| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
5. нисийд̣̇анасант̇ад̇асигкаабад̣̇аван̣н̣анаа
5. Nisīdanasanthatasikkhāpadavaṇṇanā
565. д̇зна самаязнаад̇и нисийд̣̇анасант̇ад̇асигкаабад̣̇ам̣. д̇ад̇т̇а ижчаамахам̣ бхигкавзд̇и бхаг̇аваа гира д̇ам̣ д̇змаасам̣ на гин̃жи б̣од̇ханзяяасад̇д̇ам̣ ад̣̇д̣̇аса, д̇асмаа звамааха. звам̣ санд̇зби д̇анд̇ивасзна д̇хаммад̣̇зсанаа гад̇д̇аб̣б̣аа сияаа. яасмаа банасса зд̇ад̣̇ахоси – ‘‘маяи огаасам̣ гаарзд̇ваа бадисаллийнз бхигкуу ад̇хаммигам̣ гад̇игавад̇д̇ам̣ гариссанд̇и, д̇ам̣ убасзно бхинд̣̇иссад̇и. ахам̣ д̇асса басийд̣̇ид̇ваа бхигкуунам̣ д̣̇ассанам̣ ануж̇ааниссаами, д̇ад̇о мам̣ бассид̇угаамаа б̣ахуу бхигкуу д̇худ̇ан̇г̇аани самаад̣̇ияиссанд̇и, ахан̃жа д̇зхи уж̇жхид̇асант̇ад̇абажжаяаа сигкаабад̣̇ам̣ бан̃н̃абзссаамий’’д̇и, д̇асмаа звамааха. звам̣ б̣ахууни хи зд̇т̇а аанисам̣саанийд̇и.
565.Tena samayenāti nisīdanasanthatasikkhāpadaṃ. Tattha icchāmahaṃ bhikkhaveti bhagavā kira taṃ temāsaṃ na kiñci bodhaneyyasattaṃ addasa, tasmā evamāha. Evaṃ santepi tantivasena dhammadesanā kattabbā siyā. Yasmā panassa etadahosi – ‘‘mayi okāsaṃ kāretvā paṭisallīne bhikkhū adhammikaṃ katikavattaṃ karissanti, taṃ upaseno bhindissati. Ahaṃ tassa pasīditvā bhikkhūnaṃ dassanaṃ anujānissāmi, tato maṃ passitukāmā bahū bhikkhū dhutaṅgāni samādiyissanti, ahañca tehi ujjhitasanthatapaccayā sikkhāpadaṃ paññapessāmī’’ti, tasmā evamāha. Evaṃ bahūni hi ettha ānisaṃsānīti.
сабарисо язна бхаг̇аваа д̇знубасан̇гамийд̇и т̇зро гира ‘‘на, бхигкавз, уунад̣̇асавассзна убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаа’’д̇и (махаава. 75) имасмим̣ канд̇хагасигкаабад̣̇з ‘‘гат̇ан̃хи наама д̇вам̣ могхабуриса ан̃н̃зхи овад̣̇ияо анусаасияо ан̃н̃ам̣ овад̣̇ид̇ум̣ анусаасид̇ум̣ ман̃н̃иссасий’’д̇и звамаад̣̇инаа наязна г̇арахам̣ лабхид̇ваа ‘‘сад̇т̇аа маяхам̣ барисам̣ ниссааяа г̇арахам̣ ад̣̇ааси, со д̣̇аанаахам̣ бхаг̇аванд̇ам̣ д̇знзва бун̣н̣ажанд̣̇асассирийгзна саб̣б̣аагаарабарибун̣н̣зна мукзна б̣рахмагхосам̣ нижчаарзд̇ваа барисам̣язва ниссааяа саад̇хугаарам̣ д̣̇аабзссаамий’’д̇и сухад̣̇аяо гулабуд̇д̇о ад̇ирзгаяож̇анасад̇ам̣ бадиггамид̇ваа барисам̣ жинид̇ваа бан̃жамад̇д̇зхи бхигкусад̇зхи баривуд̇о буна бхаг̇аванд̇ам̣ убасан̇гаманд̇о. д̇зна вуд̇д̇ам̣ – ‘‘сабарисо язна бхаг̇аваа д̇знубасан̇гамий’’д̇и. на хи саггаа б̣уд̣̇д̇хаанам̣ ан̃н̃ат̇аа аараад̇хзд̇ум̣ ан̃н̃ад̇ра вад̇д̇асамбад̇д̇ияаа.
Sapariso yena bhagavā tenupasaṅkamīti thero kira ‘‘na, bhikkhave, ūnadasavassena upasampādetabbo, yo upasampādeyya, āpatti dukkaṭassā’’ti (mahāva. 75) imasmiṃ khandhakasikkhāpade ‘‘kathañhi nāma tvaṃ moghapurisa aññehi ovadiyo anusāsiyo aññaṃ ovadituṃ anusāsituṃ maññissasī’’ti evamādinā nayena garahaṃ labhitvā ‘‘satthā mayhaṃ parisaṃ nissāya garahaṃ adāsi, so dānāhaṃ bhagavantaṃ teneva puṇṇacandasassirīkena sabbākāraparipuṇṇena mukhena brahmaghosaṃ nicchāretvā parisaṃyeva nissāya sādhukāraṃ dāpessāmī’’ti suhadayo kulaputto atirekayojanasataṃ paṭikkamitvā parisaṃ cinitvā pañcamattehi bhikkhusatehi parivuto puna bhagavantaṃ upasaṅkamanto. Tena vuttaṃ – ‘‘sapariso yena bhagavā tenupasaṅkamī’’ti. Na hi sakkā buddhānaṃ aññathā ārādhetuṃ aññatra vattasampattiyā.
бхаг̇авад̇о авид̣̇уурз нисиннод̇и вад̇д̇асамбад̇д̇ияаа барисуд̣̇д̇хабхаавзна нираасан̇го сийхо вияа ган̃жанабаб̣б̣ад̇асса бхаг̇авад̇о авид̣̇уурз нисинно. зд̇ад̣̇авожаад̇и гат̇аасамудтаабанад̇т̇ам̣ зд̇ам̣ авожа. манаабаани д̇з бхигку бам̣сугуулаанийд̇и бхигку д̇ава имаани бам̣сугуулаани манаабаани, ад̇д̇ано ружияаа канд̇ияаа г̇ахид̇аанийд̇и ад̇т̇о. на ко мз, бханд̇з, манаабаанийд̇и, бханд̇з на маяаа ад̇д̇ано ружияаа г̇ахид̇аани, г̇алаг̇г̇аахзна вияа мад̇т̇агад̇аал̣анзна вияа жа г̇аахид̇омхийд̇и д̣̇ассзд̇и.
Bhagavatoavidūre nisinnoti vattasampattiyā parisuddhabhāvena nirāsaṅko sīho viya kañcanapabbatassa bhagavato avidūre nisinno. Etadavocāti kathāsamuṭṭhāpanatthaṃ etaṃ avoca. Manāpāni te bhikkhu paṃsukūlānīti bhikkhu tava imāni paṃsukūlāni manāpāni, attano ruciyā khantiyā gahitānīti attho. Na kho me, bhante, manāpānīti, bhante na mayā attano ruciyā gahitāni, galaggāhena viya matthakatāḷanena viya ca gāhitomhīti dasseti.
бан̃н̃ааяиссад̇ийд̇и бан̃н̃аад̇о абхин̃н̃аад̇о бхависсад̇и, д̇ад̇т̇а санд̣̇иссиссад̇ийд̇и вуд̇д̇ам̣ ход̇и. на маяам̣ абан̃н̃ад̇д̇ам̣ бан̃н̃абзссаамаад̇и маяам̣ саавагаа наама абан̃н̃ад̇д̇ам̣ на бан̃н̃абзссаама, б̣уд̣̇д̇хависаяо хи зсо яад̣̇ид̣̇ам̣ ‘‘баажид̇д̇ияам̣ д̣̇уггада’’нд̇иаад̣̇инаа наязна абан̃н̃ад̇д̇асигкаабад̣̇абан̃н̃абанам̣ бан̃н̃ад̇д̇асамужчинд̣̇анам̣ ваа. самаад̣̇ааяаад̇и д̇ам̣ д̇ам̣ сигкаабад̣̇ам̣ самаад̣̇ияид̇ваа, ‘‘саад̇ху судтуу’’д̇и самбадижчид̇ваа яат̇аабан̃н̃ад̇д̇зсу саб̣б̣асигкаабад̣̇зсу сигкиссаамаад̇и д̣̇ассзд̇и. д̇асса аарад̣̇д̇хажид̇д̇о бунаби ‘‘саад̇ху саад̇хуу’’д̇и саад̇хугаарамад̣̇ааси.
Paññāyissatīti paññāto abhiññāto bhavissati, tattha sandississatīti vuttaṃ hoti. Na mayaṃ apaññattaṃ paññapessāmāti mayaṃ sāvakā nāma apaññattaṃ na paññapessāma, buddhavisayo hi eso yadidaṃ ‘‘pācittiyaṃ dukkaṭa’’ntiādinā nayena apaññattasikkhāpadapaññapanaṃ paññattasamucchindanaṃ vā. Samādāyāti taṃ taṃ sikkhāpadaṃ samādiyitvā, ‘‘sādhu suṭṭhū’’ti sampaṭicchitvā yathāpaññattesu sabbasikkhāpadesu sikkhissāmāti dasseti. Tassa āraddhacitto punapi ‘‘sādhu sādhū’’ti sādhukāramadāsi.
566. анун̃н̃аад̇аавусод̇и анун̃н̃аад̇ам̣, аавусо. бихзнд̇аад̇и бихаяанд̇аа. сант̇ад̇аани уж̇жхид̇ваад̇и сант̇ад̇з жад̇уд̇т̇ажийварасан̃н̃ид̇ааяа саб̣б̣асант̇ад̇аани уж̇жхид̇ваа. д̇хаммим̣ гат̇ам̣ гад̇ваа бхигкуу ааманд̇зсийд̇и бхаг̇аваа сант̇ад̇аани виббагин̣н̣аани д̣̇исваа ‘‘сад̣̇д̇хаад̣̇зяяавинибаад̇анз гааран̣ам̣ над̇т̇и, барибхог̇убааяам̣ нзсам̣ д̣̇ассзссаамий’’д̇и д̇хаммим̣ гат̇ам̣ гад̇ваа бхигкуу ааманд̇зси.
566.Anuññātāvusoti anuññātaṃ, āvuso. Pihentāti pihayantā. Santhatāni ujjhitvāti santhate catutthacīvarasaññitāya sabbasanthatāni ujjhitvā. Dhammiṃ kathaṃ katvā bhikkhū āmantesīti bhagavā santhatāni vippakiṇṇāni disvā ‘‘saddhādeyyavinipātane kāraṇaṃ natthi, paribhogupāyaṃ nesaṃ dassessāmī’’ti dhammiṃ kathaṃ katvā bhikkhū āmantesi.
567. сагим̣ нивад̇т̇амби сагим̣ бааруд̇амбийд̇и сагим̣ нисиннан̃жзва нибаннан̃жа. сааманд̇аад̇и згабассад̇о ваддам̣ ваа жад̇урассам̣ ваа чинд̣̇ид̇ваа г̇ахид̇адтаанам̣ яат̇аа вид̣̇ад̇т̇имад̇д̇ам̣ ход̇и, звам̣ г̇ахзд̇аб̣б̣ам̣, сант̇аранд̇зна бана баал̣ияам̣ вуд̇д̇анаязнзва згад̣̇зсз ваа сант̇арид̇аб̣б̣ам̣, виж̇адзд̇ваа ваа миссагам̣ гад̇ваа сант̇арид̇аб̣б̣ам̣, звам̣ т̇ирад̇арам̣ ход̇ийд̇и. сзсам̣ уд̇д̇аанад̇т̇амзва.
567.Sakiṃ nivatthampi sakiṃ pārutampīti sakiṃ nisinnañceva nipannañca. Sāmantāti ekapassato vaṭṭaṃ vā caturassaṃ vā chinditvā gahitaṭṭhānaṃ yathā vidatthimattaṃ hoti, evaṃ gahetabbaṃ, santharantena pana pāḷiyaṃ vuttanayeneva ekadese vā santharitabbaṃ, vijaṭetvā vā missakaṃ katvā santharitabbaṃ, evaṃ thirataraṃ hotīti. Sesaṃ uttānatthameva.
самудтаанаад̣̇ийни гирияаагирияад̇д̇аа имасса сигкаабад̣̇асса д̣̇взбхааг̇асигкаабад̣̇асад̣̇исаанийд̇и.
Samuṭṭhānādīni kiriyākiriyattā imassa sikkhāpadassa dvebhāgasikkhāpadasadisānīti.
имзсу бана бан̃жасу сант̇ад̇зсу буримаани д̇ийн̣и винаяагаммам̣ гад̇ваа бадилабхид̇ваа барибхун̃ж̇ид̇ум̣ на вадданд̇и, бажчимаани д̣̇вз вадданд̇ийд̇и взд̣̇ид̇аб̣б̣аанийд̇и.
Imesu pana pañcasu santhatesu purimāni tīṇi vinayakammaṃ katvā paṭilabhitvā paribhuñjituṃ na vaṭṭanti, pacchimāni dve vaṭṭantīti veditabbānīti.
нисийд̣̇анасант̇ад̇асигкаабад̣̇аван̣н̣анаа нидтид̇аа.
Nisīdanasanthatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. нисийд̣̇анасант̇ад̇асигкаабад̣̇ам̣ • 5. Nisīdanasanthatasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
