| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. நிரயபாலகதா²வண்ணனா
3. Nirayapālakathāvaṇṇanā
866. இதா³னி நிரயபாலகதா² நாம ஹோதி. தத்த² ‘‘நிரயே நேரயிககம்மானேவ நிரயபாலரூபவஸேன வதெ⁴ந்தி, நத்தி² நிரயபாலா நாம ஸத்தா’’தி யேஸங் லத்³தி⁴, ஸெய்யதா²பி அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ தத்த² நிரயபாலா ந ஸியுங், கம்மகாரணாபி ந ப⁴வெய்யுங். காரணிகேஸு ஹி ஸதி காரணா’’தி சோதே³துங் நத்தி² நிரயேஸூதிஆதி³மாஹ.
866. Idāni nirayapālakathā nāma hoti. Tattha ‘‘niraye nerayikakammāneva nirayapālarūpavasena vadhenti, natthi nirayapālā nāma sattā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi tattha nirayapālā na siyuṃ, kammakāraṇāpi na bhaveyyuṃ. Kāraṇikesu hi sati kāraṇā’’ti codetuṃ natthi nirayesūtiādimāha.
867-868. அத்தி² மனுஸ்ஸேஸூதி பச்சக்கே²ன ஞாபனத்த²ங். யதா² ஹி மனுஸ்ஸேஸு ஸதி காரணிகேஸு காரணா, ஏவங் தத்தா²பீதி அயமெத்த² அதி⁴ப்பாயோ. அத்தி² நிரயேஸூதி புச்சா² பரவாதி³ஸ்ஸ, படிஞ்ஞா இதரஸ்ஸ. ந வெஸ்ஸபூ⁴ நோபி ச பெத்திராஜாதி பரவாதி³னா ஸகஸமயதோ ஸுத்தங் ஆப⁴தங். தங் பன ஸாஸனாவசரிகந்தி ஸகவாதி³னா அனுஞ்ஞாதங். தத்த² வெஸ்ஸபூ⁴தி ஏகோ தே³வோ. பெத்திராஜாதி பெத்திவிஸயே பேதமஹித்³தி⁴கோ. ஸோமாத³யோ பாகடா ஏவ. இத³ங் வுத்தங் ஹோதி – அத்தனோ கம்மேஹி இதோ பணுன்னங் பரலோகங் பத்தங் புரிஸங் ந ஏதே வெஸ்ஸபூ⁴ஆத³யோ ஹனந்தி. யேஹி பன ஸோ கம்மேஹி தத்த² பணுன்னோ, தானி ஸகானி கம்மானியேவ நங் தத்த² ஹனந்தீதி கம்மஸ்ஸகதங் தீ³பேதி, ந நிரயபாலானங் அபா⁴வங். ஸகவாதி³னா பன தமேனங், பி⁴க்க²வேதி ஆப⁴தானி ஸுத்தபதா³னி நீதத்தா²னேவாதி.
867-868. Atthi manussesūti paccakkhena ñāpanatthaṃ. Yathā hi manussesu sati kāraṇikesu kāraṇā, evaṃ tatthāpīti ayamettha adhippāyo. Atthi nirayesūti pucchā paravādissa, paṭiññā itarassa. Na vessabhū nopi ca pettirājāti paravādinā sakasamayato suttaṃ ābhataṃ. Taṃ pana sāsanāvacarikanti sakavādinā anuññātaṃ. Tattha vessabhūti eko devo. Pettirājāti pettivisaye petamahiddhiko. Somādayo pākaṭā eva. Idaṃ vuttaṃ hoti – attano kammehi ito paṇunnaṃ paralokaṃ pattaṃ purisaṃ na ete vessabhūādayo hananti. Yehi pana so kammehi tattha paṇunno, tāni sakāni kammāniyeva naṃ tattha hanantīti kammassakataṃ dīpeti, na nirayapālānaṃ abhāvaṃ. Sakavādinā pana tamenaṃ, bhikkhaveti ābhatāni suttapadāni nītatthānevāti.
நிரயபாலகதா²வண்ணனா.
Nirayapālakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (196) 3. நிரயபாலகதா² • (196) 3. Nirayapālakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 3. நிரயபாலகதா²வண்ணனா • 3. Nirayapālakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 3. நிரயபாலகதா²வண்ணனா • 3. Nirayapālakathāvaṇṇanā
