoti kule patiṭṭhitā kuladhītaro. Asataṃ acārunti asaññatakammaṃ kariṃsu. Dittarūpāti saṭharūpā dhuttajātikā hutvā. Pati vippahāyāti attano patiṃ pajahitvā. Acārunti agamaṃsu. Ratikhiḍḍahetūti kāmaratihetu ceva khiḍḍāhetu ca. Ramāpayitvāti parapurisehi saddhiṃ attano cittaṃ ramāpayitvā idha upapannā. Atha tāsaṃ sarīraṃ ime khandhātivattanti sajotibhūtāti.

496.

‘‘баад̣̇з г̇ахзд̇ваа гисса имз бунзгз, авам̣сираа нарагз баад̇аяанд̇и;

‘‘Pāde gahetvā kissa ime puneke, avaṃsirā narake pātayanti;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа авам̣сираа нарагз баад̇аяанд̇и.

Ime nu maccā kimakaṃsu pāpaṃ, yeme janā avaṃsirā narake pātayanti.

497.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

498.

‘‘яз ж̇ийвалогасмим̣ асаад̇хугаммино, барасса д̣̇аараани ад̇иггаманд̇и;

‘‘Ye jīvalokasmiṃ asādhukammino, parassa dārāni atikkamanti;

д̇з д̇аад̣̇исаа уд̇д̇амабхан̣д̣ат̇знаа, д̇змз ж̇анаа авам̣сираа нарагз баад̇аяанд̇и.

Te tādisā uttamabhaṇḍathenā, teme janā avaṃsirā narake pātayanti.

499.

‘‘д̇з вассабууг̇аани б̣ахууни д̇ад̇т̇а, нираязсу д̣̇угкам̣ взд̣̇анам̣ взд̣̇аяанд̇и;

‘‘Te vassapūgāni bahūni tattha, nirayesu dukkhaṃ vedanaṃ vedayanti;

на хи баабагаарисса бхаванд̇и д̇аан̣аа, сагзхи гаммзхи бурагкад̇асса;

Na hi pāpakārissa bhavanti tāṇā, sakehi kammehi purakkhatassa;

д̇з луд̣̇д̣̇агаммаа басавзд̇ва баабам̣, д̇змз ж̇анаа авам̣сираа нарагз баад̇аяанд̇ий’’д̇и.

Te luddakammā pasavetva pāpaṃ, teme janā avaṃsirā narake pātayantī’’ti.

д̇ад̇т̇а нарагзд̇и ж̇алид̇аан̇г̇аарабун̣н̣з махааааваадз. д̇з гира важ̇ам̣ абависанд̇ияо г̇ааво вияа нираяабаалзхи наанаавуд̇хаани г̇ахзд̇ваа виж̇жхияамаанаа бот̇ияамаанаа яад̣̇аа д̇ам̣ нарагам̣ убаг̇ажчанд̇и, ат̇а д̇з нираяабаалаа уд̣̇д̇хам̣баад̣̇з гад̇ваа д̇ад̇т̇а баад̇аяанд̇и кибанд̇и. звам̣ д̇з баад̇ияамаанз д̣̇исваа бужчанд̇о звамааха. уд̇д̇амабхан̣д̣ат̇знаад̇и мануссзхи бияааяид̇асса варабхан̣д̣асса т̇знагаа.

Tattha naraketi jalitaaṅgārapuṇṇe mahāāvāṭe. Te kira vajaṃ apavisantiyo gāvo viya nirayapālehi nānāvudhāni gahetvā vijjhiyamānā pothiyamānā yadā taṃ narakaṃ upagacchanti, atha te nirayapālā uddhaṃpāde katvā tattha pātayanti khipanti. Evaṃ te pātiyamāne disvā pucchanto evamāha. Uttamabhaṇḍathenāti manussehi piyāyitassa varabhaṇḍassa thenakā.

зван̃жа бана вад̇ваа маад̇алисан̇г̇аахаго д̇ам̣ нираяам̣ анд̇арад̇хаабзд̇ваа рат̇ам̣ бурад̇о бзсзд̇ваа мижчаад̣̇идтигаанам̣ бажжанадтаанам̣ нираяам̣ д̣̇ассзси. д̇зна будто жасса вияаагааси.

Evañca pana vatvā mātalisaṅgāhako taṃ nirayaṃ antaradhāpetvā rathaṃ purato pesetvā micchādiṭṭhikānaṃ paccanaṭṭhānaṃ nirayaṃ dassesi. Tena puṭṭho cassa viyākāsi.

500.

‘‘ужжааважаамз вивид̇хаа убаггамаа, нираязсу д̣̇иссанд̇и сугхораруубаа;

‘‘Uccāvacāme vividhā upakkamā, nirayesu dissanti sughorarūpā;

бхаяан̃хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

Bhayañhi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су баабам̣, язмз ж̇анаа ад̇химад̇д̇аа д̣̇угкаа д̇иб̣б̣аа;

Ime nu maccā kimakaṃsu pāpaṃ, yeme janā adhimattā dukkhā tibbā;

караа гадугаа взд̣̇анаа взд̣̇аяанд̇и.

Kharā kaṭukā vedanā vedayanti.

501.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ баабагаммаанам̣, ж̇аанам̣ агкаасиж̇аанад̇о.

Vipākaṃ pāpakammānaṃ, jānaṃ akkhāsijānato.

502.

‘‘яз ж̇ийвалогасмим̣ субаабад̣̇идтино, виссаасагаммаани гаронд̇и мохаа;

‘‘Ye jīvalokasmiṃ supāpadiṭṭhino, vissāsakammāni karonti mohā;

баран̃жа д̣̇идтийсу самаад̣̇абзнд̇и, д̇з баабад̣̇идтим̣ басавзд̇ва баабам̣;

Parañca diṭṭhīsu samādapenti, te pāpadiṭṭhiṃ pasavetva pāpaṃ;

д̇змз ж̇анаа ад̇химад̇д̇аа д̣̇угкаа д̇иб̣б̣аа, караа гадугаа взд̣̇анаа взд̣̇аяанд̇ий’’д̇и.

Teme janā adhimattā dukkhā tibbā, kharā kaṭukā vedanā vedayantī’’ti.

д̇ад̇т̇а ужжааважаамзд̇и ужжаа аважаа имз, куд̣̇д̣̇агаа жа маханд̇аа жаад̇и ад̇т̇о. убаггамаад̇и гааран̣аббаяог̇аа. субаабад̣̇идтинод̇и ‘‘над̇т̇и д̣̇инна’’нд̇иаад̣̇игааяа д̣̇асавад̇т̇угааяа мижчаад̣̇идтияаа судту баабад̣̇идтино. виссаасагаммаанийд̇и д̇ааяа д̣̇идтияаа виссаасзна д̇анниссид̇аа худ̇ваа наанаавид̇хаани баабагаммаани гаронд̇и. д̇змзд̇и д̇з имз ж̇анаа зваруубам̣ д̣̇угкам̣ анубхаванд̇и.

Tattha uccāvacāmeti uccā avacā ime, khuddakā ca mahantā cāti attho. Upakkamāti kāraṇappayogā. Supāpadiṭṭhinoti ‘‘natthi dinna’’ntiādikāya dasavatthukāya micchādiṭṭhiyā suṭṭhu pāpadiṭṭhino. Vissāsakammānīti tāya diṭṭhiyā vissāsena tannissitā hutvā nānāvidhāni pāpakammāni karonti. Temeti te ime janā evarūpaṃ dukkhaṃ anubhavanti.

ид̇и ран̃н̃о мижчаад̣̇идтигаанам̣ бажжананираяам̣ аажигки. д̣̇звалогзби д̣̇зваг̇ан̣аа ран̃н̃о ааг̇аманамаг̇г̇ам̣ ологаяамаанаа суд̇хаммааяам̣ д̣̇звасабхааяам̣ нисийд̣̇им̣суязва. саггоби ‘‘гим̣ ну ко, маад̇али, жирааяад̇ий’’д̇и убад̇хаарзнд̇о д̇ам̣ гааран̣ам̣ н̃ад̇ваа ‘‘маад̇али, ад̇д̇ано д̣̇ууд̇ависзсам̣ д̣̇ассзд̇ум̣ ‘махаарааж̇а, асугагаммам̣ гад̇ваа асуганираяз наама бажжанд̇ий’д̇и нираяз д̣̇ассзнд̇о вижарад̇и, нимиран̃н̃о бана аббамзва ааяу кийязт̇а, нираяад̣̇ассанам̣ наасса барияанд̇ам̣ г̇ажчзяяаа’’д̇и згам̣ махааж̇авам̣ д̣̇звабуд̇д̇ам̣ бзсзси ‘‘д̇вам̣ ‘сийгхам̣ рааж̇аанам̣ г̇ахзд̇ваа ааг̇ажчад̇уу’д̇и маад̇алисса вад̣̇зхий’’д̇и. со ‘‘саад̇хуу’’д̇и самбадижчид̇ваа ж̇авзна г̇анд̇ваа аарожзси. маад̇али, д̇асса важанам̣ суд̇ваа ‘‘на саггаа жирааяид̇у’’нд̇и ран̃н̃о згабахаарзнзва жад̇уусу д̣̇исаасу б̣ахуу нираяз д̣̇ассзд̇ваа г̇аат̇амааха –

Iti rañño micchādiṭṭhikānaṃ paccananirayaṃ ācikkhi. Devalokepi devagaṇā rañño āgamanamaggaṃ olokayamānā sudhammāyaṃ devasabhāyaṃ nisīdiṃsuyeva. Sakkopi ‘‘kiṃ nu kho, mātali, cirāyatī’’ti upadhārento taṃ kāraṇaṃ ñatvā ‘‘mātali, attano dūtavisesaṃ dassetuṃ ‘mahārāja, asukakammaṃ katvā asukaniraye nāma paccantī’ti niraye dassento vicarati, nimirañño pana appameva āyu khīyetha, nirayadassanaṃ nāssa pariyantaṃ gaccheyyā’’ti ekaṃ mahājavaṃ devaputtaṃ pesesi ‘‘tvaṃ ‘sīghaṃ rājānaṃ gahetvā āgacchatū’ti mātalissa vadehī’’ti. So ‘‘sādhū’’ti sampaṭicchitvā javena gantvā ārocesi. Mātali, tassa vacanaṃ sutvā ‘‘na sakkā cirāyitu’’nti rañño ekapahāreneva catūsu disāsu bahū niraye dassetvā gāthamāha –

503.

‘‘вид̣̇ид̇аани д̇з махаарааж̇а, ааваасам̣ баабагамминам̣;

‘‘Viditāni te mahārāja, āvāsaṃ pāpakamminaṃ;

таанаани луд̣̇д̣̇агаммаанам̣, д̣̇уссийлаанан̃жа яаа г̇ад̇и;

Ṭhānāni luddakammānaṃ, dussīlānañca yā gati;

уяяаахи д̣̇аани рааж̇ийси, д̣̇зварааж̇асса санд̇игз’’д̇и.

Uyyāhi dāni rājīsi, devarājassa santike’’ti.

д̇ассад̇т̇о – махаарааж̇а, имам̣ баабагаммийнам̣ сад̇д̇аанам̣ ааваасам̣ д̣̇исваа луд̣̇д̣̇агаммаанан̃жа таанаани д̇аяаа вид̣̇ид̇аани. д̣̇уссийлаанан̃жа яаа г̇ад̇и ниб̣б̣ад̇д̇и, сааби д̇з вид̣̇ид̇аа. ид̣̇аани д̣̇зварааж̇асса санд̇игз д̣̇иб̣б̣асамбад̇д̇им̣ д̣̇ассанад̇т̇ам̣ уяяаахи г̇ажчаахи, махаарааж̇аад̇и.

Tassattho – mahārāja, imaṃ pāpakammīnaṃ sattānaṃ āvāsaṃ disvā luddakammānañca ṭhānāni tayā viditāni. Dussīlānañca yā gati nibbatti, sāpi te viditā. Idāni devarājassa santike dibbasampattiṃ dassanatthaṃ uyyāhi gacchāhi, mahārājāti.

нираяаган̣д̣ам̣ нидтид̇ам̣.

Nirayakaṇḍaṃ niṭṭhitaṃ.

саг̇г̇аган̣д̣ам̣

Saggakaṇḍaṃ

зван̃жа бана вад̇ваа маад̇али д̣̇звалогаабхимукам̣ рат̇ам̣ бзсзси. рааж̇аа д̣̇звалогам̣ г̇ажчанд̇о д̣̇ваад̣̇асаяож̇анигам̣ ман̣имаяам̣ бан̃жат̇уубигам̣ саб̣б̣аалан̇гаарабадиман̣д̣ид̇ам̣ уяяаанабогкаран̣исамбаннам̣ габбаругкабаривуд̇ам̣ б̣ийран̣ияаа д̣̇звад̇хийд̇ааяа аагаасадтагавимаанам̣ д̣̇исваа, д̇ан̃жа д̣̇звад̇хийд̇арам̣ анд̇огуудааг̇аарз саяанабидтз нисиннам̣ ажчараасахассабаривуд̇ам̣ ман̣исийхабан̃ж̇арам̣ виварид̇ваа ологзнд̇им̣ д̣̇исваа маад̇алим̣ бужчанд̇о г̇аат̇амааха. ид̇аробисса б̣яаагааси.

Evañca pana vatvā mātali devalokābhimukhaṃ rathaṃ pesesi. Rājā devalokaṃ gacchanto dvādasayojanikaṃ maṇimayaṃ pañcathūpikaṃ sabbālaṅkārapaṭimaṇḍitaṃ uyyānapokkharaṇisampannaṃ kapparukkhaparivutaṃ bīraṇiyā devadhītāya ākāsaṭṭhakavimānaṃ disvā, tañca devadhītaraṃ antokūṭāgāre sayanapiṭṭhe nisinnaṃ accharāsahassaparivutaṃ maṇisīhapañjaraṃ vivaritvā olokentiṃ disvā mātaliṃ pucchanto gāthamāha. Itaropissa byākāsi.

504.

‘‘бан̃жат̇уубам̣ д̣̇иссад̇ид̣̇ам̣ вимаанам̣, маалаабил̣анд̇хаа саяанасса маж̇жхз;

‘‘Pañcathūpaṃ dissatidaṃ vimānaṃ, mālāpiḷandhā sayanassa majjhe;

д̇ад̇т̇ажчад̇и наарий махаанубхааваа, ужжааважам̣ ид̣̇д̇хи вигуб̣б̣амаанаа.

Tatthacchati nārī mahānubhāvā, uccāvacaṃ iddhi vikubbamānā.

505.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

аяам̣ ну наарий гимагааси саад̇хум̣, яаа мод̣̇ад̇и саг̇г̇абад̇д̇аа вимаанз.

Ayaṃ nu nārī kimakāsi sādhuṃ, yā modati saggapattā vimāne.

506.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

507.

‘‘яад̣̇и д̇з суд̇аа б̣ийран̣ий ж̇ийвалогз, аамааяад̣̇аасий аху б̣раахман̣асса;

‘‘Yadi te sutā bīraṇī jīvaloke, āmāyadāsī ahu brāhmaṇassa;

саа бад̇д̇агаалам̣ ад̇ит̇им̣ вид̣̇ид̇ваа, маад̇аава буд̇д̇ам̣ сагимаабхинанд̣̇ий;

Sā pattakālaṃ atithiṃ viditvā, mātāva puttaṃ sakimābhinandī;

сам̣яамаа сам̣вибхааг̇аа жа, саа вимаанасми мод̣̇ад̇ий’’д̇и.

Saṃyamā saṃvibhāgā ca, sā vimānasmi modatī’’ti.

д̇ад̇т̇а бан̃жат̇уубанд̇и бан̃жахи гуудааг̇аарзхи саманнааг̇ад̇ам̣. маалаабил̣анд̇хаад̇и маалаад̣̇ийхи саб̣б̣аабхаран̣зхи бадиман̣д̣ид̇аад̇и ад̇т̇о. д̇ад̇т̇ажчад̇ийд̇и д̇асмим̣ вимаанз ажчад̇и. ужжааважам̣ ид̣̇д̇хи вигуб̣б̣амаанаад̇и наанаббагаарам̣ д̣̇звид̣̇д̇хим̣ д̣̇ассаяамаанаа. д̣̇исваад̇и зд̇ам̣ д̣̇исваа тид̇ам̣ мам̣ вид̇д̇и винд̣̇ад̇и бадилабхад̇и, вид̇д̇исанд̇аго вияа хоми д̇удтияаа ад̇ибхууд̇ад̇д̇аад̇и ад̇т̇о. аамааяад̣̇аасийд̇и г̇зхад̣̇аасияаа гужчимхи ж̇аад̇ад̣̇аасий. аху б̣раахман̣ассаад̇и саа гира гассабад̣̇асаб̣аласса гаалз згасса б̣раахман̣асса д̣̇аасий ахоси. саа бад̇д̇агааланд̇и д̇зна б̣раахман̣зна адта салаагабхад̇д̇аани сан̇гхасса барижжад̇д̇аани ахзсум̣. со г̇зхам̣ г̇анд̇ваа ‘‘свз бадтааяа згзгасса бхигкусса згзгам̣ гахаабан̣аг̇гханагам̣ гад̇ваа адта салаагабхад̇д̇аани самбаад̣̇зяяаасий’’д̇и б̣раахман̣им̣ ааха. саа ‘‘саами, бхигку наама д̇худ̇д̇о, наахам̣ сагкиссаамий’’д̇и бадигкиби. д̇хийд̇аробисса бадигкибим̣су. со д̣̇аасим̣ ‘‘сагкиссаси аммаа’’д̇и ааха. саа ‘‘сагкиссаами аяяаа’’д̇и самбадижчид̇ваа саггажжам̣ яааг̇укаж̇ж̇агабхад̇д̇аад̣̇ийни самбаад̣̇зд̇ваа салаагам̣ лабхид̇ваа ааг̇ад̇ам̣ бад̇д̇агаалам̣ ад̇ит̇им̣ вид̣̇ид̇ваа харид̇аг̇омаяубалид̇д̇з гад̇абубпубахаарз субан̃н̃ад̇д̇аасанз нисийд̣̇аабзд̇ваа яат̇аа наама виббаваасаа ааг̇ад̇ам̣ буд̇д̇ам̣ маад̇аа сагим̣ абхинанд̣̇ад̇и, д̇ат̇аа нижжагаалам̣ абхинанд̣̇ад̇и, саггажжам̣ баривисад̇и, ад̇д̇ано санд̇агамби гин̃жи д̣̇зд̇и. сам̣яамаа сам̣вибхааг̇аа жаад̇и саа сийлавад̇ий ахоси жааг̇авад̇ий жа, д̇асмаа д̇зна сийлзна жзва жааг̇зна жа имасмим̣ вимаанз мод̣̇ад̇и. ат̇а ваа сам̣яамаад̇и инд̣̇рияад̣̇аманаа.

Tattha pañcathūpanti pañcahi kūṭāgārehi samannāgataṃ. Mālāpiḷandhāti mālādīhi sabbābharaṇehi paṭimaṇḍitāti attho. Tatthacchatīti tasmiṃ vimāne acchati. Uccāvacaṃ iddhi vikubbamānāti nānappakāraṃ deviddhiṃ dassayamānā. Disvāti etaṃ disvā ṭhitaṃ maṃ vitti vindati paṭilabhati, vittisantako viya homi tuṭṭhiyā atibhūtattāti attho. Āmāyadāsīti gehadāsiyā kucchimhi jātadāsī. Ahu brāhmaṇassāti sā kira kassapadasabalassa kāle ekassa brāhmaṇassa dāsī ahosi. Sā pattakālanti tena brāhmaṇena aṭṭha salākabhattāni saṅghassa pariccattāni ahesuṃ. So gehaṃ gantvā ‘‘sve paṭṭhāya ekekassa bhikkhussa ekekaṃ kahāpaṇagghanakaṃ katvā aṭṭha salākabhattāni sampādeyyāsī’’ti brāhmaṇiṃ āha. Sā ‘‘sāmi, bhikkhu nāma dhutto, nāhaṃ sakkhissāmī’’ti paṭikkhipi. Dhītaropissa paṭikkhipiṃsu. So dāsiṃ ‘‘sakkhissasi ammā’’ti āha. Sā ‘‘sakkhissāmi ayyā’’ti sampaṭicchitvā sakkaccaṃ yāgukhajjakabhattādīni sampādetvā salākaṃ labhitvā āgataṃ pattakālaṃ atithiṃ viditvā haritagomayupalitte katapupphupahāre supaññattāsane nisīdāpetvā yathā nāma vippavāsā āgataṃ puttaṃ mātā sakiṃ abhinandati, tathā niccakālaṃ abhinandati, sakkaccaṃ parivisati, attano santakampi kiñci deti. Saṃyamā saṃvibhāgā cāti sā sīlavatī ahosi cāgavatī ca, tasmā tena sīlena ceva cāgena ca imasmiṃ vimāne modati. Atha vā saṃyamāti indriyadamanā.

зван̃жа бана вад̇ваа маад̇али бурад̇о рат̇ам̣ бзсзд̇ваа сон̣ад̣̇иннад̣̇звабуд̇д̇асса сад̇д̇а ганагавимаанаани д̣̇ассзси. со д̇аани жа д̇асса жа сирисамбад̇д̇им̣ д̣̇исваа д̇зна гад̇агаммам̣ бужчи. ид̇аробисса б̣яаагааси.

Evañca pana vatvā mātali purato rathaṃ pesetvā soṇadinnadevaputtassa satta kanakavimānāni dassesi. So tāni ca tassa ca sirisampattiṃ disvā tena katakammaṃ pucchi. Itaropissa byākāsi.

508.

‘‘д̣̇ад̣̇д̣̇алламаанаа аабхзнд̇и, вимаанаа сад̇д̇а ниммид̇аа;

‘‘Daddallamānā ābhenti, vimānā satta nimmitā;

д̇ад̇т̇а яагко махид̣̇д̇хиго, саб̣б̣аабхаран̣абхуусид̇о;

Tattha yakkho mahiddhiko, sabbābharaṇabhūsito;

саманд̇аа анубарияаад̇и, наарийг̇ан̣абурагкад̇о.

Samantā anupariyāti, nārīgaṇapurakkhato.

509.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

аяам̣ ну мажжо гимагааси саад̇хум̣, яо мод̣̇ад̇и саг̇г̇абад̇д̇о вимаанз.

Ayaṃ nu macco kimakāsi sādhuṃ, yo modati saggapatto vimāne.

510.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

511.

‘‘сон̣ад̣̇инно г̇ахабад̇и, зса д̣̇аанабад̇ий аху;

‘‘Soṇadinno gahapati, esa dānapatī ahu;

зса баб̣б̣аж̇ид̇уд̣̇д̣̇исса, вихаарз сад̇д̇а гаараяи.

Esa pabbajituddissa, vihāre satta kārayi.

512.

‘‘саггажжам̣ д̇з убадтааси, бхигкаво д̇ад̇т̇а ваасигз;

‘‘Sakkaccaṃ te upaṭṭhāsi, bhikkhavo tattha vāsike;

ажчаад̣̇анан̃жа бхад̇д̇ан̃жа, сзнаасанам̣ бад̣̇ийбияам̣;

Acchādanañca bhattañca, senāsanaṃ padīpiyaṃ;

ад̣̇ааси уж̇убхууд̇зсу, виббасаннзна жзд̇асаа.

Adāsi ujubhūtesu, vippasannena cetasā.

513.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

‘‘Cātuddasiṃ pañcadasiṃ, yā ca pakkhassa aṭṭhamī;

баадихаарияабагкан̃жа, адтан̇г̇асусамааг̇ад̇ам̣.

Pāṭihāriyapakkhañca, aṭṭhaṅgasusamāgataṃ.

514.

‘‘убосат̇ам̣ убавасий, сад̣̇аа сийлзсу сам̣вуд̇о;

‘‘Uposathaṃ upavasī, sadā sīlesu saṃvuto;

сам̣яамаа сам̣вибхааг̇аа жа, со вимаанасми мод̣̇ад̇ий’’д̇и.

Saṃyamā saṃvibhāgā ca, so vimānasmi modatī’’ti.

д̇ад̇т̇а д̣̇ад̣̇д̣̇алламаанаад̇и ж̇аламаанаа. аабхзнд̇ийд̇и д̇арун̣асуурияо вияа обхаасанд̇и. д̇ад̇т̇аад̇и д̇зсу бадибаадияаа тид̇зсу сад̇д̇асу вимаанзсу. яагкод̇и зго д̣̇звабуд̇д̇о. сон̣ад̣̇иннод̇и махаарааж̇а, аяам̣ буб̣б̣з гассабад̣̇асаб̣аласса гаалз гаасирадтз ан̃н̃ад̇арасмим̣ ниг̇амз сон̣ад̣̇инно наама г̇ахабад̇и д̣̇аанабад̇и ахоси. со баб̣б̣аж̇ид̇з уд̣̇д̣̇исса сад̇д̇а вихаарагудияо гаарзд̇ваа д̇ад̇т̇а ваасигз бхигкуу жад̇уухи бажжаязхи саггажжам̣ убадтааси, убосат̇ан̃жа убаваси, нижжам̣ сийлзсу жа сам̣вуд̇о ахоси. со д̇ад̇о жавид̇ваа ид̇хуубабанно мод̣̇ад̇ийд̇и ад̇т̇о. зд̇т̇а жа баадихаарияабагканд̇и ид̣̇ам̣ бана адтамийубосат̇асса бажжуг̇г̇аманаануг̇аманавасзна сад̇д̇аминавамияо, жаад̇уд̣̇д̣̇асийбаннарасийнам̣ бажжуг̇г̇аманаануг̇аманавасзна д̇зрасийбаадибад̣̇з жа санд̇хааяа вуд̇д̇ам̣.

Tattha daddallamānāti jalamānā. Ābhentīti taruṇasūriyo viya obhāsanti. Tatthāti tesu paṭipāṭiyā ṭhitesu sattasu vimānesu. Yakkhoti eko devaputto. Soṇadinnoti mahārāja, ayaṃ pubbe kassapadasabalassa kāle kāsiraṭṭhe aññatarasmiṃ nigame soṇadinno nāma gahapati dānapati ahosi. So pabbajite uddissa satta vihārakuṭiyo kāretvā tattha vāsike bhikkhū catūhi paccayehi sakkaccaṃ upaṭṭhāsi, uposathañca upavasi, niccaṃ sīlesu ca saṃvuto ahosi. So tato cavitvā idhūpapanno modatīti attho. Ettha ca pāṭihāriyapakkhanti idaṃ pana aṭṭhamīuposathassa paccuggamanānugamanavasena sattaminavamiyo, cātuddasīpannarasīnaṃ paccuggamanānugamanavasena terasīpāṭipade ca sandhāya vuttaṃ.

звам̣ сон̣ад̣̇иннасса гад̇агаммам̣ гат̇зд̇ваа бурад̇о рат̇ам̣ бзсзд̇ваа палигавимаанам̣ д̣̇ассзси. д̇ам̣ уб̣б̣зд̇хад̇о бан̃жавийсад̇ияож̇анам̣ анзгасад̇зхи сад̇д̇арад̇анамаяад̇т̇амбхзхи саманнааг̇ад̇ам̣, анзгасад̇агуудааг̇аарабадиман̣д̣ид̇ам̣ , гин̇гин̣игаж̇аалаабаригкид̇д̇ам̣, самуссид̇асуван̣н̣араж̇ад̇амаяад̇хаж̇ам̣, наанаабубпавижид̇д̇ауяяаанаванавибхуусид̇ам̣, раман̣ийяабогкаран̣исаманнааг̇ад̇ам̣, нажжаг̇ийд̇аваад̣̇ид̇аад̣̇ийсу чзгаахи ажчараахи самбаригин̣н̣ам̣. д̇ам̣ д̣̇исваа рааж̇аа д̇аасам̣ ажчараанам̣ гад̇агаммам̣ бужчи, ид̇аробисса б̣яаагааси.

Evaṃ soṇadinnassa katakammaṃ kathetvā purato rathaṃ pesetvā phalikavimānaṃ dassesi. Taṃ ubbedhato pañcavīsatiyojanaṃ anekasatehi sattaratanamayatthambhehi samannāgataṃ, anekasatakūṭāgārapaṭimaṇḍitaṃ , kiṅkiṇikajālāparikkhittaṃ, samussitasuvaṇṇarajatamayadhajaṃ, nānāpupphavicittauyyānavanavibhūsitaṃ, ramaṇīyapokkharaṇisamannāgataṃ, naccagītavāditādīsu chekāhi accharāhi samparikiṇṇaṃ. Taṃ disvā rājā tāsaṃ accharānaṃ katakammaṃ pucchi, itaropissa byākāsi.

515.

‘‘бабхаасад̇и мид̣̇ам̣ б̣яамхам̣, палигаасу суниммид̇ам̣;

‘‘Pabhāsati midaṃ byamhaṃ, phalikāsu sunimmitaṃ;

наарийвараг̇ан̣аагин̣н̣ам̣, гуудааг̇аараварожид̇ам̣;

Nārīvaragaṇākiṇṇaṃ, kūṭāgāravarocitaṃ;

убзд̇ам̣ аннабаанзхи, нажжаг̇ийд̇зхи жуубхаяам̣.

Upetaṃ annapānehi, naccagītehi cūbhayaṃ.

516.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су саад̇хум̣, яаа мод̣̇арз саг̇г̇абад̇д̇аа вимаанз.

Ime nu maccā kimakaṃsu sādhuṃ, yā modare saggapattā vimāne.

517.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

518.

‘‘яаа гаажи наарияо ид̇ха ж̇ийвалогз, сийлаванд̇ияо убаасигаа;

‘‘Yā kāci nāriyo idha jīvaloke, sīlavantiyo upāsikā;

д̣̇аанз рад̇аа нижжам̣ басаннажид̇д̇аа, сажжз тид̇аа убосат̇з аббамад̇д̇аа;

Dāne ratā niccaṃ pasannacittā, sacce ṭhitā uposathe appamattā;

сам̣яамаа сам̣вибхааг̇аа жа, д̇аа вимаанасми мод̣̇арз’’д̇и.

Saṃyamā saṃvibhāgā ca, tā vimānasmi modare’’ti.

д̇ад̇т̇а б̣яамханд̇и вимаанам̣, баасаад̣̇од̇и вуд̇д̇ам̣ ход̇и. палигаасууд̇и палигабхид̇д̇ийсу. наарийвараг̇ан̣аагин̣н̣анд̇и варанаариг̇ан̣зхи аагин̣н̣ам̣. гуудааг̇аараварожид̇анд̇и варагуудааг̇аарзхи ожид̇ам̣ саможид̇ам̣, вад̣дхид̇анд̇и ад̇т̇о. убхаяанд̇и убхаязхи. ‘‘яаа гаажий’’д̇и ид̣̇ам̣ гин̃жааби анияамзд̇ваа вуд̇д̇ам̣, д̇аа бана гассабаб̣уд̣̇д̇хасаасанз б̣аараан̣асияам̣ убаасигаа худ̇ваа г̇ан̣аб̣анд̇ханзна зд̇аани вуд̇д̇аббагаараани бун̃н̃аани гад̇ваа д̇ам̣ д̣̇иб̣б̣асамбад̇д̇им̣ бад̇д̇аад̇и взд̣̇ид̇аб̣б̣аа.

Tattha byamhanti vimānaṃ, pāsādoti vuttaṃ hoti. Phalikāsūti phalikabhittīsu. Nārīvaragaṇākiṇṇanti varanārigaṇehi ākiṇṇaṃ. Kūṭāgāravarocitanti varakūṭāgārehi ocitaṃ samocitaṃ, vaḍḍhitanti attho. Ubhayanti ubhayehi. ‘‘Yā kācī’’ti idaṃ kiñcāpi aniyametvā vuttaṃ, tā pana kassapabuddhasāsane bārāṇasiyaṃ upāsikā hutvā gaṇabandhanena etāni vuttappakārāni puññāni katvā taṃ dibbasampattiṃ pattāti veditabbā.

ат̇асса со бурад̇о рат̇ам̣ бзсзд̇ваа згам̣ раман̣ийяам̣ ман̣ивимаанам̣ д̣̇ассзси. д̇ам̣ самз бхуумибхааг̇з бад̇идтид̇ам̣ уб̣б̣зд̇хасамбаннам̣ ман̣ибаб̣б̣ад̇о вияа обхаасамаанам̣ д̇идтад̇и, д̣̇иб̣б̣аг̇ийд̇аваад̣̇ид̇аниннаад̣̇ид̇ам̣ б̣ахуухи д̣̇звабуд̇д̇зхи самбаригин̣н̣ам̣. д̇ам̣ д̣̇исваа рааж̇аа д̇зсам̣ д̣̇звабуд̇д̇аанам̣ гад̇агаммам̣ бужчи, ид̇аробисса б̣яаагааси.

Athassa so purato rathaṃ pesetvā ekaṃ ramaṇīyaṃ maṇivimānaṃ dassesi. Taṃ same bhūmibhāge patiṭṭhitaṃ ubbedhasampannaṃ maṇipabbato viya obhāsamānaṃ tiṭṭhati, dibbagītavāditaninnāditaṃ bahūhi devaputtehi samparikiṇṇaṃ. Taṃ disvā rājā tesaṃ devaputtānaṃ katakammaṃ pucchi, itaropissa byākāsi.

519.

‘‘бабхаасад̇и мид̣̇ам̣ б̣яамхам̣, взл̣урияаасу ниммид̇ам̣;

‘‘Pabhāsati midaṃ byamhaṃ, veḷuriyāsu nimmitaṃ;

убзд̇ам̣ бхуумибхааг̇зхи, вибхад̇д̇ам̣ бхааг̇асо мид̇ам̣.

Upetaṃ bhūmibhāgehi, vibhattaṃ bhāgaso mitaṃ.

520.

‘‘аал̣амб̣араа муд̣̇ин̇г̇аа жа, нажжаг̇ийд̇аа суваад̣̇ид̇аа;

‘‘Āḷambarā mudiṅgā ca, naccagītā suvāditā;

д̣̇иб̣б̣аа сад̣̇д̣̇аа нижчаранд̇и, саванийяаа манорамаа.

Dibbā saddā niccharanti, savanīyā manoramā.

521.

‘‘наахам̣ звам̣г̇ад̇ам̣ ж̇аад̇у, звам̣суружирам̣ бурз;

‘‘Nāhaṃ evaṃgataṃ jātu, evaṃsuruciraṃ pure;

сад̣̇д̣̇ам̣ самабхиж̇аанаами, д̣̇идтам̣ ваа яад̣̇и ваа суд̇ам̣.

Saddaṃ samabhijānāmi, diṭṭhaṃ vā yadi vā sutaṃ.

522.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су саад̇хум̣, яз мод̣̇арз саг̇г̇абад̇д̇аа вимаанз.

Ime nu maccā kimakaṃsu sādhuṃ, ye modare saggapattā vimāne.

523.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

524.

‘‘яз гзжи мажжаа ид̇ха ж̇ийвалогз, сийлаванд̇аа убаасагаа;

‘‘Ye keci maccā idha jīvaloke, sīlavantā upāsakā;

аараамз уд̣̇абаанз жа, бабаа сан̇гаманаани жа;

Ārāme udapāne ca, papā saṅkamanāni ca;

араханд̇з сийд̇ибхууд̇з, саггажжам̣ бадибаад̣̇аяум̣.

Arahante sītibhūte, sakkaccaṃ paṭipādayuṃ.

525.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

ад̣̇ам̣су уж̇убхууд̇зсу, виббасаннзна жзд̇асаа.

Adaṃsu ujubhūtesu, vippasannena cetasā.

526.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

‘‘Cātuddasiṃ pañcadasiṃ, yā ca pakkhassa aṭṭhamī;

баадихаарияабагкан̃жа, адтан̇г̇асусамааг̇ад̇ам̣.

Pāṭihāriyapakkhañca, aṭṭhaṅgasusamāgataṃ.

527.

‘‘убосат̇ам̣ убавасум̣, сад̣̇аа сийлзсу сам̣вуд̇аа;

‘‘Uposathaṃ upavasuṃ, sadā sīlesu saṃvutā;

сам̣яамаа сам̣вибхааг̇аа жа, д̇з вимаанасми мод̣̇арз’’д̇и.

Saṃyamā saṃvibhāgā ca, te vimānasmi modare’’ti.

д̇ад̇т̇а взл̣урияаасууд̇и взл̣урияабхид̇д̇ийсу. бхуумибхааг̇зхийд̇и раман̣ийязхи бхуумибхааг̇зхи убзд̇ам̣. аал̣амб̣араа муд̣̇ин̇г̇аа жаад̇и зд̇з д̣̇вз зд̇т̇а важ̇ж̇анд̇и. нажжаг̇ийд̇аа суваад̣̇ид̇аад̇и наанаббагаараани нажжаани жзва г̇ийд̇аани жа абарзсамби д̇уурияаанам̣ суваад̣̇ид̇аани жзд̇т̇а бавад̇д̇анд̇и. звам̣г̇ад̇анд̇и звам̣ манорамабхаавам̣ г̇ад̇ам̣. ‘‘яз гзжий’’д̇и ид̣̇амби гаамам̣ анияамзд̇ваа вуд̇д̇ам̣, д̇з бана гассабаб̣уд̣̇д̇хагаалз б̣аараан̣асиваасино убаасагаа худ̇ваа г̇ан̣аб̣анд̇ханзна зд̇аани бун̃н̃аани гад̇ваа д̇ам̣ самбад̇д̇им̣ бад̇д̇аад̇и взд̣̇ид̇аб̣б̣аа. д̇ад̇т̇а бадибаад̣̇аяунд̇и бадибаад̣̇аяим̣су, д̇зсам̣ ад̣̇ам̣сууд̇и ад̇т̇о. бажжаяанд̇и г̇илаанабажжаяам̣. ад̣̇ам̣сууд̇и звам̣ наанаббагаарагам̣ д̣̇аанам̣ ад̣̇ам̣сууд̇и.

Tattha veḷuriyāsūti veḷuriyabhittīsu. Bhūmibhāgehīti ramaṇīyehi bhūmibhāgehi upetaṃ. Āḷambarā mudiṅgā cāti ete dve ettha vajjanti. Naccagītā suvāditāti nānappakārāni naccāni ceva gītāni ca aparesampi tūriyānaṃ suvāditāni cettha pavattanti. Evaṃgatanti evaṃ manoramabhāvaṃ gataṃ. ‘‘Ye kecī’’ti idampi kāmaṃ aniyametvā vuttaṃ, te pana kassapabuddhakāle bārāṇasivāsino upāsakā hutvā gaṇabandhanena etāni puññāni katvā taṃ sampattiṃ pattāti veditabbā. Tattha paṭipādayunti paṭipādayiṃsu, tesaṃ adaṃsūti attho. Paccayanti gilānapaccayaṃ. Adaṃsūti evaṃ nānappakārakaṃ dānaṃ adaṃsūti.

ид̇исса со д̇зсам̣ гад̇агаммам̣ аажигкид̇ваа бурад̇о рат̇ам̣ бзсзд̇ваа абарамби палигавимаанам̣ д̣̇ассзси. д̇ам̣ анзгагуудааг̇аарабадиман̣д̣ид̇ам̣, наанаагусумасан̃чаннад̣̇иб̣б̣ад̇арун̣аванабадиман̣д̣ид̇ад̇ийрааяа, вивид̇хавихан̇г̇аманиннаад̣̇ид̇ааяа ниммаласалилааяа над̣̇ияаа баригкид̇д̇ам̣ , ажчарааг̇ан̣абаривуд̇ассзгасса бун̃н̃авад̇о ниваасабхууд̇ам̣. д̇ам̣ д̣̇исваа рааж̇аа д̇асса гад̇агаммам̣ бужчи, ид̇аробисса б̣яаагааси.

Itissa so tesaṃ katakammaṃ ācikkhitvā purato rathaṃ pesetvā aparampi phalikavimānaṃ dassesi. Taṃ anekakūṭāgārapaṭimaṇḍitaṃ, nānākusumasañchannadibbataruṇavanapaṭimaṇḍitatīrāya, vividhavihaṅgamaninnāditāya nimmalasalilāya nadiyā parikkhittaṃ , accharāgaṇaparivutassekassa puññavato nivāsabhūtaṃ. Taṃ disvā rājā tassa katakammaṃ pucchi, itaropissa byākāsi.

528.

‘‘бабхаасад̇и мид̣̇ам̣ б̣яамхам̣, палигаасу суниммид̇ам̣;

‘‘Pabhāsati midaṃ byamhaṃ, phalikāsu sunimmitaṃ;

наарийвараг̇ан̣аагин̣н̣ам̣, гуудааг̇аараварожид̇ам̣.

Nārīvaragaṇākiṇṇaṃ, kūṭāgāravarocitaṃ.

529.

‘‘убзд̇ам̣ аннабаанзхи, нажжаг̇ийд̇зхи жуубхаяам̣;

‘‘Upetaṃ annapānehi, naccagītehi cūbhayaṃ;

наж̇ж̇о жаанубарияаад̇и, наанаабубпад̣̇умааяуд̇аа.

Najjo cānupariyāti, nānāpupphadumāyutā.

530.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

аяам̣ ну мажжо гим̣магааси саад̇хум̣, яо мод̣̇ад̇ий саг̇г̇абад̇д̇о вимаанз.

Ayaṃ nu macco kiṃmakāsi sādhuṃ, yo modatī saggapatto vimāne.

531.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

532.

‘‘мит̇илааяам̣ г̇ахабад̇и, зса д̣̇аанабад̇ий аху;

‘‘Mithilāyaṃ gahapati, esa dānapatī ahu;

аараамз уд̣̇абаанз жа, бабаа сан̇гаманаани жа;

Ārāme udapāne ca, papā saṅkamanāni ca;

араханд̇з сийд̇ибхууд̇з, саггажжам̣ бадибаад̣̇аяи.

Arahante sītibhūte, sakkaccaṃ paṭipādayi.

533.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

ад̣̇ааси уж̇убхууд̇зсу, виббасаннзна жзд̇асаа.

Adāsi ujubhūtesu, vippasannena cetasā.

534.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

‘‘Cātuddasiṃ pañcadasiṃ, yā ca pakkhassa aṭṭhamī;

баадихаарияабагкан̃жа, адтан̇г̇асусамааг̇ад̇ам̣.

Pāṭihāriyapakkhañca, aṭṭhaṅgasusamāgataṃ.

535.

‘‘убосат̇ам̣ убавасий, сад̣̇аа сийлзсу сам̣вуд̇о;

‘‘Uposathaṃ upavasī, sadā sīlesu saṃvuto;

сам̣яамаа сам̣вибхааг̇аа жа, со вимаанасми мод̣̇ад̇ий’’д̇и.

Saṃyamā saṃvibhāgā ca, so vimānasmi modatī’’ti.

д̇ад̇т̇а наж̇ж̇од̇и важанавибаллаасо, згаа над̣̇ий д̇ам̣ вимаанам̣ баригкибид̇ваа г̇ад̇аад̇и ад̇т̇о. наанаабубпад̣̇умааяуд̇аад̇и саа над̣̇ий наанаабубпзхи д̣̇умзхи ааяуд̇аа. мит̇илааяанд̇и зса махаарааж̇а, гассабаб̣уд̣̇д̇хагаалз мит̇иланаг̇арз зго г̇ахабад̇и д̣̇аанабад̇и ахоси. со зд̇аани аараамаробанаад̣̇ийни бун̃н̃аани гад̇ваа имам̣ самбад̇д̇им̣ бад̇д̇од̇и.

Tattha najjoti vacanavipallāso, ekā nadī taṃ vimānaṃ parikkhipitvā gatāti attho. Nānāpupphadumāyutāti sā nadī nānāpupphehi dumehi āyutā. Mithilāyanti esa mahārāja, kassapabuddhakāle mithilanagare eko gahapati dānapati ahosi. So etāni ārāmaropanādīni puññāni katvā imaṃ sampattiṃ pattoti.

звамасса д̇зна гад̇агаммам̣ аажигкид̇ваа бурад̇о рат̇ам̣ бзсзд̇ваа абарамби палигавимаанам̣ д̣̇ассзси. д̇ам̣ буримавимаанад̇о ад̇ирзгааяа наанаабубпапаласан̃чаннааяа д̇арун̣аванагхадааяа саманнааг̇ад̇ам̣. д̇ам̣ д̣̇исваа рааж̇аа д̇ааяа самбад̇д̇ияаа саманнааг̇ад̇асса д̣̇звабуд̇д̇асса гад̇агаммам̣ бужчи, ид̇аробисса б̣яаагааси.

Evamassa tena katakammaṃ ācikkhitvā purato rathaṃ pesetvā aparampi phalikavimānaṃ dassesi. Taṃ purimavimānato atirekāya nānāpupphaphalasañchannāya taruṇavanaghaṭāya samannāgataṃ. Taṃ disvā rājā tāya sampattiyā samannāgatassa devaputtassa katakammaṃ pucchi, itaropissa byākāsi.

536.

‘‘бабхаасад̇и мид̣̇ам̣ б̣яамхам̣, палигаасу суниммид̇ам̣;

‘‘Pabhāsati midaṃ byamhaṃ, phalikāsu sunimmitaṃ;

наарийвараг̇ан̣аагин̣н̣ам̣, гуудааг̇аараварожид̇ам̣.

Nārīvaragaṇākiṇṇaṃ, kūṭāgāravarocitaṃ.

537.

‘‘убзд̇ам̣ аннабаанзхи, нажжаг̇ийд̇зхи жуубхаяам̣;

‘‘Upetaṃ annapānehi, naccagītehi cūbhayaṃ;

наж̇ж̇о жаанубарияаад̇и, наанаабубпад̣̇умааяуд̇аа.

Najjo cānupariyāti, nānāpupphadumāyutā.

538.

‘‘рааж̇ааяад̇анаа габид̇т̇аа жа, амб̣аа саалаа жа ж̇амб̣уяо;

‘‘Rājāyatanā kapitthā ca, ambā sālā ca jambuyo;

д̇инд̣̇угаа жа бияаалаа жа, д̣̇умаа нижжапалаа б̣ахуу.

Tindukā ca piyālā ca, dumā niccaphalā bahū.

539.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

аяам̣ ну мажжо гимагааси саад̇хум̣, яо мод̣̇ад̇ий саг̇г̇абад̇д̇о вимаанз.

Ayaṃ nu macco kimakāsi sādhuṃ, yo modatī saggapatto vimāne.

540.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

541.

‘‘мит̇илааяам̣ г̇ахабад̇и, зса д̣̇аанабад̇ий аху;

‘‘Mithilāyaṃ gahapati, esa dānapatī ahu;

аараамз уд̣̇абаанз жа, бабаа сан̇гаманаани жа;

Ārāme udapāne ca, papā saṅkamanāni ca;

араханд̇з сийд̇ибхууд̇з, саггажжам̣ бадибаад̣̇аяи.

Arahante sītibhūte, sakkaccaṃ paṭipādayi.

542.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

ад̣̇ааси уж̇убхууд̇зсу, виббасаннзна жзд̇асаа.

Adāsi ujubhūtesu, vippasannena cetasā.

543.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

‘‘Cātuddasiṃ pañcadasiṃ, yā ca pakkhassa aṭṭhamī;

баадихаарияабагкан̃жа, адтан̇г̇асусамааг̇ад̇ам̣.

Pāṭihāriyapakkhañca, aṭṭhaṅgasusamāgataṃ.

544.

‘‘убосат̇ам̣ убавасий, сад̣̇аа сийлзсу сам̣вуд̇о;

‘‘Uposathaṃ upavasī, sadā sīlesu saṃvuto;

сам̣яамаа сам̣вибхааг̇аа жа, со вимаанасми мод̣̇ад̇ий’’д̇и.

Saṃyamā saṃvibhāgā ca, so vimānasmi modatī’’ti.

д̇ад̇т̇а мит̇илааяанд̇и зса, махаарааж̇а, гассабаб̣уд̣̇д̇хагаалз вид̣̇зхарадтз мит̇иланаг̇арз зго г̇ахабад̇и д̣̇аанабад̇и ахоси. со зд̇аани бун̃н̃аани гад̇ваа имам̣ самбад̇д̇им̣ бад̇д̇од̇и.

Tattha mithilāyanti esa, mahārāja, kassapabuddhakāle videharaṭṭhe mithilanagare eko gahapati dānapati ahosi. So etāni puññāni katvā imaṃ sampattiṃ pattoti.

звамасса д̇зна гад̇агаммам̣ аажигкид̇ваа бурад̇о рат̇ам̣ бзсзд̇ваа буримасад̣̇исамзва абарамби взл̣урияавимаанам̣ д̣̇ассзд̇ваа д̇ад̇т̇а самбад̇д̇им̣ анубхаванд̇асса д̣̇звабуд̇д̇асса гад̇агаммам̣ будто аажигки.

Evamassa tena katakammaṃ ācikkhitvā purato rathaṃ pesetvā purimasadisameva aparampi veḷuriyavimānaṃ dassetvā tattha sampattiṃ anubhavantassa devaputtassa katakammaṃ puṭṭho ācikkhi.

545.

‘‘бабхаасад̇и мид̣̇ам̣ б̣яамхам̣, взл̣урияаасу ниммид̇ам̣;

‘‘Pabhāsati midaṃ byamhaṃ, veḷuriyāsu nimmitaṃ;

убзд̇ам̣ бхуумибхааг̇зхи, вибхад̇д̇ам̣ бхааг̇асо мид̇ам̣.

Upetaṃ bhūmibhāgehi, vibhattaṃ bhāgaso mitaṃ.

546.

‘‘аал̣амб̣араа муд̣̇ин̇г̇аа жа, нажжаг̇ийд̇аа суваад̣̇ид̇аа;

‘‘Āḷambarā mudiṅgā ca, naccagītā suvāditā;

д̣̇иб̣яаа сад̣̇д̣̇аа нижчаранд̇и, саванийяаа манорамаа.

Dibyā saddā niccharanti, savanīyā manoramā.

547.

‘‘наахам̣ звам̣г̇ад̇ам̣ ж̇аад̇у, звам̣суружирам̣ бурз;

‘‘Nāhaṃ evaṃgataṃ jātu, evaṃsuruciraṃ pure;

сад̣̇д̣̇ам̣ самабхиж̇аанаами, д̣̇идтам̣ ваа яад̣̇и ваа суд̇ам̣.

Saddaṃ samabhijānāmi, diṭṭhaṃ vā yadi vā sutaṃ.

548.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

аяам̣ ну мажжо гимагааси саад̇хум̣, яо мод̣̇ад̇ий саг̇г̇абад̇д̇о вимаанз.

Ayaṃ nu macco kimakāsi sādhuṃ, yo modatī saggapatto vimāne.

549.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

550.

‘‘б̣аараан̣асияам̣ г̇ахабад̇и, зса д̣̇аанабад̇ий аху;

‘‘Bārāṇasiyaṃ gahapati, esa dānapatī ahu;

аараамз уд̣̇абаанз жа, бабаа сан̇гаманаани жа;

Ārāme udapāne ca, papā saṅkamanāni ca;

араханд̇з сийд̇ибхууд̇з, саггажжам̣ бадибаад̣̇аяи.

Arahante sītibhūte, sakkaccaṃ paṭipādayi.

551.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

ад̣̇ааси уж̇убхууд̇зсу, виббасаннзна жзд̇асаа.

Adāsi ujubhūtesu, vippasannena cetasā.

552.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

‘‘Cātuddasiṃ pañcadasiṃ, yā ca pakkhassa aṭṭhamī;

баадихаарияабагкан̃жа, адтан̇г̇асусамааг̇ад̇ам̣.

Pāṭihāriyapakkhañca, aṭṭhaṅgasusamāgataṃ.

553.

‘‘убосат̇ам̣ убавасий, сад̣̇аа сийлзсу сам̣вуд̇о;

‘‘Uposathaṃ upavasī, sadā sīlesu saṃvuto;

сам̣яамаа сам̣вибхааг̇аа жа, со вимаанасми мод̣̇ад̇ий’’д̇и.

Saṃyamā saṃvibhāgā ca, so vimānasmi modatī’’ti.

ат̇асса бурад̇о рат̇ам̣ бзсзд̇ваа б̣ааласуурияасаннибхам̣ ганагавимаанам̣ д̣̇ассзд̇ваа д̇ад̇т̇а ниваасино д̣̇звабуд̇д̇асса самбад̇д̇им̣ будто аажигки.

Athassa purato rathaṃ pesetvā bālasūriyasannibhaṃ kanakavimānaṃ dassetvā tattha nivāsino devaputtassa sampattiṃ puṭṭho ācikkhi.

554.

‘‘яат̇аа уд̣̇аяамаад̣̇ижжо, ход̇и лохид̇аго махаа;

‘‘Yathā udayamādicco, hoti lohitako mahā;

д̇ат̇уубамам̣ ид̣̇ам̣ б̣яамхам̣, ж̇аад̇аруубасса ниммид̇ам̣.

Tathūpamaṃ idaṃ byamhaṃ, jātarūpassa nimmitaṃ.

555.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

аяам̣ ну мажжо гимагааси саад̇хум̣, яо мод̣̇ад̇ий саг̇г̇абад̇д̇о вимаанз.

Ayaṃ nu macco kimakāsi sādhuṃ, yo modatī saggapatto vimāne.

556.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

557.

‘‘саавад̇т̇ияам̣ г̇ахабад̇и, зса д̣̇аанабад̇ий аху;

‘‘Sāvatthiyaṃ gahapati, esa dānapatī ahu;

аараамз уд̣̇абаанз жа, бабаа сан̇гаманаани жа;

Ārāme udapāne ca, papā saṅkamanāni ca;

араханд̇з сийд̇ибхууд̇з, саггажжам̣ бадибаад̣̇аяи.

Arahante sītibhūte, sakkaccaṃ paṭipādayi.

558.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

ад̣̇ааси уж̇убхууд̇зсу, виббасаннзна жзд̇асаа.

Adāsi ujubhūtesu, vippasannena cetasā.

559.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

‘‘Cātuddasiṃ pañcadasiṃ, yā ca pakkhassa aṭṭhamī;

баадихаарияабагкан̃жа, адтан̇г̇асусамааг̇ад̇ам̣.

Pāṭihāriyapakkhañca, aṭṭhaṅgasusamāgataṃ.

560.

‘‘убосат̇ам̣ убавасий, сад̣̇аа сийлзсу сам̣вуд̇о;

‘‘Uposathaṃ upavasī, sadā sīlesu saṃvuto;

сам̣яамаа сам̣вибхааг̇аа жа, со вимаанасми мод̣̇ад̇ий’’д̇и.

Saṃyamā saṃvibhāgā ca, so vimānasmi modatī’’ti.

д̇ад̇т̇а уд̣̇аяамаад̣̇ижжод̇и уг̇г̇ажчанд̇о аад̣̇ижжо. саавад̇т̇ияанд̇и гассабаб̣уд̣̇д̇хагаалз саавад̇т̇инаг̇арз зго г̇ахабад̇и д̣̇аанабад̇и ахоси. со зд̇аани бун̃н̃аани гад̇ваа имам̣ самбад̇д̇им̣ бад̇д̇од̇и.

Tattha udayamādiccoti uggacchanto ādicco. Sāvatthiyanti kassapabuddhakāle sāvatthinagare eko gahapati dānapati ahosi. So etāni puññāni katvā imaṃ sampattiṃ pattoti.

звам̣ д̇зна имзсам̣ адтаннам̣ вимаанаанам̣ гат̇ид̇агаалз сагго д̣̇зварааж̇аа ‘‘маад̇али, ад̇ивияа жирааяад̇ий’’д̇и абарамби ж̇аванад̣̇звабуд̇д̇ам̣ бзсзси. со взг̇зна г̇анд̇ваа аарожзси. со д̇асса важанам̣ суд̇ваа ‘‘на саггаа ид̣̇аани жирааяид̇у’’нд̇и жад̇уусу д̣̇исаасу згаббахаарзнзва б̣ахууни вимаанаани д̣̇ассзси. ран̃н̃аа жа д̇ад̇т̇а самбад̇д̇им̣ анубхаванд̇аанам̣ д̣̇звабуд̇д̇аанам̣ гад̇агаммам̣ будто аажигки.

Evaṃ tena imesaṃ aṭṭhannaṃ vimānānaṃ kathitakāle sakko devarājā ‘‘mātali, ativiya cirāyatī’’ti aparampi javanadevaputtaṃ pesesi. So vegena gantvā ārocesi. So tassa vacanaṃ sutvā ‘‘na sakkā idāni cirāyitu’’nti catūsu disāsu ekappahāreneva bahūni vimānāni dassesi. Raññā ca tattha sampattiṃ anubhavantānaṃ devaputtānaṃ katakammaṃ puṭṭho ācikkhi.

561.

‘‘взхааяасаамз б̣ахугаа, ж̇аад̇аруубасса ниммид̇аа;

‘‘Vehāyasāme bahukā, jātarūpassa nimmitā;

д̣̇ад̣̇д̣̇алламаанаа аабхзнд̇и, виж̇ж̇уваб̣бхагхананд̇арз.

Daddallamānā ābhenti, vijjuvabbhaghanantare.

562.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

имз ну мажжаа гимагам̣су саад̇хум̣, яз мод̣̇арз саг̇г̇абад̇д̇аа вимаанз.

Ime nu maccā kimakaṃsu sādhuṃ, ye modare saggapattā vimāne.

563.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

564.

‘‘сад̣̇д̇хааяа сунивидтааяа, сад̣̇д̇хаммз суббавзд̣̇ид̇з;

‘‘Saddhāya suniviṭṭhāya, saddhamme suppavedite;

агам̣су сад̇т̇у важанам̣, саммаасамб̣уд̣̇д̇хасаасанз;

Akaṃsu satthu vacanaṃ, sammāsambuddhasāsane;

д̇зсам̣ зд̇аани таанаани, яаани д̇вам̣ рааж̇а бассасий’’д̇и.

Tesaṃ etāni ṭhānāni, yāni tvaṃ rāja passasī’’ti.

д̇ад̇т̇а взхааяасаамзд̇и взхааяасаа имз аагаасзязва сан̣тид̇аа. аагаасадтагавимаанаа имзд̇и вад̣̇ад̇и. виж̇ж̇уваб̣бхагхананд̇арзд̇и гханавалаахаганд̇арз ж̇аламаанаа виж̇ж̇у вияа. сунивидтааяаад̇и маг̇г̇зна ааг̇ад̇ад̇д̇аа суббад̇идтид̇ааяа. ид̣̇ам̣ вуд̇д̇ам̣ ход̇и – махаарааж̇а, зд̇з бурз нияяаанигз гассабаб̣уд̣̇д̇хасаасанз баб̣б̣аж̇ид̇ваа барисуд̣̇д̇хасийлаа саман̣ад̇хаммам̣ гаронд̇аа сод̇аабад̇д̇ипалам̣ сажчигад̇ваа арахад̇д̇ам̣ ниб̣б̣ад̇д̇зд̇ум̣ асаггонд̇аа д̇ад̇о жуд̇аа имзсу ганагавимаанзсу уббаннаа. зд̇зсам̣ гассабаб̣уд̣̇д̇хасаавагаанам̣ д̇аани таанаани, яаани д̇вам̣, махаарааж̇а, бассасийд̇и.

Tattha vehāyasāmeti vehāyasā ime ākāseyeva saṇṭhitā. Ākāsaṭṭhakavimānā imeti vadati. Vijjuvabbhaghanantareti ghanavalāhakantare jalamānā vijju viya. Suniviṭṭhāyāti maggena āgatattā suppatiṭṭhitāya. Idaṃ vuttaṃ hoti – mahārāja, ete pure niyyānike kassapabuddhasāsane pabbajitvā parisuddhasīlā samaṇadhammaṃ karontā sotāpattiphalaṃ sacchikatvā arahattaṃ nibbattetuṃ asakkontā tato cutā imesu kanakavimānesu uppannā. Etesaṃ kassapabuddhasāvakānaṃ tāni ṭhānāni, yāni tvaṃ, mahārāja, passasīti.

звамасса аагаасадтагавимаанаани д̣̇ассзд̇ваа саггасса санд̇игам̣ г̇аманад̇т̇ааяа уссаахам̣ гаронд̇о ааха –

Evamassa ākāsaṭṭhakavimānāni dassetvā sakkassa santikaṃ gamanatthāya ussāhaṃ karonto āha –

565.

‘‘вид̣̇ид̇аани д̇з махаарааж̇а, ааваасам̣ баабагамминам̣;

‘‘Viditāni te mahārāja, āvāsaṃ pāpakamminaṃ;

ат̇о галяаан̣агаммаанам̣, таанаани вид̣̇ид̇аани д̇з;

Atho kalyāṇakammānaṃ, ṭhānāni viditāni te;

уяяаахи д̣̇аани рааж̇ийси, д̣̇зварааж̇асса санд̇игз’’д̇и.

Uyyāhi dāni rājīsi, devarājassa santike’’ti.

д̇ад̇т̇а ааваасанд̇и махаарааж̇а, д̇аяаа батамамзва нзраяигаанам̣ ааваасам̣ д̣̇исваа баабагаммаанам̣ таанаани вид̣̇ид̇аани, ид̣̇аани бана аагаасадтагавимаанаани бассанд̇зна ат̇о галяаан̣агаммаанам̣ таанаани вид̣̇ид̇аани, ид̣̇аани д̣̇зварааж̇асса санд̇игз самбад̇д̇им̣ д̣̇адтум̣ уяяаахи г̇ажчаахийд̇и.

Tattha āvāsanti mahārāja, tayā paṭhamameva nerayikānaṃ āvāsaṃ disvā pāpakammānaṃ ṭhānāni viditāni, idāni pana ākāsaṭṭhakavimānāni passantena atho kalyāṇakammānaṃ ṭhānāni viditāni, idāni devarājassa santike sampattiṃ daṭṭhuṃ uyyāhi gacchāhīti.

зван̃жа бана вад̇ваа бурад̇о рат̇ам̣ бзсзд̇ваа синзрум̣ бариваарзд̇ваа тид̇з сад̇д̇а барибхан̣д̣абаб̣б̣ад̇з д̣̇ассзси. д̇з д̣̇исваа ран̃н̃аа маад̇алисса будтабхаавам̣ аавигаронд̇о сад̇т̇аа ааха –

Evañca pana vatvā purato rathaṃ pesetvā sineruṃ parivāretvā ṭhite satta paribhaṇḍapabbate dassesi. Te disvā raññā mātalissa puṭṭhabhāvaṃ āvikaronto satthā āha –

566.

‘‘сахассаяуд̇д̇ам̣ хаяаваахим̣, д̣̇иб̣б̣аяаанамад̇хидтид̇о;

‘‘Sahassayuttaṃ hayavāhiṃ, dibbayānamadhiṭṭhito;

яааяамаано махаарааж̇аа, ад̣̇д̣̇аа сийд̣̇анд̇арз наг̇з;

Yāyamāno mahārājā, addā sīdantare nage;

д̣̇исваанааманд̇аяий сууд̇ам̣, имз гз наама баб̣б̣ад̇аа’’д̇и.

Disvānāmantayī sūtaṃ, ime ke nāma pabbatā’’ti.

д̇ад̇т̇а хаяаваахинд̇и хаязхи ваахияамаанам̣. д̣̇иб̣б̣аяаанамад̇хидтид̇од̇и д̣̇иб̣б̣аяаанз тид̇о худ̇ваа. ад̣̇д̣̇аад̇и ад̣̇д̣̇аса. сийд̣̇анд̇арзд̇и сийд̣̇аамахаасамуд̣̇д̣̇асса анд̇арз. д̇асмим̣ гира махаасамуд̣̇д̣̇з уд̣̇агам̣ сукумам̣, морабин̃чамад̇д̇амби багкид̇д̇ам̣ бад̇идтаад̇ум̣ на саггод̇и сийд̣̇ад̇зва, д̇асмаа со ‘‘сийд̣̇аамахаасамуд̣̇д̣̇о’’д̇и вужжад̇и. д̇асса анд̇арз. наг̇зд̇и баб̣б̣ад̇з. гз наамаад̇и гз наама наамзна имз баб̣б̣ад̇аад̇и.

Tattha hayavāhinti hayehi vāhiyamānaṃ. Dibbayānamadhiṭṭhitoti dibbayāne ṭhito hutvā. Addāti addasa. Sīdantareti sīdāmahāsamuddassa antare. Tasmiṃ kira mahāsamudde udakaṃ sukhumaṃ, morapiñchamattampi pakkhittaṃ patiṭṭhātuṃ na sakkoti sīdateva, tasmā so ‘‘sīdāmahāsamuddo’’ti vuccati. Tassa antare. Nageti pabbate. Ke nāmāti ke nāma nāmena ime pabbatāti.

звам̣ нимиран̃н̃аа будто маад̇али д̣̇звабуд̇д̇о ааха –

Evaṃ nimiraññā puṭṭho mātali devaputto āha –

568.

‘‘суд̣̇ассано гаравийго, ийсад̇харо яуг̇анд̇харо;

‘‘Sudassano karavīko, īsadharo yugandharo;

нзминд̇харо винад̇аго, ассаган̣н̣о г̇ирий б̣рахаа.

Nemindharo vinatako, assakaṇṇo girī brahā.

569.

‘‘зд̇з сийд̣̇анд̇арз наг̇аа, анубуб̣б̣асамуг̇г̇ад̇аа;

‘‘Ete sīdantare nagā, anupubbasamuggatā;

махаарааж̇аанамааваасаа, яаани д̇вам̣ рааж̇а бассасий’’д̇и.

Mahārājānamāvāsā, yāni tvaṃ rāja passasī’’ti.

д̇ад̇т̇а суд̣̇ассанод̇и аяам̣, махаарааж̇а, зд̇зсам̣ саб̣б̣аб̣аахиро суд̣̇ассано баб̣б̣ад̇о наама, д̇ад̣̇ананд̇арз гаравийго наама, со суд̣̇ассанад̇о ужжад̇аро . убхиннамби бана д̇зсам̣ анд̇арз згоби сийд̣̇анд̇арамахаасамуд̣̇д̣̇о. гаравийгасса ананд̇арз ийсад̇харо наама, со гаравийгад̇о ужжад̇аро. д̇зсамби анд̇арз зго сийд̣̇анд̇арамахаасамуд̣̇д̣̇о. ийсад̇харасса ананд̇арз яуг̇анд̇харо наама, со ийсад̇харад̇о ужжад̇аро. д̇зсамби анд̇арз зго сийд̣̇анд̇арамахаасамуд̣̇д̣̇о. яуг̇анд̇харасса ананд̇арз нзминд̇харо наама, со яуг̇анд̇харад̇о ужжад̇аро. д̇зсамби анд̇арз зго сийд̣̇анд̇арамахаасамуд̣̇д̣̇о. нзминд̇харасса ананд̇арз винад̇аго наама, со нзминд̇харад̇о ужжад̇аро. д̇зсамби анд̇арз зго сийд̣̇анд̇арамахаасамуд̣̇д̣̇о. винад̇агасса ананд̇арз ассаган̣н̣о наама, со винад̇агад̇о ужжад̇аро. д̇зсамби анд̇арз зго сийд̣̇анд̇арамахаасамуд̣̇д̣̇о. анубуб̣б̣асамуг̇г̇ад̇аад̇и зд̇з сийд̣̇анд̇арамахаасамуд̣̇д̣̇з сад̇д̇а баб̣б̣ад̇аа анубадибаадияаа самуг̇г̇ад̇аа собаанасад̣̇исаа худ̇ваа тид̇аа. яаанийд̇и яз д̇вам̣, махаарааж̇а, имз баб̣б̣ад̇з бассаси, зд̇з жад̇ун̣н̣ам̣ махаарааж̇аанам̣ ааваасаад̇и.

Tattha sudassanoti ayaṃ, mahārāja, etesaṃ sabbabāhiro sudassano pabbato nāma, tadanantare karavīko nāma, so sudassanato uccataro . Ubhinnampi pana tesaṃ antare ekopi sīdantaramahāsamuddo. Karavīkassa anantare īsadharo nāma, so karavīkato uccataro. Tesampi antare eko sīdantaramahāsamuddo. Īsadharassa anantare yugandharo nāma, so īsadharato uccataro. Tesampi antare eko sīdantaramahāsamuddo. Yugandharassa anantare nemindharo nāma, so yugandharato uccataro. Tesampi antare eko sīdantaramahāsamuddo. Nemindharassa anantare vinatako nāma, so nemindharato uccataro. Tesampi antare eko sīdantaramahāsamuddo. Vinatakassa anantare assakaṇṇo nāma, so vinatakato uccataro. Tesampi antare eko sīdantaramahāsamuddo. Anupubbasamuggatāti ete sīdantaramahāsamudde satta pabbatā anupaṭipāṭiyā samuggatā sopānasadisā hutvā ṭhitā. Yānīti ye tvaṃ, mahārāja, ime pabbate passasi, ete catuṇṇaṃ mahārājānaṃ āvāsāti.

звамасса жаад̇умахаарааж̇игад̣̇звалогам̣ д̣̇ассзд̇ваа бурад̇о рат̇ам̣ бзсзд̇ваа д̇аавад̇им̣сабхаванасса жид̇д̇агуудад̣̇ваарагодтагам̣ бариваарзд̇ваа тид̇аа инд̣̇абадимаа д̣̇ассзси. д̇ам̣ д̣̇исваа рааж̇аа бужчи, ид̇аробисса б̣яаагааси.

Evamassa cātumahārājikadevalokaṃ dassetvā purato rathaṃ pesetvā tāvatiṃsabhavanassa cittakūṭadvārakoṭṭhakaṃ parivāretvā ṭhitā indapaṭimā dassesi. Taṃ disvā rājā pucchi, itaropissa byākāsi.

570.

‘‘анзгаруубам̣ ружирам̣, наанаажид̇рам̣ багаасад̇и;

‘‘Anekarūpaṃ ruciraṃ, nānācitraṃ pakāsati;

аагин̣н̣ам̣ инд̣̇асад̣̇исзхи, б̣яаг̇гхзхзва сурагкид̇ам̣.

Ākiṇṇaṃ indasadisehi, byaggheheva surakkhitaṃ.

571.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

имам̣ ну д̣̇ваарам̣ гимабхан̃н̃амааху, манорамам̣ д̣̇иссад̇и д̣̇уурад̇ова.

Imaṃ nu dvāraṃ kimabhaññamāhu, manoramaṃ dissati dūratova.

572.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

573.

‘‘‘жид̇рагуудо’д̇и яам̣ ааху, д̣̇зварааж̇абавзсанам̣;

‘‘‘Citrakūṭo’ti yaṃ āhu, devarājapavesanaṃ;

суд̣̇ассанасса г̇ирино, д̣̇вааран̃хзд̇ам̣ багаасад̇и.

Sudassanassa girino, dvārañhetaṃ pakāsati.

574.

‘‘анзгаруубам̣ ружирам̣, наанаажид̇рам̣ багаасад̇и;

‘‘Anekarūpaṃ ruciraṃ, nānācitraṃ pakāsati;

аагин̣н̣ам̣ инд̣̇асад̣̇исзхи, б̣яаг̇гхзхзва сурагкид̇ам̣;

Ākiṇṇaṃ indasadisehi, byaggheheva surakkhitaṃ;

бависзд̇зна рааж̇ийси, араж̇ам̣ бхуумимаггамаа’’д̇и.

Pavisetena rājīsi, arajaṃ bhūmimakkamā’’ti.

д̇ад̇т̇а анзгаруубанд̇и анзгаж̇аад̇игам̣. наанаажид̇ранд̇и наанаарад̇анажид̇рам̣. багаасад̇ийд̇и гим̣ наама зд̇ам̣ бан̃н̃ааяад̇и. аагин̣н̣анд̇и самбарибун̣н̣ам̣. б̣яаг̇гхзхзва сурагкид̇анд̇и яат̇аа наама б̣яаг̇гхзхи ваа сийхзхи ваа махааванам̣, звам̣ инд̣̇асад̣̇исзхзва сурагкид̇ам̣. д̇аасан̃жа бана инд̣̇абадимаанам̣ аарагкан̣ад̇т̇ааяа табид̇абхааво згаганибаад̇з гулаавагаж̇аад̇агз (ж̇аа. 1.1.31) вуд̇д̇анаязна г̇ахзд̇аб̣б̣о. гим̣мабхан̃н̃амаахууд̇и гиннаамам̣ вад̣̇анд̇и. бавзсананд̇и нигкаманаббавзсанад̇т̇ааяа ниммид̇ам̣. суд̣̇ассанассаад̇и собханад̣̇ассанасса синзруг̇ирино. д̣̇ваарам̣ хзд̇анд̇и зд̇ам̣ синзрумад̇т̇агз бад̇идтид̇асса д̣̇асасахассаяож̇анигасса д̣̇званаг̇арасса д̣̇ваарам̣ багаасад̇и, д̣̇ваарагодтаго бан̃н̃ааяад̇ийд̇и ад̇т̇о. бависзд̇знаад̇и зд̇зна д̣̇ваарзна д̣̇званаг̇арам̣ бависа. араж̇ам̣ бхуумимаггамаад̇и араж̇ам̣ суван̣н̣араж̇ад̇аман̣имаяам̣ наанаабубпзхи самаагин̣н̣ам̣ д̣̇иб̣б̣абхуумим̣ д̣̇иб̣б̣аяаанзна аггама, махаарааж̇аад̇и.

Tattha anekarūpanti anekajātikaṃ. Nānācitranti nānāratanacitraṃ. Pakāsatīti kiṃ nāma etaṃ paññāyati. Ākiṇṇanti samparipuṇṇaṃ. Byaggheheva surakkhitanti yathā nāma byagghehi vā sīhehi vā mahāvanaṃ, evaṃ indasadiseheva surakkhitaṃ. Tāsañca pana indapaṭimānaṃ ārakkhaṇatthāya ṭhapitabhāvo ekakanipāte kulāvakajātake (jā. 1.1.31) vuttanayena gahetabbo. Kiṃmabhaññamāhūti kinnāmaṃ vadanti. Pavesananti nikkhamanappavesanatthāya nimmitaṃ. Sudassanassāti sobhanadassanassa sinerugirino. Dvāraṃ hetanti etaṃ sinerumatthake patiṭṭhitassa dasasahassayojanikassa devanagarassa dvāraṃ pakāsati, dvārakoṭṭhako paññāyatīti attho. Pavisetenāti etena dvārena devanagaraṃ pavisa. Arajaṃ bhūmimakkamāti arajaṃ suvaṇṇarajatamaṇimayaṃ nānāpupphehi samākiṇṇaṃ dibbabhūmiṃ dibbayānena akkama, mahārājāti.

зван̃жа бана вад̇ваа маад̇али рааж̇аанам̣ д̣̇званаг̇арам̣ бавзсзси. д̇зна вуд̇д̇ам̣ –

Evañca pana vatvā mātali rājānaṃ devanagaraṃ pavesesi. Tena vuttaṃ –

575.

‘‘сахассаяуд̇д̇ам̣ хаяаваахим̣, д̣̇иб̣б̣аяаанамад̇хидтид̇о;

‘‘Sahassayuttaṃ hayavāhiṃ, dibbayānamadhiṭṭhito;

яааяамаано махаарааж̇аа, ад̣̇д̣̇аа д̣̇звасабхам̣ ид̣̇а’’нд̇и.

Yāyamāno mahārājā, addā devasabhaṃ ida’’nti.

со д̣̇иб̣б̣аяаанз тид̇ова г̇ажчанд̇о суд̇хаммаад̣̇звасабхам̣ д̣̇исваа маад̇алим̣ бужчи, собисса аажигки.

So dibbayāne ṭhitova gacchanto sudhammādevasabhaṃ disvā mātaliṃ pucchi, sopissa ācikkhi.

576.

‘‘яат̇аа сарад̣̇з аагаасз, нийлобхаасо бад̣̇иссад̇и;

‘‘Yathā sarade ākāse, nīlobhāso padissati;

д̇ат̇уубамам̣ ид̣̇ам̣ б̣яамхам̣, взл̣урияаасу ниммид̇ам̣.

Tathūpamaṃ idaṃ byamhaṃ, veḷuriyāsu nimmitaṃ.

577.

‘‘вид̇д̇ий хи мам̣ винд̣̇ад̇и сууд̇а д̣̇исваа, бужчаами д̇ам̣ маад̇али д̣̇звасаарат̇и;

‘‘Vittī hi maṃ vindati sūta disvā, pucchāmi taṃ mātali devasārathi;

имам̣ ну б̣яамхам̣ гимабхан̃н̃амааху, манорамам̣ д̣̇иссад̇и д̣̇уурад̇ова.

Imaṃ nu byamhaṃ kimabhaññamāhu, manoramaṃ dissati dūratova.

578.

‘‘д̇асса будто вияаагааси, маад̇али д̣̇звасаарат̇и;

‘‘Tassa puṭṭho viyākāsi, mātali devasārathi;

вибаагам̣ бун̃н̃агаммаанам̣, ж̇аанам̣ агкаасиж̇аанад̇о.

Vipākaṃ puññakammānaṃ, jānaṃ akkhāsijānato.

579.

‘‘‘суд̇хаммаа’ ид̇и яам̣ ааху, бассзсаа д̣̇иссад̇з сабхаа;

‘‘‘Sudhammā’ iti yaṃ āhu, passesā dissate sabhā;

взл̣урияааружираа жид̇раа, д̇хаараяанд̇и суниммид̇аа.

Veḷuriyārucirā citrā, dhārayanti sunimmitā.

580.

‘‘адтам̣саа сугад̇аа т̇амбхаа, саб̣б̣з взл̣урияаамаяаа;

‘‘Aṭṭhaṃsā sukatā thambhā, sabbe veḷuriyāmayā;

яад̇т̇а д̣̇зваа д̇аавад̇им̣саа, саб̣б̣з инд̣̇абурохид̇аа.

Yattha devā tāvatiṃsā, sabbe indapurohitā.

581.

‘‘ад̇т̇ам̣ д̣̇звамануссаанам̣, жинд̇аяанд̇аа самажчарз;

‘‘Atthaṃ devamanussānaṃ, cintayantā samacchare;

бависзд̇зна рааж̇ийси, д̣̇зваанам̣ анумод̣̇ананд̇и.

Pavisetena rājīsi, devānaṃ anumodananti.

д̇ад̇т̇а ид̣̇анд̇и нибаад̇амад̇д̇ам̣, д̣̇звасабхам̣ ад̣̇д̣̇асаад̇и ад̇т̇о. бассзсаад̇и басса зсаа. взл̣урияаа ружираад̇и ружиравзл̣урияаа. жид̇раад̇и наанаарад̇анавижид̇раа. д̇хаараяанд̇ийд̇и имам̣ сабхам̣ зд̇з адтам̣саад̣̇ибхзд̣̇аа сугад̇аа т̇амбхаа д̇хаараяанд̇и. инд̣̇абурохид̇аад̇и инд̣̇ам̣ бурохид̇ам̣ бурзжааригам̣ гад̇ваа бариваарзд̇ваа тид̇аа д̣̇звамануссаанам̣ ад̇т̇ам̣ жинд̇аяанд̇аа ажчанд̇и. бависзд̇знаад̇и иминаа маг̇г̇зна яад̇т̇а д̣̇зваа ан̃н̃аман̃н̃ам̣ анумод̣̇анд̇аа ажчанд̇и, д̇ам̣ таанам̣ д̣̇зваанам̣ анумод̣̇анам̣ бависа.

Tattha idanti nipātamattaṃ, devasabhaṃ addasāti attho. Passesāti passa esā. Veḷuriyā rucirāti ruciraveḷuriyā. Citrāti nānāratanavicitrā. Dhārayantīti imaṃ sabhaṃ ete aṭṭhaṃsādibhedā sukatā thambhā dhārayanti. Indapurohitāti indaṃ purohitaṃ purecārikaṃ katvā parivāretvā ṭhitā devamanussānaṃ atthaṃ cintayantā acchanti. Pavisetenāti iminā maggena yattha devā aññamaññaṃ anumodantā acchanti, taṃ ṭhānaṃ devānaṃ anumodanaṃ pavisa.

д̣̇звааби ко д̇ассааг̇аманамаг̇г̇ам̣ ологзнд̇аава нисийд̣̇им̣су. д̇з ‘‘рааж̇аа ааг̇ад̇о’’д̇и суд̇ваа д̣̇иб̣б̣аг̇анд̇хаваасабубпахад̇т̇аа яаава жид̇д̇агуудад̣̇ваарагодтагаа бадимаг̇г̇ам̣ г̇анд̇ваа махаасад̇д̇ам̣ д̣̇иб̣б̣аг̇анд̇хамаалаад̣̇ийхи бууж̇аяанд̇аа суд̇хаммаад̣̇звасабхам̣ аанаяим̣су. рааж̇аа рат̇аа од̇арид̇ваа д̣̇звасабхам̣ баависи. д̣̇зваа аасанзна ниманд̇аяим̣су. саггоби аасанзна жзва гаамзхи жа ниманд̇зси. д̇амад̇т̇ам̣ багаасзнд̇о сад̇т̇аа ааха –

Devāpi kho tassāgamanamaggaṃ olokentāva nisīdiṃsu. Te ‘‘rājā āgato’’ti sutvā dibbagandhavāsapupphahatthā yāva cittakūṭadvārakoṭṭhakā paṭimaggaṃ gantvā mahāsattaṃ dibbagandhamālādīhi pūjayantā sudhammādevasabhaṃ ānayiṃsu. Rājā rathā otaritvā devasabhaṃ pāvisi. Devā āsanena nimantayiṃsu. Sakkopi āsanena ceva kāmehi ca nimantesi. Tamatthaṃ pakāsento satthā āha –

582.

‘‘д̇ам̣ д̣̇зваа бадинанд̣̇им̣су, д̣̇исваа рааж̇аанамааг̇ад̇ам̣;

‘‘Taṃ devā paṭinandiṃsu, disvā rājānamāgataṃ;

свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣;

Svāgataṃ te mahārāja, atho te adurāgataṃ;

нисийд̣̇а д̣̇аани рааж̇ийси, д̣̇зварааж̇асса санд̇игз.

Nisīda dāni rājīsi, devarājassa santike.

583.

‘‘саггоби бадинанд̣̇ид̇т̇а, взд̣̇зхам̣ мит̇илаг̇г̇ахам̣;

‘‘Sakkopi paṭinandittha, vedehaṃ mithilaggahaṃ;

ниманд̇аяид̇т̇а гаамзхи, аасанзна жа ваасаво.

Nimantayittha kāmehi, āsanena ca vāsavo.

584.

‘‘саад̇ху коси ануббад̇д̇о, ааваасам̣ васавад̇д̇инам̣;

‘‘Sādhu khosi anuppatto, āvāsaṃ vasavattinaṃ;

васа д̣̇звзсу рааж̇ийси, саб̣б̣агаамасамид̣̇д̇хису;

Vasa devesu rājīsi, sabbakāmasamiddhisu;

д̇аавад̇им̣сзсу д̣̇звзсу, бхун̃ж̇а гаамз амаанусз’’д̇и.

Tāvatiṃsesu devesu, bhuñja kāme amānuse’’ti.

д̇ад̇т̇а бадинанд̣̇им̣сууд̇и самбияааяим̣су, хадтад̇удтаава худ̇ваа самбадижчим̣су. саб̣б̣агаамасамид̣̇д̇хисууд̇и саб̣б̣зсам̣ гаамаанам̣ самид̣̇д̇хияуд̇д̇зсу.

Tattha paṭinandiṃsūti sampiyāyiṃsu, haṭṭhatuṭṭhāva hutvā sampaṭicchiṃsu. Sabbakāmasamiddhisūti sabbesaṃ kāmānaṃ samiddhiyuttesu.

звам̣ саггзна д̣̇иб̣б̣агаамзхи жзва аасанзна жа ниманд̇ид̇о рааж̇аа бадигкибанд̇о ааха –

Evaṃ sakkena dibbakāmehi ceva āsanena ca nimantito rājā paṭikkhipanto āha –

585.

‘‘яат̇аа яаажид̇агам̣ яаанам̣, яат̇аа яаажид̇агам̣ д̇ханам̣;

‘‘Yathā yācitakaṃ yānaṃ, yathā yācitakaṃ dhanaṃ;

звам̣ самбад̣̇амзвзд̇ам̣, яам̣ барад̇о д̣̇аанабажжаяаа.

Evaṃ sampadamevetaṃ, yaṃ parato dānapaccayā.

586.

‘‘на жаахамзд̇амижчаами, яам̣ барад̇о д̣̇аанабажжаяаа;

‘‘Na cāhametamicchāmi, yaṃ parato dānapaccayā;

саяам̣гад̇аани бун̃н̃аани, д̇ам̣ мз аавзн̣игам̣ д̇ханам̣.

Sayaṃkatāni puññāni, taṃ me āveṇikaṃ dhanaṃ.

587.

‘‘сохам̣ г̇анд̇ваа мануссзсу, гаахаами гусалам̣ б̣ахум̣;

‘‘Sohaṃ gantvā manussesu, kāhāmi kusalaṃ bahuṃ;

д̣̇аанзна самажарияааяа, сам̣яамзна д̣̇амзна жа;

Dānena samacariyāya, saṃyamena damena ca;

яам̣ гад̇ваа сукид̇о ход̇и, на жа бажчаануд̇аббад̇ий’’д̇и.

Yaṃ katvā sukhito hoti, na ca pacchānutappatī’’ti.

д̇ад̇т̇а яам̣ барад̇о д̣̇аанабажжаяаад̇и яам̣ барад̇о д̇асса барасса д̣̇аанабажжаяаа д̇зна д̣̇иннад̇д̇аа лаб̣бхад̇и, д̇ам̣ яаажид̇агасад̣̇исам̣ ход̇и, д̇асмаа наахам̣ зд̇ам̣ ижчаами. саяам̣гад̇аанийд̇и яаани бана маяаа ад̇д̇анаа гад̇аани бун̃н̃аани, д̇амзва мама барзхи асаад̇хааран̣ад̇д̇аа аавзн̣игам̣ д̇ханам̣ ануг̇аамияад̇ханам̣. самажарияааяаад̇и д̇ийхи д̣̇ваарзхи самажарияааяа. сам̣яамзнаад̇и сийларагкан̣зна. д̣̇амзнаад̇и инд̣̇рияад̣̇амзна.

Tattha yaṃ parato dānapaccayāti yaṃ parato tassa parassa dānapaccayā tena dinnattā labbhati, taṃ yācitakasadisaṃ hoti, tasmā nāhaṃ etaṃ icchāmi. Sayaṃkatānīti yāni pana mayā attanā katāni puññāni, tameva mama parehi asādhāraṇattā āveṇikaṃ dhanaṃ anugāmiyadhanaṃ. Samacariyāyāti tīhi dvārehi samacariyāya. Saṃyamenāti sīlarakkhaṇena. Damenāti indriyadamena.

звам̣ махаасад̇д̇о д̣̇зваанам̣ мад̇хурасад̣̇д̣̇зна д̇хаммам̣ д̣̇зсзси. д̇хаммам̣ д̣̇зсзнд̇оязва мануссаг̇ан̣анааяа сад̇д̇а д̣̇ивасаани тад̇ваа д̣̇зваг̇ан̣ам̣ госзд̇ваа д̣̇зваг̇ан̣амаж̇жхз тид̇ова маад̇алисса г̇ун̣ам̣ гат̇знд̇о ааха –

Evaṃ mahāsatto devānaṃ madhurasaddena dhammaṃ desesi. Dhammaṃ desentoyeva manussagaṇanāya satta divasāni ṭhatvā devagaṇaṃ kosetvā devagaṇamajjhe ṭhitova mātalissa guṇaṃ kathento āha –

588.

‘‘б̣ахуубагааро но бхавам̣, маад̇али д̣̇звасаарат̇и;

‘‘Bahūpakāro no bhavaṃ, mātali devasārathi;

яо мз галяаан̣агаммаанам̣, баабаанам̣ бадид̣̇ассаяий’’д̇и.

Yo me kalyāṇakammānaṃ, pāpānaṃ paṭidassayī’’ti.

д̇ад̇т̇а яо мз галяаан̣агаммаанам̣, баабаанам̣ бадид̣̇ассаяийд̇и яо зса маяхам̣ галяаан̣агаммаанам̣ д̣̇зваанан̃жа таанаани баабагаммаанам̣ нзраяигаанан̃жа баабаани таанаани д̣̇ассзсийд̇и ад̇т̇о.

Tattha yo me kalyāṇakammānaṃ, pāpānaṃ paṭidassayīti yo esa mayhaṃ kalyāṇakammānaṃ devānañca ṭhānāni pāpakammānaṃ nerayikānañca pāpāni ṭhānāni dassesīti attho.

саг̇г̇аган̣д̣ам̣ нидтид̇ам̣.

Saggakaṇḍaṃ niṭṭhitaṃ.

ат̇а рааж̇аа саггам̣ ааманд̇зд̇ваа ‘‘ижчаамахам̣, махаарааж̇а, мануссалогам̣ г̇анд̇у’’нд̇и ааха. сагго ‘‘д̇зна хи, самма маад̇али, нимирааж̇аанам̣ д̇ад̇т̇зва мит̇илам̣ нзхий’’д̇и ааха. со ‘‘саад̇хуу’’д̇и самбадижчид̇ваа рат̇ам̣ убадтаабзси. рааж̇аа д̣̇зваг̇ан̣зхи сад̣̇д̇хим̣ саммод̣̇ид̇ваа д̣̇звз нивад̇д̇аабзд̇ваа рат̇ам̣ абхирухи. маад̇али рат̇ам̣ бзсзнд̇о баажийнад̣̇исаабхааг̇зна мит̇илам̣ баабун̣и. махааж̇ано д̣̇иб̣б̣арат̇ам̣ д̣̇исваа ‘‘рааж̇аа но ааг̇ад̇о’’д̇и бамуд̣̇ид̇о ахоси. маад̇али мит̇илам̣ бад̣̇агкин̣ам̣ гад̇ваа д̇асмим̣язва сийхабан̃ж̇арз махаасад̇д̇ам̣ од̇аарзд̇ваа ‘‘г̇ажчаамахам̣, махаарааж̇аа’’д̇и аабужчид̇ваа сагадтаанамзва г̇ад̇о. махааж̇аноби рааж̇аанам̣ бариваарзд̇ваа ‘‘гийд̣̇исо, д̣̇зва, д̣̇звалого’’д̇и бужчи. рааж̇аа д̣̇звад̇аанан̃жа саггасса жа д̣̇зваран̃н̃о самбад̇д̇им̣ ван̣н̣зд̇ваа ‘‘д̇умхзби д̣̇аанаад̣̇ийни бун̃н̃аани гарот̇а, звам̣ д̇асмим̣ д̣̇звалогз ниб̣б̣ад̇д̇иссат̇аа’’д̇и махааж̇анасса д̇хаммам̣ д̣̇зсзси.

Atha rājā sakkaṃ āmantetvā ‘‘icchāmahaṃ, mahārāja, manussalokaṃ gantu’’nti āha. Sakko ‘‘tena hi, samma mātali, nimirājānaṃ tattheva mithilaṃ nehī’’ti āha. So ‘‘sādhū’’ti sampaṭicchitvā rathaṃ upaṭṭhāpesi. Rājā devagaṇehi saddhiṃ sammoditvā deve nivattāpetvā rathaṃ abhiruhi. Mātali rathaṃ pesento pācīnadisābhāgena mithilaṃ pāpuṇi. Mahājano dibbarathaṃ disvā ‘‘rājā no āgato’’ti pamudito ahosi. Mātali mithilaṃ padakkhiṇaṃ katvā tasmiṃyeva sīhapañjare mahāsattaṃ otāretvā ‘‘gacchāmahaṃ, mahārājā’’ti āpucchitvā sakaṭṭhānameva gato. Mahājanopi rājānaṃ parivāretvā ‘‘kīdiso, deva, devaloko’’ti pucchi. Rājā devatānañca sakkassa ca devarañño sampattiṃ vaṇṇetvā ‘‘tumhepi dānādīni puññāni karotha, evaṃ tasmiṃ devaloke nibbattissathā’’ti mahājanassa dhammaṃ desesi.

со абарабхааг̇з габбагзна балид̇асса ж̇аад̇абхаавз аарожид̇з балид̇ам̣ суван̣н̣асан̣д̣аасзна уд̣̇д̇хараабзд̇ваа хад̇т̇з табзд̇ваа габбагасса г̇аамаварам̣ д̣̇ад̇ваа баб̣б̣аж̇ид̇угаамо худ̇ваа буд̇д̇асса раж̇ж̇ам̣ бадижчаабзси. д̇зна жа ‘‘гасмаа, д̣̇зва, баб̣б̣аж̇иссасий’’д̇и вуд̇д̇з –

So aparabhāge kappakena palitassa jātabhāve ārocite palitaṃ suvaṇṇasaṇḍāsena uddharāpetvā hatthe ṭhapetvā kappakassa gāmavaraṃ datvā pabbajitukāmo hutvā puttassa rajjaṃ paṭicchāpesi. Tena ca ‘‘kasmā, deva, pabbajissasī’’ti vutte –

‘‘уд̇д̇аман̇г̇арухаа маяхам̣, имз ж̇аад̇аа ваяохараа;

‘‘Uttamaṅgaruhā mayhaṃ, ime jātā vayoharā;

баахубхууд̇аа д̣̇звад̣̇ууд̇аа, баб̣б̣аж̇ж̇аасамаяо мамаа’’д̇и. –

Pāhubhūtā devadūtā, pabbajjāsamayo mamā’’ti. –

г̇аат̇ам̣ вад̇ваа буримарааж̇аано вияа баб̣б̣аж̇ид̇ваа д̇асмим̣язва амб̣аванз вихаранд̇о жад̇д̇ааро б̣рахмавихаарз бхаавзд̇ваа б̣рахмалогуубаг̇о ахоси. д̇ассзвам̣ баб̣б̣аж̇ид̇абхаавам̣ аавигаронд̇о сад̇т̇аа осаанаг̇аат̇амааха –

Gāthaṃ vatvā purimarājāno viya pabbajitvā tasmiṃyeva ambavane viharanto cattāro brahmavihāre bhāvetvā brahmalokūpago ahosi. Tassevaṃ pabbajitabhāvaṃ āvikaronto satthā osānagāthamāha –

589.

‘‘ид̣̇ам̣ вад̇ваа нимирааж̇аа, взд̣̇зхо мит̇илаг̇г̇ахо;

‘‘Idaṃ vatvā nimirājā, vedeho mithilaggaho;

бут̇уяан̃н̃ам̣ яаж̇ид̇ваана, сам̣яамам̣ аж̇жхубааг̇амий’’д̇и.

Puthuyaññaṃ yajitvāna, saṃyamaṃ ajjhupāgamī’’ti.

д̇ад̇т̇а ид̣̇ам̣ вад̇ваад̇и ‘‘уд̇д̇аман̇г̇арухаа маяха’’нд̇и имам̣ г̇аат̇ам̣ вад̇ваа. бут̇уяан̃н̃ам̣ яаж̇ид̇ваанаад̇и махаад̣̇аанам̣ д̣̇ад̇ваа. сам̣яамам̣ аж̇жхубааг̇амийд̇и сийласам̣яамам̣ убаг̇ад̇о.

Tattha idaṃ vatvāti ‘‘uttamaṅgaruhā mayha’’nti imaṃ gāthaṃ vatvā. Puthuyaññaṃ yajitvānāti mahādānaṃ datvā. Saṃyamaṃ ajjhupāgamīti sīlasaṃyamaṃ upagato.

буд̇д̇о банасса гаал̣аараж̇анаго наама д̇ам̣ вам̣сам̣ убажчинд̣̇и.

Putto panassa kāḷārajanako nāma taṃ vaṃsaṃ upacchindi.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа сагго ануруд̣̇д̇хо ахоси, маад̇али аананд̣̇о, жад̇ураасийд̇и кад̇д̇ияасахассаани б̣уд̣̇д̇хабарисаа, нимирааж̇аа бана ахамзва саммаасамб̣уд̣̇д̇хо ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā jātakaṃ samodhānesi ‘‘tadā sakko anuruddho ahosi, mātali ānando, caturāsīti khattiyasahassāni buddhaparisā, nimirājā pana ahameva sammāsambuddho ahosi’’nti.

нимиж̇аад̇агаван̣н̣анаа жад̇уд̇т̇аа.

Nimijātakavaṇṇanā catutthā.

Next: [542] 5. уман̇г̇аж̇аад̇агаван̣н̣анаа • [542] 5. Umaṅgajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 541. нимиж̇аад̇агам̣ • 541. Nimijātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact