| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
22. нираяаваг̇г̇о
22. Nirayavaggo
306.
306.
убхоби д̇з бзжжа самаа бхаванд̇и, нихийнагаммаа мануж̇аа барад̇т̇а.
Ubhopi te pecca samā bhavanti, nihīnakammā manujā parattha.
307.
307.
гаасааваган̣таа б̣ахаво, баабад̇хаммаа асан̃н̃ад̇аа;
Kāsāvakaṇṭhā bahavo, pāpadhammā asaññatā;
баабаа баабзхи гаммзхи, нираяам̣ д̇з убабаж̇ж̇арз.
Pāpā pāpehi kammehi, nirayaṃ te upapajjare.
308.
308.
сзяяо аяог̇ул̣о бхуд̇д̇о, д̇ад̇д̇о аг̇г̇исикуубамо;
Seyyo ayoguḷo bhutto, tatto aggisikhūpamo;
яан̃жз бхун̃ж̇зяяа д̣̇уссийло, радтабин̣д̣амасан̃н̃ад̇о.
Yañce bhuñjeyya dussīlo, raṭṭhapiṇḍamasaññato.
309.
309.
жад̇д̇аари таанаани наро бамад̇д̇о, аабаж̇ж̇ад̇и барад̣̇ааруубасзвий;
Cattāri ṭhānāni naro pamatto, āpajjati paradārūpasevī;
абун̃н̃алаабхам̣ на нигаамасзяяам̣, нинд̣̇ам̣ д̇ад̇ийяам̣ нираяам̣ жад̇уд̇т̇ам̣.
Apuññalābhaṃ na nikāmaseyyaṃ, nindaṃ tatīyaṃ nirayaṃ catutthaṃ.
310.
310.
абун̃н̃алаабхо жа г̇ад̇ий жа баабигаа, бхийд̇асса бхийд̇ааяа рад̇ий жа т̇огигаа;
Apuññalābho ca gatī ca pāpikā, bhītassa bhītāya ratī ca thokikā;
рааж̇аа жа д̣̇ан̣д̣ам̣ г̇аругам̣ бан̣зд̇и, д̇асмаа наро барад̣̇аарам̣ на сзвз.
Rājā ca daṇḍaṃ garukaṃ paṇeti, tasmā naro paradāraṃ na seve.
311.
311.
гусо яат̇аа д̣̇уг̇г̇ахид̇о, хад̇т̇амзваануганд̇ад̇и;
Kuso yathā duggahito, hatthamevānukantati;
сааман̃н̃ам̣ д̣̇уббараамадтам̣, нираяааяубагад̣дхад̇и.
Sāmaññaṃ dupparāmaṭṭhaṃ, nirayāyupakaḍḍhati.
312.
312.
яам̣ гин̃жи сит̇илам̣ гаммам̣, сам̣гилидтан̃жа яам̣ вад̇ам̣;
Yaṃ kiñci sithilaṃ kammaṃ, saṃkiliṭṭhañca yaṃ vataṃ;
сан̇гассарам̣ б̣рахмажарияам̣, на д̇ам̣ ход̇и махабпалам̣.
Saṅkassaraṃ brahmacariyaṃ, na taṃ hoti mahapphalaṃ.
313.
313.
гаяираа жз гаяираат̇знам̣ 5, д̣̇ал̣хамзнам̣ бараггамз;
Kayirā ce kayirāthenaṃ 6, daḷhamenaṃ parakkame;
сит̇ило хи бариб̣б̣ааж̇о, бхияяо аагирад̇з раж̇ам̣.
Sithilo hi paribbājo, bhiyyo ākirate rajaṃ.
314.
314.
агад̇ам̣ д̣̇уггадам̣ сзяяо, бажчаа д̇аббад̇и д̣̇уггадам̣;
Akataṃ dukkaṭaṃ seyyo, pacchā tappati dukkaṭaṃ;
гад̇ан̃жа сугад̇ам̣ сзяяо, яам̣ гад̇ваа наануд̇аббад̇и.
Katañca sukataṃ seyyo, yaṃ katvā nānutappati.
315.
315.
наг̇арам̣ яат̇аа бажжанд̇ам̣, г̇уд̇д̇ам̣ санд̇араб̣аахирам̣;
Nagaraṃ yathā paccantaṃ, guttaṃ santarabāhiraṃ;
звам̣ г̇обзт̇а ад̇д̇аанам̣, кан̣о во 7 маа убажжаг̇аа;
Evaṃ gopetha attānaṃ, khaṇo vo 8 mā upaccagā;
кан̣аад̇ийд̇аа хи сожанд̇и, нираяамхи самаббид̇аа.
Khaṇātītā hi socanti, nirayamhi samappitā.
316.
316.
алаж̇ж̇ид̇ааяз лаж̇ж̇анд̇и, лаж̇ж̇ид̇ааяз на лаж̇ж̇арз;
Alajjitāye lajjanti, lajjitāye na lajjare;
мижчаад̣̇идтисамаад̣̇аанаа, сад̇д̇аа г̇ажчанд̇и д̣̇уг̇г̇ад̇им̣.
Micchādiṭṭhisamādānā, sattā gacchanti duggatiṃ.
317.
317.
абхаяз бхаяад̣̇ассино, бхаяз жаабхаяад̣̇ассино;
Abhaye bhayadassino, bhaye cābhayadassino;
мижчаад̣̇идтисамаад̣̇аанаа, сад̇д̇аа г̇ажчанд̇и д̣̇уг̇г̇ад̇им̣.
Micchādiṭṭhisamādānā, sattā gacchanti duggatiṃ.
318.
318.
аваж̇ж̇з важ̇ж̇амад̇ино, важ̇ж̇з жааваж̇ж̇ад̣̇ассино;
Avajje vajjamatino, vajje cāvajjadassino;
мижчаад̣̇идтисамаад̣̇аанаа, сад̇д̇аа г̇ажчанд̇и д̣̇уг̇г̇ад̇им̣.
Micchādiṭṭhisamādānā, sattā gacchanti duggatiṃ.
319.
319.
важ̇ж̇ан̃жа важ̇ж̇ад̇о н̃ад̇ваа, аваж̇ж̇ан̃жа аваж̇ж̇ад̇о;
Vajjañca vajjato ñatvā, avajjañca avajjato;
саммаад̣̇идтисамаад̣̇аанаа, сад̇д̇аа г̇ажчанд̇и суг̇г̇ад̇им̣.
Sammādiṭṭhisamādānā, sattā gacchanti suggatiṃ.
нираяаваг̇г̇о д̣̇ваавийсад̇имо нидтид̇о.
Nirayavaggo dvāvīsatimo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 22. нираяаваг̇г̇о • 22. Nirayavaggo
