| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၇. နိသီဒနသိက္ခာပဒဝဏ္ဏနာ
7. Nisīdanasikkhāpadavaṇṇanā
ကိဉ္စာပိ နိသီဒနသ္သ ဇာတိ န ဒိသ္သတိ ဧတ္ထ, တထာပိ စီဝရက္ခန္ဓကေ အနုညာတတ္တာ, ‘‘နဝ စီဝရာနိ အဓိဋ္ဌာတဗ္ဗာနီ’’တိ ဧတ္ထ စ ပရိယာပန္နတ္တာ စီဝရဇာတိ ဧဝသ္သ ဇာတီတိ ဝေဒိတဗ္ဗံ။ ‘‘လာဘေ သဒသံ, အလာဘေ အဒသမ္ပိ ဝဋ္ဋတီ’’တိ ဧကေ, တံ န ယုတ္တံ ‘‘နိသီဒနံ နာမ သဒသံ ဝုစ္စတီ’’တိ (ပာစိ. ၅၃၁-၅၃၂) တသ္သ သဏ္ဌာနနိယမနတော။
Kiñcāpi nisīdanassa jāti na dissati ettha, tathāpi cīvarakkhandhake anuññātattā, ‘‘nava cīvarāni adhiṭṭhātabbānī’’ti ettha ca pariyāpannattā cīvarajāti evassa jātīti veditabbaṃ. ‘‘Lābhe sadasaṃ, alābhe adasampi vaṭṭatī’’ti eke, taṃ na yuttaṃ ‘‘nisīdanaṃ nāma sadasaṃ vuccatī’’ti (pāci. 531-532) tassa saṇṭhānaniyamanato.
နိသီဒနသိက္ခာပဒဝဏ္ဏနာ နိဋ္ဌိတာ။
Nisīdanasikkhāpadavaṇṇanā niṭṭhitā.
ရတနဝဂ္ဂော နဝမော။
Ratanavaggo navamo.
သုဒ္ဓပာစိတ္တိယဝဏ္ဏနာ နိဋ္ဌိတာ။
Suddhapācittiyavaṇṇanā niṭṭhitā.
