| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੫. ਨਿਸੀਦਨਸਨ੍ਥਤਸਿਕ੍ਖਾਪਦવਣ੍ਣਨਾ
5. Nisīdanasanthatasikkhāpadavaṇṇanā
੫੬੫-੬. ਨਿਸੀਦਨਸਨ੍ਥਤਸਿਕ੍ਖਾਪਦੇ ਪਨ ਪਞ੍ਞਾਯਿਸ੍ਸਤੀਤਿ ਸਚੇ ਸਾ ਕਤਿਕਾ ਮਨਾਪਾ ਭવਿਸ੍ਸਤਿ, ਮਨਾਪਤਾਯ ਭਿਕ੍ਖੁਸਙ੍ਘੋ ਸਨ੍ਦਿਸ੍ਸਿਸ੍ਸਤਿ। ਸਚੇ ਅਮਨਾਪਾ, ਅਮਨਾਪਤਾਯ ਸਨ੍ਦਿਸ੍ਸਿਸ੍ਸਤੀਤਿ ਅਧਿਪ੍ਪਾਯੋ, ਆਰਞ੍ਞਕਙ੍ਗਾਦੀਨਿ ਤੀਣਿ ਪਾਲ਼ਿਯਂ ਪਧਾਨਙ੍ਗવਸੇਨ વੁਤ੍ਤਾਨਿ, ਸੇਸਾਨਿਪਿ ਤੇ ਸਮਾਦਿਯਿਂਸੁਯੇવਾਤਿ વੇਦਿਤਬ੍ਬਂ। ਤੇਨੇવਾਹ ‘‘ਸਨ੍ਥਤੇ ਚਤੁਤ੍ਥਚੀવਰਸਞ੍ਞਿਤਾਯਾ’’ਤਿ। ਉਜ੍ਝਿਤ੍વਾਤਿ વਿਸ੍ਸਜ੍ਜੇਤ੍વਾ।
565-6. Nisīdanasanthatasikkhāpade pana paññāyissatīti sace sā katikā manāpā bhavissati, manāpatāya bhikkhusaṅgho sandississati. Sace amanāpā, amanāpatāya sandississatīti adhippāyo, āraññakaṅgādīni tīṇi pāḷiyaṃ padhānaṅgavasena vuttāni, sesānipi te samādiyiṃsuyevāti veditabbaṃ. Tenevāha ‘‘santhate catutthacīvarasaññitāyā’’ti. Ujjhitvāti vissajjetvā.
੫੬੭. ਨਿਸੀਦਨਸਨ੍ਥਤਤ੍ਤਾ ਨਿવਾਸਨਪਾਰੁਪਨਕਿਚ੍ਚਂ ਨਤ੍ਥੀਤਿ ਆਹ ‘‘ਸਕਿਂ ਨਿਸਿਨ੍ਨਞ੍ਚੇવ ਨਿਪਨ੍ਨਞ੍ਚਾ’’ਤਿ । વਿਦਤ੍ਥਿਮਤ੍ਤਨ੍ਤਿ ਸੁਗਤવਿਦਤ੍ਥਿਂ ਸਨ੍ਧਾਯ વਦਤਿ। ਇਦਞ੍ਚ ਹੇਟ੍ਠਿਮਪਰਿਚ੍ਛੇਦਦਸ੍ਸਨਤ੍ਥਂ વੁਤ੍ਤਂ। ‘‘વਿਤਾਨਾਦੀਨਂਯੇવ ਅਤ੍ਥਾਯ ਕਰਣੇ ਅਨਾਪਤ੍ਤਿવਚਨਤੋ ਸਚੇ ਨਿਪਜ੍ਜਨਤ੍ਥਾਯ ਕਰੋਨ੍ਤਿ, ਆਪਤ੍ਤਿਯੇવਾ’’ਤਿ ਤੀਸੁਪਿ ਗਣ੍ਠਿਪਦੇਸੁ વੁਤ੍ਤਂ। ਅਕਪ੍ਪਿਯਤ੍ਤਾ ਪਨ ‘‘ਪਰਿਭੁਞ੍ਜਿਤੁਂ ਨ વਟ੍ਟਤੀ’’ਤਿ વੁਤ੍ਤਂ। ਇਦਞ੍ਚ ਨਿਸੀਦਨਸਨ੍ਥਤਂ ਨਾਮ ਨਿਸੀਦਨਚੀવਰਮੇવ, ਨਾਞ੍ਞਨ੍ਤਿ વਦਨ੍ਤਿ। ਨਿਸੀਦਨਸਿਕ੍ਖਾਪਦੇਪਿ ਨਿਸੀਦਨਂ ਨਾਮ ਸਦਸਂ વੁਚ੍ਚਤੀਤਿ ਚ ਅਟ੍ਠਕਥਾਯਞ੍ਚਸ੍ਸ ‘‘ਸਨ੍ਥਤਸਦਿਸਂ ਸਨ੍ਥਰਿਤ੍વਾ ਏਕਸ੍ਮਿਂ ਅਨ੍ਤੇ ਸੁਗਤવਿਦਤ੍ਥਿਯਾ વਿਦਤ੍ਥਿਮਤ੍ਤੇ ਪਦੇਸੇ ਦ੍વੀਸੁ ਠਾਨੇਸੁ ਫਾਲੇਤ੍વਾ ਤਿਸ੍ਸੋ ਦਸਾ ਕਰੀਯਨ੍ਤਿ, ਤਾਹਿ ਦਸਾਹਿ ਸਦਸਂ ਨਾਮ વੁਚ੍ਚਤੀ’’ਤਿ (ਪਾਚਿ॰ ਅਟ੍ਠ॰ ੫੩੧) વਚਨਤੋ ਇਧਾਪਿ ‘‘ਨਿਸੀਦਨਂ ਨਾਮ ਸਦਸਂ વੁਚ੍ਚਤੀ’’ਤਿ ਚ ‘‘ਸਨ੍ਥਤੇ ਚਤੁਤ੍ਥਚੀવਰਸਞ੍ਞਿਤਾਯਾ’’ਤਿ ਚ વਚਨਤੋ ਤਂ ਯੁਤ੍ਤਂ વਿਯ ਦਿਸ੍ਸਤਿ। ਕੇਚਿ ਪਨ ‘‘ਨਿਸੀਦਨਸਨ੍ਥਤਂ ਏਲ਼ਕਲੋਮਾਨਿ ਸਨ੍ਥਰਿਤ੍વਾ ਸਨ੍ਥਤਂ વਿਯ ਕਰੋਨ੍ਤਿ, ਤਂ ਅવਾਯਿਮਂ ਅਨਧਿਟ੍ਠਾਨੁਪਗਂ, ਨਿਸੀਦਨਚੀવਰਂ ਪਨ ਛਨ੍ਨਂ ਚੀવਰਾਨਂ ਅਞ੍ਞਤਰੇਨ ਕਰੋਤਿ ਅਧਿਟ੍ਠਾਨੁਪਗਂ, ਤਂ ਕਰੋਨ੍ਤਾ ਚ ਨਨ੍ਤਕਾਨਿ ਸਨ੍ਥਰਿਤ੍વਾ ਸਨ੍ਥਤਸਦਿਸਂ ਕਰੋਨ੍ਤੀ’’ਤਿ વਦਨ੍ਤਿ, વੀਮਂਸਿਤ੍વਾ ਯੁਤ੍ਤਤਰਂ ਗਹੇਤਬ੍ਬਂ।
567. Nisīdanasanthatattā nivāsanapārupanakiccaṃ natthīti āha ‘‘sakiṃ nisinnañceva nipannañcā’’ti . Vidatthimattanti sugatavidatthiṃ sandhāya vadati. Idañca heṭṭhimaparicchedadassanatthaṃ vuttaṃ. ‘‘Vitānādīnaṃyeva atthāya karaṇe anāpattivacanato sace nipajjanatthāya karonti, āpattiyevā’’ti tīsupi gaṇṭhipadesu vuttaṃ. Akappiyattā pana ‘‘paribhuñjituṃ na vaṭṭatī’’ti vuttaṃ. Idañca nisīdanasanthataṃ nāma nisīdanacīvarameva, nāññanti vadanti. Nisīdanasikkhāpadepi nisīdanaṃ nāma sadasaṃ vuccatīti ca aṭṭhakathāyañcassa ‘‘santhatasadisaṃ santharitvā ekasmiṃ ante sugatavidatthiyā vidatthimatte padese dvīsu ṭhānesu phāletvā tisso dasā karīyanti, tāhi dasāhi sadasaṃ nāma vuccatī’’ti (pāci. aṭṭha. 531) vacanato idhāpi ‘‘nisīdanaṃ nāma sadasaṃ vuccatī’’ti ca ‘‘santhate catutthacīvarasaññitāyā’’ti ca vacanato taṃ yuttaṃ viya dissati. Keci pana ‘‘nisīdanasanthataṃ eḷakalomāni santharitvā santhataṃ viya karonti, taṃ avāyimaṃ anadhiṭṭhānupagaṃ, nisīdanacīvaraṃ pana channaṃ cīvarānaṃ aññatarena karoti adhiṭṭhānupagaṃ, taṃ karontā ca nantakāni santharitvā santhatasadisaṃ karontī’’ti vadanti, vīmaṃsitvā yuttataraṃ gahetabbaṃ.
ਨਿਸੀਦਨਸਨ੍ਥਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nisīdanasanthatasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਨਿਸੀਦਨਸਨ੍ਥਤਸਿਕ੍ਖਾਪਦਂ • 5. Nisīdanasanthatasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਨਿਸੀਦਨਸਨ੍ਥਤਸਿਕ੍ਖਾਪਦવਣ੍ਣਨਾ • 5. Nisīdanasanthatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਨਿਸੀਦਨਸਨ੍ਥਤਸਿਕ੍ਖਾਪਦવਣ੍ਣਨਾ • 5. Nisīdanasanthatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਨਿਸੀਦਨਸਨ੍ਥਤਸਿਕ੍ਖਾਪਦવਣ੍ਣਨਾ • 5. Nisīdanasanthatasikkhāpadavaṇṇanā
