| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. нимогкасуд̇д̇аван̣н̣анаа
2. Nimokkhasuttavaṇṇanā
2. ид̣̇аани д̣̇уд̇ияасуд̇д̇ад̇о бадтааяа батамамааг̇ад̇ан̃жа уд̇д̇аанад̇т̇ан̃жа бахааяа яам̣ яам̣ ануд̇д̇аанам̣, д̇ам̣ д̇ад̣̇зва ван̣н̣аяиссаама. ж̇аанааси нод̇и ж̇аанааси ну. нимогканд̇иаад̣̇ийни маг̇г̇аад̣̇ийнам̣ наамаани . маг̇г̇зна хи сад̇д̇аа гилзсаб̣анд̇ханад̇о нимужжанд̇и, д̇асмаа маг̇г̇о сад̇д̇аанам̣ нимогкод̇и вуд̇д̇о. палагкан̣з бана д̇з гилзсаб̣анд̇ханад̇о бамуд̇д̇аа, д̇асмаа палам̣ сад̇д̇аанам̣ бамогкод̇и вуд̇д̇ам̣. ниб̣б̣аанам̣ бад̇ваа сад̇д̇аанам̣ саб̣б̣ад̣̇угкам̣ вивижжад̇и, д̇асмаа ниб̣б̣аанам̣ вивзгод̇и вуд̇д̇ам̣. саб̣б̣аани ваа зд̇аани ниб̣б̣аанассзва наамаани. ниб̣б̣аанан̃хи бад̇ваа сад̇д̇аа саб̣б̣ад̣̇угкад̇о нимужжанд̇и бамужжанд̇и вивижжанд̇и, д̇асмаа д̇ад̣̇зва ‘‘нимогко бамогко вивзго’’д̇и вуд̇д̇ам̣. ж̇аанаами квааханд̇и ж̇аанаами ко ахам̣. авад̇хааран̣ад̇т̇о когааро . ахам̣ ж̇аанаамиязва. сад̇д̇аанам̣ нимогкаад̣̇иж̇аананад̇т̇амзва хи маяаа самад̇им̣са баарамияо буурзд̇ваа саб̣б̣ан̃н̃уд̇ан̃н̃аан̣ам̣ бадивид̣̇д̇ханд̇и сийханаад̣̇ам̣ над̣̇ад̇и. б̣уд̣̇д̇хасийханаад̣̇ам̣ наама гира зд̇ам̣ суд̇д̇ам̣.
2. Idāni dutiyasuttato paṭṭhāya paṭhamamāgatañca uttānatthañca pahāya yaṃ yaṃ anuttānaṃ, taṃ tadeva vaṇṇayissāma. Jānāsi noti jānāsi nu. Nimokkhantiādīni maggādīnaṃ nāmāni . Maggena hi sattā kilesabandhanato nimuccanti, tasmā maggo sattānaṃ nimokkhoti vutto. Phalakkhaṇe pana te kilesabandhanato pamuttā, tasmā phalaṃ sattānaṃ pamokkhoti vuttaṃ. Nibbānaṃ patvā sattānaṃ sabbadukkhaṃ viviccati, tasmā nibbānaṃ vivekoti vuttaṃ. Sabbāni vā etāni nibbānasseva nāmāni. Nibbānañhi patvā sattā sabbadukkhato nimuccanti pamuccanti viviccanti, tasmā tadeva ‘‘nimokkho pamokkho viveko’’ti vuttaṃ. Jānāmi khvāhanti jānāmi kho ahaṃ. Avadhāraṇattho khokāro . Ahaṃ jānāmiyeva. Sattānaṃ nimokkhādijānanatthameva hi mayā samatiṃsa pāramiyo pūretvā sabbaññutaññāṇaṃ paṭividdhanti sīhanādaṃ nadati. Buddhasīhanādaṃ nāma kira etaṃ suttaṃ.
нанд̣̇ийбхавабаригкаяаад̇и нанд̣̇иймуулагасса гаммабхавасса баригкаязна. нанд̣̇ияаа жа бхавасса жаад̇иби ваддад̇и. д̇ад̇т̇а хи буриманаяз нанд̣̇ийбхавзна д̇ивид̇хагаммаабхисан̇кааравасзна сан̇каарагканд̇хо г̇ахид̇о, сан̃н̃аавин̃н̃аан̣зхи д̇ам̣самбаяуд̇д̇аа жа д̣̇вз канд̇хаа. д̇зхи бана д̇ийхи канд̇хзхи самбаяуд̇д̇аа взд̣̇анаа д̇зсам̣ г̇ахан̣зна г̇ахид̇ааваад̇и анубаад̣̇ин̣н̣агаанам̣ жад̇уннам̣ аруубагканд̇хаанам̣ аббавад̇д̇ивасзна саубаад̣̇исзсам̣ ниб̣б̣аанам̣ гат̇ид̇ам̣ ход̇и. взд̣̇анаанам̣ нирод̇хаа убасамаад̇и убаад̣̇ин̣н̣агавзд̣̇анаанам̣ нирод̇хзна жа убасамзна жа. д̇ад̇т̇а взд̣̇анааг̇ахан̣зна д̇ам̣самбаяуд̇д̇аа д̇аяо канд̇хаа г̇ахид̇аава хонд̇и, д̇зсам̣ вад̇т̇аарамман̣авасзна руубагканд̇хоби. звам̣ имзсам̣ убаад̣̇ин̣н̣агаанам̣ бан̃жаннам̣ канд̇хаанам̣ аббавад̇д̇ивасзна анубаад̣̇исзсам̣ ниб̣б̣аанам̣ гат̇ид̇ам̣ ход̇и. д̣̇уд̇ияанаяз бана нанд̣̇иг̇г̇ахан̣зна сан̇каарагканд̇хо г̇ахид̇о, бхаваг̇г̇ахан̣зна убабад̇д̇ибхавасан̇каад̇о руубагканд̇хо, сан̃н̃аад̣̇ийхи саруубзнзва д̇аяо канд̇хаа. звам̣ имзсам̣ бан̃жаннам̣ канд̇хаанам̣ аббавад̇д̇ивасзна ниб̣б̣аанам̣ гат̇ид̇ам̣ ход̇ийд̇и взд̣̇ид̇аб̣б̣ам̣. имамзва жа наяам̣ жад̇унигааяигабхан̣д̣игад̇т̇зро рожзд̇и. ид̇и ниб̣б̣аанавасзнзва бхаг̇аваа д̣̇зсанам̣ нидтаабзсийд̇и.
Nandībhavaparikkhayāti nandīmūlakassa kammabhavassa parikkhayena. Nandiyā ca bhavassa cātipi vaṭṭati. Tattha hi purimanaye nandībhavena tividhakammābhisaṅkhāravasena saṅkhārakkhandho gahito, saññāviññāṇehi taṃsampayuttā ca dve khandhā. Tehi pana tīhi khandhehi sampayuttā vedanā tesaṃ gahaṇena gahitāvāti anupādiṇṇakānaṃ catunnaṃ arūpakkhandhānaṃ appavattivasena saupādisesaṃ nibbānaṃ kathitaṃ hoti. Vedanānaṃ nirodhā upasamāti upādiṇṇakavedanānaṃ nirodhena ca upasamena ca. Tattha vedanāgahaṇena taṃsampayuttā tayo khandhā gahitāva honti, tesaṃ vatthārammaṇavasena rūpakkhandhopi. Evaṃ imesaṃ upādiṇṇakānaṃ pañcannaṃ khandhānaṃ appavattivasena anupādisesaṃ nibbānaṃ kathitaṃ hoti. Dutiyanaye pana nandiggahaṇena saṅkhārakkhandho gahito, bhavaggahaṇena upapattibhavasaṅkhāto rūpakkhandho, saññādīhi sarūpeneva tayo khandhā. Evaṃ imesaṃ pañcannaṃ khandhānaṃ appavattivasena nibbānaṃ kathitaṃ hotīti veditabbaṃ. Imameva ca nayaṃ catunikāyikabhaṇḍikatthero roceti. Iti nibbānavaseneva bhagavā desanaṃ niṭṭhāpesīti.
нимогкасуд̇д̇аван̣н̣анаа нидтид̇аа.
Nimokkhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. нимогкасуд̇д̇ам̣ • 2. Nimokkhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. нимогкасуд̇д̇аван̣н̣анаа • 2. Nimokkhasuttavaṇṇanā
