| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੧. ਨਿਮਿਤ੍ਤਸੁਤ੍ਤવਣ੍ਣਨਾ
11. Nimittasuttavaṇṇanā
੧੦੩. ਏਕਾਦਸਮੇ ਯੇਹਿ ਫਲਂ ਨਿਮੀਯਤਿ, ਉਪ੍ਪਜ੍ਜਨਟ੍ਠਾਨੇ ਪਕ੍ਖਿਪਮਾਨਂ વਿਯ ਹੋਤਿ, ਤਾਨਿ ਨਿਮਿਤ੍ਤਾਨਿ। ਤੇਨਾਹ ‘‘ਤੀਣਿ ਕਾਰਣਾਨੀ’’ਤਿ। ਕਾਲੇਨ ਕਾਲਨ੍ਤਿ ਏਤ੍ਥ ਕਾਲੇਨਾਤਿ ਭੁਮ੍ਮਤ੍ਥੇ ਕਰਣવਚਨਂ। ਕਾਲਨ੍ਤਿ ਚ ਉਪਯੋਗવਚਨਨ੍ਤਿ ਆਹ ‘‘ਕਾਲੇ ਕਾਲੇ’’ਤਿ। ਮਨਸਿ ਕਾਤਬ੍ਬਾਤਿ ਚਿਤ੍ਤੇ ਕਾਤਬ੍ਬਾ, ਉਪ੍ਪਾਦੇਤਬ੍ਬਾਤਿ ਅਤ੍ਥੋ। ਉਪਲਕ੍ਖਿਤਸਮਾਧਾਨਾਕਾਰੋ ਸਮਾਧਿਯੇવ ਇਧ ਸਮਾਧਿਨਿਮਿਤ੍ਤਨ੍ਤਿ ਆਹ ‘‘ਏਕਗ੍ਗਤਾ ਹਿ ਇਧ ਸਮਾਧਿਨਿਮਿਤ੍ਤਨ੍ਤਿ વੁਤ੍ਤਾ’’ਤਿ। ਠਾਨਂ ਤਂ ਚਿਤ੍ਤਂ ਕੋਸਜ੍ਜਾਯ ਸਂવਤ੍ਤੇਯ੍ਯਾਤਿ ਏਤ੍ਥ ਠਾਨਂ ਅਤ੍ਥੀਤਿ વਚਨਸੇਸੋ। ਤਂ ਭਾવਨਾਚਿਤ੍ਤਂ ਕੋਸਜ੍ਜਾਯ ਸਂવਤ੍ਤੇਯ੍ਯ, ਤਸ੍ਸ ਸਂવਤ੍ਤਨਸ੍ਸ ਕਾਰਣਂ ਅਤ੍ਥੀਤਿ ਅਤ੍ਥੋ। ਤਂ વਾ ਮਨਸਿਕਰਣਂ ਚਿਤ੍ਤਂ ਕੋਸਜ੍ਜਾਯ ਸਂવਤ੍ਤੇਯ੍ਯ, ਏਤਸ੍ਸ ਠਾਨਂ ਕਾਰਣਂ ਅਤ੍ਥੀਤਿ ਅਤ੍ਥੋ। ਤੇਨਾਹ ‘‘ਕਾਰਣਂ વਿਜ੍ਜਤੀ’’ਤਿਆਦਿ। ਞਾਣਜવਨ੍ਤਿ ਸਙ੍ਖਾਰੇਸੁ ਅਨਿਚ੍ਚਾਦਿવਸੇਨ ਪવਤ੍ਤਮਾਨਂ ਪਞ੍ਞਾਜવਂ।
103. Ekādasame yehi phalaṃ nimīyati, uppajjanaṭṭhāne pakkhipamānaṃ viya hoti, tāni nimittāni. Tenāha ‘‘tīṇi kāraṇānī’’ti. Kālena kālanti ettha kālenāti bhummatthe karaṇavacanaṃ. Kālanti ca upayogavacananti āha ‘‘kāle kāle’’ti. Manasi kātabbāti citte kātabbā, uppādetabbāti attho. Upalakkhitasamādhānākāro samādhiyeva idha samādhinimittanti āha ‘‘ekaggatā hi idha samādhinimittanti vuttā’’ti. Ṭhānaṃ taṃ cittaṃ kosajjāya saṃvatteyyāti ettha ṭhānaṃ atthīti vacanaseso. Taṃ bhāvanācittaṃ kosajjāya saṃvatteyya, tassa saṃvattanassa kāraṇaṃ atthīti attho. Taṃ vā manasikaraṇaṃ cittaṃ kosajjāya saṃvatteyya, etassa ṭhānaṃ kāraṇaṃ atthīti attho. Tenāha ‘‘kāraṇaṃ vijjatī’’tiādi. Ñāṇajavanti saṅkhāresu aniccādivasena pavattamānaṃ paññājavaṃ.
ਯਂ ਕਿਞ੍ਚਿ ਸੁવਣ੍ਣਤਾਪਨਯੋਗ੍ਗਅਙ੍ਗਾਰਭਾਜਨਂ ਇਧ ‘‘ਉਕ੍ਕਾ’’ਤਿ ਅਧਿਪ੍ਪੇਤਨ੍ਤਿ ਆਹ ‘‘ਅਙ੍ਗਾਰਕਪਲ੍ਲ’’ਨ੍ਤਿ। ਸਜ੍ਜੇਯ੍ਯਾਤਿ ਯਥਾ ਤਤ੍ਥ ਪਕ੍ਖਿਤ੍ਤਂ ਸੁવਣ੍ਣਂ ਤਪ੍ਪਤਿ, ਏવਂ ਪਟਿਯਾਦਿਯੇਯ੍ਯ। ਆਲਿਮ੍ਪੇਯ੍ਯਾਤਿ ਆਦਿਯੇਯ੍ਯ, ਜਲੇਯ੍ਯਾਤਿ ਅਤ੍ਥੋ। ਤੇਨਾਹ ‘‘ਤਤ੍ਥ ਅਙ੍ਗਾਰੇ…ਪੇ॰… ਗਾਹਾਪੇਯ੍ਯਾ’’ਤਿ। ਮੂਸਾਯ વਾ ਪਕ੍ਖਿਪੇਯ੍ਯਾਤਿ ਤਤ੍ਤਕੇ વਾ ਪਕ੍ਖਿਪੇਯ੍ਯ। ਉਪਧਾਰੇਤੀਤਿ ਸਲ੍ਲਕ੍ਖੇਤਿ।
Yaṃ kiñci suvaṇṇatāpanayoggaaṅgārabhājanaṃ idha ‘‘ukkā’’ti adhippetanti āha ‘‘aṅgārakapalla’’nti. Sajjeyyāti yathā tattha pakkhittaṃ suvaṇṇaṃ tappati, evaṃ paṭiyādiyeyya. Ālimpeyyāti ādiyeyya, jaleyyāti attho. Tenāha ‘‘tattha aṅgāre…pe… gāhāpeyyā’’ti. Mūsāya vā pakkhipeyyāti tattake vā pakkhipeyya. Upadhāretīti sallakkheti.
ਨਿਮਿਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nimittasuttavaṇṇanā niṭṭhitā.
ਲੋਣਕਪਲ੍ਲવਗ੍ਗવਣ੍ਣਨਾ ਨਿਟ੍ਠਿਤਾ।
Loṇakapallavaggavaṇṇanā niṭṭhitā.
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
Dutiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੧. ਨਿਮਿਤ੍ਤਸੁਤ੍ਤਂ • 11. Nimittasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੧. ਨਿਮਿਤ੍ਤਸੁਤ੍ਤવਣ੍ਣਨਾ • 11. Nimittasuttavaṇṇanā
