| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. निमित्तसञ्ञकत्थेरअपदानं
5. Nimittasaññakattheraapadānaṃ
२८.
28.
‘‘चन्दभागानदीतीरे , वसामि अस्समे अहं।
‘‘Candabhāgānadītīre , vasāmi assame ahaṃ;
सुवण्णमिगमद्दक्खिं, चरन्तं विपिने अहं॥
Suvaṇṇamigamaddakkhiṃ, carantaṃ vipine ahaṃ.
२९.
29.
‘‘मिगे चित्तं पसादेत्वा, लोकजेट्ठं अनुस्सरिं।
‘‘Mige cittaṃ pasādetvā, lokajeṭṭhaṃ anussariṃ;
तेन चित्तप्पसादेन, अञ्ञे बुद्धे अनुस्सरिं॥
Tena cittappasādena, aññe buddhe anussariṃ.
३०.
30.
‘‘अब्भतीता च ये बुद्धा, वत्तमाना अनागता।
‘‘Abbhatītā ca ye buddhā, vattamānā anāgatā;
एवमेवं विरोचन्ति, मिगराजाव ते तयो॥
Evamevaṃ virocanti, migarājāva te tayo.
३१.
31.
‘‘चतुन्नवुतितो कप्पे, यं सञ्ञमलभिं तदा।
‘‘Catunnavutito kappe, yaṃ saññamalabhiṃ tadā;
दुग्गतिं नाभिजानामि, बुद्धसञ्ञायिदं फलं॥
Duggatiṃ nābhijānāmi, buddhasaññāyidaṃ phalaṃ.
३२.
32.
‘‘सत्तवीसे इतो कप्पे, एको आसिं महीपति।
‘‘Sattavīse ito kappe, eko āsiṃ mahīpati;
अरञ्ञसत्थो नामेन, चक्कवत्ती महब्बलो॥
Araññasattho nāmena, cakkavattī mahabbalo.
३३.
33.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा निमित्तसञ्ञको थेरो इमा गाथायो अभासित्थाति।
Itthaṃ sudaṃ āyasmā nimittasaññako thero imā gāthāyo abhāsitthāti.
निमित्तसञ्ञकत्थेरस्सापदानं पञ्चमं।
Nimittasaññakattherassāpadānaṃ pañcamaṃ.
