| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
34. нирод̇хасамаабад̇д̇ин̃аан̣анид̣̇д̣̇зсаван̣н̣анаа
34. Nirodhasamāpattiñāṇaniddesavaṇṇanā
83. нирод̇хасамаабад̇д̇ин̃аан̣анид̣̇д̣̇зсз самат̇аб̣аланд̇и гаамажчанд̣̇аад̣̇аяо бажжанийгад̇хаммз самзд̇ийд̇и самат̇о, соязва агамбанийяадтзна б̣алам̣. анааг̇аамиараханд̇аанам̣язва самаад̇хибадибагкасса гаамажчанд̣̇асса бахаанзна самаад̇хисмим̣ барибуурагаарибхааваббад̇д̇ад̇д̇аа д̇зсам̣язва самаад̇хи б̣алаббад̇д̇од̇и гад̇ваа ‘‘самат̇аб̣ала’’нд̇и вужжад̇и, на ан̃н̃зсам̣. самаад̇хиб̣аланд̇иби баато. вибассанааб̣аланд̇и анижжаад̣̇ивасзна вивид̇хзхи аагаарзхи д̇хаммз бассад̇ийд̇и вибассанаа, сааязва агамбанийяадтзна б̣алам̣. д̇зсам̣язва убхиннам̣ б̣алаббад̇д̇ам̣ вибассанаан̃аан̣ам̣. д̇ад̇т̇а самат̇аб̣алам̣ анубуб̣б̣зна жид̇д̇асанд̇аанавуубасаманад̇т̇ам̣ нирод̇хз жа бадибаад̣̇анад̇т̇ам̣, вибассанааб̣алам̣ бавад̇д̇з аад̣̇ийнавад̣̇ассанад̇т̇ам̣ нирод̇хз жа аанисам̣сад̣̇ассанад̇т̇ам̣.
83. Nirodhasamāpattiñāṇaniddese samathabalanti kāmacchandādayo paccanīkadhamme sametīti samatho, soyeva akampanīyaṭṭhena balaṃ. Anāgāmiarahantānaṃyeva samādhipaṭipakkhassa kāmacchandassa pahānena samādhismiṃ paripūrakāribhāvappattattā tesaṃyeva samādhi balappattoti katvā ‘‘samathabala’’nti vuccati, na aññesaṃ. Samādhibalantipi pāṭho. Vipassanābalanti aniccādivasena vividhehi ākārehi dhamme passatīti vipassanā, sāyeva akampanīyaṭṭhena balaṃ. Tesaṃyeva ubhinnaṃ balappattaṃ vipassanāñāṇaṃ. Tattha samathabalaṃ anupubbena cittasantānavūpasamanatthaṃ nirodhe ca paṭipādanatthaṃ, vipassanābalaṃ pavatte ādīnavadassanatthaṃ nirodhe ca ānisaṃsadassanatthaṃ.
нийваран̣зд̇и нимид̇д̇ад̇т̇з бхуммаважанам̣, нийваран̣анимид̇д̇ам̣ нийваран̣абажжаяаад̇и ад̇т̇о. гаран̣ад̇т̇з ваа бхуммаважанам̣, нийваран̣знаад̇и ад̇т̇о. на гамбад̇ийд̇и жхаанасаман̇г̇ийбуг̇г̇ало. ат̇а ваа жхаананд̇и жхаанан̇г̇аанам̣ ад̇хиббзд̇ад̇д̇аа батамзна жхаанзна д̇ам̣самбаяуд̇д̇асамаад̇хи нийваран̣з на гамбад̇и. аяамзва жзд̇т̇а яож̇анаа г̇ахзд̇аб̣б̣аа. уд̣̇д̇хажжз жаад̇и уд̣̇д̇хажжасахаг̇ад̇ажид̇д̇уббаад̣̇з уд̣̇д̇хажжз жа. уд̣̇д̇хажжанд̇и жа уд̣̇д̇хад̇абхааво , д̇ам̣ авуубасамалагкан̣ам̣. уд̣̇д̇хажжасахаг̇ад̇агилзсз жаад̇и уд̣̇д̇хажжзна сахаг̇ад̇з згуббаад̣̇аад̣̇ибхаавам̣ г̇ад̇з уд̣̇д̇хажжасамбаяуд̇д̇з мохаахиригаанод̇д̇аббагилзсз жа. канд̇хз жаад̇и уд̣̇д̇хажжасамбаяуд̇д̇ажад̇угканд̇хз жа. на гамбад̇и на жалад̇и на взд̇хад̇ийд̇и ан̃н̃аман̃н̃авзважанаани. уд̣̇д̇хажжз на гамбад̇и, уд̣̇д̇хажжасахаг̇ад̇агилзсз на жалад̇и, уд̣̇д̇хажжасахаг̇ад̇агканд̇хз на взд̇хад̇ийд̇и яож̇зд̇аб̣б̣ам̣. вибассанааб̣алам̣ сад̇д̇аннам̣язва анубассанаанам̣ вуд̇д̇ад̇д̇аа д̇аасам̣язва васзна вибассанааб̣алам̣ барибун̣н̣ам̣ ход̇ийд̇и взд̣̇ид̇аб̣б̣ам̣. авиж̇ж̇ааяа жаад̇и д̣̇ваад̣̇асасуби агусалажид̇д̇уббаад̣̇зсу авиж̇ж̇ааяа жа. авиж̇ж̇аасахаг̇ад̇агилзсз жаад̇и яат̇ааяог̇ам̣ авиж̇ж̇ааяа самбаяуд̇д̇алобхад̣̇осамаанад̣̇идтивижигижчаат̇инауд̣̇д̇хажжаахиригаанод̇д̇аббагилзсз жа.
Nīvaraṇeti nimittatthe bhummavacanaṃ, nīvaraṇanimittaṃ nīvaraṇapaccayāti attho. Karaṇatthe vā bhummavacanaṃ, nīvaraṇenāti attho. Na kampatīti jhānasamaṅgīpuggalo. Atha vā jhānanti jhānaṅgānaṃ adhippetattā paṭhamena jhānena taṃsampayuttasamādhi nīvaraṇe na kampati. Ayameva cettha yojanā gahetabbā. Uddhacce cāti uddhaccasahagatacittuppāde uddhacce ca. Uddhaccanti ca uddhatabhāvo , taṃ avūpasamalakkhaṇaṃ. Uddhaccasahagatakilese cāti uddhaccena sahagate ekuppādādibhāvaṃ gate uddhaccasampayutte mohaahirikaanottappakilese ca. Khandhe cāti uddhaccasampayuttacatukkhandhe ca. Na kampati na calati na vedhatīti aññamaññavevacanāni. Uddhacce na kampati, uddhaccasahagatakilese na calati, uddhaccasahagatakkhandhe na vedhatīti yojetabbaṃ. Vipassanābalaṃ sattannaṃyeva anupassanānaṃ vuttattā tāsaṃyeva vasena vipassanābalaṃ paripuṇṇaṃ hotīti veditabbaṃ. Avijjāya cāti dvādasasupi akusalacittuppādesu avijjāya ca. Avijjāsahagatakilese cāti yathāyogaṃ avijjāya sampayuttalobhadosamānadiṭṭhivicikicchāthinauddhaccaahirikaanottappakilese ca.
важийсан̇каараад̇и вид̇аггавижаараа. ‘‘буб̣б̣з ко, аавусо висаака, вид̇аггзд̇ваа вижаарзд̇ваа бажчаа ваажам̣ бхинд̣̇ад̇и, д̇асмаа вид̇аггавижаараа важийсан̇кааро’’д̇и (ма. ни. 1.463) важанад̇о ваажам̣ сан̇каронд̇и уббаад̣̇знд̇ийд̇и важийсан̇каараа. гааяасан̇каараад̇и ассаасабассаасаа. ‘‘ассаасабассаасаа ко, аавусо висаака, гааяигаа зд̇з д̇хаммаа гааяабадиб̣ад̣̇д̇хаа, д̇асмаа ассаасабассаасаа гааяасан̇кааро’’д̇и (ма. ни. 1.463) важанад̇о гааязна сан̇карийяанд̇ийд̇и гааяасан̇каараа. сан̃н̃аавзд̣̇аяид̇анирод̇ханд̇и сан̃н̃ааяа взд̣̇анааяа жа нирод̇хам̣. жид̇д̇асан̇каараад̇и сан̃н̃аа жа взд̣̇анаа жа. ‘‘жзд̇асигаа зд̇з д̇хаммаа жид̇д̇абадиб̣ад̣̇д̇хаа, д̇асмаа сан̃н̃аа жа взд̣̇анаа жа жид̇д̇асан̇кааро’’д̇и (ма. ни. 1.463) важанад̇о жид̇д̇зна сан̇карийяанд̇ийд̇и жид̇д̇асан̇каараа.
Vacīsaṅkhārāti vitakkavicārā. ‘‘Pubbe kho, āvuso visākha, vitakketvā vicāretvā pacchā vācaṃ bhindati, tasmā vitakkavicārā vacīsaṅkhāro’’ti (ma. ni. 1.463) vacanato vācaṃ saṅkharonti uppādentīti vacīsaṅkhārā. Kāyasaṅkhārāti assāsapassāsā. ‘‘Assāsapassāsā kho, āvuso visākha, kāyikā ete dhammā kāyapaṭibaddhā, tasmā assāsapassāsā kāyasaṅkhāro’’ti (ma. ni. 1.463) vacanato kāyena saṅkharīyantīti kāyasaṅkhārā. Saññāvedayitanirodhanti saññāya vedanāya ca nirodhaṃ. Cittasaṅkhārāti saññā ca vedanā ca. ‘‘Cetasikā ete dhammā cittapaṭibaddhā, tasmā saññā ca vedanā ca cittasaṅkhāro’’ti (ma. ni. 1.463) vacanato cittena saṅkharīyantīti cittasaṅkhārā.
84. н̃аан̣ажарияаасу анубассанаавасаанз, вивадданаанубассанааг̇ахан̣зна ваа д̇ассаа аад̣̇ибхууд̇аа жарияаагат̇ааяа н̃аан̣ажарияаад̇и вуд̇д̇аа сзсаанубассанааби г̇ахид̇аа хонд̇ийд̇и взд̣̇ид̇аб̣б̣ам̣. сол̣асахи н̃аан̣ажарияаахийд̇и жа уггадтабарижчзд̣̇о, анааг̇аамисса бана арахад̇д̇амаг̇г̇апалаваж̇ж̇аахи жуд̣̇д̣̇асахиби ход̇и барибун̣н̣аб̣алад̇д̇аа.
84. Ñāṇacariyāsu anupassanāvasāne, vivaṭṭanānupassanāgahaṇena vā tassā ādibhūtā cariyākathāya ñāṇacariyāti vuttā sesānupassanāpi gahitā hontīti veditabbaṃ. Soḷasahi ñāṇacariyāhīti ca ukkaṭṭhaparicchedo, anāgāmissa pana arahattamaggaphalavajjāhi cuddasahipi hoti paripuṇṇabalattā.
85. навахи самаад̇хижарияаахийд̇и зд̇т̇а батамаж̇жхаанаад̣̇ийхи адта, батамаж̇жхаанаад̣̇ийнам̣ бадилаабхад̇т̇ааяа саб̣б̣ад̇т̇а убажаараж̇жхаанавасзна згаад̇и нава самаад̇хижарияаа. б̣алажарияаанам̣ гим̣ наанад̇д̇ам̣? самат̇аб̣алзнаби хи ‘‘нзгкаммавасзнаа’’д̇иаад̣̇ийхи сад̇д̇ахи барияааязхи убажаарасамаад̇хи вуд̇д̇о, бзяяаалавид̇т̇аарад̇о ‘‘батамаж̇жхаанавасзнаа’’д̇иаад̣̇ийхи самасад̇д̇ад̇ияаа ваарзхи яат̇ааяог̇ам̣ аббануубажаарасамаад̇хи вуд̇д̇о, самаад̇хижарияааяаби ‘‘батамам̣ жхаана’’нд̇иаад̣̇ийхи адтахи барияааязхи аббанаасамаад̇хи вуд̇д̇о. батамам̣ жхаанам̣ бадилаабхад̇т̇ааяаад̇иаад̣̇ийхи адтахи барияааязхи убажаарасамаад̇хи вуд̇д̇од̇и убхаяад̇т̇ааби аббануубажаарасамаад̇хиязва вуд̇д̇о. звам̣ санд̇зби агамбияадтзна б̣алаани васийбхаавадтзна жарияаад̇и взд̣̇ид̇аб̣б̣аа. вибассанааб̣алз бана сад̇д̇а анубассанаава ‘‘вибассанааб̣ала’’нд̇и вуд̇д̇аа, н̃аан̣ажарияааяа сад̇д̇а жа анубассанаа вуд̇д̇аа, вивадданаанубассанаад̣̇аяо нава жа висзсзд̇ваа вуд̇д̇аа. ид̣̇ам̣ нзсам̣ наанад̇д̇ам̣. сад̇д̇а анубассанаа бана агамбияадтзна б̣алаани васийбхаавадтзна жарияаад̇и взд̣̇ид̇аб̣б̣аа.
85.Navahi samādhicariyāhīti ettha paṭhamajjhānādīhi aṭṭha, paṭhamajjhānādīnaṃ paṭilābhatthāya sabbattha upacārajjhānavasena ekāti nava samādhicariyā. Balacariyānaṃ kiṃ nānattaṃ? Samathabalenapi hi ‘‘nekkhammavasenā’’tiādīhi sattahi pariyāyehi upacārasamādhi vutto, peyyālavitthārato ‘‘paṭhamajjhānavasenā’’tiādīhi samasattatiyā vārehi yathāyogaṃ appanūpacārasamādhi vutto, samādhicariyāyapi ‘‘paṭhamaṃ jhāna’’ntiādīhi aṭṭhahi pariyāyehi appanāsamādhi vutto. Paṭhamaṃ jhānaṃ paṭilābhatthāyātiādīhi aṭṭhahi pariyāyehi upacārasamādhi vuttoti ubhayatthāpi appanūpacārasamādhiyeva vutto. Evaṃ santepi akampiyaṭṭhena balāni vasībhāvaṭṭhena cariyāti veditabbā. Vipassanābale pana satta anupassanāva ‘‘vipassanābala’’nti vuttā, ñāṇacariyāya satta ca anupassanā vuttā, vivaṭṭanānupassanādayo nava ca visesetvā vuttā. Idaṃ nesaṃ nānattaṃ. Satta anupassanā pana akampiyaṭṭhena balāni vasībhāvaṭṭhena cariyāti veditabbā.
‘‘васийбхаавад̇аа бан̃н̃аа’’д̇и (бади. ма. 1.34 маад̇игаа) зд̇т̇а вуд̇д̇авасияо виссаж̇ж̇зд̇ум̣ васийд̇и бан̃жа васияод̇и ид̇т̇илин̇г̇авохаарзна вуд̇д̇ам̣. васо зва васийд̇и вуд̇д̇ам̣ ход̇и. буна буг̇г̇алаад̇хидтаанааяа д̣̇зсанааяа д̇аа васияо виссаж̇ж̇знд̇о ааваж̇ж̇анавасийд̇иаад̣̇имааха. ааваж̇ж̇анааяа васо ааваж̇ж̇анавасо, со асса ад̇т̇ийд̇и ааваж̇ж̇анавасий. зсзва наяо сзсзсу. батамам̣ жхаанам̣ яад̇т̇ижчаганд̇и яад̇т̇а яад̇т̇а бад̣̇зсз ижчад̇и г̇аамз ваа аран̃н̃з ваа, д̇ад̇т̇а д̇ад̇т̇а ааваж̇ж̇ад̇и. яад̣̇ижчаганд̇и яад̣̇аа яад̣̇аа гаалз сийд̇агаалз ваа ун̣хагаалз ваа, д̇ад̣̇аа д̇ад̣̇аа ааваж̇ж̇ад̇и. ат̇а ваа яам̣ яам̣ батамам̣ жхаанам̣ ижчад̇и бат̇авийгасин̣аарамман̣ам̣ ваа сзсаарамман̣ам̣ ваа, д̇ам̣ д̇ам̣ ааваж̇ж̇ад̇и. згзгагасин̣аарамман̣ассааби жхаанасса васид̇аанам̣ вуд̇д̇ад̇д̇аа буримаяож̇анааязва сунд̣̇арад̇араа. яаавад̇ижчаганд̇и яаавад̇агам̣ гаалам̣ ижчад̇и ажчараасан̇гхаад̇амад̇д̇ам̣ сад̇д̇аахам̣ ваа, д̇аавад̇агам̣ гаалам̣ ааваж̇ж̇ад̇и. ааваж̇ж̇анааяаад̇и манод̣̇ваарааваж̇ж̇анааяа. д̣̇анд̇хааяид̇ад̇д̇анд̇и авасавад̇д̇ибхааво, аласабхааво ваа. самаабаж̇ж̇ад̇ийд̇и бадибаж̇ж̇ад̇и, аббзд̇ийд̇и ад̇т̇о. ад̇хидтаад̇ийд̇и анд̇осамаабад̇д̇ияам̣ ад̇хигам̣ гад̇ваа д̇идтад̇и. вудтаанавасияам̣батамам̣ жхаананд̇и ниссаггад̇т̇з убаяог̇аважанам̣, батамаж̇жхаанаад̇и ад̇т̇о. бажжавзгкад̇ийд̇и бажжавзгкан̣аж̇аванзхи нивад̇д̇ид̇ваа бассад̇и. аяамзд̇т̇а баал̣иван̣н̣анаа.
‘‘Vasībhāvatā paññā’’ti (paṭi. ma. 1.34 mātikā) ettha vuttavasiyo vissajjetuṃ vasīti pañca vasiyoti itthiliṅgavohārena vuttaṃ. Vaso eva vasīti vuttaṃ hoti. Puna puggalādhiṭṭhānāya desanāya tā vasiyo vissajjento āvajjanavasītiādimāha. Āvajjanāya vaso āvajjanavaso, so assa atthīti āvajjanavasī. Eseva nayo sesesu. Paṭhamaṃ jhānaṃ yatthicchakanti yattha yattha padese icchati gāme vā araññe vā, tattha tattha āvajjati. Yadicchakanti yadā yadā kāle sītakāle vā uṇhakāle vā, tadā tadā āvajjati. Atha vā yaṃ yaṃ paṭhamaṃ jhānaṃ icchati pathavīkasiṇārammaṇaṃ vā sesārammaṇaṃ vā, taṃ taṃ āvajjati. Ekekakasiṇārammaṇassāpi jhānassa vasitānaṃ vuttattā purimayojanāyeva sundaratarā. Yāvaticchakanti yāvatakaṃ kālaṃ icchati accharāsaṅghātamattaṃ sattāhaṃ vā, tāvatakaṃ kālaṃ āvajjati. Āvajjanāyāti manodvārāvajjanāya. Dandhāyitattanti avasavattibhāvo, alasabhāvo vā. Samāpajjatīti paṭipajjati, appetīti attho. Adhiṭṭhātīti antosamāpattiyaṃ adhikaṃ katvā tiṭṭhati. Vuṭṭhānavasiyaṃpaṭhamaṃ jhānanti nissakkatthe upayogavacanaṃ, paṭhamajjhānāti attho. Paccavekkhatīti paccavekkhaṇajavanehi nivattitvā passati. Ayamettha pāḷivaṇṇanā.
аяам̣ бана ад̇т̇аббагаасанаа – батамаж̇жхаанад̇о вудтааяа вид̇аггам̣ ааваж̇ж̇аяад̇о бхаван̇г̇ам̣ убажчинд̣̇ид̇ваа бавад̇д̇ааваж̇ж̇анаананд̇арам̣ вид̇аггаарамман̣аанзва жад̇д̇аари бан̃жа ваа ж̇аванаани ж̇аванд̇и, д̇ад̇о д̣̇вз бхаван̇г̇аани, д̇ад̇о буна вижаараарамман̣ам̣ ааваж̇ж̇анам̣ вуд̇д̇анаязнзва ж̇аванаанийд̇и звам̣ бан̃жасу жхаанан̇г̇зсу яад̣̇аа ниранд̇арам̣ жид̇д̇ам̣ бзсзд̇ум̣ саггод̇и, ат̇асса ааваж̇ж̇анавасий сид̣̇д̇хаава ход̇и. аяам̣ бана мад̇т̇агаббад̇д̇аа васий бхаг̇авад̇о яамагабаадихаариязва лаб̣бхад̇и. ид̇о барам̣ сийгхад̇араа ааваж̇ж̇анавасий наама над̇т̇и. ан̃н̃зсам̣ бана анд̇аранд̇араа бхаван̇г̇аваарз г̇ан̣анаа над̇т̇и. махаамог̇г̇аллаанад̇т̇зрасса нанд̣̇обананд̣̇ад̣̇аманз вияа сийгхам̣ самаабад̇д̇исамаабаж̇ж̇анасамад̇т̇ад̇аа самаабаж̇ж̇анавасий наама. ажчараамад̇д̇ам̣ ваа д̣̇асажчараамад̇д̇ам̣ ваа кан̣ам̣ самаабад̇д̇им̣ табзд̇ум̣ самад̇т̇ад̇аа ад̇хидтаанавасий наама. д̇ат̇зва д̇ад̇о лахум̣ вудтаанасамад̇т̇ад̇аа вудтаанавасий наама. бажжавзгкан̣авасий бана ааваж̇ж̇анавасияаа зва вуд̇д̇аа. бажжавзгкан̣аж̇аванаанзва хи д̇ад̇т̇а ааваж̇ж̇анаананд̇араанийд̇и. ид̇и ааваж̇ж̇анавасияаа сид̣̇д̇хааяа бажжавзгкан̣авасий сид̣̇д̇хаа ход̇и, ад̇хидтаанавасияаа жа сид̣̇д̇хааяа вудтаанавасий сид̣̇д̇хаа ход̇и. звам̣ санд̇зби ‘‘аяам̣ бана мад̇т̇агаббад̇д̇аа васий бхаг̇авад̇о яамагабаадихаариязва лаб̣бхад̇ий’’д̇и вуд̇д̇ад̇д̇аа баадихаарияагаалз жхаанан̇г̇абажжавзгкан̣аанам̣ абхаавад̇о наанаавид̇хаван̣н̣аад̣̇иниммаанасса наанаагасин̣авасзна иж̇жханад̇о д̇ам̣д̇ам̣гасин̣аарамман̣ам̣ жхаанам̣ самаабаж̇ж̇ид̇угаамасса яат̇ааружи лахум̣ д̇асмим̣ гасин̣з вуд̇д̇анаязна ааваж̇ж̇анабавад̇д̇анасамад̇т̇ад̇аа ааваж̇ж̇анавасий, д̇ад̣̇ааваж̇ж̇анавийт̇ияам̣язва д̇асса жхаанасса аббанаасамад̇т̇ад̇аасамаабаж̇ж̇анасамад̇т̇ад̇аа самаабаж̇ж̇анавасий. зван̃хи вужжамаанз яуд̇д̇и жа на вируж̇жхад̇и, васийбадибаади жа яат̇ааггамзнзва яуж̇ж̇ад̇и. жхаанан̇г̇абажжавзгкан̣ааяам̣ бана ‘‘мад̇т̇агаббад̇д̇ааязва бан̃жа ж̇аванааний’’д̇и вуд̇д̇ад̇д̇аа вуд̇д̇анаязна сад̇д̇асуби ж̇аванзсу ж̇аванд̇зсу бажжавзгкан̣авасийязва ход̇и. звам̣ санд̇з ‘‘батамаж̇жхаанам̣ ааваж̇ж̇ад̇ий’’д̇и важанам̣ на яуж̇ж̇ад̇ийд̇и жз? яат̇аа гасин̣з бавад̇д̇ам̣ жхаанам̣ гааран̣обажаарзна гасин̣анд̇и вуд̇д̇ам̣, д̇ат̇аа жхаанабажжаяам̣ гасин̣ам̣ ‘‘суко б̣уд̣̇д̇хаанамуббаад̣̇о’’д̇иаад̣̇ийсу (д̇ха. ба. 194) вияа палобажаарзна жхаананд̇и вуд̇д̇ам̣. яат̇аабарижчиннз гаалз тад̇ваа вудтид̇асса нид̣̇д̣̇ааяа баб̣уд̣̇д̇хасса буна нид̣̇д̣̇оггаманз вияа буна жхааноггаманз сад̇иби ад̇хидтаанавасийязва наама, яат̇аабарижчзд̣̇зна вудтид̇асса бана вудтаанзязва ад̇хидтаанз сад̇иби вудтаанавасий наама ход̇ийд̇и аяам̣ д̇зсам̣ висзсо.
Ayaṃ pana atthappakāsanā – paṭhamajjhānato vuṭṭhāya vitakkaṃ āvajjayato bhavaṅgaṃ upacchinditvā pavattāvajjanānantaraṃ vitakkārammaṇāneva cattāri pañca vā javanāni javanti, tato dve bhavaṅgāni, tato puna vicārārammaṇaṃ āvajjanaṃ vuttanayeneva javanānīti evaṃ pañcasu jhānaṅgesu yadā nirantaraṃ cittaṃ pesetuṃ sakkoti, athassa āvajjanavasī siddhāva hoti. Ayaṃ pana matthakappattā vasī bhagavato yamakapāṭihāriyeva labbhati. Ito paraṃ sīghatarā āvajjanavasī nāma natthi. Aññesaṃ pana antarantarā bhavaṅgavāre gaṇanā natthi. Mahāmoggallānattherassa nandopanandadamane viya sīghaṃ samāpattisamāpajjanasamatthatā samāpajjanavasī nāma. Accharāmattaṃ vā dasaccharāmattaṃ vā khaṇaṃ samāpattiṃ ṭhapetuṃ samatthatā adhiṭṭhānavasī nāma. Tatheva tato lahuṃ vuṭṭhānasamatthatā vuṭṭhānavasī nāma. Paccavekkhaṇavasī pana āvajjanavasiyā eva vuttā. Paccavekkhaṇajavanāneva hi tattha āvajjanānantarānīti. Iti āvajjanavasiyā siddhāya paccavekkhaṇavasī siddhā hoti, adhiṭṭhānavasiyā ca siddhāya vuṭṭhānavasī siddhā hoti. Evaṃ santepi ‘‘ayaṃ pana matthakappattā vasī bhagavato yamakapāṭihāriyeva labbhatī’’ti vuttattā pāṭihāriyakāle jhānaṅgapaccavekkhaṇānaṃ abhāvato nānāvidhavaṇṇādinimmānassa nānākasiṇavasena ijjhanato taṃtaṃkasiṇārammaṇaṃ jhānaṃ samāpajjitukāmassa yathāruci lahuṃ tasmiṃ kasiṇe vuttanayena āvajjanapavattanasamatthatā āvajjanavasī, tadāvajjanavīthiyaṃyeva tassa jhānassa appanāsamatthatāsamāpajjanasamatthatā samāpajjanavasī. Evañhi vuccamāne yutti ca na virujjhati, vasīpaṭipāṭi ca yathākkameneva yujjati. Jhānaṅgapaccavekkhaṇāyaṃ pana ‘‘matthakappattāyeva pañca javanānī’’ti vuttattā vuttanayena sattasupi javanesu javantesu paccavekkhaṇavasīyeva hoti. Evaṃ sante ‘‘paṭhamajjhānaṃ āvajjatī’’ti vacanaṃ na yujjatīti ce? Yathā kasiṇe pavattaṃ jhānaṃ kāraṇopacārena kasiṇanti vuttaṃ, tathā jhānapaccayaṃ kasiṇaṃ ‘‘sukho buddhānamuppādo’’tiādīsu (dha. pa. 194) viya phalopacārena jhānanti vuttaṃ. Yathāparicchinne kāle ṭhatvā vuṭṭhitassa niddāya pabuddhassa puna niddokkamane viya puna jhānokkamane satipi adhiṭṭhānavasīyeva nāma, yathāparicchedena vuṭṭhitassa pana vuṭṭhāneyeva adhiṭṭhāne satipi vuṭṭhānavasī nāma hotīti ayaṃ tesaṃ viseso.
нирод̇хасамаабад̇д̇ияаа вибхааванад̇т̇ам̣ бана ид̣̇ам̣ бан̃хагаммам̣ – гаа нирод̇хасамаабад̇д̇и, гз д̇ам̣ самаабаж̇ж̇анд̇и, гз на самаабаж̇ж̇анд̇и, гад̇т̇а самаабаж̇ж̇анд̇и, гасмаа самаабаж̇ж̇анд̇и, гат̇ан̃жассаа самаабаж̇ж̇анам̣ ход̇и, гат̇ам̣ таанам̣, гат̇ам̣ вудтаанам̣, вудтид̇асса гинниннам̣ жид̇д̇ам̣ ход̇и, мад̇асса жа самаабаннасса жа го висзсо, нирод̇хасамаабад̇д̇и гим̣ сан̇кад̇аа асан̇кад̇аа логияаа логуд̇д̇араа нибпаннаа анибпаннаад̇и?
Nirodhasamāpattiyā vibhāvanatthaṃ pana idaṃ pañhakammaṃ – kā nirodhasamāpatti, ke taṃ samāpajjanti, ke na samāpajjanti, kattha samāpajjanti, kasmā samāpajjanti, kathañcassā samāpajjanaṃ hoti, kathaṃ ṭhānaṃ, kathaṃ vuṭṭhānaṃ, vuṭṭhitassa kinninnaṃ cittaṃ hoti, matassa ca samāpannassa ca ko viseso, nirodhasamāpatti kiṃ saṅkhatā asaṅkhatā lokiyā lokuttarā nipphannā anipphannāti?
д̇ад̇т̇а гаа нирод̇хасамаабад̇д̇ийд̇и? яаа анубуб̣б̣анирод̇хавасзна жид̇д̇ажзд̇асигаанам̣ д̇хаммаанам̣ аббавад̇д̇и.
Tattha kā nirodhasamāpattīti? Yā anupubbanirodhavasena cittacetasikānaṃ dhammānaṃ appavatti.
гз д̇ам̣ самаабаж̇ж̇анд̇и, гз на самаабаж̇ж̇анд̇ийд̇и? саб̣б̣зби бут̇уж̇ж̇анаа сод̇аабаннаа сагад̣̇ааг̇аамино сугкавибассагаа жа анааг̇аамий араханд̇о на самаабаж̇ж̇анд̇и, адтасамаабад̇д̇илаабхино бана анааг̇аамино жа кийн̣аасаваа жа самаабаж̇ж̇анд̇и.
Ke taṃ samāpajjanti, ke na samāpajjantīti? Sabbepi puthujjanā sotāpannā sakadāgāmino sukkhavipassakā ca anāgāmī arahanto na samāpajjanti, aṭṭhasamāpattilābhino pana anāgāmino ca khīṇāsavā ca samāpajjanti.
гад̇т̇а самаабаж̇ж̇анд̇ийд̇и? бан̃жавогаарабхавз. гасмаа? анубуб̣б̣асамаабад̇д̇исаб̣бхаавад̇о. жад̇увогаарабхавз бана батамаж̇жхаанаад̣̇ийнам̣ уббад̇д̇иязва над̇т̇и, д̇асмаа на саггаа д̇ад̇т̇а самаабаж̇ж̇ид̇ум̣.
Katthasamāpajjantīti? Pañcavokārabhave. Kasmā? Anupubbasamāpattisabbhāvato. Catuvokārabhave pana paṭhamajjhānādīnaṃ uppattiyeva natthi, tasmā na sakkā tattha samāpajjituṃ.
гасмаа самаабаж̇ж̇анд̇ийд̇и? сан̇каараанам̣ бавад̇д̇ибхзд̣̇з угган̣тид̇ваа д̣̇идтзва д̇хаммз ажид̇д̇агаа худ̇ваа ‘‘нирод̇хам̣ ниб̣б̣аанам̣ бад̇ваа сукам̣ вихариссаамаа’’д̇и самаабаж̇ж̇анд̇и.
Kasmā samāpajjantīti? Saṅkhārānaṃ pavattibhede ukkaṇṭhitvā diṭṭheva dhamme acittakā hutvā ‘‘nirodhaṃ nibbānaṃ patvā sukhaṃ viharissāmā’’ti samāpajjanti.
гат̇ам̣ жассаа самаабаж̇ж̇анам̣ ход̇ийд̇и? самат̇авибассанаавасзна уссаггид̇ваа гад̇абуб̣б̣агижжасса нзвасан̃н̃аанаасан̃н̃ааяад̇анам̣ нирод̇хаяад̇о звамассаа самаабаж̇ж̇анам̣ ход̇и. яо хи самат̇авасзнзва уссаггад̇и, со нзвасан̃н̃аанаасан̃н̃ааяад̇анасамаабад̇д̇им̣ бад̇ваа д̇идтад̇и. яо вибассанаавасзнзва уссаггад̇и, со паласамаабад̇д̇им̣ бад̇ваа д̇идтад̇и. яо бана убхаяавасзна уссаггид̇ваа нзвасан̃н̃аанаасан̃н̃ааяад̇анам̣ нирод̇хзд̇и, со д̇ам̣ самаабаж̇ж̇ад̇ийд̇и аяамзд̇т̇а сан̇кзбо.
Kathaṃ cassā samāpajjanaṃ hotīti? Samathavipassanāvasena ussakkitvā katapubbakiccassa nevasaññānāsaññāyatanaṃ nirodhayato evamassā samāpajjanaṃ hoti. Yo hi samathavaseneva ussakkati, so nevasaññānāsaññāyatanasamāpattiṃ patvā tiṭṭhati. Yo vipassanāvaseneva ussakkati, so phalasamāpattiṃ patvā tiṭṭhati. Yo pana ubhayavasena ussakkitvā nevasaññānāsaññāyatanaṃ nirodheti, so taṃ samāpajjatīti ayamettha saṅkhepo.
аяам̣ бана вид̇т̇ааро – ид̇ха бхигку нирод̇хам̣ самаабаж̇ж̇ид̇угаамо гад̇абхад̇д̇агижжо суд̇ход̇ахад̇т̇абаад̣̇о вивид̇д̇з огаасз субан̃н̃ад̇д̇з аасанз нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со батамаж̇жхаанам̣ самаабаж̇ж̇ид̇ваа вудтааяа д̇ад̇т̇а сан̇каарз анижжад̇о д̣̇угкад̇о анад̇д̇ад̇о вибассад̇и. вибассанаа банзсаа д̇ивид̇хаа ход̇и – сан̇каарабариг̇г̇ан̣ханагавибассанаа, паласамаабад̇д̇ивибассанаа, нирод̇хасамаабад̇д̇ивибассанаад̇и. д̇ад̇т̇а сан̇каарабариг̇г̇ан̣ханагавибассанаа манд̣̇аа ваа ход̇у д̇игкаа ваа, маг̇г̇асса бад̣̇адтаанам̣ ход̇иязва. паласамаабад̇д̇ивибассанаа д̇игкаава ваддад̇и маг̇г̇абхааванаасад̣̇исаа. нирод̇хасамаабад̇д̇ивибассанаа бана наад̇иманд̣̇аа наад̇ид̇игкаа ваддад̇и. д̇асмаа зса наад̇иманд̣̇ааяа наад̇ид̇игкааяа вибассанааяа д̇з сан̇каарз вибассад̇и. д̇ад̇о д̣̇уд̇ияаж̇жхаанам̣ самаабаж̇ж̇ид̇ваа вудтааяа д̇ад̇т̇а сан̇каарз д̇ат̇зва вибассад̇и. д̇ад̇о д̇ад̇ияаж̇жхаанам̣…бз… д̇ад̇о вин̃н̃аан̣ан̃жааяад̇анам̣ самаабаж̇ж̇ид̇ваа вудтааяа д̇ад̇т̇а сан̇каарз д̇ат̇зва вибассад̇и. ат̇а аагин̃жан̃н̃ааяад̇анам̣ самаабаж̇ж̇ид̇ваа вудтааяа жад̇уб̣б̣ид̇хам̣ буб̣б̣агижжам̣ гарод̇и – наанааб̣ад̣̇д̇хаавигобанам̣, сан̇гхабадимаананам̣, сад̇т̇убаггосанам̣, ад̣̇д̇хаанабарижчзд̣̇анд̇и.
Ayaṃ pana vitthāro – idha bhikkhu nirodhaṃ samāpajjitukāmo katabhattakicco sudhotahatthapādo vivitte okāse supaññatte āsane nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So paṭhamajjhānaṃ samāpajjitvā vuṭṭhāya tattha saṅkhāre aniccato dukkhato anattato vipassati. Vipassanā panesā tividhā hoti – saṅkhārapariggaṇhanakavipassanā, phalasamāpattivipassanā, nirodhasamāpattivipassanāti. Tattha saṅkhārapariggaṇhanakavipassanā mandā vā hotu tikkhā vā, maggassa padaṭṭhānaṃ hotiyeva. Phalasamāpattivipassanā tikkhāva vaṭṭati maggabhāvanāsadisā. Nirodhasamāpattivipassanā pana nātimandā nātitikkhā vaṭṭati. Tasmā esa nātimandāya nātitikkhāya vipassanāya te saṅkhāre vipassati. Tato dutiyajjhānaṃ samāpajjitvā vuṭṭhāya tattha saṅkhāre tatheva vipassati. Tato tatiyajjhānaṃ…pe… tato viññāṇañcāyatanaṃ samāpajjitvā vuṭṭhāya tattha saṅkhāre tatheva vipassati. Atha ākiñcaññāyatanaṃ samāpajjitvā vuṭṭhāya catubbidhaṃ pubbakiccaṃ karoti – nānābaddhaavikopanaṃ, saṅghapaṭimānanaṃ, satthupakkosanaṃ, addhānaparicchedanti.
д̇ад̇т̇а наанааб̣ад̣̇д̇хаавигобананд̇и яам̣ иминаа бхигкунаа сад̣̇д̇хим̣ згааб̣ад̣̇д̇хам̣ на ход̇и, наанааб̣ад̣̇д̇хам̣ худ̇ваа тид̇ам̣ бад̇д̇ажийварам̣ ваа ман̃жабийтам̣ ваа ниваасаг̇зхам̣ ваа ан̃н̃ам̣ ваа бана гин̃жи баригкаараж̇аад̇ам̣, д̇ам̣ яат̇аа на вигуббад̇и, аг̇г̇иуд̣̇агаваад̇ажораунд̣̇уураад̣̇ийнам̣ васзна на винассад̇и, звам̣ ад̇хидтаад̇аб̣б̣ам̣. д̇ад̇рид̣̇ам̣ ад̇хидтаанавид̇хаанам̣ – ‘‘ид̣̇ан̃жид̣̇ан̃жа имасмим̣ сад̇д̇аахаб̣бханд̇арз маа аг̇г̇инаа жхааяад̇у, маа уд̣̇агзна вуяхад̇у, маа ваад̇зна вид̣̇д̇хам̣сад̇у, маа жорзхи харийяад̇у, маа унд̣̇уураад̣̇ийхи каж̇ж̇ад̇уу’’д̇и. звам̣ ад̇хидтид̇з д̇ам̣ сад̇д̇аахам̣ д̇асса на гожи бариссаяо ход̇и, анад̇хидтахад̇о бана аг̇г̇иаад̣̇ийхи винассад̇и. ид̣̇ам̣ наанааб̣ад̣̇д̇хаавигобанам̣ наама. яам̣ бана згааб̣ад̣̇д̇хам̣ ход̇и ниваасанабаарубанам̣ ваа нисиннаасанам̣ ваа, д̇ад̇т̇а висум̣ ад̇хидтаанагижжам̣ над̇т̇и, самаабад̇д̇иязва нам̣ рагкад̇и.
Tattha nānābaddhaavikopananti yaṃ iminā bhikkhunā saddhiṃ ekābaddhaṃ na hoti, nānābaddhaṃ hutvā ṭhitaṃ pattacīvaraṃ vā mañcapīṭhaṃ vā nivāsagehaṃ vā aññaṃ vā pana kiñci parikkhārajātaṃ, taṃ yathā na vikuppati, aggiudakavātacoraundūrādīnaṃ vasena na vinassati, evaṃ adhiṭṭhātabbaṃ. Tatridaṃ adhiṭṭhānavidhānaṃ – ‘‘idañcidañca imasmiṃ sattāhabbhantare mā agginā jhāyatu, mā udakena vuyhatu, mā vātena viddhaṃsatu, mā corehi harīyatu, mā undūrādīhi khajjatū’’ti. Evaṃ adhiṭṭhite taṃ sattāhaṃ tassa na koci parissayo hoti, anadhiṭṭhahato pana aggiādīhi vinassati. Idaṃ nānābaddhaavikopanaṃ nāma. Yaṃ pana ekābaddhaṃ hoti nivāsanapārupanaṃ vā nisinnāsanaṃ vā, tattha visuṃ adhiṭṭhānakiccaṃ natthi, samāpattiyeva naṃ rakkhati.
сан̇гхабадимаанананд̇и бхигкусан̇гхасса бадимаананам̣ уд̣̇игканам̣. яаава зсо бхигку ааг̇ажчад̇и, д̇аава сан̇гхагаммасса агаран̣анд̇и ад̇т̇о. зд̇т̇а жа на бадимаананам̣ зд̇асса буб̣б̣агижжам̣, бадимаананааваж̇ж̇анам̣ бана буб̣б̣агижжам̣. д̇асмаа звам̣ ааваж̇ж̇ид̇аб̣б̣ам̣ – ‘‘сажз маяи сад̇д̇аахам̣ нирод̇хам̣ самаабаж̇ж̇ид̇ваа нисиннз сан̇гхо абалоганагаммаад̣̇ийсу гин̃жид̣̇зва гаммам̣ гад̇д̇угаамо ход̇и, яаава мам̣ гожи бхигку ааг̇анд̇ваа на баггосад̇и, д̇аавад̣̇зва вудтахиссаамий’’д̇и. звам̣ гад̇ваа самаабанно хи д̇асмим̣ самаяз вудтаад̇иязва. яо бана звам̣ на гарод̇и, сан̇гхо жа саннибад̇ид̇ваа д̇ам̣ абассанд̇о ‘‘асуго бхигку гухи’’нд̇и бужчид̇ваа ‘‘нирод̇хам̣ самаабанно’’д̇и вуд̇д̇з ган̃жи бхигкум̣ бзсзд̇и ‘‘г̇ажча д̇ам̣ сан̇гхасса важанзна баггосаа’’д̇и. ат̇асса д̇зна бхигкунаа савануубажаарз тад̇ваа ‘‘сан̇гхо д̇ам̣ аавусо бадимаанзд̇ий’’д̇и вуд̇д̇амад̇д̇зязва вудтаанам̣ ход̇и. звам̣г̇аругаа хи сан̇гхасса аан̣аа наама. д̇асмаа д̇ам̣ ааваж̇ж̇ид̇ваа яат̇аа саяамзва вудтаад̇и, звам̣ самаабаж̇ж̇ид̇аб̣б̣ам̣.
Saṅghapaṭimānananti bhikkhusaṅghassa paṭimānanaṃ udikkhanaṃ. Yāva eso bhikkhu āgacchati, tāva saṅghakammassa akaraṇanti attho. Ettha ca na paṭimānanaṃ etassa pubbakiccaṃ, paṭimānanāvajjanaṃ pana pubbakiccaṃ. Tasmā evaṃ āvajjitabbaṃ – ‘‘sace mayi sattāhaṃ nirodhaṃ samāpajjitvā nisinne saṅgho apalokanakammādīsu kiñcideva kammaṃ kattukāmo hoti, yāva maṃ koci bhikkhu āgantvā na pakkosati, tāvadeva vuṭṭhahissāmī’’ti. Evaṃ katvā samāpanno hi tasmiṃ samaye vuṭṭhātiyeva. Yo pana evaṃ na karoti, saṅgho ca sannipatitvā taṃ apassanto ‘‘asuko bhikkhu kuhi’’nti pucchitvā ‘‘nirodhaṃ samāpanno’’ti vutte kañci bhikkhuṃ peseti ‘‘gaccha taṃ saṅghassa vacanena pakkosā’’ti. Athassa tena bhikkhunā savanūpacāre ṭhatvā ‘‘saṅgho taṃ āvuso paṭimānetī’’ti vuttamatteyeva vuṭṭhānaṃ hoti. Evaṃgarukā hi saṅghassa āṇā nāma. Tasmā taṃ āvajjitvā yathā sayameva vuṭṭhāti, evaṃ samāpajjitabbaṃ.
сад̇т̇убаггосананд̇и ид̇хааби сад̇т̇убаггосанааваж̇ж̇анамзва имасса буб̣б̣агижжам̣. д̇асмаа д̇амби звам̣ ааваж̇ж̇ид̇аб̣б̣ам̣ – ‘‘сажз маяи сад̇д̇аахам̣ нирод̇хам̣ самаабаж̇ж̇ид̇ваа нисиннз сад̇т̇аа од̇ин̣н̣з вад̇т̇усмим̣ сигкаабад̣̇ам̣ ваа бан̃н̃абзд̇и, д̇ат̇ааруубааяа ваа адтуббад̇д̇ияаа д̇хаммам̣ д̣̇зсзд̇и. яаава мам̣ гожи ааг̇анд̇ваа на баггосад̇и, д̇аавад̣̇зва вудтахиссаамий’’д̇и. звам̣ гад̇ваа нисинно хи д̇асмим̣ самаяз вудтаад̇иязва. яо бана звам̣ на гарод̇и, сад̇т̇аа жа сан̇гхз саннибад̇ид̇з д̇ам̣ абассанд̇о ‘‘асуго бхигку гухи’’нд̇и бужчид̇ваа ‘‘нирод̇хам̣ самаабанно’’д̇и вуд̇д̇з ган̃жи бхигкум̣ бзсзд̇и ‘‘г̇ажча д̇ам̣ мама важанзна баггосаа’’д̇и. ат̇асса д̇зна бхигкунаа савануубажаарз тад̇ваа сад̇т̇аа ааяасманд̇ам̣ ааманд̇зд̇ий’’д̇и вуд̇д̇амад̇д̇зязва вудтаанам̣ ход̇и. звам̣г̇аруган̃хи сад̇т̇убаггосанам̣. д̇асмаа д̇ам̣ ааваж̇ж̇ид̇ваа яат̇аа саяамзва вудтаад̇и, звам̣ самаабаж̇ж̇ид̇аб̣б̣ам̣.
Satthupakkosananti idhāpi satthupakkosanāvajjanameva imassa pubbakiccaṃ. Tasmā tampi evaṃ āvajjitabbaṃ – ‘‘sace mayi sattāhaṃ nirodhaṃ samāpajjitvā nisinne satthā otiṇṇe vatthusmiṃ sikkhāpadaṃ vā paññapeti, tathārūpāya vā aṭṭhuppattiyā dhammaṃ deseti. Yāva maṃ koci āgantvā na pakkosati, tāvadeva vuṭṭhahissāmī’’ti. Evaṃ katvā nisinno hi tasmiṃ samaye vuṭṭhātiyeva. Yo pana evaṃ na karoti, satthā ca saṅghe sannipatite taṃ apassanto ‘‘asuko bhikkhu kuhi’’nti pucchitvā ‘‘nirodhaṃ samāpanno’’ti vutte kañci bhikkhuṃ peseti ‘‘gaccha taṃ mama vacanena pakkosā’’ti. Athassa tena bhikkhunā savanūpacāre ṭhatvā satthā āyasmantaṃ āmantetī’’ti vuttamatteyeva vuṭṭhānaṃ hoti. Evaṃgarukañhi satthupakkosanaṃ. Tasmā taṃ āvajjitvā yathā sayameva vuṭṭhāti, evaṃ samāpajjitabbaṃ.
ад̣̇д̇хаанабарижчзд̣̇од̇и ж̇ийвид̇ад̣̇д̇хаанасса барижчзд̣̇о. иминаа хи бхигкунаа ад̣̇д̇хаанабарижчзд̣̇з гусалзна бхавид̇аб̣б̣ам̣. ‘‘ад̇д̇ано ааяусан̇каараа сад̇д̇аахам̣ бавад̇д̇иссанд̇и, на бавад̇д̇иссанд̇ий’’д̇и ааваж̇ж̇ид̇ваава самаабаж̇ж̇ид̇аб̣б̣ам̣. сажз хи сад̇д̇аахаб̣бханд̇арз нируж̇жханагз ааяусан̇каарз анааваж̇ж̇ид̇ваава самаабаж̇ж̇ад̇и, д̇асса нирод̇хасамаабад̇д̇и маран̣ам̣ бадиб̣аахид̇ум̣ на саггод̇и. анд̇онирод̇хз маран̣асса над̇т̇ид̇ааяа анд̇араава самаабад̇д̇ид̇о вудтаад̇и, д̇асмаа зд̇ам̣ ааваж̇ж̇ид̇ваава самаабаж̇ж̇ид̇аб̣б̣ам̣. авасзсан̃хи анааваж̇ж̇ид̇умби ваддад̇и, ид̣̇ам̣ бана ааваж̇ж̇ид̇аб̣б̣амзваад̇и вуд̇д̇ам̣. со звам̣ аагин̃жан̃н̃ааяад̇анам̣ самаабаж̇ж̇ид̇ваа вудтааяа имам̣ буб̣б̣агижжам̣ гад̇ваа нзвасан̃н̃аанаасан̃н̃ааяад̇анам̣ самаабаж̇ж̇ад̇и. ат̇згам̣ ваа д̣̇вз ваа жид̇д̇аваарз ад̇иггамид̇ваа ажид̇д̇аго ход̇и, нирод̇хам̣ пусад̇и. гасмаа банасса д̣̇виннам̣ жид̇д̇аанам̣ убари жид̇д̇аани наббавад̇д̇анд̇ийд̇и? нирод̇хасса баяог̇ад̇д̇аа. ид̣̇ан̃хи имасса бхигкуно д̣̇вз самат̇авибассанаад̇хаммз яуг̇анад̣̇д̇хз гад̇ваа адтасамаабад̇д̇иаароханам̣ анубуб̣б̣анирод̇хасса баяог̇о, на нзвасан̃н̃аанаасан̃н̃ааяад̇анасамаабад̇д̇ияаад̇и нирод̇хасса баяог̇ад̇д̇аа д̣̇виннам̣ жид̇д̇аанам̣ убари наббавад̇д̇анд̇и.
Addhānaparicchedoti jīvitaddhānassa paricchedo. Iminā hi bhikkhunā addhānaparicchede kusalena bhavitabbaṃ. ‘‘Attano āyusaṅkhārā sattāhaṃ pavattissanti, na pavattissantī’’ti āvajjitvāva samāpajjitabbaṃ. Sace hi sattāhabbhantare nirujjhanake āyusaṅkhāre anāvajjitvāva samāpajjati, tassa nirodhasamāpatti maraṇaṃ paṭibāhituṃ na sakkoti. Antonirodhe maraṇassa natthitāya antarāva samāpattito vuṭṭhāti, tasmā etaṃ āvajjitvāva samāpajjitabbaṃ. Avasesañhi anāvajjitumpi vaṭṭati, idaṃ pana āvajjitabbamevāti vuttaṃ. So evaṃ ākiñcaññāyatanaṃ samāpajjitvā vuṭṭhāya imaṃ pubbakiccaṃ katvā nevasaññānāsaññāyatanaṃ samāpajjati. Athekaṃ vā dve vā cittavāre atikkamitvā acittako hoti, nirodhaṃ phusati. Kasmā panassa dvinnaṃ cittānaṃ upari cittāni nappavattantīti? Nirodhassa payogattā. Idañhi imassa bhikkhuno dve samathavipassanādhamme yuganaddhe katvā aṭṭhasamāpattiārohanaṃ anupubbanirodhassa payogo, na nevasaññānāsaññāyatanasamāpattiyāti nirodhassa payogattā dvinnaṃ cittānaṃ upari nappavattanti.
гат̇ам̣ таананд̇и? звам̣ самаабаннааяа банассаа гаалабарижчзд̣̇авасзна жзва анд̇араа ааяугкаяасан̇гхабадимаананасад̇т̇убаггосанаабхаавзна жа таанам̣ ход̇и.
Kathaṃ ṭhānanti? Evaṃ samāpannāya panassā kālaparicchedavasena ceva antarā āyukkhayasaṅghapaṭimānanasatthupakkosanābhāvena ca ṭhānaṃ hoti.
гат̇ам̣ вудтаананд̇и? анааг̇аамисса анааг̇аамипаласамаабад̇д̇ияаа арахад̇о арахад̇д̇апаласамаабад̇д̇ияаад̇и звам̣ д̣̇взд̇хаа вудтаанам̣ ход̇и.
Kathaṃ vuṭṭhānanti? Anāgāmissa anāgāmiphalasamāpattiyā arahato arahattaphalasamāpattiyāti evaṃ dvedhā vuṭṭhānaṃ hoti.
вудтид̇асса гинниннам̣ жид̇д̇ам̣ ход̇ийд̇и? ниб̣б̣аананиннам̣. вуд̇д̇ан̃хзд̇ам̣ – ‘‘сан̃н̃аавзд̣̇аяид̇анирод̇хасамаабад̇д̇ияаа вудтид̇асса ко, аавусо висаака, бхигкуно вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхаара’’нд̇и (ма. ни. 1.464).
Vuṭṭhitassa kinninnaṃ cittaṃ hotīti? Nibbānaninnaṃ. Vuttañhetaṃ – ‘‘saññāvedayitanirodhasamāpattiyā vuṭṭhitassa kho, āvuso visākha, bhikkhuno vivekaninnaṃ cittaṃ hoti vivekapoṇaṃ vivekapabbhāra’’nti (ma. ni. 1.464).
мад̇асса жа самаабаннасса жа го висзсод̇и? аяамби ад̇т̇о суд̇д̇з вуд̇д̇оязва. яат̇ааха – ‘‘яо жааяам̣, аавусо, мад̇о гаалан̇гад̇о, д̇асса гааяасан̇каараа нируд̣̇д̇хаа бадиббассад̣̇д̇хаа, важийсан̇каараа, жид̇д̇асан̇каараа нируд̣̇д̇хаа бадиббассад̣̇д̇хаа, ааяу баригкийн̣о, усмаа вуубасанд̇аа, инд̣̇рияаани барибхиннаани. явааяам̣ бхигку сан̃н̃аавзд̣̇аяид̇анирод̇хам̣ самаабанно, д̇ассаби гааяасан̇каараа нируд̣̇д̇хаа бадиббассад̣̇д̇хаа, важийсан̇каараа, жид̇д̇асан̇каараа нируд̣̇д̇хаа бадиббассад̣̇д̇хаа, ааяу абаригкийн̣о, усмаа авуубасанд̇аа, инд̣̇рияаани абарибхиннааний’’д̇и (ма. ни. 1.457).
Matassa ca samāpannassa ca ko visesoti? Ayampi attho sutte vuttoyeva. Yathāha – ‘‘yo cāyaṃ, āvuso, mato kālaṅkato, tassa kāyasaṅkhārā niruddhā paṭippassaddhā, vacīsaṅkhārā, cittasaṅkhārā niruddhā paṭippassaddhā, āyu parikkhīṇo, usmā vūpasantā, indriyāni paribhinnāni. Yvāyaṃ bhikkhu saññāvedayitanirodhaṃ samāpanno, tassapi kāyasaṅkhārā niruddhā paṭippassaddhā, vacīsaṅkhārā, cittasaṅkhārā niruddhā paṭippassaddhā, āyu aparikkhīṇo, usmā avūpasantā, indriyāni aparibhinnānī’’ti (ma. ni. 1.457).
нирод̇хасамаабад̇д̇и гим̣ сан̇кад̇аад̇иаад̣̇ибужчааяам̣ бана ‘‘сан̇кад̇аа’’д̇иби ‘‘асан̇кад̇аа’’д̇иби ‘‘логияаа’’д̇иби ‘‘логуд̇д̇араа’’д̇иби на вад̇д̇аб̣б̣аа. гасмаа? сабхаавад̇о над̇т̇ид̇ааяа. яасмаа бана самаабаж̇ж̇анд̇асса васзна самаабанно наама ход̇и, д̇асмаа нибпаннаад̇и вад̇д̇ум̣ ваддад̇и, но анибпаннаад̇и.
Nirodhasamāpatti kiṃ saṅkhatātiādipucchāyaṃ pana ‘‘saṅkhatā’’tipi ‘‘asaṅkhatā’’tipi ‘‘lokiyā’’tipi ‘‘lokuttarā’’tipi na vattabbā. Kasmā? Sabhāvato natthitāya. Yasmā pana samāpajjantassa vasena samāpanno nāma hoti, tasmā nipphannāti vattuṃ vaṭṭati, no anipphannāti.
‘‘ид̇и санд̇аа самаабад̇д̇и, аяам̣ арияанисзвид̇аа;
‘‘Iti santā samāpatti, ayaṃ ariyanisevitā;
д̣̇идтзва д̇хаммз ниб̣б̣аанамид̇и сан̇камубааг̇ад̇аа’’д̇и.
Diṭṭheva dhamme nibbānamiti saṅkhamupāgatā’’ti.
нирод̇хасамаабад̇д̇ин̃аан̣анид̣̇д̣̇зсаван̣н̣анаа нидтид̇аа.
Nirodhasamāpattiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 34. нирод̇хасамаабад̇д̇ин̃аан̣анид̣̇д̣̇зсо • 34. Nirodhasamāpattiñāṇaniddeso
